www.ranjithkumarak.blogspot.in
************************
**Dt.16.10.2018.
************************
സംസ്ഥാനത്തെ സ്‌കൂള്‍ ലൈബ്രറികളുടെ പ്രവര്‍ത്തനം സംബന്ധിച്ച് എസ്.സി.ഇ.ആര്‍.ടി ഗവേഷണ പഠനം സംഘടിപ്പിക്കും. മികച്ച രീതിയില്‍ പ്രവര്‍ത്തിക്കുന്ന സ്‌കൂള്‍ ലൈബ്രറികളെ സംബന്ധിച്ച വിവരങ്ങള്‍, ഗവേഷണ മാതൃകയിലുള്ള സ്‌കൂള്‍ ലൈബ്രറികളുടെ പ്രവര്‍ത്തനം എന്നിവ വിശകലനം ചെയ്തും പൊതുജനങ്ങളില്‍ നിന്നും അധ്യാപകരില്‍ നിന്നും വിവരങ്ങള്‍ ശേഖരിച്ചുമാണ് ഗവേഷണം. കണ്ടെത്തലുകള്‍ ക്രോഡീകരിച്ച് സ്‌കൂള്‍ ലൈബ്രറികളുടെ നവീകരണത്തിനുള്ള മാര്‍ഗരേഖ വികസിപ്പിക്കും. വേറിട്ട സ്‌കൂള്‍ ലൈബ്രറികളെ സംബന്ധിച്ചും മെച്ചപ്പെടുത്താനുള്ള നിര്‍ദേശങ്ങള്‍ സംബന്ധിച്ചുമുള്ള വിവരങ്ങള്‍ 26നു മുമ്പ് ഡയറക്ടര്‍, എസ്.സി.ഇ.ആര്‍.ടി, പൂജപ്പുര പി.ഒ, തിരുവനന്തപുരം 695012 എന്ന വിലാസത്തില്‍ ലഭ്യമാക്കണം. scertkerala@gmail.com എന്ന ഇമെയില്‍ വിലാസത്തിലും അഭിപ്രായങ്ങള്‍ അറിയിക്കാം. Dt.16.10.2018.
************************
സംസ്ഥാനത്തെ എട്ടുമുതല്‍ പന്ത്രണ്ട് വരെയുള്ള 45000 ക്ലാസ്മുറികള്‍ ഹൈടെക്കാക്കി മാറ്റിയതിന്റെ തുടര്‍ച്ചയായി ഒന്നു മുതല്‍ ഏഴു വരെ ക്ലാസുകളുള്ള മുഴുവന്‍ സ്‌കൂളുകളിലും ഹൈടെക് ലാബുകള്‍ സ്ഥാപിക്കുന്നതിനുള്ള 300 കോടി രൂപയുടെ വിശദ പ്രോജക്ട് റിപ്പോര്‍ട്ട് കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) തയ്യാറാക്കി. ഈ വര്‍ഷത്തെ ബഡ്ജറ്റില്‍ പ്രഖ്യാപിച്ച കിഫ്ബി ധനസഹായത്തോടെ നടപ്പാക്കേണ്ട പദ്ധതി ആറു മാസത്തിനകം പൂര്‍ത്തിയാക്കുന്ന തരത്തിലുള്ള റിപ്പോര്‍ട്ടാണ് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് സര്‍ക്കാരിലേക്ക് സമര്‍പ്പിച്ചത്. ഇതനുസരിച്ച് സര്‍ക്കാര്‍ എയിഡഡ് മേഖലകളില്‍ നിന്നുള്ള 5396 െ്രെപമറി, 2565 അപ്പര്‍ െ്രെപമറി, 1980ഹൈസ്‌കൂളിന്റെ ഭാഗമായുള്ള പ്രൈമറി അപ്പര്‍ പ്രൈമറി സ്‌കൂളുകള്‍ക്ക് രണ്ടു മുതല്‍ 20 വരെ ലാപ്‌ടോപ്പുകളും യു.എസ്.ബി സ്പീക്കറുകളും ഒന്നു മുതല്‍ പത്തു വരെ പ്രോജക്ടറുകളും, മള്‍ട്ടിഫംഗ്ഷന്‍ പ്രിന്റര്‍, 42'ഇഞ്ച് ടെലിവിഷന്‍ തുടങ്ങിയവ ലഭ്യമാക്കും. എല്ലാ സ്‌കൂളുകളിലും ബ്രോഡ്ബാന്‍ഡ് ഇന്റര്‍നെറ്റ് സംവിധാനം ഏര്‍പ്പെടുത്തും. ഒരു ഡിവിഷനില്‍ ശരാശരി ഏഴു കുട്ടികളുള്ള മുഴുവന്‍ സ്‌കൂളുകളും പദ്ധതിയ്ക്ക് കീഴില്‍ ഉള്‍പ്പെടുത്തിയിട്ടുണ്ട്. സ്‌പെഷ്യല്‍ സ്‌കൂളുകള്‍, െ്രെടബല്‍ മേഖലയിലെ സ്‌കൂളുകള്‍ തുടങ്ങിയവയെ നിബന്ധനകളില്‍ നിന്നൊഴിവാക്കി. കുട്ടികളുടെ എണ്ണത്തിനനുസരിച്ചാണ് ഉപകരണ വിന്യാസം. 9941 സ്‌കൂളുകളിലായി 65177 ലാപ്‌ടോപ്പുകളും, യു.എസ്.ബി സ്പീക്കറുകളും, 26549 മള്‍ട്ടിമീഡിയ പ്രൊജക്ടറുകളും, 5644 മള്‍ട്ടിഫംഗ്ഷന്‍ പ്രിന്ററുകളും, 3248 എണ്ണം 42 ഇഞ്ച് എല്‍.ഇ.ടി ടെലിവിഷനുകളും പ്രോജക്ടിന്റെ ഭാഗമായി വിന്യസിക്കും. എല്ലാ ഉപകരണങ്ങ ള്‍ക്കും അഞ്ചുവര്‍ഷ വാറണ്ടിയും ഇന്‍ഷുറന്‍സ് പരിരക്ഷയും നിഷ്‌കര്‍ഷിക്കുന്നുണ്ട്. പരാതി പരിഹാരത്തിനായി കോള്‍സെന്ററും, വെബ് പോര്‍ട്ടലും പ്രവര്‍ത്തിക്കും. ഹൈസ്‌കൂള്‍തലത്തില്‍ നടപ്പാക്കിയപോലെ എല്ലാ ക്ലാസ് മുറികളിലും ഹൈടെക് സംവിധാനം െ്രെപമറി തലത്തില്‍ ഏര്‍പ്പെടുത്തുന്നില്ല. പകരം ലഭ്യമാക്കുന്ന ഉപകരണങ്ങള്‍ ലാബിലും ക്ലാസ് മുറികളിലും പൊതുവായി ഉപയോഗിക്കാം. സ്‌കൂളുകള്‍ക്ക് ആവശ്യമെങ്കില്‍ ഒരു ഡിവിഷന് ഒന്ന് എന്ന രൂപത്തിലോ മറ്റോ ക്ലാസ്മുറികളില്‍ സ്ഥിരമായി സ്ഥാപിക്കാം. ഇതിനായി അടച്ചുറപ്പുള്ള മുറികളുള്ളതും വൈദ്യുതീകരിച്ചതുമായ സ്‌കൂളുകളിലാണ് സര്‍വേ നടത്തി ഉപകരണ വിന്യാസം നടത്തുക. ഹൈടെക് ലാബുകള്‍ സ്ഥാപിക്കുന്നതിനു മുമ്പ് തന്നെ സമഗ്ര പോര്‍ട്ടല്‍ െ്രെപമറി തലത്തിലെ ഡിജിറ്റല്‍ ഉള്ളടക്കം പൂര്‍ണമാക്കുക, മുഴുവന്‍ അധ്യാപകര്‍ക്കും പരിശീലനം നല്‍കുക, സ്‌കൂള്‍ ഐടി കോഓര്‍ഡിനേറ്റര്‍മാരെ ശാക്തീകരിക്കുക തുടങ്ങിയ പ്രവര്‍ത്തനങ്ങള്‍ കൈറ്റ് പൂര്‍ത്തിയാക്കുമെന്ന് കൈറ്റ് വൈസ് ചെയര്‍മാന്‍കെ. അന്‍വര്‍ സാദത്ത് അറിയിച്ചു. 2019 ജൂണ്‍ ഒന്നിന് മുമ്പ് കേരളം വിദ്യാഭ്യാസ രംഗത്തെ പൂര്‍ണമായും ഡിജിറ്റല്‍ ആകുന്ന ഇന്ത്യയിലെ ആദ്യത്തെ സംസ്ഥാനമായി മാറുമെന്ന് പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പറഞ്ഞു. Dt.16.10.2018.
************************
സംസ്ഥാന ന്യൂനപക്ഷക്ഷേമ വകുപ്പ് വിതരണം ചെയ്യുന്ന വിവിധ സ്‌കോളര്‍ഷിപ്പുകളുടെ അപേക്ഷ സ്വീകരിക്കുന്ന അവസാന തിയതി ഒക്‌ടോബര്‍ 31 വരെ നീട്ടിയതായി ന്യൂനപക്ഷ ക്ഷേമ വകുപ്പ് ഡയറക്ടര്‍ അറിയിച്ചു. www.minoritywelfare.kerala.gov.in എന്ന വകുപ്പിന്റെ വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. മദര്‍ തെരേസ സ്‌കോളര്‍ഷിപ്പ് (നഴ്‌സിംഗ് ഡിപ്ലോമ/പാരാമെഡിക്കല്‍), എ.പി.ജെ അബ്ദുള്‍ കലാം സ്‌കോളര്‍ഷിപ്പ് (പോളി ടെക്‌നിക്ക് ഡിപ്ലോമ) എന്നീ സ്‌കോളര്‍ഷിപ്പുകള്‍ക്ക് അപേക്ഷിക്കാനുള്ള തിയതിയാണ് നീട്ടിയത്. ഫോണ്‍: 0471 2300524. Dt.15.10.2018.
************************
ഒക്‌ടോബര്‍ 17ന് സ്‌കൂളുകള്‍ക്ക് അവധിയായതിനാല്‍ അന്നു നടത്താന്‍ നിശ്ചയിച്ചിരുന്ന സ്‌കൂള്‍ പാര്‍ലമെന്റ് തിരഞ്ഞെടുപ്പ് ഒക്‌ടോബര്‍ 22ന് നടക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. വോട്ടെടുപ്പ് 22ന് ഉച്ചയ്ക്കു 12ന് മുമ്പും തുടര്‍ന്ന് വോട്ടെണ്ണെലും നടക്കും. ഉച്ചയ്ക്കു ശേഷം 2.30 നാണ് സ്‌കൂള്‍ പാര്‍ലമെന്റ് ഭാരവാഹികളുടെ തിരഞ്ഞെടുപ്പ് നടത്തേണ്ടത്. സ്‌കൂള്‍ പാര്‍ലമെന്റിന്റെ ആദ്യയോഗം ഒക്‌ടോബര്‍ 24ന് നടക്കും. Dt.15.10.2018.
************************
ഹരിത കേരളം പദ്ധതിയുടെ ഭാഗമായി ശുചിത്വമിഷന്റെ നേതൃത്വത്തില്‍ 312 വി.എച്ച്.എസ്.ഇ സ്‌കൂള്‍ യൂണിറ്റുകളിലെ 30000 നാഷണല്‍ സര്‍വീസ് സ്‌കീം വിദ്യാര്‍ത്ഥി വളണ്ടിയര്‍മാര്‍ 300 പഞ്ചായത്തുകളിലെ നാലു ലക്ഷത്തില്‍പരം വീടുകളില്‍ ഹരിത ഓഡിറ്റിംഗ് നടത്തും. ഒക്‌ടോബര്‍ 13,14 തീയതികളില്‍ സംസ്ഥാനത്തെ വി.എച്ച്.എസ്.ഇ, എന്‍.എസ്.എസ് യൂണിറ്റുകളില്‍ നടക്കുന്ന ദ്വിദിന റെസിഡന്‍ഷ്യല്‍ സഹവാസ ക്യാമ്പിന്റെ ഭാഗമായാണ് ഹരിത ഓഡിറ്റ് സംഘടിപ്പിക്കുന്നത്. പരിശീലനം ലഭിച്ച വളണ്ടിയര്‍മാര്‍ ഗാര്‍ഹിക ഉറവിട മാലിന്യ സംസ്‌ക്കരണം, വീടുകളിലെ പ്ലാസ്റ്റിക് ഉപയോഗം, പഞ്ചായത്തിലെ ഹരിത കര്‍മ്മസേനയുടെ പ്രവര്‍ത്തനം എന്നീ വിഷയങ്ങളെ ആധാരമാക്കി, ഭവന സന്ദര്‍ശനം നടത്തി വീട്ടമ്മമാരെ ബോധവത്ക്കരിക്കും. തദ്ദേശ സ്വയം ഭരണ ജനപ്രതിനിധികള്‍, ജീവനക്കാര്‍, കുടുംബശ്രീ പ്രവര്‍ത്തകര്‍, ആരോഗ്യ ക്ഷേമ പ്രവര്‍ത്തകര്‍, തദ്ദേശീയ സന്നദ്ധ സംഘടനാ പ്രവര്‍ത്തകര്‍ തുടങ്ങിയവര്‍ ഉദ്യമത്തില്‍ വിദ്യാര്‍ത്ഥികളോടൊപ്പം ചേരും. ശുചിത്വമിഷന്റെ ക്ലീന്‍ കാംപസ് പദ്ധതിയുടെ ഭാഗമായി നിര്‍ദ്ദേശിക്കപ്പെടുന്ന പ്രവര്‍ത്തനങ്ങളില്‍ സ്വന്തം സ്‌കൂള്‍ കാംപസിലെ ഹരിത ചട്ട പ്രവര്‍ത്തനങ്ങള്‍ക്കും വിദ്യാര്‍ത്ഥികള്‍ ദ്വിദിന ക്യാമ്പില്‍ സമയം കണ്ടെത്തും. ഒക്‌ടോബര്‍ 14 ന് അവസാനിക്കുന്ന ക്യാമ്പിന്റെ സമാപന സമ്മേളനത്തില്‍ 300 പഞ്ചായത്ത് അധികാരികള്‍ക്ക് ഓരോ പഞ്ചായത്തിലേയും ശരാശരി 1500 വീടുകളില്‍ നിര്‍വഹിക്കപ്പെട്ട ഹരിത ഓഡിറ്റിന്റെ റിപ്പോര്‍ട്ടുകള്‍ വിദ്യാര്‍ത്ഥികള്‍ കൈമാറും.Dt.12.10.2018.
************************
പട്ടികവര്‍ഗ്ഗ വകുപ്പിന്റെ കീഴില്‍ ശ്രീകാര്യം കട്ടേലയില്‍ പ്രവര്‍ത്തിക്കുന്ന ഡോ: അംബേദ്കര്‍ മെമ്മോറിയല്‍ മോഡല്‍ റസിഡന്‍ഷ്യല്‍ ഹയര്‍സെക്കന്ററി സ്‌കൂളില്‍ 2018-19 അദ്ധ്യയന വര്‍ഷം അഞ്ച് മുതല്‍ പ്ലസ്ടു വരെയുളള ക്ലാസുകളില്‍ പഠിക്കുന്ന വിദ്യാര്‍ത്ഥിനികള്‍ക്ക് റഗുലര്‍ ക്ലാസുകള്‍ക്ക് പുറമെ സ്‌പോക്കണ്‍ ഇംഗ്ലീഷ് പരിശീലനം നല്‍കുന്നതിന് ഈ മേഖലയിലെ പ്രമുഖ ഏജന്‍സികള്‍, വിദഗ്ധരായ ഇംഗ്ലീഷ് അദ്ധ്യാപകര്‍ എന്നിവരില്‍ നിന്നും പ്രൊപ്പോസലുകള്‍ ക്ഷണിച്ചു. കൂടുതല്‍ വിവരങ്ങള്‍ എല്ലാ പ്രവൃത്തി ദിവസങ്ങളിലും ഓഫീസില്‍ നിന്നും ലഭിക്കും. പ്രൊപ്പോസലുകള്‍ 15ന് മൂന്ന് വരെ സ്വീകരിക്കും. സീനിയര്‍ സൂപ്രണ്ട്, എ.എം.എം.ആര്‍. എച്ച്.എസ്.എസ്., കട്ടേല, ശ്രീകാര്യം പി.ഒ, തിരുവനന്തപുരം-17 എന്ന വിലാസത്തില്‍ പ്രൊപ്പോസലുകള്‍ അയക്കണം. ഫോണ്‍ : 0471 2597900.Dt.11.10.2018.
************************
കേരള സാമൂഹ്യ സുരക്ഷാ മിഷന്‍ മുഖേന നടപ്പിലാക്കുന്ന അച്ഛനോ അമ്മയോ അല്ലെങ്കില്‍ ഇരുവരും മരണമടഞ്ഞതും നിര്‍ദ്ധനരായവരുമായ കുടുംബങ്ങളിലെ സര്‍ക്കാര്‍/എയ്ഡഡ് വിദ്യാഭ്യാസ സ്ഥാപനങ്ങളില്‍ ബിരുദം/പ്രൊഫഷണല്‍ ബിരുദം വരെ പഠിക്കുന്ന വിദ്യാര്‍ത്ഥികള്‍ക്കുളള പ്രതിമാസ ധനസഹായ പദ്ധതിയായ 'സ്‌നേഹപൂര്‍വ്വം പദ്ധതി'യുടെ 2018-19 അദ്ധ്യയന വര്‍ഷത്തെ അപേക്ഷകള്‍, വിദ്യാര്‍ത്ഥി പഠിക്കുന്ന സ്ഥാപനമേധാവി മുഖേന ഒക്‌ടോബര്‍ 12 മുതല്‍ സമര്‍പ്പിക്കാം. ഈ പദ്ധതി പ്രകാരമുളള ആനുകൂല്യം ലഭിക്കുന്നതിന് നിലവിലുളള ഗുണഭോക്താക്കളും പുതിയ അപേക്ഷകരും അവര്‍ പഠിക്കുന്ന വിദ്യാഭ്യാസ സ്ഥാപന മേധാവി മുഖേന അപേക്ഷകള്‍ ഓണ്‍ലൈനായി അപ്‌ലോഡ് ചെയ്യണം. സ്ഥാപന മേധാവികള്‍ മുഖേനയല്ലാതെ നേരിട്ടയയ്ക്കുന്ന അപേക്ഷകള്‍ ആനുകൂല്യത്തിനായി പരിഗണിക്കില്ല. ഓണ്‍ലൈനായി അപേക്ഷിക്കേണ്ട അവസാന തീയതി ഒക്‌ടോബര്‍ 31 ആണ്. ഇതു സംബന്ധിച്ച വിവരങ്ങള്‍ മിഷന്റെ വെബ്‌സൈറ്റ് ആയ www.socialsecuritymission.gov.in ലും ടോള്‍ഫ്രീ നമ്പര്‍ 1800-120-1001 ലും ലഭ്യമാണ്.Dt.11.10.2018.
************************
ഒക്‌ടോബര്‍ 20, 21, 28 തിയതികളില്‍ നടക്കുന്ന കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) പരീക്ഷയുടെ ഹാള്‍ടിക്കറ്റ് ഇന്ന് (ഒക്‌ടോബര്‍ 11) മുതല്‍ പരീക്ഷാഭവന്‍ വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം. ആപ്ലിക്കേഷന്‍ ഐ.ഡിയും ആപ്ലിക്കേഷന്‍ നമ്പരും നഷ്ടപ്പെട്ടവര്‍ക്ക് പരീക്ഷാഭവന്റെ സൈറ്റില്‍ നിന്നും അവ ലഭ്യമാകും. വെബ്‌സൈറ്റ്: www.keralapareekshabhavan.in, www.ktet.kerala.gov.in Dt.10.10.2018.
************************
ഉന്നതവിദ്യാഭ്യാസ കേന്ദ്രങ്ങള്‍, ഗവേഷണ സ്ഥാപനങ്ങള്‍ എന്നിവയുമായി സഹകരിച്ച് ഹയര്‍ സെക്കന്‍ഡറി വിഭാഗം അധ്യാപകരുടെ സേവനകാല വിദ്യാഭ്യാസത്തിനുള്ള പദ്ധതി ആവിഷ്‌കരിച്ചു. വിദ്യാര്‍ത്ഥികള്‍ക്ക് മികച്ച പഠനാനുഭവങ്ങള്‍ ഒരുക്കി ഹയര്‍ സെക്കന്‍ഡറി വിദ്യാഭ്യാസം ശക്തിപ്പെടുത്താന്‍ അധ്യാപകരെ സജ്ജരാക്കുകയാണ് ലക്ഷ്യം. ശില്പശാലാ മാതൃകയില്‍ മുഴുവന്‍ സമയപങ്കാളിത്തത്തോടെയുള്ള റസിഡന്‍ഷ്യല്‍ കോഴ്‌സായാണ് ക്രമീകരിച്ചിരിക്കുന്നത്. പത്തു ദിവസം നീണ്ടു നില്‍ക്കുന്ന ടീച്ചര്‍ ട്രാന്‍സ്ഫര്‍മേഷന്‍ പ്രോഗ്രാമില്‍ ഗവേഷണ പരിപാടികള്‍, അതിഥി പ്രഭാഷണങ്ങള്‍, ചര്‍ച്ചകള്‍, സംവാദങ്ങള്‍, ലാബ് ലൈബ്രറി പ്രവര്‍ത്തനങ്ങള്‍, ഫീല്‍ഡ് ട്രിപ്പ്, കലാസ്വാദനവേളകള്‍, അവതരണങ്ങള്‍, വിവിധ വൈദഗ്ധ്യമേഖലകളിലുള്ള പരിശീലനങ്ങള്‍ തുടങ്ങിയവയാണ് ഉള്‍പ്പെടുത്തിയിട്ടുള്ളത്. കേരളത്തിലെ മികച്ച ബിരുദാനന്തരബിരുദ പഠനസൗകര്യമുള്ള കോളേജുകളാണ് പഠനകേന്ദ്രങ്ങളായി തിരഞ്ഞെടുത്തിട്ടുള്ളത്. ഉന്നതവിദ്യാഭ്യാസ കേന്ദ്രങ്ങളിലെ ലൈബ്രറി, ലാബ്, മള്‍ക്കീമീഡിയാ സൗകര്യങ്ങളും ഗവേഷണ സ്ഥാപനം എന്ന നിലയിലുള്ള മികവുകളും പ്രയോജനപ്പെടുത്താം. നിശ്ചിത കാലയളവിനുള്ളില്‍ മുഴുവന്‍ അധ്യാപരും കോഴ്‌സ് പൂര്‍ത്തീകരിക്കണം. തിരഞ്ഞെടുക്കപ്പെടുന്ന നാല്‍പ്പതു പേര്‍ക്കാണ് ഒരു കേന്ദ്രത്തിലെ ഒരു വിഷയത്തിന് പ്രവേശനം നല്‍കുക. ഒരു വിഷയത്തിന് രണ്ടു കേന്ദ്രങ്ങള്‍ വീതം ഒരുക്കിയിട്ടുണ്ട്. മലയാളം, ഇംഗ്ലീഷ്, മാത്തമാറ്റിക്‌സ്, ഫിസിക്‌സ്, കെമിസ്ട്രി, ബയോളജി, ഹിസ്റ്ററി, ഇക്കണോമിക്‌സ്, പൊളിറ്റിക്കല്‍ സയന്‍സ്, കൊമേഴ്‌സ് എന്നീ വിഷയങ്ങള്‍ക്കാണ് ഈ വര്‍ഷം കോഴ്‌സ് സംഘടിപ്പിക്കുന്നത്. പരിശീലനം പൂര്‍ത്തിയാക്കുന്നവര്‍ക്ക് തുടര്‍ന്നുള്ള സേവനകാലയളവില്‍ വിവിധ അക്കാഡമിക ആവശ്യങ്ങള്‍ക്ക് പ്രയോജനപ്പെടുത്താവുന്ന കോഴ്‌സ് സര്‍ട്ടിഫിക്കറ്റ് നല്‍കും. തിരഞ്ഞെടുക്കപ്പെടുന്ന അധ്യാപകര്‍ക്ക് യാത്രാബത്ത, ദിനബത്ത എന്നിവയും താമസവും ഭക്ഷണവും നല്‍കും. കോളേജിലെ ലാബ്, ലൈബ്രറി തുടങ്ങിയ വിപുലമായ സൗകര്യങ്ങള്‍ക്കു പുറമേ ലഘുയാത്രകള്‍ നടത്തി പഠനം നടത്തുന്നതിനുള്ള സൗകര്യവും ഉണ്ട്. അധ്യാപകര്‍, വിദ്യാര്‍ത്ഥികള്‍, ഗവേഷകര്‍, സാങ്കേതിക വിദഗ്ധര്‍ തുടങ്ങിയവരുമായി സംവാദങ്ങളില്‍ ഏര്‍പ്പെടാനുള്ള അവസരങ്ങള്‍ സവിശേഷതയാണ്. ഈ വര്‍ഷത്തെ കോഴ്‌സിന് അപേക്ഷിക്കാനുള്ള അവസാന തിയതി ഒക്‌ടോബര്‍ 20. നവംബര്‍ 16 മുതല്‍ രണ്ടുഘട്ടങ്ങളിലായി നടക്കുന്ന കോഴ്‌സിലേക്കുള്ള പ്രവേശനത്തിന് ഓണ്‍ലൈനായി അപേക്ഷിക്കാം. അപേക്ഷകര്‍ www.hscap.kerala.gov.in എന്ന വെബ്‌സൈറ്റിന്റെ ഹോം പേജിലെ HSSTTP എന്ന ടാബില്‍ ക്ലിക്ക് ചെയ്ത് ഓണ്‍ലൈന്‍ അപേക്ഷകള്‍ പ്രിന്‍സിപ്പലിനു സമര്‍പ്പിക്കുകയും പ്രിന്‍സിപ്പല്‍ ഒക്‌ടോബര്‍ 20ന് വൈകിട്ട് അഞ്ചിന് മുമ്പ് ഡയറക്ടറേറ്റിലേക്ക് ഫോര്‍വേഡ് ചെയ്യുകയും വേണം. Dt.10.10.2018.
************************
നവംബറില്‍ നടക്കുന്ന ഡി.എല്‍.എഡ്/ഡി.എഡ് കോഴ്‌സിന്റെ ഒന്ന്, മൂന്ന് സെമസ്റ്റര്‍ പരീക്ഷകളുടെ വിജ്ഞാപനമായി. ഒക്‌ടോബര്‍ 15 മുതല്‍ 20 വരെ തീയതികളില്‍ പരീക്ഷാ ഫീസടയ്ക്കാം. നവംബര്‍ 26 മുതല്‍ 30 വരെയാണ് പരീക്ഷ. വിശദമായ വിജ്ഞാപനം പരീക്ഷാഭവന്റെ വെബ്‌സൈറ്റിലുണ്ട്. (www.keralapareekshabhavan.in)Dt.10.10.2018.
************************
സംസ്ഥാന എന്‍. എസ്. എസ്. ഓഫീസിലെ ഓഫീസ് അറ്റന്‍ഡന്റ് തസ്തികയില്‍ അന്യത്ര സേവന വ്യവസ്ഥയില്‍ അപേക്ഷ ക്ഷണിച്ചു, വിവിധ വകുപ്പുകള്‍, പൊതുമേഖല സ്ഥാപനങ്ങള്‍ എന്നിവിടങ്ങളില്‍ സമാന തസ്തികയില്‍ ജോലി ചെയ്യുന്നവര്‍ക്ക് അപേക്ഷിക്കാം. മാതൃവകുപ്പില്‍ നിന്നുളള നിരാക്ഷേപ സാക്ഷ്യപത്രം അടങ്ങിയ അപേക്ഷകള്‍ സംസ്ഥാന എന്‍.എസ്.എസ്. ഓഫീസര്‍, എന്‍.എസ്.എസ് സെല്‍, നാലാം നില, വികാസ് ഭവന്‍, വികാസ് ഭവന്‍ പി.ഒ, തിരുവനന്തപുരം എന്ന വിലാസത്തില്‍ ഒക്‌ടോബര്‍ 23ന് മുമ്പ് ലഭിക്കണം.Dt.10.10.2018.
************************
കേന്ദ്ര ന്യൂനപക്ഷ കാര്യ മന്ത്രാലയം ന്യൂനപക്ഷ വിഭാഗങ്ങള്‍ക്ക് നല്‍കുന്ന മെറിറ്റ്-കം-മീന്‍സ് സ്‌കോളര്‍ഷിപ്പിന് ഓണ്‍ലൈന്‍ ആയി 31 വരെ അപേക്ഷിക്കാം. കേന്ദ്ര ന്യൂനപക്ഷ മന്ത്രാലയത്തിന്റെ മാനദണ്ഡങ്ങള്‍ക്ക് വിധേയമായാണ് വിദ്യാര്‍ത്ഥികള്‍ അപേക്ഷിക്കേണ്ടത്. വിശദവിവരങ്ങള്‍ www.dtekerala.gov.in  mcm.scholarship എന്ന ലിങ്കിലും www.scholarships.gov.in ലും ലഭ്യമാണ്.Dt.10.10.2018.
************************
പരീക്ഷാഭവന്‍ നവംബറില്‍ നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് കോഴ്‌സ് (ടി.ടി.സി) പ്രൈവറ്റ് പരീക്ഷയുടെ വിജ്ഞാപനം www.keralapareekshabhavan.com ല്‍ ലഭിക്കും. പരീക്ഷാര്‍ത്ഥികള്‍ നവംബര്‍ 15ന് വൈകിട്ട് നാലിനു മുമ്പ് നിശ്ചിത ഫീസ് സഹിതം അപേക്ഷ ബന്ധപ്പെട്ട ടി.ടി.ഐ പ്രിന്‍സിപ്പാളിന് നല്‍കണം. Dt.9.10.2018.
************************
സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ടിന്റെ 2018 വര്‍ഷത്തെ ബാലസാഹിത്യ പുരസ്‌കാരങ്ങള്‍ക്ക് കൃതികള്‍ ക്ഷണിച്ചു. 2015, 2016, 2017 വര്‍ഷങ്ങളില്‍ ആദ്യപതിപ്പായി പ്രസിദ്ധീകരിച്ച ബാലസാഹിത്യ കൃതികള്‍ക്കാണ് പുരസ്‌കാരം നല്‍കുന്നത്. 20,000 രൂപയും, പ്രശസ്തിപത്രവും, ഫലകവും അടങ്ങുന്നതാണ് പുരസ്‌കാരം. കഥ/നോവല്‍, കവിത, നാടകം, വിവര്‍ത്തനം /പുനരാഖ്യാനം, ശാസ്ത്രം, വൈജ്ഞാനികം (ശാസ്ത്രം ഒഴികെ), ജീവചരിത്രം/ ആത്മകഥ, ചിത്രീകരണം, ചിത്രപുസ്തകം, പുസ്തക ഡിസൈന്‍/പ്രൊഡക്ഷന്‍ എന്നിങ്ങനെ 10 വിഭാഗങ്ങളിലാണ് പുരസ്‌കാരം. മുന്‍വര്‍ഷങ്ങളില്‍ പുരസ്‌കാരം ലഭിച്ച എഴുത്തുകാരുടെ കൃതികള്‍ അതേവിഭാഗത്തില്‍ വീണ്ടും പരിഗണിക്കില്ല. മറ്റ് വിഭാഗങ്ങളിലേക്ക് അയക്കാം. പാലാ കെ.എം മാത്യൂ ബാലസാഹിത്യ പുരസ്‌കാരത്തിനും കൃതികള്‍ ക്ഷണിച്ചു. 60,001 രൂപയും പ്രശസ്തി പത്രവും ഫലകവുമാണ് പുരസ്‌കാരം. ഈ വര്‍ഷം കവിതാ വിഭാഗത്തിലുള്ള രചനകളാണ് പരിഗണിക്കുന്നത്. 2015, 2016, 2017 വര്‍ഷങ്ങളില്‍ ഒന്നാം പതിപ്പായി പ്രസിദ്ധീകരിച്ച കൃതികളാകും ഈ അവാര്‍ഡിന് പരിഗണിക്കുക. റീപ്രിന്റുകളും പരിഷ്‌കരിച്ച പതിപ്പുകളും പരിഗണിക്കില്ല. പുസ്തകത്തിന്റെ നാല് പ്രതികള്‍ വീതം ഡയറക്ടര്‍, കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട്, സംസ്‌കൃത കോളേജ് ക്യാമ്പസ്, പാളയം, തിരുവനന്തപുരം -34 എന്ന വിലാസത്തില്‍ നവംബര്‍ 14ന് മുമ്പ് ലഭിക്കണം. Dt.9.10.2018.
************************
018 നവംബറില്‍ നടക്കുന്ന പത്താംതരം തുല്യതാ പരീക്ഷയുടെ ഫീസ് പിഴയോടുകൂടി പരീക്ഷാകേന്ദ്രങ്ങളില്‍ ഒക്‌ടോബര്‍ 11 വരെ സ്വീകരിക്കും. Dt.9.10.2018.
************************
സംസ്ഥാനത്തെ പൊതുവിദ്യാലയങ്ങളില്‍ സ്‌കൂള്‍ പാര്‍ലമെന്റ് തിരഞ്ഞെടുപ്പിനുള്ള പുതുക്കിയ സമയക്രമം തീരുമാനിച്ചു. ഒക്‌ടോബര്‍ 10ന് ഉച്ചകഴിഞ്ഞ് മൂന്നുവരെ നാമനിര്‍ദേശപട്ടിക സമര്‍പ്പിക്കാം. പത്രിക പരിശോധിച്ച് 11ന് ഉച്ചകഴിഞ്ഞ് മൂന്നുമണിവരെ സ്വീകരിക്കാം. 12 വരെ നാമനിര്‍ദേശപത്രിക പിന്‍വലിക്കാം. മല്‍സരാര്‍ഥികളുടെ പട്ടിക 15ന് പ്രസിദ്ധീകരിക്കും. 17ന് ഉച്ചകഴിഞ്ഞ് മൂന്നുവരെയാണ് വേട്ടെടുപ്പ്. അതത് ക്ലാസുകളില്‍ 17ന് തന്നെ വോട്ടെണ്ണും. 22ന് ഉച്ചക്ക് രണ്ടര മുതല്‍പാര്‍ലമെന്റ് ഭാരവാഹികളുടെ തിരഞ്ഞെടുപ്പ് നടക്കും. 24ന് സ്‌കൂള്‍ പാര്‍ലമെന്റിന്റെ ആദ്യയോഗം ചേരുമെന്നും പൊതുവിദ്യാഭ്യാസ വകുപ്പ് ഡയറക്ടറുടെ സര്‍ക്കുലറില്‍ പറയുന്നു. Dt.8.10.2018.
************************
സര്‍വീസിലിരിക്കെ മരണമടയുന്ന ജീവനക്കാരുടെ വിവിധ ഇനത്തിലുളള സര്‍ക്കാര്‍ ബാദ്ധ്യതയില്‍ 5 ലക്ഷം രൂപ വരെ എഴുതിത്തളളുന്നതിനുളള നടപടിക്രമം നിശ്ചയിച്ച് ഉത്തരവായി. വായ്പ എഴുതിത്തളളുന്നതിനുളള ശിപാര്‍ശ ആവശ്യമായ രേഖകള്‍ സഹിതം ഓഫീസ് മേലധികാരിക്ക് നല്‍കണം. ഓഫീസ് മേലധികാരി/ ബന്ധപ്പെട്ട നിയമന അധികാരി വേണ്ട രേഖകള്‍ സഹിതം വ്യക്തമായ ശിപാര്‍ശയോടെ വകുപ്പ് തലവന്‍വഴി അപേക്ഷ ഭരണവകുപ്പിന് സമര്‍പ്പിക്കണം. അപേക്ഷയും രേഖകളും പരിശോധിച്ച് വകുപ്പ് സെക്രട്ടറിയുടെ വ്യക്തമായ ശിപാര്‍ശയോടെ ധനകാര്യവകുപ്പിന് നല്‍കും. വിവിധ ബാദ്ധ്യത തുകകള്‍ എഴുതിത്തളളുന്നതിനുളള ശിപാര്‍ശകള്‍ ധനവകുപ്പിലെ ബന്ധപ്പെട്ട വിഭാഗങ്ങള്‍ പരിശോധിച്ച് ഉയര്‍ന്ന തലത്തില്‍ തീരുമാനമെടുക്കും. ധനകാര്യ വകുപ്പിലെ ബന്ധപ്പെട്ട വിഭാഗം നിര്‍ദ്ദേശിക്കുമ്പോള്‍ മാത്രം ധനകാര്യ പരിശോധന വിഭാഗം/ ജില്ലാ ധനകാര്യ പരിശോധന വിഭാഗം പരിശോധന നടത്തും. വീട് നിര്‍മ്മിച്ചിട്ടുണ്ടോ, അനുവദിച്ച ഭൂമിയില്‍ തന്നെയാണോ വീട് നിര്‍മ്മിച്ചിട്ടുളളത,് വീട്/ പ്ലോട്ട്/ വീടും പ്ലോട്ടും വാങ്ങുവാന്‍ ഭവന നിര്‍മ്മാണ വായ്പ എടുത്ത കേസുകളില്‍ സര്‍ക്കാരിലേക്ക് പണയപ്പെടുത്തിയ ഭൂമിയും വീടും തന്നെയാണോ വാങ്ങിയിട്ടുളളത് തുടങ്ങിയവ ധനകാര്യ പരിശോധനാവിഭാഗം ശ്രദ്ധിക്കും. സമര്‍പ്പിച്ച എസ്റ്റിമേറ്റ് പ്രകാരം തന്നെയാണോ വീട് നിര്‍മ്മിച്ചിട്ടുളളതെന്നും നോക്കണം. പരിശോധനാ ഉദ്യോഗസ്ഥന്‍ ആവശ്യപ്പെടുന്ന വിവരങ്ങള്‍ രേഖാമൂലം ബന്ധപ്പെട്ട വകുപ്പിലെ ജീവനക്കാര്‍ സാക്ഷ്യപ്പെടുത്തി നല്‍കണം. ഭൂമി നില്‍ക്കുന്ന പ്രാദേശിക ഭരണകൂട ഓഫീസിലും ആവശ്യമെങ്കില്‍ മറ്റിടങ്ങളിലും അപേക്ഷകന്റെ/ പങ്കാളിയുടെ പ്രായപൂര്‍ത്തിയാകാത്ത കുട്ടികളുടെ പേരില്‍ വേറെ വീട് നിലവില്‍ ഉണ്ടായിരുന്നോയെന്ന് (ഭവന നിര്‍മ്മാണ വായ്പക്ക് അപേക്ഷിക്കുന്ന/ കൈപ്പറ്റുന്ന സമയത്ത്) പ്രാദേശിക ഭരണകൂട രേഖകള്‍ പ്രകാരം പരിശോധിക്കും. ഭവന നിര്‍മ്മാണ വായ്പ ഉപയോഗിച്ച് നിര്‍മ്മിച്ച/ വാങ്ങിയ വീടിന് നമ്പര്‍ ലഭിച്ചത് ഭവന നിര്‍മ്മാണ വായ്പ കൈപ്പറ്റിയ ശേഷമായിരുന്നോ എന്ന് പരിശോധിക്കും. തെറ്റായ വിനിയോഗ സര്‍ട്ടിഫിക്കറ്റ് നല്‍കിയതായി വ്യക്തമായാല്‍ ബന്ധപ്പെട്ട പൊതുമരാമത്ത് വകുപ്പ് ഓഫീസുകളിലും പരിശോധിക്കും. സര്‍ക്കാരിന് സമര്‍പ്പിച്ചിരിക്കുന്ന രേഖകളിലെ സ്ഥലത്ത് അംഗീകൃത പ്ലാന്‍ പ്രകാരമാണോ വീട് നിര്‍മ്മാണം പൂര്‍ത്തീകരിച്ചതെന്ന റിപ്പോര്‍ട്ട് മൂന്ന് മാസത്തിനകം പരിശോധനാ വിഭാഗം ധനവകുപ്പിലെ ബന്ധപ്പെട്ട വിഭാഗത്തിന് നല്‍കണമെന്നും ഉത്തരവില്‍ നിര്‍ദ്ദേശിച്ചിട്ടുണ്ട്.Dt.6.10.2018.
************************
2018 മാര്‍ച്ചില്‍ നടത്തിയ ഡി.എല്‍.ഇ.ഡി (ഹിന്ദി) പരീക്ഷയുടെ ഫലം പ്രസിദ്ധീകരിച്ചു. ഫലം വെബ്‌സൈറ്റില്‍ (www.keralapareekshabhavan.in) ) ലഭ്യമാണ്.Dt.5.10.2018.
************************
ഗവ : ഹയര്‍സെക്കന്‍ഡറി അധ്യാപകരുടെ പൊതുസ്ഥലംമാറ്റം, അനുകമ്പാര്‍ഹമായ സ്ഥലംമാറ്റം, മുന്‍ഗണനാസ്ഥലംമാറ്റം എന്നിവയ്ക്ക് വ്യക്തമായ മാനദണ്ഡം നിശ്ചയിക്കുന്നതിന് പൊതുവിദ്യാഭ്യാസ സെക്രട്ടറി അധ്യക്ഷനായി കമ്മിറ്റി രൂപീകരിച്ച് സര്‍ക്കാര്‍ ഉത്തരവായി. ഉദ്യോഗസ്ഥഭരണ പരിഷ്‌കാര സെക്രട്ടറി, നിയമവകുപ്പ് സെക്രട്ടറിയോ അദ്ദേഹത്തിന്റെ പ്രതിനിധിയോ, പൊതുവിദ്യാഭ്യാസ വകുപ്പ് സ്‌പെഷ്യല്‍ സെക്രട്ടറി എന്നിവര്‍ അംഗങ്ങളും ഹയര്‍സെക്കന്‍ഡറി വിദ്യാഭ്യാസ ഡയറക്ടര്‍ മെമ്പര്‍ സെക്രട്ടറിയുമാണ്. മൂന്നു മാസത്തിനകം കമ്മിറ്റി റിപ്പോര്‍ട്ട് സമര്‍പ്പിക്കണം.Dt.5.10.2018.
************************
സ്‌കോള്‍ കേരള നടത്തിയ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സ് മൂന്നാം ബാച്ച് പൊതുപരീക്ഷയുടെ പുനര്‍മൂല്യനിര്‍ണ്ണയ ഫലം പ്രസിദ്ധീകരിച്ചു. വിദ്യാര്‍ത്ഥികള്‍ക്ക് www.scolekerala.org യില്‍ ഫലം പരിശോധിക്കാം. Dt.5.10.2018.
************************
നവംബര്‍ 24, 25 തിയതികളില്‍ കണ്ണൂരില്‍ നടക്കുന്ന കേരള സ്‌കൂള്‍ ശാസ്‌ത്രോത്സവത്തിനായി വിദ്യാര്‍ത്ഥികള്‍, അധ്യാപകര്‍, പൊതുജനങ്ങള്‍ എന്നിവരില്‍ നിന്നും പൊതുവിദ്യാഭ്യാസ വകുപ്പ് ലോഗോ ക്ഷണിച്ചു. ശാസ്ത്രം, ഗണിത ശാസ്ത്രം, സാമൂഹ്യ ശാസ്ത്രം, പ്രവൃത്തി പരിചയം, ഐ.ടി എന്നിവയുടെ പ്രതീകങ്ങള്‍ ഉള്‍പ്പെടുത്തിയാകണം ലോഗോ. കേരള സ്‌കൂള്‍ ശാസ്‌ത്രോത്സവം 2018 നവംബര്‍ 24-25 കണ്ണൂര്‍ എന്നുള്ള രേഖപ്പെടുത്തലുകള്‍ ഉണ്ടാവണം. കണ്ണൂര്‍ ജില്ലയുടേതായ പ്രതീകം അനുയോജ്യമായ രീതിയില്‍ ഉള്‍പ്പെടുത്താം. എഡിറ്റ് ചെയ്യാന്‍ കഴിയുന്ന ഫോര്‍മാറ്റില്‍ സി.ഡിയും ഒപ്പം എ4 സൈസ് പേപ്പറില്‍ കളര്‍ പ്രിന്റും നല്‍കണം. ലോഗോകള്‍ 25ന് വൈകിട്ട് അഞ്ചിനകം ജിമ്മി .കെ.ജോസ്, അഡീഷണല്‍ ഡയറക്ടര്‍ ഓഫ് പബ്ലിക് ഇന്‍സ്ട്രക്ഷന്‍, പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി, തിരുവനന്തപുരം 695014 എന്ന വിലാസത്തില്‍ ലഭിക്കണം.Dt.5.10.2018.
************************
പ്രളയത്തില്‍ സെറ്റ് സര്‍ട്ടിഫിക്കറ്റ് നഷ്ടപ്പെട്ടവര്‍ക്ക് ഡ്യൂപ്ലിക്കേറ്റ് സര്‍ട്ടിഫിക്കറ്റ് ഫീസ് രഹിതമായി അനുവദിക്കും. ആവശ്യമായ രേഖകളും റവന്യൂ അധികൃതരില്‍ നിന്നും വാങ്ങിയ സാക്ഷ്യപത്രവും ഉള്‍പ്പെടെ ഡിസംബര്‍ 31ന് മുമ്പ് ഡയറക്ടര്‍, എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി, നന്ദാവനം, പാളയം, തിരുവനന്തപുരം 695033 എന്ന വിലാസത്തില്‍ അപേക്ഷിക്കണം.Dt.5.10.2018.
************************
കേരള ന്യൂനപക്ഷക്ഷേമ വകുപ്പിന്റെ വിവിധ സ്‌കോളര്‍ഷിപ്പുകളുടെ അപേക്ഷ 10 വരെ സ്വീകരിക്കുമെന്ന് ന്യൂനപക്ഷക്ഷേമ വകുപ്പ് ഡയറക്ടര്‍ ഡോ. എ.ബി.മൊയ്തീന്‍കുട്ടി അറിയിച്ചു. www.minoritywelfare.kerala.gov.in മുഖേന അപേക്ഷിക്കാം.എ.പി.ജെ. അബ്ദുള്‍ കലാം സ്‌കോളര്‍ഷിപ്പ് (പോളി ടെക്‌നിക്ക് ഡിപ്ലോമ), മദര്‍ തെരേസ സ്‌കോളര്‍ഷിപ്പ് (നഴ്‌സിംഗ് ഡിപ്ലോമ/പാരാമെഡിക്കല്‍), അംഗീകൃത സ്വകാര്യ ഐ.റ്റി.ഐകളില്‍ പഠിക്കുന്നവര്‍ക്കുള്ള സ്‌കോളര്‍ഷിപ്പ്, സി.എച്ച്.മുഹമ്മദ് കോയ സ്‌കോളര്‍ഷിപ്പ് (റിന്യൂവല്‍) എന്നിവയാണ് സ്‌കോളര്‍ഷിപ്പുകള്‍. ഫോണ്‍: 0471 2300524. Dt.4.10.2018.
************************
സംസ്ഥാനത്തെ ഗവ. ഹയര്‍സെക്കന്‍ഡറി അധ്യാപകരുടെ പൊതുസ്ഥലംമാറ്റവുമായി ബന്ധപ്പെട്ട് ഉത്തരവിറങ്ങി. അഡ്മിനിസ്‌ട്രേറ്റീവ് ട്രൈബ്യൂണലിന്റെ വിധിയുടെ അടിസ്ഥാനത്തിലാണ് ഉത്തരവ്. കംപാഷണേറ്റ്/പ്രയോറിറ്റി സ്ഥലംമാറ്റം 2015 ഒക്‌ടോബര്‍ 26 ലെ ഉത്തരവിലെ വ്യവസ്ഥകള്‍ പാലിച്ച് റവന്യു ജില്ല അടിസ്ഥാനത്തിലായിരിക്കും നടത്തുക. ഒരു ജില്ലയില്‍ ഒരു വിഷയത്തില്‍ ഉണ്ടാകുന്ന മുഴുവന്‍ ഒഴിവുകളും ഒരു യൂണിറ്റായി കണക്കാക്കിയാണ് കംപാഷണേറ്റ്/പ്രയോറിറ്റി സ്ഥലംമാറ്റം നടത്തേണ്ടതെന്ന് ഉത്തരവ് വ്യക്തമാക്കുന്നു. ഹൈക്കോടതി ഉത്തരവിലെ സമയപരിധിക്കുള്ളില്‍ ഡയറക്ടര്‍ സ്ഥലം മാറ്റ നടപടികള്‍ സ്വീകരിക്കണം. ഹിയറിംഗ് സമയത്ത് അധ്യാപകര്‍ ഉയര്‍ത്തിയ മറ്റ് ആവശ്യങ്ങള വിശദമായി പരിശോധിച്ച് സമയബന്ധിതമായി നിര്‍ദ്ദേശം സമര്‍പ്പിക്കാന്‍ സര്‍ക്കാര്‍ രൂപീകരിച്ച കമ്മിറ്റിയെ ചുമതലപ്പെടുത്തി. Dt.4.10.2018.
************************
നവംബര്‍ എട്ടിന് തുടങ്ങുന്ന പത്താംതരം തുല്യതാ പരീക്ഷയുടെ ഫീസ് നാളെ (ഒക്‌ടോബര്‍ ആറ്) വരെ പിഴയില്ലാതെയും എട്ടു മുതല്‍ ഒമ്പതു വരെ പിഴയോടെയും പരീക്ഷാ കേന്ദ്രങ്ങളില്‍ അടയ്ക്കാം. അപേക്ഷകന്‍ നേരിട്ട് ഓണ്‍ലൈനായി രജിസ്‌ട്രേഷനും കണ്‍ഫര്‍മേഷനും നടത്തണം. കണ്‍ഫര്‍മേഷന്‍ നല്‍കിയ ശേഷം ലഭിക്കുന്ന അപേക്ഷയുടെ പ്രിന്റൗട്ട് എടുത്ത് അനുബന്ധ രേഖകള്‍ ഉള്‍പ്പെടെ പരീക്ഷാഫീസ് അതത് പരീക്ഷാ കേന്ദ്രങ്ങളില്‍ ഒടുക്കണം. ഗ്രേഡിംഗ് വിഭാഗത്തിലുള്ള പ്രൈവറ്റ് വിഭാഗം അപേക്ഷകര്‍ പരീക്ഷാ കേന്ദ്രത്തില്‍ നിശ്ചിത തിയതിക്കുള്ളില്‍ അപേക്ഷ നല്‍കണം. വെബ്‌സൈറ്റ്:www.keralapareekshabhavan.in Dt.4.10.2018.
************************
സംസ്ഥാന സര്‍ക്കാരിന്റെ ഭാഷാനയം നടപ്പിലാക്കുന്നതിന്റെ ഭാഗമായി എസ്. സി.ഇ.ആര്‍.ടി മലയാളത്തിലേക്ക് പരിഭാഷപ്പെടുത്തിയ ഹയര്‍ സെക്കണ്ടറി പാഠപുസ്തകങ്ങളുടെ പ്രകാശനം ഇന്ന് ( ഒക്‌ടോബര്‍ അഞ്ച്) ഉച്ചകഴിഞ്ഞ് മൂന്നിന് മുഖ്യമന്ത്രിയുടെ കോണ്‍ഫറന്‍സ് ഹാളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പാഠപുസ്തകങ്ങള്‍ ഏറ്റുവാങ്ങും. Dt.4.10.2018.
************************
മഹാത്മാഗാന്ധിയുടെ 150-ാം ജന്‍മവാര്‍ഷികാഘോഷങ്ങളുടേയും ഖാദി പ്രസ്ഥാനത്തിന്റെ നൂറാം വാര്‍ഷികാഘോഷത്തിന്റെയും ഭാഗമായി കേരള ഖാദി ഗ്രാമവ്യവസായ ബോര്‍ഡ്, കേരളത്തിലെ ഹൈസ്‌ക്കൂള്‍/കോളേജ് വിദ്യാര്‍ത്ഥികള്‍ക്കായി മഹാത്മാഗാന്ധിയും ഖാദിയും സ്വാതന്ത്ര്യസമരവും എന്ന വിഷയത്തില്‍ സംസ്ഥാനതല ക്വിസ് മല്‍സരം നടത്തും. ജില്ലാതല മല്‍സരങ്ങളില്‍ ഒന്നും രണ്ടും സമ്മാനം നേടിയ ടീമുകളാണ് പങ്കെടുക്കുക. ഒക്‌ടോബര്‍ ആറിന് തിരുവനന്തപുരം വഞ്ചിയൂര്‍ കേരള ഖാദി ഗ്രാമവ്യവസായ ബോര്‍ഡിന്റെ ഹെഡ് ഓഫീസ് ഓഡിറ്റോറിയത്തിലാണ് മല്‍സരം. ഹൈസ്‌ക്കൂള്‍ വിഭാഗത്തിന് രാവിലെ 10 മണിക്കും കോളേജ് വിഭാഗത്തിന് ഉച്ചക്ക് രണ്ടുമണിക്കുമാണ് മല്‍സരം. ഒന്നും രണ്ടും മൂന്നും സ്ഥാനം നേടുന്നവര്‍ക്ക് യഥാക്രമം 5001 രൂപ, 3001 രൂപ, 2001 രൂപ ക്യാഷ് അവാര്‍ഡും ട്രോഫിയും സര്‍ട്ടിഫിക്കറ്റും നല്‍കും. കൂടാതെ ഹൈസ്‌ക്കൂള്‍ വിഭാഗത്തില്‍ ഒന്നാം സമ്മാനം നേടുന്ന ടീമിന് ഖാദി ബോര്‍ഡിന്റെ സുവര്‍ണ്ണജൂബിലി സ്മാരക എവര്‍റോളിംഗ് ട്രോഫി നല്‍കും. Dt.4.10.2018.
************************
കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ ഏര്‍പ്പെടുത്തിയ സ്‌കൂള്‍ വിക്കി അവാര്‍ഡ് വിതരണം ഇന്ന് (ഒക്‌ടോബര്‍ നാല്) വൈകിട്ട് 3.30ന് മലപ്പുറം ജി.ജി.എച്ച്.എസ്.എസില്‍ പൊതുവിദ്യാഭ്യാസ വകുപ്പ് മന്ത്രി പ്രൊഫ.സി.രവീന്ദ്രനാഥ് വിതരണം ചെയ്യും. സൂകൂള്‍ വിക്കിയില്‍ ഏറ്റവും മികച്ച രീതിയില്‍ വിവരങ്ങള്‍ നല്‍കുന്ന സ്‌കൂളിന് കൈറ്റ് ഏര്‍പ്പെടുത്തിയ പ്രഥമ കെ.ശബരീഷ് സ്മാരക പുരസ്‌കാരം മലപ്പുറം ജില്ലയിലെ ജി.എച്ച്.എസ്.എസ് അരീക്കോടാണ് ലഭിച്ചത്. വയനാട് വാകേരി ജി.വി.എച്ച്.എസ്.എസ്, തിരുവനന്തപുരം വെങ്ങാനൂര്‍ ഗവ.മോഡല്‍ എച്ച്.എസ്.എസ് എന്നീ സ്‌കൂളുകള്‍ക്കാണ് സംസ്ഥാനതലത്തില്‍ രണ്ടും മൂന്നും സ്ഥാനങ്ങള്‍. സംസ്ഥാനതലത്തില്‍ ട്രോഫിക്കും പ്രശംസാപത്രത്തിനും പുറമേ ഒന്നാം സമ്മാനം ഒരു ലക്ഷം രൂപയും, രണ്ടും മൂന്നും സമ്മാനങ്ങള്‍ അമ്പതിനായിരം, ഇരുപതിനായിരം രൂപ വീതവുമാണ്. ജില്ലാതലത്തില്‍ ഒന്നും രണ്ടും സമ്മാനാര്‍ഹരായവര്‍ക്ക് ട്രോഫിയും പ്രശംസാപത്രവും യഥാക്രമം പതിനായിരം, അയ്യായിരം, രൂപ വീതവും ലഭിക്കും. Dt.4.10.2018.
************************
നീന്തല്‍ അറിയണമെന്നത് അടുത്തവര്‍ഷം മുതല്‍ നാഷണല്‍ സര്‍വീസ് സ്‌കീം അംഗത്വത്തിനുള്ള മാനദണ്ഡമായി പരിഗണിക്കുമെന്ന് ഉന്നതവിദ്യാഭ്യാസ വകുപ്പ് മന്ത്രി ഡോ. കെ.ടി. ജലീല്‍ പറഞ്ഞു. പ്രളയബാധിത മേഖലകളില്‍ എന്‍.എസ്.എസ് വോളണ്ടിയര്‍മാരുടെ സേവനം ശ്രദ്ധേയമായിരുന്നു. ആ ഘട്ടത്തിലെ അനുഭവങ്ങളുടെ അടിസ്ഥാനത്തിലാണ് നീന്തല്‍ അറിയണമെന്നത് നിര്‍ബന്ധമാക്കുന്നത് പരിഗണിക്കുന്നത്. ഇത്തരം സന്ദര്‍ഭങ്ങളില്‍ നീന്തല്‍ അറിഞ്ഞാല്‍ എന്‍.എസ്.എസ് അംഗങ്ങള്‍ക്ക് കൂടുതല്‍ സേവനം നല്‍കാനാകും. കോളേജുകളില്‍ എന്‍.എസ്.എസ് അംഗങ്ങളായി 100 വിദ്യാര്‍ഥികളെ മാത്രമാണ് ഉള്‍പ്പെടുത്താനാകുന്നത്. കൂടുതല്‍ വിദ്യാര്‍ഥികള്‍ സന്നദ്ധപ്രവര്‍ത്തനങ്ങള്‍ക്ക് തത്പരരായി മുന്നോട്ടുവന്നാല്‍ അവരെ കൂടി ഉള്‍ക്കൊള്ളിച്ച് സേവനസേന രൂപീകരിക്കുന്നതും ആലോചനയിലുണ്ട്. സാമൂഹ്യപ്രതിബന്ധതയും സേവന മനസ്‌കതയും കുട്ടികളില്‍ വളരാന്‍ ഇത്തരം പ്രവര്‍ത്തനങ്ങള്‍ സഹായമാകുമെന്നും മന്ത്രി പറഞ്ഞു. Dt.3.10.2018.
************************
നാഷണല്‍ സര്‍വീസ് സ്‌കീം പ്രവര്‍ത്തനങ്ങള്‍ക്കുള്ള 2017-18ലെ അവാര്‍ഡുകള്‍ പ്രഖ്യാപിച്ചു. മികച്ച എന്‍.എസ്.എസ് പ്രവര്‍ത്തനത്തിന് യൂണിവേഴ്‌സിറ്റി തലത്തിലുള്ള അവാര്‍ഡിന് കണ്ണൂര്‍ സര്‍വകലാശാലയും (എം.വി. പത്മനാഭന്‍, പ്രോഗ്രാം കോ-ഓര്‍ഡിനേറ്റര്‍), മികച്ച ഡയറക്ടറേറ്റ് തലത്തിലുള്ള അവാര്‍ഡിന് ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സ് ഡെവലപ്‌മെന്റ് ഡയറക്ടറേറ്റും (ഡോ. സി.ആര്‍. അജിത് സെന്‍, പ്രോഗ്രാം കോ-ഓര്‍ഡിനേറ്റര്‍) തെരഞ്ഞെടുക്കപ്പെട്ടു. 15,000 രൂപയും ട്രോഫിയും പ്രശസ്തിപത്രവും അടങ്ങുന്നതാണ് അവാര്‍ഡ്. മികച്ച എന്‍.എസ്.എസ് യൂണിറ്റുകള്‍ക്കുള്ള അവാര്‍ഡിന് ഗവ. ആര്‍ട്‌സ് ആന്റ് സയന്‍സ് കോളേജ്, മീഞ്ചന്ത, കോഴിക്കോട് (കാലിക്കറ്റ് സര്‍വകലാശാല), ശ്രീ നാരായണ കോളേജ് ചേര്‍ത്തല (കേരള സര്‍വകലാശാല), അച്യുതമേനോന്‍ ഗവ. കോളേജ് കുട്ടനല്ലൂര്‍, തൃശൂര്‍ (കാലിക്കറ്റ് സര്‍വകലാശാല), സുബുള്‍യുസ്സലാം എച്ച്.എസ്.എസ് മൂര്‍ക്കനാട് (ഡയറക്ടറേറ്റ് ഓഫ് ഹയര്‍സെക്കന്‍ഡറി എഡ്യൂക്കേഷന്‍), വിദ്യാ അക്കാദമി ഓഫ് സയന്‍സ് ആന്റ് ടെക്‌നോളജി (ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), എസ്.ഡി കോളേജ് ആലപ്പുഴ (കേരള സര്‍വകലാശാല), സെന്റ് ജോര്‍ജ് കോളേജ് അരുവിത്തുറ (മഹാത്മാഗാന്ധി സര്‍വകലാശാല), ഗവ. എഞ്ചിനീയറിംഗ് കോളേജ് മാനന്തവാടി വയനാട് (ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), കോളേജ് ഓഫ് അപ്ലൈഡ് സയന്‍സ് കാര്‍ത്തികപ്പള്ളി (ഐ.എച്ച്.ആര്‍.ഡി), ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ രാജകുമാരി, ഇടുക്കി (ഡയറക്ടറേറ്റ് ഓഫ് വൊക്കേഷണല്‍ ഹയര്‍സെക്കന്‍ഡറി എഡ്യൂക്കേഷന്‍) എന്നീ സ്ഥാപനങ്ങള്‍ അര്‍ഹരായി. ട്രോഫിയും പ്രശസ്തിപത്രവും ലഭിക്കും. മികച്ച എന്‍.എസ്.എസ് പ്രോഗ്രാം ഓഫീസര്‍മാരായി ഡോ. സി.പി. ബേബി ഷീബ (ഗവ. ആര്‍ട്‌സ് ആന്റ് സയന്‍സ് കോളേജ്, മീഞ്ചന്ത, കോഴിക്കോട് -കാലിക്കറ്റ് സര്‍വകലാശാല), ധന്യ സേതുനാരായണന്‍ (ശ്രീനാരായണ കോളേജ് ചേര്‍ത്തല -കേരള സര്‍വകലാശാല), ഡോ. സിജോ വര്‍ഗീസ് (അച്യുതമേനോന്‍ ഗവ. കോളേജ് കുട്ടനല്ലൂര്‍, തൃശൂര്‍ -കാലിക്കറ്റ് സര്‍വകലാശാല), കൃഷ്ണനുണ്ണി മട്ടട (സുബുള്‍യുസ്സലാം എച്ച്.എസ്.എസ് മൂര്‍ക്കനാട് -(ഡയറക്ടറേറ്റ് ഓഫ് ഹയര്‍സെക്കന്‍ഡറി എഡ്യൂക്കേഷന്‍), അനില്‍ മേലേപ്പുറത്ത് (വിദ്യാ അക്കാദമി ഓഫ് സയന്‍സ് ആന്റ് ടെക്‌നോളജി -(ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), വിനീത് ചന്ദ്ര (എസ്.ഡി കോളേജ്, ആലപ്പുഴ -കേരള സര്‍വകലാശാല), സിനി ജേക്കബ് (സെന്റ് ജോര്‍ജ് കോളേജ്, അരുവിത്തുറ -മഹാത്മാഗാന്ധി സര്‍വകലാശാല), എബിഡ് തറവട്ടത്ത് (ഗവ. എഞ്ചിനീയറിംഗ് കോളേജ്, മാനന്തവാടി, വയനാട് -(ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), വിനയ റേച്ചല്‍ മാത്യൂ (കോളേജ് ഓഫ് അപ്ലൈഡ് സയന്‍സ് കാര്‍ത്തികപ്പള്ളി -ഐ.എച്ച്.ആര്‍.ഡി), പ്രിന്‍സ് പോള്‍ (ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂള്‍, രാജകുമാരി, ഇടുക്കി -(ഡയറക്ടറേറ്റ് ഓഫ് വൊക്കേഷണല്‍ ഹയര്‍സെക്കന്‍ഡറി എഡ്യൂക്കേഷന്‍) എന്നിവര്‍ തെരഞ്ഞെടുക്കപ്പെട്ടു. രണ്ടായിരത്തി അഞ്ഞൂറ് രൂപയും ട്രോഫിയും പ്രശസ്തി പത്രവും ഇവര്‍ക്ക് ലഭിക്കും. മികച്ച എന്‍.എസ്.എസ് വോളണ്ടിയര്‍മാര്‍ക്കുള്ള അവാര്‍ഡിന് അശ്വിന്‍ എം (കോളേജ് ഓഫ് അപ്ലൈഡ് സയന്‍സ്, കാര്‍ത്തികപ്പള്ളി -ഐ.എച്ച്.ആര്‍.ഡി), അമല്‍ മനോജ് (ഇരിങ്ങന്നൂര്‍ എച്ച്.എസ്.എസ് -(ഡയറക്ടറേറ്റ് ഓഫ് ഹയര്‍സെക്കന്‍ഡറി എഡ്യൂക്കേഷന്‍), പൂജാമോള്‍ പി.ബി (ബസേലിയോസ് കോളേജ്, കോട്ടയം -മഹാത്മാഗാന്ധി സര്‍വകലാശാല), ശ്രീദേവി എ.ജെ (വിദ്യ അക്കാദമി ഓഫ് സയന്‍സ് ആന്റ് ടെക്‌നോളജി, തൃശൂര്‍- (ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), കൃഷ്ണകാന്ത് കെ.എസ് (ജി.വി.എച്ച്.എസ്.എസ് (ടി.എച്ച്.എസ്) സുല്‍ത്താന്‍ബത്തേരി (ഡയറക്ടറേറ്റ് ഓഫ് വൊക്കേഷണല്‍ ഹയര്‍സെക്കന്‍ഡറി എഡ്യൂക്കേഷന്‍), നവ്യ യേശുദാസ് (സെന്റ് സേവ്യേഴ്‌സ് കോളേജ് ഫോര്‍ വുമണ്‍, ആലുവ -മഹാത്മാഗാന്ധി സര്‍വകലാശാല), സ്‌നേഹ എന്‍.വി (കെ.എം.എം ഗവ. വനിതാ കോളേജ്, കണ്ണൂര്‍ (കണ്ണൂര്‍ സര്‍വകലാശാല), സച്ചിന്‍ എസ്. ദേവ് (മാര്‍ത്തോമ കോളേജ് കുട്ടമ്പുഴ, തിരുവല്ല -മഹാത്മാഗാന്ധി സര്‍വകലാശാല), അനീഷ പി (ശ്രീബുദ്ധ കോളേജ് ഓഫ് എഞ്ചിനീയറിംഗ്, പാറ്റൂര്‍ -(ഡയറക്ടറേറ്റ് ഓഫ് ടെക്‌നിക്കല്‍ എഡ്യൂക്കേഷന്‍), ബാന്‍സുരി ടി.കെ (ഗവ. ആര്‍ട്‌സ് ആന്റ് സയന്‍സ് കോളജ് കോഴിക്കോട് -കാലിക്കറ്റ് സര്‍വകലാശാല), ഐശ്വര്യ പി.കെ (ജി.എച്ച്.എസ് പാല -(ഡയറക്ടറേറ്റ് ഓഫ് ഹയര്‍സെക്കന്‍ഡറി എഡ്യൂക്കേഷന്‍), മനീഷ് കുമാര്‍ സി. (ഗവ. കോളേജ് കാസര്‍കോട് -കണ്ണൂര്‍ സര്‍വകലാശാല), അനുശ്രീ കെ.പി (സീതി സാഹിബ് എച്ച്.എസ്.എസ്, തളിപ്പറമ്പ്, കണ്ണൂര്‍ -(ഡയറക്ടറേറ്റ് ഓഫ് ഹയര്‍സെക്കന്‍ഡറി എഡ്യൂക്കേഷന്‍), അഞ്ജലി എസ്. (എന്‍.എസ്.എസ് കോളേജ് പന്തളം -കേരള സര്‍വകലാശാല), സുല്‍ത്താന ഫിറോസ പി.പി (ശ്രീനാരായണ കോളേജ് ചെമ്പഴന്തി -കേരള സര്‍വകലാശാല). ആയിരം രൂപയും ട്രോഫിയും പ്രശസ്തി പത്രവും ഇവര്‍ക്ക് ലഭിക്കുമെന്ന് ഉന്നതവിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ വാര്‍ത്താസമ്മേളനത്തില്‍ അറിയിച്ചു. ഉന്നതവിദ്യാഭ്യാസ പ്രിന്‍സിപ്പല്‍ സെക്രട്ടറി ഡോ. ഉഷ ടൈറ്റസ്, എന്‍.എസ്.എസ് റീജിയണല്‍ ഡയറക്ടര്‍ ജി.പി. സജിത് ബാബു, സംസ്ഥാന എന്‍.എസ്.എസ് ഓഫീസര്‍ ഡോ. കെ. സാബുക്കുട്ടന്‍ എന്നിവരും സംബന്ധിച്ചു. Dt.3.10.2018.
************************
2017 ഒക്‌ടോബറില്‍ ഹയര്‍ സെക്കന്‍ഡറി രണ്ടാം വര്‍ഷ തുല്യതാ പരീക്ഷ എഴുതി പരാജയപ്പെട്ട പഠിതാക്കള്‍ക്ക് അവരുടെ പരാജയപ്പെട്ട വിഷയങ്ങളുടെ രണ്ടാം വര്‍ഷ പേപ്പറുകള്‍ 2018 നവംബറില്‍ രണ്ടാം വര്‍ഷ തുല്യതാപരീക്ഷയെഴുതുന്ന പരീക്ഷാര്‍ത്ഥികള്‍ക്കൊപ്പം രജിസ്റ്റര്‍ ചെയ്ത് എഴുതാം. പരാജയപ്പെട്ട വിഷയങ്ങളുടെ ഒന്നാം വര്‍ഷ പരീക്ഷാഫീസ് മാത്രമേ 2018 സെപ്റ്റംബറിലെ ഇംപ്രൂവ്‌മെന്റ് പരീക്ഷയ്‌ക്കൊപ്പം സ്വീകരിച്ചിരുന്നുള്ളു. പരാജയപ്പെട്ട വിഷയങ്ങളുടെ രണ്ടാം വര്‍ഷ പരീക്ഷാ ഫീസ് രജിസ്‌ട്രേഷന്‍ കേന്ദ്രങ്ങളില്‍ അടയ്ക്കണം. പരീക്ഷാ ഫീസ് പേപ്പര്‍ ഒന്നിന് 500 രൂപ, സര്‍ട്ടിഫിക്കറ്റ് ഫീസ് 150 രൂപ (മൈഗ്രേഷന്‍ ഫീസ് ഉള്‍പ്പെടെ). സപ്ലിമെന്ററി വിദ്യാര്‍ത്ഥികള്‍ക്ക് പിഴയില്ലാതെ ഫീസ് അടയ്‌ക്കേണ്ട അവസാന തിയതി ഒക്‌ടോബര്‍ 20 ആണ്. 20 രൂപ പിഴയോടെ 25 വരെ ഫീസടയ്ക്കാം. ഇത് സംബന്ധിച്ച വിശദമായ സര്‍ക്കുലര്‍ www.dhsekerala.gov.in ല്‍ ലഭിക്കും. Dt.1.10.2018.
************************
2018 ഒക്‌ടോബറില്‍ നടക്കുന്ന കെ-ടെറ്റ് പരീക്ഷയുടെ സമയക്രമം പുന: ക്രമീകരിച്ചു.20ന് രാവിലെ 10 മുതല്‍ 12.30 വരെ കാറ്റഗറി വണ്‍ പരീക്ഷയും, രണ്ടു മണി മുതല്‍ 4.30 വരെ കാറ്റഗറി രണ്ട് പരീക്ഷയും നടക്കും. 21 ന് ഉച്ചയ്ക്ക് രണ്ടു മുതല്‍ 4.30 വരെ കാറ്റഗറി മൂന്ന് പരീക്ഷയും 28ന് ഉച്ചയ്ക്ക് രണ്ടു മുതല്‍ 4.30 വരെ കാറ്റഗറി നാല് പരീക്ഷയും നടക്കും. Dt.1.10.2018.
************************
2017 നവംബറില്‍ നടന്ന സംസ്‌കൃതം ഉര്‍ദു/അറബിക് അദ്ധ്യാപക പരീക്ഷയുടെ ഉത്തരക്കടലാസിന്റെ സ്‌ക്രൂട്ടണിക്കായി നിര്‍ദ്ദിഷ്ട മാതൃകയിലുള്ള അപേക്ഷ ഒക്‌ടോബര്‍ 6ന് മുമ്പ് അതത് പരീക്ഷാ കേന്ദ്രങ്ങളില്‍ നല്‍കണം. വിശദവിവരങ്ങള്‍ www.keralapareekshabhavan.in ല്‍ ലഭ്യമാണ്. 2017 ഒക്‌ടോബറില്‍ ഹയര്‍ സെക്കന്‍ഡറി രണ്ടാം വര്‍ഷ തുല്യതാ പരീക്ഷ എഴുതി പരാജയപ്പെട്ടവര്‍ക്ക് രണ്ടാം വര്‍ഷ പേപ്പറുകള്‍ 2018 നവംബറില്‍ രണ്ടാം വര്‍ഷ തുല്യതാപരീക്ഷയെഴുതുന്നവര്‍ക്കൊപ്പം രജിസ്റ്റര്‍ ചെയ്ത് എഴുതാം. പരാജയപ്പെട്ട വിഷയങ്ങളുടെ ഒന്നാം വര്‍ഷ പരീക്ഷാ ഫീസ് മാത്രമേ 2018 സെപ്റ്റംബറിലെ ഇംപ്രൂവ്‌മെന്റ് പരീക്ഷയ്‌ക്കൊപ്പം സ്വീകരിച്ചിരുന്നുള്ളു. പരാജയപ്പെട്ട വിഷയങ്ങളുടെ രണ്ടാം വര്‍ഷ പരീക്ഷാഫീസ് രജിസ്‌ട്രേഷന്‍ കേന്ദ്രങ്ങളില്‍ അടയ്ക്കണം. പേപ്പര്‍ ഒന്നിന് 500 രൂപ പരീക്ഷാ ഫീസും 150 രൂപ (മൈഗ്രേഷന്‍ ഫീസ് ഉള്‍പ്പെടെ) സര്‍ട്ടിഫിക്കറ്റ് ഫീസുമാണ് അടയ്‌ക്കേണ്ടത്. സപ്ലിമെന്ററി വിദ്യാര്‍ത്ഥികള്‍ക്ക് പിഴയില്ലാതെ 20 വരെ ഫീസടയ്ക്കാം. 20 രൂപ പിഴയോടെ 25 വരെ ഫീസടയ്ക്കാം. ഇത് സംബന്ധിച്ച വിശദമായ സര്‍ക്കുലര്‍ www.dhsekerala.gov.in ല്‍ ലഭിക്കും. Dt.1.10.2018.
************************
2018 മാര്‍ച്ചില്‍ നടത്തിയ ഡി.എല്‍.ഇ.ഡി (ഹിന്ദി) പരീക്ഷയുടെ ഫലം (keralapareekshabhavan.in) ല്‍ ലഭിക്കും. Dt.1.10.2018.
************************
കേന്ദ്ര സര്‍ക്കാരിന്റെ മാനവവിഭവ വികസന മന്ത്രാലയം നല്‍കുന്ന സെന്‍ട്രല്‍ സെക്ടര്‍ സ്‌കോളര്‍ഷിപ്പിന് 2017-18 അദ്ധ്യയന വര്‍ഷം ഓണ്‍ലൈനില്‍ അപേക്ഷിച്ച് ( ഫ്രഷ്, പുതുക്കല്‍ ഉള്‍പ്പെടെ) അര്‍ഹത നേടിയ ഏതാനും വിദ്യാര്‍ത്ഥികളുടെ സ്‌കോളര്‍ഷിപ്പ് തുക ബാങ്ക് സാധൂകരണ പരാജയം മൂലം അക്കൗണ്ടില്‍ ക്രഡിറ്റ് ആയിട്ടില്ല. വിദ്യാര്‍ത്ഥികള്‍ ബാങ്ക് വിവരങ്ങള്‍, തിരിച്ചറിയല്‍ രേഖ, ക്യാന്‍സല്‍ ചെയ്ത ചെക്ക്/ പാസ്സ് ബുക്കിന്റെ പകര്‍പ്പ് എന്നിവ സഹിതം ഒക്‌ടോബര്‍ 15ന് മുന്‍പ് csss201718@gmail.com ലേക്ക് നിശ്ചിത ഫോര്‍മാറ്റില്‍ അയക്കണം. നിശ്ചിത തിയതിക്കകം അപ്‌ലോഡ് ചെയ്തില്ലെങ്കില്‍ സ്‌കോളര്‍ഷിപ്പ് തുക നഷ്ടമാകും. തുടര്‍ന്ന് പുതുക്കല്‍ അപേക്ഷ സമര്‍പ്പിക്കാന്‍ കഴിയില്ല. രേഖകള്‍ സമര്‍പ്പിക്കേണ്ട വിദ്യാര്‍ത്ഥികളുടെ പേര് ഉള്‍പ്പെടെയുളള വിശദവിവരം www.dcescholarship.kerala.gov.in എന്ന സൈറ്റില്‍ ലഭിക്കും. ഒക്‌ടോബര്‍ 15ന് ശേഷം സമര്‍പ്പിക്കുന്ന അപേക്ഷകളില്‍ തുടര്‍നടപടികള്‍ സ്വീകരിക്കാനാവില്ല. Dt.28.9.2018.
************************
സ്‌കോള്‍ കേരള മുഖാന്തിരം ഹയര്‍ സെക്കന്ററി കോഴ്‌സിന് പ്രൈവറ്റായി രജിസ്റ്റര്‍ ചെയ്ത 2017-2019 ബാച്ചിലെ രണ്ടാം വര്‍ഷ വിദ്യാര്‍ത്ഥികളുടെ നിരന്തര മൂല്യനിര്‍ണ്ണയത്തിന്റെ ഭാഗമായുളള ഓറിയന്റേഷന്‍ ക്ലാസ്സുകള്‍ ഒക്‌ടോബര്‍ 21, 28 തീയതികളില്‍ അതത് പരീക്ഷാ കേന്ദ്രങ്ങളില്‍ നടത്തും. വിശദാംശങ്ങള്‍ക്ക് അതത് പരീക്ഷാകേന്ദ്രങ്ങളുമായി ബന്ധപ്പെടണം. Dt.28.9.2018.
************************
ഹയര്‍ സെക്കന്ററി 2018 ജൂണില്‍ നടത്തിയ രണ്ടാംവര്‍ഷ ഹയര്‍ സെക്കന്ററി സേ/ഇംപ്രൂവ്‌മെന്റ് പരീക്ഷയുടെ പുനര്‍മൂല്യനിര്‍ണ്ണയം, സൂക്ഷ്മപരിശോധന എന്നിവയുടെ ഫലം പ്രസിദ്ധീകരിച്ചു. ഫലം ഹയര്‍ സെക്കന്ററിയുടെ പോര്‍ട്ടലില്‍ (www.dhsekerala.gov.in) ലഭിക്കും.Dt.27.9.2018.
************************
ഹരിതകേരളം മിഷന്‍ പൊതുവിദ്യാഭ്യാസ വകുപ്പുമായി ചേര്‍ന്ന് സംസ്ഥാനത്തെ പൊതുവിദ്യാലയങ്ങളില്‍ നടത്തുന്ന ഹരിതോത്സവത്തിന്റെ'ഭാഗമായി സ്‌കൂളുകളില്‍ ഇന്ന് (സെപ്റ്റംബര്‍ 27) ശുചിത്വ ഓഡിറ്റിംഗ് ആരംഭിക്കും. രാവിലെ സ്‌കൂള്‍ അസംബ്ലിയില്‍ ശുചീകരണത്തിന്റെ പ്രാധാന്യവും മാലിന്യം ഉറവിടത്തില്‍ തന്നെ വേര്‍തിരിച്ച് പുന:ചംക്രമണത്തിന് കൈമാറേണ്ടതിന്റെ പ്രാധാന്യവും വ്യക്തമാക്കുന്ന പ്രതിജ്ഞ ചൊല്ലും. മാലിന്യം വേര്‍തിരിച്ച് പുനചംക്രമണത്തിന് കൈമാറുന്ന രീതി ക്ലാസുകളില്‍ അധ്യാപകരുടെ നേതൃത്വത്തില്‍ വിശദമാക്കും. ക്ലാസിലും വീട്ടിലും മാലിന്യം സൃഷ്ടിക്കപ്പെടുന്നത് പരമാവധി കുറയ്ക്കണമെന്ന് നിഷ്‌ക്കര്‍ഷിക്കും. മാലിന്യം ചെറിയ അളവായാലും ഉടനടി വേര്‍തിരിക്കേണ്ട രീതികളും ക്ലാസില്‍ വിശദീകരിക്കും. ഇതിനെത്തുടര്‍ന്നാണ് ശുചിത്വ ഓഡിറ്റിംഗ് ആരംഭിക്കുക. തദ്ദേശഭരണ സ്ഥപനങ്ങളുടെ നേതൃത്വത്തില്‍ ഒക്‌ടോബര്‍ 2 വരെ നടത്തുന്ന തീവ്രശുചീകരണ യജ്ഞ പ്രവര്‍ത്തനവുമായി ബന്ധപ്പെടുത്തി ഹരിതോത്സവത്തിന്റെ പ്രവര്‍ത്തനങ്ങള്‍ നടപ്പാക്കണമെന്ന് വിദ്യാഭ്യാസവകുപ്പ് എല്ലാ സ്‌കൂളുകള്‍ക്കും നിര്‍ദ്ദേശം നല്‍കിയിട്ടുണ്ട്. ഇന്നു മുതല്‍ ഒക്‌ടോബര്‍ ഒന്നു വരെയാണ് ശുചിത്വ ഓഡിറ്റിംഗ് നടക്കുക. ഒക്‌ടോബര്‍ ഒന്നിന് മാലിന്യ സംസ്‌ക്കരണ മാര്‍ഗങ്ങളെക്കുറിച്ച് സ്‌കൂളുകളില്‍ സംഘടിപ്പിക്കുന്ന ശില്പശാലയില്‍ ശുചിത്വ ഓഡിറ്റ് റിപ്പോര്‍ട്ട് അവതരിപ്പിക്കും. ഒക്‌ടോബര്‍ രണ്ട് മുതല്‍ മൂന്ന് ദിവസങ്ങളില്‍ സ്‌കൂള്‍ ശുചീകരണ പ്രവര്‍ത്തനം നടക്കും. ഒക്‌ടോബര്‍ 5 ന് പോസ്റ്റ് ഓഡിറ്റിംഗ് നടത്തും. മാലിന്യ സംസ്‌ക്കരണ പ്രവര്‍ത്തനങ്ങള്‍ പോസ്റ്റ് ഓഡിറ്റിംഗില്‍ വിലയിരുത്തി. സ്‌കൂളിലെ ഓരോ ഗ്രൂപ്പും തങ്ങള്‍ ശുചീകരിച്ച വിദ്യാലയ 'ഭാഗം സമ്പൂര്‍ണ്ണ ശുചിത്വം നേടിയതായി പ്രഖ്യാപിക്കും. തുടര്‍ന്ന് തദ്ദേശസ്വയംഭരണ സ്ഥാപന പ്രതിനിധികള്‍, വിദ്യാഭ്യാസ വകുപ്പ് പ്രതിനിധികള്‍ തുടങ്ങിയവര്‍ ചേര്‍ന്ന് അസംബ്ലിയില്‍ സ്‌കൂള്‍ സമ്പൂര്‍ണ്ണ ശുചിത്വം നേടിയതായി പ്രഖ്യാപിക്കും.Dt.26.9.2018.
************************
സെപ്റ്റംബര്‍ 30, ഒക്‌ടോബര്‍ ഒന്ന്, മൂന്ന് തിയതികളില്‍ കേരളത്തിലെ വിവിധ കേന്ദ്രങ്ങളില്‍ നടക്കുന്ന ഒന്നാം വര്‍ഷ ഇംപ്രൂവ്‌മെന്റ്/സപ്ലിമെന്ററി തുല്യതാ പരീക്ഷയുടെ ഹാള്‍ടിക്കറ്റ് പരീക്ഷാര്‍ത്ഥികള്‍ക്ക് അവരവരുടെ രജിസ്‌ട്രേഷന്‍ കേന്ദ്രങ്ങളില്‍ നിന്നും സെപ്റ്റംബര്‍ 26, 27 തിയതികളില്‍ വിതരണം ചെയ്യും. പരീക്ഷാര്‍ത്ഥികള്‍ രജിസ്‌ട്രേഷന്‍ കേന്ദ്രങ്ങളിലെത്തി പ്രിന്‍സിപ്പാള്‍മാരില്‍ നിന്നും ഹാള്‍ടിക്കറ്റ് കൈപ്പറ്റണം.Dt.25.9.2018.
************************
2017 -18 വര്‍ഷം (നവംബര്‍ 2017) നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പ് യോഗ്യത പരീക്ഷ പാസായ സര്‍ക്കാര്‍/എയ്ഡഡ് സ്‌കൂളുകളിലെ കുട്ടികള്‍ക്ക് (ഇപ്പോള്‍ ഒന്‍പതാം ക്ലാസില്‍ പഠിക്കുന്ന കുട്ടികള്‍) 2018 -19 വര്‍ഷത്തെ നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പ് ലഭിക്കാന്‍ നാഷണല്‍ സ്‌കോളര്‍ഷിപ്പ് പോര്‍ട്ടല്‍ വഴി ഫ്രഷ് അപേക്ഷകര്‍ സമര്‍പ്പിക്കണം. സ്‌കോളര്‍ഷിപ്പിന് അര്‍ഹരായ കുട്ടികളുടെ (3473) വിവരങ്ങള്‍ പൊതുവിദ്യാഭ്യാസ വകുപ്പിന്റെ വെബ്‌സൈറ്റില്‍ ലഭ്യമാണ്. സ്‌കോളര്‍ഷിപ്പിന് അര്‍ഹരായ എല്ലാ കുട്ടികളും നിര്‍ബന്ധമായും പോര്‍ട്ടല്‍ വഴി ഓണ്‍ലൈന്‍ അപേക്ഷിക്കണം. പ്രതിമാസം 1000 രൂപ നിരക്കില്‍ ഒരു വര്‍ഷം സ്‌കോളര്‍ഷിപ്പ് തുകയായി 12,000 രൂപ ലഭിക്കും. ഒന്‍പത്,10,11,12 എന്നീ നാലു ക്ലാസുകളിലേയ്ക്കാണ് സ്‌കോളര്‍ഷിപ്പ് ലഭിക്കുക. ഓണ്‍ലൈന്‍ അപേക്ഷകള്‍ സമര്‍പ്പിക്കേണ്ട അവസാന തിയതി ഒക്‌ടോബര്‍ 31.Dt.25.9.2018.
************************
എന്‍.റ്റി.എസ് പരീക്ഷയുടെ ഫീസ് ബാങ്ക് മുഖേന അടച്ച വിദ്യാര്‍ത്ഥികള്‍ ഓണ്‍ലൈന്‍ വഴി അപേക്ഷാ ഫീസ് അടക്കുമ്പോള്‍ ബാങ്ക് റഫറന്‍സ് നമ്പര്‍ ലഭ്യമായാല്‍ തുടര്‍ന്ന് വീണ്ടും ഫീസ് അടയ്‌ക്കേണ്ടതില്ല. ബാങ്ക് റഫറന്‍സ് ലഭ്യമായാല്‍ 24 മണിക്കൂര്‍ കഴിഞ്ഞ് (അവധി ദിവസങ്ങള്‍ കഴിച്ച്) മാത്രമേ ആക്ടിവേറ്റ് ആകുകയുള്ളൂ. സര്‍ക്കാര്‍ ഉത്തരവു പ്രകാരം കേരളത്തില്‍ പ്രവര്‍ത്തിക്കുന്ന എല്ലാ സ്‌കൂളുകളും(കേന്ദ്രീയ വിദ്യാലയം, ജെ. എന്‍. വി., ഗവണ്‍മെന്റ്, എയിഡഡ്, പ്രൈവറ്റ്) സമ്പൂര്‍ണ്ണയില്‍ രജിസ്റ്റര്‍ ചെയ്യണം. സമ്പൂര്‍ണ്ണയില്‍ രജിസ്റ്റര്‍ ചെയ്യാത്ത സ്‌കൂളുകളില്‍ പഠിക്കുന്ന വിദ്യാര്‍ത്ഥികള്‍ക്ക് എന്‍. റ്റി. എസ് സ്‌കോളര്‍ഷിപ്പിന് അപേക്ഷ സമര്‍പ്പിക്കാന്‍ സാങ്കേതികമായ തടസ്സം നേരിടും. അവര്‍ ഓണ്‍ലൈനായി അപേക്ഷ സമര്‍പ്പിക്കുമ്പോള്‍ അദര്‍ ഓപ്ഷന്‍ ക്ലിക്ക് ചെയ്ത് സ്‌കൂളിന്റെ പേര് ടൈപ്പ് ചെയ്യണം. ഈ സൗകര്യം ഇന്നു മുതല്‍ ( സെപ്റ്റംബര്‍ 25) സൈറ്റില്‍ ലഭിക്കും. ഇവര്‍ക്ക് എച്ച്.എം/പ്രിന്‍സിപ്പല്‍ വെരിഫിക്കേഷന്‍ ഉളള സൗകര്യം പ്രത്യേകം ലഭ്യമാക്കും.Dt.24.9.2018.
************************
ഹയര്‍ സെക്കന്ററി ലാബ് അസിസ്റ്റന്റ് തസ്തികയിലേക്ക് വിവിധ ജില്ലകളില്‍ പി.എസ്.സി. പരീക്ഷ നടക്കുന്നതിനാല്‍ സെപ്റ്റംബര്‍ 29 ന് നടത്താന്‍ നിശ്ചയിച്ചിരുന്ന~ഒന്നാം വര്‍ഷ ഇംപ്രൂവ്‌മെന്റ്/സപ്ലിമെന്ററി തുല്യതാ പരീക്ഷ ഒക്‌ടോബര്‍ 3ലേക്ക് മാറ്റി. സെപ്റ്റംബര്‍ 30, ഒക്‌ടോബര്‍ ഒന്ന് എന്നീ തീയതികളില്‍ നടത്താന്‍ നിശ്ചയിച്ചിട്ടുള്ള പരീക്ഷകള്‍ക്ക് മാറ്റമില്ല. സര്‍ക്കുലറും പുതുക്കിയ ടൈംടേബിളും www.dhsekerala.gov.in ല്‍ ലഭ്യമാണ്.Dt.24.9.2018.
************************
പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി കൈറ്റ് രൂപപ്പെടുത്തിയ ഹൈസ്‌കൂള്‍ കുട്ടികളുടെ ഐ.ടി കൂട്ടായ്മയായ ലിറ്റില്‍കൈറ്റ്‌സ് പ്രവര്‍ത്തനങ്ങള്‍ ചിട്ടയായി നടപ്പിലാക്കുന്നതിന് ഓരോ യൂണിറ്റിലേക്കും ലഭ്യമാക്കുന്ന പരിശീലന മോഡ്യൂള്‍ പൊതുവിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് പ്രകാശനം ചെയ്തു. ലിറ്റില്‍ കൈറ്റ്‌സ് അംഗങ്ങള്‍ ഒരു വര്‍ഷം ഏഴു മൊഡ്യൂളുകളിലായി 25 ആഴ്ചകളില്‍ നടപ്പിലാക്കുന്ന യൂണിറ്റ്തല പരിശീലന പ്രവര്‍ത്തനങ്ങളുടെ വിശദാംശങ്ങളാണ് ഈ കൈപ്പുസ്തകത്തിലുള്ളത്. യൂണിറ്റ്തല പ്രവര്‍ത്തനങ്ങളോടൊപ്പം അധിക പ്രവര്‍ത്തനങ്ങളും അനുബന്ധമായി ഹാന്‍ഡ്ബുക്കില്‍ ഉള്‍പ്പെടുത്തിയിട്ടുണ്ട്. ഹാന്‍ഡ്ബുക്കിനെ അടിസ്ഥാനമാക്കി നടപ്പിലാക്കേണ്ട പ്രായോഗിക പ്രവര്‍ത്തനങ്ങള്‍ക്കാവശ്യമായ റിസോഴ്‌സുകളും സേഫ്ട്‌വെയര്‍ പാക്കേജുകളും ഓരോ യൂണിറ്റിനും പ്രതേ്യകമായി ലഭ്യമാക്കുന്നുണ്ട്. പ്രകാശന ചടങ്ങില്‍ പൊതുവിദ്യാഭ്യാസ സെക്രട്ടറി എ. ഷാജഹാന്‍, പൊതുവിദ്യാഭ്യാസ ഡയറക്ടര്‍ കെ.വി. മോഹന്‍കുമാര്‍, കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് എന്നിവര്‍ സംബന്ധിച്ചു.Dt.24.9.2018.
************************
പ്രളയത്തിലായ കേരളത്തെ പുനര്‍നിര്‍മിക്കുന്നതിന് സംസ്ഥാനത്തെ പെന്‍ഷന്‍കാരില്‍ നിന്ന് സംഭാവന സ്വീകരിക്കുന്നതിന് സര്‍ക്കാര്‍ സമര്‍ദ്ദം ചെലുത്തില്ലെന്ന് ധനമന്ത്രി ഡോ. ടി. എം തോമസ് ഐസക്ക് വാര്‍ത്താസമ്മേളനത്തില്‍ പറഞ്ഞു. സംസ്ഥാനത്തെ പെന്‍ഷന്‍കാരുടെ വിവിധ സംഘടനാ പ്രതിനിധികളുമായി ഇതുസംബന്ധിച്ച് മന്ത്രി ചര്‍ച്ച നടത്തി. സംഘടനകളുമായുള്ള ചര്‍ച്ചയുടെ അടിസ്ഥാനത്തില്‍ വിശദമായ സര്‍ക്കാര്‍ ഉത്തരവിറക്കുമെന്ന് മന്ത്രി പറഞ്ഞു. ഒരു മാസത്തെ പെന്‍ഷന്‍ നല്‍കണമെന്ന അഭ്യര്‍ത്ഥനയാണ് പെന്‍ഷന്‍കാരുടെ മുന്നില്‍ വച്ചതെന്ന് മന്ത്രി പറഞ്ഞു. കേരളത്തിന്റെ പുനര്‍നിര്‍മാണത്തില്‍ പങ്കാളികളാകാന്‍ സന്നദ്ധത അറിയിച്ച് നിരവധി പെന്‍ഷന്‍കാര്‍ ട്രഷറികളിലെത്തിയ സാഹചര്യത്തിലാണ് ട്രഷറി ഡയറക്ടര്‍ സര്‍ക്കുലറിറക്കിയത്. സര്‍ക്കാര്‍ ഉത്തരവ് ഇറക്കുന്നതു വരെ സര്‍ക്കുലര്‍ പ്രകാരമുള്ള നടപടി തുടരുമെന്ന് മന്ത്രി പറഞ്ഞു. ജീവനക്കാരെയും പെന്‍ഷന്‍കാരെയും ഒരു പോലെയല്ല സര്‍ക്കാര്‍ കാണുന്നത്. അതിനാലാണ് പെഷന്‍കാരില്‍ നിന്ന് ഫെസ്റ്റിവല്‍ അലവന്‍സ് പിടിക്കാതിരുന്നത്. തങ്ങള്‍ക്ക് കഴിയുന്ന തുക നല്‍കുന്നതിന് പെന്‍ഷന്‍കാര്‍ക്ക് സമ്മതപത്രം നല്‍കാം. ജീവനക്കാരുടെ വിഹിതമായി ശമ്പള കുടിശിക പിടിക്കുന്നതുള്‍പ്പെടെയുള്ള വിശദാംശങ്ങള്‍ വ്യക്തമാക്കി ഉടന്‍ വിശദീകരണം പുറത്തിറക്കുമെന്ന് മന്ത്രി അറിയിച്ചു. ചര്‍ച്ചയില്‍ ഒരു മാസത്തെ പെന്‍ഷന്‍ നല്‍കാന്‍ ചില സംഘടനാ പ്രതിനിധികള്‍ താത്പര്യം അറിയിച്ചിട്ടുണ്ട്. സാലറി ചലഞ്ചിന് രാഷ്ട്രീയത്തിനതീതമായി സഹകരണം ലഭിച്ചിട്ടുണ്ട്. പ്രളയം മൂലം കിഫ്ബി പദ്ധതികളില്‍ മാറ്റം വരുത്തില്ല. 20,000 കോടി രൂപയുടെ പദ്ധതികള്‍ ടെണ്ടര്‍ നടപടിയിലേക്കായിട്ടുണ്ട്. നാശനഷ്ടം സംബന്ധിച്ച് എത്രയും വേഗം പദ്ധതി റിപ്പോര്‍ട്ട് തയ്യാറാക്കും. വിവിധ ഏജന്‍സികളില്‍ നിന്നെടുക്കുന്ന വായ്പ ദുരിതാശ്വാസത്തിന് ഉപയോഗിക്കാനാവില്ലെന്നും പുനര്‍നിര്‍മാണ പ്രവര്‍ത്തനങ്ങള്‍ക്ക് ഉപയോഗിക്കേണ്ടി വരുമെന്നും മന്ത്രി വ്യക്തമാക്കി. Dt.22.9.2018.
************************
സ്‌കോള്‍ കേരള മുഖേന 2018 -20 ബാച്ചില്‍ ഓപ്പണ്‍ റെഗുലര്‍ വിഭാഗത്തില്‍ ഒന്നാം വര്‍ഷ ഹയര്‍സെക്കന്‍ഡറി പ്രവേശനത്തിന് ഓണ്‍ലൈന്‍ വഴി രജിസ്റ്റര്‍ ചെയ്ത്, നിര്‍ദ്ദിഷ്ട രേഖകള്‍ സമര്‍പ്പിച്ച വിദ്യാര്‍ത്ഥികള്‍ക്ക് പഠന കേന്ദ്രം അനുവദിച്ചു. രജിസ്‌ട്രേഷന്‍ സമയത്ത് അനുവദിച്ചിട്ടുള്ള യൂസര്‍നെയിം, പാസ്‌വേഡ് ഇവ ഉപയോഗിച്ച് www.scolekerala.org തിരിച്ചറിയല്‍ കാര്‍ഡ് ഡൗണ്‍ലോഡ് ചെയ്ത് എടുക്കേണ്ടതും അനുവദിച്ച പഠനകേന്ദ്രം കോഡിനേറ്റിംഗ് ടീച്ചര്‍ മുമ്പാകെ സമര്‍പ്പിച്ച് ഒപ്പ് വാങ്ങണം. ഒന്നാം വര്‍ഷ സമ്പര്‍ക്ക ക്ലാസുകളുടെ വിവരം പഠനകേന്ദ്രങ്ങള്‍ മുഖേന അറിയാം. Dt.22.9.2018.
************************
2018-19 വര്‍ഷത്തെ ഐ.ഡി.എം.ഐ (ഇന്‍ഫ്രാസ്ട്രക്ചര്‍ ഡെവലപ്‌മെന്റ് മൈനോരിറ്റി ഇന്‍സ്റ്റിറ്റ്യൂഷന്‍സ്) പദ്ധതിയുമായി ബന്ധപ്പെട്ട ഗ്രാന്റിനുള്ള വിജ്ഞാപനം കേന്ദ്ര സര്‍ക്കാര്‍ പുറപ്പെടുവിച്ചു. അപേക്ഷകള്‍ 20നകം ഓണ്‍ലൈനായി പൊതുവിദ്യാഭ്യാസ ഡയറക്ടറുടെ കാര്യാലയത്തില്‍ സമര്‍പ്പിക്കണം. അന്തിമ പരിശോധനയ്ക്ക് ശേഷം അപേക്ഷകള്‍ കേന്ദ്ര മാനവവിഭശേഷി മന്ത്രാലയത്തിന് സെപ്റ്റംബര്‍ 26നകം നല്‍കും. കൂടുതല്‍ വിവരങ്ങള്‍ക്ക്: www.spemm.mhrd.gov.in. അപേക്ഷകള്‍ nepsection@gmail.com ല്‍ അയക്കണം. Dt.15.9.2018.
************************
ഒ.ബി.സി. വിഭാഗം വിദ്യാര്‍ത്ഥികള്‍ക്കുള്ള പ്രീ മെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. രക്ഷിതാക്കളുടെ വാര്‍ഷിക വരുമാനം 2.50 ലക്ഷം രൂപയില്‍ കവിയരുത്. സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ കാസ്സുകളില്‍ പഠിക്കുന്ന ഒ.ബി.സി വിദ്യാര്‍ത്ഥികള്‍ക്ക് അപേക്ഷിക്കാം. അപേക്ഷാ ഫോറത്തിന്റെ മാതൃകയും അപേക്ഷകര്‍ക്കും സ്‌കൂള്‍ അധികൃതര്‍ക്കുമുള്ള നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭിക്കും. അപേക്ഷകള്‍ പൂരിപ്പിച്ച് സെപ്തംബര്‍ 25 നകം സ്‌കൂള്‍ പ്രധാനാധ്യാപകനെ ഏല്‍പ്പിക്കണം. സ്‌കൂള്‍ അധികൃതര്‍ സെപ്തംബര്‍ 30 നകം ഡാറ്റാ എന്‍ട്രി നടത്തണമെന്നും പിന്നാക്ക വിഭാഗ വികസന വകുപ്പ് ഡയറക്ടര്‍ അറിയിച്ചു. Dt.15.9.2018.
************************
സംസ്ഥാന സര്‍ക്കാരിന്റെ നിയന്ത്രണത്തിലുള്ള സ്‌കൂളുകളിലെ അധ്യാപക നിയമനത്തിനുള്ള യോഗ്യതാ പരീക്ഷയായ കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) ഒക്‌ടോബര്‍ 20, 27 തിയതികളില്‍ സംസ്ഥാനത്തെ വിവിധ കേന്ദ്രങ്ങളില്‍ നടത്തും. അപേക്ഷ ഓണ്‍ലൈനായി സമര്‍പ്പിക്കുന്നതിനുള്ള തിയതി സെപ്റ്റംബര്‍ 18 വരെ നീട്ടി. വെബ്‌സൈറ്റ്: www.keralapareekshabhavan.in, www.ktet.kerala.gov.in Dt.15.9.2018.
************************
ദുരിതാശ്വാസ നിധിയിലേക്ക് നിര്‍ബന്ധിത വിഭവസമാഹരണം പാടില്ല വകുപ്പ് മേധാവികളും ജില്ലാകളക്ടര്‍മാരും ചീഫ് സെക്രട്ടറിയുടെ നിര്‍ദ്ദേശം പാലിക്കണം പ്രളയത്തെ തുടര്‍ന്ന് ദുരിതത്തില്‍പെട്ട കേരളത്തിലെ ജനങ്ങളുടെ ജീവിതം പുനര്‍നിര്‍മിക്കുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സ്വരൂപിക്കുന്നതിനായി നടത്തുന്ന യജ്ഞത്തില്‍ നിര്‍ബന്ധിത വിഭവസമാഹരണം പാടില്ലെന്ന് ചീഫ് സെക്രട്ടറി വകുപ്പ് അധ്യക്ഷന്‍മാര്‍ക്കും ജില്ലാ കളക്ടര്‍മാര്‍ക്കും നിര്‍ദ്ദേശം നല്‍കി. നിര്‍ബന്ധിത വിഭവസമാഹരണം സദുദ്ദേശ്യത്തോടെ ആരംഭിച്ച ലക്ഷ്യത്തെ പരാജയപ്പെടുത്തുമെന്നാണ് സര്‍ക്കാരിന്റെ വിലയിരുത്തല്‍. സ്വമേധയാ നല്‍കുന്ന പണമാണ് സി. എം. ഡി. ആര്‍. എഫിലേക്ക് സ്വരൂപിക്കേണ്ടതെന്നും നിര്‍ദ്ദേശിച്ചിട്ടുണ്ട്. വകുപ്പ് മേധാവികളും ജില്ലാ കളക്ടര്‍മാരും നിര്‍ദ്ദേശം കര്‍ശനമായി പാലിക്കണമെന്ന് ചീഫ് സെക്രട്ടറി ആവശ്യപ്പെട്ടു. Dt.15.9.2018.
************************
സ്‌കോള്‍- കേരള മുഖേന വൊക്കേഷണല്‍ ഹയര്‍സെക്കണ്ടറി അഡീഷണല്‍ മാത്തമാറ്റിക്‌സ് 2018-20 ഒന്നാം വര്‍ഷ പ്രവേശനത്തിന് അപേക്ഷ ക്ഷണിച്ചു. അപേക്ഷകര്‍ സംസ്ഥാനത്തെ ഒരു റെഗുലര്‍ വൊക്കേഷണല്‍ ഹയര്‍സെക്കണ്ടറി സ്‌കൂള്‍ 'ബി' ഗ്രൂപ്പില്‍ ഒന്നാം വര്‍ഷം പ്രവേശനം നേടിയവരായിരിക്കണം. www.scolekerala.orgയില്‍ ഓണ്‍ലൈനായി രജിസ്റ്റര്‍ ചെയ്യണം. രജിസ്‌ട്രേഷന്‍ ഫീസ് 500 രൂപ. ഓണ്‍ലൈനില്‍ രജിസ്റ്റര്‍ ചെയ്ത അപേക്ഷയുടെ പ്രിന്റൗട്ടിനൊപ്പം ജനറേറ്റ് ചെയ്ത് ലഭിക്കുന്ന ചെലാന്‍ ഉപയോഗിച്ച് സംസ്ഥാനത്തെ ഏത് പോസ്റ്റാഫീസിലും ഫീസ് അടയ്ക്കാം. സെപ്തംബര്‍ 17 മുതല്‍ ഒക്‌ടോബര്‍ 9 വരെ പിഴകൂടാതെയും, ഒക്‌ടോബര്‍ 12 വരെ 60 രൂപ പിഴയോടെയും ഓണ്‍ലൈന്‍ രജിസ്‌ട്രേഷന്‍ നടത്താം. വിശദ വിവരങ്ങള്‍ സ്‌കോള്‍ കേരള വെബ്‌സൈറ്റിലെ അഡീഷണല്‍ മാത്തമാറ്റിക്‌സ് പ്രോസ്‌പെക്റ്റസില്‍ ലഭിക്കും. ഓണ്‍ലൈന്‍ രജിസ്‌ട്രേഷനുശേഷം വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത അപേക്ഷയുടെ പ്രിന്റ് ഔട്ടും, ഫീസ് അടച്ച ചെലാനും നിര്‍ദ്ദിഷ്ട രേഖകളും സഹിതമുള്ള അപേക്ഷകള്‍ അതത് വൊക്കേഷണല്‍ സ്‌കൂള്‍ പ്രിന്‍സിപ്പാള്‍ മുഖാന്തിരം 2018 ഒക്‌ടോബര്‍ 17 നകം എക്‌സിക്യൂട്ടീവ് ഡയറക്ടര്‍, സ്‌കോള്‍-കേരള, വിദ്യാഭവന്‍, പൂജപ്പുര, തിരുവനന്തപുരം 12 എന്ന വിലാസത്തില്‍ നേരിട്ടോ സ്പീഡ്/രജിസ്‌ട്രേഡ് തപാല്‍ വഴിയോ എത്തിക്കണം. ഫോണ്‍: 0471-2342950, 2342369, 2342271. Dt.15.9.2018.
************************
കേരള അബ്കാരി തൊഴിലാളി ക്ഷേമനിധി പദ്ധതിയില്‍ അംഗങ്ങളായിട്ടുള്ള വിദേശമദ്യ, ബാര്‍ സ്ഥാപനങ്ങളിലെ തൊഴിലാളികളുടെ മക്കള്‍ക്ക് 2017-18 (നിലവില്‍ തുടര്‍ വിദ്യാഭ്യാസ കോഴ്‌സുകളില്‍ പഠിക്കുന്നവര്‍ക്ക്) അധ്യയന വര്‍ഷത്തേക്ക് സ്‌കോളര്‍ഷിപ്പ്, പ്രൊഫഷണല്‍ കോഴ്‌സുകളില്‍ പഠിക്കുന്ന വിദ്യാര്‍ത്ഥികള്‍ക്കുള്ള ലാപ്‌ടോപ്പ് എന്നിവ വിതരണം ചെയ്യുന്നതിന് അപേക്ഷകള്‍ സമര്‍പ്പിക്കുന്നതിനുള്ള അവസാന തീയതി 29 വൈകിട്ട് അഞ്ച് വരെ ദീര്‍ഘിപ്പിച്ചു. ഫോണ്‍ : തിരുവനന്തപുരം 0471-2460397, എറണാകുളം 0484-2368531, കോഴിക്കോട് 0495-2768094. Dt.14.8.2018.
************************
ഒ.ബി.സി. വിഭാഗം വിദ്യാര്‍ത്ഥികള്‍ക്കുള്ള പ്രിമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. രക്ഷിതാക്കുളുടെ വാര്‍ഷിക വരുമാനം 2,50,000/- രൂപയില്‍ അധികരിക്കാത്തതും സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്നതുമായ ഒ.ബി.സി. വിഭാഗം വിദ്യാര്‍ത്ഥികള്‍ക്ക് സ്‌കോളര്‍ഷിപ്പിന് അപേക്ഷിക്കാം. അപേക്ഷാ ഫോറത്തിന്റെ മാതൃകയും നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭിക്കും. അപേക്ഷകള്‍ പൂരിപ്പിച്ച് 25-ന് മുന്‍പ് സ്‌കൂള്‍ പ്രധാനാധ്യാപകനെ ഏല്‍പ്പിക്കണം. സ്‌കൂള്‍ അധികൃതര്‍ 30-നകം ഡാറ്റാ എന്‍ട്രി നടത്തണമെന്ന് പിന്നാക്ക വിഭാഗ വികസന വകുപ്പ് ഡയറക്ടര്‍ അറിയിച്ചു. Dt.14.8.2018.
************************
പ്രളയബാധിതരെ പുനരധിവസിപ്പിക്കാനും നവകേരളം സൃഷ്ടിക്കാനുമായി സംസ്ഥാനത്തെ സ്‌കൂള്‍ വിദ്യാര്‍ത്ഥികള്‍ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്തത് 12.80 കോടി രൂപ. രണ്ടു ദിവസമായി ഒന്നുമുതല്‍ 12 വരെ ക്ലാസുകളുള്ള സ്‌കൂളുകളിലെ കുട്ടികളില്‍ നിന്നും ശേഖരിച്ച തുക സമ്പൂര്‍ണ പോര്‍ട്ടലില്‍ വൈകിട്ട് ആറു മണി വരെ രേഖപ്പെടുത്തിയ കണക്കാണിത്. ആകെ 12862 സ്‌കൂളുകളാണ് തുക സംഭാവന ചെയ്തത്. ഇതില്‍ എല്‍.പി മുതല്‍ ഹൈസ്‌കൂള്‍ വരെയുള്ള 10,945 സ്‌കൂളുകളും, 1705 ഹയര്‍ സെക്കന്‍ഡറി/വി.എച്ച്.എസ്.എസ്, 212 സി.ബി.എസ്.ഇ/ഐ.സി.എസ്.ഇ സ്‌കൂളുകളും പങ്കാളികളായി. ഏറ്റവും കൂടുതല്‍ തുക (10.05 ലക്ഷം) രേഖപ്പെടുത്തിയത് കോഴിക്കോട് നടക്കാവ് ഗവ.ഗേള്‍സ് വി.എച്ച്.എസ്.എസ്. സ്‌കൂളും ജില്ല മലപ്പുറവുമാണ് (2.10 കോടി). പല സ്‌കൂളുകളും അപ്‌ഡേറ്റ് ചെയ്തുകൊണ്ടിരിക്കുന്നതിനാല്‍ തുക ഇനിയും കൂടും. ഇതില്‍ പങ്കാളികളായ മുഴുവന്‍ വിദ്യാര്‍ത്ഥികളേയും പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അഭിനന്ദിച്ചു. ജില്ലാതല കണക്ക് ചുവടെ: തിരുവനന്തപുരം: 9494959, കൊല്ലം: 9052481, പത്തനംതിട്ട: 3874185, ആലപ്പുഴ: 4361235, കോട്ടയം: 5868308, ഇടുക്കി: 2433250, എറണാകുളം: 6472499, തൃശൂര്‍: 9672738, പാലക്കാട്: 8581065, മലപ്പുറം: 21024588, കോഴിക്കോട്: 20768956, വയനാട്: 3027620, കണ്ണൂര്‍: 15844145, കാസര്‍കോട്: 7585210. Dt.12.8.2018.
************************
2017 ഒക്‌ടോബറില്‍ ഒന്നാം വര്‍ഷ തുല്യതാപരീക്ഷ എഴുതിയവര്‍ക്കുള്ള രണ്ടാം വര്‍ഷ പരീക്ഷയും 2017 ഒക്‌ടോബറില്‍ രണ്ടാം വര്‍ഷ പരീക്ഷ എഴുതി പരാജയപ്പെട്ടവരുടെ രണ്ടാം വര്‍ഷ വിഷയങ്ങളുടെ സപ്ലിമെന്ററി പരീക്ഷയും പുതുതായി ഒന്നാം വര്‍ഷ രജിസ്‌ട്രേഷന്‍ നടത്തിയ വിദ്യാര്‍ത്ഥികളുടെ ഒന്നാം വര്‍ഷ തുല്യതാ പരീക്ഷയും 2018 നവംബര്‍ 17, 18, 22, 23, 24, 25 തിയതികളില്‍ കേരളത്തിലെ വിവിധ പരീക്ഷാ കേന്ദ്രങ്ങളില്‍ നടത്തും. ഒന്നാം വര്‍ഷം 600 രൂപ, രണ്ടാം വര്‍ഷം (പ്രാക്ടിക്കല്‍ ഇല്ലാത്ത കോമ്പിനേഷന്‍) 600 രൂപ, രണ്ടാം വര്‍ഷം (പ്രാക്ടിക്കലുള്ള കോമ്പിനേഷന്‍) 700 രൂപ എന്നിങ്ങനെയാണ് പരീക്ഷാഫീസ്. സര്‍ട്ടിഫിക്കറ്റിന് ഒന്നാം വര്‍ഷം 100 രൂപയും രണ്ടാം വര്‍ഷം 150 രൂപയും (മൈഗ്രേഷന്‍ 50 രൂപ ഉള്‍പ്പെടെ)യും ഫീസടയ്ക്കണം. പിഴയില്ലാതെ ഫീസടയ്‌ക്കേണ്ട അവസാന തിയതി ഒക്‌ടോബര്‍ 16.20 രൂപ പിഴയോടെ ഫീസടയ്‌ക്കേണ്ട അവസാന തിയതി ഒക്‌ടോബര്‍ 22. വിജ്ഞാപനത്തിന്റെ പൂര്‍ണരൂപം www.dhsekerala.gov.in എന്ന പോര്‍ട്ടലില്‍ ലഭിക്കും. Dt.12.8.2018.
************************
സ്‌കോള്‍ കേരള മുഖേന 2018 -2020 ബാച്ചില്‍ പ്ലസ് വണ്‍ പ്രവേശനത്തിന് സെപ്റ്റംബര്‍ 12, 13 തിയതികളില്‍ കൂടി www.scolekerala.org എന്ന വെബ്‌സൈറ്റില്‍ ഓണ്‍ലൈനായി രജിസ്‌ട്രേഷന് ക്രമീകരണം ഏര്‍പ്പെടുത്തി. ഇപ്രകാരം രജിസ്റ്റര്‍ ചെയ്യുന്നവര്‍ സെപ്റ്റംബര്‍ 14ന് വൈകിട്ട് അഞ്ചിനകം തിരുവനന്തപുരത്തെ സംസ്ഥാന കേന്ദ്രത്തില്‍ അപേക്ഷാ ഫോറവും അനുബന്ധ രേഖകളും ഹാജരാക്കണം. ഈ അക്കാദമിക വര്‍ഷം ഇനി മറ്റൊരു അവസരം ലഭിക്കില്ലെന്നും അതിനാല്‍ ഈ അവസരം പ്രയോജനപ്പെടുത്തണമെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. ഫോണ്‍: 0471 2342950, 2342271, 2342369. Dt.11.8.2018.
************************
സംസ്ഥാനത്തെ പ്രളയ പശ്ചാത്തലത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരളത്തിലെ മുഴുവന്‍ വിദ്യാലയങ്ങളില്‍ നിന്നും പണം ശേഖരിക്കുന്നതിനും കണക്ക് രേഖപ്പെടുത്തുന്നതിനും കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (KITE) സാങ്കേതിക സംവിധാനം ഏര്‍പ്പെടുത്തി. ഓരോ സ്‌കൂളും ശേഖരിക്കുന്ന തുക സെപ്തംബര്‍ 11-ന് വൈകുന്നേരം 'സമ്പൂര്‍ണ' സ്‌കൂള്‍ മാനേജ്‌മെന്റ് സോഫ്റ്റ്‌വെയറിലാണ് രേഖപ്പെടുത്തേണ്ടത്. എസ്.ബി.ഐയുടെ പോര്‍ട്ടലില്‍ ഓണ്‍ലൈനായും ചെലാന്‍ ഉപയോഗിച്ച് ശാഖകള്‍ വഴിയും പൊതുവിദ്യാഭ്യാസവകുുപ്പിന്റെ ബാങ്ക് അക്കൗണ്ടില്‍ പണമടയ്ക്കാം. സംസ്ഥാനത്തെ ഒന്നു മുതല്‍ പന്ത്രണ്ടുവരെയുള്ള മുഴുവന്‍ സ്‌കൂളുകളുടെയും (സി.ബി.എസ്.ഇ, ഐ.സി.എസ്.ഇ, കേന്ദ്രീയവിദ്യാലയങ്ങള്‍ ഉള്‍പ്പെടെ) വിശദാംശങ്ങള്‍ സമ്പൂര്‍ണയില്‍ രേഖപ്പെടുത്തണം എന്ന് നേരത്തെ സര്‍ക്കാര്‍ ഉത്തരവ് ഇറക്കിയിരുന്നു. പ്രളയ ദുരിതാശ്വാസ പ്രവര്‍ത്തനങ്ങളും സമ്പൂര്‍ണ പോര്‍ട്ടല്‍ വഴി നടത്താന്‍ നിര്‍ദ്ദേശിക്കുന്ന സര്‍ക്കുലറും പൊതുവിദ്യാഭ്യാസ വകുപ്പ് പുറത്തിറക്കി. www.sampoorna.itschool.gov.inപോര്‍ട്ടലില്‍ ആണ് ഫണ്ടുശേഖരണ വിവരങ്ങള്‍ നല്‍കേണ്ടത്. പ്രൈമറി-ഹൈസ്‌കൂള്‍ വിഭാഗങ്ങള്‍ നിലവിലുള്ള 'സമ്പൂര്‍ണ' ലോഗിന്‍ വിശദാംശങ്ങള്‍ നല്‍കിയും ഹയര്‍സെക്കന്ററി-വി.എച്ച്.എസ്.ഇ വിഭാഗങ്ങള്‍ എച്ച്.എസ്.ക്യാപില്‍ നല്‍കിയിട്ടുള്ള ലോഗിന്‍ വിശദാംശങ്ങള്‍ നല്‍കിയും സമ്പൂര്‍ണ പോര്‍ട്ടലില്‍ പ്രവേശിക്കാം. സി.ബി.എസ്.ഇ/ഐ.സി.എസ്.ഇ തുടങ്ങിയ സംസ്ഥാന സിലബസിനു പുറമെയുള്ള സ്‌കൂളുകള്‍ സമ്പൂര്‍ണയില്‍ നല്‍കിയ ലിങ്കില്‍ പുതുതായി രജിസ്റ്റര്‍ ചെയ്യണം. പ്രളയ ബാധിത സ്‌കൂളുകളിലെ കെട്ടിടം, ചുറ്റുമതില്‍, ശൗചാലയം, കുടിവെള്ള വിതരണ സംവിധാനം, ജൈവവൈവിധ്യ ഉദ്യാനം തുടങ്ങിയവയ്ക്കുണ്ടായ നാശനഷ്ടങ്ങള്‍ ചിത്രം സഹിതം ശേഖരിക്കുന്ന പ്രക്രിയ ചൊവ്വാഴ്ചയോടെ പൂര്‍ത്തിയാകുമെന്ന് കൈറ്റ് വൈസ് ചെയര്‍മാനും എക്‌സിക്യൂട്ടീവ് ഡയറക്ടറുമായ കെ. അന്‍വര്‍ സാദത്ത് അറിയിച്ചു. താല്‍പര്യമുള്ളവര്‍ക്ക് പുനരുദ്ധാരണ പ്രവര്‍ത്തനങ്ങളില്‍ സഹായിക്കാനായി സ്‌കൂളുകളുടെയും നാശനഷ്ടങ്ങളുടെയും വിശദാംശങ്ങള്‍ വെബ്‌സൈറ്റില്‍ ബുധനാഴ്ചയോടെ പ്രസിദ്ധീകരിക്കും. സര്‍ക്കുലറുകള്‍ www.education.kerala.gov.in ല്‍ ലഭ്യമാണ്. Dt.9.8.2018.
************************
സെപ്റ്റംബര്‍ മൂന്നിന് നടത്താനിരുന്ന ഒന്നാം വര്‍ഷ ഹയര്‍സെക്കന്‍ഡറി ഇംപ്രൂവ്‌മെന്റ്/സപ്ലിമെന്ററി പരീക്ഷ ഒക്‌ടോബര്‍ നാലിന് നടത്തും. ടൈംടേബിളില്‍ മാറ്റമില്ല.Dt.7.9.2018.
************************
സംസ്ഥനത്തെ പ്രളയക്കെടുതിയില്‍ സ്‌കോള്‍-കേരള വിദ്യാര്‍ത്ഥികള്‍ക്ക് അനുവദിച്ച രേഖകള്‍ തിരിച്ചുകിട്ടാത്തവിധം നഷ്ടമായിട്ടുണ്ടെങ്കില്‍ അതിന്റെ ഡ്യൂപ്‌ളിക്കേറ്റ് അനുവദിക്കും. ഡ്യൂപ്‌ളിക്കേറ്റിന് നിലവില്‍ ഏര്‍പ്പെടുത്തിയിട്ടുള്ള വ്യവസ്ഥകള്‍ ഒഴിവാക്കിയാണ് രേഖകളുടെ ഡ്യൂപ്‌ളിക്കേറ്റ് അനുവദിക്കുക. www.scolekerala.org എന്ന വെബ്‌സൈറ്റില്‍ നിന്ന് ഇതിനായുള്ള പ്രത്യേക അപേക്ഷാ ഫാറം ഡൗണ്‍ലോഡ് ചെയ്ത് ആവശ്യപ്പെട്ട വിവരങ്ങള്‍ രേഖപ്പെടുത്തി, ബന്ധപ്പെട്ട തദ്ദേശസ്വയംഭരണ സ്ഥാപന മേലധികാരിയുടെ സാക്ഷ്യപ്പെടുത്തലോടെ സെപ്റ്റംബര്‍ 19നകം എക്‌സിക്യൂട്ടീവ് ഡയറക്ടര്‍, സ്‌കോള്‍ കേരള, വിദ്യാഭവന്‍, പൂജപ്പുര പി.ഒ., തിരുവനന്തപുരം 695012 എന്ന വിലാസത്തില്‍ നേരിട്ടോ, സ്പീഡ്/രജിസ്റ്റേര്‍ഡ് തപാല്‍ മാര്‍ഗ്ഗമോ എത്തിക്കണം. ഫോണ്‍: 0471 2342950, 2342271, 2342369.Dt.7.9.2018.
************************
ഉറുദു ഒന്നാം ഭാഷയായെടുത്ത് എസ്.എസ്.എല്‍.സി/പ്ലസ്ടു തലങ്ങളില്‍ (2017 -2018) എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ത്ഥികള്‍ക്ക് ക്യാഷ് അവാര്‍ഡ് നല്‍കുന്നതിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. അപേക്ഷകര്‍ക്ക് ഏതെങ്കിലും ദേശസാത്കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. അവസാന തിയതി 22. ഫോണ്‍: 0471 2302090, 2300524.Dt.7.9.2018.
************************
പൊതുവിദ്യാഭ്യാസ വകുപ്പില്‍ 2019 ലെ സ്ഥാനക്കയറ്റത്തിന് അര്‍ഹതയുള്ള അധ്യാപക/അധ്യാപകേതര ജീവനക്കാരുടെ സെലക്ട് ലിസ്റ്റ് തയ്യാറാക്കുന്നതിന് 2015 ജനുവരി ഒന്നു മുതല്‍ 2017 ഡിസംബര്‍ 31 വരെയുള്ള കോണ്‍ഫിഡന്‍ഷ്യല്‍ റിപ്പോര്‍ട്ടുകള്‍ 30ന് മുമ്പ് ബന്ധപ്പെട്ട വിദ്യാഭ്യാസ ഉപഡയറക്ടര്‍ മുഖേന പൊതുവിദ്യാഭ്യാസ ഡയറക്ടറുടെ കാര്യാലയത്തില്‍ ലഭ്യമാക്കണം. വെബ്‌സൈറ്റ്: www.education.kerala.gov.in Dt.7.9.2018.
************************
സെറ്റ് ജൂലൈ 2018 പരീക്ഷ നാളെ (സെപ്റ്റംബര്‍ ഒന്‍പത്) 14 ജില്ലാ ആസ്ഥാനങ്ങളിലുമുള്ള പരീക്ഷാ കേന്ദ്രങ്ങളില്‍ നടത്തും. അപേക്ഷ സമര്‍പ്പിച്ചിട്ടുള്ളവര്‍ ഹാള്‍ടിക്കറ്റുകള്‍ www.lbscentere.org, www.lbskerala.comഎന്നീ വെബ്‌സൈറ്റുകളില്‍ നിന്നും ഡൗണ്‍ലോഡ് ചെയ്ത് എടുക്കണം. ഫോട്ടോ പതിച്ച ഒറിജിനല്‍ തിരിച്ചറിയല്‍ കാര്‍ഡ് ഹാജരാക്കാത്ത വരെ പരീക്ഷ എഴുതാന്‍ അനുവദിക്കില്ല.Dt.7.9.2018.
************************
പുനര്‍നിര്‍മ്മാണത്തിനായി തുക കണ്ടെത്താന്‍ സംഘടിതശ്രമം നടത്തുന്ന കേരള സര്‍ക്കാര്‍ സംരംഭത്തില്‍ കേരളത്തിലെ മുഴുവന്‍ കുട്ടികളും പങ്കാളികളായി സഹകരിക്കണമെന്ന് വിദ്യാഭ്യാസ വകുപ്പ് മന്ത്രി പ്രൊഫ: സി. രവീന്ദ്രനാഥ് അഭ്യര്‍ഥിച്ചു. മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായം അഭ്യര്‍ത്ഥിച്ചപ്പോള്‍ എല്ലാ കോണുകളില്‍ നിന്നും സംഭാവന പ്രവഹിക്കുന്ന കാഴ്ചയാണ് കാണുന്നത്. എന്നാല്‍ നമുക്കുണ്ടായ നഷ്ടം വളരെ വലുതാണ്. കുട്ടികളുടെ സംഭാവന സ്‌കൂള്‍ അടിസ്ഥാനത്തില്‍ സെപ്തംബര്‍ 11 ന് ശേഖരിക്കണം എന്നാണ് ഉദ്ദേശിക്കുന്നത്. സര്‍ക്കാര്‍, എയ്ഡഡ്, അണ്‍ എയ്ഡഡ്, സിബി.എസ്.ഇ, ഐ.സി.എസ്.സി കുട്ടികളുടെ വകയായി ലഭിക്കുന്ന തുക സ്‌കൂളടിസ്ഥാനത്തില്‍ സ്വീകരിച്ച് വിദ്യാഭ്യാസ വകുപ്പിന്റെ സംഭാവനയായി നല്‍കാം. കഴിയാവുന്ന തുക നല്‍കി ഈ ഉദ്യമം വിജയിപ്പിക്കണമെന്ന് കുട്ടികളോടും സ്‌കൂളുമായി ബന്ധപ്പെട്ട എല്ലാവരോടും അഭ്യര്‍ത്ഥിക്കുന്നതായി മന്ത്രി പറഞ്ഞു.Dt.7.9.2018.
************************
ലോവര്‍ പ്രൈമറി വിഭാഗം, അപ്പര്‍ പ്രൈമറി വിഭാഗം, ഹൈസ്‌കൂള്‍ വിഭാഗം, സ്‌പെഷ്യല്‍ വിഭാഗം (ഭാഷാ-യു.പി. തലംവരെ/സ്‌പെഷ്യല്‍ വിഷയങ്ങള്‍-ഹൈസ്‌കൂള്‍ തലം വരെ) എന്നിവയിലെ അദ്ധ്യാപക യോഗ്യത പരീക്ഷയ്ക്ക് (കെ-ടെറ്റ്) വേണ്ടിയുള്ള വിജ്ഞാപനം പ്രസിദ്ധീകരിച്ചു. കാറ്റഗറി ഒന്നും രണ്ടും പരീക്ഷകള്‍ ഒക്‌ടോബര്‍ 20നും കാറ്റഗറി മൂന്നും നാലും പരീക്ഷകള്‍ 27നും കേരളത്തിലെ വിവിധ സെന്ററുകളില്‍ നടക്കും. കെ.ടെറ്റ് ഒക്‌ടോബര്‍ 2018-ല്‍ പങ്കെടുക്കുന്നതിനുള്ള ഓണ്‍ലൈന്‍ അപേക്ഷയും, ഫീസും www.keralapareekshabhavan.in എന്ന വെബ്‌സൈറ്റ് വഴിയും ktet.kerala.gov.in എന്ന വെബ്‌പോര്‍ട്ടല്‍ വഴിയും സെപ്റ്റംബര്‍ ആറ് മുതല്‍ 15 വരെ സമര്‍പ്പിക്കാം. ഒന്നിലധികം കാറ്റഗറികള്‍ക്ക് അപേക്ഷിക്കുന്നവര്‍ ഓരോ കാറ്റഗറിക്കും 500 രൂപ വീതവും എസ്.സി./എസ്.ടി/പി.എച്ച്/അന്ധര്‍ വിഭാഗത്തിലുള്ളവര്‍ 250 രൂപ വീതവും അടയ്ക്കണം. ഓണ്‍ലൈന്‍ നെറ്റ്ബാങ്കിംഗ്, ക്രെഡിറ്റ്/ഡെബിറ്റ് കാര്‍ഡ് എന്നിവ മുഖേനയും പരീക്ഷാ ഫീസ് അടയ്ക്കാം. ഓരോ കാറ്റഗറിയിലേക്കും അപേക്ഷിക്കാനുള്ള യോഗ്യതയുടെ വിവരങ്ങള്‍ അടങ്ങിയ പ്രോസ്‌പെക്ടസും, ഓണ്‍ലൈന്‍ രജിസ്‌ട്രേഷന്‍ നടത്തുന്നതിനുള്ള മാര്‍ഗ്ഗ നിര്‍ദ്ദേശങ്ങളും www.keralapareekshabhavan.in/ktet.kerala.gov.in-ല്‍ ലഭ്യമാണ്. ഒന്നോ അതിലധികമോ കാറ്റഗറികളില്‍ ഒരുമിച്ച് ഒരു പ്രാവശ്യം മാത്രമേ അപേക്ഷിക്കാന്‍ കഴിയുകയുള്ളൂ. അപേക്ഷ സമര്‍പ്പിച്ച് ഫീസ് അടച്ച് കഴിഞ്ഞാല്‍ പിന്നീട് യാതൊരുവിധ തിരുത്തലുകളും അനുവദിക്കുകയില്ല. അതിനാല്‍ നോട്ടിഫിക്കേഷനിലുള്ള മാര്‍ഗ്ഗ നിര്‍ദ്ദേശങ്ങള്‍ അപേക്ഷിക്കുന്നതിനു മുമ്പ് ഡൗണ്‍ലോഡ് ചെയ്ത് വായിച്ചിരിക്കണം. പേര്, ജനനതീയതി, കാറ്റഗറി, ജാതി, വിഭാഗം എന്നിവ വളരെ ശ്രദ്ധയോടെ പൂരിപ്പിക്കണം. പിന്നീട് തിരുത്തലുകള്‍ അനുവദിക്കുന്നതല്ല. അഡ്മിറ്റ് കാര്‍ഡ് ഒക്‌ടോബര്‍ 11 മുതല്‍ ഡൗണ്‍ലോഡ് ചെയ്യാം.Dt.6.9.2018.
************************
സര്‍ക്കാര്‍/എയ്ഡഡ്/മറ്റ് അംഗീകാരമുള്ള വിദ്യാലയങ്ങളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്ന കുട്ടികള്‍ക്കായി 2018 -19 അധ്യയന വര്‍ഷത്തെ ന്യൂനപക്ഷ പ്രീ-മെട്രിക് ഉള്‍പ്പെടെയുള്ള കേന്ദ്രാവിഷ്‌കൃത സ്‌കോളര്‍ഷിപ്പുകള്‍ക്ക് ഇപ്പോള്‍ അപേക്ഷിക്കാം. ന്യൂനപക്ഷ മതവിഭാഗങ്ങളില്‍പ്പെടുന്ന കുടുംബ വാര്‍ഷിക വരുമാനം ഒരു ലക്ഷം രൂപയില്‍ താഴെയുള്ളവരുടെ മക്കള്‍ക്ക് ന്യൂനപക്ഷ പ്രീ -മെട്രിക് സ്‌കോളര്‍ഷിപ്പിന് അപേക്ഷിക്കാം. മിനിമം സ്‌കോളര്‍ഷിപ്പ് തുക 1000 രൂപയാണ്. സ്‌കോളര്‍ഷിപ്പിന് അപേക്ഷിക്കുന്ന കുട്ടികള്‍ക്ക് മുന്‍വര്‍ഷത്തെ വാര്‍ഷിക പരീക്ഷയില്‍ 50 ശതമാനം മാര്‍ക്ക് ലഭിച്ചിരിക്കണം. ഒന്നാം ക്ലാസിലെ കുട്ടികള്‍ക്ക് മാര്‍ക്ക് ബാധകമല്ല. നാഷണല്‍ സ്‌കേളാര്‍ഷിപ്പ് പോര്‍ട്ടല്‍ വഴി ഓണ്‍ലൈനായി മാത്രമേ അപേക്ഷകള്‍ സമര്‍പ്പിക്കാനാവൂ. അപേക്ഷകരായ കുട്ടികള്‍ക്ക് ആധാര്‍ കൂട്ടിച്ചേര്‍ത്ത ബാങ്ക് അക്കൗണ്ട് ഉണ്ടായിരിക്കണം. ന്യൂനപക്ഷ പ്രീമെട്രിക് സ്‌കോളര്‍ഷിപ്പിന് അപേക്ഷിക്കേണ്ട അവസാന തിയതി 30 ആണ്. പൊതുവിദ്യാലയങ്ങളില്‍ 9, 10 ക്ലാസുകളില്‍ പഠിക്കുന്ന അംഗവൈകല്യമുള്ള കുട്ടികള്‍ക്കായുളള പ്രീ-മെട്രിക് സ്‌കോളര്‍ഷിപ്പിനും ഇപ്പോള്‍ അപേക്ഷിക്കാം. 40ശതമാനത്തിലധികം ശാരീരിക വൈകല്യമുള്ള കുട്ടികള്‍ക്ക് വൈകല്യത്തിന്റെ പ്രത്യേകത പരിഗണിച്ച് ഉയര്‍ന്ന സ്‌കോളര്‍ഷിപ്പിന് അര്‍ഹത ഉണ്ടായിരിക്കും. അപേക്ഷകള്‍ സമര്‍പ്പിക്കേണ്ട അവസാന തിയതി 30 ആണ്. 2017 നവംബറില്‍ എസ്.സി.ഇ.ആര്‍.ടി നടത്തിയ നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പ് യോഗ്യതാ പരീക്ഷ വിജയിച്ച കുട്ടികള്‍ക്ക് നാഷണല്‍ സ്‌കോളര്‍ഷിപ്പ് പോര്‍ട്ടല്‍ വഴി ഓണ്‍ലൈന്‍ ആയി അപേക്ഷ സമര്‍പ്പിക്കണം. 2018-19 വര്‍ഷത്തേക്ക് 3473 കുട്ടികളെ നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പിനായി പുതുതായി തെരെഞ്ഞെടുത്തിട്ടുണ്ട്. പൊതുവിദ്യാഭ്യാസ വകുപ്പിന്റെ വെബ്‌സൈറ്റില്‍ അര്‍ഹരായ കുട്ടികളുടെ പട്ടിക ജില്ലാടിസ്ഥാനത്തില്‍ പ്രസിദ്ധീകരിച്ചിട്ടുണ്ട്. 2017-18 വര്‍ഷം മുതല്‍ നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പിന് അര്‍ഹത നേടിയ കുട്ടികള്‍ക്ക് പ്രതിവര്‍ഷം 12000 രൂപ നിരക്കില്‍ ആകെ 48000 രൂപ ഒന്‍പത്, 10, 11, 12 ക്ലാസുകളില്‍ ലഭിക്കും. നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പിന് അപേക്ഷിക്കുന്ന കുട്ടികള്‍ ന്യൂനപക്ഷ പ്രീ മെട്രിക് ഉള്‍പ്പെടെയുള്ള മറ്റ് കേന്ദ്രാവിഷ്‌കൃത സ്‌കോളര്‍ഷിപ്പുകള്‍ക്ക് അപേക്ഷിക്കരുത്. അപേക്ഷ സമര്‍പ്പിക്കുന്നതിനുള്ള അവസാന തിയതി ഒക്‌ടോബര്‍ 31. ഫോണ്‍: 9496304015, 0471 2580583.Dt.6.9.2018.
************************
എന്‍.സി.സി തിരുവനന്തപുരം ഗ്രൂപ്പിന്റെ ആഭിമുഖ്യത്തില്‍ 2(കെ) ബറ്റാലിയന്‍, പള്ളിപ്പുറം സി.ആര്‍.പി.എഫില്‍ നടത്തുന്ന കംബയിന്‍ഡ് ആനുവല്‍ ട്രെയിനിംഗ് ക്യാമ്പ് ആരംഭിച്ചു. തിരുവനന്തപുരം ജില്ലയിലെ വിവിധ കോളേജുകളിലും സ്‌കൂളുകളിലും നിന്ന് 343 ആണ്‍കുട്ടികളും, 179 പെണ്‍കുട്ടികളുമടക്കം 522 എന്‍.സി.സി കേഡറ്റുകള്‍ ക്യാമ്പില്‍ പങ്കെടുക്കുന്നുണ്ട്. കേണല്‍ എം.കെ ചൗഹാന്‍, കേണല്‍ വസന്ത് പണിക്കര്‍ എന്നിവരാണ് നേതൃത്വം നല്‍കുന്നത്. റിപ്പബ്ലിക്ദിന പരേഡില്‍ പങ്കെടുപ്പിക്കുന്നതിനുള്ള കേഡറ്റുകളെ തിരഞ്ഞെടുക്കുന്നതിനാണ് ക്യാമ്പ് സംഘടിപ്പിക്കുന്നത്. പ്രതിരോധ മേഖലകളിലെ വിവിധ തൊഴില്‍ സാധ്യതകള്‍ സംബന്ധിച്ച് പാങ്ങോട് ആര്‍മി റിക്രൂട്ട്‌മെന്റ് ഓഫീസര്‍ ക്ലാസെടുത്തു. ക്യാമ്പിന്റെ ഭാഗമായി ശുചീകരണ പ്രവര്‍ത്തനങ്ങള്‍ നടത്തി.Dt.6.9.2018.
************************
സമൂഹത്തിന്റെ പുന:സൃഷ്ടിക്ക് അധ്യാപകര്‍ മുന്നിട്ടിറങ്ങണം: വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് *ലളിതമായ ചടങ്ങില്‍ അധ്യാപക അവാര്‍ഡുകള്‍ വിതരണം ചെയ്തു *അവാര്‍ഡ് തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്ത് അധ്യാപകര്‍ .സമൂഹം ഏറ്റവുമധികം നന്മകള്‍ പ്രതീക്ഷിക്കുന്നത് അധ്യാപകരില്‍ നിന്നാണെന്നും സമൂഹത്തിന്റെ പുന: സൃഷ്ടിക്കുവേണ്ടി അധ്യാപക സമൂഹം ഒറ്റക്കെട്ടായി പ്രവര്‍ത്തിക്കണമെന്നും പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പറഞ്ഞു. ദേശീയ അധ്യാപക ദിനത്തില്‍ തിരുവനന്തപുരം വിജെറ്റി ഹാളില്‍ ചേര്‍ന്ന ലളിതമായ ചടങ്ങില്‍ സംസ്ഥാന അധ്യാപക അവാര്‍ഡുകള്‍ വിതരണം ചെയ്ത് സംസാരിക്കുകയായിരുന്നു അദ്ദേഹം. നല്ല തലമുറയെ വാര്‍ത്തെടുക്കുന്നതാണ് ഏറ്റവും മികച്ച വികസനപ്രവര്‍ത്തനം. സംസ്ഥാനം നേരിട്ട മഹാപ്രളയകാലത്ത് രക്ഷാപ്രവര്‍ത്തനത്തിലും പുനരധിവാസ പ്രവര്‍ത്തനത്തിലും അധ്യാപകരും അനധ്യാപകരും വിദ്യാര്‍ത്ഥികളും പങ്കെടുത്ത് മാതൃകയായി. പ്രളയക്കെടുതിയില്‍പ്പെട്ട വിദ്യാര്‍ത്ഥികളെ പഠനത്തിനുള്ള മാനസികാവസ്ഥയിലേക്ക് തിരികെക്കൊണ്ടുവരികയാണ് ഇപ്പോള്‍ നമ്മുടെ കടമയെന്നും പ്രളയബാധിതരെ സഹായിക്കാന്‍ മുന്നോട്ടുവന്ന എല്ലാ അധ്യാപകരെയും അഭിനന്ദിക്കുന്നതായും മന്ത്രി പറഞ്ഞു. അധ്യാപക അവാര്‍ഡുകള്‍ ഏറ്റുവാങ്ങിയവരില്‍ ഭൂരിഭാഗം പേരും അവാര്‍ഡുതുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തു. ചിലര്‍ സ്വന്തം സ്‌കൂളിലെ വീടുനഷ്ടപ്പെട്ട കുട്ടികള്‍ക്കും രോഗപീഡ അനുഭവിക്കുന്ന കുട്ടികളുടെ ചികിത്സാചെലവിലേക്കും സംഭാവന നല്‍കിയും മാതൃകയായി. പ്രൈമറി വിഭാഗത്തില്‍ തിരുവനന്തപുരം: ബി.കെ. സെന്‍, പി.ടി ടീച്ചര്‍ (ഗവ. യു.പി.എസ്. വെഞ്ഞാറമൂട്). കൊല്ലം: എബ്രഹാം. കെ.ജി, ഹെഡ്മാസ്റ്റര്‍ (ഗവ. എല്‍.പി.എസ് തൊളിക്കോട്, പുനലൂര്‍). പത്തനംതിട്ട: രാജന്‍ ഡി ബോസ്, ഹെഡ്മാസ്റ്റര്‍, (ഗവ.എല്‍.പി.സ്‌കൂള്‍ അന്തകുളങ്ങര, അങ്ങാടിക്കല്‍ സൗത്ത് പി.ഒ, കൊടുമണ്‍പ). ആലപ്പുഴ: സുഗതന്‍.എല്‍, യു.പി.എസ്.റ്റി( വി.വി.എച്ച്.എസ്.എസ് താമരക്കുളം, ചാരുംമൂട്, പി.ഒ). കോട്ടയം: ജോസ്.സി, എല്‍.പി.എസ്.റ്റി (സെന്റ് ജോര്‍ജ് എല്‍.പി സ്‌കൂള്‍ തുരുത്തിപ്പള്ളി പി.ഒ). ഇടുക്കി: തോമസ് എം.ടി, ഹെഡ്മാസ്റ്റര്‍ (കാല്‍വരി എല്‍.പി സ്‌കൂള്‍, കാല്‍വരി മൗണ്ട് പി.ഒ). എറണാകുളം: എം. റീജാ മേനോന്‍, ഹെഡ്മിസ്ട്രസ്, (രാമന്‍ മാസ്റ്റര്‍ എല്‍.പി.എസ്, നെട്ടൂര്‍), തൃശൂര്‍: പ്രസാദ് എം.ബി, ഹെഡ്മാസ്റ്റര്‍, (ജി.എല്‍. പി.എസ് വരവൂര്‍). പാലക്കാട്: പി.പ്രതാപന്‍, യു.പി.എസ്.ടി, (എ.യു.പി.സ്‌കൂള്‍, എഴുവന്തല നോര്‍ത്ത്). മലപ്പുറം: ഗിരീശന്‍ എം, പി.ഡി ടീച്ചര്‍, (ഗവ. യു.പി. സ്‌കൂള്‍ കാളിക്കാവ് ബസാര്‍). കോഴിക്കോട്: ജീവന്‍ നവാസ് പി.കെ, ഹെഡ്മാസ്റ്റര്‍ (കെ.വി.കെ.എം എം.യു.പി സ്‌കൂള്‍, ദേവര്‍കോവില്‍). വയനാട്: സുനില്‍. ജെ. ഹെഡ്മാസ്റ്റര്‍ (സെന്റ് തോമസ് എ.എല്‍.പി സ്‌കൂള്‍, പുത്തന്‍കുന്ന്, സുല്‍ത്താന്‍ ബത്തേരി). കണ്ണൂര്‍: കെ.വി. രവീന്ദ്രന്‍, യു.പി.എസ്.ടി (എട്ടുകുടുക്ക എ.യു.പി.സ്‌കൂള്‍, എട്ടുകുടുക്ക കരുവള്ളൂര്‍ പി.ഒ). കാസര്‍കോഡ്: നിര്‍മ്മല്‍ കുമാര്‍ എന്‍, പി.ഡി. ടീച്ചര്‍ (ജി.ജെ ബി.എസ്. പിലാന്‍ക്കട്ട പെര്‍ടാല) എന്നിവരും സെക്കന്‍ഡറി തലത്തില്‍ തിരുവനന്തപുരം: സജീവ്.കെ.കെ, ഹെഡ്മാസ്റ്റര്‍ (ജി.വി.എച്ച്.എസ്.ഞെക്കാട് വടശ്ശേരിക്കോണം പി.ഒ വര്‍ക്കല). കൊല്ലം: സി.രാജേന്ദ്രന്‍, ഡ്രായിംഗ് ടീച്ചര്‍ (എ.വി.ഗവ.എച്ച്.എസ് തഴവ). പത്തനംതിട്ട: തോമസ് മാത്യു, എച്ച്.എസ്.ടി സെന്റ് പോള്‍സ് എസ്.എച്ച്.എസ് നരിയപുരം). ആലപ്പുഴ: രഞ്ജന്‍ ഡി. എച്ച്.എസ്.ടി (എച്ച്.എസ്.എസ്.അറവുകാട്, പുന്നപ്ര). കോട്ടയം: ഫ്രാന്‍സിസ് കെ.വി, പി.ഇ.ടി (എച്ച്.എസ്.എസ് ഫോര്‍ ദി ഡഫ് അസീസി മൗണ്ട് നീര്‍പ്പാറ). ഇടുക്കി: സിസ്റ്റര്‍ ആനിയമ്മ ജോസഫ്, ഹെഡ്മിസ്ട്രസ്, (ഹോളിക്രോസ് കോണ്‍വെന്റ,് ഇടുക്കി) എറണാകുളം: വിശ്വനാഥന്‍.ഇ, ഹെഡ്മാസ്റ്റര്‍ (വി.എച്ച്.എസ്.എസ് ചാത്തമറ്റം). തൃശൂര്‍: വി.എസ് സെബി, ഹെഡ്മാസ്റ്റര്‍, സെന്റ് ജോസഫ് ഹയര്‍സെക്കന്‍ഡറി സ്‌കൂള്‍, പാവറട്ടി). പാലക്കാട്: രാജന്‍.എന്‍. ഹെഡ്മാസ്റ്റര്‍ (ജി.എച്ച്.എസ്.എസ്, കുമാരനെല്ലൂര്‍). മലപ്പുറം: സുരേന്ദ്രന്‍.എ. എച്ച്.എസ്.ടി (ജി.എച്ച്.എസ്.എസ് വാഴക്കാട്). കോഴിക്കോട്: സുഗുണന്‍.പി.കെ, എച്ച്.എസ്.ടി, എ.ജെ.ജോണ്‍ മെമ്മോറിയല്‍ ഹയര്‍സെക്കന്‍ഡറി സ്‌കൂള്‍ ചാത്തങ്ങോട്ടുനട). വയനാട്: ജോസ്.കെ.ഇ, എച്ച്.എസ്.ടി, സി.എം.എസ്.എച്ച്.എസ്.എസ് അരപ്പട്ട മേപ്പടി). കണ്ണൂര്‍: ജീജ ഞണ്ടമ്മാടന്‍, ഹെഡ്മിസ്ട്രസ് (ജി.എച്ച്.എസ്.എസ് മൊറാഴ). കാസര്‍കോട്: ചന്ദ്രശേഖരന്‍ നായര്‍ എം.കെ, ഹെഡ്മാസ്റ്റര്‍ (ജി.എച്ച്.എസ്.എസ്, ചേര്‍ക്കള സെന്‍ട്രല്‍, ചേങ്ങല) ഹയര്‍ സെക്കണ്ടറി വിഭാഗത്തില്‍ തിരുവനന്തപുരം മേഖലയില്‍ ബെന്‍സി കെ.തോമസ്, (പ്രിന്‍സിപ്പാള്‍ സി.എം.എസ്.എച്ച്.എസ്.എസ്, മല്ലപ്പള്ളി, പത്തനംതിട്ട). ഫാ ജോണ്‍ സി.സി, (പ്രിന്‍സിപ്പാള്‍ സെന്റ്‌മേരീസ് എച്ച്.എസ്.എസ്.പട്ടം), എന്‍. രത്‌നകുമാര്‍, (പ്രിന്‍സിപ്പാള്‍, ഗവ. മോഡല്‍ ഗേള്‍സ് എച്ച്.എസ്.എസ്, പട്ടം) എന്നിവരും എറണാകുളം മേഖലയില്‍ എസ്. സുരേഷ് (എച്ച്.എസ്.എസ്.ടി (കൊമേഴ്‌സ്) എസ്.എന്‍.എച്ച്.എസ്.എസ്, അയ്യപ്പന്‍കാവ്)ഉം കോഴിക്കോട് മേഖലയില്‍ അബ്ദുള്‍ അസീസ് എം, (പ്രിന്‍സിപ്പാള്‍, ജി.വി.എച്ച്.എസ്.എസ് മാനന്തവാടി), രാജകുമാര്‍.പി, (പ്രിന്‍സിപ്പാള്‍, ഇരിങ്ങണ്ണൂര്‍ എച്ച്.എസ്.എസ് കോഴിക്കോട്), സത്യനാഥന്‍ റ്റി.സി, (പ്രിന്‍സിപ്പാള്‍, ജെ.എന്‍.എം.ജി.എച്ച്.എസ്.എസ്, പുതുപ്പണം, വടകര) എന്നിവരും വൊക്കേഷണല്‍ ഹയര്‍ സെക്കണ്ടറി വിഭാഗത്തില്‍ കൊല്ലം മേഖലയിലെ ജഫീഷ് ജെ. (നോണ്‍ വൊക്കേഷണല്‍ ടീച്ചര്‍, ജിവിഎച്ച്എസ്എസ് കരകുളം), ചെങ്ങന്നൂര്‍ മേഖലയിലെ മുളക്കുഴ ജിവിഎച്ച്എസ് സ്‌കൂള്‍ അധ്യാപകന്‍ റോയി ടി മാത്യു, എറണാകുളം മേഖലയില്‍ പുല്ലേപ്പടി ട്രാവല്‍ ആന്റ് ടൂറിസം ഡി.യു. വൊക്കേഷണല്‍ ഹയര്‍ സെക്കണ്ടറി സ്‌കൂള്‍ അധ്യാപിക സിജിമോള്‍ ജേക്കബ്, തൃശൂര്‍ മേഖലയിലെ പുത്തന്‍ചിറ ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂള്‍ പ്രിന്‍സിപ്പല്‍ ബിന്ദു ഇഎം., പയ്യന്നൂര്‍ മേഖലയിലെ കാസര്‍ഗോഡ് കൈക്കോട്ടുകടവ് പിഎംഎസ്എ പിടിഎസ് വിഎച്ച്എസ്എസ് അധ്യാപകന്‍ അബു സാലി ടി.കെ തുടങ്ങിയവരും അവാര്‍ഡുകള്‍ ഏറ്റുവാങ്ങി. കൂടാതെ മികച്ച അധ്യാപക രക്ഷാകര്‍തൃസമിതികള്‍ക്കുള്ള അവാര്‍ഡുകള്‍, വിദ്യാരംഗം കലാസാഹിത്യ അവാര്‍ഡുകള്‍ എന്നിവയും ചടങ്ങില്‍ വിതരണം ചെയ്തു. മന്ത്രി രാമചന്ദ്രന്‍ കടന്നപ്പള്ളി, വി.എസ്. ശിവകുമാര്‍ എംഎല്‍എ., മേയര്‍ വി.കെ. പ്രശാന്ത്, കൗണ്‍സിലര്‍ ഐഷാ ബേക്കര്‍, പൊതുവിദ്യാഭ്യാസ സെക്രട്ടറി എ.ഷാജഹാന്‍, പൊതുവിദ്യാഭ്യാസ ഡയറക്ടര്‍ കെ.വി. മോഹന്‍കുമാര്‍, ഹയര്‍ സെക്കണ്ടറി ഡയറക്ടര്‍ പി.കെ. സുധീര്‍ ബാബു, വൊക്കേഷണല്‍ ഹയര്‍ സെക്കണ്ടറി ഡയറക്ടര്‍ പ്രൊഫ. എ. ഫാറൂഖ്, എസ്സിഇആര്‍ടി ഡയറക്ടര്‍ ഡോ. ജെ. പ്രസാദ്, സീമാറ്റ് ഡയറക്ടര്‍ ഡോ. എം.എ. ലാല്‍, സാക്ഷരതാമിഷന്‍ ഡയറക്ടര്‍ ഡോ.പിഎസ്. ശ്രീകല, എസ്ഐഇടി ഡയറക്ടര്‍ അബുരാജ് ബി., പൊതുവിദ്യാഭ്യാസ അഡീഷണല്‍ ഡയറക്ടര്‍മാരായ ജെസി ജോസഫ്, ജിമ്മി കെ. ജോസ് തുടങ്ങിയവര്‍ സംബന്ധിച്ചു. Dt.5.9.2018.
************************
പ്രളയദുരിതാശ്വാസം: സ്‌കൂള്‍ വിദ്യാര്‍ത്ഥികളില്‍ നിന്ന് ധനം സമാഹരിക്കും പ്രളയദുരന്തത്തില്‍പ്പെട്ടവരെ സഹായിക്കുന്നതിനും കേരളത്തിന്റെ പുനര്‍നിര്‍മ്മാണ പ്രവര്‍ത്തനത്തില്‍ പങ്കാളികളാകുന്നതിനും സംസ്ഥാനത്തെ എല്ലാ സര്‍ക്കാര്‍/എയ്ഡഡ്/അംഗീകൃത അണ്‍ എയ്ഡഡ്, ഇതര സ്വകാര്യ സ്‌കൂളുകള്‍/സി.ബി.എസ്.ഇ/ഐ.സി.എസ്.ഇ/കേന്ദ്രീയ വിദ്യാലയം, നവോദയ സ്‌കൂളുകള്‍ എന്നിവിടങ്ങളിലെ കുട്ടികളില്‍ നിന്നും ദുരിതാശ്വാസ ഫണ്ട് സ്വരൂപിക്കും. ഫണ്ട് പൊതുവിദ്യാഭ്യാസ വകുപ്പ് ആരംഭിച്ച സ്റ്റേറ്റ് ബാങ്ക് ഓഫ് ഇന്ത്യയുടെ (ജഗതി ശാഖ) കറന്റ് അക്കൗണ്ടില്‍ നിക്ഷേപിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. കറന്റ് അക്കൗണ്ട് നമ്പര്‍ -37918513327, IFSC Code: SBIN0070568. സെപ്റ്റംബര്‍ 11ന് കേരളത്തിലാകമാനമുള്ള സ്‌കൂള്‍ കുട്ടികളില്‍ നിന്നും ദുരിതാശ്വാസ ഫണ്ട് ശേഖരിക്കുന്നതിനാണ് തീരുമാനിച്ചിരിക്കുന്നത്. ഏകദിന ധനസമാഹരണ യജ്ഞത്തിലൂടെ പരമാവധി ദുരിതാശ്വാസ നിധി സ്വരൂപിക്കുവാന്‍ എല്ലാ സര്‍ക്കാര്‍/എയ്ഡഡ്/അംഗീകൃത അണ്‍ എയ്ഡഡ് ഇതര സ്വകാര്യ സ്‌കൂളുകള്‍/സി.ബി.എസ്.ഇ/ഐ.സി.എസ്.ഇ/കേന്ദ്രീയ വിദ്യാലയം, നവോദയ സ്‌കൂളുകള്‍ എന്നിവിടങ്ങളിലെ പ്രഥമാധ്യാപകര്‍ പ്രത്യേകം ശ്രദ്ധിക്കണം. പൊതുവിദ്യാഭ്യാസ വകുപ്പിന്റെ വെബ്‌സൈറ്റില്‍ (www.education.kerala.gov.in) നല്‍കിയിരിക്കുന്ന ലിങ്ക് ഉപയോഗിച്ചും സമാഹരിച്ച ഫണ്ട് അക്കൗണ്ടില്‍ അടയ്ക്കാം. ഇന്റര്‍നെറ്റ് ബാങ്കിംഗ്/ഡെബിറ്റ് കാര്‍ഡ് മുഖേനയും പണം നിക്ഷേപിക്കാം. പണമായി നിക്ഷേപിക്കുന്നതിന് മേല്‍പ്പറഞ്ഞ ലിങ്കില്‍ നിന്നും ലഭിക്കുന്ന ചെലാന്‍ ഉപയോഗിച്ച് കേരളത്തിലെ ഏത് എസ്.ബി.ഐ ശാഖയിലും മറ്റ് ചാര്‍ജ്ജുകള്‍ ഒന്നും നല്‍കാതെ പണം അടയ്ക്കാം. കുട്ടികളില്‍ നിന്ന് ധനസമാഹരണം നടത്തുമ്പോള്‍ കുട്ടികളുടെ പേര് വിവരങ്ങള്‍ വെളിപ്പെടുത്തരുതെന്നും ക്ലാസ്തലത്തില്‍ പൊതുവായി പണം ശേഖരിച്ച ശേഷം സ്‌കൂളിലെ പൊതുവായ ഫണ്ട് എന്ന നിലയ്ക്ക് പ്രഥമാധ്യാപകര്‍/പ്രിന്‍സിപ്പല്‍ അക്കൗണ്ടിലേക്ക് പണം അടയ്ക്കണമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു.Dt.5.9.2018.
************************
രണ്ടാം ശനിയാഴ്ച ഒഴികെയുള്ള ശനിയാഴ്ചകള്‍ പ്രവൃത്തിദിനമാണെന്നും ഈ മാസം ഏഴിന് ഇതു സംബന്ധിച്ച് അന്തിമ തീരുമാനമുണ്ടാകുമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു എന്ന രീതിയില്‍ ചില ദൃശ്യമാധ്യമങ്ങളിലും സാമൂഹ്യ മാധ്യമങ്ങളിലും പ്രചരിക്കുന്ന വാര്‍ത്ത അടിസ്ഥാന രഹിതമാണെന്ന് പൊതു വിദ്യാഭ്യാസ ഡയറക്ടര്‍ അറിയിച്ചു.Dt.4.9.2018.
************************
പ്രളയദുരിതവുമായി ബന്ധപ്പെട്ട ധനസമാഹരണത്തിന് സര്‍ക്കാര്‍ ജീവനക്കാരുടെ ഒരു മാസത്തെ ശമ്പളം സംഭാവന ചെയ്യണമെന്ന് മുഖ്യമന്ത്രിയുടെ അഭ്യര്‍ഥന ചര്‍ച്ച ചെയ്യാന്‍ ധനമന്ത്രി ഡോ. തോമസ് ഐസക് സര്‍വീസ് സംഘടനാപ്രതിനിധികളുമായി ചര്‍ച്ച നടത്തി. പൊതുവില്‍ ഒരുമാസത്തെ ശമ്പളം ദുരിതാശ്വാസത്തിന് നല്‍കുന്നതിന് സംഘടനകള്‍ സമ്മതം അറിയിച്ചു. ദുരിതാശ്വാസത്തില്‍ പങ്കാളികളാകുന്നതില്‍ അനുകൂലനിലപാടാണ് ജീവനക്കാര്‍ സ്വീകരിച്ചത്. ദുരിതാശ്വാസപ്രവര്‍ത്തനങ്ങളില്‍ സര്‍ക്കാര്‍ ജീവനക്കാരും സംഘടനകളും നടത്തിയ പ്രവര്‍ത്തനം സ്തുത്യര്‍ഹമാണെന്ന് യോഗത്തില്‍ മന്ത്രി പറഞ്ഞു. പുനര്‍നിര്‍മാണപ്രവര്‍ത്തനങ്ങള്‍ക്ക് റവന്യൂ ചെലവിനുള്ള തുക വേറെ കണ്ടെത്തേണ്ടിവരും. ഇത്തരത്തില്‍ 6000 കോടി രൂപയോളം വേണ്ടിവരും. ഈ സാഹചര്യത്തിലാണ് ജീവനക്കാരുടെ കൂടി സഹകരണം ആവശ്യമാകുന്നത്. ഒരു മാസത്തെ ശമ്പളമായിട്ടല്ല, ലീവ് സറണ്ടര്‍ തുകയായി നല്‍കാന്‍ താത്പര്യമുള്ളവര്‍ക്ക് അത് നല്‍കാമെന്ന് മന്ത്രി പറഞ്ഞു. ഒരു തവണയായോ, 10 മാസമായോ ശമ്പളം നല്‍കാന്‍ സൗകര്യമുണ്ട്. ഇങ്ങനെ നല്‍കുന്ന പണത്തിന് ആദായനികുതി ഇളവുണ്ടാകും. ഇതിന് മുമ്പ് ഇക്കാര്യത്തിനായി ദുരിതാശ്വാസനിധിയിലേക്ക് സംഭാവന നല്‍കിയിട്ടുണ്ടെങ്കില്‍ ആ തുക പിടിക്കുന്ന ശമ്പളത്തില്‍നിന്ന് കിഴിക്കാന്‍ അവസരമുണ്ടാകും. ശമ്പളത്തില്‍നിന്ന് നല്‍കുന്ന തുക അടക്കമുള്ളവ രേഖപ്പെടുത്താവുന്ന ഓപ്ഷന്‍ വേണമെന്ന് ചില സംഘടനകള്‍ നിര്‍ദേശം മുന്നോട്ടുവെച്ചിട്ടുണ്ട്. എന്നാല്‍ ബുദ്ധിമുട്ടുള്ളവര്‍ ഡി.ഡി.ഒമാര്‍ക്ക് എഴുതിനല്‍കിയാല്‍ മതിയാകുമെന്ന് ധനമന്ത്രി സൂചിപ്പിച്ചു. പി.എഫ് വായ്പയെടുത്തും ദുരിതാശ്വാസത്തിന് നല്‍കാന്‍ താത്പര്യമുള്ളവര്‍ക്ക് അങ്ങനെയും നല്‍കാം. വിവിധ അഭിപ്രായങ്ങളും നിര്‍ദേശങ്ങളും പരിഗണിച്ച് രണ്ടു മൂന്ന് ദിവസത്തിനകം സര്‍ക്കാര്‍ ജീവനക്കാരുടെ ശമ്പളം ദുരിതാശ്വാസത്തിന് ഈടാക്കുന്നത് സംബന്ധിച്ച് ഉത്തരവിറങ്ങുമെന്നും ധനമന്ത്രി വ്യക്തമാക്കി. യോഗത്തില്‍ ധനവകുപ്പ് പ്രിന്‍സിപ്പല്‍ സെക്രട്ടറി മനോജ് ജോഷി, വിവിധ സര്‍വീസ് സംഘടനാപ്രതിനിധികള്‍ തുടങ്ങിയവര്‍ സംബന്ധിച്ചു.Dt.4.9.2018.
************************
പ്രളയബാധയെത്തുടര്‍ന്ന് നഷ്ടപ്പെട്ട ഒന്നു മുതല്‍ പത്തുവരെ ക്ലാസുകളിലെ കുട്ടികളുടെ ഒന്നാം വാള്യ പാഠപുസ്തകങ്ങള്‍ സെപ്റ്റംബര്‍ മൂന്നു മുതല്‍ സ്‌കൂളുകളില്‍ വിതരണം ചെയ്യും. ഈ വര്‍ഷത്തെ രണ്ടാം വാള്യ പാഠപുസ്തകങ്ങളും ഇതോടൊപ്പം വിതരണം ചെയ്യും. പ്രളയബാധിത പ്രദേശങ്ങളില്‍ വിദ്യാലയങ്ങളില്‍ നോട്ട് ബുക്ക് വിതരണം ആരംഭിച്ചു കഴിഞ്ഞു. നഷ്ടപ്പെട്ട സ്‌കൂള്‍ ബാഗും മറ്റു പഠനോപകരണങ്ങളും കുട്ടികള്‍ക്ക് നല്‍കുന്നതിനുള്ള നടപടികളും സ്വീകരിച്ചുവരുന്നതായി പൊതുവിദ്യാഭ്യാസ ഡയറക്ടര്‍ അറിയിച്ചു.Dt.1.9.2018.
************************
സെറ്റ് ജൂലൈ 2018 പരീക്ഷ സെപ്റ്റംബര്‍ ഒന്‍പതിന് ജില്ലാ ആസ്ഥാനങ്ങളിലുള്ള പരീക്ഷാ കേന്ദ്രങ്ങളില്‍ നടത്തും. അപേക്ഷ സമര്‍പ്പിച്ചവര്‍ ഹാള്‍ടിക്കറ്റുകള്‍ www.lbscentre.org, www.lbskerala.com എന്നീ വെബ്‌സൈറ്റുകളില്‍ നിന്നും ഡൗണ്‍ലോഡ് ചെയ്ത് എടുക്കണം. തപാല്‍ മാര്‍ഗം ലഭിക്കില്ല. കൂടുതല്‍ വിവരങ്ങള്‍ക്ക് തിരുവനന്തപുരം എല്‍.ബി.എസ് സെന്ററുമായോ 0471 2560311, 312, 313 എന്നീ ഫോണ്‍ നമ്പറുകളുമായോ ബന്ധപ്പെടണം.Dt.1.9.2018.
************************
ഈ വര്‍ഷത്തെ ദേശീയ അധ്യാപകദിനാചരണം സെപ്റ്റംബര്‍ അഞ്ചിന് ബുധനാഴ്ച അഘോഷങ്ങളില്ലാതെ തിരുവനന്തപുരത്ത് നടക്കും. രാവിലെ 10ന് വി.ജെ.ടി. ഹാളില്‍ നടക്കുന്ന ചടങ്ങില്‍ പൊതുവിദ്യാഭ്യാസ വകുപ്പ് മന്ത്രി പ്രൊഫ.സി.രവീന്ദ്രനാഥ് പുരസ്‌കാരങ്ങള്‍ വിതരണം ചെയ്യും. മികച്ച അധ്യാപകര്‍ക്കുള്ള അവാര്‍ഡ്, മികച്ച പി.ടി.എ.ക്കുള്ള അവാര്‍ഡ്, അധ്യാപകരുടെ സാഹിത്യ രചനയ്ക്കുള്ള പ്രൊഫ.മുണ്ടശ്ശേരി പുരസ്‌കാരം എന്നിവ വേദിയില്‍ വിതരണം ചെയ്യും. പ്രളയദുരന്തത്തിന്റെ പശ്ചാത്തലത്തില്‍ അധ്യാപകദിനാഘോഷത്തിന്റെ ഭാഗമായി സെപ്റ്റംബര്‍ നാലിന് നടത്താന്‍ നിശ്ചയിച്ചിരുന്ന റ്റി.റ്റി.ഐ./പി.പി.റ്റി.റ്റി.ഐ. കലോത്സവങ്ങള്‍ ഒഴിവാക്കിയതായും അധ്യപകദിനാഘോഷത്തിന്റെ വേദി തൃശ്ശൂരില്‍ നിന്നും തിരുവനന്തപുരത്തേക്ക് മാറ്റിയതായും പൊതുവിദ്യാഭ്യാസ ഡയറക്ടര്‍ അറിയിച്ചു.Dt.1.9.2018.
************************
ഹയര്‍ സെക്കന്‍ഡറി അധ്യാപക അവാര്‍ഡുകള്‍ പ്രഖ്യാപിച്ചു. വിദ്യാഭ്യാസ മന്ത്രി അധ്യക്ഷനും പൊതുവിദ്യാഭ്യാസ സെക്രട്ടറി, ഹയര്‍സെക്കന്‍ഡറി ഡയറക്ടര്‍ എന്നിവര്‍ അംഗങ്ങളുമായുള്ള സംസ്ഥാന കമ്മിറ്റിയാണ് അവാര്‍ഡ് പ്രഖ്യാപിച്ചത്. ദേശീയ അധ്യാപക ദിനമായ സെപ്റ്റംബര്‍ അഞ്ചിന് തിരുവനന്തപുരം വി.ജെ.ടി ഹാളില്‍ നടക്കുന്ന ചടങ്ങില്‍ അവാര്‍ഡുകള്‍ വിതരണം ചെയ്യും. തിരുവനന്തപുരം മേഖലയില്‍ ബെന്‍സി കെ.തോമസ്, (പ്രിന്‍സിപ്പാള്‍ സി.എം.എസ്.എച്ച്.എസ്.എസ്, മല്ലപ്പള്ളി, പത്തനംതിട്ട). ഫാ ജോണ്‍ സി.സി, (പ്രിന്‍സിപ്പാള്‍ സെന്റ്‌മേരീസ് എച്ച്.എസ്.എസ്.പട്ടം), എന്‍. രത്‌നകുമാര്‍, (പ്രിന്‍സിപ്പാള്‍, ഗവ. മോഡല്‍ ഗേള്‍സ് എച്ച്.എസ്.എസ്, പട്ടം) എന്നിവരും എറണാകുളം മേഖലയില്‍ എസ്. സുരേഷ് (എച്ച്.എസ്.എസ്.ടി (കൊമേഴ്‌സ്) എസ്.എന്‍.എച്ച്.എസ്.എസ്, അയ്യപ്പന്‍കാവ്)ഉം കോഴിക്കോട് മേഖലയില്‍ അബ്ദുള്‍ അസീസ് എം, (പ്രിന്‍സിപ്പാള്‍, ജി.വി.എച്ച്.എസ്.എസ് മാനന്തവാടി), രാജകുമാര്‍.പി, (പ്രിന്‍സിപ്പാള്‍, ഇരിങ്ങണ്ണൂര്‍ എച്ച്.എസ്.എസ് കോഴിക്കോട്), സത്യനാഥന്‍ റ്റി.സി, (പ്രിന്‍സിപ്പാള്‍, ജെ.എന്‍.എം.ജി.എച്ച്.എസ്.എസ്, പുതുപ്പണം, വടകര) എന്നിവരും അവാര്‍ഡിന് അര്‍ഹരായി.Dt.1.9.2018.
************************
സംസ്ഥാന സ്‌കൂള്‍ പി.ടി.എ അവാര്‍ഡുകള്‍ പ്രഖ്യാപിച്ചു. അഞ്ച് ലക്ഷം രൂപയും എവര്‍റോളിംഗ് ട്രോഫിയും പ്രശസ്തി പത്രവുമാണ് ഒന്നാം സ്ഥാനം. പ്രൈമറിതലത്തില്‍ ഒന്നാം സ്ഥാനം കണ്ണൂര്‍ ഗവ. തളാപ്പ് മിക്‌സഡ് യു.പി സ്‌കൂളിനും, രണ്ടാം സ്ഥാനം ആലപ്പുഴ കാര്‍ത്തികപ്പള്ളി ഗവ. യു.പി.സ്‌കൂളിനും മൂന്നാം സ്ഥാനം തൃശൂര്‍ കോടാലി ഗവ. എല്‍.പി.എസിനും നാലാം സ്ഥാനം എറണാകുളം വളയന്‍ ചിറങ്ങര ഗവ.എല്‍.പി.എസിനും അഞ്ചാം സ്ഥാനം തിരുവനന്തപുരം ബീമാപള്ളി ഗവ.യു.പി.എസിനും ലഭിച്ചു. സെക്കന്‍ഡറിതലത്തില്‍ വയനാട് കാക്കവയല്‍ ഗവ.എച്ച്.എസ്.എസിനാണ് ഒന്നാം സ്ഥാനം. തിരുവനന്തപുരം പാറശ്ശാല ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂള്‍, കണ്ണൂര്‍ പെരിങ്ങോം ഗവ. ഹയര്‍സെക്കന്‍ഡറി സ്‌കൂള്‍, കാസര്‍കോഡ് ചെര്‍ക്കള സെന്‍ട്രല്‍ ഗവ. എച്ച്.എസ്.എസ്, തൃശൂര്‍ പാഞ്ഞാള്‍ ഗവ. എച്ച്.എസ്.എസ്.എസ് എന്നിവര്‍ രണ്ടും മൂന്നും നാലും അഞ്ചും സ്ഥാനം നേടി. അഞ്ചു ലക്ഷം രൂപയും സി.എച്ച്.മുഹമ്മദ്‌കോയ എവര്‍ട്രോളിംഗ് ട്രോഫിയും, പ്രശസ്തിപത്രവുമാണ് ഒന്നാം സ്ഥാനം. രണ്ടു മുതല്‍ അഞ്ചു വരെ സ്ഥാനം ലഭിച്ചവര്‍ക്ക് യഥാക്രമം നാലു ലക്ഷം, മൂന്നു ലക്ഷം, രണ്ടു ലക്ഷം, ഒരു ലക്ഷം രൂപയും പ്രശസ്തി പത്രവും സമ്മാനമായി ലഭിക്കും. സെപ്റ്റംബര്‍ അഞ്ചിന് രാവിലെ 10ന് തിരുവനന്തപുരം വി.ജെ.ടി.ഹാളില്‍ നടക്കുന്ന അധ്യാപകദിനാഘോഷ ചടങ്ങില്‍ പുരസ്‌കാരങ്ങള്‍ വിതരണം ചെയ്യും.Dt.1.9.2018.
************************
സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു. പ്രൈമറി വിഭാഗത്തില്‍ 14 ഉം സെക്കന്‍ഡറി വിഭാഗത്തില്‍ 14ഉം അധ്യാപകര്‍ക്കാണ് 2018 വര്‍ഷത്തെ അവാര്‍ഡ് ലഭിക്കുക. കളക്ടര്‍ അധ്യക്ഷനായുള്ള ജില്ലാതല സെലക്ഷന്‍ കമ്മിറ്റികളില്‍ നിന്ന് പരിഗണനയ്ക്കായി ലഭിച്ച ശുപാര്‍ശകളില്‍ പാഠ്യ -പാഠ്യേതര രംഗങ്ങളിലെ പ്രവര്‍ത്തനം പരിഗണിച്ച് വിദ്യാഭ്യാസ മന്ത്രി അധ്യക്ഷനും പൊതുവിദ്യാഭ്യാസ സെക്രട്ടറി കണ്‍വീനറും വിദ്യാഭ്യാസ ഡയറക്ടര്‍ അംഗവുമായ സമിതിയാണ് സംസ്ഥാന അവാരഡ് ജേതാക്കളെ തെരഞ്ഞെടുത്തത്. 10,000 രൂപയും പ്രശസ്തിപത്രവും ശില്‍പവും അടങ്ങുന്നതാണ് അവാര്‍ഡ്. ദേശീയ അധ്യാപകദിനമായ സെപ്റ്റംബര്‍ അഞ്ചിന് തിരുവനന്തപുരം വി.ജെ.ടി. ഹാളില്‍ രാവിലെ 10ന് വിദ്യാഭ്യാസ വകുപ്പ് മന്ത്രി അവാര്‍ഡുകള്‍ വിതരണം ചെയ്യും. പ്രൈമറി, സെക്കന്‍ഡറി വിഭാഗം, ജില്ല, അധ്യാപകരുടെ പേര്, ഔദ്യോഗിക പദവി, സ്‌കൂളിന്റെ പേര് എന്ന ക്രമത്തില്‍ പ്രൈമറി - തിരുവനന്തപുരം: ബി.കെ. സെന്‍, പി.ടി ടീച്ചര്‍ (ഗവ. യു.പി.എസ്. വെഞ്ഞാറമൂട്). കൊല്ലം: എബ്രഹാം. കെ.ജി, ഹെഡ്മാസ്റ്റര്‍ (ഗവ. എല്‍.പി.എസ് തൊളിക്കോട്, പുനലൂര്‍). പത്തനംതിട്ട: രാജന്‍ ഡി ബോസ്, ഹെഡ്മാസ്റ്റര്‍, (ഗവ.എല്‍.പി.സ്‌കൂള്‍ അന്തകുളങ്ങര, അങ്ങാടിക്കല്‍ സൗത്ത് പി.ഒ, കൊടുമണ്‍പ). ആലപ്പുഴ: സുഗതന്‍.എല്‍, യു.പി.എസ്.റ്റി( വി.വി.എച്ച്.എസ്.എസ് താമരക്കുളം, ചാരുംമൂട്, പി.ഒ). കോട്ടയം: ജോസ്.സി, എല്‍.പി.എസ്.റ്റി (സെന്റ് ജോര്‍ജ് എല്‍.പി സ്‌കൂള്‍ തുരുത്തിപ്പള്ളി പി.ഒ). ഇടുക്കി: തോമസ് എം.ടി, ഹെഡ്മാസ്റ്റര്‍ (കാല്‍വരി എല്‍.പി സ്‌കൂള്‍, കാല്‍വരി മൗണ്ട് പി.ഒ). എറണാകുളം: എം. റീജാ മേനോന്‍, ഹെഡ്മിസ്ട്രസ്, (രാമന്‍ മാസ്റ്റര്‍ എല്‍.പി.എസ്, നെട്ടൂര്‍), തൃശൂര്‍: പ്രസാദ് എം.ബി, ഹെഡ്മാസ്റ്റര്‍, (ജി.എല്‍. പി.എസ് വരവൂര്‍). പാലക്കാട്: പി.പ്രതാപന്‍, യു.പി.എസ്.ടി, (എ.യു.പി.സ്‌കൂള്‍, എഴുവന്തല നോര്‍ത്ത്). മലപ്പുറം: ഗിരീശന്‍ എം, പി.ഡി ടീച്ചര്‍, (ഗവ. യു.പി. സ്‌കൂള്‍ കാളിക്കാവ് ബസാര്‍). കോഴിക്കോട്: ജീവന്‍ നവാസ് പി.കെ, ഹെഡ്മാസ്റ്റര്‍ (കെ.വി.കെ.എം എം.യു.പി സ്‌കൂള്‍, ദേവര്‍കോവില്‍). വയനാട്: സുനില്‍. ജെ. ഹെഡ്മാസ്റ്റര്‍ (സെന്റ് തോമസ് എ.എല്‍.പി സ്‌കൂള്‍, പുത്തന്‍കുന്ന്, സുല്‍ത്താന്‍ ബത്തേരി). കണ്ണൂര്‍: കെ.വി. രവീന്ദ്രന്‍, യു.പി.എസ്.ടി (എട്ടുകുടുക്ക എ.യു.പി.സ്‌കൂള്‍, എട്ടുകുടുക്ക കരുവള്ളൂര്‍ പി.ഒ). കാസര്‍കോഡ്: നിര്‍മ്മല്‍ കുമാര്‍ എന്‍, പി.ഡി. ടീച്ചര്‍ (ജി.ജെ ബി.എസ്. പിലാന്‍ക്കട്ട പെര്‍ടാല). സെക്കന്‍ഡറി - തിരുവനന്തപുരം: സജീവ്.കെ.കെ, ഹെഡ്മാസ്റ്റര്‍ (ജി.വി.എച്ച്.എസ്.ഞെക്കാട് വടശ്ശേരിക്കോണം പി.ഒ വര്‍ക്കല). കൊല്ലം: സി.രാജേന്ദ്രന്‍, ഡ്രായിംഗ് ടീച്ചര്‍ (എ.വി.ഗവ.എച്ച്.എസ് തഴവ). പത്തനംതിട്ട: തോമസ് മാത്യു, എച്ച്.എസ്.ടി സെന്റ് പോള്‍സ് എസ്.എച്ച്.എസ് നരിയപുരം). ആലപ്പുഴ: രഞ്ജന്‍ ഡി. എച്ച്.എസ്.ടി (എച്ച്.എസ്.എസ്.അറവുകാട്, പുന്നപ്ര). കോട്ടയം: ഫ്രാന്‍സിസ് കെ.വി, പി.ഇ.ടി (എച്ച്.എസ്.എസ് ഫോര്‍ ദി ഡഫ് അസീസി മൗണ്ട് നീര്‍പ്പാറ). ഇടുക്കി: സിസ്റ്റര്‍ ആനിയമ്മ ജോസഫ്, ഹെഡ്മിസ്ട്രസ്, (ഹോളിക്രോസ് കോണ്‍വെന്റ,് ഇടുക്കി) എറണാകുളം: വിശ്വനാഥന്‍.ഇ, ഹെഡ്മാസ്റ്റര്‍ (വി.എച്ച്.എസ്.എസ് ചാത്തമറ്റം). തൃശൂര്‍: വി.എസ് സെബി, ഹെഡ്മാസ്റ്റര്‍, സെന്റ് ജോസഫ് ഹയര്‍സെക്കന്‍ഡറി സ്‌കൂള്‍, പാവറട്ടി). പാലക്കാട്: രാജന്‍.എന്‍. ഹെഡ്മാസ്റ്റര്‍ (ജി.എച്ച്.എസ്.എസ്, കുമാരനെല്ലൂര്‍). മലപ്പുറം: സുരേന്ദ്രന്‍.എ. എച്ച്.എസ്.ടി (ജി.എച്ച്.എസ്.എസ് വാഴക്കാട്). കോഴിക്കോട്: സുഗുണന്‍.പി.കെ, എച്ച്.എസ്.ടി, എ.ജെ.ജോണ്‍ മെമ്മോറിയല്‍ ഹയര്‍സെക്കന്‍ഡറി സ്‌കൂള്‍ ചാത്തങ്ങോട്ടുനട). വയനാട്: ജോസ്.കെ.ഇ, എച്ച്.എസ്.ടി, സി.എം.എസ്.എച്ച്.എസ്.എസ് അരപ്പട്ട മേപ്പടി). കണ്ണൂര്‍: ജീജ ഞണ്ടമ്മാടന്‍, ഹെഡ്മിസ്ട്രസ് (ജി.എച്ച്.എസ്.എസ് മൊറാഴ). കാസര്‍കോട്: ചന്ദ്രശേഖരന്‍ നായര്‍ എം.കെ, ഹെഡ്മാസ്റ്റര്‍ (ജി.എച്ച്.എസ്.എസ്, ചേര്‍ക്കള സെന്‍ട്രല്‍, ചേങ്ങല)Dt.1.9.2018.
************************
ചാര്‍ട്ടേര്‍ഡ് അക്കൗണ്ടന്‍സി/ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്റ് വര്‍ക്ക് അക്കൗണ്ടന്‍സി/കമ്പനി സെക്രട്ടറിഷിപ്പ് എന്നീ കോഴ്‌സുകള്‍ക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് സ്‌കോളര്‍ഷിപ്പ് നല്‍കുന്നതിന് സംസ്ഥാന ന്യനപക്ഷക്ഷേമ വകുപ്പ് അപേക്ഷ ക്ഷണിച്ചു. കേരളത്തില്‍ പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈന മതവിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് 15000 രൂപയാണ് സ്‌കോളര്‍ഷിപ്പ്. ബി.പി.എല്‍. അപേക്ഷകരുടെ അഭാവത്തില്‍ ന്യൂനപക്ഷ വിഭാഗങ്ങളിലെ നോണ്‍ ക്രിമിലെയര്‍ വിഭാഗത്തെയും പരിഗണിക്കും. 80:20 (മുസ്ലിം:മറ്റു മത ന്യൂനപക്ഷങ്ങള്‍) എന്ന അനുപാതത്തിലാണ് സ്‌കോളര്‍ഷിപ്പ് നല്‍കുക. 30% സ്‌കോളര്‍ഷിപ്പ് പെണ്‍കുട്ടികള്‍ക്കായി സംവരണം ചെയ്തിട്ടുണ്ട്. വിദ്യാര്‍ത്ഥികളെ തെരഞ്ഞെടുക്കുന്നത് കുടുംബ വാര്‍ഷിക വരുമാനത്തിന്റെ അടിസ്ഥാനത്തിലായിരിക്കും. അപേക്ഷകര്‍ക്ക് ഏതെങ്കിലും ദേശസാല്‍കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വകുപ്പിന്റെ വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി സെപ്റ്റംബര്‍ 22. കൂടുതല്‍ വിവരങ്ങള്‍ക്ക് 04712302090, 2300524.Dt.1.9.2018.
************************
സ്‌കോള്‍ കേരളയില്‍ 2018 -20 ബാച്ച് ഹയര്‍സെക്കന്‍ഡറി കോഴ്‌സ് ഒന്നാം വര്‍ഷ പ്രവേശനത്തിന് പിഴകൂടാതെ ഫീസടച്ച് ഓണ്‍ലൈയിനില്‍ രജിസ്റ്റര്‍ ചെയ്തവര്‍ അപേക്ഷയും മറ്റ് നിര്‍ദ്ദിഷ്ട രേഖകളും സെപ്റ്റംബര്‍ മൂന്നിന് വൈകുന്നേരം അഞ്ചിന് മുമ്പ് സ്‌കോള്‍ കേരളയുടെ സംസ്ഥാന ഓഫിസില്‍ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ, നേരിട്ടോ എത്തിക്കണം.Dt.31.8.2018.
************************
സംസ്ഥാനത്തെ എല്ലാ വിദ്യാലയങ്ങള്‍ക്കും ഇന്ന് (സെപ്റ്റംബര്‍ ഒന്ന്) പ്രവൃത്തിദിനമായിരിക്കും എന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.Dt.31.8.2018.
************************
സ്‌കോള്‍ കേരളയില്‍ 2018 -19 അധ്യയന വര്‍ഷം ഹയര്‍ സെക്കന്‍ഡറി സ്‌പെഷ്യല്‍ കാറ്റഗറി (പാര്‍ട്ട് III) പ്രവേശനത്തിനുള്ള സമയപരിധി സെപ്റ്റംബര്‍ ഏഴ് വരെ ദീര്‍ഘിപ്പിച്ചു. www.scolekerala.org എന്ന വെബ്‌സൈറ്റ് വഴി രജിസ്റ്റര്‍ ചെയ്യണം. രജിസ്റ്റര്‍ ചെയ്യുന്നവര്‍ സെപ്റ്റംബര്‍ 10നകം നിര്‍ദ്ദിഷ്ട രേഖകള്‍ സഹിതമുള്ള അപേക്ഷകള്‍ സ്‌കോള്‍ കേരളയുടെ സംസ്ഥാന ഓഫീസിലോ, ബന്ധപ്പെട്ട ജില്ലാ ഓഫീസിലോ നേരിട്ടോ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ എത്തിക്കണം. ഫോണ്‍: 0471 2342950, 2342271, 2342369.Dt.31.8.2018.
************************
സംസ്ഥാനത്ത് മഴക്കെടുതിയുടെ സാഹചര്യം കണക്കിലെടുത്ത് സെപ്റ്റംബര്‍ എട്ട്, ഒന്‍പത്, പത്ത് തിയതികളില്‍ നടത്താനിരുന്ന ഒന്നാം വര്‍ഷ ഇംപ്രൂവ്‌മെന്റ്/സപ്ലിമെന്ററി തുല്യതാ പരീക്ഷ സെപ്റ്റംബര്‍ 29, 30, ഒക്‌ടോബര്‍ ഒന്ന് തിയതികളിലേക്ക് മാറ്റി. ഇത് സംബന്ധിച്ച വിശദമായ സര്‍ക്കുലര്‍ www.dhsekerala.gov.in എന്ന വെബ്‌സൈറ്റില്‍ ലഭിക്കും.Dt.31.8.2018.
************************
2018 മാര്‍ച്ചില്‍ നടന്ന ഹയര്‍ സെക്കന്‍ഡറി ഒന്നാം വര്‍ഷ പരീക്ഷയുടെ പുനര്‍മൂല്യനിര്‍ണ്ണയം, സൂക്ഷ്മപരിശോധന എന്നിവയുടെ ഫലം പ്രസിദ്ധീകരിച്ചു. ഫലം www.dhsekerala.gov.in ല്‍ ലഭ്യമാണ്.Dt.30.8.2018.
************************
പ്രളയക്കെടുതി മൂലവും ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്നതുമൂലവും തുറന്നു പ്രവര്‍ത്തിക്കാന്‍ കഴിയാത്ത സ്‌കൂളുകളിലെ വിദ്യാര്‍ത്ഥികളുടെ നഷ്ടപ്പെട്ട പാഠപുസ്തകങ്ങളും യൂണിഫോമുകളും വിതരണം ചെയ്യുന്നതിന് സ്‌കൂള്‍ തുറക്കുന്ന മുറയ്ക്ക് സൗകര്യം ഒരുക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. എസ്.എസ്.എല്‍.സി ബുക്ക് ഉള്‍പ്പെടെയുള്ള രേഖകള്‍ നഷ്ടപ്പെട്ടവര്‍ക്കും സ്‌കൂളുകള്‍ തുറക്കുന്ന മുറയ്ക്ക് അപേക്ഷ നല്‍കാമെന്നും അദ്ദേഹം അറിയിച്ചു.Dt.29.8.2018.
************************
പ്രളയക്കെടുതിയുടെ പശ്ചാത്തലത്തില്‍ കേരളത്തിലെ ചില സി.ബി.എസ്.ഇ -ഐ.സി.എസ്.ഇ സ്‌കൂളുകളില്‍ ഇന്ന് (ആഗസ്റ്റ് 30) മുതല്‍ നടത്താന്‍ നിശ്ചയിച്ചിരുന്ന പരീക്ഷകള്‍ മുഴുവന്‍ മാറ്റി വയ്ക്കണമെന്ന് പൊതു വിദ്യാഭ്യാസ വകുപ്പ് നിര്‍ദ്ദേശം നല്‍കി.Dt.29.8.2018.
************************
ഓണാവധിക്കുശേഷം വിദ്യാലയങ്ങള്‍ തുറന്നെങ്കിലും പ്രളയബാധിത പ്രദേശങ്ങളില്‍ 420 വിദ്യാലയങ്ങള്‍ പ്രവര്‍ത്തിച്ചില്ല. ആലപ്പുഴ ജില്ലയില്‍ കുട്ടനാട്, അമ്പലപ്പുഴ, ചേര്‍ത്തല താലൂക്കുകള്‍ക്ക് ജില്ലാ കളക്ടര്‍ ഇന്ന് അവധി പ്രഖ്യാപിച്ചിരുന്നതിനാല്‍ ഈ താലൂക്കുകളിലെ 389 സ്‌കൂളുകളും തുറന്നില്ല. പ്രളയബാധയെത്തുടര്‍ന്ന് വെള്ളവും മാലിന്യങ്ങളും കെട്ടിക്കിടക്കുന്നതിനാലും നാശനഷ്ടം ഉണ്ടായതിനാലും പ്രവര്‍ത്തനസജ്ജമല്ലാതായത് 117 സ്‌കൂളുകളാണ്. ആലപ്പുഴ ജില്ലയിലെ 98 സ്‌കൂളൂകള്‍ ഇതില്‍പെടുന്നു. ക്യാമ്പുകള്‍ നടക്കുന്നതുമൂലം 85 വിദ്യാലയങ്ങളും പ്രവര്‍ത്തനസജ്ജമായില്ല. പ്രളയബാധിത ജില്ലതിരിച്ചുള്ള പ്രവര്‍ത്തനസജ്ജമല്ലാത്ത പൊതുവിദ്യാലയങ്ങളുടെ കണക്ക് (ആകെ, നാശനഷ്ടം നേരിട്ടതുമൂലവും വെള്ളം കെട്ടിക്കിടക്കുന്നതിനാലും തുറക്കാന്‍ കഴിയാത്തത്, ക്യാമ്പ് നടക്കുന്നവ എന്നീ ക്രമത്തില്‍) ആലപ്പുഴ - 171(98,73), പത്തനംതിട്ട - 10(6,4), എറണാകുളം - 9(7,2), തൃശ്ശൂര്‍ - 7(2,5), ഇടുക്കി - 2(2,0), വയനാട് - 1(1,0), മലപ്പുറം - 1(1,0), കോട്ടയം - 1(1,0), ആകെ - 202 (117,85)Dt.29.8.2018.
************************
എസ്.എസ്.എല്‍.സി ഉള്‍പ്പെടെ വിവിധ പൊതുപരീക്ഷകളുടെ സര്‍ട്ടിഫിക്കറ്റുകള്‍ പ്രളയക്കെടുതിയില്‍ നഷ്ടപ്പെട്ടവര്‍ സെപ്റ്റംബര്‍ അഞ്ചിന് മുമ്പ് ബന്ധപ്പെട്ട സ്‌കൂളില്‍ അപേക്ഷ നല്‍കണം. ഇതിനായി പ്രഥമാധ്യാപകര്‍ പരീക്ഷാഭവന്റെ വെബ്‌സൈറ്റില്‍ നിന്നും നിശ്ചിത ഫോമിലുള്ള അപേക്ഷകള്‍ ഡൗണ്‍ലോഡ് ചെയ്ത് അപേക്ഷകര്‍ക്ക് സൗജന്യമായി നല്‍കണം. പ്രഥമാധ്യാപകര്‍ സാക്ഷ്യപ്പെടുത്തിയ അപേക്ഷകള്‍ സെപ്റ്റംബര്‍ ആറിന് മുമ്പ് ബന്ധപ്പെട്ട വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസില്‍ സമര്‍പ്പിക്കണം. ഡ്യൂപ്ലിക്കേറ്റ് സര്‍ട്ടിഫിക്കറ്റിനായുള്ള അപേക്ഷയോടൊപ്പം ഉള്‍പ്പെടുത്തേണ്ട പ്രമാണങ്ങളായ പത്രപരസ്യം, ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേട്ടിന്റെ സാക്ഷ്യപത്രം, 350 രൂപ ചെലാന്‍ എന്നിവ പ്രത്യേക സാഹചര്യം പരിഗണിച്ച് ഒഴിവാക്കിയിട്ടുണ്ട്. പ്രഥമാദ്ധ്യാപകരില്‍ നിന്നും വിദ്യാഭ്യാസ ഉപഡയറക്ടര്‍ ഓഫീസില്‍ ശേഖരിക്കുന്ന അപേക്ഷകള്‍ സെപ്റ്റംബര്‍ ഏഴിന് പരീക്ഷാഭവനില്‍ എത്തിക്കണം.Dt.29.8.2018.
************************
പ്രളയ ബാധിത പ്രദേശങ്ങളിലെ പൊതുവിദ്യാലയങ്ങളിലെ കുട്ടികള്‍ യൂണിഫോം ധരിച്ചു വരാന്‍ നിര്‍ബന്ധിക്കരുതെന്ന് പൊതുവിദ്യാഭ്യാസ ഡയറക്ടര്‍ നിര്‍ദ്ദേശിച്ചു. പ്രളയത്തില്‍ യൂണിഫോം പല കുട്ടികള്‍ക്കും നഷ്ടപ്പെട്ടതിനാലാണിത്. പകരം യൂണിഫോം വിതരണം ചെയ്യുന്നത് വരെ നിര്‍ബന്ധിക്കരുതെന്നാണ് അറിയിച്ചിരിക്കുന്നത്.Dt.29.8.2018.
************************
സംസ്ഥാനത്തെ മികച്ച കായിക താരങ്ങള്‍ക്ക് പ്രോത്സാഹനം നല്‍കുന്നതിന് സ്റ്റേറ്റ് സ്‌പോര്‍ട്‌സ് കൗണ്‍സില്‍ നല്‍കുന്ന ഡോ. എ.പി.ജെ അബ്ദുള്‍കാലാം സ്‌കോളര്‍ഷിപ്പ് സ്‌കീമിലേക്ക് അപേക്ഷ ക്ഷണിച്ചു. 14 മുതല്‍ 19 വയസുവരെ പ്രായപരിധിയിലുള്ള 11 കായിക താരങ്ങള്‍ക്കായിരിക്കും ആനുകൂല്യം ലഭിക്കുക. അത്‌ലറ്റിക്‌സ്, ബോക്‌സിംഗ്, ഫെന്‍സിംഗ്, സ്വിമ്മിംഗ്, ബാഡ്മിന്റണ്‍, സൈക്ലിംഗ്, കനോയിംഗ് കയാക്കിംഗ്, റോവിംഗ് കായിക ഇനങ്ങളില്‍ സ്‌കൂള്‍, കോളേജ് തലത്തില്‍ ദേശീയ (സൗത്ത് സോണ്‍) മത്സരത്തില്‍ പങ്കെടുത്ത് മൂന്നാം സ്ഥാനം കരസ്ഥമാക്കുകയാണ് കുറഞ്ഞ യോഗ്യത. ഭിന്നശേഷിയുള്ള കായിക താരങ്ങളില്‍ ഒരാളെ പരിഗണിക്കും. തിരഞ്ഞെടുക്കപ്പെടുന്നവര്‍ക്ക് പ്രതിമാസം 10,000 രൂപയും സ്‌പോര്‍ട്‌സ് കിറ്റും നല്‍കും. അപേക്ഷകര്‍ കായിക നേട്ടം തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം സെക്രട്ടറി, കേരള, സ്റ്റേറ്റ് സ്‌പോര്‍ട്‌സ് കൗണ്‍സില്‍, തിരുവനന്തപുരം എന്ന വിലാസത്തില്‍ സെപ്റ്റംബര്‍ 10ന് മുമ്പ് അപേക്ഷ സമര്‍പ്പിക്കണം. Dt.23.8.2018.
************************
സംസ്ഥാനത്ത് മഴയിലും വെള്ളപ്പൊക്കത്തിലും പാഠപുസ്തകങ്ങള്‍ നഷ്ടപ്പെട്ട ഹയര്‍ സെക്കന്‍ഡറി വിദ്യാര്‍ത്ഥികള്‍ക്ക് അടിയന്തരമായി പുതിയ പാഠപുസ്തകങ്ങള്‍ നല്‍കുമെന്ന് ഹയര്‍സെക്കന്‍ഡറി ഡയറക്ടര്‍ അറിയിച്ചു. പാഠപുസ്തകങ്ങള്‍ നഷ്ടപ്പെട്ട വിദ്യാര്‍ത്ഥികള്‍ നഷ്ടപ്പെട്ട പാഠപുസ്തകങ്ങളുടെ വിശദാംശങ്ങള്‍ ആഗസ്റ്റ് 31നകം സ്‌കൂള്‍ പ്രിന്‍സിപ്പല്‍മാരെ അറിയിക്കണം. ഇപ്രകാരം ലഭ്യമായ വിശദാംശങ്ങള്‍ പ്രിന്‍സിപ്പല്‍മാര്‍ സെപ്റ്റംബര്‍ മൂന്നിന് വൈകിട്ട് മൂന്നിനകം ഹയര്‍ സെക്കന്‍ഡറി പാഠപുസ്തക ഇന്റന്റിംഗ് പോര്‍ട്ടലായ www.dhseonline.in ലൂടെ സമര്‍പ്പിക്കണം. ഇതു സംബന്ധിച്ച വിശദാംശങ്ങള്‍ dhse പോര്‍ട്ടലില്‍ അഗസ്റ്റ് 23 ലെ സര്‍ക്കുലറില്‍ ലഭിക്കും. Dt.23.8.2018.
************************
സെപ്റ്റംബര്‍ മൂന്നിന് നടത്താന്‍ നിശ്ചയിച്ചിരുന്ന ഒന്നാം വര്‍ഷ ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ മാറ്റിവച്ചതായി ബോര്‍ഡ് ഓഫ് ഹയര്‍സെക്കന്‍ഡറി എക്‌സാമിനേഷന്‍സ് സെക്രട്ടറി അറിയിച്ചു. Dt.23.8.2018.
************************
ആഗസ്റ്റ് 17-ന് നടത്തേണ്ടിയിരുന്ന ഒന്നാം വര്‍ഷ ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ സെപ്റ്റംബര്‍ മൂന്നിന് നടത്തും. ടൈംടേബിളില്‍ മാറ്റമില്ല. Dt.21.8.2018.
************************
സര്‍ക്കാരും സംസ്ഥാനവും ഓണാഘോഷം ഒഴിവാക്കി അതിനുള്ള തുക ദുരിതാശ്വാസത്തിന് വിനിയോഗിച്ചതുപോലെ പൊതുജനങ്ങളും ആര്‍ഭാടപൂര്‍ണമായ ചടങ്ങുകള്‍ ഒഴിവാക്കി സഹായത്തിനെത്തണമെന്ന് മുഖ്യമന്ത്രി പിണറായി വിജയന്‍ അഭ്യര്‍ഥിച്ചു. വിവാഹം പോലുള്ള ചടങ്ങുകള്‍ ഒഴിവാക്കാനാവില്ല. എന്നാല്‍, അവയുടെ ആര്‍ഭാടം ഒഴിവാക്കി അതിനു വകയിരുത്തിയ തുക ദുരിതാശ്വാസനിധിയില്‍ എത്തിക്കാനായാല്‍ സഹായമാകുമെന്നും മുഖ്യമന്ത്രി ചൂണ്ടിക്കാട്ടി. Dt.21.8.2018.
************************
സംസ്ഥാനത്തെ മികച്ച കായിക താരങ്ങള്‍ക്ക് പ്രോത്സാഹനം നല്‍കുന്നതിന് സ്റ്റേറ്റ് സ്‌പോര്‍ട്‌സ് കൗണ്‍സില്‍ നല്‍കുന്ന ഡോ. എ.പി.ജെ അബ്ദുള്‍കാലാം സ്‌കോളര്‍ഷിപ്പ് സ്‌കീമിലേക്ക് അപേക്ഷ ക്ഷണിച്ചു. 14 മുതല്‍ 19 വയസുവരെ പ്രായപരിധിയിലുള്ള 11 കായിക താരങ്ങള്‍ക്കായിരിക്കും ആനുകൂല്യം ലഭിക്കുക. അത്‌ലറ്റിക്‌സ്, ബോക്‌സിംഗ്, ഫെന്‍സിംഗ്, സ്വിമ്മിംഗ്, ബാഡ്മിന്റണ്‍, സൈക്ലിംഗ്, കനോയിംഗ് കയാക്കിംഗ്, റോവിംഗ് കായിക ഇനങ്ങളില്‍ സ്‌കൂള്‍, കോളേജ് തലത്തില്‍ ദേശീയ (സൗത്ത് സോണ്‍) മത്സരത്തില്‍ പങ്കെടുത്ത് മൂന്നാം സ്ഥാനം കരസ്ഥമാക്കുകയാണ് കുറഞ്ഞ യോഗ്യത. ഭിന്നശേഷിയുള്ള കായിക താരങ്ങളില്‍ ഒരാളെ പരിഗണിക്കും. തിരഞ്ഞെടുക്കപ്പെടുന്നവര്‍ക്ക് പ്രതിമാസം 10,000 രൂപയും സ്‌പോര്‍ട്‌സ് കിറ്റും നല്‍കും. അപേക്ഷകര്‍ കായിക നേട്ടം തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം സെക്രട്ടറി, കേരള, സ്റ്റേറ്റ് സ്‌പോര്‍ട്‌സ് കൗണ്‍സില്‍, തിരുവനന്തപുരം എന്ന വിലാസത്തില്‍ സെപ്റ്റംബര്‍ 10ന് മുമ്പ് അപേക്ഷ സമര്‍പ്പിക്കണം. Dt.23.8.2018.
************************
സംസ്ഥാനത്ത് മഴയിലും വെള്ളപ്പൊക്കത്തിലും പാഠപുസ്തകങ്ങള്‍ നഷ്ടപ്പെട്ട ഹയര്‍ സെക്കന്‍ഡറി വിദ്യാര്‍ത്ഥികള്‍ക്ക് അടിയന്തരമായി പുതിയ പാഠപുസ്തകങ്ങള്‍ നല്‍കുമെന്ന് ഹയര്‍സെക്കന്‍ഡറി ഡയറക്ടര്‍ അറിയിച്ചു. പാഠപുസ്തകങ്ങള്‍ നഷ്ടപ്പെട്ട വിദ്യാര്‍ത്ഥികള്‍ നഷ്ടപ്പെട്ട പാഠപുസ്തകങ്ങളുടെ വിശദാംശങ്ങള്‍ ആഗസ്റ്റ് 31നകം സ്‌കൂള്‍ പ്രിന്‍സിപ്പല്‍മാരെ അറിയിക്കണം. ഇപ്രകാരം ലഭ്യമായ വിശദാംശങ്ങള്‍ പ്രിന്‍സിപ്പല്‍മാര്‍ സെപ്റ്റംബര്‍ മൂന്നിന് വൈകിട്ട് മൂന്നിനകം ഹയര്‍ സെക്കന്‍ഡറി പാഠപുസ്തക ഇന്റന്റിംഗ് പോര്‍ട്ടലായ www.dhseonline.in ലൂടെ സമര്‍പ്പിക്കണം. ഇതു സംബന്ധിച്ച വിശദാംശങ്ങള്‍ dhse പോര്‍ട്ടലില്‍ അഗസ്റ്റ് 23 ലെ സര്‍ക്കുലറില്‍ ലഭിക്കും. Dt.23.8.2018.
************************
സെപ്റ്റംബര്‍ മൂന്നിന് നടത്താന്‍ നിശ്ചയിച്ചിരുന്ന ഒന്നാം വര്‍ഷ ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ മാറ്റിവച്ചതായി ബോര്‍ഡ് ഓഫ് ഹയര്‍സെക്കന്‍ഡറി എക്‌സാമിനേഷന്‍സ് സെക്രട്ടറി അറിയിച്ചു. Dt.23.8.2018.
************************
ആഗസ്റ്റ് 17-ന് നടത്തേണ്ടിയിരുന്ന ഒന്നാം വര്‍ഷ ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ സെപ്റ്റംബര്‍ മൂന്നിന് നടത്തും. ടൈംടേബിളില്‍ മാറ്റമില്ല. Dt.21.8.2018.
************************
സര്‍ക്കാരും സംസ്ഥാനവും ഓണാഘോഷം ഒഴിവാക്കി അതിനുള്ള തുക ദുരിതാശ്വാസത്തിന് വിനിയോഗിച്ചതുപോലെ പൊതുജനങ്ങളും ആര്‍ഭാടപൂര്‍ണമായ ചടങ്ങുകള്‍ ഒഴിവാക്കി സഹായത്തിനെത്തണമെന്ന് മുഖ്യമന്ത്രി പിണറായി വിജയന്‍ അഭ്യര്‍ഥിച്ചു. വിവാഹം പോലുള്ള ചടങ്ങുകള്‍ ഒഴിവാക്കാനാവില്ല. എന്നാല്‍, അവയുടെ ആര്‍ഭാടം ഒഴിവാക്കി അതിനു വകയിരുത്തിയ തുക ദുരിതാശ്വാസനിധിയില്‍ എത്തിക്കാനായാല്‍ സഹായമാകുമെന്നും മുഖ്യമന്ത്രി ചൂണ്ടിക്കാട്ടി.Dt.21.8.2018.
************************
ജൂണില്‍ നടത്തിയ കെ-ടെറ്റ് പരീക്ഷയുടെ ഫലം പ്രസിദ്ധപ്പെടുത്തി. പരീക്ഷാഭവന്‍ വെബ്‌സൈറ്റിലും www.ktet.kerala.gov.in എന്ന വെബ്‌സൈറ്റ് പോര്‍ട്ടലിലും ഫലം ലഭ്യമാണ്. നാല് കാറ്റഗറികളിലായി 75929 പേര്‍ പരീക്ഷയെഴുതിയതില്‍ 13512 പേര്‍ കെ -ടെറ്റ് യോഗ്യതാ പരീക്ഷ വിജയിച്ചു. നാല് കാറ്റഗറികളിലുമായി ആകെ വിജയശതമാനം 17.8 കാറ്റഗറി ഒന്നില്‍ 23149 പേര്‍ പരീക്ഷ എഴുതിയതില്‍ 2663 പേര്‍ വിജയിച്ചു. വിജയ ശതമാനം 11.5 കാറ്റഗറി രണ്ടില്‍ 18058 പേര്‍ പരീക്ഷ എഴുതിയതില്‍ 5027 പേര്‍ വിജയിച്ചു. വിജയശതമാനം 27.84. കാറ്റഗറി മൂന്നില്‍ 26433 പേര്‍ പരീക്ഷ എഴുതിയതില്‍ 3456 പേര്‍ വിജയിച്ചു. വിജയശതമാനം 13.07. കാറ്റഗറി നാലില്‍ 8289 പേര്‍ പരീക്ഷ എഴുതിയതില്‍ 2366 പേര്‍ വിജയിച്ചു. വിജയശതമാനം 28.54. പരീക്ഷ വിജയിച്ചവര്‍ വിജ്ഞാപനത്തില്‍ നിഷ്‌കര്‍ഷിക്കുന്ന പ്രകാരമുള്ള യോഗ്യതയുണ്ടെന്ന് ഉറപ്പു വരുത്തുന്നതിനായി ബന്ധപ്പെട്ട അസല്‍ സര്‍ട്ടിഫിക്കറ്റുകളുടെ പരിശോധനയ്ക്കായി അവരവരുടെ പരീക്ഷാ സെന്റര്‍ സ്ഥിതി ചെയ്യുന്ന സ്ഥലത്തെ ജില്ലാ വിദ്യാഭ്യാസ ഓഫീസില്‍ ഹാജരാകണം.Dt.20.8.2018.
************************
എന്‍.റ്റി.എസ്/എന്‍.എം.എം.എസ് പരീക്ഷയുടെ ഓണ്‍ലൈന്‍ ആപ്ലിക്കേഷന്‍ സമര്‍പ്പിക്കുന്ന തിയതി സെപ്റ്റംബര്‍ 10ലേക്ക് മാറ്റി. സെപ്റ്റംബര്‍ 24 വരെ അപേക്ഷിക്കാം. ഓണ്‍ലൈന്‍ അപേക്ഷയുടെ പകര്‍പ്പ് എസ്.സി.ഇ.ആര്‍.ടിയുടെ വെബ്‌സൈറ്റില്‍ (www.scertkerala.gov.in) നോട്ടിഫിക്കേഷനോടൊപ്പം ലഭിക്കും.Dt.20.8.2018.
************************
പ്രളയദുരന്തത്തില്‍പ്പെട്ട് പാഠപുസ്തകം നഷ്ടപ്പെട്ട വിദ്യാര്‍ഥികള്‍ക്ക് സൗജന്യമായി പുതിയ പുസ്തകം നല്‍കുമെന്ന് മുഖ്യമന്ത്രി പിണറായി വിജയന്‍ അറിയിച്ചു. ഇവയുടെ വിതരണം സമയബന്ധിതമായി പൂര്‍ത്തിയാക്കും. 36 ലക്ഷം പാഠപുസ്തകങ്ങള്‍ അച്ചടിപൂര്‍ത്തിയാക്കി തയാറായിട്ടുണ്ട്. ആവശ്യമനുസരിച്ച് വിതരണം ചെയ്യാന്‍ കെ.ബി.പി.എസ് സജ്ജമാണ്. യൂണിഫോം നഷ്ടപ്പെട്ടവര്‍ക്കും പുതിയവ നല്‍കാന്‍ നടപടിയെടുക്കും. കുട്ടികളുടെ ഈ പ്രയാസം കണക്കിലെടുത്താണ് ഓണപ്പരീക്ഷ മാറ്റിവെയ്ക്കാന്‍ തീരുമാനിച്ചതെന്നും മുഖ്യമന്ത്രി പറഞ്ഞു. വെള്ളം കയറി മറ്റു രേഖകള്‍ ലഭ്യമാക്കുന്നതിന് അദാലത്തുകള്‍ നടത്തി തീരുമാനമെടുക്കണമെന്ന് നേരത്തേ തന്നെ നിര്‍ദ്ദേശം നല്‍കിയിട്ടുണ്ട്. ഓരോ വകുപ്പിനും പ്രത്യേകം അപേക്ഷകള്‍ നല്‍കി രേഖകളുടെ പകര്‍പ്പ് ലഭ്യമാക്കുന്നതിന് പകരം ഒരു ഐടി അധിഷ്ഠിത സംവിധാനം വഴി ഇത് സാധ്യമാക്കാനാണ് ലക്ഷ്യമിടുന്നത്.Dt.19.8.2018.
************************
കനത്ത മഴയിലും പ്രളയത്തിലും ദുരിതത്തിലായ കേരളത്തെ സഹായിക്കാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് donation.cmdrf.kerala.gov.in വഴി സംഭാവന നല്‍കാം. നെറ്റ് ബാങ്കിംഗ്, ക്രെഡിറ്റ് കാര്‍ഡ്, ഡെബിറ്റ് കാര്‍ഡ് എന്നിവയിലൂടെ സംഭാവനകള്‍ നല്‍കാം. മൊബൈല്‍ ആപ്പുകളായ BHIM, PAYTM, TEZ, PHONE PE എന്നിവയിലൂടെയും സംഭാനകള്‍ നല്‍കാനാവും. kerala.gov.inലെ വര്‍ച്വല്‍ പേയ്മെന്റ് വിലാസമായ സലൃമഹമരാറൃള@യെശ യിലും തുക നല്‍കാം. നേരിട്ട് ബാങ്ക് മുഖേന തുക നല്‍കുന്നവര്‍ക്ക് എസ്. ബി. ഐ തിരുവനന്തപുരം സിറ്റി ബ്രാഞ്ചിലെ 67319948232 എന്ന അക്കൗണ്ട് നമ്പറില്‍ അടയ്ക്കാം. ഐ. എഫ്. എസ്. സി കോഡ്: SBIN 0070028.Dt.18.8.2018.
************************
സര്‍ക്കാര്‍/സര്‍ക്കാര്‍ എയ്ഡഡ് സ്ഥാപനങ്ങളില്‍ എസ്.എസ്.എല്‍.സി/പ്ലസ്ടു/വി.എച്ച്.എസ്.ഇ തലങ്ങളില്‍ പഠിച്ച് എല്ലാ വിഷയങ്ങള്‍ക്കും എ പ്ലസ് നേടിയ ന്യൂനപക്ഷ മതവിഭാഗങ്ങളിലെ ദാരിദ്ര്യരേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് നല്‍കുന്ന പ്രൊഫ. ജോസഫ് മുണ്ടശ്ശേരി സ്‌കോളര്‍ഷിപ്പ് അവാര്‍ഡിന് സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു. കേരളത്തില്‍ പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈന മതവിഭാഗത്തില്‍പ്പെട്ട വിദ്യാര്‍ത്ഥികളില്‍ നിന്നും 2018 -19 അധ്യയന വര്‍ഷത്തില്‍ എസ്.എസ്.എല്‍.സി/പ്ലസ്ടു/ വി.എച്ച്.എസ്.ഇ തലങ്ങളില്‍ എല്ലാ വിഷയങ്ങള്‍ക്കും എ പ്ലസ് നേടിയവര്‍ക്ക് 10,000 രൂപയാണ് സ്‌കോളര്‍ഷിപ്പ്. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ മത വിഭാഗത്തിലെ നോണ്‍ ക്രിമിലെയര്‍ വിഭാഗത്തെയും പരിഗണിക്കും. 80:20 (മുസ്ലീം: മറ്റു മത ന്യൂനപക്ഷങ്ങള്‍) എന്ന അനുപാതത്തിലാണ് സ്‌കോളര്‍ഷിപ്പ് നല്‍കുന്നത്. വിദ്യാര്‍ത്ഥികളെ തെരഞ്ഞെടുക്കുന്നത് കുടുംബ വാരഷിക വരുമാനത്തിന്റെ അടിസ്ഥാനത്തിലായിരിക്കും. അപേക്ഷകര്‍ക്ക് ഏതെങ്കിലും ദേശസാത്കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfareee.kerala.gov.in എന്ന വകുപ്പിന്റെ വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. അപേക്ഷ സ്വീകരിക്കുന്ന അവസാന തിയതി സെപ്റ്റംബര്‍ 10. ഫോണ്‍: 0471 2302090, 2300524.Dt.18.8.2018.
************************
സ്‌കോള്‍ കേരള മുഖേനയുള്ള ഹയര്‍സെക്കന്‍ഡറി ഒന്നാം വര്‍ഷ പ്രവേശന തിയതികള്‍ ദീര്‍ഘിപ്പിച്ചു. പിഴ കൂടാതെ ആഗസ്റ്റ് 31 വരെയും 60 രൂപ പിഴയോടെ സെപ്റ്റംബര്‍ ഏഴ് വരെയും ഫീസടച്ച് ഓണ്‍ലൈനായി രജിസ്റ്റര്‍ ചെയ്യാം. ഇപ്രകാരം പിഴകൂടാതെ രജിസ്റ്റര്‍ ചെയ്യുന്നവര്‍ സെപ്റ്റംബര്‍ ഒന്നിനകവും പിഴയോടെ രജിസ്റ്റര്‍ ചെയ്യുന്നവര്‍ സെപ്റ്റംബര്‍ 10നകവും നിര്‍ദ്ദിഷ്ട രേഖകള്‍ സഹിതമുള്ള അപേക്ഷകള്‍ സ്‌കോള്‍ കേരളയുടെ സംസ്ഥാന ഓഫീസിലോ, ബന്ധപ്പെട്ട ജില്ലാ ഓഫീസിലോ നേരിട്ടോ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ എത്തിക്കണം. ഓണ്‍ലൈന്‍ രജിസ്‌ട്രേഷനും മറ്റ് വിശദവിവരങ്ങള്‍ക്കും www.scolekerala.org വെബ്‌സൈറ്റ് സന്ദര്‍ശിക്കാം. ഫോണ്‍: 0471 2342950, 2342271, 2342369.Dt.18.8.2018.
************************
എന്‍.ടി.എസ്/എന്‍.എം.എം.എസ് പരീക്ഷയുടെ ഓണ്‍ലൈന്‍ അപേക്ഷ സമര്‍പ്പിക്കേണ്ട തിയതി ആഗസ്റ്റ് 20 എന്നത് സെപ്റ്റംബര്‍ 10ലേക്ക് മാറ്റി. അവസാന തിയതി സെപ്റ്റംബര്‍ 24 ആണ്. ഓണ്‍ലൈന്‍ അപേക്ഷയുടെ പകര്‍പ്പ് എസ്.സി.ഇ.ആര്‍.ടിയുടെ വെബ്‌സൈറ്റില്‍ (www.scertkerala.gov.in) ലഭിക്കും.Dt.18.8.2018.
************************
പബ്ലിക് സര്‍വീസ് കമ്മീഷന്‍ നടത്തുന്ന വകുപ്പുതല പരീക്ഷയ്ക്ക് പട്ടികജാതി പട്ടികവര്‍ഗ വിഭാഗത്തില്‍പ്പെട്ട സര്‍ക്കാര്‍ ഉദ്യോഗസ്ഥരെ പ്രാപ്തരാക്കുന്നതിന് പ്രത്യേക സൗജന്യ പരിശീലനം ഐ.എം.ജിയുടെ തിരുവനന്തപുരം, കൊച്ചി, കോഴിക്കോട് കേന്ദ്രങ്ങളില്‍ നവംബര്‍ 21 മുതല്‍ ഡിസംബര്‍ 15 വരെ നടത്തും. തിരുവനന്തപുരം, കൊല്ലം, പത്തനംതിട്ട ജില്ലകളിലുള്ളവര്‍ തിരുവനന്തപുരം ഐ.എം.ജിയിലും, ആലപ്പുഴ, എറണാകുളം, ഇടുക്കി, കോട്ടയം, തൃശൂര്‍ ജില്ലകളിലുള്ളവര്‍ കൊച്ചി ഐ.എം.ജിയിലും കോഴിക്കോട്, വയനാട്, കണ്ണൂര്‍, കാസര്‍കോട്, മലപ്പുറം, പാലക്കാട് ജില്ലകളിലുള്ളവര്‍ കോഴിക്കോട് ഐ.എം.ജിയിലുമാണ് പരിശീലനത്തില്‍ പങ്കെടുക്കേണ്ടത്. പരിശീലന കേന്ദ്രം മാറ്റി നല്‍കുന്നതല്ല. അടുത്ത ഡിപ്പാര്‍ട്ടുമെന്റല്‍ പരീക്ഷയ്ക്ക് പിഎസ്‌സിയില്‍ അപേക്ഷിക്കുന്ന ക്ലാസ് രണ്ട്, ക്ലാസ് മൂന്ന് വിഭാഗത്തിലെ താത്പര്യമുള്ള ഉദ്യോഗസ്ഥരുടെ വിശദാംശം മേലധികാരികളുടെ ശുപാര്‍ശയോടുകൂടി ഐ.എം.ജിയുടെ ബന്ധപ്പെട്ട ഓഫീസുകളിലേക്ക് അയയ്ക്കണം. ഡയറക്ടര്‍, ഐ.എം.ജി.വികാസ് ഭവന്‍ പി.ഒ, തിരുവനന്തപുരം -695033, റീജിയണല്‍ ഡയറക്ടര്‍, ഐ.എം.ജി പ്രാദേശിക കേന്ദ്രം, കാക്കനാട്, കൊച്ചി -682030, റീജിയണല്‍ ഡയറക്ടര്‍, ഐ.എം.ജി.പ്രാദേശിക കേന്ദ്രം മെഡിക്കല്‍ കോളേജ് ക്യാമ്പസ് കോഴിക്കോട് -673008 എന്നീ വിലാസങ്ങളിലാണ് അപേക്ഷ സമര്‍പ്പിക്കേണ്ടത്. അപേക്ഷ ലഭിക്കേണ്ട അവസാന തിയതി ഒക്‌ടോബര്‍ 15. ഇതു സംബന്ധിച്ച വിവരം www.img.kerala.gov എന്ന വെബ്‌സൈറ്റിലും ലഭിക്കും.Dt.18.8.2018.
************************
പ്ലസ് വണ്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫറിനായുള്ള അപേക്ഷ സമര്‍പ്പണം, റീ അലോട്ട്‌മെന്റ് അഡ്മിഷന്‍ എന്നിവയ്ക്കുള്ള അവസാന തിയതി ദീര്‍ഘിപ്പിച്ചു. ഏകജാലക സംവിധാനത്തില്‍ മെരിറ്റ് ക്വാട്ടയിലോ, സ്‌പോര്‍ട്‌സ് ക്വാട്ടയിലോ പ്രവേശനം നേടിയ വിദ്യാര്‍ത്ഥികള്‍ക്ക് ഒന്നാം ഓപ്ഷനിലാണ് പ്രവേശനം നേടിയതെങ്കില്‍ ട്രാന്‍സ്ഫറിന് അപേക്ഷിക്കാം. അപേക്ഷ അഡ്മിഷന്‍ നേടിയ സ്‌കൂളില്‍ സമര്‍പ്പിക്കുവാനുള്ള തിയതി ആഗസ്റ്റ് 30ന് ഉച്ചയ്ക്ക് രണ്ട് വരെയാണ് ദീര്‍ഘിപ്പിച്ചത്. റീ അലോട്ട്‌മെന്റ് പ്രകാരം പ്രവേശനം നേടാനുള്ള സമയപരിധിയും ഇതേ തിയതികളില്‍ വൈകുന്നേരം നാല് വരെയാണ്.Dt.17.8.2018.
************************
സംസ്ഥാനത്ത് ഹയര്‍സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി ഉള്‍പ്പെടെ പൊതുവിദ്യാഭ്യാസ മേഖലയിലെ എല്ലാ സ്‌കൂളുകളുടെയും ഓണാവധി പുന:ക്രമീകരിച്ച തീരുമാനം സംസ്ഥാനത്ത് പ്രവര്‍ത്തിക്കുന്ന എല്ലാ സി.ബി.എസ്.ഇ/ഐ.സി.എസ്.ഇ സ്‌കൂളുകള്‍ക്കും ബാധകമാക്കി പൊതുവിദ്യാഭ്യാസ ഡയറക്ടര്‍ ഉത്തരവായി.Dt.17.8.2018.
************************
ഓരോ സ്‌കൂളിനും ആഗസ്റ്റ് മാസത്തെ ഇനിയുള്ള പ്രവൃത്തി ദിനങ്ങള്‍ക്ക് ആവശ്യമുള്ള അരി കഴിച്ച് നീക്കിയിരിപ്പുള്ള അരി സ്‌കൂളുകളില്‍ തന്നെ പ്രവര്‍ത്തിക്കുന്ന ദുരിതാശ്വാസ ക്യാമ്പുകളിലേക്കോ തൊട്ടടുത്ത മറ്റ് ക്യാമ്പുകളിലേക്കോ വിതരണം ചെയ്യുന്നതിന് ആവശ്യമായ നടപടികള്‍ ജില്ലാ ഭരണകൂടവുമായി കൂടിയാലോചിച്ച് അടിയന്തരമായി സ്വീകരിക്കാന്‍ വിദ്യാഭ്യാസ ഉപഡയറക്ടര്‍മാരെ മന്ത്രി പ്രൊഫസര്‍ സി. രവീന്ദ്രനാഥ് ചുമതലപ്പെടുത്തിDt.17.8.2018.
************************
മുന്‍ പ്രധാനമന്ത്രി എ ബി വാജ്‌പേയിയോടുള്ള ആദര സൂചകമായി ഏഴു ദിവസം ദേശീയ ദുഃഖാചരണം ആചരിക്കുമെന്ന് കേന്ദ്ര ആഭ്യന്തര മന്ത്രാലയം അറിയിച്ചു. ഈ കാലയളവില്‍ ദേശീയ പതാക പകുതി താഴ്ത്തി കെട്ടണം. ഔദ്യോഗിക ആഘോഷങ്ങള്‍ ഒഴിവാക്കണം.Dt.16.8.2018.
************************
സംസ്ഥാന സ്‌കൂള്‍ ഉച്ചഭക്ഷണ പദ്ധതിയില്‍ ഉള്‍പ്പെട്ട മുഴുവന്‍ കുട്ടികള്‍ക്കും 2018 -19 അധ്യയന വര്‍ഷം ഓണത്തോടനുബന്ധിച്ച് അനുവദിച്ച അഞ്ച് കിലോ അരി സൗജന്യമായി നല്‍കുന്നതിനുള്ള നടപടികള്‍ ഓണാവധിക്കു മുന്‍പ് പ്രഥമാദ്ധ്യാപകര്‍ സ്വീകരിക്കണമെന്ന് പൊതുവിദ്യാഭ്യാസ അഡീഷണല്‍ ഡയറക്ടര്‍ പറഞ്ഞു. കാലവര്‍ഷക്കെടുതി മൂലം ഓണം അവധിക്ക് മുന്‍പായി അരി വിതരണം നടത്താന്‍ കഴിയാത്ത സാഹചര്യം ഉണ്ടായിട്ടുണ്ടെങ്കില്‍ ആ സ്‌കൂളുകളില്‍ അവധി കഴിഞ്ഞ് സ്‌കൂള്‍ തുറന്നാലുടന്‍ സ്‌പെഷ്യല്‍ അരി വിതരണം പൂര്‍ത്തിയാക്കുന്നതിന് നടപടി സ്വീകരിക്കണമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു. Dt.16.8.2018.
************************
സംസ്ഥാനത്ത് ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി ഉള്‍പ്പെടെ പൊതുവിദ്യാഭ്യാസ മേഖലയിലെ എല്ലാ സ്‌കൂളുകളുടെയും ഓണാവധി പുനഃക്രമീകരിച്ചു. സ്‌കൂളുകള്‍ ഓണാവധിക്കായി ആഗസ്റ്റ് 17 ന് അടയ്ക്കുകയുും ഓണാവധി കഴിഞ്ഞ് 29 ന് തുറക്കുകയും ചെയ്യും. Dt.16.8.2018.
************************
ഉന്നത വിദ്യാഭ്യാസ വകുപ്പിന് കീഴിലുള്ള വിദ്യാഭ്യാസ സ്ഥാപനങ്ങള്‍ ഓണത്തോടനുബന്ധിച്ചുള്ള ആഘോഷ പരിപാടികള്‍ ഒഴിവാക്കാനും അതിനു സമാഹരിച്ച തുകയും ഇനി സ്വരൂപിക്കുന്ന തുകയും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാനും നടപടി സ്വീകരിക്കാന്‍ നിര്‍ദ്ദേശിച്ച് ഉന്നത വിദ്യാഭ്യാസ വകുപ്പ് സര്‍ക്കുലറിറക്കി. Dt.16.8.2018.
************************
ആഗസ്റ്റ് 18ന് നടത്താനിരുന്ന ഒന്നാം വര്‍ഷ വൊക്കേഷണല്‍ തിയറി/ഇ.ഡി ഇംപ്രൂവ്‌മെന്റ് പരീക്ഷകള്‍ സെപ്റ്റംബര്‍ ഒന്നിന് നടത്തും. Dt.16.8.2018.
************************
സ്‌കോള്‍-കേരള മുഖേനയുള്ള ഹയര്‍സെക്കന്‍ഡറി ഒന്നാം വര്‍ഷ പ്രവേശനത്തിന് പിഴ കൂടാതെ ഫീസടച്ച് രജിസ്റ്റര്‍ ചെയ്യാനുള്ള തിയതി ആഗസ്റ്റ് 18 വരെ നീട്ടി. ആഗസ്റ്റ് 23 വരെ 60 രൂപ പിഴയോടെയും ഫീസടയ്ക്കാം. ഓണ്‍ലൈന്‍ രജിസ്‌ട്രേഷനും മറ്റ് വിശദവിവരങ്ങള്‍ക്കും www.scolekerala.org ല്‍ ലഭിക്കും. ഫോണ്‍: 0471 2342950, 2342271, 2342369. Dt.16.8.2018.
************************
തലശ്ശേരിയില്‍ അക്വാട്ടിക് മത്സരം നടത്തുന്നതിനിടെ ഹൃത്വിക് രാജ് എന്ന ഒമ്പതാം തരം വിദ്യാര്‍ത്ഥി മുങ്ങി മരിച്ച സംഭവത്തില്‍ വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് അനുശോചനം രേഖപ്പെടുത്തി. ഇതു സംബന്ധിച്ച് വിശദമായ അന്വേഷണം നടത്തി അടിയന്തരമായി റിപ്പോര്‍ട്ട് നല്‍കാനും, ഹൃത്വിക് രാജിന്റെ കുടുംബത്തിന് അടിയന്തര ധനസഹായം അനുവദിക്കുന്നതിനും പൊതു വിദ്യാഭ്യാസ ഡയറക്ടറെ ചുമതലപ്പെടുത്തി Dt.14.8.2018.
************************
സ്‌കൂള്‍/യൂണിവേഴ്‌സിറ്റി യുവജനോത്സവത്തിന് കഥാരചനാ, കവിതാ രചന, ഉപന്യാസം, (ഇംഗ്ലീഷ്, മലയാളം, ഹിന്ദി) ഇനങ്ങളിലെ വ്യക്തിഗത പ്രതിഭകള്‍ക്കായുള്ള സ്‌കോളര്‍ഷിപ്പ് നല്‍കുന്നതിന് അപേക്ഷ ക്ഷണിച്ചു. 2017 -18 അധ്യയന വര്‍ഷം സ്‌കൂള്‍/യൂണിവേഴ്‌സിറ്റി യുവജനോത്സവത്തില്‍ സാഹിത്യരചനാ മത്സരങ്ങളില്‍ എ ഗ്രേഡ് കരസ്ഥമാക്കിയവരും, നിലവില്‍ സര്‍ക്കാര്‍ സ്‌കൂള്‍/സര്‍ക്കാര്‍ ആര്‍ട്‌സ് & സയന്‍സ് കോളേജില്‍ പഠിക്കുന്നതുമായ വിദ്യാര്‍ത്ഥികള്‍ക്ക് അപേക്ഷിക്കാം. വിദ്യാര്‍ത്ഥിയുടെ വിവരങ്ങള്‍ (പേര്, അഡ്രസ്, സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ്, ആധാര്‍ നമ്പര്‍, ആധാറുമായി ബന്ധപ്പെടുത്തിയ ബാങ്ക് അക്കൗണ്ട് നമ്പര്‍) അടങ്ങിയ അപേക്ഷ സ്ഥാപനമേധാവി മുഖേന ആഗസ്റ്റ് 31നു മുമ്പായി കോളേജ് വിദ്യാഭ്യാസ ഡയറക്ടറുടെ ഓഫീസിലെ സ്‌കോളര്‍ഷിപ്പ് വിഭാഗത്തില്‍ എത്തിക്കണം. വെബ്‌സൈറ്റ്: www.dcescholarship@gmail.com ഫോണ്‍: 0471 2306580, 9446780308, 9446096580,.Dt.11.8.2018.
************************
വിദ്യാഭ്യാസ മന്ത്രി അധ്യക്ഷനായുള്ള കേരള സ്‌കൂള്‍ കലോത്സവ മാന്വല്‍ പരിഷ്‌കരണ കമ്മിറ്റി യോഗം കേരള സ്‌കൂള്‍ കലോത്സവ മാന്വല്‍ താഴെ പറയുന്ന ഭേദഗതികള്‍ ഉള്‍പ്പെടുത്തി പരിഷ്‌ക്കരിക്കാന്‍ തീരുമാനിച്ചു. കഥകളി (സിംഗിള്‍), തുള്ളല്‍ (ഓട്ടന്‍തുള്ളല്‍, പറയങ്കന്‍ തുള്ളല്‍, ശീതങ്കന്‍ തുള്ളല്‍) നാടോടി നൃത്തം, മിമിക്രി എന്നീ ഇനങ്ങളില്‍ ആണ്‍ പെണ്‍ വിഭാഗങ്ങളില്‍ പ്രത്യേകം മത്സരം നടത്തും. കഥകളി സംഗീതത്തിന് ചേങ്ങലയും, ശ്രുതിപ്പെട്ടിയും ഉപയോഗിക്കാം. ഭരതനാട്യത്തിന് വയലിന്‍/വീണ, മൃദംഗം, ഓടക്കുഴല്‍, ഇടയ്ക്ക എന്നീ ഉപകരണങ്ങളാണ് ഉപയോഗിക്കേണ്ടത്. സ്‌പെഷ്യല്‍ ഇഫക്ട്‌സ് പാടില്ല. മോഹിനിയാട്ടത്തിന് വയലിന്‍/വീണ,മൃദംഗം, ഓടക്കുഴല്‍, ഇടയ്ക്ക എന്നീ ഉപകരണങ്ങളാണ് ഉപയോഗിക്കേണ്ടത്. സ്‌പെഷ്യല്‍ ഇഫക്ട്‌സ് പാടില്ല. കുച്ചിപ്പുടിയില്‍ വാചികാഭിനയത്തോടൊപ്പം നര്‍ത്തകി ഡയലോഗ് പറയാന്‍ പാടില്ല. ചുണ്ടനക്കുന്നതായി ഭാവിച്ച് അഭിനയിക്കുകയേ ആകാവു. കേരള നടനത്തില്‍ ഇലത്താളം, കുഴിത്താളം, ഇടയ്ക്ക, മദ്ദളം, മൃദംഗം, ഓടക്കുഴല്‍, വയലിന്‍/വീണഎന്നീ വാദ്യോഗപകരണങ്ങള്‍ ഉപയോഗിക്കാം, കഥാ സന്ദര്‍ഭത്തിന് അനുസരിച്ചു മാത്രമേ ചെണ്ട ഉപയോഗിക്കാവു. പരിചമുട്ടില്‍ സ്റ്റീലില്‍ നിര്‍മ്മിച്ച വാള്‍ ഉപയോഗിക്കുന്നത് കുട്ടികള്‍ക്ക് അപകടം ഉണ്ടാക്കുവാന്‍ സാധ്യത കൂടുന്നതിനാല്‍ പരിചമുട്ടി കളിയ്ക്കുന്നതിന് തകിടിന്റേയോ, ഇരുമ്പിന്റെയോ വാള്‍ ഉപയോഗിക്കാം. സംഘനൃത്തത്തില്‍ പങ്കെടുക്കുന്ന ടീം അംഗങ്ങള്‍ ആദ്യാവസാനം നൃത്തത്തില്‍ പങ്കാളികളായിരിക്കണം. സംഘനൃത്തത്തിന് ആഡംബരം ഒഴിവാക്കണം. നിയമപരമായ അപ്പീല്‍ വഴി സംസ്ഥാനതല മത്സരങ്ങളില്‍ പങ്കെടുക്കുന്ന മത്സരാര്‍ത്ഥികള്‍ അതേ ജില്ലയിലെ അതേ ഇനത്തില്‍ പങ്കെടുത്ത ജില്ലയില്‍ നിന്നും ഔദ്യോഗികമായി തെരഞ്ഞെടുക്കപ്പെട്ട മത്സരാര്‍ത്ഥിയേക്കാളും സ്‌കോര്‍ മെച്ചപ്പെടുത്തുകയാണെങ്കില്‍ ഗ്രേഡ് ഉള്‍പ്പെടെയുള്ള ആനുകൂല്യങ്ങള്‍ക്ക് അര്‍ഹതയുണ്ടായിരിക്കും. എങ്കിലും ജില്ലയില്‍ നിന്നും ഔദ്യോഗികമായി തെരഞ്ഞെടുക്കപ്പെട്ട വിദ്യാര്‍ത്ഥിയുടെ സ്‌കോള്‍ ആയിരിക്കും വിദ്യാലയത്തിന്റെയും ജില്ലയുടെയും സ്‌കോള്‍ (പോയിന്റ്) ആയി കണക്കാക്കുക. Dt.10.8.2018.
************************
മണ്ണന്തലയില്‍ പ്രവര്‍ത്തിക്കുന്ന പട്ടികജാതി വികസന വകുപ്പിന്റെ ഗവ. പ്രീ എക്‌സാമിനേഷന്‍ ട്രെയിനിംഗ് സെന്റര്‍ വഴി പട്ടികജാതി വര്‍ഗ്ഗ വിദ്യാര്‍ത്ഥികള്‍ക്കായി നടത്തുന്ന പി.എസ്.സി പരീക്ഷാ പരിശീലനത്തിലേക്ക് യോഗ്യരായ പരിശീലകരെ തെരഞ്ഞെടുക്കും. ഏതെങ്കിലും വിഷയത്തില്‍ നേടിയ ബിരുദാനന്തര ബിരുദമാണ് അടിസ്ഥാന യോഗ്യത. മാത്തമാറ്റിക്‌സ്, ഇംഗ്ലീഷ്, മലയാളം, കമ്പ്യൂട്ടര്‍ സയന്‍സ് എന്നിവയില്‍ ബിരുദാനന്തര ബിരുദമാണ് ബന്ധപ്പെട്ട വിഷയത്തിലെ പരിശീലകരാകാനുള്ള യോഗ്യത. പി.എസ്.സി പരീക്ഷാ പരിശീലനത്തില്‍ അഞ്ച് വര്‍ഷത്തിലേറെ പരിചയമുള്ള ബിരുദധാരികളെയും പരിഗണിക്കും. സര്‍വീസില്‍ നിന്നും വിരമിച്ച അധ്യാപകരുള്‍പ്പെടെയുള്ളവര്‍ക്കും യോഗ്യതക്കു വിധേയമായി അപേക്ഷിക്കാം. നിശ്ചിത യോഗ്യതയുള്ളവര്‍ വിശദ ബയോഡേറ്റയും അര്‍ഹത രേഖകളും സഹിതം 18ന് രാവിലെ 11ന് തിരുവനന്തപുരം മണ്ണന്തലയിലുള്ള ഗവ.പ്രീ എക്‌സാമിനേഷന്‍ ട്രെയിനിംഗ് സെന്റര്‍ ഓഫീസില്‍ ഹാജരാകണം. ഫോണ്‍: 0471 2543441.Dt.10.8.2018.
************************
ആഗസ്റ്റ് ഒന്‍പതിന് നടത്താന്‍ നിശ്ചയിച്ചിരുന്ന വൊക്കേഷണല്‍ ഹയര്‍സെക്കന്ററി ഒന്നാം വര്‍ഷ ഇംഗ്ലീഷ്, ബയോളജി ഇംപ്രൂവ്‌മെന്റ് പരീക്ഷകള്‍ 13ന് നടത്തും. സമയക്രമത്തില്‍ മാറ്റമില്ല.Dt.10.8.2018.
************************
കുട്ടികളുടെ വിദ്യാഭ്യാസ ഉന്നമനത്തിന് സഹായിക്കുന്ന ഓണ്‍ലൈന്‍ സാമഗ്രികള്‍ ലഭ്യമാക്കുന്ന ഖാന്‍ അക്കാദമി പോര്‍ട്ടല്‍ കേരളത്തിലെ ഹൈടെക് സ്‌കൂള്‍ വിദ്യാഭ്യാസരംഗത്ത് കൈറ്റുമായി ധാരണാ പത്രം ഒപ്പിടും. സമഗ്രമായ അക്കാദമിക പങ്കാളിത്തം കേരളത്തില്‍ നടപ്പാക്കുന്നതാണ് പുതിയ കരാര്‍. ഇരുപത് ഹയര്‍സെക്കന്ററി സ്‌കൂളുകളില്‍ ഗണിതത്തിന് വ്യക്തിഗത പഠനം സാധ്യമാകുന്ന തരത്തിലുള്ള അക്കാദമിക ഇടപെടല്‍ പൈലറ്റടിസ്ഥാനത്തില്‍ ഖാന്‍ അക്കാദമിയുമായി ചേര്‍ന്ന് നടപ്പാക്കുന്നുണ്ട്. ഇവിടെ ഓരോ കുട്ടിക്കും പ്രത്യേക ലോഗിന്‍ നല്‍കി അവരുടെ പഠനനേട്ടം കൃത്യമായി വിലയിരുത്താനും ഫീഡ്ബാക്കുകളിലൂടെ മെച്ചപ്പെടുത്താനും അവസരം ലഭിക്കും. പൈലറ്റനുഭവങ്ങളുടെ അടിസ്ഥാനത്തില്‍ ഇത് വിപുലപ്പെടുത്തും. മുഖ്യമന്ത്രി പിണറായി വിജയന്‍, വിദ്യാഭ്യാസവകുപ്പ് മന്ത്രി പ്രൊഫ. സി. രവീന്ദ്രനാഥ് എന്നിവരുടെ സാന്നിദ്ധ്യത്തില്‍ കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്തും ഖാന്‍ അക്കാദമി ഇന്ത്യയുടെ ഡയറക്ടര്‍ സന്ദീപ് ബാപ്നയും തമ്മില്‍ 8ന് ധാരണാപത്രം ഒപ്പിടും. കൈറ്റ് സി.എം.ഡി ഡോ. ഉഷാ ടൈറ്റസ്, പൊതുവിദ്യാഭ്യാസ സെക്രട്ടറി എ. ഷാജഹാന്‍, ഖാന്‍ അക്കാദമി ഇന്ത്യ സ്ട്രാറ്റജിന്റ്മഥു ശാലിനി, പൊതുവിദ്യാഭ്യാസ ഡയറക്ടര്‍ കെ.വി.മോഹന്‍കുമാര്‍, ഹയര്‍സെക്കന്ററി ഡയറക്ടര്‍ സുധീര്‍ ബാബു, എസ്.സി.ഇ.ആര്‍ ഡയറക്ടര്‍ ഡോ. ജെ. പ്രസാദ് തുടങ്ങിയവര്‍ സംബന്ധിക്കും. Dt.7.8.2018.
************************
എല്ലാ സര്‍ക്കാര്‍ ഉദ്യോഗസ്ഥരും ഹൈക്കോടതിയിലും മറ്റു അധികാരസ്ഥാനങ്ങളിലേയും കത്തിടപാടുകള്‍ നടത്തുമ്പോള്‍ സെക്രട്ടേറിയറ്റ് ഓഫീസ് മാന്വലിലേയും മാന്വല്‍ ഓഫ് ഓഫീസ് പ്രൊസീജറിലേയും റൂള്‍സ് ഓഫ് കറസ്‌പോണ്ടന്‍സ് കര്‍ശനമായി പാലിക്കണമെന്ന് ഉദ്യോഗസ്ഥ ഭരണ പരിഷ്‌കാര വകുപ്പ് അറിയിച്ചു. വീഴ്ച വരുത്തുന്ന ഉദ്യോഗസ്ഥര്‍ക്കെതിരെ വകുപ്പധ്യക്ഷന്‍മാര്‍ അച്ചടക്ക നടപടി സ്വീകരിക്കമെന്നും കര്‍ശന നല്‍കി. ചില ജീവനക്കാര്‍ ഹൈക്കോടതി കേസുകളുമായി ബന്ധപ്പെട്ട് ഹൈക്കോടതി ജഡ്ജിക്ക് നേരിട്ട് കത്തയച്ചത് റൂള്‍സ് ഓഫ് കറസ്‌പോണ്ടന്‍സിന് വിരുദ്ധമാണ്. ഈ നടപടി അഡ്വക്കേറ്റ് ജനറല്‍ സര്‍ക്കാരിന്റെ ശ്രദ്ധയില്‍പ്പെടുത്തി ആവശ്യമായ നടപടി സ്വീകരിക്കണമെന്ന് ആവശ്യപ്പെട്ട സാഹചര്യത്തിലാണ് സര്‍ക്കുലര്‍ പുറത്തിറക്കിയത്. Dt.4.8.2018.
************************
ആഗസ്റ്റ് ഒന്നിന് നടത്തേണ്ടിയിരുന്ന ഒന്നാം വര്‍ഷ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ ആഗസ്റ്റ് എട്ടിന് (ബുധനാഴ്ച) നടത്തും. ടൈംടേബിളില്‍ മാറ്റമില്ല. Dt.4.8.2018.
************************
മാതാവോ പിതാവോ അല്ലെങ്കില്‍ ഇരുവരും മരണമടഞ്ഞവരുടെ കുട്ടികള്‍ക്കായി സാമൂഹ്യ സുരക്ഷാ മിഷന്‍ ഗവ/എയ്ഡഡ് സ്‌കൂള്‍/കോളേജുകളിലും, ഗവ. ഐ.ടി.ഐ/പോളിടെക്‌നിക്‌ലും നടപ്പിലാക്കുന്ന സ്‌നേഹപൂര്‍വം പദ്ധതിയില്‍ വിദ്യാഭ്യാസ സ്ഥാപനം രജിസ്റ്റര്‍ ചെയ്തിട്ടില്ലാത്തവര്‍ e-surksha portal (kssm.ikm.in) വഴി ആഗസ്റ്റ് ആറ് മുതല്‍ രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക് 1800-120-1001 എന്ന ഹെല്‍പ്പ് ലൈന്‍ നമ്പറില്‍ ബന്ധപ്പെടണം. Dt.4.8.2018.
************************
2018 -19 അധ്യയന വര്‍ഷത്തില്‍ ഹയര്‍ സെക്കന്‍ഡറി, തൊഴിലധിഷ്ഠിത ഹയര്‍സെക്കന്‍ഡറി പരീക്ഷകള്‍ക്ക് 80 ശതമാനം മാര്‍ക്കോ അതിന് മുകളിലോ ലഭിച്ച വിദ്യാര്‍ത്ഥികള്‍ക്ക് സെന്‍ട്രല്‍ സെക്ടര്‍ റിന്യൂവല്‍/ഫ്രഷ് സ്‌കോളര്‍ഷിപ്പിന് അപേക്ഷിക്കാം. രക്ഷകര്‍ത്താക്കളുടെ വാര്‍ഷിക വരുമാനം എട്ട് ലക്ഷം രൂപയില്‍ കവിയാന്‍ പാടില്ല. വിശദവിവരങ്ങള്‍ www.scholarships.gov.in ല്‍ ലഭിക്കും. കേന്ദ്രമാനവവിഭവശേഷി മന്ത്രാലയമാണ് സ്‌കോളര്‍ഷിപ്പ് നല്‍കുന്നത്. അപേക്ഷ സ്വീകരിക്കുന്ന അവസാന തിയതി ഒക്‌ടോബര്‍ 31. (ഫ്രഷ്) ആഗസ്റ്റ് 31. (റിന്യൂവല്‍) Dt.3.8.2018.
************************
സര്‍ക്കാര്‍ സ്‌കൂള്‍/കോളേജുകളില്‍ പഠിക്കുന്ന സ്‌കൂള്‍/യൂണിവേഴ്‌സിറ്റി യുവജനോത്സവത്തിന് കല, സംഗീതം, പെര്‍ഫോമിംഗ് ആര്‍ട്ട്‌സ് മേഖലകളില്‍ കഴിവ് തെളിയിച്ച പ്രതിഭകള്‍ക്ക് സ്‌കോളര്‍ഷിപ്പ് നല്‍കും. 2017-18 അധ്യയന വര്‍ഷം സ്‌കൂള്‍/യൂണിവേഴ്‌സിറ്റി യുവജനോത്സവത്തില്‍ ലളിത സംഗീതം, ശാസ്ത്രീയ സംഗീതം, കഥകളി, നാടോടി നൃത്തം, കേരള നടനം, മോഹിനിയാട്ടം തുടങ്ങിയ കലകളില്‍ എ ഗ്രേഡ് കരസ്ഥമാക്കിയതും നിലവില്‍ സര്‍ക്കാര്‍ സ്‌കൂള്‍/സര്‍ക്കാര്‍ ആര്‍ട്ട്‌സ് & സയന്‍സ് കോളേജില്‍ പഠിക്കുന്നതുമായ വിദ്യാര്‍ത്ഥികള്‍ക്ക് അപേക്ഷിക്കാം. പേര് വിവരങ്ങള്‍ (പേര്, സ്ഥാപനം, അഡ്രസ്, സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ്, ആധാര്‍ നമ്പര്‍, ആധാറുമായി ബന്ധപ്പെടുത്തിയ ബാങ്ക് അക്കൗണ്ട് നമ്പര്‍) അടങ്ങിയ അപേക്ഷകള്‍ സ്ഥാപന മേധാവി മുഖേന 31ന് വൈകുന്നേരം അഞ്ചിന് മുമ്പ് കോളേജ് വിദ്യാഭ്യാസ ഡയറക്ടറുടെ ഓഫീസിലെ സ്‌കോളര്‍ഷിപ്പ് വിഭാഗത്തില്‍ എത്തിക്കണം. വെബ്‌സൈറ്റ്: www.dcescholarship@gmai.com ഫോണ്‍: 0471 2306580, 9446780308, 9446096580. Dt.3.8.2018.
************************
ഡിസംബറില്‍ ആലപ്പുഴയില്‍ നടത്താന്‍ നിശ്ചയിച്ചിരിക്കുന്ന സംസ്ഥാന സ്‌കൂള്‍ കലോത്സവം മാറ്റി വയ്ക്കാന്‍ തീരിമാനിച്ചതായി പ്രചരിക്കുന്ന വാര്‍ത്ത അടിസ്ഥാനരഹിതമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. കലോത്സവ തിയതിയോ വേദിയോ മാറ്റുന്നത് സംബന്ധിച്ച് യാതൊരു ആലോചനയും ഇതുവരെ ഉണ്ടായിട്ടില്ല. കലോത്സവം ഉള്‍പ്പെടെയുള്ള വിവിധ മേളകളുടെ തിയതി നീട്ടുന്ന കാര്യം ഇന്നലെ നടന്ന (ആഗസ്റ്റ് രണ്ട്) ക്യൂ.ഐ.പി. മീറ്റിംഗില്‍ ഉള്‍പ്പെടുത്തിയിട്ടുള്ളതായി ചില പത്രങ്ങളില്‍ വന്ന വാര്‍ത്തയും അടിസ്ഥാനരഹിതമാണെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.Dt.2.8.2018.
************************
മാറ്റിവച്ച ഒന്നാം വര്‍ഷ ഹയര്‍ സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ ആഗസ്റ്റ് എട്ടിന് നടത്തും. ടൈംടേബിളില്‍ മാറ്റമില്ല. Dt.2.8.2018.
************************
സര്‍വ്വശിക്ഷാ അഭിയാനില്‍ പ്രവര്‍ത്തിക്കുന്ന സ്‌പെഷ്യലിസ്റ്റ് അദ്ധ്യാപകര്‍ക്ക് കേന്ദ്രസര്‍ക്കാര്‍ അനുവദിച്ച വേതനത്തിന്റെ ഇരട്ടി നല്കാന്‍ സര്‍ക്കാര്‍ തീരുമാനിച്ചു. കേന്ദ്രമാനവ വിഭവശേഷി വകുപ്പിന്റെ പുതിയ പദ്ധതിയായ സമഗ്ര ശിക്ഷയിലേക്ക് കരാര്‍ നിയമനം നല്കാന്‍ തീരുമാനിച്ചിട്ടുള്ള കലാ-കായിക-പ്രവൃത്തി പരിചയം അദ്ധ്യാപകരായ 2685 പേര്‍ക്കാണ് ഈ ആനുകൂല്യം ലഭിക്കുക. എസ്.എസ്.എ പദ്ധതിയില്‍ കഴിഞ്ഞ വര്‍ഷം വേതനമായി നല്കിയിരുന്ന 25200 രൂപ പുതുതായി രൂപം നല്കിയ സമഗ്ര ശിക്ഷയില്‍ കേന്ദ്ര സര്‍ക്കാര്‍ 7000 രൂപയായി വെട്ടിക്കുറിച്ചിരുന്നു. കേന്ദ്രവിഹിതം 4200 രൂപ മാത്രമാണ്. പരിമിതികള്‍ക്കുള്ളിലും ഗുണമേന്മാ വിദ്യാഭ്യാസം ഉറപ്പുവരുത്തണമെന്ന സംസ്ഥാന സര്‍ക്കാരില്‍ ഉറച്ച നിലപാടിന്റെ അടിസ്ഥാനത്തില്‍ സംസ്ഥാന വിഹിതമായ 2800 രൂപയ്ക്ക് പുറമേ, സംസ്ഥാന സര്‍ക്കാര്‍ അധികമായി അനുവദിക്കുന്ന 7,000 രൂപ കൂടി ചേര്‍ത്ത് പ്രതിമാസം 14,000/ രൂപയാണ് വേതനം നല്‍കുക. പരിമിതികള്‍ക്കിടയിലും പൊതുവിദ്യാഭ്യാസ മേഖലയെ ശക്തിപ്പെടുത്തുന്നതിനും അദ്ധ്യാപകരെ സംരക്ഷിക്കുന്നതിനും സഹായകമായ നിലപാടാണ് സംസ്ഥാന സര്‍ക്കാര്‍ കൈക്കൊള്ളുന്നതെന്ന് വിദ്യാഭ്യാസ മന്ത്രി അറിയിച്ചു.Dt.1.8.2018.
************************
ആഗസ്റ്റ് 30 ന് ആരംഭിക്കാനിരുന്ന ഒന്നാം പാദവാര്‍ഷിക പരീക്ഷ 31ലേക്ക് മാറ്റണമെന്ന പൊതു വിദ്യാഭ്യാസ ഡയറക്ടറുടെ അധ്യക്ഷതയില്‍ ചേര്‍ന്ന ഗുണനിലവാര സമിതി യോഗത്തിന്റെ ശുപാര്‍ശ സര്‍ക്കാരിന്റെ അനുമതിക്കായി സമര്‍പ്പിക്കുമെന്ന് പൊതു വിദ്യാഭ്യാസ ഡയറക്ടര്‍ അറിയിച്ചു. നിപ പ്രതിരോധപ്രവര്‍ത്തനങ്ങളുടെയും മഴക്കെടുതിയുടെയും പശ്ചാത്തലത്തില്‍ നഷ്ടപ്പെട്ട അധ്യയനദിനങ്ങള്‍ പരിഹരിക്കുന്നതിന് എസ്.എസ്.എല്‍.സി പരീക്ഷ മാര്‍ച്ച് 13ന് ആരംഭിച്ച് 27ന് അവസാനിക്കുന്ന തരത്തില്‍ പുന:ക്രമീകരിക്കുന്നതിനും സര്‍ക്കാരിലേക്ക് ശുപാര്‍ശ ചെയ്തു. എല്ലാ ദിവസവും ഉച്ചയ്ക്കുശേഷം ആരംഭിക്കുന്ന എസ്എസ്എല്‍സി വാര്‍ഷിക പരീക്ഷ എല്ലാ ദിവസവും രാവിലെ ഹയര്‍ സെക്കണ്ടറി പരീക്ഷയോടൊപ്പം നടത്താനുള്ള ശുപാര്‍ശയും അനുമതിക്കായി സമര്‍പ്പിക്കും. മഴക്കെടുതി മൂലം അധ്യയനദിനങ്ങള്‍ നഷ്ടപ്പെട്ട ജില്ലകളിലെ സ്‌കൂളുകളില്‍ അധ്യയനദിനങ്ങള്‍ ക്രമീകരിക്കാന്‍ ആറാം പ്രവൃത്തിദിനം ഉള്‍പ്പെടെ രണ്ടാം ശനിയാഴ്ച ഒഴികെയുള്ള മറ്റു ശനിയാഴ്ചകള്‍ കൂടി പ്രവൃത്തിദിനമായി ക്രമീകരിക്കും. ജില്ലയിലെ ഉപ ഡയറക്ടര്‍മാര്‍ അടിയന്തരമായി ക്യുഐപിയോഗം വിളിച്ചുചേര്‍ത്ത് ജില്ലകളിലെ സാഹചര്യങ്ങള്‍ കണക്കിലെടുത്ത് നഷ്ടപ്പെട്ട പ്രവൃത്തിദിനങ്ങള്‍ക്ക് പരിഹാരം കാണണം. സ്‌കൂള്‍ പ്രവൃത്തി ദിനങ്ങളില്‍ വിദ്യാഭ്യാസവകുപ്പിന്റെ അനുമതികൂടാതെ യാതൊരുവിധ പാഠേ്യതര പരിപാടികളും നടത്തരുതെന്നും വിദ്യാലയങ്ങളുടെ മതേതര സ്വഭാവം നഷ്ടപ്പെടുന്ന രീതിയിലുള്ള പരിപാടികള്‍ നടത്താന്‍ പാടില്ലെന്നും യോഗം നിര്‍ദ്ദേശിച്ചതായും പൊതുവിദ്യാഭ്യാസ ഡയറക്ടര്‍ അറിയിച്ചു. Dt.31.7.2018.
************************
കാലാവസ്ഥ പ്രതികൂലമായതിനാല്‍ ഇന്ന് (ആഗസ്റ്റ് ഒന്ന്) നടത്തേണ്ട ഒന്നാം വര്‍ഷ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ മാറ്റിവച്ചു. ആഗസ്റ്റ് രണ്ട് മുതല്‍ നടക്കേണ്ട പരീക്ഷകള്‍ മാറ്റമില്ലാതെ നിലവിലെ ടൈംടേബിള്‍ പ്രകാരം നടത്തും. Dt.31.7.2018.
************************
പ്ലസ് വണ്‍ ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അപേക്ഷിച്ചിട്ടും അലോട്ട്‌മെന്റ് ലഭിക്കാത്തതും അപേക്ഷ സമര്‍പ്പിക്കാന്‍ കഴിയാത്തതും മൂന്നാം സപ്ലിമെന്ററി അലോട്ട്‌മെന്റിന് അപേക്ഷിച്ചതും ആയവരുടെ സപ്ലിമെന്ററി അലോട്ട്‌മെന്റ് റിസള്‍ട്ട് www.hscap.kerala.gov.in ലെ ''SUPPLEMENTARY RESULTS'' എന്ന ലിങ്കില്‍ പ്രസിദ്ധീകരിച്ചു. അലോട്ട്‌മെന്റ് ലഭിക്കുന്നവര്‍ ലിങ്കില്‍ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പുമായി അലോട്ട്‌മെന്റ് ലഭിച്ച സ്‌കൂളില്‍ ഇന്ന് (ആഗസ്റ്റ് ഒന്ന്) രാവിലെ മുതല്‍ ആഗസ്റ്റ് രണ്ട് വൈകിട്ട് നാലിന് മുമ്പായി സ്ഥിരപ്രവേശനം നേടണം. Dt.31.7.2018.
************************
പ്രീ സ്‌കൂള്‍ വിദ്യാഭ്യാസം ശാസ്ത്രീയമായി നടപ്പിലാക്കുന്നതിന്റെ ഭാഗമായി സംസ്ഥാന വിദ്യാഭ്യാസ ഗവേഷണ പരിശീലനസമിതി പ്രീസ്‌കൂള്‍ പാഠ്യ പദ്ധതി രൂപരേഖ, പ്രീസ്‌കൂള്‍ അധ്യാപക സഹായി (കളിപ്പാട്ടം) പ്രീസ്‌കൂള്‍ കുട്ടികള്‍ക്കുള്ള പ്രവര്‍ത്തന കാര്‍ഡുകള്‍ (കളിത്തോണി ഭാഗം-1), പ്രവര്‍ത്തന കാര്‍ഡു കളുടെ വിനിമയ സഹായി എന്നിവ പ്രസിദ്ധീകരിച്ചു. ഇവ എസ്.സി.ഇ.ആര്‍.ടി വെബ്‌സൈറ്റില്‍( www.scert.kerala.gov.in) ലഭിക്കും. പ്രീസ്‌കൂള്‍ പാഠ്യപദ്ധതി, പ്രീസ്‌കൂള്‍ അധ്യാപകസഹായി (കളിപ്പാട്ടം) എന്നിവ എസ്.സി.ഇ.ആര്‍.ടി സ്റ്റോറിലും ലഭിക്കും.Dt.31.7.2018.
************************
സംസ്ഥാനത്തെ മുഴുവന്‍ സ്‌കൂളുകളെയും ബന്ധിപ്പിച്ച് കൈറ്റ് നടപ്പാക്കുന്ന സ്‌കൂള്‍ വിക്കിയിലെ ഏറ്റവും മികച്ച സ്‌കൂളിന് ഒരുലക്ഷം രൂപ അവാര്‍ഡ് നല്‍കും. ഇതോടൊപ്പം ജില്ലയില്‍ ഒന്നും രണ്ടും സഥാനങ്ങളിലെത്തുന്ന സ്‌കൂളുകള്‍ക്കും 10,000, 5,000 രൂപ വീതം പുരസ്‌കാരങ്ങള്‍ നല്‍കും. സഹവര്‍ത്തിത പഠനാനുഭവം പ്രദാനം ചെയ്യുന്നതിനും മലയാളം കമ്പ്യൂട്ടിംഗ് വ്യാപകമാക്കുന്നതിനും കൈറ്റ് (ഐ.ടി.@സ്‌കൂള്‍) ആരംഭിച്ച പദ്ധതിയായ സ്‌കൂള്‍ വിക്കി'യില്‍ (www.schoolwiki.in) 15000 ത്തോളം സ്‌കൂളുകള്‍ ഉള്‍പ്പെട്ടിട്ടുണ്ട്. 'സ്‌കൂള്‍ വിക്കി'യുടെ കോ-ഓര്‍ഡിനേറ്ററായിരുന്ന ജൂലൈ 19 ന് മരണപ്പെട്ട മലപ്പുറം ജില്ലയിലെ കൈറ്റ് കോ-ഓര്‍ഡിനേറ്റര്‍ കെ.ശബരീഷിന്റെ പേരിലാണ് പ്രഥമ സ്‌കൂള്‍ വിക്കി സംസ്ഥാന അവാര്‍ഡ് ഏര്‍പ്പെടുത്തിയിരിക്കുന്നത്. 'സ്‌കൂള്‍ വിക്കി'യില്‍ നിലവില്‍ അംഗമായ എല്ലാ സ്‌കൂളുകളെയും അവാര്‍ഡിന് പരിഗണിക്കും. സ്‌കൂളുകള്‍ ഇതിനായി പ്രത്യേകം അപേക്ഷ സമര്‍പ്പിക്കേണ്ടതില്ല. ആഗസ്റ്റ് 15 വരെ നടത്തുന്ന പുതുക്കല്‍ കൂടി പരിഗണിച്ചായിരിക്കും അവാര്‍ഡ് നല്‍കുക എന്ന് കൈറ്റ് വൈസ് ചെയര്‍മാന്‍ അറിയിച്ചു. അവാര്‍ഡിനു പുറമെ തുടര്‍ന്നും സ്‌കൂളുകളെ ഗ്രേഡ് ചെയ്യുന്നതിലും 'സ്‌കൂള്‍ വിക്കി'യിലെ മികവ് പരിഗണിക്കും. ഇന്‍ഫോബോക്‌സിലെ വിവരങ്ങളുടെ കൃത്യത, സ്‌കൂള്‍ താളിലെ ഉള്ളടക്കം, പ്രെറ്റി യു.ആര്‍.എല്‍., സ്‌കൂള്‍ താളിലെ ഉള്ളടക്കം, തുടര്‍ച്ചയായ മെച്ചപ്പെടുത്തല്‍ അധിക താളുകള്‍, താളുകളുടെ വൃത്തിയും സംവിധാന ഭംഗിയും, സ്‌കൂള്‍മാപ്പ്, പ്രോജക്ടുകള്‍ തുടങ്ങിയവയാണ് അവാര്‍ഡ് നിര്‍ണയ മാനദണ്ഡം. അവാര്‍ഡുമായി ബന്ധപ്പെട്ട സര്‍ക്കുലര്‍ www.kite.kerala.gov.in എന്ന സൈറ്റില്‍ ലഭ്യമാണ്.Dt.31.7.2018.
************************
കേന്ദ്ര ന്യൂനപക്ഷകാര്യ മന്ത്രാലയം കേരളത്തിലെ ന്യൂനപക്ഷ സമുദായങ്ങളായ മുസ്ലീം/ക്രിസ്ത്യന്‍/സിഖ്/ ബുദ്ധ/പാര്‍സി/ ജൈന സമുദായങ്ങളില്‍പ്പെട്ട പ്ലസ് വണ്‍ മുതല്‍ പിഎച്ച്.ഡി വരെ പഠിക്കുന്ന വിദ്യാര്‍ത്ഥികള്‍ക്ക് 2018 -19 വര്‍ഷത്തില്‍ നല്‍കുന്ന പോസ്റ്റ് മെട്രിക് സ്‌കോളര്‍ഷിപ്പിന് ഓണ്‍ലൈന്‍ അപേക്ഷ ക്ഷണിച്ചു. ന്യൂനപക്ഷ സമുദായങ്ങളില്‍പ്പെട്ട കുടുംബ വാര്‍ഷിക വരുമാനം രണ്ട് ലക്ഷം രൂപയില്‍ കവിയാത്ത തൊട്ട് മുന്‍വര്‍ഷത്തെ ബോര്‍ഡ്/യൂണിവേഴ്‌സിറ്റി പരീക്ഷയില്‍ 50 ശതമാനത്തില്‍ കുറയാത്ത മാര്‍ക്കോ, തത്തുല്യ ഗ്രേഡോ ലഭിച്ചിട്ടുള്ള വിദ്യാര്‍ത്ഥികള്‍ക്ക് അപേക്ഷിക്കാം. ഗവണ്‍മെന്റ്/എയ്ഡഡ്/അംഗീകൃത അണ്‍ എയ്ഡഡ് സ്ഥാപനങ്ങളില്‍ ഹയര്‍സെക്കന്ററി/ഡിപ്ലോമ/ബിരുദം/ബിരുദാനന്തര ബിരുദം എം.ഫില്‍/പി.എച്ച്.ഡി കോഴ്‌സുകളില്‍ പഠിക്കുന്നവര്‍ക്കും എന്‍.സി.വി.ടി യില്‍ അഫിലിയേറ്റ് ചെയ്തിട്ടുള്ള ഐ.ടി.ഐ/ഐ.ടി.സികളില്‍ തലത്തിലുള്ള ടെക്‌നിക്കല്‍/വൊക്കേഷണല്‍ കോഴ്‌സുകളില്‍ പഠിക്കുന്നവര്‍ക്കും അപേക്ഷിക്കാം. വിദ്യാര്‍ത്ഥികള്‍ മെരിറ്റ് കം -മീന്‍സ് സ്‌കോളര്‍ഷിപ്പിന്റെ പരിധിയില്‍ വരാത്ത കോഴ്‌സുകളില്‍ പഠിക്കുന്നവരാകണം. കോഴ്‌സിന്റെ ഒന്നാം വര്‍ഷ വിദ്യാര്‍ത്ഥികള്‍ക്ക് മാത്രമേ ഫ്രഷായി അപേക്ഷിക്കാന്‍ സാധിക്കൂ. കോഴ്‌സിന്റെ മുന്‍വര്‍ഷം സ്‌കോളര്‍ഷിപ്പ് ലഭിച്ച വിദ്യാര്‍ത്ഥികള്‍ മുന്‍വര്‍ഷത്തെ രജിസ്‌ഷ്രേടന്‍ ഐ.ഡി ഉപയോഗിച്ച് പുതുക്കലിന് അപേക്ഷിക്കണം. റിന്യൂവല്‍ അപേക്ഷകള്‍ www.scholarships.gov.in എന്ന വെബ്‌സൈറ്റിലൂടെ സെപ്റ്റംബര്‍ 30നകം ഓണ്‍ലൈനായി സമര്‍പ്പിക്കണം. വെബ്‌സൈറ്റ്: www.dcescholarship.kerala.gov.in www.colleegiateedu.kerala.gov.in ഇമെയില്‍: postmatricscholarship@gmail.com ഫോണ്‍: 0471 2306580, 9446096580, 9446780308.Dt.31.7.2018.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ 2017-18 വര്‍ഷം ഒന്നു മുതല്‍ 10 വരെ ക്ലാസുകളില്‍ പഠിച്ചിരുന്ന ഒ.ബി.സി പ്രീമെട്രിക് സ്‌കോളര്‍ഷിപ്പിന് അര്‍ഹരായ വിദ്യാര്‍ത്ഥികളുടെ ബാങ്ക് അക്കൗണ്ട് ലൈവ് ആണെന്ന് ഉറപ്പാക്കുന്നതിന് വിദ്യാര്‍ത്ഥികള്‍ക്ക് സ്‌കൂള്‍ പ്രധാനാധ്യാപകര്‍ നിര്‍ദ്ദേശം നല്‍കണമെന്ന് ഡയറക്ടര്‍ അറിയിച്ചു. Dt.30.7.2018.
************************
സ്‌കോള്‍ കേരള മുഖേനയുള്ള ഹയര്‍സെക്കണ്ടറി കോഴ്‌സുകളുടെ 2018-20 ബാച്ചിലേക്കുള്ള ഒന്നാം വര്‍ഷ പ്രവേശന തീയതികള്‍ ദീര്‍ഘിപ്പിച്ചു. പിഴ കൂടാതെ ആഗസ്റ്റ് 14 വരെയും, 60 രൂപ പിഴയോടെ ആഗസ്റ്റ് 23 വരെയും ഫീസടച്ച് www.scolekerala.org മുഖേനെ ഓണ്‍ലയിനായി രജിസ്റ്റര്‍ ചെയ്യാം. പിഴകൂടാതെ രജിസ്റ്റര്‍ ചെയ്യുന്നവര്‍ ആഗസ്റ്റ് 23 നകവും, പിഴയോടെ രജിസ്റ്റര്‍ ചെയ്യുന്നവര്‍ ആഗസ്റ്റ് 31 നകവും നിര്‍ദ്ദിഷ്ട രേഖകള്‍ സഹിതമുള്ള അപേക്ഷകള്‍ സ്‌കോള്‍ കേരളയുടെ സംസ്ഥാന ഓഫീസിലോ, ബന്ധപ്പെട്ട ജില്ലാ ഓഫീസിലോ നേരിട്ടോ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ എത്തിക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. കൂടുതല്‍ വിവരങ്ങള്‍ക്ക് : 0471 2342950, 2342271, 2342369. Dt.30.7.2018.
************************
സ്‌കോള്‍ കേരള മുഖേനയുള്ള 2018 -20 ബാച്ച് ഹയര്‍സെക്കണ്ടറി കോഴ്‌സ് ഒന്നാം വര്‍ഷ പ്രവേശനത്തിന് ഓണ്‍ലൈന്‍ രജിസ്‌ട്രേഷന്‍ നടത്തിയവര്‍ ഡൗണ്‍ലോഡ് ചെയ്ത അപേക്ഷയും നിര്‍ദ്ദിഷ്ട രേഖകളും അടിയന്തരമായി അതത് ജില്ലാ കേന്ദ്രങ്ങളില്‍ നേരിട്ടോ, സംസ്ഥാന കേന്ദ്രത്തില്‍ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ, നേരിട്ടോ എത്തിക്കണം.Dt.28.7.2018.
************************
ശാസ്ത്രാഭിമുഖ്യം വളര്‍ത്താന്‍ പ്രത്യേക പദ്ധതികള്‍ നടപ്പിലാക്കുമെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. പൊതുവിദ്യാഭ്യാസവകുപ്പിന്റെ ഭാഗമായ വിവിധ ഏജന്‍സികള്‍ നടത്തുന്ന പദ്ധതി പ്രവര്‍ത്തനങ്ങള്‍ ഏകോപിപ്പിച്ച് സമഗ്രരേഖ പുറത്തിറക്കുമെന്നും അദ്ദേഹം പറഞ്ഞു. എസ്.ഐ.ഇ.ടി തയ്യാറാക്കിയ 'സ്റ്റീഫന്‍ ഹോക്കിംഗ് എന്ന ഡോക്യുമെന്ററി വീഡിയോ ദൂരദര്‍ശന്‍ ഡയറക്ടര്‍ ബൈജുചന്ദ്രന് നല്‍കി പ്രകാശനം ചെയ്യുകയായിരുന്നു അദ്ദേഹം. പൊതുവിദ്യാഭ്യാസ ഡയറക്ടര്‍ കെ.വി. മോഹന്‍കുമാര്‍, എസ്.ഐ.ഇ.ടി ഡയറക്ടര്‍ ബി. അബുരാജ്, എസ്.ഐ.ഇ.ടി എക്‌സിക്യൂട്ടീവ് അംഗങ്ങള്‍ എന്നിവര്‍ സംബന്ധിച്ചു. സ്റ്റീഫന്‍ ഹോക്കിംഗിന്റെ ജീവിതവും ശാസ്ത്രസംഭാവനകളും പ്രതിപാദിക്കുന്ന 30 മിനിട്ട് ദൈര്‍ഘ്യമുള്ള ഡോക്യുമെന്ററിയാണ് തയ്യാറാക്കിയിട്ടുള്ളത്. എസ്.ഐ.ഇ.ടി ഇതിനോടകം 50 ല്‍പരം ജീവചരിത്ര ഡോക്യുമെന്ററികള്‍ തയ്യാറാക്കിയിട്ടുണ്ട്. ഡോക്യുമെന്ററിയുടെ പ്രഥമ സംപ്രേഷണം ദൂരദര്‍ശന്‍ അടുത്തയാഴ്ച നിര്‍വ്വഹിക്കും.Dt.27.7.2018.
************************
കേരള നിയമസഭയുടെ വജ്രജൂബിലി ആഘോഷങ്ങളോടനുബന്ധിച്ചുള്ള ഫെസ്റ്റിവല്‍ ഓണ്‍ ഡെമോക്രസിയുടെ ഭാഗമായി ആഗസ്റ്റ് ആറ്, ഏഴ് തിയതികളില്‍ പട്ടികജാതി പട്ടികവര്‍ഗ വിഭാഗക്കാരുടെ വിവിധ പ്രശ്‌നങ്ങളെ സംബന്ധിച്ച് ദേശീയ ലെജിസ്ലേറ്റേഴ്‌സ് കോണ്‍ഫറന്‍സ് നടക്കും. താത്പര്യമുള്ള വിദ്യാര്‍ത്ഥികള്‍ക്കും അധ്യാപകര്‍ക്കും ഗവേഷകര്‍ക്കും കോണ്‍ഫറന്‍സില്‍ നിരീക്ഷകരാകാം. താത്പര്യമുള്ളവര്‍ മേലവിലാസം, പ്രവൃത്തിമേഖല, ഫോണ്‍ നമ്പര്‍, ഇമെയില്‍ എന്നിവ സഹിതം ജൂലൈ 30നു മുമ്പ് kishorrajavarma@niyamasabha.nic.in ല്‍ അപേക്ഷ നല്‍കണം. തെരഞ്ഞെടുക്കപ്പെടുന്നവരെ വിവരം അറിയിക്കുകയും തുടര്‍ന്ന് രജിസ്റ്റര്‍ ചെയ്യാനുള്ള അവസരം നല്‍കുകയും ചെയ്യും.Dt.27.7.2018.
************************
സംസ്ഥാന പട്ടികവര്‍ഗ വികസന വകുപ്പിനു കീഴിലുള്ള 16 മോഡല്‍ റസിഡന്‍ഷ്യല്‍ സ്‌കൂളുകളിലേക്ക് ഹെവി ഡ്യൂട്ടി ഗ്രൈന്‍ഡിംഗ് മെഷീന്‍ വിതരണം ചെയ്യുന്നതിനും ആറ് മോഡല്‍ റസിഡന്‍ഷ്യല്‍ സ്‌കൂളുകളിലേക്ക് ചപ്പാത്തി മേക്കിംഗ് മെഷീന്‍ വിതരണം നടത്തുന്നതിനും പ്രൊപ്പോസലുകള്‍ ക്ഷണിച്ചു. ഈ രംഗത്ത് അഞ്ച് വര്‍ഷത്തെ പ്രവൃത്തിപരിചയമുള്ള സ്ഥാപനങ്ങള്‍ /വ്യക്തികള്‍ക്ക് അപേക്ഷിക്കാം. പ്രൊപ്പോസലുകള്‍ ആഗസ്റ്റ് നാല് ഉച്ചയ്ക്ക് രണ്ടു മണിവരെ സ്വീകരിക്കും. നാലിന് വൈകുന്നേരം മൂന്നു മണിക്ക് പ്രൊപ്പോസലുകള്‍ പരിഗണിക്കും. ഇത് സംബന്ധിച്ച പ്രീബിഡ് മീറ്റിംഗ് രണ്ടിന് രണ്ടു മണിക്ക് പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും. ഫോണ്‍: 0471 2303229, 2304594.Dt.27.7.2018.
************************
2018 ഏപ്രില്‍ മാസം നടന്ന ഡി.എഡ് രണ്ടും നാലും സെമസ്റ്റര്‍ പരീക്ഷകളുടെയും 2017 നവംബര്‍ മാസം നടന്ന ഒന്ന്, മൂന്ന് സെമസ്റ്റര്‍ പരീക്ഷകളുടെയും മാര്‍ക്ക് ലിസ്റ്റ്, സര്‍ട്ടിഫിക്കറ്റ് എന്നിവ എല്ലാ ജില്ലാ വിദ്യാഭ്യാസ ഓഫീസുകളിലും വിതരണം നടത്തിയതായി പരീക്ഷാഭവന്‍ സെക്രട്ടറി അറിയിച്ചു. ജൂലൈ 30ന് മുമ്പ് ഐ.ടി.ഇ പ്രിന്‍സിപ്പല്‍മാര്‍ ബന്ധപ്പെട്ട ജില്ലാ വിദ്യാഭ്യാസ ഓഫീസിലെത്തി സര്‍ട്ടിഫിക്കറ്റ് കൈപ്പറ്റി വിതരണം നടത്തണം. Dt.26.7.2018.
************************
ഡിപ്ലോമാ ഇന്‍ ലാംഗേ്വജ് എഡ്യൂക്കേഷന്‍ (ഡി.എല്‍.ഇ.ഡി) (അറബിക്/ഉറുദു) കോഴ്‌സിന് കൊല്ലം, മലപ്പുറം, കോഴിക്കോട് ഗവ. ടി.ടി.ഐകളില്‍ പ്രവേശനം ലഭിക്കുന്നതിന് പൊതുവിദ്യാഭ്യാസ ഡയറക്ടര്‍ക്ക്, നിശ്ചിത തീയതിക്കകം അപേക്ഷ സമര്‍പ്പിച്ച യോഗ്യരായ അപേക്ഷകരുടെ ലിസ്റ്റ് www.education.kerala.gov.in ല്‍ പ്രസിദ്ധീകരിച്ചു. ലിസ്റ്റില്‍ ഉള്‍പ്പെട്ടവര്‍ ആഗസ്റ്റ് എട്ട്, ഒമ്പത് തിയതികളില്‍ ബന്ധപ്പെട്ട സെന്ററുകളില്‍ അസല്‍ സര്‍ട്ടിഫിക്കറ്റുകളുമായി നേരിട്ട് ഹാജരായി പ്രവേശനം നേടണം. നിശ്ചിത തീയതിക്കകം അപേക്ഷ സമര്‍പ്പിക്കാന്‍ കഴിയാതിരുന്നവര്‍ക്കായി ബന്ധപ്പെട്ട സെന്ററുകളില്‍ 14ന് സ്‌പോട്ട് അഡ്മിഷന്‍ നടത്തുമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു. Dt.26.7.2018.
************************
പോളിടെക്‌നിക് പ്രവേശനത്തിന്റെ നാലാം അലോട്ട്‌മെന്റില്‍ പ്രവേശനം ലഭിച്ചവരും മുന്‍ അലോട്ട്‌മെന്റുകളില്‍ അലോട്ട്‌മെന്റ് ലഭിച്ച് പ്രവേശനം നേടാതെ സര്‍ട്ടിഫിക്കറ്റ് സമര്‍പ്പിച്ച് രജിസ്റ്റര്‍ ചെയ്ത് അലോട്ട്‌മെന്റ് നിലനിര്‍ത്തി ഉയര്‍ന്ന ഓപ്ഷന്‍ ലഭിക്കുന്നതിനായി കാത്തിരുന്നവരും അവര്‍ക്ക് നാലാമത്തെ അലോട്ട്‌മെന്റില്‍ ഏത് സ്ഥാപനത്തിലാണോ അലോട്ട്‌മെന്റ് നിലനില്‍ക്കുന്നത് ആ സ്ഥാപനത്തില്‍ നിര്‍ബന്ധമായും നാളെ (28) വൈകിട്ട് നാലിനുള്ളില്‍ പ്രവേശനം നേടണം. നിശ്ചിത തീയതിക്കുള്ളില്‍ പ്രവേശനം നേടാത്തവരുടെ പ്രവേശനം റദ്ദാകും. അവസാന അലോട്ട്‌മെന്റിന്റെ പ്രവേശനത്തിനുശേഷം സര്‍ക്കാര്‍/എയ്ഡഡ് പോളിടെക്‌നിക്കുകളില്‍ നിലനില്‍ക്കുന്ന ഒഴിവുകളില്‍ റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവരില്‍ നിന്നും അതത് സ്ഥാപനങ്ങളില്‍ സ്‌പോട്ട് അഡ്മിഷന്‍ വഴി പ്രവേശനം നടത്തും. പ്രവേശനം റദ്ദാക്കി പ്രവേശന പ്രക്രിയയില്‍ നിന്നും പുറത്ത് പോയവര്‍ക്കും അവസാന തിയതിക്കുമുന്‍പായി ചേരാതെ പ്രവേശനം റദ്ദായവര്‍ക്കും സ്‌പോട്ട് അഡ്മിഷനില്‍ പങ്കെടുക്കാന്‍ അവസരം ഉണ്ടായിരിക്കില്ല. സ്‌പോട്ട് അഡ്മിഷന്‍ സംബന്ധിച്ച വിവരങ്ങളും, ഓരോ സ്ഥാപനങ്ങളിലും നിലനില്‍ക്കുന്ന ഒഴിവുകളും വെബ്‌സൈറ്റില്‍ ലഭ്യമാകും. Dt.26.7.2018.
************************
മൂന്നാം സപ്ലിമെന്ററി അലോട്ട്‌മെന്റ് വേക്കന്‍സിയില്‍, ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിന് ലഭ്യമായ അപേക്ഷകള്‍ പരിഗണിച്ചു. ട്രാന്‍സ്ഫര്‍ അലോട്ട്‌മെന്റ് ഫലം ഇന്ന് (ജൂലൈ 26) രാവിലെ 10 മുതല്‍ പ്രവേശനം സാധ്യമാകും www.hscap.kerala.gov.in ല്‍ പ്രസിദ്ധീകരിക്കും. TRANSFER ALLOT RESULTഎന്ന ലിങ്കിലൂടെ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പും യോഗ്യത സര്‍ട്ടിഫിക്കറ്റ്, റ്റി.സി, സ്വഭാവ സര്‍ട്ടിഫിക്കറ്റ്, മറ്റ് അനുബന്ധരേഖകള്‍ എന്നിവയുടെ അസലുകളുമായി അലോട്ട്‌മെന്റ് ലഭിച്ച സ്‌കൂള്‍/കോഴ്‌സില്‍ ജൂലൈ 30ന് വൈകിട്ട് നാല് മണിക്കുള്ളില്‍ പ്രവേശനം നേടണം. അപേക്ഷ നല്‍കിയിട്ടും ഇതുവരേയും അലോട്ട്‌മെന്റുകളില്‍ ഇടം നേടാന്‍ കഴിയാത്തവര്‍ സപ്ലിമെന്ററി അലോട്ട്‌മെന്റിലേക്ക് പരിഗണിക്കപ്പെടുന്നതിന് നിലവിലെ അപേക്ഷ പുതുക്കണം. അപേക്ഷ പുതുക്കുന്നതോടൊപ്പം നിലവിലുള്ള ഒഴിവുകളുടെ അടിസ്ഥാനത്തില്‍ ഓപ്ഷനുകളും മാറ്റി നല്‍കാം. സപ്ലിമെന്ററി അലോട്ട്‌മെന്റിനായി പ്രസിദ്ധീകരിക്കുന്ന ഒഴിവുള്ള സ്‌കൂള്‍/കോമ്പിനേഷനുകള്‍ മാത്രമേ ഓപ്ഷനുകളായി തിരഞ്ഞെടുക്കാനാവൂ. നേരത്തെ അപേക്ഷ നല്‍കാതിരുന്നവര്‍ക്കും സപ്ലിമെന്ററി അലോട്ട്‌മെന്റിന് അപേക്ഷ നല്‍കാം. സപ്ലിമെന്ററി അലോട്ട്‌മെന്റിനായി ജൂലൈ 30ന് വൈകിട്ട് നാല് മണിവരെ പുതുക്കല്‍/പുതിയ അപേക്ഷാഫോറം സമര്‍പ്പിക്കാം.Dt.25.7.2018.
************************
സര്‍ക്കാര്‍/തദ്ദേശസ്വയംഭരണ സ്ഥാപനങ്ങളില്‍ നിന്നും മറ്റ് ആനുകൂല്യങ്ങള്‍ ഒന്നും ലഭിക്കാത്ത ശാരീരിക വെല്ലുവിളികള്‍ നേരിടുന്ന സര്‍ക്കാര്‍/എയ്ഡഡ് സ്‌കൂള്‍/കോളേജ് വിദ്യാര്‍ത്ഥികള്‍ക്ക് നടപ്പ് സാമ്പത്തിക വര്‍ഷം സ്‌കോളര്‍ഷിപ്പ് നല്‍കുന്നതിന് അപേക്ഷ ക്ഷണിച്ചു. തിരുവനന്തപുരം നഗരസഭാ പരിധിയിലുള്ള വിദ്യാര്‍ത്ഥികളുടെ രക്ഷകര്‍ത്താക്കള്‍ നിശ്ചിത ഫോറത്തില്‍ അപേക്ഷ തയാറാക്കി വിദ്യാര്‍ത്ഥി പഠിക്കുന്ന സ്‌കൂള്‍/കോളേജ് മേധാവി മുഖേന 31ന് മുമ്പ് നല്‍കണം. Dt.24.7.2018.
************************
പ്ലസ്‌വണ്‍ രണ്ടാം സപ്ലിമെന്ററി അലോട്ട്‌മെന്റിനുശേഷമുള്ള വേക്കന്‍സി ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിനായി അഡ്മിഷന്‍ വെബ്‌സൈറ്റായ www.hscap.kerala.gov.in ല്‍ 24 ന് ഉച്ചയ്ക്ക് ഒരുമണിക്ക് പ്രസിദ്ധീകരിക്കും. ഇതുവരെ ഏകജാലക സംവിധാനത്തില്‍ മെരിറ്റ് ക്വാട്ടയിലോ, സ്‌പോര്‍ട്‌സ് ക്വാട്ടയിലോ പ്രവേശനം നേടിയ വിദ്യാര്‍ത്ഥികള്‍ക്ക് ഒന്നാം ഓപ്ഷനിലാണ് പ്രവേശനം നേടിയതെങ്കിലും ട്രാന്‍സ്ഫറിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്‌കൂള്‍ മാറ്റത്തിനോ, കോമ്പിനേഷന്‍ മാറ്റത്തോടെയുള്ള സ്‌കൂള്‍ മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ ജൂലൈ 25 ന് ഉച്ചയ്ക്ക് മൂന്നിനുള്ളില്‍ സമര്‍പ്പിക്കണം. Dt.23.7.2018.
************************
സ്‌കോള്‍ കേരള മുഖേന 2018 -19 അധ്യയന വര്‍ഷത്തെ ഹയര്‍ സെക്കണ്ടറി കോഴ്‌സ് സ്‌പെഷ്യല്‍ കാറ്റഗറി (പാര്‍ട്ട് മൂന്ന്) പ്രവേശനത്തിന് അപേക്ഷ ക്ഷണിച്ചു. ജൂലൈ 23 മുതല്‍ ആഗസ്റ്റ് 10 വരെ www.scolekerala.org വെബ്‌സൈറ്റ് മുഖേന ഓണ്‍ലൈനായി രജിസ്റ്റര്‍ ചെയ്യാം. ഹയര്‍ക്കെണ്ടറി കോഴ്‌സ് ഒരിക്കല്‍ വിജയിച്ച വിദ്യാര്‍ത്ഥികള്‍ക്ക് മുന്‍ രജിസ്‌ട്രേഷന്‍ റദ്ദ് ചെയ്യാതെ സ്‌കോള്‍ കേരള മുഖേന പുതിയൊരു സബ്ജക്ട് കോമ്പിനേഷന്‍ (പാര്‍ട്ട് മൂന്ന്) തെരഞ്ഞെടുത്ത് പഠിക്കുവാന്‍ സാധിക്കും. പുതുതായി തെരഞ്ഞെടുക്കുന്ന സബ്ജക്ട് കോമ്പിനേഷനില്‍ മുമ്പ് വിജയിച്ചിട്ടുള്ള വിഷയങ്ങളുടെ പരീക്ഷ വീണ്ടും എഴുതേണ്ടതില്ല. ഓണ്‍ലൈന്‍ രജിസ്‌ട്രേഷന്‍ അപേക്ഷയോടൊപ്പം ജനറേറ്റ് ചെയ്യുന്ന ബാര്‍കോഡ്, ചെലാന്‍ നമ്പര്‍ ഇവ സഹിതം സംസ്ഥാനത്തെ ഏത് പോസ്റ്റാഫീസിലും ഫീസ് അടയ്ക്കാം. നിര്‍ദ്ദിഷ്ട രേഖകള്‍ സഹിതമുള്ള അപേക്ഷ എക്‌സിക്യൂട്ടീവ് ഡയറക്ടര്‍, സ്‌കോള്‍ -കേരള, വിദ്യാഭവന്‍, പൂജപ്പുര, തിരുവനന്തപുരം 12 എന്ന വിലാസത്തില്‍ ആഗസ്റ്റ് 18നകം നേരിട്ടോ സ്പീഡ്/രജിസ്‌ട്രേഡ് തപാല്‍ വഴിയോ എത്തിക്കണം. ഫീസ്ഘടനയും, വിശദവിവരങ്ങളും സ്‌കോള്‍ കേരളയുടെ വെബ്‌സൈറ്റില്‍ പ്രസിദ്ധപ്പെടുത്തിയിട്ടുള്ള പ്രോസ്‌പെക്ടസില്‍ ലഭിക്കും. ഫോണ്‍: 0471 2342950, 2342271, 2342369.Dt.21.7.2018.
************************
സംസ്ഥാനത്ത് ടെലിവിഷന്‍ ചാനലുകളില്‍ റിയാലിറ്റി ഷോകളിലും മറ്റ് പരിപാടികളിലും കുട്ടികളെ പങ്കെടുപ്പിക്കുമ്പോള്‍ ബന്ധപ്പെട്ട ചാനല്‍ അധികാരികള്‍ കൈക്കൊള്ളേണ്ട മാര്‍ഗനിര്‍ദേശങ്ങള്‍ സംബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് സര്‍ക്കുലര്‍ പുറപ്പെടുവിച്ചു. ചാനലുകളിലും മറ്റും കുട്ടികള്‍ നേരിടുന്ന അനഭിലഷണീയ പ്രവണതകളെക്കുറിച്ച് സംസ്ഥാന ബാലാവകാശ കമ്മീഷന് നിരവധി പരാതികള്‍ ലഭിച്ച സാഹചര്യത്തിലാണ് മാര്‍ഗനിര്‍ദേശങ്ങള്‍ പുറപ്പെടുവിച്ചത്. ഷൂട്ടിങ്ങുകളില്‍ പങ്കെടുക്കുന്ന കുട്ടികള്‍ക്ക് മതിയായ രീതിയില്‍ ഭക്ഷണം നല്‍കുന്നുണ്ടെന്നും ഇടവേളകളില്‍ അവര്‍ക്ക് പഠിക്കാന്‍ അവസരം ഒരുക്കുന്നുണ്ടെന്നും ഷൂട്ടിംഗ് വേളകളില്‍ രക്ഷകര്‍ത്താവ് കൂടെയുണ്ടെന്നും ചാനല്‍ അധികൃതര്‍ ഉറപ്പാക്കണം. റിയാലിറ്റി ഷോയിലാണ് കുട്ടി പങ്കെടുക്കുന്നതെങ്കില്‍ മത്സരത്തിന്റെ ഒരു ഘട്ടത്തില്‍ കുട്ടി പുറത്താവുന്ന സാഹചര്യമുണ്ടായാല്‍ കുട്ടിയുടെ ആത്മവിശ്വാസം തകര്‍ക്കുന്ന രീതിയിലുള്ള വിലയിരുത്തലുകള്‍ നടത്താതിരിക്കാന്‍ വിധികര്‍ത്താവ് ശ്രദ്ധിക്കണം. കുട്ടിയുടെ സ്‌കൂള്‍ പഠനം പത്തുദിവസത്തിലധികം മുടങ്ങാതിരിക്കാന്‍ ശ്രദ്ധിക്കണം. വനിതാ ശിശുക്ഷേമ മന്ത്രാലയത്തിന്റെ മാര്‍ഗനിര്‍ദേശങ്ങള്‍ അനുസരിച്ചായിരിക്കണം കുട്ടികളുടെ ഷൂട്ടിംഗ് സാഹചര്യങ്ങള്‍ ഒരുക്കേണ്ടത്. കുട്ടികള്‍ക്ക് അനുയോജ്യമായ മേക്കപ്പ് ആയിരിക്കണം ഉപയോഗിക്കേണ്ടത്. കുട്ടികളുടെ അവകാശങ്ങള്‍ നിഷേധിക്കുന്ന തരത്തിലുള്ള പ്രവര്‍ത്തനങ്ങള്‍ ഉണ്ടാകരുത്. കുട്ടികള്‍ക്കുനേരെ ലൈംഗിക അതിക്രമങ്ങള്‍ ഉണ്ടാകുന്നില്ല എന്ന് ഉറപ്പുവരുത്തണം. കുട്ടികളെ കലാപരിപാടികളില്‍ പങ്കെടുപ്പിക്കുമ്പോള്‍ പാലിക്കേണ്ട മാര്‍ഗനിര്‍ദേശങ്ങള്‍ 2017 ജൂണ്‍ രണ്ടിലെ കുട്ടികളെ സംബന്ധിച്ച തൊഴില്‍നിയമമനുസരിച്ച് ഒരു ദിവസം ഒരു കുട്ടിയെ അഞ്ചു മണിക്കൂറില്‍ കൂടുതല്‍ കലാപരിപാടി അവതരിപ്പിക്കാന്‍ അനുവദിക്കരുത്. തുടര്‍ച്ചയായി മൂന്നു മണിക്കൂറിലധികവും പങ്കെടുപ്പിക്കരുത്. മാതാപിതാക്കളുടെ സമ്മതം വാങ്ങേണ്ടതും കുട്ടിയുടെ സുരക്ഷിതത്വത്തിനായി നോഡല്‍ ഓഫീസറെ നിയമിക്കേണ്ടതും പ്രതിഫലത്തിന്റെ 20 ശതമാനം കുട്ടിയുടെ പേരില്‍ നിക്ഷേപിക്കേണ്ടതുമാണ്. കുട്ടിയുടെ ഇംഗിതത്തിനെതിരായി നിര്‍ബന്ധപൂര്‍വം പരിപാടികള്‍ അവതരിപ്പിക്കാന്‍ പാടില്ല. ഈ വ്യവസ്ഥകള്‍ കര്‍ശനമായി പാലിച്ചുവേണം കുട്ടികളെ ടെലിവിഷന്‍ പരിപാടികളില്‍ പങ്കെടുപ്പിക്കാന്‍ എന്ന വ്യവസ്ഥ നടപ്പാക്കുന്നതിനുള്ള നടപടികള്‍ ജില്ലാ കളക്ടര്‍മാരും ജില്ലാ ലേബര്‍ ഓഫീസര്‍മാരും കൈക്കൊള്ളണമെന്നും സര്‍ക്കുലറില്‍ നിര്‍ദേശമുണ്ട്.Dt.21.7.2018.
************************
വൊക്കേഷണല്‍ ഹയര്‍സെക്കന്ററി ജൂലൈ 24 മുതല്‍ നടത്താന്‍ നിശ്ചയിച്ചിരുന്ന ഒന്നാം വര്‍ഷ ഇംപ്രൂവ്‌മെന്റ് പരീക്ഷകള്‍ ആഗ്‌സറ്റ് ഒന്നു മുതലായിരിക്കും. പുന:ക്രമീകരിച്ച ടൈംടേബിള്‍ പിന്നീട് പ്രസിദ്ധീകരിക്കുമെന്ന് പരീക്ഷാ ബോര്‍ഡ് അറിയിച്ചു.Dt.20.7.2018.
************************
പ്ലസ്‌വണ്‍ രണ്ടാം സപ്ലിമെന്ററി അലോട്ട്‌മെന്റിന്റെ ഫലം പ്രസിദ്ധീകരിച്ചു. 'www.hscap.kerala.gov.in' ലെ 'SUPPLEMENTARY RESULTS' എന്ന ലിങ്കിലൂടെ ഫലം പരിശോധിക്കാം. അലോട്ട്‌മെന്റ് ലഭിക്കുന്നവര്‍ ലിങ്കിലൂടെ ലഭിക്കുന്ന രണ്ടു പേജുളള അലോട്ട്‌മെന്റ് സ്ലിപ്പുമായി അലോട്ട്‌മെന്റ് ലഭിച്ച സ്‌കൂളില്‍ ജൂലൈ 20 ന് രാവിലെ 10 മണി മുതല്‍ ജൂലൈ 23 ന് വൈകീട്ട് 4 മണിക്ക് മുമ്പ് സ്ഥിരപ്രവേശനം നേടണം. ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അലോട്ട്‌മെന്റ് ലഭിക്കാത്തവര്‍ക്കും, അപേക്ഷ സമര്‍പ്പിക്കാന്‍ കഴിയാത്തവര്‍ക്കും രണ്ടാം സപ്ലിമെന്ററി അലോട്ട്‌മെന്റിനായി അപേക്ഷിക്കാന്‍ ജൂലൈ 16 ന് വൈകീട്ട് 5 മണിവരെ അവസരം നല്‍കിയിരുന്നു. രണ്ടാം സപ്ലിമെന്ററി അലോട്ട്‌മെന്റിനായി ആകെ ഉണ്ടായിരുന്ന 24,222 വേക്കന്‍സിയില്‍ പരിഗണിക്കുന്നതിനായി സംസ്ഥാനമൊട്ടാകെ 25,316 അപേക്ഷകള്‍ ലഭിച്ചു. സപ്ലിമെന്ററി അലോട്ട്‌മെന്റിനായി അപേക്ഷിച്ചതിനുശേഷം മറ്റു ക്വാട്ടകളില്‍ പ്രവേശനം നേടിയ 399 അപേക്ഷകളും സ്‌കൂളുകളില്‍ നിന്നും വെരിഫിക്കേഷന്‍ നടത്താത്ത 161 അപേക്ഷകളും പരിഗണിച്ചിട്ടില്ല. സംവരണതത്വം അനുസരിച്ച് നിലവില്‍ ഉണ്ടായിരുന്ന വേക്കന്‍സി ജില്ല ഒരു യൂണിറ്റായി പരിഗണിച്ച് വിവിധ കാറ്റഗറി സീറ്റുകളാക്കിയാണ് അലോട്ട്‌മെന്റിന് പരിഗണിച്ചിട്ടുളളത്. ഏകജാലക സംവിധാനത്തില്‍ മെരിറ്റ് ക്വാട്ടയിലും സ്‌പോര്‍ട്‌സ് ക്വാട്ടയിലും നാളിതുവരെ പ്രവേശനം നേടിയ വിദ്യാര്‍ത്ഥികള്‍ക്ക് ആവശ്യമെങ്കില്‍ ജില്ലയ്ക്കകത്തോ മറ്റു ജില്ലയിലെ സ്‌കൂളുകളിലേക്കോ കോഴ്‌സുകളിലേക്കോ ട്രാന്‍സ്ഫറിന് അപേക്ഷിക്കാനുളള വേക്കന്‍സിയും തുടര്‍നിര്‍ദ്ദേശങ്ങളും ജൂലൈ 24 ന് ഉച്ചയ്ക്ക് 2 മണിക്ക് വെബ്‌സൈറ്റില്‍ പ്രസിദ്ധീകരിക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു.Dt.19.7.2018.
************************
കേരളത്തിലെ സര്‍ക്കാര്‍ മെഡിക്കല്‍ / ദന്തല്‍ കോളേജുകളില്‍ അഖിലേന്ത്യാ നോമിനികള്‍ക്ക് നീക്കിവെച്ചിട്ടുളള എം.ബി.ബി.എസ് / ബി.ഡി.എസ് സീറ്റുകളില്‍ അഡ്മിഷന്‍ ലഭിക്കുന്നതിന് ഫീസായി ലക്ഷങ്ങള്‍ ആവശ്യപ്പെട്ട് വ്യാജ സന്ദേശങ്ങള്‍ പ്രചരിക്കുന്നതിനെതിരെ ജാഗ്രത പാലിക്കണമെന്ന് മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ അറിയിച്ചു. അഖിലേന്ത്യാ നോമിനികള്‍ക്കുളള സീറ്റുകളിലേക്കുളള പ്രവേശനം കേന്ദ്ര സര്‍ക്കാര്‍ നേരിട്ടാണ് നടത്തുന്നത്. വ്യാജ പ്രചാരണങ്ങളില്‍ സര്‍ക്കാര്‍ മെഡിക്കല്‍ / ദന്തല്‍ കോളേജ് സ്ഥാപന മേധാവികള്‍ ഉത്തരവാദികളല്ല എന്നും, വ്യാജ സന്ദേശങ്ങളില്‍ വഴി വഞ്ചിതരാകാതിരിക്കുവാന്‍ പൊതുജനങ്ങള്‍ പ്രത്യേകം ശ്രദ്ധിക്കണമെന്നും ഡയറക്ടര്‍ അറിയിച്ചു. Dt.18.7.2018.
************************
സംസ്ഥാനത്ത് ഹയര്‍സെക്കണ്ടറി കോഴ്‌സിന് റെഗുലര്‍ സ്‌കൂളില്‍ പ്രവേശനം ലഭിക്കാത്തതും റെഗുലര്‍ പഠനം ആഗ്രഹിക്കാത്തതുമായ വിദ്യാര്‍ത്ഥികള്‍ക്ക് സ്‌കോള്‍ കേരള മുഖേന ഹയര്‍സെക്കണ്ടറി കോഴ്‌സ് 2018-20 ബാച്ചില്‍ ഇപ്പോള്‍ രജിസ്റ്റര്‍ ചെയ്യാം. പിഴകൂടാതെ ജൂലൈ 31 വരെയും, 60 രൂപ പിഴയോടെ ആഗസ്റ്റ് 10 വരെയുമാണ് രജിസ്റ്റര്‍ ചെയ്യേണ്ടത്. ഓപ്പണ്‍ റെഗുലര്‍ കോഴ്‌സില്‍ സയന്‍സ് ഉള്‍പ്പെടെയുള്ള കോമ്പിനേഷനുകളില്‍ പ്രൈവറ്റായും രജിസ്റ്റര്‍ ചെയ്ത് പഠിക്കാം. റെഗുലര്‍ സ്‌കൂള്‍ വിദ്യാര്‍ഥികള്‍ക്കൊപ്പം ഒന്നും രണ്ടും വര്‍ഷത്തെ പൊതു പരീക്ഷകള്‍ നടത്തി സര്‍ട്ടിഫിക്കറ്റ് നല്‍കുന്നത് ഹയര്‍ സെക്കന്‍ഡറി ഡയറക്ടറേറ്റാണ്. യോഗ്യത നേടുന്നവര്‍ക്ക് മെഡിക്കല്‍, എന്‍ജിനീയറിംഗ് പൊതു പ്രവേശന പരീക്ഷ എഴുതുന്നതിനും മറ്റ് കോഴ്‌സുകളില്‍ ഉപരിപഠനത്തിനും സാധിക്കും. വിശദവിവരങ്ങള്‍ www.scolekerala.org എന്ന വെബ്‌സൈറ്റിലും 0471 2342950, 2342271, 2342369 എന്നീ നമ്പറുകളിലും ലഭിക്കും. Dt.18.7.2018.
************************
ഹയര്‍സെക്കന്‍ഡറി വിദ്യാഭ്യാസ വകുപ്പിലെ തിരുവനന്തപുരം, ചെങ്ങന്നൂര്‍, കോട്ടയം, എറണാകുളം, മലപ്പുറം, കോഴിക്കോട്, കണ്ണൂര്‍ റീജിയണല്‍ ഡെപ്യൂട്ടി ഡയറക്ടറേറ്റുകളില്‍ ജൂലൈ 20, 21, ആഗസ്റ്റ് 3, 4 തീയതികളില്‍ രാവിലെ 10 മുതല്‍ വൈകീട്ട് അഞ്ചുവരെ ഫയല്‍ അദാലത്ത് സംഘടിപ്പിക്കും. തീര്‍പ്പാക്കാതെ കിടക്കുന്ന ഫയലുകള്‍ തീര്‍പ്പാക്കുന്നതിനു പരാതിക്കാര്‍ ബന്ധപ്പെട്ട രേഖകളുമായി റീജിയണല്‍ ഡെപ്യൂട്ടി ഡയറക്ടറേറ്റുകളില്‍ നേരിട്ട് ഹാജരാകണം. ഹയര്‍സെക്കന്‍ഡറി വിദ്യാഭ്യാസ വകുപ്പുമായി ബന്ധപ്പെട്ട് പ്രന്‍സിപ്പല്‍മാര്‍/അധ്യാപകര്‍/മാനേജര്‍/പൊതുജനങ്ങള്‍ എന്നിവര്‍ നല്‍കുന്ന പുതിയ പരാതികളും സ്വീകരിക്കും. Dt.18.7.2018.
************************

Ranjith Kumar A.K