www.ranjithkumarak.blogspot.in
************************
2017-18 അധ്യയന വര്‍ഷത്തെ രണ്ടാംപാദവാര്‍ഷിക പരീക്ഷകള്‍ 13 ന് ആരംഭിക്കും. മൂന്നു മുതല്‍ ഏഴാം ക്ലാസുവരെയുള്ള പരീക്ഷകള്‍ 14 നും ഹൈസ്‌കൂള്‍ വിഭാഗം ക്ലാസുകളിലെ പരീക്ഷകള്‍ 13 നും ആരംഭിക്കും. പരീക്ഷാനടത്തിപ്പിന് മുന്നോടിയായി ചോദ്യപേപ്പറുകള്‍ സ്‌കൂളുകളില്‍ എത്തിച്ചിട്ടുണ്ട്. ടൈംടേബിള്‍ പൊതുവിദ്യാഭ്യാസ വകുപ്പിന്റെ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. പരീക്ഷയുടെ നടത്തിപ്പുമായി വിദ്യാഭ്യാസ ഓഫീസര്‍മാരും അധ്യാപകരും സഹകരിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.Dt.11.11.2017.
************************
സ്‌കോള്‍-കേരള മുഖേന ഹയര്‍സെക്കണ്ടറി കോഴ്‌സിന് രജിസ്റ്റര്‍ ചെയ്ത വിദ്യാര്‍ഥികള്‍ ഹയര്‍സെക്കണ്ടറി ഡയറക്ടറേറ്റ് പ്രസിദ്ധപ്പെടുത്തിയ 2018 മാര്‍ച്ചിലെ ഒന്നും രണ്ടും വര്‍ഷ ഹയര്‍സെക്കണ്ടറി പരീക്ഷ നോട്ടിഫിക്കേഷനിലെ വ്യവസ്ഥകള്‍ പ്രകാരം അനുവദിച്ചിട്ടുള്ള പരീക്ഷ കേന്ദ്രങ്ങളില്‍ നിശ്ചിത തീയതിക്കുള്ളില്‍ പരീക്ഷ ഫീസ് അടക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.Dt.11.11.2017.
************************
പൊതുവിദ്യാഭ്യാസ സംരക്ഷണ യജ്ഞത്തിന്റെ ലക്ഷ്യങ്ങളില്‍ ഉള്‍പ്പെട്ടിട്ടുള്ള സ്‌കൂളുകളിലെ ലൈബ്രറികളും ലബോറട്ടറികളും ആധുനികവത്കരിക്കുന്ന' പദ്ധതി നടപ്പാക്കുന്നതിനായി സര്‍ക്കാര്‍ തലത്തില്‍ നടപടി തുടങ്ങി. സംസ്ഥാനത്തെ 38 ഹയര്‍സെക്കണ്ടറി സ്‌കൂളുകളില്‍ ലബോറട്ടറിയും, ലൈബ്രറിയും സജ്ജമാക്കുന്നതിനായി 38 കോടി രൂപ സര്‍ക്കാര്‍ അനുവദിച്ച് ഉത്തരവായി. ശാസ്ത്ര സാങ്കേതിക പരിസ്ഥിതി കൗണ്‍സിലുമായി ചേര്‍ന്ന് 57 സ്‌കൂളുകളില്‍ ശാസ്ത്രപോഷിണി പദ്ധതി പ്രകാരം ഓരോ സ്‌കൂളിനും 10 ലക്ഷം രൂപ വീതം ലബോറട്ടറി സൗകര്യങ്ങള്‍ ഏര്‍പ്പെടുത്തുന്നതിന് നല്‍കാനും തീരുമാനിച്ചു. നാല് സ്‌കൂളുകളില്‍ ആധുനിക സൗകര്യങ്ങളോടെ ലബോറട്ടറികള്‍ സ്ഥാപിക്കാന്‍ രണ്ട് കോടി രൂപയും അനുവദിച്ചിട്ടുണ്ട്.കേരളത്തിലെ 100ഓളം സ്‌കൂളുകളില്‍ 45.7 കോടി രൂപയുടെ പദ്ധതിയാണ് ആദ്യ ഘട്ടത്തില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആരംഭിച്ചിരിക്കുന്നത്.Dt.7.11.2017.
************************
കേരള പബ്ലിക് സര്‍വീസ് കമ്മീഷന്‍ 2018 ജനുവരിയില്‍ വിവിധ കേന്ദ്രങ്ങളില്‍ നടത്തുന്ന വകുപ്പുതല പരീക്ഷയ്ക്ക് 31 രാത്രി 12 മണി വരെ ഓണ്‍ലൈനില്‍ അപേക്ഷിക്കാം. www.keralapsc.gov.in മുഖേന രജിസ്‌ട്രേഷന്‍ പൂര്‍ത്തിയാക്കിയ ശേഷം പരീക്ഷാര്‍ത്ഥികള്‍ക്ക് അപേക്ഷിക്കാം.Dt.7.11.2017.
************************
2017-18 വര്‍ഷത്തെ ഒ.ബി.സി പ്രീമെട്രിക് സ്‌കോളര്‍ഷിപ്പിന് ഡാറ്റാ എന്‍ട്രി നടത്തുന്നതിനുള്ള തീയതി ഡിസംബര്‍ 15 വൈകിട്ട് അഞ്ചു മണിവരെ നീട്ടി. ഐ.റ്റി@സ്‌കൂളിന്റെ സ്‌കോളര്‍ഷിപ്പ് പോര്‍ട്ടലിലൂടെ സ്‌കൂള്‍ അധികൃതര്‍ക്ക് വിദ്യാര്‍ത്ഥികളുടെ വിവരങ്ങള്‍ നല്‍കാം.Dt.5.11.2017.
************************
2017 ഒക്ടോബറില്‍ നടത്തിയ രണ്ടാം വര്‍ഷ ഹയര്‍സെക്കന്ററി തുല്യതാ പരീക്ഷാഫലം ഡിസംബര്‍ ഏഴിന് ഉച്ചയ്ക്ക് രണ്ട് മണിക്ക് പ്രസിദ്ധീകരിക്കും. www.results.kerala.nic.in, www.dhsekerala.gov.in എന്നീ വെബ്‌സൈറ്റുകളില്‍ പരീക്ഷാഫലം ലഭിക്കും. ഉത്തരക്കടലാസുകളുടെ പുനര്‍മൂല്യനിര്‍ണ്ണയം നടത്തുന്നതിനും സൂക്ഷ്മപരിശോധന നടത്തുന്നതിനും, ഫോട്ടോകോപ്പി ലഭിക്കുന്നതിനും നിശ്ചിത ഫോറങ്ങളിലുള്ള അപേക്ഷകള്‍, ഫീസടച്ച് പരീക്ഷയ്ക്ക് രജിസ്റ്റര്‍ ചെയ്ത സ്‌കൂളിലെ പ്രിന്‍സിപ്പാളിന് ഡിസംബര്‍ 25 നകം സമര്‍പ്പിക്കണം. പുനര്‍മൂല്യനിര്‍ണ്ണയത്തിന് പേപ്പര്‍ ഒന്നിന് 600 രൂപയും, ഫോട്ടോകോപ്പിക്ക് പേപ്പര്‍ ഒന്നിന് 400 രൂപയും, സൂക്ഷ്മ പരിശോധനയ്ക്ക് പേപ്പര്‍ ഒന്നിന് 200 രൂപയുമാണ് ഫീസ്. അപേക്ഷാ ഫോറങ്ങള്‍ ഹയര്‍ സെക്കന്ററി പോര്‍ട്ടലില്‍ ലഭിക്കും. പരീക്ഷാ രജിസ്‌ട്രേഷന്‍ കേന്ദ്രങ്ങളായിരുന്ന സ്‌കൂളുകളില്‍ ലഭിക്കുന്ന പൂരിപ്പിച്ച അപേക്ഷകള്‍ പരീക്ഷാ സെക്രട്ടറി നല്‍കുന്ന സോഫ്റ്റ്‌വെയര്‍ ഉപയോഗിച്ച് ഡിസംബര്‍ 31 നകം പ്രിന്‍സിപ്പാള്‍മാര്‍ അപ്‌ലോഡ് ചെയ്യണം. പുനര്‍മൂല്യനിര്‍ണ്ണയം, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള ഫീസ് ബന്ധപ്പെട്ട രജിസ്‌ട്രേഷന്‍ കേന്ദ്രങ്ങളിലെ പ്രിന്‍സിപ്പാള്‍മാര്‍ ശേഖരിച്ച് ഹയര്‍ സെക്കന്ററി പരീക്ഷാ സെക്രട്ടറിയുടെ പേരില്‍ തിരുവനന്തപുരം ശാന്തിനഗര്‍ എസ്.ബി.ഐ ബ്രാഞ്ചില്‍ മാറാനാവും വിധം ഡിമാന്റ് ഡ്രാഫ്റ്റായി സമര്‍പ്പിക്കണം.Dt.5.11.2017.
************************
ഹയര്‍ സെക്കണ്ടറി, നോണ്‍ വൊക്കേഷണല്‍ ഹയര്‍സെക്കണ്ടറി അദ്ധ്യാപക നിയമനത്തിന് കേരള സര്‍ക്കാര്‍ ഏര്‍പ്പെടുത്തിയിട്ടുള്ള സംസ്ഥാനതല യോഗ്യതാ നിര്‍ണ്ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) 2018 ഫെബ്രുവരി 25ന് നടത്തും. പ്രോസ്‌പെക്ടസും സിലബസും എല്‍.ബി.എസ് സെന്ററിന്റെ വെബ് സൈറ്റുകളില്‍ ലഭ്യമാണ്. പൂരിപ്പിച്ച അപേക്ഷകള്‍ 2018 ജനുവരി ഒന്നിന് വൈകുന്നേരം അഞ്ചിന് മുമ്പ് എല്‍.ബി.എസ് സെന്ററില്‍ ലഭിച്ചിരിക്കണം. ഓണ്‍ലൈന്‍ രജിസ്‌ട്രേഷന്‍ 2017 ഡിസംബര്‍ 30ന് വൈകുന്നേരം അഞ്ചിന് മുമ്പ് പൂര്‍ത്തിയാക്കണം. കൂടുതല്‍ വിവരങ്ങള്‍ക്ക് www.lbskerala.com, www.lbscentre.org Dt.5.11.2017.
************************
എറണാകുളം ജില്ലയില്‍ ദുരിതാശ്വാസക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ക്ക് ഡിസംബര്‍ 4 (തിങ്കളാഴ്ച) അവധിയായിരിക്കുമെന്ന് ജില്ലാ കളക്ടര്‍ അറിയിച്ചു. ഗവ യു പി സ്‌കൂള്‍ എടവനക്കാട്, സെന്റ് മേരീസ് എച്ച് എസ് എസ് ചെല്ലാനം, പുത്തന്‍തോട് ജിഎച്ച് എസ് എസ്, വെള്ളിയത്തംപറമ്പ് ദേവിവിലാസം എല്‍പിഎസ്, ഞാറയ്ക്കല്‍ ഗവ ഫീഷറീസ് സ്‌കൂള്‍, ചെറായി രാമവര്‍മ എല്‍പി സ്‌കുള്‍, പാലത്തംകുളങ്ങര ഭഗവതി വിലാസം എച്ച് എസ്, കണമാലി സെന്റ് ജോസഫ് കോണ്‍വെന്റ്, എടവനക്കാട് അല്‍ ഫലഹിയ മദ്രസ, കണ്ടക്കടവ് സെന്റ് ഫ്രാന്‍സിസ് ചര്‍ച്ച് പാരിഷ് ഹാള്‍ എന്നിവിടങ്ങളിലാണ് ക്യാമ്പുകള്‍ പ്രവര്‍ത്തിക്കുന്നത്. Dt.3.11.2017.
************************
2017 മാര്‍ച്ചില്‍ നടന്ന ഒന്നാം വര്‍ഷ ഹയര്‍സെക്കന്ററി പരീക്ഷയുടെ മാര്‍ക്ക് ലിസ്റ്റുകള്‍ ഡിസംബര്‍ 28 മുതല്‍ സ്‌കൂളുകളില്‍ വിതരണം ചെയ്യും. പുനര്‍ മൂല്യ നിര്‍ണയത്തിലൂടെ വ്യത്യാസം വന്ന മാര്‍ക്ക് കൂടി ഉള്‍പ്പെടുത്തിയാണ് ഇപ്പോള്‍ മാര്‍ക്ക്‌ലിസ്റ്റുകള്‍ വിതരണം ചെയ്യുന്നത്. പുനര്‍ മൂല്യനിര്‍ണയത്തില്‍ മാര്‍ക്ക് വ്യത്യാസം വന്ന മാര്‍ക്ക് ലിസ്റ്റ് ഡയറക്ടറേറ്റില്‍ സമര്‍പ്പിക്കേണ്ടതില്ലെന്ന് ബോര്‍ഡ് ഓഫ് ഹയര്‍സെക്കന്ററി എക്‌സാമിനേഷന്‍സ് സെക്രട്ടറി അറിയിച്ചു. Dt.2.11.2017.
************************
കേന്ദ്ര ന്യൂനപക്ഷ മന്ത്രാലയത്തിന്റെ മേല്‍നോട്ടത്തില്‍ പ്രവര്‍ത്തിക്കുന്ന മൗലനാ ആസാദ് എഡ്യൂക്കേഷന്‍ ഫൗണ്ടേഷന്റെ സ്വച്ഛ് വിദ്യാലയം പദ്ധതി പ്രകാരം സംസ്ഥാനത്തെ സ്‌കൂളുകളിലും മദ്രസകളിലും ടോയ്‌ലറ്റുകള്‍ നിര്‍മ്മിക്കുന്നതിനായി അപേക്ഷകള്‍ ക്ഷണിച്ചു. സ്വന്തമായി സ്ഥല സൗകര്യമുള്ളവര്‍ക്കും വര്‍ഷത്തേക്ക് വാടകയ്ക്ക് സ്ഥലവും കെട്ടിടവും ഉള്ളവര്‍ക്കും അപേക്ഷിക്കാം. 200 കുട്ടികളെങ്കിലും പഠിക്കുന്ന അംഗീകൃത മദ്രസകള്‍ ആയിരിക്കണം. അപേക്ഷകര്‍ ടോയിലെറ്റിന്റെ ആവശ്യകത ആണ്‍/പെണ്‍ കുട്ടികളുടെ എണ്ണത്തിന്റെ അടിസ്ഥാനത്തില്‍ വ്യക്തമാക്കണം. അപേക്ഷ ഫോമുകള്‍, പദ്ധതി സംബന്ധിച്ച കൂടുതല്‍ വിവരങ്ങള്‍ എന്നിവ www.maef.nic.in, www.minoritywelfare.kerala.gov.in, www.mtwfs.kerala.gov.in എന്നിവയില്‍ ലഭിക്കും. പൂരിപ്പിച്ച അപേക്ഷകള്‍, ഡിസംബര്‍ 13 നകം മാനേജര്‍, മദ്രസാദ്ധ്യാപക ക്ഷേമനിധി ആഫീസ്, പുതിയറ, കോഴിക്കോട് (ഫോണ്‍ : 0495 25720577) എന്ന വിലാസത്തില്‍ ലഭിക്കണം. എല്ലാ അപേക്ഷകളും അനുബന്ധ രേഖകളും സ്ഥാപന മേധാവി (മദ്രസ) സാക്ഷ്യപ്പെടുത്തണം.Dt.1.11.2017.
************************
സംസ്ഥാന സര്‍ക്കാരിന്റെ നിയന്ത്രണത്തിലുള്ള സ്‌കൂളുകളിലെ അദ്ധ്യാപക നിയമനത്തിനുള്ള യോഗ്യത പരീക്ഷയായ കേരള ടീച്ചേഴ്‌സ് എലിജിബിലിറ്റി ടെസ്റ്റിന് (കെ-ടെറ്റ്) ഓണ്‍ ലൈനായി ഡിസംബര്‍ അഞ്ച് വരെ അപേക്ഷിക്കാം. വിശദവിവരങ്ങള്‍ www.keralapareekshabhavan.in, ktet.kerala.gov.in എന്നിവയില്‍ ലഭ്യമാണ്. Dt.1.11.2017.
************************
2017 മാര്‍ച്ചില്‍ നടന്ന ഒന്നാം വര്‍ഷ ഹയര്‍സെക്കന്ററി പരീക്ഷയുടെ മാര്‍ക്ക് ലിസ്റ്റുകള്‍ ഡിസംബര്‍ 28 മുതല്‍ സ്‌കൂളുകളില്‍ വിതരണം ചെയ്യും. പുനര്‍ മൂല്യ നിര്‍ണയത്തിലൂടെ വ്യത്യാസം വന്ന മാര്‍ക്ക് കൂടി ഉള്‍പ്പെടുത്തിയാണ് ഇപ്പോള്‍ മാര്‍ക്ക്‌ലിസ്റ്റുകള്‍ വിതരണം ചെയ്യുന്നത്. പുനര്‍ മൂല്യനിര്‍ണയത്തില്‍ മാര്‍ക്ക് വ്യത്യാസം വന്ന മാര്‍ക്ക് ലിസ്റ്റ് ഡയറക്ടറേറ്റില്‍ സമര്‍പ്പിക്കേണ്ടതില്ലെന്ന് ബോര്‍ഡ് ഓഫ് ഹയര്‍സെക്കന്ററി എക്‌സാമിനേഷന്‍സ് സെക്രട്ടറി അറിയിച്ചു. Dt.1.11.2017.
************************
2018 മാര്‍ച്ചില്‍ നടക്കുന്ന എസ്.എസ്.എല്‍.സി പരീക്ഷയുടെ ഫീസ് 300 രൂപ സൂപ്പര്‍ ഫൈനോടെ ഡിസംബര്‍ എട്ട് വരെ പരീക്ഷാ കേന്ദ്രങ്ങളില്‍ സ്വീകരിക്കും.Dt.30.11.2017.
************************
2018 ലെ കേരള സര്‍ക്കാര്‍ കലണ്ടര്‍ തിരുവനന്തപുരം ഗവണ്‍മെന്റ് സെന്‍ട്രല്‍ പ്രസിലെ പബ്ലിക്കേഷന്‍ കൗണ്ടര്‍, അച്ചടി വകുപ്പിന് കീഴിലുളള കേരളത്തിലെ വിവിധ ജില്ലാ ഫോറം സ്റ്റോറുകള്‍ എന്നിവിടങ്ങളില്‍ വില്പനയ്ക്ക് തയ്യാറായി. നികുതി ഉള്‍പ്പെടെ 29 രൂപയാണ് വില. നിശ്ചിത വിലയില്‍ നിന്നും കൂട്ടി വില്ക്കുന്നതു ശ്രദ്ധയില്‍പ്പെട്ടാല്‍ dir.printing@kerala.gov.in ല്‍ അച്ചടി വകുപ്പ് ഡയറക്ടറുടെ ശ്രദ്ധയില്‍പ്പെടുത്താം. 10 കലണ്ടര്‍ ഒന്നിച്ച് വാങ്ങുമ്പോള്‍ ഒരു കലണ്ടര്‍ സൗജന്യമായി ലഭിക്കും.Dt.30.11.2017.
************************
സ്‌കൂള്‍ ഉച്ചഭക്ഷണ പദ്ധതിയുടെ ഭാഗമായി ഭക്ഷണ/കുടിവെള്ള സാമ്പിളുകള്‍ പരിശോധിക്കുന്നതിന് എന്‍.എ.ബി.എല്‍ അക്രഡിറ്റേഷന്‍ ഉള്ള കേരളത്തിലെ ലാബുകളില്‍ നിന്നും താത്പര്യപത്രം ക്ഷണിച്ചു. വിശദ വിവരങ്ങള്‍ www.education.kerala.gov.in ല്‍ ലഭിക്കും.Dt.25.11.2017.
************************
മീസല്‍സ്‌റൂബെല്ല വാക്‌സിനേഷന്‍ 95 ശതമാനത്തിനു താഴെ നടന്നിട്ടുളള തിരുവനന്തപുരം, കൊല്ലം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ വാക്‌സിനേഷന്‍ ഡിസംബര്‍ ഒന്നു വരെ നീട്ടാന്‍ തീരുമാനിച്ചതായി ആരോഗ്യ വകുപ്പ് ഡയറക്ടര്‍ അറിയിച്ചു.Dt.25.11.2017.
************************
മലപ്പുറത്തെ എടയൂര്‍ അത്തിപ്പറ്റ ഗവ: എല്‍.പി സ്‌കൂളിലെ വിദ്യാര്‍ഥികള്‍ക്ക് മീസില്‍സ്, റൂബെല്ല പ്രതിരോധ കുത്തിവയ്പ്പ് നല്‍കുന്നതിനിടെ ക്യാമ്പ് അംഗങ്ങളെ സാമൂഹ്യവിരുദ്ധര്‍ അക്രമിച്ച സംഭവത്തില്‍ കര്‍ശനനടപടിയുമായി മുന്നോട്ടുപോകുമെന്ന് ആരോഗ്യവകുപ്പ് മന്ത്രി കെ.കെ.ശൈലജ ടീച്ചര്‍ അറിയിച്ചു. ഡി.ജി.പിയുടെ അടിയന്തിര ഇടപെടല്‍ മൂലം മണിക്കൂറുകള്‍ക്കുള്ളില്‍ മൂന്നുപേരെ അറസ്റ്റ് ചെയ്യുകയും മറ്റ് പ്രതികള്‍ക്കായുള്ള അന്വേഷണം പുരോഗമിക്കുകയുമാണെന്ന് മന്ത്രി പറഞ്ഞു.സംസ്ഥാനത്ത് നവംബര്‍ ഒന്നുമുതല്‍ നടക്കുന്ന എം.ആര്‍ വാക്സിനേഷന്‍ ക്യാമ്പയിന്‍ പരാജയപ്പെടുത്താന്‍ ഒരുകൂട്ടം വാക്സിന്‍ വിരുദ്ധരുടെ ശ്രമം മുന്‍കാലങ്ങളില്‍തന്നെ ആരോഗ്യവകുപ്പിന് പ്രതിസന്ധി സൃഷ്ടിച്ചിട്ടുണ്ട്. എം.ആര്‍ വാക്സിനേഷന്‍ ക്യാമ്പയിന്‍ 90 ശതമാനം വിജയിപ്പിക്കാന്‍ കഴിഞ്ഞതും ആരോഗ്യപ്രവര്‍ത്തകരുടെ കൂട്ടായശ്രമഫലമാണ്. ഉദ്യോഗസ്ഥരുടെ മനോവീര്യം തകര്‍ക്കാനുള്ള ആസൂത്രിത നീക്കങ്ങള്‍ക്കെതിരെ വിട്ടുവീഴ്ചയില്ലാത്ത നടപടി സ്വീകരിക്കും. വാക്സിനേഷന്‍ ക്യാമ്പയിന്‍ 100 ശതമാനം വിജയത്തിലെത്തുമെന്നാണ് പ്രതീക്ഷിക്കുന്നത്. അതിന് ജനങ്ങളുടെ പൂര്‍ണസഹകരണം ലഭിക്കണം. ക്യാമ്പയിനുമായി ബന്ധപ്പെട്ട് പ്രവര്‍ത്തിക്കുന്ന എല്ലാ ജീവനക്കാര്‍ക്കും സംരക്ഷണമൊരുക്കുന്നതിന് ആഭ്യന്തര വകുപ്പിന്റെ സഹായം തേടുമെന്നും മന്ത്രി കൂട്ടിച്ചേര്‍ത്തു.Dt.24.11.2017.
************************
കെ-ടെറ്റ് ഡിസംബര്‍ 2017-ന് ഡിസംബര്‍ 3 വരെ അപേക്ഷിക്കാം. ഒന്നില്‍ കൂടുതല്‍ വിഭാഗങ്ങളില്‍ അപേക്ഷിക്കേണ്ടവര്‍ ഒരു അപേക്ഷയില്‍ തന്നെ എല്ലാം സെലക്ട് ചെയ്യണം. ഒന്നില്‍കൂടുതല്‍ അപേക്ഷകള്‍ അനുവദിക്കില്ല. അന്തിമ സബ്മിഷന്‍ കഴിഞ്ഞ് ഫീസ് അടയ്ക്കുന്നതിനു മുമ്പ് ആപ്ലിക്കേഷന്‍ നമ്പര്‍, ആപ്ലിക്കേഷന്‍ ഐഡി എന്നിവ എഴുതി സൂക്ഷിക്കണം. ആധാര്‍ നമ്പര്‍, ലാന്‍ഡ് ഫോണ്‍ നമ്പര്‍ email id എന്നിവ നിര്‍ബന്ധമല്ല. Dt.24.11.2017.
************************
പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി 4775 സ്‌കൂളുകളില്‍ 45000 ക്ലാസ്മുറികള്‍ ഹൈടെക്കാക്കുന്നതിനുള്ള ടെണ്ടര്‍ നടപടികള്‍ പൂര്‍ത്തിയായി. ഇതനുസരിച്ച് 60250 ലാപ്‌ടോപ്പുകളും 43750 പ്രൊജക്ടറുകള്‍ക്കുമുള്ള സപ്ലൈ ഓര്‍ഡര്‍ നല്‍കാന്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ഡയറക്ടര്‍ ബോര്‍ഡ് തീരുമാനമനുസരിച്ച് നല്‍കിക്കഴിഞ്ഞുവെന്നും കൈറ്റ് എക്‌സിക്യൂട്ടീവ് ഡയറക്ടര്‍ അറിയിച്ചു. ദേശീയതലത്തില്‍ മത്സരാധിഷ്ഠിത ടെണ്ടര്‍വഴി ലാപ്‌ടോപ്പുകള്‍ക്ക് നാല് ബ്രാന്‍ഡുകളും പ്രൊജക്ടറുകള്‍ക്ക് മൂന്നു ബ്രാന്‍ഡുകളുമാണ് ടെണ്ടറില്‍ പങ്കെടുത്തത്. ഇതില്‍ ലാപ്‌ടോപ്പിനുള്ള ടെണ്ടര്‍ എയ്‌സര്‍ ബ്രാന്‍ഡ് ക്വാട്ട് ചെയ്ത എ.സി.എസ് ടെക്‌നോളജിസിന് 24,960/ രൂപ അടിസ്ഥാന വിലയും 18% ജി.എസ്.ടിയും എന്ന നിരക്കിലാണ് ലഭിച്ചത്. പ്രൊജക്ടറില്‍ ബെന്‍ക്വ ബ്രാന്‍ഡ് ക്വാട്ട് ചെയ്ത യൂണികോപ്‌സ് ടെക്‌നോളജീസിനാണ് അടിസ്ഥാന വില 17,750/ രൂപയും 18% ജി.എസ്.ടിയും എന്ന നിരക്കില്‍ ടെണ്ടര്‍ ലഭിച്ചത്. പ്രൊജക്ടറില്‍ ടെണ്ടറില്‍ രണ്ടാം സ്ഥാനത്ത് വന്ന കെല്‍ട്രോണ്‍ ഏറ്റവും കുറഞ്ഞ തുകയ്ക്ക് വിതരണം ചെയ്യാന്‍ സന്നദ്ധത അറിയിച്ചതിനാല്‍ ടെണ്ടര്‍ നിബന്ധനകള്‍ അനുസരിച്ച് 40% ഓര്‍ഡറുകള്‍ കെല്‍ട്രോണിന് നല്‍കും. എന്നാല്‍ ലാപ്‌ടോപ്പില്‍ വിലയില്‍ രണ്ടും മൂന്നും സ്ഥാനങ്ങളില്‍ എത്തിയ കമ്പനികള്‍ ഏറ്റവും കുറഞ്ഞ തുകയ്ക്ക് നല്‍കാന്‍ കഴിയില്ല എന്നറിയിച്ചിരുന്നു.ഇന്ത്യയില്‍ ആദ്യമായി ലാപ്‌ടോപ്പുകള്‍ക്ക് ബാറ്ററിയും, പവര്‍ അഡാപ്റ്ററും ഉള്‍പ്പെടെയും പ്രൊജക്ടറുകള്‍ക്ക് ബള്‍ബ് ഉള്‍പ്പെടെയും അഞ്ചു വര്‍ഷ പൂര്‍ണ വാറണ്ടിയോടെയാണ് ഉപകരണങ്ങള്‍ വിതരണം ചെയ്യേണ്ടത്. ലാപ്‌ടോപ്പുകളില്‍ ഇന്റലിന്റെ കോര്‍ ഐ 3 ആറാം തലമുറയ്ക്ക് മുകളിലുള്ള പ്രോസസറാണ് വിതരണം ചെയ്യുക. കേരളത്തിലെ ഏറ്റവും വലിയ ഐടിയ ടെണ്ടറായ ഹൈടെക് സ്‌കൂളിന്റെ ഒന്നാംഘട്ട ടെണ്ടര്‍ രണ്ടരമാസം എന്ന റെക്കോര്‍ഡ് വേഗതയിലാണ് നടപടിക്രമങ്ങള്‍ പൂര്‍ത്തിയാക്കിയത്. സര്‍ക്കാര്‍ നിയമിച്ച പ്രൊഫ. ജി. ജയശങ്കര്‍ ചെയര്‍മാനായ സാങ്കേതിക സമിതിയാണ് ടെണ്ടര്‍ നടപടികള്‍ക്ക് പൂര്‍ണ മേല്‍നോട്ടം വഹിച്ചത്. 493.5കോടി രൂപയുടെ കിഫ്ബി അംഗീകരിച്ച ഹൈടെക് സ്‌കൂള്‍ പ്രോജക്ടില്‍ 299.95 കോടി രൂപ ലാപ്‌ടോപ്പ്-പ്രൊജക്ടറുകള്‍ക്കുള്ളതായിരുന്നു. എന്നാല്‍ ടെണ്ടര്‍ നടപടിക്രമങ്ങള്‍ക്ക് ശേഷം നികുതിയൊഴികെ 228.04കോടി രൂപയ്ക്കാണ് ടെണ്ടര്‍ ലഭിച്ചത്. അതായത് കിഫ്ബി അംഗീകരിച്ച എസ്റ്റിമേറ്റില്‍ നിന്നും 71.91കോടി രൂപ (23.97%) കുറവിലാണ് ഉപകരണങ്ങള്‍ വാങ്ങുക. പൂര്‍ണമായും സ്വതന്ത്ര സോഫ്റ്റ്വെയര്‍ പ്രയോജനപ്പെടുത്തുന്നതുകൊണ്ട് ഓരോ ലാപ്‌ടോപ്പിലും ഉടമസ്ഥാവകാശമുള്ള സോഫ്റ്റ്വെയറുകള്‍ ഉപയോഗിക്കുകയാണെങ്കില്‍ ശരാശരി 1.5 ലക്ഷം രൂപ നല്‍കേണ്ടിവരുന്ന സോഫ്റ്റ്വെയര്‍ സഞ്ചയം പ്രീലോഡ് ചെയ്താവും നല്‍കുക. ഈ ഇനത്തില്‍മാത്രം 900 കോടി രൂപയുടെ ലാഭം ഖജനാവിനുണ്ടാകും.അഞ്ചുവര്‍ഷത്തെ കോംപ്രിഹെന്‍സീവ് വാറണ്ടി ഉള്ളതിനാല്‍ ഇനി സ്‌കൂളുകള്‍ക്ക് അഞ്ചുവര്‍ഷം മെയിന്റനന്‍സ് ഇനത്തില്‍ ബാധ്യത ഉണ്ടാവുകയില്ല. പരാതി പരിഹരിക്കാനുള്ള കോള്‍സെന്റര്‍, വെബ്‌പോര്‍ട്ടല്‍ എന്നിവ കൈറ്റ് സജ്ജമാക്കും. നിശ്ചിത സമയത്തിനകം സ്‌കൂളുകളില്‍ നിന്നുള്ള പരാതികള്‍ പരിഹരിച്ചില്ലെങ്കില്‍ പ്രതിദിനം 100 രൂപ നിരക്കില്‍ കമ്പനികള്‍ പിഴ നല്‍കണമെന്ന് കര്‍ശന വ്യവസ്ഥയും കരാറിലുണ്ട്.2018 ജനുവരി മാസം 20,000 ക്ലാസ്മുറികള്‍ ഹൈടെക് ആക്കുന്നതിനുള്ള നടപടികള്‍ ഇതോടെ പൂര്‍ത്തിയായെന്നും കൈറ്റ് എക്‌സിക്യൂട്ടീവ് ഡയറക്ടര്‍ അറിയിച്ചു.Dt.23.11.2017.
************************
പൊതുവിദ്യാഭ്യാസ വകുപ്പിലെ സര്‍ക്കാര്‍ സ്‌കൂളുകളിലെ ഹൈസ്‌കൂള്‍/പ്രൈമറി അധ്യാപകരില്‍ നിന്നും 2017 -18 അധ്യയന വര്‍ഷത്തെ അന്തര്‍ജില്ലാ സ്ഥലംമാറ്റത്തിന് അപേക്ഷ ക്ഷണിച്ചു. ഓണ്‍ലൈന്‍ മുഖേനെയാണ് അപേക്ഷകള്‍ രജിസ്റ്റര്‍ ചെയ്യേണ്ടത്. ഡിസംബര്‍ 26 മുതല്‍ 2018 ജനുവരി 10 വൈകുന്നേരം അഞ്ച് മണിവരെ അപേക്ഷകള്‍ രജിസ്റ്റര്‍ ചെയ്യാം. വിശദാംശങ്ങള്‍ക്കും അപേക്ഷ രജിസ്റ്റര്‍ ചെയ്യുന്നതിനും www.transferandpostings.in, www.education.kerala.gov.in സന്ദര്‍ശിക്കുക.Dt.23.11.2017.
************************
കേരള സാമൂഹ്യ സുരക്ഷാ മിഷന്‍ ഗവ/എയ്ഡഡ് സ്‌കൂള്‍/കോളേജുകളില്‍ പഠിക്കുന്ന വിദ്യാര്‍ത്ഥികള്‍ക്ക് നടപ്പിലാക്കിവരുന്ന 'സ്‌നേഹപൂര്‍വ്വം പദ്ധതി' ധനസഹായത്തിന് അപേക്ഷിക്കാനുള്ള തീയതി നവംബര്‍ 30 വരെ നീട്ടി.Dt.22.11.2017.
************************
എയ്ഡഡ് മേഖലയിലെ അധ്യാപകരുടെ എന്‍.പി.എസ് വരിസംഖ്യ ഒടുക്കുന്നതിലെ ഏകീകരണമില്ലായ്മ പരിഹരിക്കുന്നതിന് പെന്‍ഷന്‍ വിഹിതം അടയ്ക്കുന്നത് സംബന്ധിച്ച് വ്യക്തത വരുത്തി ധനകാര്യ (പെന്‍ഷന്‍-എ) വകുപ്പ് ഉത്തരവിറക്കി. ഇതുപ്രകാരം ജീവനക്കാര്‍ക്ക് നിയമനം ലഭിക്കുന്ന മാസം മുതല്‍ എന്‍.പി.എസ് വിഹിതം ഈടാക്കേണ്ടതിനു പകരം നിയമനാംഗീകാരം ലഭിക്കുന്ന തീയതി മുതല്‍ എന്‍.പി.എസ് വിഹിതം ഈടാക്കും.Dt.21.11.2017.
************************
ഹയര്‍സെക്കണ്ടറി ഡയറക്ടറേറ്റില്‍ 36,000 -79,200 ശമ്പള സ്‌കെയിലില്‍ സിസ്റ്റം മാനേജരുടെ തസ്തിക സൃഷ്ടിച്ച് ഉത്തരവായി.Dt.18.11.2017.
************************
പ്രവേശന പരീക്ഷാ കമ്മീഷണറുടെ കാര്യാലയത്തില്‍ വിവിധ തസ്തികകളില്‍ ഡെപ്യൂട്ടേഷന്‍ നിയമനം നടത്തുന്നതിന് അപേക്ഷ ക്ഷണിച്ചു. സംസ്ഥാന സര്‍ക്കാര്‍ സര്‍വീസിലോ, സര്‍ക്കാര്‍ സ്വയംഭരണ സ്ഥാപനങ്ങളിലോ, കേന്ദ്രസര്‍ക്കാര്‍ സ്ഥാപനങ്ങളിലോ തത്തുല്യ തസ്തികകളില്‍ ജോലി ചെയ്യുന്നവര്‍ക്ക് അപേക്ഷിക്കാം. പ്രവേശന പരീക്ഷാ കമ്മീഷണര്‍ നേരിട്ട് കൂടിക്കാഴ്ച നടത്തിയ ശേഷം ഡെപ്യൂട്ടേഷന്‍ വ്യവസ്ഥയില്‍ നിയമനം നല്‍കുന്നതിന് നടപടി സ്വീകരിക്കും. സിസ്റ്റം മാനേജര്‍, പ്രോഗ്രാമിംഗ് ഓഫീസര്‍, ഇന്‍ഫര്‍മേഷന്‍ ഓഫീസര്‍, ടെക്‌നിക്കല്‍ അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്റ്, അറ്റന്‍ഡര്‍ തസ്തികകളിലാണ് നിയമനം. താത്പര്യമുളളവര്‍ കെ.എസ്.ആര്‍-144 അനുസരിച്ചുളള പ്രൊഫോര്‍മയും, ബയോഡേറ്റയും ഇപ്പോള്‍ ജോലി ചെയ്യുന്ന സ്ഥാപനത്തിലെ മേലധികാരിയുടെ നോ ഒബ്ജക്ഷന്‍ സര്‍ട്ടിഫിക്കറ്റും സഹിതം മേലധികാരികള്‍ മുഖേന ഡിസംബര്‍ അഞ്ചിനകം പ്രവേശന പരീക്ഷാ കമ്മീഷണറുടെ കാര്യാലയം, ഹൗസിംഗ് ബോര്‍ഡ് ബില്‍ഡിംഗ്‌സ് (അഞ്ചാം നില), ശാന്തിനഗര്‍, തിരുവനന്തപുരം -1 എന്ന വിലാസത്തില്‍ നേരിട്ടോ തപാല്‍ മുഖേനയോ നല്‍കണം. കൂടുതല്‍ വിവരങ്ങള്‍ക്ക് 0471-2332120.Dt.18.11.2017.
************************
ലോവര്‍ പ്രൈമറി വിഭാഗം, അപ്പര്‍ പ്രൈമറി വിഭാഗം, ഹൈസ്‌കൂള്‍ വിഭാഗം, (ഭാഷാ-യു.പി തലം വരെ/സ്‌പെഷ്യല്‍ വിഷയങ്ങള്‍ - ഹൈസ്‌കൂള്‍ തലം വരെ) അധ്യാപക യോഗ്യതാ പരീക്ഷ (കെ-ടെറ്റ്) ന് വേണ്ടിയുള്ള വിജ്ഞാപനം പ്രസിദ്ധീകരിച്ചു. കാറ്റഗറി I & II പരീക്ഷകള്‍ ഡിസംബര്‍ 28 നും കാറ്റഗറി III & IV പരീക്ഷകള്‍ ഡിസംബര്‍ 30 നും കേരളത്തിലെ വിവിധ സെന്ററുകളില്‍ നടക്കും. കെ-ടെറ്റ് ഡിസംബര്‍ 2017 ല്‍ പങ്കെടുക്കുന്നതിനുള്ള ഓണ്‍ലൈന്‍ അപേക്ഷയും, ഫീസും www.keralapareekshabhavan.in വെബ്‌സൈറ്റ് / ktet.kerala.gov.in വെബ്‌പോര്‍ട്ടല്‍ എന്നിവ വഴി നവംബര്‍ 20 മുതല്‍ ഡിസംബര്‍ മൂന്ന് വരെ സമര്‍പ്പിക്കാം. ഒന്നിലധികം കാറ്റഗറികള്‍ക്ക് അപേക്ഷിക്കുന്നവര്‍ ഓരോ കാറ്റഗറിക്കും 500 രൂപാ വീതവും SC/ST/PH/Blind വിഭാഗത്തിലുള്ളവര്‍ 250 രൂപാ വീതവും അടയ്ക്കണം. ഓണ്‍ലൈന്‍ നെറ്റ് ബാങ്കിംഗ്, ക്രെഡിറ്റ്/ഡെബിറ്റ് കാര്‍ഡ് എന്നിവ മുഖേന പരീക്ഷാ ഫീസ് അടയ്ക്കാം. ഓരോ കാറ്റഗറിയിലേയ്ക്കും അപേക്ഷിക്കാനുള്ള യോഗ്യതയുടെ വിവരങ്ങള്‍ അടങ്ങിയ പ്രോസ്‌പെക്ടസ്, വിജ്ഞാപനം, ഓണ്‍ലൈന്‍ രജിസ്‌ട്രേഷന്‍ നടത്തുന്നതിനുള്ള മാര്‍ഗ്ഗ നിര്‍ദ്ദേശങ്ങള്‍ എന്നിവ www.keralapareekshabhavan.in ലും ktet.kerala.in ലും ലഭ്യമാണ്. ഒന്നോ അതിലധികമോ കാറ്റഗറികളില്‍ ഒരുമിച്ച് ഒരു പ്രാവശ്യം മാത്രമേ അപേക്ഷിക്കാന്‍ കഴിയുകയുള്ളൂ. അപേക്ഷ സമര്‍പ്പിച്ച് ഫീസ് അടച്ചു കഴിഞ്ഞാല്‍ പിന്നീട് യാതൊരുവിധ തിരുത്തലുകളും അനുവദിക്കുകയില്ല. അഡ്മിറ്റ് കാര്‍ഡ് ഡിസംബര്‍ 15 മുതല്‍ ഡൗണ്‍ലോഡ് ചെയ്യാം.Dt.18.11.2017.
************************
2017-18 വര്‍ഷത്തെ ന്യൂനപക്ഷ പ്രീ-മെട്രിക് സ്‌കോളര്‍ഷിപ്പിന് പുതിയ (ഫ്രഷ്)/പുതുക്കല്‍ (റിന്യൂവല്‍) അപേക്ഷകള്‍ സൂക്ഷ്മ പരിശോധന നടത്തി സമര്‍പ്പിക്കുന്നതിനുള്ള അവസാന തീയതി നവംബര്‍ 30 വരെ ദീര്‍ഘിപ്പിച്ചു. അപാകതകളുള്ള അപേക്ഷകള്‍ തിരുത്തി സമര്‍പ്പിക്കുന്നതിന് നവംബര്‍ 24 വരെ സമയമുണ്ട്. സൂക്ഷ്മ പരിശോധന സംബന്ധിച്ച മാര്‍ഗ നിര്‍ദ്ദേശങ്ങള്‍ പൊതുവിദ്യാഭ്യാസ വകുപ്പിന്റെയും, ഐ.ടി@സ്‌കൂളിന്റെയും വെബ്‌സൈറ്റില്‍ ലഭ്യമാണ്.Dt.16.11.2017.
************************
നവംബര്‍ 20 ന് ആരംഭിക്കുന്ന ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ ഹാള ടിക്കറ്റ്: www.keralapareekshabhavan.in ല്‍ പ്രസിദ്ധീകരിച്ചു. പ്രിന്‍സിപ്പാല്‍മാര്‍ ഡി.എഡ് ലോഗിന്‍ ഉപയോഗിച്ച് പ്രിന്റ് എടുത്ത് വിതരണം ചെയ്യണം.Dt.15.11.2017.
************************
പരീക്ഷാഭവന്‍ നവംബര്‍ 20 മുതല്‍ 25 വരെ നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് (റ്റി.റ്റി.സി) പ്രൈവറ്റ് പരീക്ഷയുടെ ഹാള്‍ ടിക്കറ്റ്, ടൈംടേബിള്‍, ക്യാന്‍ഡിഡേറ്റ് ലിസ്റ്റ് എന്നിവ www.keralapreekshbhavan.in ല്‍ ലഭ്യമാണ്. പരീക്ഷാര്‍ത്ഥികള്‍ പരീക്ഷാകേന്ദ്രങ്ങളിലെ ചീഫ് സൂപ്രണ്ടില്‍ നിന്നും ഹാള്‍ടിക്കറ്റ് വാങ്ങണം.Dt.15.11.2017.
************************
സംസ്ഥാനത്ത് ഹയര്‍ സെക്കന്ററി വിദ്യാഭ്യാസ മേഖലയില്‍ ഒന്നും രണ്ടും വര്‍ഷ വിദ്യാര്‍ത്ഥികള്‍ക്കായി നടത്തുന്ന പാദവാര്‍ഷിക പരീക്ഷകളുടെ ഭാഗമായി ചോദ്യപേപ്പര്‍ സര്‍ക്കാര്‍ / എയ്ഡഡ് / അണ്‍ - എയ്ഡഡ് സ്‌കൂളുകള്‍ക്ക് വിതരണം ചെയ്യുന്നതിന് കുട്ടികളില്‍ നിന്ന് യാതൊരു ഫീസും ഈടാക്കരുതെന്ന് ബോര്‍ഡ് ഓഫ് ഹയര്‍ സെക്കന്‍ഡറി എക്‌സാമിനേഷന്‍സ് സെക്രട്ടറി അറിയിച്ചു.സ്‌കൂള്‍ അധികൃതര്‍ ഫീസ് ഈടാക്കിയാല്‍ വിവരം രേഖകള്‍ സഹിതം ഹയര്‍ സെക്കന്‍ഡറി വിദ്യാഭ്യാസ വകുപ്പ് പരീക്ഷ സെക്രട്ടറിക്ക് നല്‍കണം.Dt.15.11.2017.
************************
സംസ്ഥാന മുന്നാക്ക സമുദായ ക്ഷേമ കോര്‍പ്പറേഷന്‍ നടപ്പാക്കുന്ന വിദ്യാസമുന്നതി സ്‌കോളര്‍ഷിപ്പ്, കോച്ചിംഗ് അസിസ്റ്റന്റ്‌സ് പദ്ധതികളിലേക്ക് അപേക്ഷ സ്വീകരിക്കുന്ന അവസാന തീയതി നവംബര്‍ 25 വരെ ദീര്‍ഘിപ്പിച്ചു. ഇതിനകം അപേക്ഷിച്ചിട്ടുളളവര്‍ക്ക് 25 വരെ തിരുത്തലുകള്‍ വരുത്താം. ഇത് സംബന്ധിച്ച് പിന്നീടുളള പരാതികള്‍ സ്വീകരിക്കില്ല. വിശദവിവരങ്ങള്‍ക്കും, ഓണ്‍ലൈന്‍ അപേക്ഷ സമര്‍പ്പിക്കുന്നതിനും www.kswcfc.org എന്ന വെബ്‌സൈറ്റ് സന്ദര്‍ശിക്കുക.Dt.15.11.2017.
************************
നവംബര്‍ അഞ്ചിന് നടന്ന സംസ്ഥാനതല നാഷണല്‍ ടാലന്റ് സെര്‍ച്ച് (എന്‍.ടി.എസ്) പരീക്ഷയുടെയും, നാഷണല്‍ മീന്‍സ് കം മെരിറ്റ് സ്‌കോളര്‍ഷിപ്പ് (എന്‍.എം.എം.എസ്) പരീക്ഷയുടെയും ഉത്തര സൂചിക എസ്.സി.ഇ.ആര്‍.ടി വെബ്‌സൈറ്റില്‍ (www.scert.kerala.gov.in) ലഭ്യമാണ്.Dt.13.11.2017.
************************
ഒന്ന്, രണ്ട് വര്‍ഷത്തെ നഴ്‌സറി ടീച്ചേഴ്‌സ് എഡ്യൂക്കേഷന്‍ കോഴ്‌സ് പരീക്ഷ 2018 മാര്‍ച്ച് 12 വരെ നടത്തും. പരീക്ഷാ ഫീസും പൂരിപ്പിച്ച അപേക്ഷയും 2017 ഡിസംബര്‍ 20 വരെയും 10 രൂപ പിഴയോടുകൂടി ഡിസംബര്‍ 23 വരെയും പ്രീ-പ്രൈമറി ഇന്‍സ്റ്റിറ്റ്യൂട്ടിലെ പ്രിന്‍സിപ്പാളിനെ ഏല്‍പ്പിക്കണം. പരീക്ഷ സംബന്ധിച്ച കൂടുതല്‍ വിവരങ്ങള്‍ www.keralapareekshabhavan.in ല്‍ ലഭ്യമാണ്.Dt.10.11.2017.
************************
സ്‌കോള്‍ കേരള മുഖേന 2017-2019 ബാച്ചില്‍ ഹയര്‍സെക്കന്‍ഡറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത വിദ്യാര്‍ഥികള്‍ക്കുള്ള ഒന്നാം വര്‍ഷ ഓറിയന്റേഷന്‍ ക്ലാസുകള്‍ 12, 19 തീയതികളില്‍ നടത്തുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. വിശദാംശങ്ങള്‍ക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.Dt.10.11.2017.
************************
പ്രീപ്രൈമറി- പ്രൈമറി കുട്ടികള്‍ക്കായുള്ള ബാലസാഹിത്യപുസ്തക രചനയില്‍ അഭിരുചിയും താത്പര്യവുമുള്ള എഴുത്തുകാര്‍ക്കായി കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് നവംബര്‍ 10,11,12 തീയതികളില്‍ നടത്താനിരുന്ന സംസ്ഥാനതലശില്പശാല ഡിസംബര്‍ 1,2,3 തീയതികളിലേക്ക് മാറ്റിവച്ചു. കോഴിക്കോട് ആരാധന ടൂറിസ്റ്റ് ഹോമില്‍ നടക്കുന്ന ശില്പശാല പ്രശസ്ത എഴുത്തുകാരന്‍ യു.എ.ഖാദര്‍ ഉദ്ഘാടനം ചെയ്യും. മൂന്ന് ദിവസത്തെ ശില്പശാലയില്‍ ബാലസാഹിത്യ രംഗത്തെ പ്രമുഖര്‍ വിവിധ സെഷനുകള്‍ നയിക്കും.എഴുത്തുകാര്‍ക്ക് തങ്ങളുടെ മനസ്സിലുള്ള ആശയങ്ങള്‍ പുസ്തകരൂപത്തില്‍ വികസിപ്പിച്ചെടുക്കാനുള്ള പരിശീലനമാണ് ശില്പശാലയിലൂടെ ലഭിക്കുക.അപേക്ഷ അയച്ചവരില്‍ നിന്നും തെരഞ്ഞെടുക്കപ്പെട്ടവര്‍ക്ക് ഫോണ്‍ മുഖേനയോ ഇമെയില്‍ മുഖേനയോ അറിയിപ്പ് ലഭിക്കുന്നതാണ്. Dt.10.11.2017.
************************
വിദ്യാര്‍ത്ഥിനികള്‍ക്ക് ആശങ്കരഹിതമായ ആര്‍ത്തവദിനങ്ങള്‍ ഉറപ്പുവരുത്തുന്നത് ലക്ഷ്യമാക്കി സ്‌കൂളുകളില്‍ ഷീ പാഡ് പദ്ധതിക്ക് തുടക്കമായി. ആറു മുതല്‍ 12 ാം ക്‌ളാസ് വരെയുള്ള വിദ്യാര്‍ത്ഥിനികള്‍ക്ക് സൗജന്യമായി നല്‍കുന്നതിന് ഗുണമേന്മയുള്ള സാനിട്ടറി നാപ്കിന്നുകള്‍, സൂക്ഷിക്കുന്നതിന് അലമാരകള്‍, ഉപയോഗിച്ച പാഡുകള്‍ ശാസ്ത്രീയമായി സംസ്‌കരിക്കുന്നതിന് ഇന്‍സിനേറ്ററുകള്‍ എന്നിവ വിതരണം ചെയ്യുന്ന പദ്ധതിക്കാണ് തുടക്കമായത്. ഒറ്റശേഖരമംഗലം ജനാര്‍ദ്ദനപുരം ഹയര്‍സെക്കന്‍ഡറി സ്‌കൂളില്‍ ആരോഗ്യ, സാമൂഹ്യനീതി വകുപ്പ് മന്ത്രി കെ.കെ ശൈലജ ടീച്ചര്‍ പ്രിന്‍സിപ്പല്‍ വി. ശ്രീകലക്ക് ഇന്‍സിനേറ്റര്‍ കൈമാറി പദ്ധതി ഉദ്ഘാടനം ചെയ്തു.കൗമാരപ്രായക്കാരായ പെണ്‍കുട്ടികളുടെ ശാരീരികവും മാനസികവുമായ ആരോഗ്യം ഉറപ്പുവരുത്തുകയെന്ന ലക്ഷ്യത്തോടെ തികച്ചും ശാസ്ത്രീയമായി ആവിഷ്‌കരിച്ച പദ്ധതിയാണിതെന്ന് ആരോഗ്യ സാമൂഹ്യനീതി വകുപ്പ് മന്ത്രി കെ.കെ ശൈലജ ടീച്ചര്‍ പറഞ്ഞു.പാഡുകളുടെ ലഭ്യതകുറവും ആര്‍ത്തവ ദിവസങ്ങളെകുറിച്ചുള്ള അമിതമായ ഉത്കണ്ഠയും കുട്ടികളില്‍ മാനസികവും ശാരീരികവുമായ പ്രശ്‌നങ്ങള്‍ സൃഷ്ടിക്കുന്നത് ശ്രദ്ധയില്‍പ്പെട്ടതിനെ തുടര്‍ന്ന് ഇത്തരത്തില്‍ ചില സ്‌കൂളുകളില്‍ പദ്ധതി ആവിഷ്‌കരിച്ചെങ്കിലും പോരായ്മകളുണ്ടായിരുന്നതായി കണ്ടെത്തിയെന്നും പദ്ധതി ഉദ്ഘാടനം ചെയ്ത് കൊണ്ട് മന്ത്രി അറിയിച്ചു. അത്തരം പോരായ്മകള്‍ പരിഹരിച്ചശേഷമാണ് വനിതാവികസന കോര്‍പ്പറേഷന്‍ തദ്ദേശസ്ഥാപനങ്ങളുടെ സഹായത്തോടെ നവീന രീതിയില്‍ ആവിഷ്‌കരിച്ച് ഷീ പാഡ് പദ്ധതി നടപ്പിലാക്കുന്നത്. നിലവില്‍ സംസ്ഥാനത്തെ 144 തദ്ദേശ സ്വയംഭരണസ്ഥാപനങ്ങളുടെ സഹകരണത്തോടെ 300 സ്‌കൂളുകളില്‍ പദ്ധതി നടപ്പാക്കും. തുടര്‍ന്ന് എല്ലാ സ്‌കൂളുകളിലേക്കും വ്യാപിപ്പിക്കുമെന്നും അവര്‍ അറിയിച്ചു. ആര്‍ത്തവം ജൈവശാസ്ത്രപരമായ ശാരീരിക പ്രക്രിയ മാത്രമാണെന്നും അശുദ്ധമായി കാണേണ്ടതില്ലെന്നും രഹസ്യമാക്കി വെയ്‌ക്കേണ്ടതില്ലെന്നും മന്ത്രി കുട്ടികളെ ഓര്‍മിപ്പിച്ചു. ആര്‍ത്തവ ശുചിത്വ അവബോധം നല്‍കുന്നതിന് എച്ച് എല്‍ എല്‍ ലൈഫ് കെയര്‍ ലിമിറ്റഡ് തയ്യാറാക്കിയ ലഘുലേഖ ഹെഡ്മാസ്റ്റര്‍ യു. മധുസൂദനന്‍ നായര്‍ക്ക് നല്‍കി മന്ത്രി പ്രകാശനം ചെയ്തു.Dt.9.11.2017.
************************
കേരളത്തില്‍ സ്ഥിരതാമസക്കാരായ മുസ്ലീം, ലത്തീന്‍ ക്രിസ്ത്യന്‍/മതപരിവര്‍ത്തിത ക്രിസ്ത്യന്‍ വിഭാഗത്തില്‍പ്പെട്ട പെണ്‍കുട്ടികളില്‍ നിന്നും 2017-18 അധ്യയന വര്‍ഷത്തേയ്ക്ക് സി.എച്ച്. മുഹമ്മദ് കോയ സ്‌കോളര്‍ഷിപ്പ്/ ഹോസ്റ്റല്‍ സ്റ്റൈപ്പന്റിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. ബിരുദത്തിന് പഠിക്കുന്നവര്‍ക്ക് 5,000/- രൂപാ വീതവും, ബിരുദാനന്തര ബിരുദത്തിന് പഠിക്കുന്നവര്‍ക്ക് 6,000/- രൂപാ വീതവും, പ്രൊഫഷണല്‍ കോഴ്‌സിന് പഠിക്കുന്നവര്‍ക്ക് 7,000 രൂപാ വീതവും ഹോസ്റ്റല്‍ സ്റ്റൈപ്പന്റ് ഇനത്തില്‍ 13,000/- രൂപാ വീതവുമാണ് പ്രതിവര്‍ഷം സ്‌കോളര്‍ഷിപ്പ് നല്‍കുന്നത്. ഒരു വിദ്യാര്‍ത്ഥിനിക്ക് സ്‌കോളര്‍ഷിപ്പ് അല്ലെങ്കില്‍ ഹോസ്റ്റല്‍ സ്റ്റൈപ്പന്റ് എന്നിവയില്‍ ഏതെങ്കിലും ഒന്നിന് അപേക്ഷിക്കാം. കേരള സര്‍ക്കാര്‍, എയ്ഡഡ് സ്ഥാപനങ്ങളില്‍ പഠിക്കുന്നവര്‍ക്കും, പൊതു പ്രവേശന പരീക്ഷയെഴുതി സര്‍ക്കാര്‍ ക്വാട്ടയില്‍ പ്രവേശനം നേടി സ്വാശ്രയ സ്ഥാപനങ്ങളില്‍ പഠിക്കുന്നവര്‍ക്കും അപേക്ഷിക്കാം. ആദ്യ വര്‍ഷങ്ങളില്‍ അപേക്ഷിക്കാന്‍ കഴിയാതെ പോയവര്‍ക്കും ഇപ്പോള്‍ പഠിക്കുന്ന വര്‍ഷത്തേയ്ക്ക് അപേക്ഷിക്കാം. യോഗ്യതാ പരീക്ഷയില്‍ 50 ശതമാനത്തില്‍ കുറയാത്ത മാര്‍ക്കും കുടുംബ വാര്‍ഷിക വരുമാനം ആറ് ലക്ഷം രൂപയില്‍ താഴെയുള്ളവരുമായിരിക്കണം. കോളേജ് ഹോസ്റ്റലുകളില്‍ താമസിക്കുന്നവര്‍ക്കും, സ്ഥാപന മേധാവി അംഗീകരിച്ച സ്വകാര്യ ഹോസ്റ്റലുകളില്‍ താമസിക്കുന്നവര്‍ക്കും ഹോസ്റ്റല്‍ സ്റ്റൈപ്പന്റിന് അപേക്ഷിക്കാം. അപേക്ഷകര്‍ക്ക് ഏതെങ്കിലും ദേശസാല്‍കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വകുപ്പിന്റെ വെബ്‌സൈറ്റിലൂടെ ഓണ്‍ലൈനായി അപേക്ഷ സ്വീകരിക്കുന്ന അവസാന തീയതി നവംബര്‍-30. അപേക്ഷയുടെ പ്രിന്റ് ഔട്ട് സ്ഥാപന മേധാവി സാക്ഷ്യപ്പെടുത്തി അയയ്‌ക്കേണ്ട വിലാസം ഡയറക്ടര്‍, ന്യൂനപക്ഷ ക്ഷേമ വകുപ്പ്, നാലാംനില, വികാസ് ഭവന്‍, തിരുവനന്തപുരം-33. കൂടുതല്‍ വിവരങ്ങള്‍ക്ക് 0471 - 2302090, 2300524.Dt.9.11.2017.
************************
സര്‍ക്കാര്‍ പദ്ധതിയായ മീസില്‍സ് റൂബെല്ല കുത്തിവെയ്പ്പിന് എതിരെ വ്യാജപ്രചാരണം ഏറിവരുന്ന സാഹചര്യത്തില്‍ കേരള പോലീസ് ആക്ട് 2011 ലെ 118 (സി) പ്രകാരം നിയമനടപടി സ്വീകരിക്കാന്‍ ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍ ഉത്തരവിട്ടു.മീസില്‍സ് റൂബെല്ല കുത്തിവെയ്പ്പിനെതിരെ ജനങ്ങള്‍ക്കിടയില്‍ തെറ്റിദ്ധാരണ പരത്തുന്ന പ്രചരണങ്ങള്‍ ചില വ്യക്തികളും സ്ഥാപനങ്ങളും നടത്തുന്നതായി കണ്ടെത്തിയതിനെ തുടര്‍ന്നാണ് ജില്ലാ കളക്ടര്‍ കര്‍ശന നടപടിക്ക് നിര്‍ദ്ദേശം നല്‍കിയത്.അവശ്യസര്‍വ്വീസ് ആയ ആരോഗ്യവകുപ്പ് നടപ്പിലാക്കുന്ന ഈ പദ്ധതി ഒന്‍പത് മാസം മുതല്‍ 15 വയസ്സുവരെയുളള കുട്ടികള്‍ക്ക് പ്രതിരോധ കുത്തിവെയ്പ്പ് നല്‍കി അഞ്ചാം പനി നിര്‍മ്മാജ്ജനം ചെയ്യുന്നതിനും റൂബെല്ല നിയന്ത്രിക്കുന്നതിനും ലോകാരോഗ്യസംഘടനയുടെ നിര്‍ദ്ദേശപ്രകാരമാണ് നടത്തപ്പെടുന്നത്.ഈ സാഹചര്യത്തിലാണ് അവശ്യം സര്‍വ്വീസിന് തടസ്സം നില്‍ക്കുന്നതും ജനങ്ങളില്‍ തെറ്റിദ്ധാരണയും ഭീതി പരത്തുന്നതുമായ ഇത്തരം കുറ്റകരമായ പ്രവര്‍ത്തനങ്ങള്‍ക്കെതിരെയുളള പോലീസ് ആക്ടിലെ വകുപ്പ് ഉപയോഗിച്ച് നടപടി സ്വീകരിക്കന്നതിന് പോലീസിന് നിര്‍ദ്ദേശം നല്‍കിയത്. Dt.9.11.2017.
************************
മീസില്‍സ് റൂബെല്ല പ്രതിരോധ കുത്തിവെയ്പ്പ് നടപ്പിലാക്കുന്നതിന് ചില സ്‌കൂളുകള്‍ക്കെതിരെ വീഴ്ച വരുത്തുന്നതിനെ തുടര്‍ന്ന് അത്തരം വിദ്യാലയങ്ങള്‍ക്കെതിരെ കര്‍ശന നടപടി സ്വീകരിക്കുന്നതിന്റെ ഭാഗമായി ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍ വിദ്യാഭ്യാസ സ്ഥാപനങ്ങള്‍ക്ക് മുന്നറിയിപ്പ് നോട്ടീസ് നല്‍കി. ജുവൈനല്‍ ജസ്റ്റിസ് ആക്ട്, കേരള പോലീസ് ആക്ട്, പബ്ലിക് ഹെല്‍ത്ത് ആക്ട്, കേരള പഞ്ചായത്ത് രാജ് ആക്ട് / കേരള മുന്‍സിപ്പാലിറ്റി ആക്ട് എന്നിവയിലെ വിവിധ വകുപ്പുകള്‍ അനുസരിച്ച് പ്രവര്‍ത്തിക്കേണ്ട വിദ്യാഭ്യാസ സ്ഥാപനങ്ങള്‍ ഇത്തരം പ്രവര്‍ത്തനങ്ങള്‍ക്കെതിരെ നില്‍ക്കുന്നത് കുറ്റകരമാണ്. തന്നെയുമല്ല സ്‌കൂള്‍ കുട്ടികള്‍ക്കും ഇതിലൂടെ പൊതുജനങ്ങള്‍ക്കും പകര്‍ച്ചവ്യാധികള്‍ക്ക് കാരണമായേക്കാവുന്ന തരത്തില്‍ പ്രതിരോധ കുത്തിവെയ്പ്പില്‍ നിന്ന് കുട്ടികള്‍ മാറി നില്‍ക്കുന്നതിന് സ്‌കൂള്‍ അധികൃതരുടെ ഇത്തരം പ്രവര്‍ത്തനങ്ങള്‍ കാരണമാവുന്നുവെന്ന് ബോദ്ധ്യപ്പെട്ടതിന്റെ അടിസ്ഥാനത്തില്‍ സി.ബി.എസ്.ഇ / ഐ.സി.എസ്.ഇ അംഗീകാരത്തിനായി നല്‍കുന്ന ഹെല്‍ത്ത് ആന്‍ഡ് സാനിട്ടേഷന്‍ സര്‍ട്ടിഫിക്കറ്റ് പുനപരിശോധിക്കുന്നതിനും പ്രസ്തുത വിവരം സി.ബി.എസ്.ഇ / ഐ.സി.എസ്.ഇ അധികൃതരെ അറിയിക്കുന്നതിനും മറ്റു നിയമങ്ങള്‍ ലംഘിക്കുന്നവര്‍ക്കെതിരെ നടപടി സ്വീകരിക്കുന്നതാണെന്നും ഉള്‍പ്പെടുത്തിയാണ് വിദ്യാലയങ്ങള്‍ക്ക് നോട്ടീസ് ന്ല്‍കിയിരിക്കുന്നത്.Dt.9.11.2017.
************************
വീട്ടില്‍ നിന്നിറങ്ങിയ കുട്ടികള്‍ സ്‌കൂളിലെത്തിയോ എന്ന വേവലാതി രക്ഷിതാക്കള്‍ക്ക് ഇനി വേണ്ട; സ്‌കൂളുകളിലെ ഹാജര്‍ വിവരങ്ങള്‍ എസ്. എം. എസ്. ആയി മൊബൈല്‍ ഫോണുകളിലെത്തും. ദിവസേന വിവരം കൈമാറുന്ന കരുതല്‍ പദ്ധതിയാണ് രക്ഷിതാക്കള്‍ക്ക് തുണയാകുക. ചാത്തന്നൂര്‍ സര്‍ക്കാര്‍ വൊക്കേഷനല്‍ ഹയര്‍ സെക്കന്ററി സ്‌കൂളില്‍ ഇന്ന്(നവംബര്‍ 10) ഉച്ചയ്ക്ക് 1.30 ന് വിദ്യാഭ്യാസ മന്ത്രി സി. രവീന്ദ്രനാഥ് ഉദ്ഘാടനം നിര്‍വ്വഹിക്കും. Dt.9.11.2017.
************************
ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്‌സിന്റെ ആഭിമുഖ്യത്തില്‍ 2017-18 അധ്യയന വര്‍ഷത്തിലെ യൂത്ത് പാര്‍ലമെന്റ് മത്സരങ്ങളില്‍ പങ്കെടുക്കുന്ന തിരുവനന്തപുരം, കൊല്ലം, പത്തനംതിട്ട, കോട്ടയം ജില്ലകളിലെ സ്‌കൂളുകളില്‍ നിന്നും നിര്‍ദ്ദേശിക്കപ്പെട്ട ടീച്ചര്‍ കോ-ഓര്‍ഡിനേറ്റര്‍മാര്‍ക്കുള്ള പരിശീലന പരിപാടിയുടെ മൂന്നാംഘട്ടം 13 ന് തിരുവനന്തപുരം ഗവ. ഗസ്റ്റ് ഹൗസിലെ ബാങ്ക്വറ്റ് ഹാളില്‍ രാവിലെ 10 ന് നടത്തും. ഒന്നും രണ്ടും ഘട്ട പരിശീലന പരിപാടിയില്‍ പങ്കെടുക്കാന്‍ കഴിയാത്ത മറ്റ് ജില്ലകളില്‍ നിന്നുള്ള സ്‌കൂളുകള്‍ക്ക് പ്രതിനിധികളെ പരിശീലന പരിപാടിയിലേക്കയയ്ക്കാം.Dt.9.11.2017.
************************
സ്‌കോള്‍ കേരള മുഖേന 2017-2019 ബാച്ചില്‍ ഹയര്‍സെക്കന്‍ഡറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത വിദ്യാര്‍ഥികള്‍ക്കുള്ള ഒന്നാം വര്‍ഷ ഓറിയന്റേഷന്‍ ക്ലാസുകള്‍ 12, 19 തീയതികളില്‍ നടത്തുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. വിശദാംശങ്ങള്‍ക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.Dt.9.11.2017.
************************
കേരള സാമൂഹ്യ സുരക്ഷാ മിഷന്‍ നടപ്പിലാക്കുന്ന 'സ്‌നേഹപൂര്‍വം എക്‌സലന്‍സ്' ധനസഹായത്തിന് ഓണ്‍ലൈനായി നവംബര്‍ 30 വരെ അപേക്ഷിക്കാം.Dt.9.11.2017.
************************
ഏകീകൃത സിലബസുണ്ടാക്കി യോഗ വ്യാപകമായി പരിശീലിപ്പിക്കാനുള്ള സൗകര്യം സംസ്ഥാനത്തുണ്ടാക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. യോഗ നടത്തിപ്പില്‍ കൂട്ടായ പ്രവര്‍ത്തനം സംഘടിപ്പിക്കുന്നത് സംബന്ധിച്ച് ചര്‍ച്ച ചെയ്യാന്‍ വിളിച്ച യോഗത്തില്‍ സംസാരിക്കുകയായിരുന്നു അദ്ദേഹം.ആരോഗ്യ, വിദ്യാഭ്യാസ, തദ്ദേശസ്വയംഭരണ, കായിക വകുപ്പുകള്‍ തമ്മില്‍ യോഗ പരിശീലനത്തില്‍ ഏകോപനമുണ്ടാക്കണം. യോഗ പരിശീലനകേന്ദ്രം സ്ഥാപിക്കാന്‍ സ്‌പോര്‍ട്‌സ് കൗണ്‍സില്‍ മുന്‍കൈയെടുക്കണം. ഇവിടെവച്ച് സിലബസ് തയ്യാറാക്കി പരിശീലകരെ തയ്യാറാക്കണം. നിലവില്‍ പരിശീലനം നേടിയവര്‍ക്ക് സിലബസ് മനസിലാക്കാനായി രണ്ടോ മൂന്നോ ദിവസത്തെ പരിശീലനം നല്‍കാവുന്നതാണ്. മറ്റുള്ളവര്‍ക്ക് ദീര്‍ഘകാല കോഴ്‌സും. പഠിതാക്കള്‍ക്ക് സര്‍ട്ടിഫിക്കറ്റുകള്‍ നല്‍കുന്ന കാര്യവും ആലോചിക്കണം. കുട്ടികള്‍ക്ക് ഉപയോഗ്യമായ ഒരു മൊഡ്യൂള്‍ എസ്.സി.ആര്‍.ടി. മുഖേന ഉണ്ടാക്കിവരികയാണെന്ന് വിദ്യാഭ്യാസ മന്ത്രി സി. രവീന്ദ്രനാഥ് പറഞ്ഞു. ആയുഷിന്റെ ഭാഗമായി യോഗ പരിശീലന കേന്ദ്രം സജീവമാവുകയാണെന്ന് ആരോഗ്യമന്ത്രി കെ.കെ. ശൈലജ പറഞ്ഞു. ആര്‍ദ്രം മിഷന്റെ ഭാഗമായുള്ള കുടുംബാരോഗ്യ കേന്ദ്രങ്ങള്‍ വഴി യോഗ സെന്റര്‍ തുടങ്ങും. ഇവിടങ്ങളില്‍ ആരോഗ്യ ശാസ്ത്രപരമായ ആധികാരികത ഉറപ്പുവരുത്താന്‍ ജില്ലകളില്‍ ഒരു ഡോക്ടര്‍ക്ക് ചുമതല നല്‍കും. അതാത് സ്ഥലത്ത് ഡിസ്‌പെന്‍സറികളില്‍ ഡോക്ടര്‍മാര്‍ ഇതിന് നേതൃത്വം നല്‍കും. ആശാവര്‍ക്കര്‍മാര്‍ക്കും യോഗജീവനം എന്നപേരില്‍ ആയുഷ് വകുപ്പ് പരിശീലനം നല്‍കിവരുന്നുണ്ട്.യോഗത്തില്‍ മന്ത്രിമാരായ കെ.കെ. ശൈലജ ടീച്ചര്‍, എ.സി. മൊയ്തീന്‍, സി. രവീന്ദ്രനാഥ്, കെ.ടി. ജലീല്‍, ആരോഗ്യ അഡീഷണല്‍ ചീഫ് സെക്രട്ടറി രാജീവ് സദാനന്ദന്‍, തദ്ദേശ സ്വയംഭരണ വകുപ്പ് പ്രിന്‍സിപ്പല്‍ സെക്രട്ടറി ടി.കെ. ജോസ്, പൊതുവിദ്യാഭ്യാസ സെക്രട്ടറി ഉഷ ടൈറ്റസ്, കായിക വകുപ്പ് സെക്രട്ടറി ഡോ. ബി. അശോക്, ഡയറക്ടര്‍ സഞ്ജയ്കുമാര്‍, ആയുഷ് ഡയറക്ടര്‍ കേശവേന്ദ്ര കുമാര്‍, സ്‌പോട്‌സ് കൗണ്‍സില്‍ പ്രസിഡന്റ് ടി.പി. ദാസന്‍ തുടങ്ങിയവര്‍ പങ്കെടുത്തു.Dt.9.11.2017.
************************
മികച്ച കായിക താരങ്ങള്‍ക്ക് സര്‍ക്കാര്‍ സര്‍വ്വീസില്‍ നിയമനം നല്‍കുന്ന പദ്ധതി പ്രകാരം 2010-14 വര്‍ഷങ്ങളിലേക്കുള്ള ഒഴിവുകളിലേക്ക് നിയമനത്തിന് മൗണ്ടനീയറിംഗ്, കളരിപ്പയറ്റ് എന്നീ കായിക ഇനങ്ങളിലെ അര്‍ഹരായ ഉദ്യോഗാര്‍ത്ഥികള്‍കളില്‍ നിന്ന് മാന്വല്‍ ആയി അപേക്ഷ ക്ഷണിച്ചു. അപേക്ഷ ഗവ. സെക്രട്ടേറിയറ്റിലെ പൊതുഭരണ സര്‍വ്വീസസ് (ഡി) വകുപ്പില്‍ ലഭിക്കേണ്ട അവസാന തീയതി നവംബര്‍ 30 വൈകുന്നേരം 5 മണി. വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്. കൂടാതെ അതാത് ജില്ലാ ഇന്‍ഫര്‍മേഷന്‍ ഓഫീസുകള്‍, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍, ജില്ലാ സ്‌പോര്‍ട്‌സ് കൗണ്‍സില്‍ എന്നിവിടങ്ങളില്‍ വിജ്ഞാപനത്തിന്റെ പകര്‍പ്പ് പരിശോധനയ്ക്ക് ലഭ്യമാണ്.Dt.7.11.2017.
************************
പട്ടികജാതി-പട്ടികവര്‍ഗ്ഗ വിഭാഗങ്ങളില്‍പ്പെടുന്ന സര്‍ക്കാര്‍ ഉദ്യോഗസ്ഥരെ ഡിപ്പാര്‍ട്ട്‌മെന്റ് ടെസ്റ്റിന് തയ്യാറാക്കുന്നതിനായി ഐ.എം.ജി.യുടെ തിരുവനന്തപുരം, കൊച്ചി, കോഴിക്കോട് കേന്ദ്രങ്ങളില്‍ നവംബര്‍ 27 മുതല്‍ ഡിസംബര്‍ 23 വരെ പ്രത്യേക പരിശീലനം സംഘടിപ്പിക്കും. തിരുവനന്തപുരം, കൊല്ലം, പത്തനംതിട്ട ജില്ലകളിലുള്ളവര്‍ തിരുവനന്തപുരത്തും ആലപ്പുഴ, എറണാകുളം, ഇടുക്കി, കോട്ടയം, തൃശൂര്‍ ജില്ലകളിലുള്ളവര്‍ കൊച്ചിയിലും കോഴിക്കോട്, വയനാട്, കണ്ണൂര്‍, കാസര്‍കോട്, മലപ്പുറം, പാലക്കാട് ജില്ലകളിലുള്ളവര്‍ കോഴിക്കോട്ടുമാണ് പരിശീലനത്തിനെത്തേണ്ടത്. പരീശീലന കേന്ദ്രം മാറ്റി നല്‍കില്ല. അടുത്ത ഡിപ്പാര്‍ട്ട്‌മെന്റ് ടെസ്റ്റിനായി പി.എസ്.സിയില്‍ അപേക്ഷ സമര്‍പ്പിക്കുന്ന ക്ലാസ് 2, ക്ലാസ് 3 വിഭാഗത്തിലുള്ള ഉദ്യോഗസ്ഥര്‍ക്കാണ് പരിശീലനം. പരിശീലനത്തിനായി ഉദ്യോഗസ്ഥരെ വകുപ്പില്‍ നിന്ന് നാമനിര്‍ദ്ദേശം ചെയ്യണം. പരിശീലനം നേരത്തെ ലഭിച്ചവരേയും പ്രത്യേക വിഷയങ്ങള്‍ മാത്രം എഴുതുന്നവരെയും നാമനിര്‍ദ്ദേശം ചെയ്യരുത്.പരിശീലനത്തിന് നാമനിര്‍ദേശം ചെയ്യുന്ന ഉദ്യോഗസ്ഥരുടെ ഔദ്യോഗിക മേല്‍വിലാസവും ഫോണ്‍ നമ്പരും നാമനിര്‍ദ്ദേശത്തോടൊപ്പം നല്‍കണം. കൂടുതല്‍ വിവരങ്ങള്‍ക്ക് പരിശീലന വിഭാഗം സെക്ഷന്‍ ഓഫീസറെ ബന്ധപ്പെടണം. ഫോണ്‍ : 0471 - 2304229. നാമനിര്‍ദ്ദേശം 17 നകം ഐ.എം.ജിയുടെ ബന്ധപ്പെട്ട ഓഫീസുകളില്‍ ലഭിക്കണം. വിശദവിവരം www.img.kerala.gov.in ല്‍ ലഭിക്കും.Dt.7.11.2017.
************************
ഒ.ബി.സി വിഭാഗം വിദ്യാര്‍ത്ഥികള്‍ക്കുളള പ്രീമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. രക്ഷിതാക്കളുടെ വാര്‍ഷിക വരുമാനം 44,500 രൂപയില്‍ കവിയാത്തതും സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്നതുമായ ഒ.ബി.സി വിദ്യാര്‍ത്ഥികള്‍ക്ക് അപേക്ഷിക്കാം. അപേക്ഷാ ഫോറത്തിന്റെ മാതൃകയും അപേക്ഷകര്‍ക്കും സ്‌കൂള്‍ അധികൃതര്‍ക്കുമുളള നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭ്യമാണ്. അപേക്ഷകള്‍ പൂരിപ്പിച്ച് നവംബര്‍ 24ന് മുമ്പ് സ്‌കൂള്‍ പ്രധാനാധ്യാപകനെ ഏല്‍പ്പിക്കണം. സ്‌കൂള്‍ അധികൃതര്‍ ഡിസംബര്‍ അഞ്ചിനകം ഡാറ്റാ എന്‍ട്രി നടത്തണമെന്ന് പിന്നാക്ക സമുദായ വികസന വകുപ്പ് ഡയറക്ടര്‍ അറിയിച്ചു.Dt.6.11.2017.
************************
സ്‌കോള്‍ കേരള വഴി ഹയര്‍സെക്കണ്ടറി പഠനം പൂര്‍ത്തിയാക്കിയ 2015 -17 ബാച്ച് വരെയുളള വിദ്യാര്‍ത്ഥികളുടെ വിടുതല്‍ സര്‍ട്ടിഫിക്കറ്റുകള്‍ വിതരണത്തിന് പഠന/പരീക്ഷ കേന്ദ്രങ്ങളിലേക്ക് അയച്ചു നല്‍കിയതില്‍ വിദ്യാര്‍ത്ഥികള്‍ കൈപ്പറ്റാതെ സൂക്ഷിച്ചിട്ടുളളവ അടിയന്തിരമായി ബന്ധപ്പെട്ട ജില്ലാ ഓഫീസുകളിലേക്ക് അയക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. സ്‌കോള്‍ കേരള ജില്ലാ ഓഫീസുകളുടെ മേല്‍വിലാസം www.scolekerala.org എന്ന വെബ്‌സൈറ്റില്‍ ലഭിക്കും.Dt.6.11.2017.
************************
മാര്‍ച്ചില്‍ എസ്.എസ്.എല്‍.സി പരീക്ഷ എഴുതുന്ന എല്ലാ വിദ്യാര്‍ത്ഥികളുടേയും ഫോട്ടോ ഉള്‍പ്പെടെയുള്ള വിവരങ്ങള്‍ 'സമ്പൂര്‍ണ' സ്‌കൂള്‍ മാനേജ്‌മെന്റ് പോര്‍ട്ടലില്‍ നവംബര്‍ 18 ന് മുമ്പ് നല്‍കണമെന്ന് പരീക്ഷാ കമ്മീഷണര്‍ അറിയിച്ചു. വിദ്യാര്‍ത്ഥികളുടെ വിവരങ്ങള്‍ നല്‍കുന്നതിനും തിരുത്തല്‍ വരുത്തുന്നതിനും ഇത്തവണ മറ്റു സോഫ്റ്റ്‌വെയറുകള്‍ ഉപയോഗിക്കില്ല. ഈ വര്‍ഷത്തെ 38 ലക്ഷത്തോളം കുട്ടികളുടെ ആറാം പ്രവൃത്തിദിന കണക്കെടുപ്പ് പൂര്‍ണമായും 'സമ്പൂര്‍ണ' പോര്‍ട്ടല്‍ വഴി ആയിരുന്നു.'സമ്പൂര്‍ണ' പോര്‍ട്ടലിലൂടെ അഡ്മിഷന്‍ രജിസ്റ്ററിന്റെ പകര്‍പ്പ്, ട്രാന്‍സ്ഫര്‍ സര്‍ട്ടിഫിക്കറ്റ്, വിവിധ സ്‌കോളര്‍ഷിപ്പുകള്‍ക്കാവശ്യമുള്ള ലിസ്റ്റുകള്‍, പ്രൊമോഷന്‍ ലിസ്റ്റ്, കലാ-കായിക-ശാസ്ത്ര മേളകള്‍ക്കുള്ള പ്രവേശന ഫോറങ്ങള്‍, കുട്ടികളുടെ തിരിച്ചറിയല്‍ കാര്‍ഡുകള്‍ തുടങ്ങിയവ തയ്യാറാക്കാന്‍ സാധിക്കും. സ്‌കൂളുകളില്‍ നിന്നുള്ള വിവരശേഖരണം സമ്പൂര്‍ണവഴി മാത്രം നടത്തുന്നത് നിഷ്‌കര്‍ഷിക്കുന്ന സര്‍ക്കാര്‍ ഉത്തരവ് മെയ് മാസത്തില്‍ പുറത്തിറക്കിയിരുന്നു.സര്‍ക്കാര്‍ ഉത്തരവനുസരിച്ച് 'സമ്പൂര്‍ണ' യില്‍ ഉള്‍പ്പെടുത്തുന്നതിന് അംഗീകൃത അണ്‍ എയ്ഡഡ്, സി.ബി.എസ്.ഇ., ഐ.സി.എസ്.ഇ., നവോദയ, കേന്ദ്രീയവിദ്യാലയങ്ങള്‍ തുടങ്ങിയവയുടെ പട്ടിക നവംബര്‍ 10 നകം സമര്‍പ്പിക്കാന്‍ പൊതുവിദ്യാഭ്യാസ ഡയറക്ടര്‍ എല്ലാ വിദ്യാഭ്യാസ ഉപഡയറക്ടര്‍മാര്‍ക്കും നിര്‍ദേശം നല്‍കിയിട്ടുണ്ട്. അധ്യാപകരുടേയും മറ്റ് ജീവനക്കാരുടേയും വിശദാംശങ്ങള്‍ സ്പാര്‍ക് ഡാറ്റാബേസുമായി ബന്ധിപ്പിച്ച് 'സമ്പൂര്‍ണ' യില്‍ ഉള്‍പ്പെടുത്തും. ഹയര്‍ സെക്കണ്ടറി-വൊക്കേഷണല്‍ ഹയര്‍സെക്കണ്ടറി വിദ്യാര്‍ത്ഥികളുടെ വിവരങ്ങളും ഈ വര്‍ഷം തന്നെ 'സമ്പൂര്‍ണ' യില്‍ ഉള്‍പ്പെടുത്തും.Dt.3.11.2017.
************************
കേരള സാമൂഹ്യ സുരക്ഷാ മിഷന്‍ നടപ്പാക്കുന്ന 'സ്‌നേഹപൂര്‍വം' പദ്ധതി ധനസഹായത്തിന് ഓണ്‍ലൈന്‍ ആയി അപേക്ഷിക്കാനുള്ള തീയതി നവംബര്‍ 15 വരെ ദീര്‍ഘിപ്പിച്ചു. Dt.2.11.2017.
************************
പൊതുവിദ്യാഭ്യാസ വകുപ്പിന് കീഴിലുള്ള ആര്‍.എം.എസ്.എ യില്‍ കരാര്‍ അടിസ്ഥാനത്തില്‍ ഒരു പ്രോഗ്രാമറുടെ ഒഴിവുണ്ട്. കൂടുതല്‍ വിവരങ്ങള്‍ പൊതുവിദ്യാഭ്യാസം, ഹയര്‍ സെക്കണ്ടറി വിദ്യാഭ്യാസം, ആര്‍.എം.എസ്.എ എന്നീ വകുപ്പുകളുടെ വെബ്‌സൈറ്റുകളില്‍ ലഭിക്കും. അപേക്ഷിക്കേണ്ട അവസാന തീയതി നവംബര്‍ 15.Dt.1.11.2017.
************************
സംസ്ഥാനത്തെ സര്‍ക്കാര്‍ എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്ന ഒ.ഇ.സി വിഭാഗം വിദ്യാര്‍ത്ഥികളുടെ 2017 -18 വര്‍ഷത്തെ പ്രീമെട്രിക് വിദ്യാഭ്യാസ ആനുകൂല്യം പ്രധാനാധ്യാപകരുടെ ഔദേ്യാഗിക അക്കൗണ്ടിലേക്ക് ക്രെഡിറ്റ് ചെയ്തതായി പിന്നാക്ക വിഭാഗ വികസന വകുപ്പ് ഡയറക്ടര്‍ അറിയിച്ചു. തുക ഉടന്‍ പിന്‍വലിച്ച് വിദ്യാര്‍ത്ഥികള്‍ക്ക് വിതരണം ചെയ്ത് അക്വിറ്റന്‍സ് അതത് മേഖലാ ഓഫീസുകളില്‍ നല്‍കണം.അര്‍ഹരായ വിദ്യാര്‍ത്ഥികളുടെ വിവരങ്ങള്‍ ഓണ്‍ലൈന്‍ വഴി സമര്‍പ്പിക്കുന്നതില്‍ വീഴ്ച വരുത്തിയ സ്ഥാപനങ്ങള്‍ക്ക് നവംബര്‍ ഒന്ന് മുതല്‍ 20 വരെ www.scholarship.itschool.gov.in ല്‍ ലോഗിന്‍ ചെയ്ത് വിവരങ്ങള്‍ ചേര്‍ക്കാനുളള സൗകര്യം ഏര്‍പ്പെടുത്തിയിട്ടുണ്ട്.Dt.1.11.2017.
************************
ആര്‍.എം.എസ്.എ (രാഷ്ട്രീയ മാധ്യമിക് ശിക്ഷാ അഭിയാന്‍) പദ്ധതിയില്‍ ഉള്‍പ്പെടുത്താന്‍ കേന്ദ്ര മാനവവിഭവശേഷി മന്ത്രാലയത്തിന്റെ അംഗീകാരം ലഭിക്കാത്തതും നിലവില്‍ പൂര്‍ണ ഹൈസ്‌കൂളുകളായി സംസ്ഥാന സര്‍ക്കാര്‍ ഉയര്‍ത്തിയതുമായ ഇടുക്കി, വയനാട്, പാലക്കാട്, മലപ്പുറം, കാസര്‍ഗോഡ് ജില്ലകളിലെ 28 സ്‌കൂളുകളില്‍ പ്രഥമ അദ്ധ്യാപകരുടെ തസ്തിക സൃഷ്ടിച്ച് ഉത്തരവായി. ഇപ്രകാരം സൃഷ്ടിക്കുന്ന പ്രഥമ അദ്ധ്യാപക തസ്തികകളില്‍ ഹൈസകൂള്‍ അദ്ധ്യാപകരുടെ സീനിയോരിറ്റി ലിസ്റ്റില്‍ നിന്നും സ്ഥാനക്കയറ്റം വഴി നിയമിക്കണമെന്നും നിഷ്‌കര്‍ഷിച്ചിട്ടുണ്ട്. Dt.31.10.2017.
************************
പൊതുവിദ്യാലയ മികവുകള്‍ അവതരിപ്പിക്കാനായി കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ് - ഐ.ടി.@ സ്‌കൂള്‍) സംഘടിപ്പിക്കുന്ന 'ഹരിതവിദ്യാലയം' വിദ്യാഭ്യാസ റിയാലിറ്റി ഷോയില്‍ പങ്കെടുക്കാന്‍ നൂറ് സ്‌കൂളുകളെ തെരഞ്ഞെടുത്തു. ഏറ്റവും കൂടുതല്‍ വിദ്യാലയങ്ങള്‍ (15 എണ്ണം) മലപ്പുറം ജില്ലയില്‍ നിന്നാണ്. തിരുവനന്തപുരവും (11) പാലക്കാടുമാണ് (10) രണ്ടും മൂന്നും സ്ഥാനങ്ങളില്‍. ഈ സ്‌കൂളുകളില്‍ ഹരിതവിദ്യാലയം ടീം നവംബര്‍ എട്ട് മുതല്‍ സന്ദര്‍ശനം നടത്തുമെന്നും നവംബര്‍ 22 മുതല്‍ ഫ്‌ളോര്‍ ഷൂട്ടിംഗ് ആരംഭിക്കുമെന്നും കൈറ്റ് വൈസ് ചെയര്‍മാന്‍ അറിയിച്ചു. ഐ.ടി@സ്‌കൂള്‍ വിക്ടേഴ്‌സ് ചാനലിലും ദൂരദര്‍ശനിലും നവംബര്‍ 27 മുതല്‍ ഹരിതവിദ്യാലയം സംപ്രേഷണം ചെയ്യും. സ്‌കൂളുകളുടെ ലിസ്റ്റ്, ഹെല്‍പ്പ് ഡെസ്‌ക് നമ്പരുകള്‍ എന്നിവ www.kite.kerala.gov.in, www.harithavidyalayam.in സൈറ്റുകളില്‍ ലഭിക്കും Dt.31.10.2017.
************************
സര്‍ക്കാര്‍ അംഗീകൃത സ്വകാര്യ ഐ.റ്റി.ഐ കളില്‍ പഠിക്കുന്ന ന്യൂനപക്ഷ മതവിഭാഗങ്ങളിലെ (മുസ്ലിം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈനര്‍) ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്കുള്ള ഫീ-റീഇംബേഴ്‌സ്‌മെന്റ് സ്‌കീം 2017-18 ലേക്ക് കേരള സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ വിഭാഗത്തില്‍ ആറ് ലക്ഷം രൂപയില്‍ താഴെ വാര്‍ഷിക വരുമാനം ഉള്ളവരെയും പരിഗണിക്കും. മുസ്ലിങ്ങള്‍ക്കും മറ്റ് ന്യൂനപക്ഷ മതവിഭാഗത്തില്‍പ്പെട്ടവര്‍ക്കും 80:20 എന്ന അനുപാതത്തിലാണ് സ്‌കോളര്‍ഷിപ്പ് അനുവദിക്കുന്നത്. 10 ശതമാനം തുക പെണ്‍കുട്ടികള്‍ക്കായി സംവരണം ചെയ്തിട്ടുണ്ട്. ഒരു വിദ്യാര്‍ത്ഥിക്ക് ഒരു വര്‍ഷത്തേയ്ക്ക് 10,000 രൂപ സ്‌കോളര്‍ഷിപ്പ് ലഭിക്കും. അപേക്ഷകര്‍ക്ക് ഏതെങ്കിലും ദേശസാല്‍കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷിക്കണം. അപേക്ഷ ഓണ്‍ലൈനായി സ്വീകരിക്കുന്ന അവസാന തീയതി 2017 നവംബര്‍ 30. ഫോണ്‍ : 2302090, 2300524.Dt.31.10.2017.
************************
ഒ.ബി.സി വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്കും, വിദ്യാര്‍ത്ഥികള്‍ക്കും സിവില്‍ സര്‍വ്വീസ്, മെഡിക്കല്‍/എന്‍ജിനീയറിങ് എന്‍ട്രന്‍സ്, ബാങ്കിങ് സര്‍വ്വീസ്, തുടങ്ങിയ മത്സര പരീക്ഷാ പരിശീലനത്തിന് ധനസഹായം അനുവദിക്കുന്ന പദ്ധതിയായ എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാമിന് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. രണ്ട് ലക്ഷത്തില്‍ അധികരിക്കാത്ത കുടുംബ വാര്‍ഷിക വരുമാനമുള്ളവര്‍ക്ക് അപേക്ഷിക്കാം. കുറഞ്ഞ കുടുംബ വാര്‍ഷിക വരുമാനമുള്ളവര്‍ക്കായിരിക്കും പ്രഥമ പരിഗണന. www.eep.bcdd.kerala.gov.in എന്ന വെബ്‌സൈറ്റ് മുഖേന ഓണ്‍ലൈന്‍ ആയാണ് അപേക്ഷിക്കേണ്ടത്. അവസാന തീയതി നവംബര്‍ 30. കൂടുതല്‍ വിവരങ്ങള്‍ക്ക് പിന്നാക്ക വിഭാഗ വികസന വകുപ്പ് ഡയറക്ടറേറ്റ് 0471 2727379, എറണാകുളം മേഖലാ ഓഫീസ് 0484 2429130, കോഴിക്കോട് മേഖലാ ഓഫീസ് (0495-2377786) എന്നിവിടങ്ങളുമായി ബന്ധപ്പെടണം. കൂടുതല്‍ വിവരങ്ങള്‍ക്ക് : www.eep.bcdd.kerala.gov.in.Dt.31.10.2017.
************************
ഒ.ബി.സി വിഭാഗം വിദ്യാര്‍ത്ഥികള്‍ക്കുള്ള പ്രീമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. രക്ഷിതാക്കളുടെ വാര്‍ഷിക വരുമാനം 44,500 രൂപയില്‍ അധികരിക്കാത്തതും സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നുമുതല്‍ പത്ത് വരെ ക്ലാസുകളില്‍ പഠിക്കുന്നതുമായ ഒ.ബി.സി വിഭാഗം വിദ്യാര്‍ത്ഥികള്‍ക്ക് അപേക്ഷിക്കാം. ഫോറത്തിന്റെ മാതൃകയും നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭ്യമാണ്. അപേക്ഷകള്‍ പൂരിപ്പിച്ച് നവംബര്‍ 24 ന് മുന്‍പ് പ്രധാനാധ്യാപകനെ ഏല്‍പ്പിക്കണം. സ്‌കൂള്‍ അധികൃതര്‍ ഡിസംബര്‍ അഞ്ചിനകം ഡാറ്റാ എന്‍ട്രി നടത്തണമെന്ന് പിന്നാക്ക സമുദായ വികസന വകുപ്പ് ഡയറക്ടര്‍ അറിയിച്ചു. Dt.30.10.2017.
************************
കേരളത്തിലെ തെരഞ്ഞെടുത്ത പോളിടെക്‌നിക് കോളേജുകളിലെ ഫസ്റ്റ് ഷിഫ്റ്റ് പാര്‍ട്ട് ടൈം (സായാഹ്ന ഡിപ്ലോമ) കോഴ്‌സുകളിലേക്ക് അപേക്ഷ സ്വീകരിക്കുന്ന തീയതി നവംബര്‍ 10 വരെ നീട്ടി. വെബ്‌സൈറ്റ് polyadmission.in Dt.28.10.2017.
************************
സര്‍ക്കാരിന്റെ പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി നടക്കുന്ന സംസ്ഥാനതല അവലോകന യോഗം സീമാറ്റില്‍ തുടങ്ങി. വിദ്യാഭ്യാസ മന്ത്രി പ്രൊ. സി. രവീന്ദ്രനാഥ് അധ്യക്ഷത വഹിച്ചു. വിഷന്‍ 100 ന്റെ അക്കാദമിക മാസ്റ്റര്‍ പ്ലാന്‍ എല്ലാ സ്‌കൂളുകളിലും തയ്യാറാക്കി 2018 ഫെബ്രുവരി ഒന്നിന് ജനകീയ അവതരണം നടത്താന്‍ തീരുമാനിച്ചു. പൊതു വിദ്യാഭ്യാസ സെക്രട്ടറി ഗോപാലകൃഷ്ണഭട്ട് വിവിധ വകുപ്പുകളിലെ ഡയറക്ടര്‍മാരായ മോഹന്‍കുമാര്‍ (ഡി.പി.ഐ), ഡോ. ജെ.പ്രസാദ് (എസ്.സി.ഇ.ആര്‍.ടി), രാഹുല്‍ ഐ.ആര്‍.എസ് (ആര്‍.എം.എസ്.എ), ഡോ. പി.പി. പ്രകാശ് (ഹയര്‍ സെക്കന്ററി), ഡോ. ഫറുക്ക് (വൊക്കേഷണല്‍ ഹയര്‍ സെക്കന്ററി), ഡോ. എ.പി. കുട്ടികൃഷ്ണന്‍ (എസ്.എസ്.എ), അന്‍വന്‍ സാദത്ത് (കൈറ്റ്), അഭിരാജ് (എസ്.ഐ.ഇ.റ്റി), ഡോ. സി. രാമകൃഷ്ണന്‍ (പൊതുവിദ്യാഭ്യാസ സംരക്ഷണയജ്ഞം) എന്നിവര്‍ പങ്കെടുത്തു. ഡി.ഡി.ഇ മാര്‍, ഡയറ്റ് പ്രിന്‍സിപ്പല്‍മാര്‍, ആര്‍.എംഎസ്.എ ജില്ലാ കോര്‍ഡിനേറ്റര്‍മാര്‍, എസ്.എസ്.എ പ്രോജക്ട് ഓഫീസര്‍മാര്‍, ആര്‍.ഡി.ഡിമാര്‍ എന്നിവരെ കൂടാതെ സംസ്ഥാന വിദ്യാഭ്യാസ ഡയറക്ടറേറ്റിലെ ഉയര്‍ന്ന ഉദ്യോഗസ്ഥര്‍ എന്നിവരാണ് യോഗത്തില്‍ സംബന്ധിച്ചത്. വിദ്യാഭ്യാസ ഉപജില്ലകളിലും സ്‌കൂളുകളിലും ആസൂത്രണ അവലോകന യോഗങ്ങള്‍ തുടര്‍ന്ന് നടക്കും.Dt.26.10.2017.
************************
പരീക്ഷാഭവന്‍ നവംബറില്‍ നടത്തുന്ന സംസ്‌കൃതം/അറബിക്/ഉറുദു അദ്ധ്യാപക പരീക്ഷയുടെ ക്യാന്‍ഡിഡേറ്റ് ലിസ്റ്റ് www.keralapareekshabhavan.in ല്‍ ലഭ്യമാണ്. പരീക്ഷാര്‍ത്ഥികള്‍ക്കുള്ള ഹാള്‍ ടിക്കറ്റ് പരീക്ഷാ കേന്ദ്രങ്ങളില്‍ ഇന്ന് (ഒക്ടോബര്‍ 27) മുതല്‍ വിതരണം ചെയ്യും. ഹാള്‍ടിക്കറ്റുമായി പരീക്ഷാര്‍ത്ഥികള്‍ അദ്ധ്യാപക പരിശീലനത്തിന് അനുവദിച്ചിരിക്കുന്ന സെന്ററില്‍ 30 ന് രാവിലെ 10 ന് റിപ്പോര്‍ട്ട് ചെയ്യണം.Dt.26.10.2017.
************************
2018 മാര്‍ച്ചില്‍ നടക്കുന്ന റ്റി.എച്ച്.എസ്.എല്‍.സി പരീക്ഷയുടെ വിജ്ഞാപനമായി. വിശദവിവരങ്ങള്‍ www.keralapareekshabhavan.in ല്‍ ലഭ്യമാണ്. 2018 മാര്‍ച്ച് ഏഴിന് ആരംഭിച്ച് 27 ന് പരീക്ഷ അവസാനിക്കും. പരീക്ഷാഫീസ് നവംബര്‍ ആറ് മുതല്‍ 18 വരെ പിഴയില്ലാതെയും 20 മുതല്‍ 25 വരെ പിഴയോടുകൂടിയും പരീക്ഷാകേന്ദ്രങ്ങളില്‍ സ്വീകരിക്കും. Dt.26.10.2017.
************************
2018 മാര്‍ച്ചില്‍ നടക്കുന്ന എസ്.എസ്.എല്‍.സി പരീക്ഷയുടെ വിജ്ഞാപനമായി. പരീക്ഷ 2018 മാര്‍ച്ച് ഏഴിന് ആരംഭിച്ച് 26 ന് അവസാനിക്കും. പരീക്ഷാഫീസ് നവംബര്‍ ആറ് മുതല്‍ 18 വരെ പിഴയില്ലാതെയും 20 മുതല്‍ 25 വരെ പിഴയോടെയും പരീക്ഷാകേന്ദ്രങ്ങളില്‍ സ്വീകരിക്കും. വെബ്‌സൈറ്റ് : www.keralapareekshabhavan.in Dt.26.10.2017.
************************
സര്‍ക്കാര്‍/സര്‍ക്കാര്‍ എയ്ഡഡ് സ്ഥാപനങ്ങളില്‍ ബിരുദ - ബിരുദാനന്തര ബിരുദ തലത്തില്‍ പഠിച്ച് ഉന്നത വിജയം നേടിയ ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുളള കുടുംബങ്ങളിലെ വിദ്യാര്‍ത്ഥികള്‍ക്ക് പ്രൊഫ. ജോസഫ് മുണ്ടശ്ശേരി സ്‌കോളര്‍ഷിപ്പ് അവാര്‍ഡിനായി സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു. കേരളത്തില്‍ പഠിക്കുന്ന സ്ഥിരതാമസക്കാരനായ മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈനര്‍ മതവിഭാഗത്തില്‍പ്പെട്ട വിദ്യാര്‍ത്ഥികളിലെ 2016 -2017 അധ്യായന വര്‍ഷത്തില്‍ ബിരുദതലത്തില്‍ 80 ശതമാനം മാര്‍ക്കോ ബിരുദാനന്തര ബിരുദ തലത്തില്‍ 75 ശതമാനം മാര്‍ക്കോ നേടിയവര്‍ക്കാണ് സ്‌കോളര്‍ഷിപ്പ്. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ വിഭാഗത്തില്‍പ്പെട്ട ആറ് ലക്ഷം രൂപയില്‍ താഴെ വാര്‍ഷിക വരുമാനം ഉളളവരെയും പരിഗണിക്കും. മുസ്ലീങ്ങള്‍ക്കും മറ്റ് ന്യൂനപക്ഷ മതവിഭാഗത്തില്‍പ്പെട്ടവര്‍ക്കും 80:20 അനുപാതത്തിലാണ് സ്‌കോളര്‍ഷിപ്പ് നല്‍കുന്നത്. ഒരു വിദ്യാര്‍ത്ഥിക്ക് 15,000 രൂപയാണ് സ്‌കോളര്‍ഷിപ്പ്. വിദ്യാര്‍ത്ഥികളെ തെരഞ്ഞെടുക്കുന്നത് മെറിറ്റിന്റെയും താഴ്ന്ന വരുമാന പരിധിയുടെയും അടിസ്ഥാനത്തിലാണ്. അപേക്ഷകര്‍ക്ക് ദേശസാത്കൃത ബാങ്കില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in വഴി ഓണ്‍ലൈനായി നവംബര്‍ 30നകം അപേക്ഷിക്കാം. കൂടുതല്‍ വിവരങ്ങള്‍ക്ക് 0471 2302090, 2300524.Dt.23.10.2017.
************************
സര്‍ക്കാര്‍ ഏറ്റെടുത്ത പഞ്ചായത്ത് സ്‌കൂളുകളില്‍ കോമണ്‍ പൂളില്‍ ഉള്‍പ്പെട്ടിട്ടുള്ള പൊതുവിദ്യാഭ്യാസ വകുപ്പിലെ അദ്ധ്യാപകരില്‍ നിന്നും 2017-18 വര്‍ഷത്തെ അന്തര്‍ജില്ലാ സ്ഥലംമാറ്റത്തിന് അപേക്ഷ ക്ഷണിച്ചു. അപേക്ഷകള്‍ ബന്ധപ്പെട്ട വിദ്യാഭ്യാസ ഉപഡയറക്ടറുടെ ഓഫീസുകളില്‍ നവംബര്‍ എട്ടിന് വൈകുന്നേരം അഞ്ച് മണിക്കു മുന്‍പ് എത്തിക്കണം. വിശദാംശങ്ങള്‍ ജില്ലകളിലെ വിദ്യാഭ്യാസ ഉപഡയറക്ടര്‍ ഓഫീസുകളിലും വിദ്യാഭ്യാസ വകുപ്പിന്റെ ഔദ്യോഗിക വെബ്‌സൈറ്റിലും ലഭ്യമാണ്.Dt.23.10.2017.
************************
കേന്ദ്ര-സംസ്ഥാന സര്‍ക്കാരുകള്‍ എല്‍.ഐ.സി മുഖേന നടപ്പാക്കുന്ന ആം ആദ്മി ബീമാ യോജനയിലെ അംഗങ്ങള്‍ക്കുള്ള (18 മുതല്‍ 50 വയസുവരെ) മരണാനന്തര സഹായം കുറഞ്ഞത് 30,000 രൂപയില്‍ നിന്നും രണ്ടുലക്ഷമായി ഉയര്‍ത്തി. നിലവിലുള്ള സ്‌കോളര്‍ഷിപ്പ് ആനുകൂല്യം അതേപടി തുടരും. പുതുക്കിയ ആനുകൂല്യങ്ങള്‍ ലഭിക്കുന്നതിന് ആബി ഗുണഭോക്താക്കള്‍ ബാങ്ക് അക്കൗണ്ട് വിവരങ്ങള്‍, ആധാര്‍ നമ്പര്‍ എന്നിവ സമര്‍പ്പിക്കണം. പ്രസ്തുത വിവരങ്ങള്‍ www.chiak.org മുഖേന ബന്ധിപ്പിക്കാം. അക്ഷയ, കുടുംബശ്രീ ഉന്നതി, ജനസേവന കേന്ദ്രങ്ങള്‍ വഴി അഞ്ച് രൂപ ഫീസ് നല്‍കിയും സേവനം ഉപയോഗപ്പെടുത്താം. നവംബര്‍ അഞ്ചിനകം രജിസ്റ്റര്‍ ചെയ്യണം. Dt.23.10.2017.
************************
സ്‌പോര്‍ട്‌സ് ക്വാട്ടയില്‍ സംസ്ഥാന സര്‍ക്കാര്‍ സര്‍വീസില്‍ സൂപ്പര്‍ ന്യൂമററി തസ്തികയില്‍ നിയമിക്കുന്ന കായിക താരങ്ങള്‍ക്ക് റെഗുലര്‍ തസ്തികയില്‍ ഉള്‍ക്കൊള്ളിക്കുന്ന തീയതിക്ക് മുമ്പുള്ള കാലയളവിലും ഇന്‍ക്രിമെന്റിന് അര്‍ഹത നല്‍കി ഉത്തരവായി. Dt.23.10.2017.
************************
വിദേശ രാജ്യങ്ങളില്‍ ഉപരിപഠനം നടത്തുന്ന പട്ടിക വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് സംസ്ഥാന സര്‍ക്കാര്‍ നല്‍കുന്ന സ്‌കോളര്‍ഷിപ്പിന് അപേക്ഷിക്കുന്നതിനുള്ള മാര്‍ഗനിര്‍ദേശങ്ങളും ചട്ടങ്ങളും സംബന്ധിച്ച് പട്ടികജാതി - പട്ടികവര്‍ഗ വികസന വകുപ്പ് ഉത്തരവിറക്കി. (ഉത്തരവ് നം. എം.എസ് 81/2017/എസ്.സി എസ്.ടി ഡി.ഡി/തീയതി 2017 ഒക്ടോബര്‍ 4Dt.23.10.2017.
************************
കേരളത്തിലെ അംഗീകൃത സ്വാശ്രയ സ്ഥാപനങ്ങളിലെയും ഇതര സംസ്ഥാനങ്ങളിലെ സര്‍ക്കാര്‍/സര്‍ക്കാര്‍ അംഗീകൃത സ്ഥാപനങ്ങളിലെയും പോസ്റ്റ്‌മെട്രിക് കോഴ്‌സുകള്‍ക്ക് പഠിക്കുന്നതും 2.5 ലക്ഷം രൂപ വരെ കുടുംബ വാര്‍ഷിക വരുമാനമുളളതുമായ പട്ടിക വര്‍ഗ വിദ്യാര്‍ത്ഥികള്‍ക്ക് കേന്ദ്ര സര്‍ക്കാരിന്റെ സ്‌കോളര്‍ഷിപ്പിന് അപേക്ഷിക്കാം. സംസ്ഥാന സര്‍ക്കാരിന്റെ സ്‌കോളര്‍ഷിപ്പിന് അര്‍ഹതയില്ലാത്തവര്‍ക്കാണ് അപേക്ഷിക്കാവുന്നത്. അപേക്ഷാ ഫോറങ്ങളും കൂടുതല്‍ വിവരങ്ങളും പട്ടികവര്‍ഗ വികസന വകുപ്പിന്റെ വിവിധ പ്രോജക്ട് ഓഫീസുകള്‍, ട്രൈബല്‍ ഡെവലപ്‌മെന്റ് ഓഫീസുകള്‍ എന്നിവിടങ്ങളില്‍ നിന്ന് ലഭിക്കും. Dt.20.10.2017.
************************
കേരളത്തിലെ അംഗീകൃത സ്വാശ്രയ സ്ഥാപനങ്ങളിലെയും ഇതര സംസ്ഥാനങ്ങളിലെ സര്‍ക്കാര്‍/സര്‍ക്കാര്‍ അംഗീകൃത സ്ഥാപനങ്ങളിലെയും പോസ്റ്റ്‌മെട്രിക് കോഴ്‌സുകള്‍ക്ക് പഠിക്കുന്നതും 2.5 ലക്ഷം രൂപ വരെ കുടുംബ വാര്‍ഷിക വരുമാനമുളളതുമായ പട്ടിക വര്‍ഗ വിദ്യാര്‍ത്ഥികള്‍ക്ക് കേന്ദ്ര സര്‍ക്കാരിന്റെ സ്‌കോളര്‍ഷിപ്പിന് അപേക്ഷിക്കാം. സംസ്ഥാന സര്‍ക്കാരിന്റെ സ്‌കോളര്‍ഷിപ്പിന് അര്‍ഹതയില്ലാത്തവര്‍ക്കാണ് അപേക്ഷിക്കാവുന്നത്. അപേക്ഷാ ഫോറങ്ങളും കൂടുതല്‍ വിവരങ്ങളും പട്ടികവര്‍ഗ വികസന വകുപ്പിന്റെ വിവിധ പ്രോജക്ട് ഓഫീസുകള്‍, ട്രൈബല്‍ ഡെവലപ്‌മെന്റ് ഓഫീസുകള്‍ എന്നിവിടങ്ങളില്‍ നിന്ന് ലഭിക്കും. Dt.19.10.2017.
************************
അടുത്ത വര്‍ഷത്തെ രണ്ടാം ശനി, ഞായര്‍ ഒഴികെയുള്ള പൊതു അവധി ദിവസങ്ങള്‍ പ്രഖ്യാപിച്ച് പൊതുഭരണ (ഏകോപനം) വകുപ്പ് വിജ്ഞാപനമായി. മന്നം ജയന്തി- ജനുവരി രണ്ട്, റിപ്പബ്ലിക് ദിനം -ജനുവരി 26, ശിവരാത്രി -ഫെബ്രുവരി 13, പെസഹ വ്യാഴം -മാര്‍ച്ച് 29, ദു:ഖ വെളളി -മാര്‍ച്ച് 30, മെയ് ദിനം -മെയ് 1, ഈ ദുല്‍- ഫിത്തര്‍ (റംസാന്‍) - ജൂണ്‍ 15, സ്വാതന്ത്ര്യദിനം - ആഗസ്റ്റ് 15, ബക്രീദ് - ആഗസ്റ്റ് 22, ഒന്നാം ഓണം - ആഗസ്റ്റ് 24, തിരുവോണം-ആഗസ്റ്റ് 25, നാലാം ഓണം (ശ്രീനാരായണ ഗുരു ജയന്തി) ആഗസ്റ്റ് 27, അയ്യങ്കാളി ജയന്തി - ആഗസ്റ്റ് 28, മുഹറം സെപ്റ്റംബര്‍ 20, ശ്രീനാരായണ ഗുരു സമാധി- സെപ്റ്റംബര്‍ 21, ഗാന്ധി ജയന്തി - ഒക്ടോബര്‍ രണ്ട്, മഹാനവമി - ഒക്ടോബര്‍ 18, വിജയദശമി - ഒക്‌ടോബര്‍ 19, ദീപാവലി - നവംബര്‍ 6, മിലാദ് - ഇ-ഷെരീഫ് (നബിദിനം) - നവംബര്‍ 20, ക്രിസ്മസ് - ഡിസംബര്‍ 25, രണ്ടാം ശനി/ഞായര്‍ വരുന്ന പൊതു അവധി ദിനങ്ങള്‍: ഈസ്റ്റര്‍ - ഏപ്രില്‍ 1, അംബേദ്കര്‍ ജയന്തി -ഏപ്രില്‍ 14, വിഷു - ഏപ്രില്‍ 15, കര്‍ക്കിടക വാവ് - ഓഗസ്റ്റ് 11, മൂന്നാം ഓണം - ആഗസ്റ്റ് 26, ശ്രീകൃഷ്ണ ജയന്തി - സെപ്റ്റംബര്‍ 2. നിയന്ത്രിത അവധികള്‍: അയ്യാ വൈകുണ്ഡ സ്വാമി ജയന്തി -മാര്‍ച്ച് 12, വിശ്വകര്‍മ്മ ദിനം - സെപ്റ്റംബര്‍ 17.Dt.19.10.2017.
************************
കഴക്കൂട്ടം സൈനിക സ്‌കൂളിലെ ആറ്, ഒന്‍പത് ക്ലാസുകളിലേക്ക് പ്രവേശനത്തിന് ആണ്‍കുട്ടികള്‍ക്ക് അപേക്ഷിക്കാം. ആറിലേക്കുള്ള പ്രവേശനത്തിന് 2007 ജൂലായ് രണ്ടിനും 2008 ജൂലൈ ഒന്നിനും ഇടയിലും ഒന്‍പതിലേക്ക് 2004 ജൂലൈ രണ്ടിനും 2005 ജൂലൈ ഒന്നിനും ഇടയിലും ജനിച്ചവര്‍ക്ക് അപേക്ഷിക്കാം. പൂരിപ്പിച്ച അപേക്ഷകള്‍ ഡിസംബര്‍ അഞ്ചിനകം സ്‌കൂളില്‍ ലഭിക്കണം. നവംബര്‍ 30 വരെ അപേക്ഷാ ഫോം ലഭിക്കും. 2018 ജനുവരി ഏഴിനാണ് പരീക്ഷ. തിരുവനന്തപുരം സൈനിക സ്‌കൂള്‍, കോട്ടയം, എറണാകുളം, കോഴിക്കോട്, പാലക്കാട് എന്നിവിടങ്ങളില്‍ പരീക്ഷാ കേന്ദ്രങ്ങളുണ്ടാവും. വിശദ വിവരങ്ങളും അപേക്ഷാ ഫോറവും www.sainikschooltvm.nic.in ല്‍ ലഭിക്കും. Dt.19.10.2017.
************************
സമൂഹത്തില്‍പാര്‍ശ്വവത്കരണമുണ്ടാവാത്ത തരത്തില്‍ എല്ലാവര്‍ക്കും മികവാര്‍ന്ന വിദ്യാഭ്യാസം നല്‍കുകയെന്നതാണ് സര്‍ക്കാരിന്റെ പുതിയ വിദ്യാഭ്യാസ നയത്തിന്റെ ലക്ഷ്യമെന്ന് വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പറഞ്ഞു. സംസ്ഥാനത്ത് സര്‍ക്കാര്‍, എയ്ഡഡ് സ്‌കൂളുകളിലെ ഒമ്പതാം ക്ലാസ് വിദ്യാര്‍ത്ഥികളുടെ പഠനപിന്നാക്കാവസ്ഥ പരിഹരിക്കുന്നതിനായി ആരംഭിക്കുന്ന നവപ്രഭ പരിഹാര ബോധന പദ്ധതിയുടെ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ഒന്നുമുതല്‍ 12 വരെയുള്ള ക്ലാസുകളില്‍ അക്കാദമിക് നിലവാരം ഉയര്‍ത്തുന്നതിന് സര്‍ക്കാര്‍ വിവിധ പദ്ധതികളാണ് നടപ്പാക്കിവരുന്നത്. എല്ലാ ക്ലാസുകളിലും എല്ലാ വിഷയങ്ങളിലും മികവുണ്ടാക്കുന്നതിനായി ആവിഷ്‌കരിച്ച സമഗ്ര പദ്ധതി, ഒന്നുമുതല്‍ എട്ടു വരെ ക്ലാസുകളില്‍ കണക്ക് പഠനം ലളിതമാക്കുന്ന ഗണിതം വിജയം, ഇംഗ്ലിഷ് പഠനം എളുപ്പമാക്കുന്ന ഹലോ ഇംഗ്ലിഷ് പദ്ധതികള്‍ക്കു പുറമേ ഭാഷാ പഠനം ലളിതമാക്കുന്നതിന് പച്ചമലയാളം, ഗുഡ് ഇംഗ്ലിഷ്, അച്ഛീ ഹിന്ദി തുടങ്ങിയ പദ്ധതികളും സ്‌കൂളുകളില്‍ ആവിഷ്‌കരിച്ചിട്ടുണ്ട്. പൊതുവിദ്യാലയങ്ങളില്‍ ഈ അധ്യയനവര്‍ഷം പുതുതായെത്തിയത് ഒരു ലക്ഷത്തി നാല്‍പത്താറായിരം വിദ്യാര്‍ത്ഥികളാണ്. അവരുടെയും രക്ഷിതാക്കളുടെയും പ്രതീക്ഷകള്‍ക്കൊത്ത് ഉയരേണ്ട ഉത്തരവാദിത്വം അധ്യാപക സമൂഹത്തിനുണ്ടെന്നും മന്ത്രി പറഞ്ഞു. സെന്റ് ജോസഫ് സ്‌കൂളിലെ വിദ്യാര്‍ത്ഥി നിഖില്‍ ബേബിച്ചന്‍ രൂപകല്‍പന ചെയ്ത നവപ്രഭ മൊബൈല്‍ ആപ്പിന്റെയും വെബ്‌സൈറ്റിന്റെയും ഉദ്ഘാടനവും മന്ത്രി നിര്‍വഹിച്ചു. പൊതു വിദ്യാഭ്യാസ വകുപ്പ് ഡയറക്ടര്‍ കെ.വി. മോഹന്‍കുമാര്‍ അധ്യക്ഷത വഹിച്ചു. എസ്.സി.ഇ.ആര്‍.ടി. ഡയറക്ടര്‍ ഡോ. ജെ. പ്രസാദ്, എസ.്‌ഐ.ഇ.റ്റി. ഡയറക്ടര്‍ ബി. അബുരാജ്, നഗരസഭാ സ്റ്റാന്‍ഡിംഗ് കമ്മിറ്റി ചെയര്‍മാന്മാരായ വഞ്ചിയൂര്‍ പി. ബാബു, എസ്.ഉണ്ണികൃഷ്ണന്‍, സംസ്ഥാന കരിക്കുലം സ്റ്റിയറിംഗ് കമ്മിറ്റി അംഗങ്ങളായ കെ.സി. ഹരികൃഷ്ണന്‍, പി.ഹരിഗോവിന്ദന്‍, സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂള്‍ മാനേജര്‍ ഫാ.ഡോ.ഡൈസന്‍, പി.ടി.എ പ്രസിഡന്റ് മധുമോഹന്‍ ബി.എല്‍., പ്രിന്‍സിപ്പല്‍ പി.ജെ.വര്‍ഗീസ് തുടങ്ങിയവര്‍ സംബന്ധിച്ചു. രാഷ്ട്രീയ മാധ്യമിക് ശിക്ഷാ അഭിയാന്‍ സംസ്ഥാന പ്രോജക്ട് ഡയറക്ടര്‍ രാഹുല്‍ ആര്‍ സ്വാഗതവും അഡീഷണല്‍ പ്രോജക്ട് ഡയറക്ടര്‍ പി.എസ് മാത്യു കൃതജ്ഞതയും പറഞ്ഞു.Dt.19.10.2017.
************************
പൊതുവിദ്യാലയങ്ങളുടെ മികവുകള്‍ അവതരിപ്പിക്കുന്ന ഹരിത വിദ്യാലയം വിദ്യാഭ്യാസ റിയാലിറ്റി ഷോയുടെ ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള സമയം ഒക്ടോബര്‍ 19 ലേക്ക് നീട്ടി. www.harithavidyalayam.in ല്‍ സ്‌കൂളുകള്‍ക്ക് വിവരങ്ങള്‍ നല്‍കാം. അപേക്ഷയും സ്‌കൂളിനെ സംബന്ധിച്ച അഞ്ച് മിനിറ്റ് ദൈര്‍ഘ്യമുള്ള വീഡിയോ അല്ലെങ്കില്‍ 20 സ്ലൈഡില്‍ കവിയാത്ത പ്രസന്‍ന്റേഷന്‍ എന്നിവയും ഈ പോര്‍ട്ടലില്‍ അപ്‌ലോഡ് ചെയ്യാം. ഹെല്‍പ് ഡെസ്‌ക് നമ്പറുകള്‍ : 8136800779/669/889/886/882.Dt.16.10.2017.
************************
ഹയര്‍സെക്കന്ററി ഡിപ്പാര്‍ട്ട്‌മെന്റല്‍ അധ്യാപകരുടെ ഭേദഗതി ചെയ്ത താത്ക്കാലിക സീനിയോറിറ്റി ലിസ്റ്റില്‍ (2011-2015) ഉള്‍പ്പെട്ട അധ്യാപകരുടെ സര്‍ട്ടിഫിക്കറ്റ് വെരിഫിക്കേഷന് പുതുക്കിയ തീയതി പ്രസിദ്ധീകരിച്ചു. ഹയര്‍സെക്കന്ററി സ്‌കൂള്‍ അധ്യാപകര്‍/ഹയര്‍സെക്കന്ററി സ്‌കൂള്‍ അധ്യാപകര്‍ (ജൂനിയര്‍) തസ്തികകളിലേക്ക് തസ്തികമാറ്റ നിയമനം ലഭിക്കുന്നതിന് അപേക്ഷിച്ചിട്ടുള്ള എച്ച്.എസ്.എ/എല്‍.പി.എസ്.എ/യു.പി.എസ്.എ അധ്യാപകരുടെ ഭേദഗതിവരുത്തി പ്രസിദ്ധീകരിച്ച താത്ക്കാലിക സീനിയോറിറ്റി ലിസ്റ്റില്‍ ഉള്‍പ്പെട്ടിട്ടുള്ള അധ്യാപകര്‍ ഒക്ടോബര്‍ 26, 27 തീയതികളില്‍ സര്‍ട്ടിഫിക്കറ്റ് വെരിഫിക്കേഷന് ഹാജരാവണം. നേരത്തെ നവംബര്‍ 26, 27 തീയതികളിലാണ് വെരിഫിക്കേഷന്‍ നിശ്ചയിച്ചിരുന്നത്. സര്‍ക്കുലര്‍ www.dhsekerala.gov.in എന്ന വെബ്‌സൈറ്റില്‍ ലഭ്യമാണ്.Dt.16.10.2017.
************************
ദേശീയ പെന്‍ഷന്‍ പദ്ധതിയില്‍ രജിസ്റ്റര്‍ ചെയ്ത ജീവനക്കാര്‍ അനന്തരാവകാശിയുടെ വിവരം, മേല്‍വിലാസം, ഫോണ്‍ നമ്പര്‍, ഇ- മെയില്‍ ഐ.ഡി എന്നീ വിവരങ്ങള്‍ അപ്‌ഡേറ്റ് ചെയ്തിട്ടില്ലെങ്കില്‍ പ്രസ്തുത വിവരങ്ങള്‍ അനുബന്ധ രേഖകള്‍ സഹിതം ബന്ധപ്പെട്ട ട്രഷറി ഓഫീസര്‍ മുമ്പാകെ ഒക്ടോബര്‍ 31 ന് മുമ്പ് ഹാജരായി സമര്‍പ്പിക്കണം. എല്ലാ ഡി.ഡി.ഒ മാരും ട്രഷറി ഓഫീസര്‍മാരും ദേശീയ പെന്‍ഷന്‍ പദ്ധതി ജീവനക്കാരുടെ വ്യക്തിഗത വിവരങ്ങള്‍ അപ്‌ഡേറ്റ് ചെയ്യുന്നതിനുളള നടപടിക്രമങ്ങള്‍ ഒക്ടോബര്‍ 31 ന് മുമ്പ് കര്‍ശനമായി സ്വീകരിക്കണം. Dt.16.10.2017.
************************
പ്രൊഫഷണല്‍/ബിരുദ/ഡിപ്ലോമ കോഴ്‌സുകള്‍ക്കും ബിരുദാനന്തര ബിരുദ കോഴ്‌സുകള്‍ക്കും പഠിക്കുന്ന സ്‌കൂള്‍ അധ്യാപകരുടെ കുട്ടികള്‍ക്കുളള 2015 -16 അധ്യയന വര്‍ഷത്തെ സാമ്പത്തിക സഹായത്തിന് ദേശീയ അധ്യാപക ക്ഷേമ ഫൗണ്ടേന്‍ അപേക്ഷകള്‍ ക്ഷണിച്ചു. അപേക്ഷാ ഫോറവും വിശദവിവരങ്ങളും എല്ലാ വിദ്യാഭ്യാസ ഓഫീസുകളിലും ലഭിക്കും. പൂരിപ്പിച്ച അപേക്ഷകളും അനുബന്ധ രേഖകളും നവംബര്‍ 30നു മുമ്പ് പൊതുവിദ്യാഭ്യാസ ഡയറക്ടറുടെ ഓഫീസില്‍ ലഭിക്കണം. അപേക്ഷയുടെ പുറത്ത് ദേശീയ അധ്യാപക ക്ഷേമ ഫൗണ്ടേഷന്‍ പ്രൊഫഷണല്‍ സ്‌കോളര്‍ഷിപ്പ് എന്ന് വ്യക്തമായി എഴുതിയിരിക്കണം. അപേക്ഷാ ഫോറം തപാലില്‍ ലഭിക്കുന്നതല്ല. www.education.kerala.gov.in എന്ന സൈറ്റില്‍ നിന്നും ഡൗണ്‍ലോഡ് ചെയ്യാം.Dt.16.10.2017.
************************
സംസ്ഥാനത്തിന് പുറത്ത് അഖിലേന്ത്യാ പ്രവേശന പരീക്ഷയുടെ അടിസ്ഥാനത്തില്‍ ഐ.ഐ.ടി, ഐ.ഐ.എം, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്, എയിംസ്, ടിസ് തുടങ്ങിയ ഉന്നത വിദ്യാഭ്യാസ സ്ഥാപനങ്ങളില്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്ന ഒ.ബി.സി വിഭാഗം വിദ്യാര്‍ത്ഥികളില്‍ നിന്നും പോസ്റ്റ്‌മെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. സംസ്ഥാനത്തിനകത്ത് സി.എ/ഐ.സി.ഡബ്ല്യു.എ/കമ്പനി സെക്രട്ടറി കോഴ്‌സുകളില്‍ പഠിക്കുന്നവര്‍ക്കും ഈ സ്‌കോളര്‍ഷിപ്പിന് അപേക്ഷിക്കാം. അപേക്ഷകന്റെ കുടുംബ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കരുത്. അപേക്ഷാ ഫോമിന്റെ മാതൃകയും കൂടുതല്‍ വിവരങ്ങളും www.bcdd.kerala.gov.in എന്ന വെബ്‌സൈറ്റില്‍ നിന്നും ലഭിക്കും. കൂടുതല്‍ വിവരങ്ങള്‍ക്ക് 0471-2727379 എന്ന ടെലഫോണ്‍ നമ്പരിലും obcdirectorate@gmail.com എന്ന ഇ-മെയില്‍ വിലാസത്തിലും ബന്ധപ്പെടാം. അപേക്ഷ ലഭിക്കേണ്ട അവസാന തീയതി നവംബര്‍ 15. Dt.13.10.2017.
************************
ഒക്‌ടോബര്‍ 28ന് പി.എസ്.സി പരീക്ഷ നടക്കുന്നതിനാല്‍ അന്ന് ഉച്ചയ്ക്ക് 1.45 മുതല്‍ 3.30 വരെ നടത്താന്‍ നിശ്ചയിച്ചിരുന്ന ഒക്‌ടോബര്‍ 2017 ലെ പത്താംതരം തുല്യതാ ജീവശാസ്ത്രം പരീക്ഷ അതേ ദിവസം രാവിലെ 9.45 മുതല്‍ 11.30 വരെ നടത്താന്‍ തീരുമാനിച്ചു. പത്താംതരം തുല്യതാ പരീക്ഷയുടെ ഹാള്‍ടിക്കറ്റ് ഹെഡ്മാസ്റ്റര്‍ ലോഗിന്‍ വഴി ഒക്‌ടോബര്‍ 14 മുതല്‍ പ്രഥമാധ്യാപകര്‍ക്ക് ഡൗണ്‍ലോഡ് ചെയ്യാമെന്ന് പരീക്ഷാഭവന്‍ സെക്രട്ടറി അറിയിച്ചു. Dt.13.10.2017.
************************
കേന്ദ്ര സര്‍ക്കാര്‍ പൊതുവിദ്യാഭ്യാസ വകുപ്പു വഴി നടപ്പാക്കി വരുന്ന നാഷണല്‍ മീന്‍സ് -കം - മെറിറ്റ് (എന്‍.എം.എം.എസ്) സ്‌കോളര്‍ഷിപ്പിന് 2017-18 വര്‍ഷം അര്‍ഹത നേടിയ എല്ലാ വിദ്യാര്‍ത്ഥികളും (3473 പേര്‍) സര്‍ക്കാര്‍/എയ്ഡഡ് സ്‌കൂളുകളില്‍ ഇപ്പോള്‍ ഒന്‍പതാം ക്ലാസില്‍ പഠിക്കുന്ന പട്ടികജാതി/പട്ടികവര്‍ഗ വിഭാഗത്തിലെ പെണ്‍കുട്ടികള്‍ക്കായുളള ഇന്‍സെന്റീവ് ധനസഹായത്തിനും, (എന്‍.എസ്.ഐ.ജി.എസ്.ഇ) നാഷണല്‍ സ്‌കോളര്‍ഷിപ്പ് പോര്‍ട്ടല്‍ വഴി ഓണ്‍ലൈനായി അപേക്ഷ സമര്‍പ്പിക്കണമെന്ന് കേന്ദ്രമന്ത്രാലയം അറിയിച്ചു. ഒക്‌ടോബര്‍ 31 ആണ് അവസാന തീയതി. വെബ്‌സൈറ്റ്:www.scholarships.gov.in. ഫോണ്‍; 0471 2328438, 9496304015.Dt.13.10.2017.
************************
പൊതുവിദ്യാഭ്യാസ വകുപ്പില്‍ 2018 വര്‍ഷത്തിലെ സ്ഥാനക്കയറ്റത്തിന് അര്‍ഹതയുള്ള അധ്യാപക/അധ്യാപകേതര ജീവനക്കാരുടെ സെലക്ട് ലിസ്റ്റ് തയ്യാറാക്കുന്നതിനായി 2014 ജനുവരി ഒന്നു മുതല്‍ 2016 ഡിസംബര്‍ 31 വരെയുള്ള മൂന്നു വര്‍ഷത്തെ കോണ്‍ഫിഡന്‍ഷ്യല്‍ റിപ്പോര്‍ട്ടുകള്‍ ഒക്‌ടോബര്‍ 25 നു മുമ്പ് ബന്ധപ്പെട്ട വിദ്യാഭ്യാസ ഉപഡയറക്ടര്‍ മുഖേന പൊതു വിദ്യാഭ്യാസ ഡയറക്ടറുടെ കാര്യാലയത്തില്‍ ലഭ്യമാക്കണം. വിശദ വിവരങ്ങള്‍ ഔദ്യോഗിക വെബ്‌സൈറ്റില്‍ ലഭ്യമാണ്. www.education.kerala.gov.in . Dt.13.10.2017.
************************
പത്താംതരം തുല്യതാ പരീക്ഷയ്ക്ക് പത്തില്‍ താഴെ വിദ്യാര്‍ത്ഥികള്‍ രജിസ്റ്റര്‍ ചെയ്ത പരീക്ഷാ കേന്ദ്രങ്ങള്‍ ഒഴിവാക്കി ഇവിടങ്ങളില്‍ രജിസ്റ്റര്‍ ചെയ്തവരെ സമീപത്തെ പരീക്ഷാ സെന്ററുകളിലേക്ക് മാറ്റിയിട്ടുണ്ട്. ഒഴിവാക്കിയ പരീക്ഷാകേന്ദ്രങ്ങളുടെയും ഇവിടങ്ങളില്‍ രജിസ്റ്റര്‍ ചെയ്ത വിദ്യാര്‍ത്ഥികള്‍ക്ക് അനുവദിച്ച പുതിയ കേന്ദ്രങ്ങളുടെയും വിവരം www.keralapareekshabhavan.in ല്‍ ലഭിക്കും. Dt.12.10.2017.
************************
സ്‌കോള്‍ കേരള മുഖാന്തരം 2016-18 ബാച്ചില്‍ ഹയര്‍ സെക്കണ്ടറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത രണ്ടാം വര്‍ഷ വിദ്യാര്‍ത്ഥികളുടെ ഓറിയന്റേഷന്‍ ക്ലാസ്സുകള്‍ ഒക്ടോബര്‍ 22,29 തീയതികളില്‍ അതത് പരീക്ഷാ കേന്ദ്രങ്ങളില്‍ നടത്തുമെന്ന് എക്‌സിക്യുട്ടീവ് ഡയറക്ടര്‍ അറിയിച്ചു. വിശദാംശങ്ങള്‍ക്ക് പരീക്ഷാ കേന്ദ്രങ്ങളുമായി ബന്ധപ്പെടണം.Dt.12.10.2017.
************************
പൊതുവിദ്യാഭ്യാസ വകുപ്പിനു കീഴില്‍ പ്രവര്‍ത്തിക്കുന്ന രാഷ്ട്രീയ മാധ്യമിക് ശിക്ഷാ അഭിയാന്‍ പ്രോജക്ടിന്റെ ജില്ലാ ഓഫീസില്‍ സ്‌പെഷ്യല്‍ എഡ്യൂക്കേറ്ററെ കരാര്‍ വ്യവസ്ഥയില്‍ നിയമിക്കും. അപേക്ഷകര്‍ ബയോഡേറ്റ, യോഗ്യതാ സര്‍ട്ടിഫിക്കറ്റ്, മാര്‍ക്ക് ലിസ്റ്റ്, എക്‌സ്പീരിയന്‍സ് സര്‍ട്ടിഫിക്കറ്റ് സഹിതമുള്ള അപേക്ഷ ഒക്‌ടോബര്‍ 17 ന് മുമ്പായി ജില്ലാ പ്രോജക്ട് ഓഫീസര്‍, ആര്‍.എം.എസ്.എ, വിദ്യാഭ്യാസ ഉപ ഡയറക്ടറുടെ കാര്യലയം, കിള്ളിപ്പാലം, തിരുവനന്തപുരം എന്ന വിലാസത്തില്‍ നേരിട്ടോ തപാല്‍ മുഖേനയോ എത്തിക്കണം. ബന്ധപ്പെട്ട വിഷയങ്ങളില്‍ ബിരുദാനന്തര ബിരുദവും സ്‌പെഷ്യല്‍ എഡ്യൂക്കേഷന്‍ ബി.എഡുമാണ് യോഗ്യത. ജനറല്‍ ബി.എഡിനൊപ്പം സ്‌പെഷ്യല്‍ എഡ്യൂക്കേഷനില്‍ രണ്ടു വര്‍ഷത്തെ ഡിപ്ലോമയുള്ളവര്‍ക്കും അപേക്ഷിക്കാം.Dt.12.10.2017.
************************
കേരളത്തിലെ മുന്നാക്ക (സംവരണേതര) സമുദായങ്ങളില്‍പ്പെടുന്നതും സാമ്പത്തികമായി പിന്നാക്കം നില്‍ക്കുന്നതുമായ കുടുംബങ്ങളിലെ വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കുമായി സംസ്ഥാന മുന്നാക്ക സമുദായ ക്ഷേമ കോര്‍പ്പറേഷന്‍ (സമുന്നതി) നടപ്പിലാക്കുന്ന വിദ്യാസമുന്നതി സ്‌കോളര്‍ഷിപ്പ്, കോച്ചിംഗ് അസിസ്റ്റന്‍സ് സ്‌കീമുകളിലേക്ക് 2017-18 വര്‍ഷത്തേക്കുള്ള അപേക്ഷകള്‍ ക്ഷണിച്ചു.Dt.11.10.2017.
************************
നവംബര്‍ 23 മുതല്‍ 26 വരെ കോഴിക്കോട് നടക്കുന്ന കേരള സ്‌കൂള്‍ ശാസ്‌ത്രോത്സവത്തിന് വിദ്യാര്‍ത്ഥികള്‍, അദ്ധ്യാപകര്‍, പൊതുജനങ്ങള്‍ എന്നിവരില്‍ നിന്ന് പൊതു വിദ്യാഭ്യാസ വകുപ്പ് ലോഗോ ക്ഷണിച്ചു. ശാസ്ത്രം, ഗണിത ശാസ്ത്രം, സാമൂഹ്യ ശാസ്ത്രം, പ്രവൃത്തിപരിചയം, ഐ.ടി എന്നിവയുടെ പ്രതീകങ്ങള്‍ ഉള്‍പ്പെടുത്തിയാകണം ലോഗോ തയ്യാറാക്കേണ്ടത്. കേരള സ്‌കൂള്‍ ശാസ്‌ത്രോത്സവം, 2017 നവംബര്‍ 23-26, കോഴിക്കോട് എന്നുള്ള രേഖപ്പെടുത്തലുകള്‍ ഉണ്ടാകണം. കോഴിക്കോട് ജില്ലയുടേതായ പ്രതീകം അനുയോജ്യമായ വിധത്തില്‍ ഉള്‍പ്പെടുത്താം. എഡിറ്റ് ചെയ്യാന്‍ കഴിയുന്ന ഫോര്‍മാറ്റില്‍ സി.ഡി. യും ഒപ്പം എ ഫോര്‍ സൈസ് പേപ്പറില്‍ കളര്‍ പ്രിന്റും നല്‍കണം. തിരഞ്ഞെടുക്കുന്ന ലോഗോയ്ക്ക് ശാസ്‌ത്രോത്സവത്തിന്റെ ഉദ്ഘാടന ചടങ്ങില്‍ പൊതു വിദ്യാഭ്യാസ വകുപ്പിന്റെ ക്യാഷ് പ്രൈസ് നല്‍കും. ലോഗോകള്‍ ഒക്ടോബര്‍ 16 ന് വൈകിട്ട് അഞ്ചിനകം വിദ്യാഭ്യാസ ഉപ ഡയറക്ടര്‍, വിദ്യാഭ്യാസ ഉപ ഡയറക്ടറുടെ ഓഫീസ്, കോഴിക്കോട് ജില്ല - 673 001 എന്ന വിലാസത്തില്‍ ലഭിക്കണം.Dt.10.10.2017.
************************
സ്‌കോള്‍ കേരള മുഖേന 2017-19 ബാച്ച് ഹയര്‍സെക്കണ്ടറി കോഴ്‌സിന് പ്രൈവറ്റ് രജിസ്സ്‌ട്രേഷന് അപേക്ഷിച്ച വിദ്യാര്‍ഥികളുടെ പരീക്ഷാ കേന്ദ്രം അനുവദിക്കുന്ന നടപടികള്‍ പൂര്‍ത്തിയായി. വിദ്യാര്‍ഥികള്‍ക്ക് അനുവദിച്ചിട്ടുള്ള യൂസര്‍ നെയിം, പാസ്‌വേര്‍ഡ് ഇവ ഉപയോഗിച്ച് www.scolekerala.org മുഖേന തിരിച്ചറിയല്‍ കാര്‍ഡ് പ്രിന്റെടുത്ത് അനുവദിച്ചിട്ടുള്ള പരീക്ഷകേന്ദ്രം പ്രിന്‍സിപ്പാള്‍ മുമ്പാകെ ഹാജരാക്കി മേലൊപ്പ് വാങ്ങണമെന്നും ഒന്നാം വര്‍ഷ പരീക്ഷയ്ക്ക് മുന്നോടിയായി ബന്ധപ്പെട്ട പരീക്ഷ കേന്ദ്രത്തില്‍ 2017 നവംബര്‍ 12, 19 തീയതികളില്‍ സംഘടിപ്പിക്കുന്ന ഓറിയന്റേഷന്‍ ക്ലാസുകളില്‍ പങ്കെടുക്കണമെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. Dt.9.10.2017.
************************
വൊക്കേഷണല്‍ ഹയര്‍ സെക്കണ്ടറി നവംബറില്‍ നടത്തുന്ന ഒന്ന് മൂന്ന് മോഡുലാര്‍ പ്രായോഗിക പരീക്ഷകള്‍ നവംബര്‍ ഒന്ന് മുതല്‍ ആരംഭിക്കും. പരീക്ഷാ ഫീസ് വിദ്യാര്‍ത്ഥികള്‍ അതത് സ്‌കൂളില്‍ അടച്ച് ഒക്ടോബര്‍ 16നകം അപേക്ഷ സമര്‍പ്പിക്കണം. അപേക്ഷാ ഫോറവും, വിശദവിവരങ്ങളും ബന്ധപ്പെട്ട സ്‌കൂള്‍/എക്‌സാം പോര്‍ട്ടലില്‍ ലഭിക്കും. Dt.9.10.2017.
************************
സ്‌കോള്‍ കേരള മുഖേന 2017-19 ബാച്ച് ഹയര്‍ സെക്കന്ററി പ്രൈവറ്റ് രജിസ്‌ട്രേഷന് അപേക്ഷിച്ച്, ഇതിനകം നിര്‍ദ്ദിഷ്ട രേഖകള്‍ സമര്‍പ്പിച്ച വിദ്യാര്‍ത്ഥികളുടെ പട്ടിക പ്രസിദ്ധപ്പെടുത്തി. രജിസ്‌ട്രേഷന്‍ സമയത്ത് ലഭിച്ച യൂസര്‍ നെയിം, പാസ് വേര്‍ഡ് ഉപയോഗിച്ച് പരിശോധിക്കാം. രജിസ്‌ട്രേഷന്‍ സമയത്ത് ഉപഭാഷാ, സബ്ജക്ട് കോമ്പിനേഷന്‍ എന്നിവ തിരഞ്ഞെടുക്കുമ്പോള്‍ പിശക് സംഭവിച്ചിട്ടുണ്ടെങ്കില്‍ അത് തിരുത്തുന്നതിന് ഒക്ടോബര്‍ 9 വരെ scolekerala@gmail.com ല്‍ ആപ്ലിക്കേഷന്‍ നമ്പര്‍ സഹിതം അപേക്ഷ അയയ്ക്കാം.Dt.6.10.2017.
************************
കേന്ദ്ര ന്യൂനപക്ഷ കാര്യ മന്ത്രാലയം കേരളത്തിലും ഇന്ത്യയില്‍ മറ്റിടങ്ങളിലും പഠിക്കുന്ന ന്യൂനപക്ഷ വിഭാഗങ്ങളായ മുസ്ലീം, ക്രിസ്ത്യന്‍, ബുദ്ധ, ജൈന, സിഖ് പാഴ്‌സി മതവിഭാഗങ്ങളില്‍പ്പെട്ടതും വിവിധ പ്രൊഫഷണല്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്നതുമായ മലയാളി വിദ്യാര്‍ത്ഥികള്‍ക്ക് നല്‍കുന്ന മെറിറ്റ് കം മീന്‍സ് സ്‌കോളര്‍ഷിപ്പ് ഫ്രഷ്/റിന്യുവല്‍ അപേക്ഷിക്കുന്നതിനുളള അവസാന തീയതി ഒക്ടോബര്‍ 31 വരെ നീട്ടി. അപേക്ഷ സമര്‍പ്പിക്കുന്നതിനുളള വിശദാംശങ്ങള്‍ www.dtekerala.gov.in ല്‍ MCM Scholarship ലിങ്കില്‍ നല്‍കിയിട്ടുണ്ട്. ഫോണ്‍: 0471 2561214, 9497723630. Dt.6.10.2017.
************************
സംസ്ഥാന സ്‌കൂള്‍ കലോത്സവം ജില്ലാതലത്തിലും സംസ്ഥാനതലത്തിലും വിധിനിര്‍ണയത്തിനു യോഗ്യരായ വിധികര്‍ത്താക്കളില്‍ നിന്ന് അപേക്ഷ ക്ഷണിച്ചു. വിധികര്‍ത്താക്കളായിരിക്കാന്‍ താല്പര്യമുള്ളവര്‍ നിശ്ചിത അപേക്ഷാ മാതൃകയില്‍ ബയോഡാറ്റ സമര്‍പ്പിക്കണം. അപേക്ഷയുടെ മാതൃക www.education.kerala.gov.in എന്ന വെബ്‌സൈറ്റില്‍ നല്‍കിയിട്ടുണ്ട്. നിശ്ചിത മാതൃകയുടെ പ്രിന്റ് എടുത്ത് ബയോഡേറ്റ രേഖപ്പെടുത്തി വി. ശ്രീകുമാര്‍, പബ്ലിക് റിലേഷന്‍സ് ഓഫീസര്‍, പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി പി.ഒ., തിരുവനന്തപുരം - 695014 എന്ന വിലാസത്തിലോ, y2section@gmail.comഎന്ന ഇ-മെയില്‍ വിലാസത്തിലോ ഒക്‌ടോബര്‍ 25 നു മുമ്പ് അയയ്ക്കണം. അപേക്ഷ നല്‍കിയിട്ടുള്ളവരും നിശ്ചിത മാതൃകയില്‍ അപേക്ഷ സമര്‍പ്പിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. Dt.4.10.2017.
************************
രണ്ടാം വര്‍ഷ ഹയര്‍സെക്കന്ററി തുല്യതാ പരീക്ഷാര്‍ത്ഥികളുടെ ഒക്ടോബര്‍ നാലിന് ആരംഭിക്കാനിരുന്ന ഗാന്ധിയന്‍ സ്റ്റഡീസിന്റെ പ്രായോഗിക പരീക്ഷ ഒക്ടോബര്‍ ആറ് മുതല്‍ മാത്രമെ ആരംഭിക്കുകയുള്ളു. വിശദവിവരങ്ങള്‍ www.dhsekerala.gov.in ല്‍ ലഭിക്കും. Dt.3.10.2017.
************************
ഒക്ടോബറിലെ പത്താംതരം തുല്യതാപരീക്ഷയുടെ ഫീസ് അഞ്ച് വരെ പിഴയോടെ അടയ്ക്കാമെന്ന് പരീക്ഷാ സെക്രട്ടറി അറിയിച്ചു. Dt.3.10.2017.
************************
ഒന്നും രണ്ടും വര്‍ഷ ഹയര്‍സെക്കന്ററി തുല്യതയുടെ ഒക്ടോബര്‍ എട്ട്, ഒന്‍പത്, 10 തീയതികളില്‍ നടത്താന്‍ നിശ്ചയിച്ചിരുന്ന പരീക്ഷകള്‍ ഒക്ടോബര്‍ 20, 21, 22 തീയതികളിലേക്ക് മാറ്റി. മറ്റ് തീയതികളില്‍ ( ഒക്ടോബര്‍ 12, 13, 14 ) നടത്താന്‍ നിശ്ചയിച്ചിരുന്ന പരീക്ഷകളില്‍ മാറ്റമില്ല. മാറ്റിയ ടൈംടേബിള്‍ അടക്കമുള്ള വിശദമായ സര്‍ക്കുലര്‍ www.dhsekerala.gov.in എന്ന പോര്‍ട്ടലില്‍ പ്രസിദ്ധീകരിച്ചിട്ടുണ്ട്. Dt.3.10.2017.
************************
സര്‍ക്കാരിന്റെ എല്ലാ വകുപ്പുകളിലും ഭരണവകുപ്പുകളിലും സ്ഥാപനങ്ങളിലും കേരളപ്പിറവി ആചരണത്തോടനുബന്ധിച്ച് നവംബര്‍ മാസത്തിലെ ആദ്യ പ്രവൃത്തി ദിവസം മലയാള ദിനാഘോഷവും നവംബര്‍ ഒന്നു മുതല്‍ ഏഴുവരെ ഭരണഭാഷാവാരാഘോഷവും വിപുലമായി സംഘടിപ്പിക്കണമെന്ന് സര്‍ക്കാര്‍ സര്‍ക്കുലര്‍ പുറപ്പെടുവിച്ചു. നവംബര്‍ ഒന്നിന് എല്ലാ വകുപ്പുകളുടെയും സ്ഥാപനങ്ങളുടെയും ഓഫീസുകളില്‍ ഓഫീസ് തലവന്റെ അധ്യക്ഷതയില്‍ ഭരണഭാഷാ സമ്മേളനം സംഘടിപ്പിക്കണമെന്നും ഉദ്യോഗസ്ഥര്‍ക്ക് ഓഫീസ് തലവന്‍ ഭരണഭാഷാ പ്രതിജ്ഞ ചൊല്ലിക്കൊടുക്കണമെന്നും സര്‍ക്കുലറില്‍ നിര്‍ദേശമുണ്ട്. Dt.3.10.2017.
************************
സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആര്‍.ടി) കേരളത്തിലെ ഗവണ്‍മെന്റ് - എയ്ഡഡ് സ്‌കൂള്‍ അധ്യാപകരില്‍ നിന്ന് ഗവേഷണ പ്രോജക്ടുകള്‍ ക്ഷണിച്ചു. പ്രീ പ്രൈമറി മുതല്‍ ഹയര്‍സെക്കന്ററി വരെ വിവിധ തലങ്ങളിലെ സ്‌കൂള്‍ വിദ്യാഭ്യാസവുമായി ബന്ധപ്പെട്ട ഗവേഷണ പ്രോജക്ടുകള്‍ സമര്‍പ്പിക്കാം. വിശദമായ പ്രോജക്ട് രൂപരേഖയും ആവശ്യമായ സാമ്പത്തിക സഹായം സംബന്ധിച്ച വിവരങ്ങളും ഉള്‍പ്പെടുത്തിയ പ്രൊപ്പോസലുകള്‍ സ്‌കൂള്‍ മേലധികാരിയുടെ സാക്ഷ്യപത്രത്തോടെ സമര്‍പ്പിക്കണം. അധ്യാപകര്‍ക്ക് ഒറ്റയ്‌ക്കോ കൂട്ടായോ പ്രോജക്ട് ഏറ്റെടുക്കാം. അപേക്ഷകര്‍ വ്യക്തിപരമായ വിവരങ്ങളും അപേക്ഷയോടൊപ്പം സമര്‍പ്പിക്കണം. തിരഞ്ഞെടുക്കപ്പെടുന്ന പ്രോജക്ടുകള്‍ക്ക് സാമ്പത്തിക സഹായവും അക്കാദമിക പിന്തുണയും എസ്.സി.ഇ.ആര്‍.ടി. നല്‍കും. അപേക്ഷകള്‍ ഒക്ടോബര്‍ 30 നു മുമ്പ് ഡയറക്ടര്‍, എസ്.സി.ഇ.ആര്‍.ടി, വിദ്യാഭവന്‍, പൂജപ്പുര, തിരുവനന്തപുരം - 695025 എന്ന വിലാസത്തില്‍ അയയ്ക്കണം. Dt.30.9.2017.
************************
സ്‌കൂള്‍ തലത്തില്‍ നടപ്പിലാക്കിവരുന്ന മികച്ച വിദ്യാഭ്യാസ മാതൃകകള്‍ കണ്ടെത്തി അംഗീകരിക്കുന്നതിനും രേഖപ്പെടുത്തി വ്യാപിപ്പിക്കുന്നതിനും സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആര്‍.ടി) പദ്ധതി ആവിഷ്‌കരിച്ചു. പ്രി-പ്രൈമറി മുതല്‍ ഹയര്‍ സെക്കന്ററി വരെയുള്ള സ്ഥാപനങ്ങള്‍ക്കും അധ്യാപക വിദ്യാഭ്യാസ സ്ഥാപനങ്ങള്‍ക്കും അവര്‍ നടപ്പിലാക്കിയതോ നടപ്പിലാക്കിവരുന്നതോ ആയ പദ്ധതികള്‍ ഇതില്‍ ഉള്‍പ്പെടുത്താം. വിദ്യാഭ്യാസ വ്യാപനം, ഗുണമേന്മ വര്‍ദ്ധിപ്പിക്കല്‍, അക്കാദമിക മികവ്, വിലയിരുത്തല്‍ പിന്തുണകള്‍, അടിസ്ഥാനസൗകര്യ വികസനം തുടങ്ങിയവയിലെ മികച്ച മാതൃകകളാണ് എസ്.സി.ഇ.ആര്‍.ടി അനേ്വഷിക്കുന്നത്. ഇത്തരം പ്രവര്‍ത്തനങ്ങള്‍ക്ക് പ്രോത്സാഹനം നല്‍കുന്നതോടൊപ്പം വിശദമായ ഡോക്യുമെന്റേഷനിലൂടെ വ്യാപനത്തിനുള്ള പ്രവര്‍ത്തനങ്ങളും ഏറ്റെടുക്കും. സ്‌കൂളുകള്‍, തദ്ദേശ സ്വയംഭരണ സ്ഥാപനങ്ങള്‍, ജനപ്രതിനിധികള്‍ തുടങ്ങിയവയുടെ നേതൃത്വത്തിലുള്ള പദ്ധതികള്‍ ഇതില്‍ ഉള്‍പ്പെടുത്താം. പദ്ധതിയുടെ വിശദാംശങ്ങള്‍ ഉള്‍പ്പെടുന്ന (ചിത്രങ്ങള്‍, ഡിജിറ്റല്‍ രേഖകള്‍ ഉള്‍പ്പെടെ) നോമിനേഷനുകള്‍ നവംബര്‍ 30 നു മുമ്പ് ഡയറക്ടര്‍, എസ്.സി.ഇ.ആര്‍.ടി, പൂജപ്പുര, തിരുവനന്തപുരം-695 012 എന്ന വിലാസത്തില്‍ സമര്‍പ്പിക്കണം. സ്‌കൂള്‍ അധികാരികള്‍ക്കും ജനപ്രതിനിധികള്‍ക്കും വിദ്യാഭ്യാസ പ്രവര്‍ത്തകര്‍ക്കും അധ്യാപക പരിശീലന സ്ഥാപനങ്ങള്‍ക്കും നോമിനേഷന്‍ സമര്‍പ്പിക്കാം.Dt.30.9.2017.
************************
ജീവനക്കാരുടെ ശമ്പള ബില്ലുകള്‍ തയ്യാറാക്കുന്ന സ്പാര്‍ക് സംവിധാനത്തിലെ സാങ്കേതിക തകരാറുകള്‍ യുദ്ധകാലാടിസ്ഥാനത്തില്‍ പരിഹരിച്ചു വരികയാണെന്നും അവധി ദിവസങ്ങളിലും സ്പാര്‍ക് സംവിധാനത്തില്‍ ലോഗിന്‍ ചെയ്ത് ബില്ലുകള്‍ തയ്യാറാക്കുന്നതിനും ട്രഷറിയില്‍ സമര്‍പ്പിക്കുന്നതിനും തടസ്സമില്ലെന്നും ധനവകുപ്പ് (റിസോഴ്‌സ്) സെക്രട്ടറി അറിയിച്ചു. ബില്ലുകള്‍ സ്വീകരിക്കാന്‍ അവധി ദിവസമായ ഒക്ടോബര്‍ രണ്ടിന് എല്ലാ ട്രഷറികളും തുറന്നു പ്രവര്‍ത്തിക്കുമെന്നും എല്ലാ ഡി.ഡി.ഒ മാരും ഈ സൗകര്യം പ്രയോജനപ്പെടുത്തണമെന്നും ധനവകുപ്പ് സെക്രട്ടറി അറിയിച്ചു. Dt.28.9.2017.
************************
സംസ്ഥാനത്തെ ഒന്നുമുതല്‍ നാലുവരെ ക്ലാസുകളിലെ എസ്.സി/എസ്.ടി വിദ്യാര്‍ത്ഥികള്‍ക്ക് നല്‍കിയിരുന്ന പ്രീ എഡ്യുക്കേഷന്‍ എയിഡ് അഞ്ചു മുതല്‍ എട്ടുവരെ ക്ലാസുകളിലെ എസ്.സി/എസ്.ടി കുട്ടികള്‍ക്ക് കൂടി അനുവദിക്കാന്‍ സര്‍ക്കാര്‍ തീരുമാനിച്ചതായി പട്ടികജാതി-പട്ടികവര്‍ഗ്ഗ-പിന്നാക്ക ക്ഷേമ വകുപ്പു മന്ത്രി എ.കെ. ബാലന്‍ അറിയിച്ചു. പ്രതിവര്‍ഷം 2000 രൂപയാണ് ഈ സ്‌കോളര്‍ഷിപ്. അഞ്ചു മുതല്‍ എട്ടുവരെ ക്ലാസുകളിലെ എസ്.സി/എസ്.ടി കട്ടികള്‍ക്ക് 640 രൂപയുടെ ലംപ്‌സം ഗ്രാന്റ് മാത്രമാണ് ഇതുവരെ ലഭിച്ചിരുന്നത്. എന്നാല്‍ ഒന്നു മുതല്‍ നാലുവരെ ക്ലാസുകളിലെ കൂട്ടികള്‍ക്ക് ലംപ്‌സം ഗ്രാന്റിന് പുറമെയാണ് 2000 രൂപയുടെ പ്രീ എഡ്യൂക്കേഷന്‍ എയിഡും ലഭിച്ചിരുന്നത്. ഒമ്പത് , 10 ക്ലാസുകളിലെ കുട്ടികള്‍ക്ക് 2250 രൂപയുടെ പ്രീ മെട്രിക് സ്‌കോളര്‍ഷിപ്പും ലംപ്‌സം ഗ്രാന്റിന് പുറമെ ലഭിക്കുന്നുണ്ട്. അഞ്ചു മുതല്‍ എട്ടു വരെ ക്ലാസുകളിലെ കുട്ടികള്‍ക്ക് ഈ ആനുകൂല്യം ലഭിച്ചിരുന്നില്ല. ആയത് പരിഗണിച്ച് അവര്‍ക്ക് കൂടി 2000 രൂപയുടെ പ്രീ എഡ്യൂക്കേഷന്‍ എയിഡ് അനുവദിക്കുവാന്‍ സര്‍ക്കാര്‍ തീരുമാനിക്കുകയായിരുന്നു. ഒന്നരലക്ഷം വിദ്യാര്‍ത്ഥികള്‍ക്ക് ഈ ആനുകൂല്യം ലഭിക്കും. ഇതോടെ ഒന്നു മുതല്‍ എട്ട് വരെ ക്ലാസുകളിലെ എല്ലാ എസ്.സി/എസ്.ടി കുട്ടികള്‍ക്കും ലംപ്‌സം ഗ്രാന്റിന് പുറമെ 2000 രൂപയുടെ പ്രീ എഡ്യൂക്കേഷന്‍ എയിഡും ലഭിക്കും. ഒന്‍പത്, പത്ത് ക്ലാസുകളിലെ കുട്ടികളുടെ ഈ ആനുകൂല്യം 2250 രൂപയാണ്. ഒരു വിഭാഗം എസ്.സി. കുട്ടികള്‍ക്ക് ഒരു വിഭാഗം ഒ.ബി.സി കുട്ടികളേക്കാള്‍ കുറഞ്ഞ സ്‌കോളര്‍ഷിപ്പാണ് ലഭിക്കുന്നത് എന്ന പരാതിക്കും ഇതോടെ പരിഹാരമായതായി മന്ത്രി അറിയിച്ചു.Dt.28.9.2017.
************************
ഒക്‌ടോബര്‍ നാലിന് നടക്കുന്ന ഹയര്‍സെക്കന്ററി രണ്ടാം വര്‍ഷ തുല്യതാ പഠിതാക്കളുടെ ഗാന്ധിയന്‍ സ്റ്റഡീസ് പ്രാക്ടിക്കല്‍ പരീക്ഷാകേന്ദ്രങ്ങള്‍ അനുവദിച്ച് ഉത്തരവായി. പരീക്ഷാ വിജ്ഞാപനത്തില്‍ പ്രാക്ടിക്കല്‍ പരീക്ഷയ്ക്ക് ഒരു ജില്ലയില്‍ പരമാവധി രണ്ടു കേന്ദ്രങ്ങള്‍ അനുവദിച്ചിരുന്നെങ്കിലും അന്തിമമായി ഒരു ജില്ലയില്‍ ഒരു കേന്ദ്രമാക്കി ചുരുക്കിയിട്ടുണ്ട്. രജിസ്റ്റര്‍ ചെയ്ത പരീക്ഷാര്‍ത്ഥികള്‍ അതത് ജില്ലയിലെ പരീക്ഷാകേന്ദ്രത്തില്‍ പ്രാക്ടിക്കല്‍ പരീക്ഷയ്ക്കായി ഒക്ടോബര്‍ നാലിന് എത്തിച്ചേരണം. കാസര്‍ഗോഡ് ജില്ലയില്‍ പ്രാക്ടിക്കല്‍ പരീക്ഷ ഒക്ടോബര്‍ അഞ്ചിനാണ്. ഓരോ ജില്ലയിലെയും പ്രാക്ടിക്കല്‍ പരീക്ഷാകേന്ദ്രങ്ങളുടെ ലിസ്റ്റ് സംബന്ധിച്ച വിശദാംശങ്ങള്‍ www.dhsekerala.gov.in ല്‍ പ്രസിദ്ധീകരിച്ചിട്ടുണ്ട്.Dt.28.9.2017.
************************
മെഡിക്കല്‍ എഞ്ചിനീയറിംഗ് എന്‍ട്രന്‍സിനു വേണ്ടി തയാറെടുക്കുന്ന വിദ്യാര്‍ഥികള്‍ക്കായി വിക്‌ടേഴ്‌സ് ചാനല്‍ ഹയര്‍ സെക്കണ്ടറി വകുപ്പുമായി ചേര്‍ന്ന് ഒക്‌ടോബര്‍ ഒന്നിന് പീക്‌സ് (Public Entrance Coaching Scheme)ആരംഭിക്കും. കേരളത്തിലെ എല്ലാ നിയോജകമണ്ഡലങ്ങളിലും ഒരുക്കിയിട്ടുള്ള 140 സെന്ററുകളില്‍ തുടര്‍ ക്ലാസുകളും ഇതോടൊപ്പം സംഘടിപ്പിച്ചിട്ടുണ്ട്. എല്ലാ ദിവസവും രാവിലെ 9.30 മുതല്‍ വിക്‌ടേഴ്‌സ് ചാനലില്‍ സംപ്രേഷണം ആരംഭിക്കുന്ന പീക്‌സില്‍ കേരളത്തിലെ പ്രമുഖ അധ്യാപകര്‍ ക്ലാസുകള്‍ നയിക്കും. ശനി, ഞായര്‍ ദിവസങ്ങളില്‍ ഒന്നര മണിക്കൂര്‍ ക്ലാസിനുശേഷം 14 സെന്ററുകളിലും നടക്കുന്ന തുടര്‍ ക്ലാസുകളില്‍ സംശയനിവാരണവും മാതൃകാ പരീക്ഷകളും നടത്തും.Dt.28.9.2017.
************************
ഹരിത കേരളം, പൊതു വിദ്യാഭ്യാസ യജ്ഞം പദ്ധതികള്‍ക്ക് പ്രാമുഖ്യം കൊടുത്ത് വൊക്കേഷണല്‍ ഹയര്‍ സെക്കന്ററി നാഷണല്‍ സര്‍വ്വീസ് സ്‌കീം ഈ അദ്ധ്യയന വര്‍ഷം വിദ്യാലയ യൂണിറ്റുകളില്‍ ഹരിതഭവനം പദ്ധതിയുടെ ഭാഗമായി 300 വി.എച്ച്.എസ്.ഇ വിദ്യാലയങ്ങളില്‍ ജൈവ വൈവിദ്ധ്യ ഉദ്യാനങ്ങള്‍ നിര്‍മ്മിക്കും. തൃശൂര്‍ ജില്ലയിലെ ഒല്ലൂര്‍ വി.എസ്.എസ്.എം ഗവണ്മെന്റ് വി.എച്ച്.എസ്.സ്‌കൂളിലെ ജൈവ വൈവിദ്ധ്യ ഉദ്യാനം ഒക്ടോബര്‍ രണ്ടിന് രാവിലെ 10 ന് തുറന്ന് കൊടുത്ത് വിദ്യാഭ്യാസ മന്ത്രി സി. രവീന്ദ്രനാഥ് പദ്ധതിയുടെ രണ്ടാംഘട്ടത്തിന്റെ സംസ്ഥാനതല ഉദ്ഘാടനം നിര്‍വ്വഹിക്കും. അഡ്വ. കെ. രാജന്‍ എം.എല്‍.എ അധ്യക്ഷത വഹിക്കും. രാഷ്ട്രീയ, സാമൂഹിക, സാംസ്‌കാരിക രംഗത്തെ പ്രമുഖരും വി.എച്ച്.എസ്.ഇ, എന്‍.എസ്.എസ് വകുപ്പ് മേധാവികളും പങ്കെടുക്കും.Dt.28.9.2017.
************************
വായുവും വെള്ളവും മണ്ണും മലിനമായി മനുഷ്യജീവിതം ദുരിതപൂര്‍ണമാകുന്ന അവസ്ഥയില്‍നിന്നു രക്ഷനേടേണ്ടതിനെക്കുറിച്ച് എല്ലാവരും ചിന്തിക്കേണ്ട കാലമാണിതെന്ന് വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് പറഞ്ഞു. ഹരിതകേരളം മിഷന്‍ കേരളത്തിലെ എല്ലാ വിദ്യാലയങ്ങളിലും നടപ്പാക്കുന്ന ഹരിതോത്സവം പരിപാടിയുടെ ഉദ്ഘാടനം കോട്ടണ്‍ഹില്‍ സ്‌കൂളില്‍ ഉദ്ഘാടനം ചെയ്യുകയായിരുന്നു അദ്ദേഹം. ഹരിതകേരളം എന്ന ലക്ഷ്യം സാധ്യമാക്കാന്‍ എല്ലാവരും ഒരേ മനസ്സോടെ രംഗത്തിറങ്ങണം. ഓരോ നിമിഷവും തകരാറിലായിക്കൊണ്ടിരിക്കുന്ന പരിസ്ഥിതിയെ രക്ഷിച്ചെടുക്കുന്നതിനാണ് വിദ്യാലയങ്ങളില്‍നിന്ന് ഒരു കര്‍മപദ്ധതി നടപ്പാക്കാന്‍ വിദ്യാഭ്യാസവകുപ്പ് പരിപാടികള്‍ ആസൂത്രണം ചെയ്തത്. ഭൂമിയിലെ വൈവിധ്യം നിലനിര്‍ത്തുകയാണ് നമ്മുടെ തലമുറയുടെ കടമ. അതിനാല്‍ ഹരിതോത്സവത്തില്‍ എല്ലാവരും പങ്കാളികളാകണമെന്നും വിദ്യാഭ്യാസമന്ത്രി പറഞ്ഞു. ഹരിതകേരളം മിഷന്‍ പ്രസിദ്ധീകരിച്ച ഹരിതോത്സവം കൈപ്പുസ്തകം സ്‌കൂള്‍ ചെയര്‍മാന്‍ നസ്രീന്‍, സെക്രട്ടറി ആഭ എന്നിവര്‍ക്കു നല്‍കി മന്ത്രി പ്രകാശനം ചെയ്തു. Dt.28.9.2017.
************************
2017 ജൂണില്‍ നടത്തിയ ഡി.എല്‍.ഇഡി ഹിന്ദി, അറബിക്, ഉറുദു പരീക്ഷാ ഫലം പ്രസിദ്ധീകരിച്ചു. www.keralapareekshabhavan.in ഫലം ലഭ്യമാണ്. Dt.28.9.2017.
************************
പരീക്ഷാഭവന്‍ 2017 നവംബര്‍ മാസം നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് കോഴ്‌സ് (ടി.ടി.സി) പ്രൈവറ്റ് പരീക്ഷയുടെ വിജ്ഞാപനം www.keralapareekshabhavan.com എന്ന ഔദ്യോഗിക വെബ്‌സൈറ്റില്‍ ലഭ്യമാണ്. പരീക്ഷാര്‍ത്ഥികള്‍ ഒക്ടോബര്‍ 13 വൈകുന്നേരം നാല് മണിക്കു മുമ്പ് അപേക്ഷ നിശ്ചിത ഫീസ് സഹിതം ബന്ധപ്പെട്ട ടി.ടി.ഐ പ്രിന്‍സിപ്പാള്‍ മുമ്പാകെ സമര്‍പ്പിക്കണം.Dt.26.9.2017.
************************
സംസ്ഥാനത്ത് ഒക്ടോബര്‍ മൂന്നു മുതല്‍ നവംബര്‍ മൂന്നു വരെ മീസില്‍സ്-റൂബെല്ലാ വാക്‌സിനേഷന്‍ കാമ്പെയ്ന്‍ നടത്തുമെന്നും 76 ലക്ഷം കുട്ടികള്‍ക്ക് വാക്‌സിന്‍ നല്‍കുമെന്നും ആരോഗ്യ, സാമൂഹിക നീതി മന്ത്രി കെ.കെ. ശൈലജടീച്ചര്‍ പറഞ്ഞു. മീസില്‍സ്-റൂബെല്ലാ വാക്‌സിനേഷന്‍ കാമ്പെയ്ന്‍ സംബന്ധിച്ച് തിരുവനന്തപുരത്ത് സംഘടിപ്പിച്ച മാധ്യമ സെമിനാറില്‍ സംസാരിക്കുകയായിരുന്നു മന്ത്രി. ഇന്ത്യയില്‍ കഴിഞ്ഞ വര്‍ഷം അമ്പതിനായിരത്തോളം കുഞ്ഞുങ്ങളാണ് അഞ്ചാംപനി അഥവാ മീസില്‍സ് ബാധിച്ച് മരിച്ചത്. കേരളത്തില്‍ മരണ നിരക്ക് താരതമ്യേന വളരെ കുറവാണെങ്കിലും ഒരു കുഞ്ഞുപോലും രോഗം ബാധിച്ച് മരിക്കരുത് എന്ന ലക്ഷ്യത്തോടെയാണ് കുഞ്ഞുങ്ങള്‍ക്ക് രോഗപ്രതിരോധ വാക്‌സിന്‍ നല്‍കുന്നത്. ന്യൂമോണിയ, വയറിളക്കം എന്നിവ കൂടാതെ എന്‍സഫലൈറ്റിസ് (മസ്തിഷ്‌ക ജ്വരം), അന്ധത എന്നിവയും മീസില്‍സ് ബാധിതരായ കുട്ടികളില്‍ കണ്ടുവരുന്നു. കുട്ടികളില്‍ കാറ്ററാക്ട്, ഹൃദയവൈകല്യം, ബധിരത, തലച്ചോര്‍ വലിപ്പക്കുറവ്, തുടങ്ങിയ മാരക സ്ഥിതിവിശേഷങ്ങളുണ്ടാക്കുന്ന രോഗാവസ്ഥയാണ് റൂബെല്ല. ആയിരത്തില്‍ ഒരാള്‍ എന്ന കണക്കിലാണ് സംസ്ഥാനത്ത് റൂബെല്ലാ രോഗബാധിതരായ കുട്ടികളുടെ എണ്ണം. വായുവിലൂടെ പകരുന്ന ഈ രോഗങ്ങള്‍ നിര്‍മാര്‍ജ്ജനം ചെയ്യാന്‍ പ്രതിരോധകുത്തിവയ്പ് മാത്രമേ പ്രതിവിധിയുള്ളൂവെന്നും രോഗപ്രതിരോധ കുത്തിവയ്പിനെതിരെ അസത്യപ്രചാരണം നടത്തുന്നവര്‍ ആരോഗ്യത്തോടെയിരിക്കാനുള്ള കുട്ടികളുടെ അവകാശത്തിനെതിരെയാണു പ്രവര്‍ത്തിക്കുന്നതെന്നും മന്ത്രി പറഞ്ഞു. സര്‍ക്കാര്‍ ആശുപത്രികള്‍, സാമൂഹ്യ-പ്രാഥമികാരോഗ്യ കേന്ദ്രങ്ങള്‍, അംഗന്‍വാടികള്‍, തെരഞ്ഞെടുക്കപ്പെട്ട സ്വകാര്യ ആശുപത്രികള്‍ എന്നിവയുടെ സഹകരണത്തോടെയാണ് സംസ്ഥാനത്തെ എല്ലാ സര്‍ക്കാര്‍- സ്വകാര്യ സ്‌കൂളുകളിലും വാക്‌സിനേഷന്‍ സംഘടിപ്പിക്കുന്നത്. ഡോക്ടര്‍മാരുടെയും ആരോഗ്യപ്രവര്‍ത്തകരുടെയും അംഗന്‍വാടി പ്രവര്‍ത്തകരുടെയും നേതൃത്വത്തിലായിരിക്കും വാക്‌സിനേഷന്‍. ഒമ്പതുമാസം മുതല്‍ ഹൈസ്‌കൂള്‍ വിദ്യാര്‍ത്ഥികളായവര്‍ വരെയുള്ള കുട്ടികള്‍ക്ക് വാക്‌സിന്‍ നല്‍കും. സി.ബി.എസ്.ഇ., ഐ.സി.എസ്.ഇ., സംസ്ഥാന സിലബസ് പഠിപ്പിക്കുന്ന മുഴുവന്‍ സ്‌കൂളുകളിലും ഇതിനായി പ്രത്യേക ക്യാമ്പുകള്‍ സംഘടിപ്പിക്കും. സംസ്ഥാനത്തെ എല്ലാ കുട്ടികള്‍ക്കും ഒരേസമയം രോഗപ്രതിരോധം നല്‍കാനാണ് ഒറ്റത്തവണയായി വാക്‌സിന്‍ നല്‍കുന്നത്. ലോകാരോഗ്യ സംഘടന, യൂനിസെഫ് എന്നിവയുടെ നിര്‍ദേശപ്രകാരം കേന്ദ്ര-സംസ്ഥാന സര്‍ക്കാരുകളുടെ നേതൃത്വത്തിലാണ് രോഗപ്രതിരോധ യജ്ഞം നടത്തുന്നത്. ആരോഗ്യ വകുപ്പ്, ദേശീയവകുപ്പ്, തദ്ദേശ സ്വയംഭരണം, ജില്ലാ ഭരണകൂടം തുടങ്ങിയ സര്‍ക്കാര്‍ വകുപ്പുകളും ലയണ്‍സ് ക്ലബ് ഇന്റര്‍നാഷണല്‍, ഐഎംഎ, ഇന്‍ഡ്യന്‍ അക്കാഡമി ഓഫ് പീഡിയാട്രിക്‌സ് തുടങ്ങിയ സന്നദ്ധ സംഘടനകള്‍ വാക്‌സിനേഷന്‍ പദ്ധതി നടത്തിപ്പില്‍ സഹകരിക്കും. 20,000ഓളം സ്‌കൂളുകളിലും 35,000ഓളം അംഗന്‍വാടികളിലും 1300ഓളം സര്‍ക്കാര്‍ ആശുപത്രികളിലും ആരോഗ്യകേന്ദ്രങ്ങളിലും 74,000ഓളം ക്യാംപ് സെഷനുകള്‍ സംഘടിപ്പിക്കും. ഇതിനായി ഡോക്ടര്‍മാര്‍, ജൂനിയര്‍ പബ്ലിക് ഹെല്‍ത്ത് നഴ്‌സുമാര്‍, മറ്റ് ആരോഗ്യപ്രവര്‍ത്തകര്‍, അധ്യാപകര്‍, അംഗന്‍വാടി- ആശാ പ്രവര്‍ത്തകര്‍ തുടങ്ങി ബന്ധപ്പെട്ട എല്ലാവര്‍ക്കും വിദഗ്ധ പരിശീലനം നല്‍കിക്കഴിഞ്ഞുവെന്ന് ആരോഗ്യമന്ത്രി അറിയിച്ചു. ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി രാജീവ് സദാനന്ദന്‍, ദേശീയാരോഗ്യ മിഷന്‍ സംസ്ഥാന ഡയറക്ടര്‍ കേശവേന്ദ്രകുമാര്‍, ആരോഗ്യ വകുപ്പ് ഡയറക്ടര്‍ ഡോ. ആര്‍.എല്‍. സരിത, ലോകാരോഗ്യ സംഘടനാ പ്രതിനിധികള്‍, ആരോഗ്യ വകുപ്പിലെ ഉന്നത ഉദ്യോഗസ്ഥര്‍ തുടങ്ങിയവര്‍ സെമിനാറില്‍ സംബന്ധിച്ചു. Dt.26.9.2017.
************************
2017 ഒക്ടോബറില്‍ നടക്കുന്ന പത്താംതരം തുല്യതാ പരീക്ഷയുടെ ഫീസ് പിഴയില്ലാതെ സെപ്തംബര്‍ 27 വരേയും പിഴയോടുകൂടി സെപ്തംബര്‍ 28 മുതല്‍ ഒക്ടോബര്‍ മുന്നു വരെയും സ്വീകരിക്കും. Dt.26.9.2017.
************************
വെക്കേഷണല്‍ ഹയര്‍ സെക്കന്ററി വിദ്യാഭ്യാസ വകുപ്പ് 2017 ജൂലൈയില്‍ നടത്തിയ ഒന്നാം വര്‍ഷ ഇംപ്രൂവ്‌മെന്റ് പരീക്ഷയുടെ സ്‌കോറുകള്‍ പ്രസിദ്ധീകരിച്ചു. www.results.kerala.nic.in എന്ന വെബ്‌സെറ്റില്‍ ലഭ്യമാണ്. ഉത്തരക്കടലാസ്സുകളുടെ പുനര്‍മൂല്യനിര്‍ണ്ണയവും, സൂക്ഷ്മ പരിശോധനയും നടത്തുന്നതിനുള്ള അപേക്ഷകള്‍ ഒക്ടോബര്‍ 10 നകം സംസ്ഥാനത്തെ ഏതെങ്കിലും ട്രഷറിയില്‍ നിശ്ചിത ഫീസൊടുക്കി അസല്‍ ചെലാന്‍, വെബ്‌സൈറ്റില്‍ നിന്നും ലഭിക്കുന്ന സ്‌കോര്‍ ഷീറ്റ് എന്നിവയോടൊപ്പം പോര്‍ട്ടലില്‍ നല്‍കിയിട്ടുള്ള അപേക്ഷാ ഫാറത്തിന്റെ മാതൃക പ്രിന്റ് ചെയ്ത് പൂരിപ്പിച്ച് വിദ്യാര്‍ത്ഥി പഠനം നടത്തുന്ന സ്‌കൂള്‍ പ്രിന്‍സിപ്പാളിന് സമര്‍പ്പിക്കണം. സ്‌കൂള്‍ പ്രിന്‍സിപ്പാള്‍ അപേക്ഷകള്‍ പരിശോധിച്ച് അപാകതകള്‍ ഇല്ലെന്ന് ഉറപ്പാക്കിയതിനുശേഷം വിദ്യാര്‍ത്ഥികള്‍ക്ക് കൈപ്പറ്റ് രസീത് നല്‍കുകയും ലഭിച്ച അപേക്ഷകള്‍ ഒക്ടോബര്‍ 15 നകം പോര്‍ട്ടലില്‍ അപ്‌ലോഡ് ചെയ്യുകയും വേണം. പുനര്‍മൂല്യനിര്‍ണ്ണയത്തിന് പേപ്പറെന്നിന് 500 രൂപ, സൂക്ഷ്മ പരിശോധനക്ക് 100 രൂപ എന്ന നിരക്കില്‍ '0202-01-102-93-VHSE Fees' എന്ന ശീര്‍ഷകത്തില്‍ ഒടുക്കണം. ഉത്തരക്കടലാസിന്റെ പകര്‍പ്പ് ആവശ്യമുള്ള വിദ്യാര്‍ത്ഥികള്‍ പേപ്പറൊന്നിന് 300 രൂപ പ്രകാരം ഫീസ് അടച്ച് അപേക്ഷകള്‍ പരീക്ഷാ ഓഫീസിലേക്ക് അയയ്ക്കണം. Dt.25.9.2017.
************************
സര്‍ക്കാര്‍/തദ്ദേശസ്വയംഭരണ സ്ഥാപനങ്ങളില്‍ നിന്നും മറ്റ് ആനുകൂല്യങ്ങള്‍ ലഭിക്കാത്ത ശാരീരിക വെല്ലുവിളികള്‍ നേരിടുന്ന സര്‍ക്കാര്‍/എയ്ഡഡ് സ്‌കൂള്‍/ കോളേജ് വിദ്യാര്‍ത്ഥികള്‍ക്ക് നടപ്പ് സാമ്പത്തിക വര്‍ഷം സ്‌കോളര്‍ഷിപ്പ് നല്‍കുന്നതിലേക്ക് അപേക്ഷ ക്ഷണിച്ചു. തിരുവനന്തപുരം നഗരസഭാ പരിധിയില്‍ ഉള്‍പ്പെടുന്ന അര്‍ഹരായ വിദ്യാര്‍ത്ഥികളുടെ രക്ഷകര്‍ത്താക്കള്‍ നിശ്ചിത ഫോറത്തില്‍ അപേക്ഷ തയ്യാറാക്കി വിദ്യാര്‍ത്ഥി പഠിക്കുന്ന സ്‌കൂള്‍/കോളേജ് മേധാവി മുഖേന ഒക്ടോബര്‍ 20നു മുമ്പായി സമര്‍പ്പിക്കണം. അപേക്ഷാ ഫോം ലഭിക്കുന്നതിനും വിശദവിവരങ്ങള്‍ക്കും ശിശുവികസന പദ്ധതി ഓഫീസര്‍, തിരുവനന്തപുരം (അര്‍ബന്‍ -1) സുഭാഷ് നഗര്‍, വളളക്കടവ് പി.ഒ തിരുവനന്തപുരം 695008 എന്ന വിലാസത്തില്‍ ബന്ധപ്പെടണം. ഫോണ്‍: 0471 2464059. Dt.25.9.2017.
************************
പൊതുവിദ്യാലയങ്ങളിലെ വിവിധ മേഖലകളിലെ മികവുകള്‍ അവതരിപ്പിക്കാന്‍ വേദിയൊരുക്കുന്ന ഹരിതവിദ്യാലയം വിദ്യാഭ്യാസ റിയാലിറ്റിഷോയുടെ നടപടിക്രമങ്ങള്‍ പ്രസിദ്ധീകരിച്ചു. കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ആണ് ഐ.ടി @ സ്‌കൂള്‍ വിക്ടേഴ്‌സ് ചാനലിലും ദൂരദര്‍ശനിലും സംപ്രേഷണം ചെയ്യുന്ന പരിപാടി വിദ്യാഭ്യാസ വകുപ്പിനു വേണ്ടി സംഘടിപ്പിക്കുന്നത്. 2010 ല്‍ വിജയകരമായി ഇന്ത്യയില്‍ ആദ്യമായി നടപ്പാക്കിയ വിദ്യാഭ്യാസ റിയാലിറ്റിഷോയുടെ രണ്ടാംഭാഗമാണ് നവംബര്‍ മുതല്‍ സംപ്രേഷണം ചെയ്യുന്നത്. സംസ്ഥാനത്തെ എല്ലാ സര്‍ക്കാര്‍/എയ്ഡഡ് സ്‌കൂളുകള്‍ക്കും ഷോയില്‍ പങ്കെടുക്കാം. പ്രാഥമിക പരിശോധനക്ക് ശേഷം 150 സ്‌കൂളുകള്‍ ഒന്നാം റൗണ്ടില്‍ മാറ്റുരയ്ക്കും. അപേക്ഷ പൂര്‍ണമായും ഓണ്‍ലൈന്‍ രൂപത്തിലാണ്. അപേക്ഷയോടൊപ്പം സ്‌കൂള്‍ പ്രവര്‍ത്തനം സംബന്ധിച്ച 5 മിനിറ്റ് വരെ ദൈര്‍ഘ്യമൂള്ള വീഡിയോ അല്ലെങ്കില്‍ 20 സ്ലൈഡില്‍ കവിയാത്ത പ്രസന്റേഷനോ സമര്‍പ്പിക്കണം. സ്‌കൂളുകള്‍ക്ക് മാര്‍ഗ നിര്‍ദേശങ്ങളും അപേക്ഷാഫോമും ഇന്നു മുതല്‍ www.kite.kerala.gov.in ല്‍ നിന്നും ഡൗണ്‍ലോഡ് ചെയ്യാവുന്നതാണെന്ന് കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് അറിയിച്ചു. ഇത് സ്‌കൂളിലെ ബന്ധപ്പെട്ട സമിതിയില്‍ ചര്‍ച്ച ചെയ്താവണം ഒക്ടോബര്‍ അഞ്ചിനും 16 നും ഇടയില്‍ ഓണ്‍ലൈനായി നല്‍കേണ്ടത്. മൂന്ന് ഭാഗങ്ങളായാണ് വിദ്യാലയ മികവുകള്‍ പരിശോധിക്കുക. അപേക്ഷയിലെ അക്കാദമിക മികവിന്റെ ഭാഗത്ത് അക്കാദമിക ആസുത്രണം, നടത്തിപ്പ്, ഫലപ്രാപ്തി എന്നിവയുടെ വിലയിരുത്തലുകള്‍ രേഖപ്പടുത്തണം. പ്രതിമാസ അക്കാദമിക പ്രവര്‍ത്തനങ്ങള്‍, അക്കാദമിക മോണിറ്ററിംഗ്, അധ്യാപക ശാക്തീകരണം, ഗവേഷണ പ്രവര്‍ത്തനങ്ങള്‍, വിഷയാധിഷ്ഠിത മികവുകള്‍, ക്ലാസ് പി.ടി.എ തുടങ്ങിയ 40 വിഭാഗങ്ങള്‍ രേഖപ്പെടുത്തണം. സാമൂഹിക പിന്തുണയും വിദ്യാലയ വികസനവും രണ്ടാം ഭാഗത്തിലും ഭൗതിക സൗകര്യങ്ങള്‍ മൂന്നാം ഭാഗത്തിലും നല്‍കണം. സ്‌കൂള്‍വിക്കി, ഹായ്‌സ്‌കൂള്‍ കുട്ടിക്കൂട്ടം, സമഗ്ര-സമ്പൂര്‍ണ പോര്‍ട്ടലുകളുടെ ഉപയോഗം, വിദ്യാലയ ശുചിത്വം, ജൈവ വൈവിധ്യ ഉദ്യാനം, പിന്തുണാ സംവിധാനങ്ങള്‍, വിവിധ ക്ലബ്ബുകള്‍ തുടങ്ങിയവയുടെയെല്ലാം വിലയിരുത്തല്‍ ചോദ്യാവലിയിലുണ്ട്. വിദ്യാലയങ്ങളിലെ മികച്ച മതൃകകള്‍ പങ്കുവക്കുന്നത് പൊതുവിദ്യാഭ്യാസ സംരക്ഷണ യജ്ഞ പ്രവര്‍ത്തനങ്ങള്‍ക്ക് ആക്കം കൂട്ടുമെന്ന് വിദ്യാഭ്യാസ വകുപ്പ് മന്ത്രി പ്രൊഫ, സി രവീന്ദ്രനാഥ് പറഞ്ഞു. ഹരിതവിദ്യാലയം വിദ്യാഭ്യാസ റിയാലിറ്റി ഷോയില്‍ ഒന്നാം സ്ഥാനം കിട്ടുന്ന സ്‌കൂളിന് 15 ലക്ഷം രൂപ ലഭിക്കും. രണ്ടും മൂന്നും സമ്മാനങ്ങള്‍ യഥാക്രമം 10 ലക്ഷം, 5 ലക്ഷം എന്നിങ്ങനെയാണ്. അവസാന റൗണ്ടിലെത്തുന്ന മറ്റു സ്‌കൂളുകള്‍ക്ക് 1.5 ലക്ഷം രൂപ വീതം ലഭിക്കും. ആദ്യ റൗണ്ടിലേക്ക് തിരഞ്ഞെടുക്കുന്ന സ്‌കൂളുകള്‍ക്ക് 15000 രൂപ വീതവും ലഭിക്കും. ക്യാഷ് അവാര്‍ഡുകള്‍ക്കു പുറമേ ട്രോഫിയും സര്‍ട്ടിഫിക്കറ്റുകളും സ്‌കൂളുകള്‍ക്ക് നല്‍കും. പ്രോഗ്രാമിനുള്ള സാങ്കേതിക സഹായം ലഭ്യമാക്കുന്നത് സി-ഡിറ്റ് ആണ്. പൊതു വിദ്യാഭ്യാസ സെക്രട്ടറി ഡോ. ഉഷാ ടൈറ്റസ് അധ്യക്ഷയും ഡയറക്ടര്‍മാര്‍ അംഗങ്ങളുമായ സമിതിയാണ് പരിപാടിയുടെ മേല്‍നോട്ടം വഹിക്കുക. ഒന്നാം എഡിഷന്റെ വീഡിയോകള്‍ https://www/youtube.com/harithavidyalayam1 എന്ന ലിങ്കില്‍ ലഭ്യമാണ്. Dt.25.9.2017.
************************
ആഗസ്റ്റില്‍ നടത്തിയ കെ-ടെറ്റ് പരീക്ഷയുടെ ഫലം പ്രസിദ്ധപ്പെടുത്തി. പരീക്ഷാഭവന്‍ വെബ്‌സൈറ്റില്‍ ഫലം ലഭ്യമാണ്. നാലു കാറ്റഗറികളിലായി 71,941 പേര്‍ പരീക്ഷ എഴുതിയതില്‍ 11,517 പേര്‍ കെ-ടെറ്റ് യോഗ്യതാ പരീക്ഷ വിജയിച്ചു. കാറ്റഗറി-1 ല്‍ 21006 പേര്‍ പരീക്ഷ എഴുതിയതില്‍ 2035 പേര്‍ വിജയിച്ചു. കാറ്റഗറി രണ്ടില്‍ 20539 പേര്‍ പരീക്ഷ എഴുതിയതില്‍ 7309 പേര്‍ വിജയിച്ചു. കാറ്റഗറി മൂന്നില്‍ 23442 പേര്‍ പരീക്ഷയെഴുതിയതില്‍ 1178 പേര്‍ വിജയിച്ചു. കാറ്റഗറി നാലില്‍ 6954 പേര്‍ പരീക്ഷയെഴുതിയതില്‍ 995 പേര്‍ വിജയിച്ചു. അശ്വതി.എസ്., അഞ്ജലി.കെ എന്നിവര്‍ കാറ്റഗറി ഒന്നില്‍ 75 ശതമാനത്തിനു മുകളില്‍ മാര്‍ക്ക് നേടിയും, വിനീഷ.എം.വി., ഫാത്തിമ.റ്റി, സജിത.റ്റി എന്നിവര്‍ കാറ്റഗറി രണ്ടിലും, കൃഷ്ണപ്രിയ.എസ്. കാറ്റഗറി മൂന്നിലും, സിന്ധു.എസ്. കാറ്റഗറി നാലിലും 80 ശതമാനത്തിന് മുകളില്‍ മാര്‍ക്ക് നേടിയും ക്യാഷ് അവാര്‍ഡിന് അര്‍ഹരായി. പരീക്ഷ വിജയിച്ചവര്‍ വിജ്ഞാപനത്തില്‍ പറഞ്ഞിട്ടുളള യോഗ്യതയുണ്ടെന്ന് ഉറപ്പുവരുത്താന്‍ പരിശോധനയ്ക്കായി അസല്‍ സര്‍ട്ടിഫിക്കറ്റുകളുമായി അവരവരുടെ പരീക്ഷാ കേന്ദ്രം സ്ഥതിതി ചെയ്യുന്നിടത്തെ ജില്ലാ ഓഫിസില്‍ എത്തണം. Dt.19.9.2017.
************************
കൊച്ചിയില്‍ നടക്കുന്ന ഫിഫ അണ്ടര്‍ 17 ഫുട്ബാള്‍ മത്സരങ്ങളുടെ പ്രചാരണാര്‍ത്ഥം സംഘടിപ്പിക്കുന്ന വണ്‍ മില്യണ്‍ ഗോള്‍ പദ്ധതി 27ന് വൈകിട്ട് മൂന്ന് മുതല്‍ ഏഴ് വരെ എല്ലാ സ്‌കുളുകളിലും നടത്തുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. സ്‌കൂള്‍ കുട്ടികള്‍, അധ്യാപകര്‍, അനധ്യാപകര്‍ എന്നിവര്‍ പങ്കെടുക്കും. ഇതുമായി ബന്ധപ്പെട്ട് എല്ലാ സ്‌കൂളുകളിലും ബാനറുകള്‍ പ്രദര്‍ശിപ്പിക്കുകയും ക്വിസ് മത്സരം, പോസ്റ്റര്‍ എക്‌സിബിഷന്‍, ഫുട്ബാള്‍ മത്സരം എന്നിവ സംഘടിപ്പിക്കുകയും ചെയ്യും.Dt.19.9.2017.
************************
നവംബറില്‍ നടക്കുന്ന കെ.ജി.റ്റി, ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ വിജ്ഞാപനം www.keralapareekshabhavan.in ല്‍ പ്രസിദ്ധീകരിച്ചു. കെ.ജി.റ്റി പരീക്ഷയ്ക്ക് സെപ്റ്റംബര്‍ 20 രാവിലെ 10 മുതല്‍ ഒക്ടോബര്‍ നാല് വൈകിട്ട് അഞ്ച് വരെ ഓണ്‍ലൈനായി അപേക്ഷിക്കാം. ഡി.എഡ് പരീക്ഷ നവംബര്‍ 20 മുതല്‍ ആരംഭിക്കും. പരീക്ഷാ ഫീസ് ഒക്ടോബര്‍ 13നകം അടയ്ക്കണം. Dt.19.9.2017.
************************
സെപ്തംബര്‍ 22, 23, 24 തീയതികളില്‍ നടക്കുന്ന ഒന്നാംവര്‍ഷ ഹയര്‍സെക്കന്ററി ഇംപ്രൂവ്‌മെന്റ് തുല്യതാ പരീക്ഷയുടെ ഹാള്‍ടിക്കറ്റ് പരീക്ഷാര്‍ത്ഥികള്‍ക്ക്, രജിസ്‌ട്രേഷന്‍ കേന്ദ്രങ്ങളില്‍ 18, 19, 20 തീയതികളില്‍ വിതരണം ചെയ്യും. പരീക്ഷാര്‍ത്ഥികള്‍ രജിസ്‌ട്രേഷന്‍ കേന്ദ്രങ്ങളിലെത്തി പ്രിന്‍സിപ്പാള്‍മാരില്‍ നിന്ന് ഹാള്‍ടിക്കറ്റ് വാങ്ങണം. കൊല്ലം തേവള്ളി ഗവ: മോഡല്‍ എച്ച്.എസ്സ്.എസ്സ്, ആലപ്പുഴ, കലവൂര്‍ ഗവ: എച്ച്.എസ്സ്.എസ്സ്, കടുത്തുരുത്തി സെന്റ്‌മൈക്കിള്‍സ് എച്ച്.എസ്സ്.എസ്സ് എന്നീ കേന്ദ്രങ്ങളില്‍ രജിസ്റ്റര്‍ ചെയ്ത പരീക്ഷാര്‍ത്ഥികള്‍ അതാത് ജില്ലയിലെ ഇതര പരീക്ഷാ കേന്ദ്രങ്ങളിലെത്തണം. വിശദാംശങ്ങള്‍ ഹയര്‍ സെക്കന്ററി പോര്‍ട്ടലില്‍ ലഭിക്കും. Dt.16.9.2017.
************************
ആഗസ്റ്റ് 20 ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. www.prd.gov.in, www.lbscentre.org, www.lbskerala.com എന്നിവയില്‍ ലഭ്യമാണ്. 16866 പേര്‍ പരീക്ഷ എഴുതിയതില്‍ 2147 പേര്‍ വിജയിച്ചു. 12.73 ആണ് വിജയ ശതമാനം. ലിസ്റ്റില്‍ ഉള്‍പ്പെട്ടിട്ടുള്ളവര്‍ അവരുടെ സെറ്റ് സര്‍ട്ടിഫിക്കറ്റുകള്‍ ലഭിക്കുന്നതിനുള്ള അപേക്ഷാഫോറം എല്‍.ബി.എസ് സെന്ററിന്റെ വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച് ആവശ്യമായ രേഖകളുടെ (ഗസറ്റഡ് ആഫീസര്‍ സാക്ഷ്യപ്പെടുത്തിയ) പകര്‍പ്പ് സഹിതം 40 രൂപയുടെ സ്റ്റാമ്പ് ഒട്ടിച്ച സ്വന്തം മേല്‍വിലാസം എഴുതിയ A4 വലിപ്പത്തിലുള്ള ക്ലോത്ത് ലൈന്‍ഡ് കവറില്‍ ഡയറക്ടര്‍, എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി, പാളയം, തിരുവനന്തപുരം-33 എന്ന വിലാസത്തില്‍ അയയ്ക്കണം. എസ്.എസ്.എല്‍.സി സര്‍ട്ടിഫിക്കറ്റില്‍ പേര് ഉള്‍പ്പെടുന്ന പേജ്, ബിരുദാനന്തര ബിരുദ സര്‍ട്ടിഫിക്കറ്റ് (പ്രൊവിഷണല്‍/ഒറിജിനല്‍), മാര്‍ക്ക് ലിസ്റ്റ്, ബി.എഡ് സര്‍ട്ടിഫിക്കറ്റ് (പ്രൊവിഷണല്‍/ഒറിജിനല്‍), അംഗീകാര തുല്യത സര്‍ട്ടിഫിക്കറ്റുകള്‍ (കേരളത്തിനു പുറത്തുള്ള ബിരുദാനന്തര ബിരുദവും ബി.എഡും), പ്രൊസ്‌പെക്ടസിലെ ഖണ്ഡിക 2.2-ല്‍ പറഞ്ഞിട്ടില്ലാത്ത വിഷയങ്ങളില്‍ ബിരുദാനന്തര ബിരുദം നേടിയവര്‍ തങ്ങളുടെ വിഷയങ്ങളുടെ തുല്യതാ സര്‍ട്ടിഫിക്കറ്റ് എന്നിവയുടെ സാക്ഷ്യപ്പെടുത്തിയ പകര്‍പ്പുകളാണ് അയയ്‌ക്കേണ്ടത്. എസ്.സി/എസ്.ടി/ഒ.ബി.സി (നോണ്‍ ക്രിമീലെയര്‍) വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ ജാതി/നോണ്‍ ക്രീമീലെയര്‍ സര്‍ട്ടിഫിക്കറ്റ് (നോണ്‍ ക്രീമീലെയര്‍ സര്‍ട്ടിഫിക്കറ്റുകള്‍ 2016 ജൂണ്‍ 20 മുതല്‍ 2017 ജൂലൈ 12 വരെയുള്ള കാലയളവില്‍ ലഭിച്ചതായിരിക്കണം). PH/VH വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ വൈകല്യം തെളിയിക്കുന്ന ബന്ധപ്പെട്ട രേഖകള്‍ നല്‍കണം. (മുമ്പ് ഹാജരാക്കിയവര്‍ക്ക് ബാധകമല്ല). സര്‍ട്ടിഫിക്കറ്റുകള്‍ ഡിസംബര്‍ മുതല്‍ വിതരണം ചെയ്യും. പ്രൊവിഷണല്‍ സര്‍ട്ടിഫിക്കറ്റ് ആവശ്യമുള്ളവര്‍ പ്രത്യേകം അപേക്ഷിക്കണം. കൂടുതല്‍ വിവരങ്ങള്‍ക്ക് 0471 2560311, 312, 313. Dt.16.9.2017.
************************
സെറ്റ് ജൂലൈ 2017-ന്റെ ഫലം ഇന്ന് (സെപ്തംബര്‍ 16) പ്രസിദ്ധീകരിക്കും. prd.kerala.gov.in, www.lbscentre.org, www.lbskerala.com എന്നീ വെബ്‌സൈറ്റുകളിലും ഫലം ലഭിക്കും. Dt.15.9.2017.
************************
എറണാകുളം റീജിയണല്‍ പ്രൊഫഷണല്‍ ആന്റ് എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്ത 1997 ജനുവരി ഒന്നു മുതല്‍ 2017 ജൂലൈ 31 വരെ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ കഴിയാതിരുന്നവര്‍ക്കും, സീനിയോറിറ്റി നഷ്ടപ്പെട്ട് റീ-രജിസ്റ്റര്‍ ചെയ്തവര്‍ക്കും എംപ്ലോയ്‌മെന്റ് എക്‌സ്‌ചേഞ്ച് മുഖേനയോ അല്ലാതെ നേരിട്ടോ ജോലി ലഭിച്ച് പിരിഞ്ഞതിന് ശേഷം യഥാസമയം വിടുതല്‍ സര്‍ട്ടിഫിക്കറ്റ് ചേര്‍ക്കാതെ സീനിയോറിറ്റി നഷ്ടപ്പെട്ടവര്‍ക്കും സീനിയോറിറ്റി പുന:സ്ഥാപിക്കാന്‍ അവസരം. ആരോഗ്യ കാരണത്താലും, ഉപരി പഠനത്തിന് പോകേണ്ടിവന്നതിനാലും എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് ജോലി പൂര്‍ത്തിയാക്കാനാവാതെ വിടുതല്‍ ചെയ്ത് / രാജി വച്ചവര്‍ക്കും എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലിക്ക് നിയമനം ലഭിച്ചിട്ടും വിവിധ കാരണങ്ങളാല്‍ ജോലിയില്‍ പ്രവേശിക്കാതെ നിയമനാധികാരിയില്‍ നിന്നും നോണ്‍ ജോയിനിംഗ് ഡ്യൂട്ടി സര്‍ട്ടിഫിക്കറ്റ് യഥാസമയം ഹാജരാക്കത്തതിനാല്‍ സീനിയോറിറ്റി നഷ്ടമായവര്‍ക്കും അവരുടെ അസ്സല്‍ രജിസ്‌ട്രേഷന്‍ സീനിയോറിറ്റി പുന:സ്ഥാപിക്കാന്‍ സര്‍ക്കാര്‍ ഉത്തരവായിട്ടുണ്ട്. ശിക്ഷണ നടപടിയുടെ ഭാഗമായോ, ലഭിച്ച ജോലിയില്‍ മനപൂര്‍വ്വം ഹാജരാകാതിരുന്നതിന്റെ പേരിലോ രജിസ്‌ട്രേഷന്‍ റദ്ദാക്കപ്പെട്ടവര്‍ക്ക് ഈ ഉത്തരവിന്റെ ആനുകൂല്യം ലഭിക്കില്ല. സീനിയോറിറ്റി പുനസ്ഥാപിക്കാന്‍ അര്‍ഹതയുള്ള ഉദ്യോഗാര്‍ത്ഥികള്‍ക്ക് www.employment.kerala.gov.in ന്റെ ഹോം പേജില്‍ നല്‍കിയിട്ടുള്ള സ്‌പെഷ്യല്‍ റിന്യൂവല്‍ ഓപ്ഷന്‍ വഴി പ്രത്യേക പുതുക്കല്‍ നടത്താം. സെപ്തംബര്‍ രണ്ട് മുതല്‍ ഒക്ടോബര്‍ 31 വരെയുള്ള പ്രവൃത്തി ദിവസം രജിസ്‌ട്രേഷന്‍ കാര്‍ഡും എല്ലാ അസ്സല്‍ സര്‍ട്ടിഫിക്കറ്റുകളുമായി നേരിട്ടോ /ദൂതന്‍ മുഖേനയോ അപേക്ഷ സമര്‍പ്പിച്ച് പുതുക്കല്‍ നടത്താം. ഉത്തരവ് പ്രകാരം സീനിയോറിറ്റി പുനസ്ഥാപിക്കപ്പെട്ടവര്‍ക്ക് രജിസ്‌ട്രേഷന്‍ നിലവിലില്ലാതിരുന്ന കാലത്തെ തൊഴില്‍ രഹിത വേതനത്തിന് അര്‍ഹത ഉണ്ടായിരിക്കില്ല. എറണാകുളം മേഖല പ്രൊഫഷണല്‍ & എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ ഈ ഓഫീസില്‍ തന്നെ അപേക്ഷ സമര്‍പ്പിക്കണം. ഒക്ടോബര്‍ 31 ന് ശേഷം ലഭിക്കുന്ന അപേക്ഷകള്‍ പരിഗണിക്കില്ല. Dt.15.9.2017.
************************
എസ്.സി.ഇ.ആര്‍.ടി യുടെ നേതൃത്വത്തില്‍ സെപ്തംബര്‍ 19 മുതല്‍ 21 വരെ ആറ് വയസ്സുവരെയുള്ള കുട്ടികളുടെ വിദ്യാഭ്യാസവും പരിചരണവും എന്ന വിഷയത്തില്‍ ദേശീയ ശില്‍പശാല സംഘടിപ്പിക്കും. മുഖ്യമന്ത്രി പിണറായി വിജയന്‍ 19 ന് രാവിലെ 9.30 ന് പൂജപ്പുര എസ്.സി.ഇ.ആര്‍.ടി യില്‍ ഉദ്ഘാടനം നിര്‍വഹിക്കും. വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് അധ്യക്ഷത വഹിക്കുന്ന ചടങ്ങില്‍ ആരോഗ്യ സാമൂഹ്യനീതി വകുപ്പ് മന്ത്രി കെ.കെ.ഷൈലജ ടീച്ചര്‍ മുഖ്യ പ്രഭാഷണം നടത്തും. Dt.15.9.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന അര്‍ഹരായ ഒ.ബി.സി വിഭാഗം വിദ്യാര്‍ത്ഥികളുടെ 2017-18 വര്‍ഷത്തെ പ്രീമെട്രിക് സ്‌കോളര്‍ഷിപ്പ് ആധാറുമായി ബന്ധിപ്പിച്ച ബാങ്ക് അക്കൗണ്ടുകളിലേക്കാവും വിതരണം ചെയ്യുകയെന്ന് പിന്നാക്ക വിഭാഗ വികസന വകുപ്പ് ഡയറക്ടര്‍ അറിയിച്ചു. ആധാര്‍ രജിസ്‌ട്രേഷന്‍ നടത്തിയിട്ടില്ലാത്ത വിദ്യാര്‍ത്ഥികള്‍ രജിസ്‌ട്രേഷന്‍ നടത്തുന്നതിനും ആധാര്‍ ലഭ്യമായവര്‍ ആയത് ബാങ്ക് അക്കൗണ്ടുകളുമായി ബന്ധിപ്പിക്കുന്നതിനും വേണ്ട നടപടി സ്വീകരിക്കണം. Dt.14.9.2017.
************************
ഓക്ടോബര്‍ 8ന് ആരംഭിക്കുന്ന രണ്ടാംവര്‍ഷ ഹയര്‍സെക്കന്ററി തുല്യതാ പരീക്ഷയ്ക്ക് ഫൈനോടുകൂടി ഫീസടക്കുന്നതിനുള്ള തീയതി സെപ്തംബര്‍ 15 വരെ ദീര്‍ഘിപ്പിച്ചു.Dt.11.9.2017.
************************
സ്‌കോള കേരള മുഖാന്തിരം ഹയര്‍സെക്കണ്ടറി ഓപ്പണ്‍ റഗുലര്‍ കോഴ്‌സിന് 2017 -19 ബാച്ചില്‍ രജിസ്‌ട്രേഷന്‍ നേടിയ ഒന്നാം വര്‍ഷ വിദ്യാര്‍ത്ഥികളുടെ തിരിച്ചറിയല്‍ കാര്‍ഡ് സെപ്റ്റംബര്‍ 11 മുതല്‍ www.scolekerala.org സൈറ്റില്‍ നിന്നും പ്രിന്റ് എടുക്കാം. രജിസ്‌ട്രേഷന്‍ സമയത്ത് ലഭിച്ച യൂസര്‍ നെയിം, പാസ് വേഡ് ഉപയോഗിച്ചാണ് ഡൗണ്‍ലോഡ് ചെയ്യേണ്ടത്. തിരിച്ചറിയല്‍ കാര്‍ഡ് അതത് പഠനകേന്ദ്രം പ്രിന്‍സിപ്പാള്‍/കോഡിനേറ്റിംഗ് ടീച്ചര്‍ മുമ്പാകെ സമര്‍പ്പിച്ച് മേലൊപ്പ് വാങ്ങി സെപ്തംബര്‍ 17ന് ആരംഭിക്കുന്ന സമ്പര്‍ക്ക ക്ലാസുകളില്‍ പങ്കെടുക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.11.9.2017.
************************
2017 ജൂണില്‍ നടന്ന രണ്ടാം വര്‍ഷ ഹയര്‍സെക്കന്ററി സേ/ഇംപ്രൂവ്‌മെന്റ് പരീക്ഷയുടെ പുനര്‍മൂല്യ നിര്‍ണ്ണയം, സൂക്ഷ്മപരിശോധന ഫലം പ്രസിദ്ധീകരിച്ചു. ഫലം (www.dhsekerala.gov.in) ല്‍ ലഭ്യമാണ്. Dt.8.9.2017.
************************
തിരുവനന്തപുരം ജില്ലയിലെ സര്‍ക്കാര്‍ എയിഡഡ് ഹൈസ്‌കൂളുകളിലെ എട്ട്, ഒന്‍പത് ക്ലാസുകളിലെ ഹായ് സ്‌കൂള്‍ കുട്ടിക്കൂട്ടം അംഗങ്ങളെ ഉള്‍പ്പെടുത്തി നടത്തുന്ന ഇ@ ഉത്സവ് ദിദ്വന ക്യാമ്പിന്റെ ഒന്നാംഘട്ടം പൂര്‍ത്തിയായി. കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ആണ് അനിമേഷന്‍, ഇലക്ട്രോണിക്‌സ്, ഹാര്‍ഡ്‌വെയര്‍, സൈബര്‍ സുരക്ഷ, മലയാളം കമ്പ്യൂട്ടിംഗ് എന്നിങ്ങനെ അഞ്ച് മേഖലകളില്‍ വിദഗ്ധ പരിശീലനം ഉള്‍പ്പെടുന്ന ഇ@ഉത്സവ് ക്യാമ്പ് സംഘടിപ്പിക്കുന്നത്. ജില്ലയില്‍ 67 കേന്ദ്രങ്ങളില്‍ 142 റിസോഴ്‌സ് പേഴ്‌സന്‍മാരെ ഉപയോഗിച്ചാണ് ഇ@ഉത്സവ് നടത്തുന്നത്. അദ്യ ബാച്ചില്‍ 2,130 കുട്ടികള്‍ പങ്കെടുത്തു. ഇന്നും (ആഗസ്റ്റ് 9) നാളെയുമായി അടുത്ത ബാച്ചിന്റെ പരിശീലനം നടക്കും. സ്‌കൂളുകളില്‍ വിന്യസിച്ചിട്ടുളള ഇലക്‌ട്രോണിക്‌സ് കിറ്റുകളിലെ ബ്രിക്കുകള്‍ ഉപയോഗിച്ചുളള അഡ്വാന്‍സ്ഡ് സര്‍ക്യൂട്ട് നിര്‍മ്മാണം, കുഞ്ഞന്‍ കമ്പ്യൂട്ടറായ റാസ്പറിപൈ ഉപയോഗം, വിഷ്വല്‍ പ്രോഗ്രാമിംഗ് സോഫ്റ്റ്‌വെയറായ സ്‌ക്രാച്ചുപയോഗിച്ച് എഡ്യൂടൈന്റ്‌മെന്റ് സോഫ്റ്റ്‌വെയറുകളുടെ വികസനം തുടങ്ങിയവ ഇലക്ട്രോണിക്‌സ് വിഭാഗം ക്യാമ്പില്‍ ഉള്‍പ്പെടുത്തിയിട്ടുണ്ട്. ഗൂഗിള്‍ ഇന്ത്യയുടെ 2017 ലെ കോഡ് ടു ലേന്‍ മത്സരത്തില്‍ പങ്കെടുക്കാനും കുട്ടികള്‍ക്ക് അവസരം ലഭിക്കും. സ്വന്തമായി കഥ കണ്ടെത്തി ലഘു അനിമേഷന്‍ സിനിമ തയ്യാറാക്കലും വിവിധ ഗ്രാഫിക്‌സ് സോഫ്ട്‌വെയര്‍ ഉപയോഗിച്ചുളള ഉളളടക്കം വികസിപ്പിക്കലുമാണ് അനിമേഷന്‍ വിഭാഗത്തിന്റെ പ്രവര്‍ത്തനങ്ങള്‍. സ്‌കൂള്‍ വിക്കി പുതുക്കല്‍, സ്‌കൂള്‍ ന്യൂസ് ഡെസ്‌ക് രൂപീകരിച്ച് വാര്‍ത്തകള്‍ തയ്യാറാക്കി ഓണ്‍ലൈനില്‍ പ്രസിദ്ധീകരിക്കല്‍, ഇന്റര്‍നെറ്റ് മര്യാദകള്‍, സൈബര്‍ സുരക്ഷയും സ്വകാര്യതയും ഉറപ്പാക്കുന്ന സംവിധാനങ്ങള്‍ തുടങ്ങിയവയില്‍ മലയാളം കമ്പ്യൂട്ടിംഗ് സൈബര്‍ സുരക്ഷാ മേഖലയിലെ ക്യാമ്പുകളിലെ കുട്ടികള്‍ക്ക് വിദഗ്ധ പരിശീലനം ലഭിക്കും. ക്ലാസ്മുറികളില്‍ ഐ.ടി ഉപകരണങ്ങള്‍ പ്രവര്‍ത്തിപ്പിക്കാനും പരിപാലിക്കാനും സോഫ്ട്‌വെയര്‍ ഇന്‍സ്റ്റലേഷന്‍, കണക്ടിവിറ്റി പ്രശ്‌നങ്ങള്‍ വരെ ഹാര്‍ഡ്‌വെയര്‍ വിഭാഗത്തിലെ കുട്ടികള്‍ പഠിക്കും. പരിശീലനത്തില്‍ പങ്കെടുക്കുന്ന കുട്ടികള്‍ക്ക് സര്‍ട്ടിഫിക്കറ്റ് നല്‍കും. Dt.8.9.2017.
************************
സംസ്ഥാന സര്‍ക്കാര്‍ ജീവനക്കാരുടെയും ഓള്‍ ഇന്ത്യ സര്‍വീസ് ഓഫീസര്‍മാരുടെയും 2016-17 വര്‍ഷത്തെ ജി.പി.എഫ് വാര്‍ഷിക കണക്ക് വിവരം ഔദ്യോഗിക വെബ്‌സൈറ്റായ www.agker.cag.gov.in ല്‍ 11 ന് പ്രസിദ്ധീകരിക്കും. പിന്‍ നമ്പര്‍ ഉപയോഗിച്ച് കണക്ക് വിവരം അറിയാനാവും. വിശദവിവരങ്ങള്‍ക്ക് 0471-277660. Dt.7.9.2017.
************************
സംസ്ഥാനത്തെ സര്‍ക്കാര്‍ സ്‌കൂളുകളില്‍ പി.ടി.എ.യുടെ നേതൃത്വത്തില്‍ പ്രവര്‍ത്തിച്ചുവരുന്ന പ്രീ-പ്രൈമറികളിലെ അധ്യാപികമാര്‍ക്കും ആയമാര്‍ക്കും അവധി അനുവദിച്ച് സര്‍ക്കാര്‍ ഉത്തരവായി. ഒരു വര്‍ഷം പരമാവധി 15 ദിവസം ആകസ്മികാവധിയും, ഓണറേറിയത്തോടു കൂടി 6 മാസം പ്രസവാവധിയും, കൂടാതെ കാന്‍സര്‍ പോലുള്ള മാരകരോഗങ്ങള്‍ ബാധിച്ചവര്‍ക്ക് സ്‌പെഷ്യല്‍ കാഷ്വല്‍ ലീവിന്റെ വ്യവസ്ഥകള്‍ക്കനുസൃതമായ അവധിയുമാണ് അനുവദിച്ചത്. നിശ്ചിത ചട്ടങ്ങളുടെ അഭാവത്തില്‍ ഈ വിഭാഗം ജീവനക്കാര്‍ക്ക് യാതൊരു അവധിയും അനുവദിച്ചിരുന്നില്ല. ഇതിന് പരിഹാരം കാണുന്നതിന് വിദ്യാഭ്യാസമന്ത്രി പ്രൊഫ.സി. രവീന്ദ്രനാഥിന്റെ പ്രത്യേക നിര്‍ദ്ദേശത്തെ തുടര്‍ന്നാണ് പ്രീ-പ്രൈമറി അദ്ധ്യാപികമാര്‍ക്കും ആയമാര്‍ക്കും അവധി അനുവദിച്ച് ഉത്തരവ് പുറപ്പെടുവിച്ചത്. Dt.7.9.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ സ്‌പെഷ്യലിസ്റ്റ് അധ്യാപക-വിദ്യാര്‍ത്ഥി അനുപാതം 1 : 300 ആയി പുനഃക്രമീകരിച്ച് ഉത്തരവായി. ദീര്‍ഘകാലമായി നിലവിലുണ്ടായിരുന്ന 1 : 500 അനുപാതം അനുസരിച്ച് സംരക്ഷണത്തിന് അര്‍ഹതയുള്ള സ്‌പെഷ്യലിസ്റ്റ് അദ്ധ്യാപകര്‍ തസ്തിക നഷ്ടംമൂലം പുറത്താകുന്ന സാഹചര്യം ഉണ്ടായി. ഈ അനുപാതം പുനഃക്രമീകരിക്കണമെന്ന ദീര്‍ഘകാലത്തെ ആവശ്യമാണ് സര്‍ക്കാര്‍ അംഗീകരിച്ചത്. അനുപാതം കുറക്കുന്നതിലൂടെ സ്‌കൂളുകള്‍ അധിക തസ്തികകള്‍ സൃഷ്ടിക്കരുതെന്ന് ഉത്തരവില്‍ പ്രത്യേകം വ്യക്തമാക്കിയിട്ടുണ്ട്. Dt.7.9.2017.
************************
സ്‌കോള്‍ കേരള മുഖേന നടത്തുന്ന പി.എസ്.സി അംഗീകാരമുളള ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഡി.സി.എ) കോഴ്‌സ് പുതുതായി പഠന കേന്ദ്രം ആരംഭിക്കാന്‍ താത്പര്യമുളള സംസ്ഥാനത്തെ സര്‍ക്കാര്‍/എയ്ഡഡ്, ഹയര്‍സെക്കണ്ടറി/വൊക്കേഷണല്‍ ഹയര്‍സെക്കണ്ടറി സ്‌കൂള്‍ പ്രിന്‍സിപ്പാള്‍മാരില്‍ നിന്നും അപേക്ഷ സ്വീകരിക്കുന്ന തീയതി 16 വരെ നീട്ടി. അപേക്ഷാ ഫോറവും മാര്‍ഗനിര്‍ദേശങ്ങളും www.scolekerala.org യില്‍ പ്രസിദ്ധീകരിച്ചിട്ടുണ്ട്. അപേക്ഷകള്‍ നിശ്ചിത തീയതിക്ക് മുമ്പ് സ്‌കോള്‍ കേരള സംസ്ഥാന കാര്യാലയത്തില്‍ നേരിട്ടോ/ രജിസ്റ്റേഡ് തപാല്‍ മുഖേനയോ സമര്‍പ്പിക്കണം. Dt.7.9.2017.
************************
സര്‍ക്കാര്‍/എയ്ഡഡ് മേഖലയിലെ അന്ധ-ബധിര വിദ്യാലയങ്ങളിലെ അദ്ധ്യാപകരെ സംരക്ഷിക്കുന്നതിനായി അദ്ധ്യാപക-വിദ്യാര്‍ത്ഥി അനുപാതം പുനഃക്രമീകരിച്ചു ഉത്തരവായി. നിലവിലുള്ള അനുപാതം 1:5, 2:15, 3:25 എന്നിങ്ങനെയായിരുന്നു. ഇത് നിലവിലുള്ള അദ്ധ്യാപകരെ സംരക്ഷിക്കുന്നതിനായി മാത്രം 5 വിദ്യാര്‍ത്ഥികള്‍ വരെ ഒരു അദ്ധ്യാപകന്‍, 6 മുതല്‍ 10 വരെ വിദ്യാര്‍ത്ഥികള്‍ക്ക് 2 അദ്ധ്യാപകര്‍, 11 മുതല്‍ 15 വരെ വിദ്യാര്‍ത്ഥികള്‍ക്ക് 3 അദ്ധ്യാപകര്‍ എന്ന നിലയ്ക്കാണ് പുതുക്കി നിശ്ചയിച്ചിട്ടുള്ളത്. ഇപ്രകാരം അനുപാതം കുറക്കുന്നതുകൊണ്ട് പുതിയ ഡിവിഷന്‍ അനുവദിക്കുവാനോ അദ്ധ്യാപക തസ്തിക സൃഷ്ടിക്കുവാനോ പാടുള്ളതല്ല. പുതുതായി നിയമനം ലഭിക്കുന്നവര്‍ക്ക് 1:5, 2:15, 3:25 എന്ന അദ്ധ്യാപക-വിദ്യാര്‍ത്ഥി അനുപാതത്തില്‍ മാത്രമേ അംഗീകാരം നല്കുകയുള്ളു Dt.31.8.2017.
************************
നാഷണല്‍ ടാലന്റ് സെര്‍ച്ച് എക്‌സാമിനേഷന്‍ (എന്‍.റ്റി.എസ്), നാഷണല്‍ മീന്‍സ് കം മെരിറ്റ് സ്‌കോളര്‍ഷിപ്പ് (എന്‍.എം.എ.എസ്) പരീക്ഷകള്‍ക്ക് ഓണ്‍ലൈനായി സെപ്റ്റംബര്‍15 വരെ അപേക്ഷിക്കാം. വിശദാംശങ്ങള്‍ www.scert.kerala.gov.in ല്‍ ലഭ്യമാണ് Dt.31.8.2017.
************************
തിരുവനന്തപുരം, കൊല്ലം, തൃശൂര്‍, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്‍, കാസര്‍ഗോഡ് ജില്ലകളിലെ അടിസ്ഥാന സൗകര്യമുള്ള സര്‍ക്കാര്‍/എയ്ഡഡ് സ്‌കൂളുകളില്‍ 10 ശതമാനം സീറ്റ് വര്‍ധന അനുവിദിക്കാനും വടക്കാഞ്ചേരി, കുഴല്‍മന്ദം (പെരിങ്ങോട്ടുകുറിശ്ശി), കുളത്തൂപ്പുഴ മോഡല്‍ റസിഡന്‍ഷ്യല്‍ സ്‌കൂളുകളില്‍ ഹയര്‍ സെക്കണ്ടറി കോഴ്‌സുകള്‍ ആരംഭിക്കാനും സര്‍ക്കാര്‍ അനുമതിയായി.Dt.31.8.2017.
************************
തിരുവോണ ദിനത്തില്‍ ഐ.ടി. @ സ്‌കൂള്‍ വിക്ടേഴ്‌സ് ചാനലില്‍ പത്ത് പുതിയ പരിപാടികള്‍ സംപ്രേഷണം ചെയ്യും. ഉത്രാട ദിനത്തില്‍ രാവിലെ ആറിന് 'തിരുവോണപ്പെരുമയും' ഒമ്പതിന് 'ഫോക് ഫെസ്റ്റും' 10.30 ന് 'മാവേലി വാണിടും കാലവും' ഉച്ചയ്ക്ക് പന്ത്രണ്ടിന് 2016ലെ സാഹിത്യത്തിനുള്ള നൊബേല്‍ സമ്മാന ജേതാവും പരമ്പരാഗത ഗാന ചരിത്രത്തില്‍ നവീന ആശയ പ്രകാശനങ്ങള്‍ സൃഷ്ടിച്ച ബോബ് ഡിലനെക്കുറിച്ച് പ്രതിപാദിക്കുന്ന പരിപാടിയായ 'നൊബേല്‍ ലൊറേറ്റ്‌സും' വൈകുന്നേരം നാലിന് 'ഓണവില്ലും' ഏഴിന് ഓണപ്പാട്ടുകളും സംപ്രേഷണം ചെയ്യും. തിരുവോണ ദിനത്തില്‍ രാവിലെ 6.30 ന് 'പാഠങ്ങള്‍ പടവുകളില്‍' പുതുവര്‍ഷവും ഏഴിന് 'ബാലസൂര്യനും' എട്ടിന് 'എന്റെ എഴുത്തുകാരും' ഒമ്പതിന് സംഗീതജ്ഞ ഡോ. കെ.ഓമനക്കുട്ടി, മുന്‍ ബാലഭവന്‍ പ്രിന്‍സിപ്പലും തിരുവനന്തപുരം ചെഷയര്‍ഹോം സെക്രട്ടറിയുമായ വിമലാ മേനോന്‍, കഥാകാരിയും ചിത്രകാരിയുമായ പത്മജാ രാധാകൃഷ്ണന്‍ എന്നിവരോടൊപ്പം ഓണത്തിന്റെ നല്ല അനുഭവങ്ങള്‍ പങ്കുവയ്ക്കുന്ന 'ഓണനിലാവും' ഉണ്ടാകും. പതിനൊന്നിന് പ്രശസ്ത കവി കമുരുകന്‍ കാട്ടാക്കട പങ്കെടുക്കുന്ന 'ലുക്കിങ്ങ് അറ്റ് ദി മീഡിയയും' ഉച്ചയ്ക്ക് ഒന്നിന് ഓണമുറ്റത്തും വൈകുന്നേരം നാലരയ്ക്ക് പൊതുവിദ്യാഭ്യാസ ഡയറക്ടര്‍ കെ.വി. മോഹന്‍ കുമാര്‍ പങ്കെടുക്കുന്ന 'കുട്ടിച്ചോദ്യവും രാത്രി 8.30 ന് സൂര്യ സ്റ്റേജ് ഫിലിം സൊസൈറ്റിയുടെ സ്ഥാപകനും നാട്യകലാരൂപങ്ങളുടെ പ്രചാരകനുമായ സൂര്യ കൃഷ്ണമൂര്‍ത്തി ഓണ വിശേഷങ്ങള്‍ പങ്കുവെയ്ക്കുന്ന 'കുട്ടികളോടൊപ്പ'വും സംപ്രേഷണം ചെയ്യും. അവിട്ട ദിനത്തില്‍ രാവിലെ 6.05. ന് നാടന്‍ പാട്ടുകളും 7.30 ന് 'ഓണക്കളിയാട്ടും' വൈകുന്നരം നാലരയ്ക്ക് 'പൊട്ടനാട്ടവും' രാത്രി പത്തിന് 'പടയണിക്കാലവും' ചതയ ദിനത്തില്‍ രാവിലെ 6.05 ന് 'ശ്രീനാരായണഗുരു' ഡോക്യുമെന്ററിയും സംപ്രേഷണം ചെയ്യും.Dt.31.8.2017.
************************
മൂന്നാം കേരള ബറ്റാലിയന്‍ എന്‍.സി.സി.യുടെ കീഴില്‍ ഏതാനും സീറ്റുകളിലേക്ക് (സീനിയര്‍ ഡിവിഷന്‍ വിംഗ്) ഓപ്പണ്‍ ക്വാട്ട എന്റോള്‍മെന്റ് സെപ്തംബര്‍ രണ്ടിന് രാവിലെ 9.30 ന് സെന്റ് ജോസഫ് ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ നടക്കും. സര്‍ക്കാര്‍/എയ്ഡഡ് വിദ്യാലയങ്ങളിലെ ബി സര്‍ട്ടിഫിക്കറ്റ് ഉള്ളവര്‍ക്കും റിപ്പബ്ലിക് ദിന പരേഡില്‍ ടി.എസ്.സി പങ്കെടുത്തവര്‍ക്കും മുന്‍ഗണന. വിദ്യാലയ മേലധികാരിയുടെ സമ്മതപത്രം, പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന അസല്‍ പകര്‍പ്പ്, ആധാറിന്റെ പകര്‍പ്പ്, ബാങ്ക് അക്കൗണ്ട് വിവരങ്ങള്‍ എന്നിവയുമായി നേരിട്ടെത്തണം. Dt.31.8.2017.
************************
2017 - 18 വര്‍ഷത്തെ ന്യൂനപക്ഷ പ്രീമെട്രിക് സ്‌കോളര്‍ഷിപ്പിന് (പുതിയത്/പുതുക്കല്‍) അപേക്ഷ സമര്‍പ്പിക്കുന്നതിനുള്ള അവസാന തീയതി സെപ്തംബര്‍ 30 വരെ ദീര്‍ഘിപ്പിച്ചു. പുതുക്കല്‍ അപേക്ഷകളുടെ സൂക്ഷ്മ പരിശോധന ഒക്ടോബര്‍ പത്തിനകം പ്രഥമാധ്യാപകര്‍ പൂര്‍ത്തിയാക്കണം. സൂക്ഷ്മ പരിശോധന സംബന്ധിച്ച മാര്‍ഗനിര്‍ദ്ദേശങ്ങള്‍ പൊതുവിദ്യാഭ്യാസ വകുപ്പിന്റെയും ഐ.ടി @ സ്‌കൂളിന്റെയും വെബ്‌സൈറ്റില്‍ ലഭ്യമാണ്.Dt.31.8.2017.
************************
കേരള സര്‍വ്വീസ് റൂള്‍സ് ഭാഗം III സമഗ്രമായി പരിഷ്‌കരിക്കുന്നതിന്റെ ഭാഗമായി രൂപികരിച്ച കമ്മിറ്റി പൊതുവായ നിര്‍ദ്ദേശങ്ങള്‍ സ്വീകരിക്കുന്നു. ഈ വിഷയത്തിലുള്ള നിര്‍ദ്ദേശങ്ങള്‍ സെപ്തംബര്‍ 15 ന് മുന്‍പ് കണ്‍വീനര്‍, പെന്‍ഷന്‍ റൂള്‍സ് റിവിഷന്‍ കമ്മിറ്റി, ഗവണ്‍മെന്റ് സെക്രട്ടേറിയറ്റ് ധനകാര്യ വകുപ്പ്, തിരുവനന്തപുരം - 695001 prrcfinance@gmail.com എന്ന വിലാസത്തില്‍ അറിയിക്കണം.Dt.30.8.2017.
************************
ആഗസ്റ്റ് 12, 19 തീയതികളില്‍ നടന്ന കെ.ടെറ്റ് കാറ്റഗറി ഒന്ന്, രണ്ട്, മൂന്ന്, നാല് പരീക്ഷകളുടെ ഉത്തരസൂചികകള്‍ പരീക്ഷാഭവന്റെ വെബ്‌സൈറ്റില്‍ പ്രസിദ്ധീകരിച്ചു. ഉത്തരസൂചികകള്‍ സംബന്ധിച്ച് പരീക്ഷാര്‍ത്ഥികള്‍ക്ക് പരാതികളുണ്ടെങ്കില്‍ രേഖകള്‍ സഹിതം സെപ്തംബര്‍ 10 നകം നേരിട്ടോ തപാല്‍ മാര്‍ഗ്ഗമോ പരീക്ഷാ സെക്രട്ടറി, പരീക്ഷാഭവന്‍, പൂജപ്പുര, തിരുവനന്തപുരം - 12 എന്ന വിലാസത്തില്‍ നല്‍കണം.Dt.30.8.2017.
************************
2016-17 വര്‍ഷത്തെ സംസ്ഥാന സ്‌കൂള്‍ പി.ടി.എ അവാര്‍ഡുകള്‍ പ്രഖ്യാപിച്ചു. സെക്കന്ററി വിഭാഗം : ഒന്നാം സ്ഥാനം : ഗവ. ഹയര്‍സെക്കന്ററി സ്‌കൂള്‍, മൂലങ്കാവ്, സുല്‍ത്താന്‍ ബത്തേരി, വയനാട്, രണ്ടാം സ്ഥാനം : എം.ഐ. ഹൈസ്‌കൂള്‍, പൂങ്കാവ്, ആലപ്പുഴ, മൂന്നാം സ്ഥാനം : ഗവ.വൊക്കേഷണല്‍ ഹയര്‍സെക്കന്ററി സ്‌കൂള്‍, കീഴുപറമ്പ, മലപ്പുറം, നാലാം സ്ഥാനം : ഗവ. ഹയര്‍സെക്കന്ററി സ്‌കൂള്‍ കോറോം, തളിപ്പറമ്പ, കണ്ണൂര്‍, അഞ്ചാം സ്ഥാനം : ഗവ. ഹയര്‍സെക്കന്ററി സ്‌കൂള്‍, ബ്ലാന്തോട്, കാസര്‍ഗോഡ്. പ്രൈമറി വിഭാഗം : ഒന്നാം സ്ഥാനം : ഗവ. എല്‍.പി. സ്‌കൂള്‍, പല്ലാവൂര്‍, പാലക്കാട്, രണ്ടാം സ്ഥാനം : ജി.എം.യു.പി. സ്‌കൂള്‍, ഒഴുക്കൂര്‍, മലപ്പുറം, മൂന്നാം സ്ഥാനം : ഗവ. എല്‍.പി. സ്‌കൂള്‍,ചെറിയകുമ്പളം, കോഴിക്കോട്, നാലാം സ്ഥാനം : ഗവ. യു.പി. സ്‌കൂള്‍ കൂത്താട്ടുകുളം, എറണാകുളം, അഞ്ചാം സ്ഥാനം : ഗവ. യു.പി. സ്‌കൂള്‍ കാര്‍ത്തികപ്പളളി, ആലപ്പുഴ & ഗവ. എല്‍.പി. സ്‌കൂള്‍ അതിര്‍കുഴി, കാസര്‍ഗോഡ്. അഞ്ച് ലക്ഷം രൂപയും സി.എച്ച്. മുഹമ്മദ്‌കോയ എവര്‍ റോളിംഗ് ട്രോഫിയുമാണ് ഒന്നാം സമ്മാനം. രണ്ടുമുതല്‍ അഞ്ചുവരെ സ്ഥാനം ലഭിച്ചവര്‍ക്ക് യഥാക്രമം നാലു ലക്ഷം, മുന്നു ലക്ഷം, രണ്ട് ലക്ഷം, ഒരു ലക്ഷം രൂപയും സമ്മാനം ലഭിക്കും. സെപ്തംബര്‍ അഞ്ചിന് കൊല്ലം വിമലഹൃദയ ഗേള്‍സ് ഹയര്‍സെക്കന്ററി സ്‌കൂളില്‍ രാവിലെ പത്തിന് നടക്കുന്ന അധ്യാപക ദിനാഘോഷ ചടങ്ങില്‍ പുരസ്‌കാരങ്ങള്‍ വിതരണം ചെയ്യും Dt.29.8.2017.
************************
മത്സ്യതൊഴിലാളികളുടെ മക്കളില്‍ പോസ്റ്റ് മെട്രിക് തലത്തില്‍ പഠിക്കുന്നവര്‍ക്കുള്ള വിദ്യാഭ്യാസ ആനുകൂല്യം ഫിഷറീസ് വകുപ്പ് ഇ-ഗ്രാന്റ്‌സ് മുഖേന നല്‍കും. ആനുകൂല്യത്തിന് അര്‍ഹരായവര്‍ www.egrantzfisheries.kerala.gov.in ല്‍ ഓണ്‍ലൈനായി അപേക്ഷ നല്‍കണം. ഫോം വെബ്‌സൈറ്റിലുണ്ട്. കൂടുതല്‍ വിവരങ്ങള്‍ക്ക് ഫിഷറീസ് വകുപ്പിന്റെ ജില്ലാ ഓഫീസുമായി ബന്ധപ്പെടണം.Dt.29.8.2017.
************************
പൊതുസ്ഥലങ്ങളില്‍ വാഹനം പാര്‍ക്ക് ചെയ്ത് പ്രായപൂര്‍ത്തിയാകാത്ത കുട്ടികളെ അതിനുള്ളില്‍ തനിച്ചിരുത്തിയശേഷം വാഹനങ്ങള്‍ ലോക്ക് ചെയ്ത് മുതിര്‍ന്നവര്‍ പോയാല്‍ നടപടി സ്വീകരിക്കുമെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. അപകടകരമായ പല സംഭവങ്ങള്‍ക്കും ഇത് കാരണമായ സാഹചര്യത്തിലാണ് നടപടി. Dt.29.8.2017.
************************
2017 -18 അധ്യയന വര്‍ഷത്തെ ഹയര്‍സെക്കണ്ടറി അധ്യാപക അവാര്‍ഡുകള്‍ പ്രഖ്യാപിച്ചു. എട്ട് അധ്യാപകര്‍ക്കാണ് അവാര്‍ഡ്. വിദ്യാഭ്യാസമന്ത്രി അധ്യക്ഷനും, പൊതുവിദ്യാഭ്യാസ സെക്രട്ടറി, ഹയര്‍ സെക്കണ്ടറി ഡയറക്ടര്‍ എന്നിവര്‍ അംഗങ്ങളുമായ സംസ്ഥാന കമ്മിറ്റിയാണ് അവാര്‍ഡ് പ്രഖ്യാപിച്ചത്. ദേശീയ അധ്യാപക ദിനമായ സെപ്റ്റംബര്‍ അഞ്ചിന് കൊല്ലം പട്ടത്താനം വിമലഹൃദയ ഗേള്‍സ് ഹയര്‍ സെക്കണ്ടറി സ്‌കൂളില്‍ നടക്കുന്ന ചടങ്ങില്‍ വിതരണം ചെയ്യും. ഓരോ മേഖലയില്‍ നിന്നും അവാര്‍ഡിനായി തിരഞ്ഞെടുക്കപ്പെട്ട അധ്യാപകരുടെ പേരു വിവരം ചുവടെ. തിരുവനന്തപുരം: ജേക്കബ് ജോണ്‍, (പ്രിന്‍സിപ്പാള്‍, കത്തോലിക്കേറ്റ് എച്ച്.എസ്.എസ്, പത്തനംതിട്ട), ഫാ. തോംസണ്‍ ഗ്രേസ് (സെലക്ഷന്‍ ഗ്രേഡ് എച്ച്.എസ്.എസ്.റ്റി(ജൂനിയര്‍) മാത്സ്, എം.കെ.എല്‍.എം എച്ച്.എസ്.എസ് കണ്ണനല്ലൂര്‍ കൊല്ലം). എറണാകുളം: സിസ്റ്റര്‍ റോസമ്മ പീറ്റര്‍ (പ്രിന്‍സിപ്പാള്‍, സെന്റ് തോമസ് എച്ച്.എസ്.എസ്, ഇരട്ടയാര്‍, ഇടുക്കി), സജീവ്.ഡി (എച്ച്.എസ്.എസ്.റ്റി (ഹിസ്റ്ററി) ജി.എച്ച്.എസ്.എസ് കല്ലാര്‍, ഇടുക്കി), സി.കെ ബേബി (എച്ച്.എസ്..എസ്.റ്റി(ഇംഗ്ലീഷ്) ജി.ജി. എച്ച്.എസ്.എസ് കൊടുങ്ങല്ലൂര്‍, തൃശ്ശൂര്‍). കോഴിക്കോട്: ശ്രീചിത്ത്.എസ് (എച്ച്.എസ്.എസ്.റ്റി (ഹിസ്റ്ററി) സി.കെ.എന്‍.എസ് ജി.എച്ച്.എസ്.എസ് പിലികോട്, കാസര്‍കോട്), ഡോ.മെന്‍ഡലിന്‍ മാത്യൂ (പ്രിന്‍സിപ്പാള്‍, സെന്റ് ജൂഡ് എച്ച്.എസ്.എസ്. വെളളരിക്കുണ്ട്, കാസര്‍കോഡ്).Dt.29.8.2017.
************************
കേന്ദ്ര ന്യൂനപക്ഷ കാര്യ മന്ത്രാലയം കേരളത്തിലെയും ഇന്ത്യയിലെ മറ്റിടങ്ങളിലെയും ന്യൂനപക്ഷ വിഭാഗങ്ങളായ മുസ്ലീം, ക്രിസ്ത്യന്‍, ബുദ്ധ, ജൈന, സിഖ്, പാഴ്‌സി മതവിഭാഗങ്ങളില്‍പ്പെട്ടതും വിവിധ പ്രൊഫഷണല്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്നതുമായ കേരളീയരായ വിദ്യാര്‍ത്ഥികള്‍ക്ക് നല്‍കുന്ന മെറിറ്റ്-കം-മീന്‍സ് സ്‌കോളര്‍ഷിപ്പിന് സെപ്തംബര്‍ 30 വരെ പുതിയതായി അപേക്ഷിക്കാം. സ്‌കോളര്‍ഷിപ്പ് പുതുക്കലിനുള്ള അപേക്ഷകള്‍ ഈ മാസം 31 വരെ നല്‍കാം. വിശദവിവരങ്ങള്‍ www.dtekerala.gov.in--ല്‍ MCM Scholarship ലിങ്കില്‍ ലഭ്യമാണ്. ഫോണ്‍ : 0471 - 2561214, 9497723630.Dt.29.8.2017.
************************
2017 ഏപ്രില്‍ മാസം ഡി.എഡ് രണ്ടും നാലും സെമസ്റ്റര്‍ പരീക്ഷയുടെ പുനര്‍മൂല്യനിര്‍ണയ പരീക്ഷാഫലം പ്രസിദ്ധീകരിച്ചു. പരീക്ഷാഫലം www.keralapareekshabhavan.in ല്‍ ലഭിക്കും.Dt.26.8.2017.
************************
ഹയര്‍ സെക്കണ്ടറി പ്ലസ്‌വണ്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിനായി ലഭ്യമായ അപേക്ഷകള്‍ പരിഗണിച്ചുകൊണ്ടുള്ള ട്രാന്‍സ്ഫര്‍ അലോട്ട്‌മെന്റ് ഫലം ആഗസ്റ്റ് 29 ന് രാവിലെ 10 മണിമുതല്‍ പ്രവേശനം സാധ്യമാകുംവിധം www.hscap.kerala.gov.in ല്‍ പ്രസിദ്ധപ്പെടുത്തും TRANSFER ALLOT RESULTS എന്ന ലിങ്കിലൂടെ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പും യോഗ്യത സര്‍ട്ടിഫിക്കറ്റ്, റ്റി.സി, സ്വഭാവ സര്‍ട്ടിഫിക്കറ്റ്, മറ്റ് അനുബന്ധരേഖകള്‍ എന്നിവയുടെ അസലുകളുമായി അലോട്ട്‌മെന്റ് ലഭിക്കാത്ത വിദ്യാര്‍ത്ഥികള്‍ക്ക് 29 ന് വീണ്ടും അപേക്ഷ നല്‍കാം. എന്നാല്‍ നിലവില്‍ പ്രവേശനം നേടിയ വിദ്യാര്‍ഥികള്‍ക്ക് അപേക്ഷിക്കാനാവില്ല. നിലവിലുള്ള ഒഴിവ് www.hscap.kerala.gov.in ല്‍ 29 ന് രാവിലെ 10ന് പ്രസിദ്ധീകരിക്കും. പ്രസ്തുത ഒഴിവില്‍ പ്രവേശനം നേടാന്‍ ആഗ്രഹിക്കുന്നവര്‍ നിശ്ചിത മാതൃകയിലുള്ള അപേക്ഷ ഒഴിവുള്ള സ്‌കൂളിലെ പ്രിന്‍സിപ്പാളിന് 29 ന് ഉച്ചക്ക് മൂന്നുമണിക്കുള്ളില്‍ നല്‍കണം. ഒരു വിദ്യാര്‍ത്ഥി ഒരു അപേക്ഷ നല്‍കിയാല്‍ മതി. അപേക്ഷയില്‍ പ്രസിദ്ധപ്പെടുത്തിയ വേക്കന്‍സികള്‍ക്കനുസൃതമായി എത്ര സ്‌കൂള്‍/കോഴ്‌സുകള്‍ വേണമെങ്കിലും ഓപ്ഷനായി ഉള്‍പ്പെടുത്താം. മാതൃകാഫാറം വെബ്‌സൈറ്റില്‍ ലഭിക്കും. സ്‌കൂളുകളില്‍ സമര്‍പ്പിക്കുന്ന അപേക്ഷകള്‍ കേന്ദ്രീകൃതമായി പരിഗണിച്ച് മെരിറ്റ് അടിസ്ഥാനത്തില്‍ റാങ്ക് ലിസ്റ്റ് തയ്യാറാക്കി അഡ്മിഷന്‍ വെബ്‌സൈറ്റില്‍ 30 ന് രാവിലെ 12 നു മുമ്പായി യോഗ്യതാ സര്‍ട്ടിഫിക്കറ്റ്, വിടുതല്‍ സര്‍ട്ടിഫിക്കറ്റ്, സ്വഭാവ സര്‍ട്ടിഫിക്കറ്റ് അപേക്ഷയില്‍ ബോണസ് പോയിന്റ് ലഭിക്കുന്നതിന് വിവരങ്ങള്‍ ഉള്‍പ്പെടുത്തിയിട്ടുണ്ടെങ്കില്‍ അവയുടെ അസല്‍ രേഖകളും ഫീസുമായി പ്രവേശനത്തിനായി റിപ്പോര്‍ട്ട് ചെയ്യണം. ഇങ്ങനെയെത്തുന്ന വിദ്യാര്‍ത്ഥികളുടെ യോഗ്യതാ മെരിറ്റ് മാനദണ്ഡങ്ങള്‍ റാങ്ക് ലിസ്റ്റിന്റെ സഹായത്തോടെ ഉറപ്പാക്കി പ്രസിദ്ധപ്പെടുത്തിയ ഒഴിവുകള്‍ക്ക് തുല്യമായ സീറ്റുകളില്‍ പ്രവേശനം തേടാം. പ്രിന്‍സിപ്പല്‍മാര്‍ അന്നേ ദിവസം 12 നും ഒരു മണിക്കുമിടയില്‍ പ്രവേശനം പൂര്‍ത്തിയാക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു. Dt.26.8.2017.
************************
2017 മാര്‍ച്ചില്‍ നടന്ന ഒന്നാം വര്‍ഷ ഹയര്‍സെക്കണ്ടറി പരീക്ഷയുടെ പുനര്‍മൂല്യനിര്‍ണയം, സൂക്ഷ്മപരിശോധന എന്നിവയുടെ ഫലം പ്രസിദ്ധീകരിച്ചു. www.dhsekerala.gov.in ല്‍ ലഭിക്കും. Dt.26.8.2017.
************************
തൃക്കരിപ്പൂര്‍ സര്‍ക്കാര്‍ പോളിടെക്‌നിക് കോളേജ് (കമ്പ്യൂട്ടര്‍ എന്‍ജിനീയറിംഗ് ഒരു ഒഴിവ്) തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജ്, (കൊമേഴ്ഷ്യല്‍ പ്രാക്ടീസ് ഒരു ഒഴിവ്) എന്നിവിടങ്ങളില്‍ സ്‌പോര്‍ട്‌സ് ക്വാട്ടയിലും തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജ്, (ഇന്‍സ്ട്രുമെന്റേഷന്‍ എന്‍ജിനീയറിംഗ് ഒരു ഒഴിവ്), തൃശ്ശൂര്‍ സര്‍ക്കാര്‍ വനിതാ പോളിടെക്‌നിക് കോളേജ്, (ഇലക്‌ട്രോണിക്‌സ് എന്‍ജിനീയറിംഗ് - രണ്ട് ഒഴിവുകള്‍ (സ്ട്രീം ഒന്ന്), കൊമേഴ്ഷ്യല്‍ പ്രാക്ടീസ് ഒരു ഒഴിവ് (സ്ട്രീം രണ്ട്) എന്നിവിടങ്ങളില്‍ എന്‍.സി.സി ക്വാട്ടയിലും ഒഴിവുണ്ട്. പ്രവേശനം ആഗ്രഹിക്കുന്ന റാങ്ക് ലിസ്റ്റില്‍ ഉള്‍പ്പെട്ടിട്ടുളളവരും കൗണ്‍സലിംഗ്/സ്‌പോട്ട് അഡ്മിഷന്‍ എന്നിവയില്‍ ഹാജരാകാത്തവരും, ഹാജരായിട്ടും സീറ്റു ലഭിക്കാത്തവരും അതത് സ്ഥാപനങ്ങളിലെ പ്രിന്‍സിപ്പല്‍മാരെ ഇന്ന് (ആഗസ്റ്റ് 25) ഉച്ചയ്ക്ക് ഒരു മണിക്ക് മുമ്പ് അഡ്മിഷനായി സമീപിക്കണം.Dt.24.8.2017.
************************
സെറ്റ് ജൂലൈ 2017 ന്റെ ഉത്തര സൂചിക പ്രസിദ്ധീകരിച്ചു. www.lbscentre.org, www.lbskerala.com വെബ് സൈറ്റുകളില്‍ ലഭ്യമാണ്.Dt.24.8.2017.
************************
സ്‌കൂള്‍ ഉച്ചഭക്ഷണ പദ്ധതിയില്‍ ഉള്‍പ്പെട്ട 26,54,807 വിദ്യാര്‍ത്ഥികള്‍ക്ക് സംസ്ഥാന സര്‍ക്കാര്‍ പൊതുവിപണിയില്‍ നിന്നും വാങ്ങിയ അഞ്ച് കിലോ വീതം ജയ/കുറുവ ഇനം അരി ഓണം പ്രമാണിച്ചു നല്‍കും. സിവില്‍ സപ്ലൈസ് കോര്‍പ്പറേഷന്‍ മുഖേന പൊതുവിപണിയില്‍ നിന്നു വാങ്ങിയ കിലോഗ്രാമിന് 36 രൂപ വില വരുന്ന മേല്‍ത്തരം അരിയാണ് വിതരണം നടത്തുന്നത്. സര്‍ക്കാര്‍/എയിഡഡ് വിദ്യാലയങ്ങളിലെ ഉച്ചഭക്ഷണ പദ്ധതിയില്‍ ഉള്‍പ്പെട്ട ഒന്നു മുതല്‍ എട്ടു വരെയുളള ക്ലാസിലെ കുട്ടികള്‍ക്ക് ആഗസ്റ്റ് 23 മുതല്‍ അരി വിതരണം തുടങ്ങിയതായി പൊതുവിദ്യാഭ്യാസ ഡയറക്ടര്‍ അറിയിച്ചു.Dt.23.8.2017.
************************
വില്ലേജ് ഓഫീസര്‍മാരും തഹസീല്‍ദാര്‍മാരും നല്‍കുന്ന ജാതി സര്‍ട്ടിഫിക്കറ്റുകള്‍ പ്രത്യേകാവശ്യത്തിന് മാത്രം എന്ന വ്യവസ്ഥ റദ്ദാക്കി സാധുതാകാലയളവ് മൂന്ന് വര്‍ഷം എന്ന് പുതുക്കി നിശ്ചയിച്ച് റവന്യൂ (റ്റി) വകുപ്പ് ഉത്തരവായി.Dt.23.8.2017.
************************
വിദ്യാര്‍ത്ഥികളില്‍ ജനാധിപത്യ ആശയങ്ങളെയും വ്യവസ്ഥിയെയും സംബന്ധിച്ച് അവബോധം വളര്‍ത്തുന്നതിനും പാര്‍ലമെന്ററി ജനാധിപത്യവ്യവസ്ഥിതി നേരിട്ട് മനസിലാക്കുന്നതിനും. നിയമസഭയെ അടുത്തറിയുന്നതിനുമായി കേരള നിയമസഭയുടെ പാര്‍ലമെന്ററി പഠന പരിശീലന കേന്ദ്രത്തിന്റെ (സി.പി.എസ്.റ്റി) ആഭിമുഖ്യത്തില്‍ സ്‌കൂള്‍/കോളേജ് വിദ്യാര്‍ത്ഥികള്‍ക്കായി നിയമസഭാ പഠന സന്ദര്‍ശന പരിപാടി സംഘടിപ്പിക്കും. പരിപാടിയുടെ വിശദ വിവരങ്ങളും അപേക്ഷാഫാറവും നിയമസഭയുടെ ഔദേ്യാഗിക വെബ്‌സൈറ്റായ www.niyamasabha.org ല്‍ ലഭ്യമാണ്. പരിപാടിയില്‍ വിദ്യാര്‍ത്ഥികളെ പങ്കെടുപ്പിക്കുവാന്‍ താല്‍പര്യമുള്ള സ്‌കൂള്‍/കോളേജ് മേലധികാരികള്‍ നിര്‍ദ്ദിഷ്ട മാതൃകയിലുള്ള അപേക്ഷാ ഫാറം അണ്ടര്‍ സെക്രട്ടറി, പാര്‍ലമെന്ററി പഠന പരിശീലന കേന്ദ്രം, റും നമ്പര്‍ 728, നിയമസഭാ സമുച്ചയം, വികാസ് ഭവന്‍ പി.ഒ, തിരുവനന്തപുര-33 എന്ന വിലാസത്തില്‍ സാധാരണ തപാലില്‍ അയയ്ക്കുകയോ cpst@niyamasabha.org എന്ന വിലാസത്തില്‍ ഇ-മെയില്‍ അയയ്ക്കുകയോ ചെയ്യണം.Dt.23.8.2017.
************************
ഹയര്‍സെക്കന്‍ഡറി സംസ്ഥാനത്ത് 2014-15 അധ്യയന വര്‍ഷം അനുവദിച്ച എയ്ഡഡ് ഹയര്‍സെക്കണ്ടറി സ്‌കൂളുകളില്‍ 1796 തസ്തികകള്‍ സൃഷ്ടിച്ച് സര്‍ക്കാര്‍ ഉത്തരവായി. പ്രിന്‍സിപ്പാളിന്റെ 125 ഉം ഹയര്‍സെക്കന്‍ഡറി സ്‌കൂള്‍ ടീച്ചറുടെ 642 ഉം സ്‌കൂള്‍ ടീച്ചര്‍ (ജൂനിയര്‍) 674 ഉം അപ്ഗ്രഡേഷന്‍ 167 ഉം, ലാബ് അസിസ്റ്റന്റിന്റെ 188 ഉം തസ്തികകളാണ് ഹയര്‍ സെക്കന്‍ഡറി ഡയറക്ടറുടെ പ്രൊപ്പോസല്‍ പ്രകാരം സൃഷ്ടിച്ചത്.Dt.23.8.2017.
************************
പ്ലസ് വണ്‍ മൂന്നാം സപ്ലിമെന്ററി അലോട്ട്‌മെന്റിനുശേഷമുള്ള ഒഴിവുകളില്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റ് www.hscap.kerala.gov.inല്‍ പ്രസിദ്ധീകരിച്ചു. ഏകജാലക സംവിധാനത്തില്‍ മെരിറ്റ് ക്വാട്ടയിലോ സ്‌പോര്‍ട്‌സ് ക്വാട്ടയിലോ ഒന്നാം ഓപ്ഷനിലാണ് പ്രവേശനം നേടിയതെങ്ങിലും മാറ്റത്തിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്‌കൂള്‍ മാറ്റത്തിനോ കോമ്പിനേഷന്‍' മാറ്റത്തോടെയുള്ള സ്‌കൂള്‍ മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ 25ന് ഉച്ചക്ക് രണ്ട് മണിക്കുളളില്‍ സമര്‍പ്പിക്കണം. വിവിധ അലോട്ട്‌മെന്റുകളില്‍ അപേക്ഷിച്ചിട്ടും ലഭിക്കാത്തവര്‍ക്ക് പ്രവേശനം സാധ്യമാകുന്ന വിധം ട്രാന്‍സ്ഫറിനു ശേഷമുള്ള വേക്കന്‍സിയും അപേക്ഷാ സമര്‍പ്പണത്തിന്റെ വിശദാംശങ്ങളും ആഗസ്റ്റ് 29 ന് വെബ്‌സൈറ്റില്‍ പ്രസിദ്ധീകരിക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു.Dt.23.8.2017.
************************
സംസ്ഥാനത്തെ സ്‌കൂളുകളിലെ ഇ-മാലിന്യ നിര്‍മാര്‍ജ്ജനം ചെയ്യുന്നതിന് ഐ.ടി@സ്‌കൂള്‍ പ്രോജക്ടും തദ്ദേശഭരണ വകുപ്പിനു കീഴിലുള്ള ക്ലീന്‍ കേരള കമ്പനിയും സംയുക്തമായി പദ്ധതി നടപ്പാക്കുന്നു. 2008 മാര്‍ച്ച് 31 ന് മുമ്പ് പ്രവര്‍ത്തനക്ഷമമല്ലാതായ കമ്പ്യൂട്ടര്‍, അനുബന്ധ ഉപകരണങ്ങളും 2010 മാര്‍ച്ച് 31 ന് മുമ്പ് ലഭിച്ച 600 വി.എ യു.പി.എസ്., സി.ആര്‍.ടി മോണിറ്റര്‍, കീബോര്‍ഡ്, മൗസ് എന്നിവയും ഇ-മാലിന്യമായി സ്‌കൂളുകളില്‍ നിന്ന് ഏറ്റെടുക്കും. ഇവ സ്‌കൂള്‍തല സമിതി പരിശോധിച്ച് ഉറപ്പാക്കിയ ശേഷം ഐ.ടി@സ്‌കൂള്‍ പ്രോജക്ട് ചുമതലപ്പെടുത്തുന്ന സാങ്കേതിക സമിതിയും പരിശോധിക്കും. ശരാശരി 500 കിലോഗ്രാം ഇ-മാലിന്യം ലഭ്യമായ കേന്ദ്രങ്ങളില്‍ നിന്നാണ് ക്ലീന്‍ കേരള കമ്പനി ഇ-മാലിന്യങ്ങള്‍ ശേഖരിക്കുക. ഉപകരണങ്ങള്‍ ഇ-മാലിന്യമായി പരിഗണിക്കുന്നതിന് മുമ്പ് ഇവ മറ്റൊരാവശ്യത്തിനും ഉപയോഗിക്കാന്‍ കഴിയില്ല എന്നുറപ്പുവരുത്തണം. വാറന്റി, എ.എം.സി എന്നിവയുള്ള ഉപകരണങ്ങള്‍ ഇ-മാലിന്യങ്ങളുടെ കൂട്ടത്തില്‍ ഉള്‍പ്പെടുത്തില്ല. സംസ്ഥാനത്തെ സ്‌കൂളുകളിലെയും ഓഫീസുകളിലെയും ഏകദേശം ഒരു കോടി കിലോഗ്രാം ഇ-മാലിന്യം ഇത്തരത്തില്‍ നിര്‍മാര്‍ജനം ചെയ്യാനാണ് ഉദ്ദേശിക്കുന്നത്. ഇതിനായി സ്‌കൂളുകളില്‍ നിന്നുള്ള ഓണ്‍ലൈന്‍ ഡേറ്റാ ശേഖരണം ജൂലൈ 15 ന് പൂര്‍ത്തിയായിരുന്നു. Dt.23.8.2017.
************************
സ്‌കോള്‍-കേരള മുഖേനെയുള്ള വൊക്കേഷണല്‍ ഹയര്‍ സെക്കണ്ടറി 'ബി' ഗ്രൂപ്പ് വിദ്യാര്‍ത്ഥികള്‍ക്കുള്ള അഡീഷണല്‍ മാത്തമാറ്റിക്‌സ് കോഴ്‌സിന്റെ ഒന്നാം വര്‍ഷ പ്രവേശനത്തിന് ഇരുപത്തിയഞ്ച് രൂപ പിഴയോടെ ഫീസടച്ച് ആഗസ്റ്റ് 30 വരെ ഓണ്‍ലൈനില്‍ രജിസ്റ്റര്‍ ചെയ്യാമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.Dt.23.8.2017.
************************
സംസ്ഥാന ശുചിത്വ മിഷന്‍ വിദ്യാര്‍ത്ഥികള്‍ക്കായി ഓണാശംസ കാര്‍ഡ് മത്സരം സംഘടിപ്പിക്കുന്നു. സംസ്ഥാനത്തെ എയ്ഡഡ്, അണ്‍ എയ്ഡഡ് സര്‍ക്കാര്‍ സ്‌കൂളുകളിലെ യു.പി, ഹൈസ്‌കൂള്‍ വിദ്യാര്‍ത്ഥികള്‍ക്ക് മത്സരത്തില്‍ പങ്കെടുക്കാം. വിദ്യാര്‍ത്ഥികള്‍ പ്രകൃതി സൗഹൃദ വസ്തുക്കള്‍ കൊണ്ട് ഓണാശംസ കാര്‍ഡ് നിര്‍മ്മിച്ച്, ശുചിത്വ മാലിന്യ പരിപാലന സന്ദേശങ്ങള്‍ ഉള്‍ക്കൊള്ളിച്ച് രക്ഷിതാക്കളുടെ ഒപ്പ് സഹിതം ഓണാവധിക്ക് ശേഷം വരുന്ന ആദ്യ പ്രവൃത്തി ദിനം ക്ലാസ് ടീച്ചറെ ഏല്‍പ്പിക്കണം. സംസ്ഥാനത്തെ മികച്ച മൂന്ന് കാര്‍ഡുകള്‍ക്ക് ശുചിത്വമിഷനും ജില്ലയിലെ മികച്ച മൂന്നു കാര്‍ഡുകള്‍ക്ക് ജില്ലാ ശുചിത്വ മിഷനും സമ്മാനം നല്‍കും. വിദ്യാര്‍ത്ഥികള്‍ നിര്‍മ്മിക്കുന്ന കാര്‍ഡുകള്‍ സ്‌കൂള്‍ തലത്തില്‍ പ്രദര്‍ശിപ്പിക്കാനുള്ള നടപടി സ്വീകരിക്കും. ഒന്നാം സമ്മാനം 10000 രൂപയും, രണ്ടാം സമ്മാനം 7000 രൂപയും, മൂന്നാം സമ്മാനം 5000 രൂപയുമാണ്. ജില്ലാ തലത്തില്‍ ഒന്നാം സമ്മാനം 5000 രൂപയും, രണ്ടാം സമ്മാനം 3000 രൂപയും, മൂന്നാം സമ്മാനം 2000 രൂപയുമാണ്. പ്രകൃതി സൗഹൃദ വസ്തുക്കള്‍ കൊണ്ട് നിര്‍മ്മിച്ച ബാഗുകള്‍ പ്രോത്സാഹന സമ്മാനമായി നല്‍കും.Dt.22.8.2017.
************************
കെ-ടെറ്റ് 2016 വിജയിച്ചവരുടെ സര്‍ട്ടിഫിക്കറ്റുകള്‍ വിതരണത്തിനായി ജില്ലാ വിദ്യാഭ്യാസ ഓഫീസുകളില്‍ എത്തിച്ചതായി സെക്രട്ടറി അറിയിച്ചു. പുതുതായി കെ-ടെറ്റ് യോഗ്യത നേടിയവരുടെ സര്‍ട്ടിഫിക്കറ്റ് വെരിഫിക്കേഷനുളള സൗകര്യം ജില്ലാ വിദ്യാഭ്യാസ ഓഫീസുകളില്‍ ഒരുക്കിയിട്ടുണ്ട്. വിജയിച്ചവര്‍ ബന്ധപ്പെട്ട രേഖകള്‍ സഹിതം ജില്ലാ വിദ്യാഭ്യാസ ഓഫീസുകളില്‍ ജില്ലാ ഓഫീസര്‍മാര്‍ അനുവദിക്കുന്ന സമയക്രമം അനുസരിച്ച് വെരിഫിക്കേഷനെത്തണം.Dt.22.8.2017.
************************
കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍, പട്ടികജാതിയില്‍ നിന്നും ക്രിസ്തുമതത്തിലേക്ക് പരിവര്‍ത്തനം ചെയ്തിട്ടുളളവര്‍, പട്ടിക ജാതിയിലേക്ക് ശുപാര്‍ശ ചെയ്തിട്ടുളള ഒ.ഇ.സി വിഭാഗക്കാര്‍ (മുന്നോക്ക/പിന്നാക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല.) എന്നിവര്‍ക്കായി ഡിഗ്രി, പി.ജി പ്രൊഫഷണല്‍ കോഴ്‌സുകളുടെ പരീക്ഷകളില്‍ 60 ശതമാനത്തില്‍ കൂടുതല്‍ മാര്‍ക്ക് വാങ്ങി പാസായ വിദ്യാര്‍ത്ഥികളില്‍ നിന്നും വിദ്യാഭ്യാസ ്രേപാത്സാഹന സമ്മാനത്തിന് അപേക്ഷകള്‍ ക്ഷണിച്ചു. ഇതിനുളള അപേക്ഷാ ഫോറങ്ങള്‍ സംസ്ഥാനത്തുടനീളമുളള അക്ഷയ കേന്ദ്രങ്ങള്‍ വഴി ലഭിക്കും. അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 31. പൂരിപ്പിച്ച അപേക്ഷകള്‍ ജാതി സര്‍ട്ടിഫിക്കറ്റിന്റെ അസല്‍, മാര്‍ക്ക് ലിസ്റ്റിന്റെ ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പ്, അഞ്ചു രൂപയുടെ സ്റ്റാമ്പ് പതിച്ച് സ്വന്തം മേല്‍വിലാസം എഴുതിയ കവര്‍ എന്നിവ സഹിതം കോര്‍പ്പറേഷന്റെ അതത് റീജിയണല്‍ ഓഫീസുകളിലേക്ക് അയയ്ക്കണം.Dt.22.8.2017.
************************
ശമ്പള പരിഷ്‌കരണ കുടിശ്ശിക പി.എഫ് അക്കൗണ്ടിലേക്ക് വരവുവയ്ക്കുന്നതിനുള്ള നടപടിക്രമങ്ങള്‍ ബന്ധപ്പെട്ട ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍മാര്‍ പൂര്‍ത്തിയാക്കേണ്ടതാണെന്ന് ധനകാര്യ (എസ്.എല്‍) വകുപ്പ് അറിയിച്ചു. നടപടി പൂര്‍ത്തിയാക്കാത്തവര്‍ക്കെതിരെ അച്ചടക്ക നടപടി സ്വീകരിക്കുമെന്നും ജീവനക്കാര്‍ക്ക് ഇതു മൂലമുണ്ടാകുന്ന സാമ്പത്തിക നഷ്ടം ബന്ധപ്പെട്ട ഉദ്യോഗസ്ഥനില്‍ നിന്നും ഈടാക്കാനുള്ള നടപടി സ്വീകരിക്കുമെന്നും അറിയിപ്പില്‍ പറയുന്നു. ആഗസ്റ്റ് 16 നകം സ്പാര്‍ക്കിലൂടെ ശമ്പള പരിഷ്‌കരണ കുടിശ്ശിക പ്രോസസ് ചെയ്യാന്‍ കഴിയില്ലെന്ന വാര്‍ത്തകള്‍ ശരിയല്ല. 16 നു ശേഷവും കുടിശ്ശിക തയ്യാറാക്കാനും ബില്ല് സമര്‍പ്പിക്കാനുമുള്ള സംവിധാനം സ്പാര്‍ക്കില്‍ ഉണ്ടായിരിക്കും. സെപ്റ്റംബര്‍ ഒന്നു മുതല്‍ എല്ലാ ഡി.ഡി.ഒ. മാര്‍ക്കും ഡിജിറ്റല്‍ സിഗ്നേച്ചര്‍ നിര്‍ബന്ധമാക്കിയതിനാല്‍ കുടിശ്ശിക ബില്‍ സമര്‍പ്പണ നടപടികള്‍ വേഗത്തിലാക്കണമെന്നും ധനകാര്യവകുപ്പ് അറിയിച്ചു.Dt.22.8.2017.
************************
കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍, പട്ടികജാതിയില്‍ നിന്നും ക്രിസ്തുമതത്തിലേക്ക് പരിവര്‍ത്തനം ചെയ്തിട്ടുളളവര്‍, പട്ടിക ജാതിയിലേക്ക് ശുപാര്‍ശ ചെയ്തിട്ടുളള ഒ.ഇ.സി വിഭാഗക്കാര്‍ (മുന്നോക്ക/പിന്നാക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല.) എന്നിവര്‍ക്കായി ഡിഗ്രി, പി.ജി പ്രൊഫഷണല്‍ കോഴ്‌സുകളുടെ പരീക്ഷകളില്‍ 60 ശതമാനത്തില്‍ കൂടുതല്‍ മാര്‍ക്ക് വാങ്ങി പാസായ വിദ്യാര്‍ത്ഥികളില്‍ നിന്നും വിദ്യാഭ്യാസ ്രേപാത്സാഹന സമ്മാനത്തിന് അപേക്ഷകള്‍ ക്ഷണിച്ചു. ഇതിനുളള അപേക്ഷാ ഫോറങ്ങള്‍ സംസ്ഥാനത്തുടനീളമുളള അക്ഷയ കേന്ദ്രങ്ങള്‍ വഴി ലഭിക്കും. അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 31. പൂരിപ്പിച്ച അപേക്ഷകള്‍ ജാതി സര്‍ട്ടിഫിക്കറ്റിന്റെ അസല്‍, മാര്‍ക്ക് ലിസ്റ്റിന്റെ ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പ്, അഞ്ചു രൂപയുടെ സ്റ്റാമ്പ് പതിച്ച് സ്വന്തം മേല്‍വിലാസം എഴുതിയ കവര്‍ എന്നിവ സഹിതം കോര്‍പ്പറേഷന്റെ അതത് റീജിയണല്‍ ഓഫീസുകളിലേക്ക് അയയ്ക്കണം. Dt.21.8.2017.
************************
പൊതു വിദ്യാഭ്യാസ വകുപ്പിലെ കന്നട ഭാഷാ ന്യൂനപക്ഷ ഹൈസ്‌കൂളിലെ പ്രഥമാദ്ധ്യാപകര്‍/എ.ഇ.ഒ തസ്തികയിലേക്ക് ഔട്ട് ഓഫ് ടേണ്‍ പ്രൊമോഷന്‍ ലഭിക്കുന്നതിന് യോഗ്യരായിട്ടുളള ഹൈസ്‌കൂള്‍ അധ്യാപകരുടെ താത്കാലിക സീനിയോറിറ്റി ലിസ്റ്റ് പൊതുവിദ്യാഭ്യാസ ഡയറക്ടര്‍ പുറപ്പെടുവിച്ചു. പ്രസ്തുത ലിസ്റ്റ് www.education.kerala.gov.in എന്ന വെബ്‌സൈറ്റില്‍ ലഭിക്കും. ആക്ഷേപം ഉളളവര്‍ സെപ്റ്റംബര്‍ 15നകം പൊതുവിദ്യാഭ്യാസ ഡയറക്ടറെ രേഖാമൂലം അറിയിക്കണം.Dt.21.8.2017.
************************
സംസ്ഥാനത്തെ സര്‍ക്കാര്‍/അര്‍ദ്ധ സര്‍ക്കാര്‍ ജീവനക്കാര്‍, അധ്യാപകര്‍, പൊതുമേഖലാ സ്ഥാപനങ്ങളിലെ ജീവനക്കാര്‍, സര്‍വകലാശാല ജീവനക്കാര്‍, സംസ്ഥാന ജില്ലാ-പ്രാഥമിക സഹകരണ സംഘങ്ങളിലെ ജീവനക്കാര്‍, ദേശസാത്കൃത/ഷെഡ്യൂള്‍ഡ് ബാങ്ക് ജീവനക്കാര്‍, സര്‍ക്കാര്‍ നിയന്ത്രണത്തിലുള്ള കോര്‍പ്പറേഷനുകള്‍, ലിമിറ്റഡ് കമ്പനികള്‍ എന്നിവയിലെ ജീവനക്കാര്‍ ബന്ധപ്പെട്ട ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍ മുമ്പാകെ പരിശോധനയ്ക്കായി റേഷന്‍ കാര്‍ഡ് ഹാജരാക്കുന്നതിനുള്ള തീയതി നീട്ടി. റേഷന്‍ കാര്‍ഡ് വിതരണം പൂര്‍ത്തിയാകാത്ത സാഹചര്യത്തിലും ഓണം, ബക്രീദ് ഉത്സവകാലം പരിഗണിച്ചും സെപ്തംബര്‍ 15 വരെയാണ് തീയതി നീട്ടിയത്. നിലവില്‍ റേഷന്‍ കാര്‍ഡില്ലാത്തവര്‍ നല്‍കുന്ന സത്യവാങ്മൂലത്തില്‍ ആധാര്‍ നമ്പര്‍ കൂടി രേഖപ്പെടുത്തണമെന്നും ഭക്ഷ്യപൊതുവിതരണ വകുപ്പ് പ്രിന്‍സിപ്പല്‍ സെക്രട്ടറി. അറിയിച്ചു.Dt.21.8.2017.
************************

************************

************************

 

Ranjith Kumar A.K