www.ranjithkumarak.blogspot.in
************************
കേരളത്തിലെ അംഗീകൃത സ്വാശ്രയ സ്ഥാപനങ്ങളിലെയും ഇതര സംസ്ഥാനങ്ങളിലെ സര്‍ക്കാര്‍/സര്‍ക്കാര്‍ അംഗീകൃത സ്ഥാപനങ്ങളിലെയും പോസ്റ്റ്‌മെട്രിക് കോഴ്‌സുകള്‍ക്ക് പഠിക്കുന്നതും 2.5 ലക്ഷം രൂപ വരെ കുടുംബ വാര്‍ഷിക വരുമാനമുളളതുമായ പട്ടിക വര്‍ഗ വിദ്യാര്‍ത്ഥികള്‍ക്ക് കേന്ദ്ര സര്‍ക്കാരിന്റെ സ്‌കോളര്‍ഷിപ്പിന് അപേക്ഷിക്കാം. സംസ്ഥാന സര്‍ക്കാരിന്റെ സ്‌കോളര്‍ഷിപ്പിന് അര്‍ഹതയില്ലാത്തവര്‍ക്കാണ് അപേക്ഷിക്കാവുന്നത്. അപേക്ഷാ ഫോറങ്ങളും കൂടുതല്‍ വിവരങ്ങളും പട്ടികവര്‍ഗ വികസന വകുപ്പിന്റെ വിവിധ പ്രോജക്ട് ഓഫീസുകള്‍, ട്രൈബല്‍ ഡെവലപ്‌മെന്റ് ഓഫീസുകള്‍ എന്നിവിടങ്ങളില്‍ നിന്ന് ലഭിക്കും. Dt.19.10.2017.
************************
അടുത്ത വര്‍ഷത്തെ രണ്ടാം ശനി, ഞായര്‍ ഒഴികെയുള്ള പൊതു അവധി ദിവസങ്ങള്‍ പ്രഖ്യാപിച്ച് പൊതുഭരണ (ഏകോപനം) വകുപ്പ് വിജ്ഞാപനമായി. മന്നം ജയന്തി- ജനുവരി രണ്ട്, റിപ്പബ്ലിക് ദിനം -ജനുവരി 26, ശിവരാത്രി -ഫെബ്രുവരി 13, പെസഹ വ്യാഴം -മാര്‍ച്ച് 29, ദു:ഖ വെളളി -മാര്‍ച്ച് 30, മെയ് ദിനം -മെയ് 1, ഈ ദുല്‍- ഫിത്തര്‍ (റംസാന്‍) - ജൂണ്‍ 15, സ്വാതന്ത്ര്യദിനം - ആഗസ്റ്റ് 15, ബക്രീദ് - ആഗസ്റ്റ് 22, ഒന്നാം ഓണം - ആഗസ്റ്റ് 24, തിരുവോണം-ആഗസ്റ്റ് 25, നാലാം ഓണം (ശ്രീനാരായണ ഗുരു ജയന്തി) ആഗസ്റ്റ് 27, അയ്യങ്കാളി ജയന്തി - ആഗസ്റ്റ് 28, മുഹറം സെപ്റ്റംബര്‍ 20, ശ്രീനാരായണ ഗുരു സമാധി- സെപ്റ്റംബര്‍ 21, ഗാന്ധി ജയന്തി - ഒക്ടോബര്‍ രണ്ട്, മഹാനവമി - ഒക്ടോബര്‍ 18, വിജയദശമി - ഒക്‌ടോബര്‍ 19, ദീപാവലി - നവംബര്‍ 6, മിലാദ് - ഇ-ഷെരീഫ് (നബിദിനം) - നവംബര്‍ 20, ക്രിസ്മസ് - ഡിസംബര്‍ 25, രണ്ടാം ശനി/ഞായര്‍ വരുന്ന പൊതു അവധി ദിനങ്ങള്‍: ഈസ്റ്റര്‍ - ഏപ്രില്‍ 1, അംബേദ്കര്‍ ജയന്തി -ഏപ്രില്‍ 14, വിഷു - ഏപ്രില്‍ 15, കര്‍ക്കിടക വാവ് - ഓഗസ്റ്റ് 11, മൂന്നാം ഓണം - ആഗസ്റ്റ് 26, ശ്രീകൃഷ്ണ ജയന്തി - സെപ്റ്റംബര്‍ 2. നിയന്ത്രിത അവധികള്‍: അയ്യാ വൈകുണ്ഡ സ്വാമി ജയന്തി -മാര്‍ച്ച് 12, വിശ്വകര്‍മ്മ ദിനം - സെപ്റ്റംബര്‍ 17.Dt.19.10.2017.
************************
കഴക്കൂട്ടം സൈനിക സ്‌കൂളിലെ ആറ്, ഒന്‍പത് ക്ലാസുകളിലേക്ക് പ്രവേശനത്തിന് ആണ്‍കുട്ടികള്‍ക്ക് അപേക്ഷിക്കാം. ആറിലേക്കുള്ള പ്രവേശനത്തിന് 2007 ജൂലായ് രണ്ടിനും 2008 ജൂലൈ ഒന്നിനും ഇടയിലും ഒന്‍പതിലേക്ക് 2004 ജൂലൈ രണ്ടിനും 2005 ജൂലൈ ഒന്നിനും ഇടയിലും ജനിച്ചവര്‍ക്ക് അപേക്ഷിക്കാം. പൂരിപ്പിച്ച അപേക്ഷകള്‍ ഡിസംബര്‍ അഞ്ചിനകം സ്‌കൂളില്‍ ലഭിക്കണം. നവംബര്‍ 30 വരെ അപേക്ഷാ ഫോം ലഭിക്കും. 2018 ജനുവരി ഏഴിനാണ് പരീക്ഷ. തിരുവനന്തപുരം സൈനിക സ്‌കൂള്‍, കോട്ടയം, എറണാകുളം, കോഴിക്കോട്, പാലക്കാട് എന്നിവിടങ്ങളില്‍ പരീക്ഷാ കേന്ദ്രങ്ങളുണ്ടാവും. വിശദ വിവരങ്ങളും അപേക്ഷാ ഫോറവും www.sainikschooltvm.nic.in ല്‍ ലഭിക്കും. Dt.19.10.2017.
************************
സമൂഹത്തില്‍പാര്‍ശ്വവത്കരണമുണ്ടാവാത്ത തരത്തില്‍ എല്ലാവര്‍ക്കും മികവാര്‍ന്ന വിദ്യാഭ്യാസം നല്‍കുകയെന്നതാണ് സര്‍ക്കാരിന്റെ പുതിയ വിദ്യാഭ്യാസ നയത്തിന്റെ ലക്ഷ്യമെന്ന് വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പറഞ്ഞു. സംസ്ഥാനത്ത് സര്‍ക്കാര്‍, എയ്ഡഡ് സ്‌കൂളുകളിലെ ഒമ്പതാം ക്ലാസ് വിദ്യാര്‍ത്ഥികളുടെ പഠനപിന്നാക്കാവസ്ഥ പരിഹരിക്കുന്നതിനായി ആരംഭിക്കുന്ന നവപ്രഭ പരിഹാര ബോധന പദ്ധതിയുടെ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ഒന്നുമുതല്‍ 12 വരെയുള്ള ക്ലാസുകളില്‍ അക്കാദമിക് നിലവാരം ഉയര്‍ത്തുന്നതിന് സര്‍ക്കാര്‍ വിവിധ പദ്ധതികളാണ് നടപ്പാക്കിവരുന്നത്. എല്ലാ ക്ലാസുകളിലും എല്ലാ വിഷയങ്ങളിലും മികവുണ്ടാക്കുന്നതിനായി ആവിഷ്‌കരിച്ച സമഗ്ര പദ്ധതി, ഒന്നുമുതല്‍ എട്ടു വരെ ക്ലാസുകളില്‍ കണക്ക് പഠനം ലളിതമാക്കുന്ന ഗണിതം വിജയം, ഇംഗ്ലിഷ് പഠനം എളുപ്പമാക്കുന്ന ഹലോ ഇംഗ്ലിഷ് പദ്ധതികള്‍ക്കു പുറമേ ഭാഷാ പഠനം ലളിതമാക്കുന്നതിന് പച്ചമലയാളം, ഗുഡ് ഇംഗ്ലിഷ്, അച്ഛീ ഹിന്ദി തുടങ്ങിയ പദ്ധതികളും സ്‌കൂളുകളില്‍ ആവിഷ്‌കരിച്ചിട്ടുണ്ട്. പൊതുവിദ്യാലയങ്ങളില്‍ ഈ അധ്യയനവര്‍ഷം പുതുതായെത്തിയത് ഒരു ലക്ഷത്തി നാല്‍പത്താറായിരം വിദ്യാര്‍ത്ഥികളാണ്. അവരുടെയും രക്ഷിതാക്കളുടെയും പ്രതീക്ഷകള്‍ക്കൊത്ത് ഉയരേണ്ട ഉത്തരവാദിത്വം അധ്യാപക സമൂഹത്തിനുണ്ടെന്നും മന്ത്രി പറഞ്ഞു. സെന്റ് ജോസഫ് സ്‌കൂളിലെ വിദ്യാര്‍ത്ഥി നിഖില്‍ ബേബിച്ചന്‍ രൂപകല്‍പന ചെയ്ത നവപ്രഭ മൊബൈല്‍ ആപ്പിന്റെയും വെബ്‌സൈറ്റിന്റെയും ഉദ്ഘാടനവും മന്ത്രി നിര്‍വഹിച്ചു. പൊതു വിദ്യാഭ്യാസ വകുപ്പ് ഡയറക്ടര്‍ കെ.വി. മോഹന്‍കുമാര്‍ അധ്യക്ഷത വഹിച്ചു. എസ്.സി.ഇ.ആര്‍.ടി. ഡയറക്ടര്‍ ഡോ. ജെ. പ്രസാദ്, എസ.്‌ഐ.ഇ.റ്റി. ഡയറക്ടര്‍ ബി. അബുരാജ്, നഗരസഭാ സ്റ്റാന്‍ഡിംഗ് കമ്മിറ്റി ചെയര്‍മാന്മാരായ വഞ്ചിയൂര്‍ പി. ബാബു, എസ്.ഉണ്ണികൃഷ്ണന്‍, സംസ്ഥാന കരിക്കുലം സ്റ്റിയറിംഗ് കമ്മിറ്റി അംഗങ്ങളായ കെ.സി. ഹരികൃഷ്ണന്‍, പി.ഹരിഗോവിന്ദന്‍, സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂള്‍ മാനേജര്‍ ഫാ.ഡോ.ഡൈസന്‍, പി.ടി.എ പ്രസിഡന്റ് മധുമോഹന്‍ ബി.എല്‍., പ്രിന്‍സിപ്പല്‍ പി.ജെ.വര്‍ഗീസ് തുടങ്ങിയവര്‍ സംബന്ധിച്ചു. രാഷ്ട്രീയ മാധ്യമിക് ശിക്ഷാ അഭിയാന്‍ സംസ്ഥാന പ്രോജക്ട് ഡയറക്ടര്‍ രാഹുല്‍ ആര്‍ സ്വാഗതവും അഡീഷണല്‍ പ്രോജക്ട് ഡയറക്ടര്‍ പി.എസ് മാത്യു കൃതജ്ഞതയും പറഞ്ഞു.Dt.19.10.2017.
************************
പൊതുവിദ്യാലയങ്ങളുടെ മികവുകള്‍ അവതരിപ്പിക്കുന്ന ഹരിത വിദ്യാലയം വിദ്യാഭ്യാസ റിയാലിറ്റി ഷോയുടെ ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള സമയം ഒക്ടോബര്‍ 19 ലേക്ക് നീട്ടി. www.harithavidyalayam.in ല്‍ സ്‌കൂളുകള്‍ക്ക് വിവരങ്ങള്‍ നല്‍കാം. അപേക്ഷയും സ്‌കൂളിനെ സംബന്ധിച്ച അഞ്ച് മിനിറ്റ് ദൈര്‍ഘ്യമുള്ള വീഡിയോ അല്ലെങ്കില്‍ 20 സ്ലൈഡില്‍ കവിയാത്ത പ്രസന്‍ന്റേഷന്‍ എന്നിവയും ഈ പോര്‍ട്ടലില്‍ അപ്‌ലോഡ് ചെയ്യാം. ഹെല്‍പ് ഡെസ്‌ക് നമ്പറുകള്‍ : 8136800779/669/889/886/882.Dt.16.10.2017.
************************
ഹയര്‍സെക്കന്ററി ഡിപ്പാര്‍ട്ട്‌മെന്റല്‍ അധ്യാപകരുടെ ഭേദഗതി ചെയ്ത താത്ക്കാലിക സീനിയോറിറ്റി ലിസ്റ്റില്‍ (2011-2015) ഉള്‍പ്പെട്ട അധ്യാപകരുടെ സര്‍ട്ടിഫിക്കറ്റ് വെരിഫിക്കേഷന് പുതുക്കിയ തീയതി പ്രസിദ്ധീകരിച്ചു. ഹയര്‍സെക്കന്ററി സ്‌കൂള്‍ അധ്യാപകര്‍/ഹയര്‍സെക്കന്ററി സ്‌കൂള്‍ അധ്യാപകര്‍ (ജൂനിയര്‍) തസ്തികകളിലേക്ക് തസ്തികമാറ്റ നിയമനം ലഭിക്കുന്നതിന് അപേക്ഷിച്ചിട്ടുള്ള എച്ച്.എസ്.എ/എല്‍.പി.എസ്.എ/യു.പി.എസ്.എ അധ്യാപകരുടെ ഭേദഗതിവരുത്തി പ്രസിദ്ധീകരിച്ച താത്ക്കാലിക സീനിയോറിറ്റി ലിസ്റ്റില്‍ ഉള്‍പ്പെട്ടിട്ടുള്ള അധ്യാപകര്‍ ഒക്ടോബര്‍ 26, 27 തീയതികളില്‍ സര്‍ട്ടിഫിക്കറ്റ് വെരിഫിക്കേഷന് ഹാജരാവണം. നേരത്തെ നവംബര്‍ 26, 27 തീയതികളിലാണ് വെരിഫിക്കേഷന്‍ നിശ്ചയിച്ചിരുന്നത്. സര്‍ക്കുലര്‍ www.dhsekerala.gov.in എന്ന വെബ്‌സൈറ്റില്‍ ലഭ്യമാണ്.Dt.16.10.2017.
************************
ദേശീയ പെന്‍ഷന്‍ പദ്ധതിയില്‍ രജിസ്റ്റര്‍ ചെയ്ത ജീവനക്കാര്‍ അനന്തരാവകാശിയുടെ വിവരം, മേല്‍വിലാസം, ഫോണ്‍ നമ്പര്‍, ഇ- മെയില്‍ ഐ.ഡി എന്നീ വിവരങ്ങള്‍ അപ്‌ഡേറ്റ് ചെയ്തിട്ടില്ലെങ്കില്‍ പ്രസ്തുത വിവരങ്ങള്‍ അനുബന്ധ രേഖകള്‍ സഹിതം ബന്ധപ്പെട്ട ട്രഷറി ഓഫീസര്‍ മുമ്പാകെ ഒക്ടോബര്‍ 31 ന് മുമ്പ് ഹാജരായി സമര്‍പ്പിക്കണം. എല്ലാ ഡി.ഡി.ഒ മാരും ട്രഷറി ഓഫീസര്‍മാരും ദേശീയ പെന്‍ഷന്‍ പദ്ധതി ജീവനക്കാരുടെ വ്യക്തിഗത വിവരങ്ങള്‍ അപ്‌ഡേറ്റ് ചെയ്യുന്നതിനുളള നടപടിക്രമങ്ങള്‍ ഒക്ടോബര്‍ 31 ന് മുമ്പ് കര്‍ശനമായി സ്വീകരിക്കണം. Dt.16.10.2017.
************************
പ്രൊഫഷണല്‍/ബിരുദ/ഡിപ്ലോമ കോഴ്‌സുകള്‍ക്കും ബിരുദാനന്തര ബിരുദ കോഴ്‌സുകള്‍ക്കും പഠിക്കുന്ന സ്‌കൂള്‍ അധ്യാപകരുടെ കുട്ടികള്‍ക്കുളള 2015 -16 അധ്യയന വര്‍ഷത്തെ സാമ്പത്തിക സഹായത്തിന് ദേശീയ അധ്യാപക ക്ഷേമ ഫൗണ്ടേന്‍ അപേക്ഷകള്‍ ക്ഷണിച്ചു. അപേക്ഷാ ഫോറവും വിശദവിവരങ്ങളും എല്ലാ വിദ്യാഭ്യാസ ഓഫീസുകളിലും ലഭിക്കും. പൂരിപ്പിച്ച അപേക്ഷകളും അനുബന്ധ രേഖകളും നവംബര്‍ 30നു മുമ്പ് പൊതുവിദ്യാഭ്യാസ ഡയറക്ടറുടെ ഓഫീസില്‍ ലഭിക്കണം. അപേക്ഷയുടെ പുറത്ത് ദേശീയ അധ്യാപക ക്ഷേമ ഫൗണ്ടേഷന്‍ പ്രൊഫഷണല്‍ സ്‌കോളര്‍ഷിപ്പ് എന്ന് വ്യക്തമായി എഴുതിയിരിക്കണം. അപേക്ഷാ ഫോറം തപാലില്‍ ലഭിക്കുന്നതല്ല. www.education.kerala.gov.in എന്ന സൈറ്റില്‍ നിന്നും ഡൗണ്‍ലോഡ് ചെയ്യാം.Dt.16.10.2017.
************************
സംസ്ഥാനത്തിന് പുറത്ത് അഖിലേന്ത്യാ പ്രവേശന പരീക്ഷയുടെ അടിസ്ഥാനത്തില്‍ ഐ.ഐ.ടി, ഐ.ഐ.എം, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്, എയിംസ്, ടിസ് തുടങ്ങിയ ഉന്നത വിദ്യാഭ്യാസ സ്ഥാപനങ്ങളില്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്ന ഒ.ബി.സി വിഭാഗം വിദ്യാര്‍ത്ഥികളില്‍ നിന്നും പോസ്റ്റ്‌മെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. സംസ്ഥാനത്തിനകത്ത് സി.എ/ഐ.സി.ഡബ്ല്യു.എ/കമ്പനി സെക്രട്ടറി കോഴ്‌സുകളില്‍ പഠിക്കുന്നവര്‍ക്കും ഈ സ്‌കോളര്‍ഷിപ്പിന് അപേക്ഷിക്കാം. അപേക്ഷകന്റെ കുടുംബ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കരുത്. അപേക്ഷാ ഫോമിന്റെ മാതൃകയും കൂടുതല്‍ വിവരങ്ങളും www.bcdd.kerala.gov.in എന്ന വെബ്‌സൈറ്റില്‍ നിന്നും ലഭിക്കും. കൂടുതല്‍ വിവരങ്ങള്‍ക്ക് 0471-2727379 എന്ന ടെലഫോണ്‍ നമ്പരിലും obcdirectorate@gmail.com എന്ന ഇ-മെയില്‍ വിലാസത്തിലും ബന്ധപ്പെടാം. അപേക്ഷ ലഭിക്കേണ്ട അവസാന തീയതി നവംബര്‍ 15. Dt.13.10.2017.
************************
ഒക്‌ടോബര്‍ 28ന് പി.എസ്.സി പരീക്ഷ നടക്കുന്നതിനാല്‍ അന്ന് ഉച്ചയ്ക്ക് 1.45 മുതല്‍ 3.30 വരെ നടത്താന്‍ നിശ്ചയിച്ചിരുന്ന ഒക്‌ടോബര്‍ 2017 ലെ പത്താംതരം തുല്യതാ ജീവശാസ്ത്രം പരീക്ഷ അതേ ദിവസം രാവിലെ 9.45 മുതല്‍ 11.30 വരെ നടത്താന്‍ തീരുമാനിച്ചു. പത്താംതരം തുല്യതാ പരീക്ഷയുടെ ഹാള്‍ടിക്കറ്റ് ഹെഡ്മാസ്റ്റര്‍ ലോഗിന്‍ വഴി ഒക്‌ടോബര്‍ 14 മുതല്‍ പ്രഥമാധ്യാപകര്‍ക്ക് ഡൗണ്‍ലോഡ് ചെയ്യാമെന്ന് പരീക്ഷാഭവന്‍ സെക്രട്ടറി അറിയിച്ചു. Dt.13.10.2017.
************************
കേന്ദ്ര സര്‍ക്കാര്‍ പൊതുവിദ്യാഭ്യാസ വകുപ്പു വഴി നടപ്പാക്കി വരുന്ന നാഷണല്‍ മീന്‍സ് -കം - മെറിറ്റ് (എന്‍.എം.എം.എസ്) സ്‌കോളര്‍ഷിപ്പിന് 2017-18 വര്‍ഷം അര്‍ഹത നേടിയ എല്ലാ വിദ്യാര്‍ത്ഥികളും (3473 പേര്‍) സര്‍ക്കാര്‍/എയ്ഡഡ് സ്‌കൂളുകളില്‍ ഇപ്പോള്‍ ഒന്‍പതാം ക്ലാസില്‍ പഠിക്കുന്ന പട്ടികജാതി/പട്ടികവര്‍ഗ വിഭാഗത്തിലെ പെണ്‍കുട്ടികള്‍ക്കായുളള ഇന്‍സെന്റീവ് ധനസഹായത്തിനും, (എന്‍.എസ്.ഐ.ജി.എസ്.ഇ) നാഷണല്‍ സ്‌കോളര്‍ഷിപ്പ് പോര്‍ട്ടല്‍ വഴി ഓണ്‍ലൈനായി അപേക്ഷ സമര്‍പ്പിക്കണമെന്ന് കേന്ദ്രമന്ത്രാലയം അറിയിച്ചു. ഒക്‌ടോബര്‍ 31 ആണ് അവസാന തീയതി. വെബ്‌സൈറ്റ്:www.scholarships.gov.in. ഫോണ്‍; 0471 2328438, 9496304015.Dt.13.10.2017.
************************
പൊതുവിദ്യാഭ്യാസ വകുപ്പില്‍ 2018 വര്‍ഷത്തിലെ സ്ഥാനക്കയറ്റത്തിന് അര്‍ഹതയുള്ള അധ്യാപക/അധ്യാപകേതര ജീവനക്കാരുടെ സെലക്ട് ലിസ്റ്റ് തയ്യാറാക്കുന്നതിനായി 2014 ജനുവരി ഒന്നു മുതല്‍ 2016 ഡിസംബര്‍ 31 വരെയുള്ള മൂന്നു വര്‍ഷത്തെ കോണ്‍ഫിഡന്‍ഷ്യല്‍ റിപ്പോര്‍ട്ടുകള്‍ ഒക്‌ടോബര്‍ 25 നു മുമ്പ് ബന്ധപ്പെട്ട വിദ്യാഭ്യാസ ഉപഡയറക്ടര്‍ മുഖേന പൊതു വിദ്യാഭ്യാസ ഡയറക്ടറുടെ കാര്യാലയത്തില്‍ ലഭ്യമാക്കണം. വിശദ വിവരങ്ങള്‍ ഔദ്യോഗിക വെബ്‌സൈറ്റില്‍ ലഭ്യമാണ്. www.education.kerala.gov.in . Dt.13.10.2017.
************************
പത്താംതരം തുല്യതാ പരീക്ഷയ്ക്ക് പത്തില്‍ താഴെ വിദ്യാര്‍ത്ഥികള്‍ രജിസ്റ്റര്‍ ചെയ്ത പരീക്ഷാ കേന്ദ്രങ്ങള്‍ ഒഴിവാക്കി ഇവിടങ്ങളില്‍ രജിസ്റ്റര്‍ ചെയ്തവരെ സമീപത്തെ പരീക്ഷാ സെന്ററുകളിലേക്ക് മാറ്റിയിട്ടുണ്ട്. ഒഴിവാക്കിയ പരീക്ഷാകേന്ദ്രങ്ങളുടെയും ഇവിടങ്ങളില്‍ രജിസ്റ്റര്‍ ചെയ്ത വിദ്യാര്‍ത്ഥികള്‍ക്ക് അനുവദിച്ച പുതിയ കേന്ദ്രങ്ങളുടെയും വിവരം www.keralapareekshabhavan.in ല്‍ ലഭിക്കും. Dt.12.10.2017.
************************
സ്‌കോള്‍ കേരള മുഖാന്തരം 2016-18 ബാച്ചില്‍ ഹയര്‍ സെക്കണ്ടറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത രണ്ടാം വര്‍ഷ വിദ്യാര്‍ത്ഥികളുടെ ഓറിയന്റേഷന്‍ ക്ലാസ്സുകള്‍ ഒക്ടോബര്‍ 22,29 തീയതികളില്‍ അതത് പരീക്ഷാ കേന്ദ്രങ്ങളില്‍ നടത്തുമെന്ന് എക്‌സിക്യുട്ടീവ് ഡയറക്ടര്‍ അറിയിച്ചു. വിശദാംശങ്ങള്‍ക്ക് പരീക്ഷാ കേന്ദ്രങ്ങളുമായി ബന്ധപ്പെടണം.Dt.12.10.2017.
************************
പൊതുവിദ്യാഭ്യാസ വകുപ്പിനു കീഴില്‍ പ്രവര്‍ത്തിക്കുന്ന രാഷ്ട്രീയ മാധ്യമിക് ശിക്ഷാ അഭിയാന്‍ പ്രോജക്ടിന്റെ ജില്ലാ ഓഫീസില്‍ സ്‌പെഷ്യല്‍ എഡ്യൂക്കേറ്ററെ കരാര്‍ വ്യവസ്ഥയില്‍ നിയമിക്കും. അപേക്ഷകര്‍ ബയോഡേറ്റ, യോഗ്യതാ സര്‍ട്ടിഫിക്കറ്റ്, മാര്‍ക്ക് ലിസ്റ്റ്, എക്‌സ്പീരിയന്‍സ് സര്‍ട്ടിഫിക്കറ്റ് സഹിതമുള്ള അപേക്ഷ ഒക്‌ടോബര്‍ 17 ന് മുമ്പായി ജില്ലാ പ്രോജക്ട് ഓഫീസര്‍, ആര്‍.എം.എസ്.എ, വിദ്യാഭ്യാസ ഉപ ഡയറക്ടറുടെ കാര്യലയം, കിള്ളിപ്പാലം, തിരുവനന്തപുരം എന്ന വിലാസത്തില്‍ നേരിട്ടോ തപാല്‍ മുഖേനയോ എത്തിക്കണം. ബന്ധപ്പെട്ട വിഷയങ്ങളില്‍ ബിരുദാനന്തര ബിരുദവും സ്‌പെഷ്യല്‍ എഡ്യൂക്കേഷന്‍ ബി.എഡുമാണ് യോഗ്യത. ജനറല്‍ ബി.എഡിനൊപ്പം സ്‌പെഷ്യല്‍ എഡ്യൂക്കേഷനില്‍ രണ്ടു വര്‍ഷത്തെ ഡിപ്ലോമയുള്ളവര്‍ക്കും അപേക്ഷിക്കാം.Dt.12.10.2017.
************************
കേരളത്തിലെ മുന്നാക്ക (സംവരണേതര) സമുദായങ്ങളില്‍പ്പെടുന്നതും സാമ്പത്തികമായി പിന്നാക്കം നില്‍ക്കുന്നതുമായ കുടുംബങ്ങളിലെ വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കുമായി സംസ്ഥാന മുന്നാക്ക സമുദായ ക്ഷേമ കോര്‍പ്പറേഷന്‍ (സമുന്നതി) നടപ്പിലാക്കുന്ന വിദ്യാസമുന്നതി സ്‌കോളര്‍ഷിപ്പ്, കോച്ചിംഗ് അസിസ്റ്റന്‍സ് സ്‌കീമുകളിലേക്ക് 2017-18 വര്‍ഷത്തേക്കുള്ള അപേക്ഷകള്‍ ക്ഷണിച്ചു.Dt.11.10.2017.
************************
നവംബര്‍ 23 മുതല്‍ 26 വരെ കോഴിക്കോട് നടക്കുന്ന കേരള സ്‌കൂള്‍ ശാസ്‌ത്രോത്സവത്തിന് വിദ്യാര്‍ത്ഥികള്‍, അദ്ധ്യാപകര്‍, പൊതുജനങ്ങള്‍ എന്നിവരില്‍ നിന്ന് പൊതു വിദ്യാഭ്യാസ വകുപ്പ് ലോഗോ ക്ഷണിച്ചു. ശാസ്ത്രം, ഗണിത ശാസ്ത്രം, സാമൂഹ്യ ശാസ്ത്രം, പ്രവൃത്തിപരിചയം, ഐ.ടി എന്നിവയുടെ പ്രതീകങ്ങള്‍ ഉള്‍പ്പെടുത്തിയാകണം ലോഗോ തയ്യാറാക്കേണ്ടത്. കേരള സ്‌കൂള്‍ ശാസ്‌ത്രോത്സവം, 2017 നവംബര്‍ 23-26, കോഴിക്കോട് എന്നുള്ള രേഖപ്പെടുത്തലുകള്‍ ഉണ്ടാകണം. കോഴിക്കോട് ജില്ലയുടേതായ പ്രതീകം അനുയോജ്യമായ വിധത്തില്‍ ഉള്‍പ്പെടുത്താം. എഡിറ്റ് ചെയ്യാന്‍ കഴിയുന്ന ഫോര്‍മാറ്റില്‍ സി.ഡി. യും ഒപ്പം എ ഫോര്‍ സൈസ് പേപ്പറില്‍ കളര്‍ പ്രിന്റും നല്‍കണം. തിരഞ്ഞെടുക്കുന്ന ലോഗോയ്ക്ക് ശാസ്‌ത്രോത്സവത്തിന്റെ ഉദ്ഘാടന ചടങ്ങില്‍ പൊതു വിദ്യാഭ്യാസ വകുപ്പിന്റെ ക്യാഷ് പ്രൈസ് നല്‍കും. ലോഗോകള്‍ ഒക്ടോബര്‍ 16 ന് വൈകിട്ട് അഞ്ചിനകം വിദ്യാഭ്യാസ ഉപ ഡയറക്ടര്‍, വിദ്യാഭ്യാസ ഉപ ഡയറക്ടറുടെ ഓഫീസ്, കോഴിക്കോട് ജില്ല - 673 001 എന്ന വിലാസത്തില്‍ ലഭിക്കണം.Dt.10.10.2017.
************************
സ്‌കോള്‍ കേരള മുഖേന 2017-19 ബാച്ച് ഹയര്‍സെക്കണ്ടറി കോഴ്‌സിന് പ്രൈവറ്റ് രജിസ്സ്‌ട്രേഷന് അപേക്ഷിച്ച വിദ്യാര്‍ഥികളുടെ പരീക്ഷാ കേന്ദ്രം അനുവദിക്കുന്ന നടപടികള്‍ പൂര്‍ത്തിയായി. വിദ്യാര്‍ഥികള്‍ക്ക് അനുവദിച്ചിട്ടുള്ള യൂസര്‍ നെയിം, പാസ്‌വേര്‍ഡ് ഇവ ഉപയോഗിച്ച് www.scolekerala.org മുഖേന തിരിച്ചറിയല്‍ കാര്‍ഡ് പ്രിന്റെടുത്ത് അനുവദിച്ചിട്ടുള്ള പരീക്ഷകേന്ദ്രം പ്രിന്‍സിപ്പാള്‍ മുമ്പാകെ ഹാജരാക്കി മേലൊപ്പ് വാങ്ങണമെന്നും ഒന്നാം വര്‍ഷ പരീക്ഷയ്ക്ക് മുന്നോടിയായി ബന്ധപ്പെട്ട പരീക്ഷ കേന്ദ്രത്തില്‍ 2017 നവംബര്‍ 12, 19 തീയതികളില്‍ സംഘടിപ്പിക്കുന്ന ഓറിയന്റേഷന്‍ ക്ലാസുകളില്‍ പങ്കെടുക്കണമെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. Dt.9.10.2017.
************************
വൊക്കേഷണല്‍ ഹയര്‍ സെക്കണ്ടറി നവംബറില്‍ നടത്തുന്ന ഒന്ന് മൂന്ന് മോഡുലാര്‍ പ്രായോഗിക പരീക്ഷകള്‍ നവംബര്‍ ഒന്ന് മുതല്‍ ആരംഭിക്കും. പരീക്ഷാ ഫീസ് വിദ്യാര്‍ത്ഥികള്‍ അതത് സ്‌കൂളില്‍ അടച്ച് ഒക്ടോബര്‍ 16നകം അപേക്ഷ സമര്‍പ്പിക്കണം. അപേക്ഷാ ഫോറവും, വിശദവിവരങ്ങളും ബന്ധപ്പെട്ട സ്‌കൂള്‍/എക്‌സാം പോര്‍ട്ടലില്‍ ലഭിക്കും. Dt.9.10.2017.
************************
സ്‌കോള്‍ കേരള മുഖേന 2017-19 ബാച്ച് ഹയര്‍ സെക്കന്ററി പ്രൈവറ്റ് രജിസ്‌ട്രേഷന് അപേക്ഷിച്ച്, ഇതിനകം നിര്‍ദ്ദിഷ്ട രേഖകള്‍ സമര്‍പ്പിച്ച വിദ്യാര്‍ത്ഥികളുടെ പട്ടിക പ്രസിദ്ധപ്പെടുത്തി. രജിസ്‌ട്രേഷന്‍ സമയത്ത് ലഭിച്ച യൂസര്‍ നെയിം, പാസ് വേര്‍ഡ് ഉപയോഗിച്ച് പരിശോധിക്കാം. രജിസ്‌ട്രേഷന്‍ സമയത്ത് ഉപഭാഷാ, സബ്ജക്ട് കോമ്പിനേഷന്‍ എന്നിവ തിരഞ്ഞെടുക്കുമ്പോള്‍ പിശക് സംഭവിച്ചിട്ടുണ്ടെങ്കില്‍ അത് തിരുത്തുന്നതിന് ഒക്ടോബര്‍ 9 വരെ scolekerala@gmail.com ല്‍ ആപ്ലിക്കേഷന്‍ നമ്പര്‍ സഹിതം അപേക്ഷ അയയ്ക്കാം.Dt.6.10.2017.
************************
കേന്ദ്ര ന്യൂനപക്ഷ കാര്യ മന്ത്രാലയം കേരളത്തിലും ഇന്ത്യയില്‍ മറ്റിടങ്ങളിലും പഠിക്കുന്ന ന്യൂനപക്ഷ വിഭാഗങ്ങളായ മുസ്ലീം, ക്രിസ്ത്യന്‍, ബുദ്ധ, ജൈന, സിഖ് പാഴ്‌സി മതവിഭാഗങ്ങളില്‍പ്പെട്ടതും വിവിധ പ്രൊഫഷണല്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്നതുമായ മലയാളി വിദ്യാര്‍ത്ഥികള്‍ക്ക് നല്‍കുന്ന മെറിറ്റ് കം മീന്‍സ് സ്‌കോളര്‍ഷിപ്പ് ഫ്രഷ്/റിന്യുവല്‍ അപേക്ഷിക്കുന്നതിനുളള അവസാന തീയതി ഒക്ടോബര്‍ 31 വരെ നീട്ടി. അപേക്ഷ സമര്‍പ്പിക്കുന്നതിനുളള വിശദാംശങ്ങള്‍ www.dtekerala.gov.in ല്‍ MCM Scholarship ലിങ്കില്‍ നല്‍കിയിട്ടുണ്ട്. ഫോണ്‍: 0471 2561214, 9497723630. Dt.6.10.2017.
************************
സംസ്ഥാന സ്‌കൂള്‍ കലോത്സവം ജില്ലാതലത്തിലും സംസ്ഥാനതലത്തിലും വിധിനിര്‍ണയത്തിനു യോഗ്യരായ വിധികര്‍ത്താക്കളില്‍ നിന്ന് അപേക്ഷ ക്ഷണിച്ചു. വിധികര്‍ത്താക്കളായിരിക്കാന്‍ താല്പര്യമുള്ളവര്‍ നിശ്ചിത അപേക്ഷാ മാതൃകയില്‍ ബയോഡാറ്റ സമര്‍പ്പിക്കണം. അപേക്ഷയുടെ മാതൃക www.education.kerala.gov.in എന്ന വെബ്‌സൈറ്റില്‍ നല്‍കിയിട്ടുണ്ട്. നിശ്ചിത മാതൃകയുടെ പ്രിന്റ് എടുത്ത് ബയോഡേറ്റ രേഖപ്പെടുത്തി വി. ശ്രീകുമാര്‍, പബ്ലിക് റിലേഷന്‍സ് ഓഫീസര്‍, പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി പി.ഒ., തിരുവനന്തപുരം - 695014 എന്ന വിലാസത്തിലോ, y2section@gmail.comഎന്ന ഇ-മെയില്‍ വിലാസത്തിലോ ഒക്‌ടോബര്‍ 25 നു മുമ്പ് അയയ്ക്കണം. അപേക്ഷ നല്‍കിയിട്ടുള്ളവരും നിശ്ചിത മാതൃകയില്‍ അപേക്ഷ സമര്‍പ്പിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. Dt.4.10.2017.
************************
രണ്ടാം വര്‍ഷ ഹയര്‍സെക്കന്ററി തുല്യതാ പരീക്ഷാര്‍ത്ഥികളുടെ ഒക്ടോബര്‍ നാലിന് ആരംഭിക്കാനിരുന്ന ഗാന്ധിയന്‍ സ്റ്റഡീസിന്റെ പ്രായോഗിക പരീക്ഷ ഒക്ടോബര്‍ ആറ് മുതല്‍ മാത്രമെ ആരംഭിക്കുകയുള്ളു. വിശദവിവരങ്ങള്‍ www.dhsekerala.gov.in ല്‍ ലഭിക്കും. Dt.3.10.2017.
************************
ഒക്ടോബറിലെ പത്താംതരം തുല്യതാപരീക്ഷയുടെ ഫീസ് അഞ്ച് വരെ പിഴയോടെ അടയ്ക്കാമെന്ന് പരീക്ഷാ സെക്രട്ടറി അറിയിച്ചു. Dt.3.10.2017.
************************
ഒന്നും രണ്ടും വര്‍ഷ ഹയര്‍സെക്കന്ററി തുല്യതയുടെ ഒക്ടോബര്‍ എട്ട്, ഒന്‍പത്, 10 തീയതികളില്‍ നടത്താന്‍ നിശ്ചയിച്ചിരുന്ന പരീക്ഷകള്‍ ഒക്ടോബര്‍ 20, 21, 22 തീയതികളിലേക്ക് മാറ്റി. മറ്റ് തീയതികളില്‍ ( ഒക്ടോബര്‍ 12, 13, 14 ) നടത്താന്‍ നിശ്ചയിച്ചിരുന്ന പരീക്ഷകളില്‍ മാറ്റമില്ല. മാറ്റിയ ടൈംടേബിള്‍ അടക്കമുള്ള വിശദമായ സര്‍ക്കുലര്‍ www.dhsekerala.gov.in എന്ന പോര്‍ട്ടലില്‍ പ്രസിദ്ധീകരിച്ചിട്ടുണ്ട്. Dt.3.10.2017.
************************
സര്‍ക്കാരിന്റെ എല്ലാ വകുപ്പുകളിലും ഭരണവകുപ്പുകളിലും സ്ഥാപനങ്ങളിലും കേരളപ്പിറവി ആചരണത്തോടനുബന്ധിച്ച് നവംബര്‍ മാസത്തിലെ ആദ്യ പ്രവൃത്തി ദിവസം മലയാള ദിനാഘോഷവും നവംബര്‍ ഒന്നു മുതല്‍ ഏഴുവരെ ഭരണഭാഷാവാരാഘോഷവും വിപുലമായി സംഘടിപ്പിക്കണമെന്ന് സര്‍ക്കാര്‍ സര്‍ക്കുലര്‍ പുറപ്പെടുവിച്ചു. നവംബര്‍ ഒന്നിന് എല്ലാ വകുപ്പുകളുടെയും സ്ഥാപനങ്ങളുടെയും ഓഫീസുകളില്‍ ഓഫീസ് തലവന്റെ അധ്യക്ഷതയില്‍ ഭരണഭാഷാ സമ്മേളനം സംഘടിപ്പിക്കണമെന്നും ഉദ്യോഗസ്ഥര്‍ക്ക് ഓഫീസ് തലവന്‍ ഭരണഭാഷാ പ്രതിജ്ഞ ചൊല്ലിക്കൊടുക്കണമെന്നും സര്‍ക്കുലറില്‍ നിര്‍ദേശമുണ്ട്. Dt.3.10.2017.
************************
സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആര്‍.ടി) കേരളത്തിലെ ഗവണ്‍മെന്റ് - എയ്ഡഡ് സ്‌കൂള്‍ അധ്യാപകരില്‍ നിന്ന് ഗവേഷണ പ്രോജക്ടുകള്‍ ക്ഷണിച്ചു. പ്രീ പ്രൈമറി മുതല്‍ ഹയര്‍സെക്കന്ററി വരെ വിവിധ തലങ്ങളിലെ സ്‌കൂള്‍ വിദ്യാഭ്യാസവുമായി ബന്ധപ്പെട്ട ഗവേഷണ പ്രോജക്ടുകള്‍ സമര്‍പ്പിക്കാം. വിശദമായ പ്രോജക്ട് രൂപരേഖയും ആവശ്യമായ സാമ്പത്തിക സഹായം സംബന്ധിച്ച വിവരങ്ങളും ഉള്‍പ്പെടുത്തിയ പ്രൊപ്പോസലുകള്‍ സ്‌കൂള്‍ മേലധികാരിയുടെ സാക്ഷ്യപത്രത്തോടെ സമര്‍പ്പിക്കണം. അധ്യാപകര്‍ക്ക് ഒറ്റയ്‌ക്കോ കൂട്ടായോ പ്രോജക്ട് ഏറ്റെടുക്കാം. അപേക്ഷകര്‍ വ്യക്തിപരമായ വിവരങ്ങളും അപേക്ഷയോടൊപ്പം സമര്‍പ്പിക്കണം. തിരഞ്ഞെടുക്കപ്പെടുന്ന പ്രോജക്ടുകള്‍ക്ക് സാമ്പത്തിക സഹായവും അക്കാദമിക പിന്തുണയും എസ്.സി.ഇ.ആര്‍.ടി. നല്‍കും. അപേക്ഷകള്‍ ഒക്ടോബര്‍ 30 നു മുമ്പ് ഡയറക്ടര്‍, എസ്.സി.ഇ.ആര്‍.ടി, വിദ്യാഭവന്‍, പൂജപ്പുര, തിരുവനന്തപുരം - 695025 എന്ന വിലാസത്തില്‍ അയയ്ക്കണം. Dt.30.9.2017.
************************
സ്‌കൂള്‍ തലത്തില്‍ നടപ്പിലാക്കിവരുന്ന മികച്ച വിദ്യാഭ്യാസ മാതൃകകള്‍ കണ്ടെത്തി അംഗീകരിക്കുന്നതിനും രേഖപ്പെടുത്തി വ്യാപിപ്പിക്കുന്നതിനും സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആര്‍.ടി) പദ്ധതി ആവിഷ്‌കരിച്ചു. പ്രി-പ്രൈമറി മുതല്‍ ഹയര്‍ സെക്കന്ററി വരെയുള്ള സ്ഥാപനങ്ങള്‍ക്കും അധ്യാപക വിദ്യാഭ്യാസ സ്ഥാപനങ്ങള്‍ക്കും അവര്‍ നടപ്പിലാക്കിയതോ നടപ്പിലാക്കിവരുന്നതോ ആയ പദ്ധതികള്‍ ഇതില്‍ ഉള്‍പ്പെടുത്താം. വിദ്യാഭ്യാസ വ്യാപനം, ഗുണമേന്മ വര്‍ദ്ധിപ്പിക്കല്‍, അക്കാദമിക മികവ്, വിലയിരുത്തല്‍ പിന്തുണകള്‍, അടിസ്ഥാനസൗകര്യ വികസനം തുടങ്ങിയവയിലെ മികച്ച മാതൃകകളാണ് എസ്.സി.ഇ.ആര്‍.ടി അനേ്വഷിക്കുന്നത്. ഇത്തരം പ്രവര്‍ത്തനങ്ങള്‍ക്ക് പ്രോത്സാഹനം നല്‍കുന്നതോടൊപ്പം വിശദമായ ഡോക്യുമെന്റേഷനിലൂടെ വ്യാപനത്തിനുള്ള പ്രവര്‍ത്തനങ്ങളും ഏറ്റെടുക്കും. സ്‌കൂളുകള്‍, തദ്ദേശ സ്വയംഭരണ സ്ഥാപനങ്ങള്‍, ജനപ്രതിനിധികള്‍ തുടങ്ങിയവയുടെ നേതൃത്വത്തിലുള്ള പദ്ധതികള്‍ ഇതില്‍ ഉള്‍പ്പെടുത്താം. പദ്ധതിയുടെ വിശദാംശങ്ങള്‍ ഉള്‍പ്പെടുന്ന (ചിത്രങ്ങള്‍, ഡിജിറ്റല്‍ രേഖകള്‍ ഉള്‍പ്പെടെ) നോമിനേഷനുകള്‍ നവംബര്‍ 30 നു മുമ്പ് ഡയറക്ടര്‍, എസ്.സി.ഇ.ആര്‍.ടി, പൂജപ്പുര, തിരുവനന്തപുരം-695 012 എന്ന വിലാസത്തില്‍ സമര്‍പ്പിക്കണം. സ്‌കൂള്‍ അധികാരികള്‍ക്കും ജനപ്രതിനിധികള്‍ക്കും വിദ്യാഭ്യാസ പ്രവര്‍ത്തകര്‍ക്കും അധ്യാപക പരിശീലന സ്ഥാപനങ്ങള്‍ക്കും നോമിനേഷന്‍ സമര്‍പ്പിക്കാം.Dt.30.9.2017.
************************
ജീവനക്കാരുടെ ശമ്പള ബില്ലുകള്‍ തയ്യാറാക്കുന്ന സ്പാര്‍ക് സംവിധാനത്തിലെ സാങ്കേതിക തകരാറുകള്‍ യുദ്ധകാലാടിസ്ഥാനത്തില്‍ പരിഹരിച്ചു വരികയാണെന്നും അവധി ദിവസങ്ങളിലും സ്പാര്‍ക് സംവിധാനത്തില്‍ ലോഗിന്‍ ചെയ്ത് ബില്ലുകള്‍ തയ്യാറാക്കുന്നതിനും ട്രഷറിയില്‍ സമര്‍പ്പിക്കുന്നതിനും തടസ്സമില്ലെന്നും ധനവകുപ്പ് (റിസോഴ്‌സ്) സെക്രട്ടറി അറിയിച്ചു. ബില്ലുകള്‍ സ്വീകരിക്കാന്‍ അവധി ദിവസമായ ഒക്ടോബര്‍ രണ്ടിന് എല്ലാ ട്രഷറികളും തുറന്നു പ്രവര്‍ത്തിക്കുമെന്നും എല്ലാ ഡി.ഡി.ഒ മാരും ഈ സൗകര്യം പ്രയോജനപ്പെടുത്തണമെന്നും ധനവകുപ്പ് സെക്രട്ടറി അറിയിച്ചു. Dt.28.9.2017.
************************
സംസ്ഥാനത്തെ ഒന്നുമുതല്‍ നാലുവരെ ക്ലാസുകളിലെ എസ്.സി/എസ്.ടി വിദ്യാര്‍ത്ഥികള്‍ക്ക് നല്‍കിയിരുന്ന പ്രീ എഡ്യുക്കേഷന്‍ എയിഡ് അഞ്ചു മുതല്‍ എട്ടുവരെ ക്ലാസുകളിലെ എസ്.സി/എസ്.ടി കുട്ടികള്‍ക്ക് കൂടി അനുവദിക്കാന്‍ സര്‍ക്കാര്‍ തീരുമാനിച്ചതായി പട്ടികജാതി-പട്ടികവര്‍ഗ്ഗ-പിന്നാക്ക ക്ഷേമ വകുപ്പു മന്ത്രി എ.കെ. ബാലന്‍ അറിയിച്ചു. പ്രതിവര്‍ഷം 2000 രൂപയാണ് ഈ സ്‌കോളര്‍ഷിപ്. അഞ്ചു മുതല്‍ എട്ടുവരെ ക്ലാസുകളിലെ എസ്.സി/എസ്.ടി കട്ടികള്‍ക്ക് 640 രൂപയുടെ ലംപ്‌സം ഗ്രാന്റ് മാത്രമാണ് ഇതുവരെ ലഭിച്ചിരുന്നത്. എന്നാല്‍ ഒന്നു മുതല്‍ നാലുവരെ ക്ലാസുകളിലെ കൂട്ടികള്‍ക്ക് ലംപ്‌സം ഗ്രാന്റിന് പുറമെയാണ് 2000 രൂപയുടെ പ്രീ എഡ്യൂക്കേഷന്‍ എയിഡും ലഭിച്ചിരുന്നത്. ഒമ്പത് , 10 ക്ലാസുകളിലെ കുട്ടികള്‍ക്ക് 2250 രൂപയുടെ പ്രീ മെട്രിക് സ്‌കോളര്‍ഷിപ്പും ലംപ്‌സം ഗ്രാന്റിന് പുറമെ ലഭിക്കുന്നുണ്ട്. അഞ്ചു മുതല്‍ എട്ടു വരെ ക്ലാസുകളിലെ കുട്ടികള്‍ക്ക് ഈ ആനുകൂല്യം ലഭിച്ചിരുന്നില്ല. ആയത് പരിഗണിച്ച് അവര്‍ക്ക് കൂടി 2000 രൂപയുടെ പ്രീ എഡ്യൂക്കേഷന്‍ എയിഡ് അനുവദിക്കുവാന്‍ സര്‍ക്കാര്‍ തീരുമാനിക്കുകയായിരുന്നു. ഒന്നരലക്ഷം വിദ്യാര്‍ത്ഥികള്‍ക്ക് ഈ ആനുകൂല്യം ലഭിക്കും. ഇതോടെ ഒന്നു മുതല്‍ എട്ട് വരെ ക്ലാസുകളിലെ എല്ലാ എസ്.സി/എസ്.ടി കുട്ടികള്‍ക്കും ലംപ്‌സം ഗ്രാന്റിന് പുറമെ 2000 രൂപയുടെ പ്രീ എഡ്യൂക്കേഷന്‍ എയിഡും ലഭിക്കും. ഒന്‍പത്, പത്ത് ക്ലാസുകളിലെ കുട്ടികളുടെ ഈ ആനുകൂല്യം 2250 രൂപയാണ്. ഒരു വിഭാഗം എസ്.സി. കുട്ടികള്‍ക്ക് ഒരു വിഭാഗം ഒ.ബി.സി കുട്ടികളേക്കാള്‍ കുറഞ്ഞ സ്‌കോളര്‍ഷിപ്പാണ് ലഭിക്കുന്നത് എന്ന പരാതിക്കും ഇതോടെ പരിഹാരമായതായി മന്ത്രി അറിയിച്ചു.Dt.28.9.2017.
************************
ഒക്‌ടോബര്‍ നാലിന് നടക്കുന്ന ഹയര്‍സെക്കന്ററി രണ്ടാം വര്‍ഷ തുല്യതാ പഠിതാക്കളുടെ ഗാന്ധിയന്‍ സ്റ്റഡീസ് പ്രാക്ടിക്കല്‍ പരീക്ഷാകേന്ദ്രങ്ങള്‍ അനുവദിച്ച് ഉത്തരവായി. പരീക്ഷാ വിജ്ഞാപനത്തില്‍ പ്രാക്ടിക്കല്‍ പരീക്ഷയ്ക്ക് ഒരു ജില്ലയില്‍ പരമാവധി രണ്ടു കേന്ദ്രങ്ങള്‍ അനുവദിച്ചിരുന്നെങ്കിലും അന്തിമമായി ഒരു ജില്ലയില്‍ ഒരു കേന്ദ്രമാക്കി ചുരുക്കിയിട്ടുണ്ട്. രജിസ്റ്റര്‍ ചെയ്ത പരീക്ഷാര്‍ത്ഥികള്‍ അതത് ജില്ലയിലെ പരീക്ഷാകേന്ദ്രത്തില്‍ പ്രാക്ടിക്കല്‍ പരീക്ഷയ്ക്കായി ഒക്ടോബര്‍ നാലിന് എത്തിച്ചേരണം. കാസര്‍ഗോഡ് ജില്ലയില്‍ പ്രാക്ടിക്കല്‍ പരീക്ഷ ഒക്ടോബര്‍ അഞ്ചിനാണ്. ഓരോ ജില്ലയിലെയും പ്രാക്ടിക്കല്‍ പരീക്ഷാകേന്ദ്രങ്ങളുടെ ലിസ്റ്റ് സംബന്ധിച്ച വിശദാംശങ്ങള്‍ www.dhsekerala.gov.in ല്‍ പ്രസിദ്ധീകരിച്ചിട്ടുണ്ട്.Dt.28.9.2017.
************************
മെഡിക്കല്‍ എഞ്ചിനീയറിംഗ് എന്‍ട്രന്‍സിനു വേണ്ടി തയാറെടുക്കുന്ന വിദ്യാര്‍ഥികള്‍ക്കായി വിക്‌ടേഴ്‌സ് ചാനല്‍ ഹയര്‍ സെക്കണ്ടറി വകുപ്പുമായി ചേര്‍ന്ന് ഒക്‌ടോബര്‍ ഒന്നിന് പീക്‌സ് (Public Entrance Coaching Scheme)ആരംഭിക്കും. കേരളത്തിലെ എല്ലാ നിയോജകമണ്ഡലങ്ങളിലും ഒരുക്കിയിട്ടുള്ള 140 സെന്ററുകളില്‍ തുടര്‍ ക്ലാസുകളും ഇതോടൊപ്പം സംഘടിപ്പിച്ചിട്ടുണ്ട്. എല്ലാ ദിവസവും രാവിലെ 9.30 മുതല്‍ വിക്‌ടേഴ്‌സ് ചാനലില്‍ സംപ്രേഷണം ആരംഭിക്കുന്ന പീക്‌സില്‍ കേരളത്തിലെ പ്രമുഖ അധ്യാപകര്‍ ക്ലാസുകള്‍ നയിക്കും. ശനി, ഞായര്‍ ദിവസങ്ങളില്‍ ഒന്നര മണിക്കൂര്‍ ക്ലാസിനുശേഷം 14 സെന്ററുകളിലും നടക്കുന്ന തുടര്‍ ക്ലാസുകളില്‍ സംശയനിവാരണവും മാതൃകാ പരീക്ഷകളും നടത്തും.Dt.28.9.2017.
************************
ഹരിത കേരളം, പൊതു വിദ്യാഭ്യാസ യജ്ഞം പദ്ധതികള്‍ക്ക് പ്രാമുഖ്യം കൊടുത്ത് വൊക്കേഷണല്‍ ഹയര്‍ സെക്കന്ററി നാഷണല്‍ സര്‍വ്വീസ് സ്‌കീം ഈ അദ്ധ്യയന വര്‍ഷം വിദ്യാലയ യൂണിറ്റുകളില്‍ ഹരിതഭവനം പദ്ധതിയുടെ ഭാഗമായി 300 വി.എച്ച്.എസ്.ഇ വിദ്യാലയങ്ങളില്‍ ജൈവ വൈവിദ്ധ്യ ഉദ്യാനങ്ങള്‍ നിര്‍മ്മിക്കും. തൃശൂര്‍ ജില്ലയിലെ ഒല്ലൂര്‍ വി.എസ്.എസ്.എം ഗവണ്മെന്റ് വി.എച്ച്.എസ്.സ്‌കൂളിലെ ജൈവ വൈവിദ്ധ്യ ഉദ്യാനം ഒക്ടോബര്‍ രണ്ടിന് രാവിലെ 10 ന് തുറന്ന് കൊടുത്ത് വിദ്യാഭ്യാസ മന്ത്രി സി. രവീന്ദ്രനാഥ് പദ്ധതിയുടെ രണ്ടാംഘട്ടത്തിന്റെ സംസ്ഥാനതല ഉദ്ഘാടനം നിര്‍വ്വഹിക്കും. അഡ്വ. കെ. രാജന്‍ എം.എല്‍.എ അധ്യക്ഷത വഹിക്കും. രാഷ്ട്രീയ, സാമൂഹിക, സാംസ്‌കാരിക രംഗത്തെ പ്രമുഖരും വി.എച്ച്.എസ്.ഇ, എന്‍.എസ്.എസ് വകുപ്പ് മേധാവികളും പങ്കെടുക്കും.Dt.28.9.2017.
************************
വായുവും വെള്ളവും മണ്ണും മലിനമായി മനുഷ്യജീവിതം ദുരിതപൂര്‍ണമാകുന്ന അവസ്ഥയില്‍നിന്നു രക്ഷനേടേണ്ടതിനെക്കുറിച്ച് എല്ലാവരും ചിന്തിക്കേണ്ട കാലമാണിതെന്ന് വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് പറഞ്ഞു. ഹരിതകേരളം മിഷന്‍ കേരളത്തിലെ എല്ലാ വിദ്യാലയങ്ങളിലും നടപ്പാക്കുന്ന ഹരിതോത്സവം പരിപാടിയുടെ ഉദ്ഘാടനം കോട്ടണ്‍ഹില്‍ സ്‌കൂളില്‍ ഉദ്ഘാടനം ചെയ്യുകയായിരുന്നു അദ്ദേഹം. ഹരിതകേരളം എന്ന ലക്ഷ്യം സാധ്യമാക്കാന്‍ എല്ലാവരും ഒരേ മനസ്സോടെ രംഗത്തിറങ്ങണം. ഓരോ നിമിഷവും തകരാറിലായിക്കൊണ്ടിരിക്കുന്ന പരിസ്ഥിതിയെ രക്ഷിച്ചെടുക്കുന്നതിനാണ് വിദ്യാലയങ്ങളില്‍നിന്ന് ഒരു കര്‍മപദ്ധതി നടപ്പാക്കാന്‍ വിദ്യാഭ്യാസവകുപ്പ് പരിപാടികള്‍ ആസൂത്രണം ചെയ്തത്. ഭൂമിയിലെ വൈവിധ്യം നിലനിര്‍ത്തുകയാണ് നമ്മുടെ തലമുറയുടെ കടമ. അതിനാല്‍ ഹരിതോത്സവത്തില്‍ എല്ലാവരും പങ്കാളികളാകണമെന്നും വിദ്യാഭ്യാസമന്ത്രി പറഞ്ഞു. ഹരിതകേരളം മിഷന്‍ പ്രസിദ്ധീകരിച്ച ഹരിതോത്സവം കൈപ്പുസ്തകം സ്‌കൂള്‍ ചെയര്‍മാന്‍ നസ്രീന്‍, സെക്രട്ടറി ആഭ എന്നിവര്‍ക്കു നല്‍കി മന്ത്രി പ്രകാശനം ചെയ്തു. Dt.28.9.2017.
************************
2017 ജൂണില്‍ നടത്തിയ ഡി.എല്‍.ഇഡി ഹിന്ദി, അറബിക്, ഉറുദു പരീക്ഷാ ഫലം പ്രസിദ്ധീകരിച്ചു. www.keralapareekshabhavan.in ഫലം ലഭ്യമാണ്. Dt.28.9.2017.
************************
പരീക്ഷാഭവന്‍ 2017 നവംബര്‍ മാസം നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് കോഴ്‌സ് (ടി.ടി.സി) പ്രൈവറ്റ് പരീക്ഷയുടെ വിജ്ഞാപനം www.keralapareekshabhavan.com എന്ന ഔദ്യോഗിക വെബ്‌സൈറ്റില്‍ ലഭ്യമാണ്. പരീക്ഷാര്‍ത്ഥികള്‍ ഒക്ടോബര്‍ 13 വൈകുന്നേരം നാല് മണിക്കു മുമ്പ് അപേക്ഷ നിശ്ചിത ഫീസ് സഹിതം ബന്ധപ്പെട്ട ടി.ടി.ഐ പ്രിന്‍സിപ്പാള്‍ മുമ്പാകെ സമര്‍പ്പിക്കണം.Dt.26.9.2017.
************************
സംസ്ഥാനത്ത് ഒക്ടോബര്‍ മൂന്നു മുതല്‍ നവംബര്‍ മൂന്നു വരെ മീസില്‍സ്-റൂബെല്ലാ വാക്‌സിനേഷന്‍ കാമ്പെയ്ന്‍ നടത്തുമെന്നും 76 ലക്ഷം കുട്ടികള്‍ക്ക് വാക്‌സിന്‍ നല്‍കുമെന്നും ആരോഗ്യ, സാമൂഹിക നീതി മന്ത്രി കെ.കെ. ശൈലജടീച്ചര്‍ പറഞ്ഞു. മീസില്‍സ്-റൂബെല്ലാ വാക്‌സിനേഷന്‍ കാമ്പെയ്ന്‍ സംബന്ധിച്ച് തിരുവനന്തപുരത്ത് സംഘടിപ്പിച്ച മാധ്യമ സെമിനാറില്‍ സംസാരിക്കുകയായിരുന്നു മന്ത്രി. ഇന്ത്യയില്‍ കഴിഞ്ഞ വര്‍ഷം അമ്പതിനായിരത്തോളം കുഞ്ഞുങ്ങളാണ് അഞ്ചാംപനി അഥവാ മീസില്‍സ് ബാധിച്ച് മരിച്ചത്. കേരളത്തില്‍ മരണ നിരക്ക് താരതമ്യേന വളരെ കുറവാണെങ്കിലും ഒരു കുഞ്ഞുപോലും രോഗം ബാധിച്ച് മരിക്കരുത് എന്ന ലക്ഷ്യത്തോടെയാണ് കുഞ്ഞുങ്ങള്‍ക്ക് രോഗപ്രതിരോധ വാക്‌സിന്‍ നല്‍കുന്നത്. ന്യൂമോണിയ, വയറിളക്കം എന്നിവ കൂടാതെ എന്‍സഫലൈറ്റിസ് (മസ്തിഷ്‌ക ജ്വരം), അന്ധത എന്നിവയും മീസില്‍സ് ബാധിതരായ കുട്ടികളില്‍ കണ്ടുവരുന്നു. കുട്ടികളില്‍ കാറ്ററാക്ട്, ഹൃദയവൈകല്യം, ബധിരത, തലച്ചോര്‍ വലിപ്പക്കുറവ്, തുടങ്ങിയ മാരക സ്ഥിതിവിശേഷങ്ങളുണ്ടാക്കുന്ന രോഗാവസ്ഥയാണ് റൂബെല്ല. ആയിരത്തില്‍ ഒരാള്‍ എന്ന കണക്കിലാണ് സംസ്ഥാനത്ത് റൂബെല്ലാ രോഗബാധിതരായ കുട്ടികളുടെ എണ്ണം. വായുവിലൂടെ പകരുന്ന ഈ രോഗങ്ങള്‍ നിര്‍മാര്‍ജ്ജനം ചെയ്യാന്‍ പ്രതിരോധകുത്തിവയ്പ് മാത്രമേ പ്രതിവിധിയുള്ളൂവെന്നും രോഗപ്രതിരോധ കുത്തിവയ്പിനെതിരെ അസത്യപ്രചാരണം നടത്തുന്നവര്‍ ആരോഗ്യത്തോടെയിരിക്കാനുള്ള കുട്ടികളുടെ അവകാശത്തിനെതിരെയാണു പ്രവര്‍ത്തിക്കുന്നതെന്നും മന്ത്രി പറഞ്ഞു. സര്‍ക്കാര്‍ ആശുപത്രികള്‍, സാമൂഹ്യ-പ്രാഥമികാരോഗ്യ കേന്ദ്രങ്ങള്‍, അംഗന്‍വാടികള്‍, തെരഞ്ഞെടുക്കപ്പെട്ട സ്വകാര്യ ആശുപത്രികള്‍ എന്നിവയുടെ സഹകരണത്തോടെയാണ് സംസ്ഥാനത്തെ എല്ലാ സര്‍ക്കാര്‍- സ്വകാര്യ സ്‌കൂളുകളിലും വാക്‌സിനേഷന്‍ സംഘടിപ്പിക്കുന്നത്. ഡോക്ടര്‍മാരുടെയും ആരോഗ്യപ്രവര്‍ത്തകരുടെയും അംഗന്‍വാടി പ്രവര്‍ത്തകരുടെയും നേതൃത്വത്തിലായിരിക്കും വാക്‌സിനേഷന്‍. ഒമ്പതുമാസം മുതല്‍ ഹൈസ്‌കൂള്‍ വിദ്യാര്‍ത്ഥികളായവര്‍ വരെയുള്ള കുട്ടികള്‍ക്ക് വാക്‌സിന്‍ നല്‍കും. സി.ബി.എസ്.ഇ., ഐ.സി.എസ്.ഇ., സംസ്ഥാന സിലബസ് പഠിപ്പിക്കുന്ന മുഴുവന്‍ സ്‌കൂളുകളിലും ഇതിനായി പ്രത്യേക ക്യാമ്പുകള്‍ സംഘടിപ്പിക്കും. സംസ്ഥാനത്തെ എല്ലാ കുട്ടികള്‍ക്കും ഒരേസമയം രോഗപ്രതിരോധം നല്‍കാനാണ് ഒറ്റത്തവണയായി വാക്‌സിന്‍ നല്‍കുന്നത്. ലോകാരോഗ്യ സംഘടന, യൂനിസെഫ് എന്നിവയുടെ നിര്‍ദേശപ്രകാരം കേന്ദ്ര-സംസ്ഥാന സര്‍ക്കാരുകളുടെ നേതൃത്വത്തിലാണ് രോഗപ്രതിരോധ യജ്ഞം നടത്തുന്നത്. ആരോഗ്യ വകുപ്പ്, ദേശീയവകുപ്പ്, തദ്ദേശ സ്വയംഭരണം, ജില്ലാ ഭരണകൂടം തുടങ്ങിയ സര്‍ക്കാര്‍ വകുപ്പുകളും ലയണ്‍സ് ക്ലബ് ഇന്റര്‍നാഷണല്‍, ഐഎംഎ, ഇന്‍ഡ്യന്‍ അക്കാഡമി ഓഫ് പീഡിയാട്രിക്‌സ് തുടങ്ങിയ സന്നദ്ധ സംഘടനകള്‍ വാക്‌സിനേഷന്‍ പദ്ധതി നടത്തിപ്പില്‍ സഹകരിക്കും. 20,000ഓളം സ്‌കൂളുകളിലും 35,000ഓളം അംഗന്‍വാടികളിലും 1300ഓളം സര്‍ക്കാര്‍ ആശുപത്രികളിലും ആരോഗ്യകേന്ദ്രങ്ങളിലും 74,000ഓളം ക്യാംപ് സെഷനുകള്‍ സംഘടിപ്പിക്കും. ഇതിനായി ഡോക്ടര്‍മാര്‍, ജൂനിയര്‍ പബ്ലിക് ഹെല്‍ത്ത് നഴ്‌സുമാര്‍, മറ്റ് ആരോഗ്യപ്രവര്‍ത്തകര്‍, അധ്യാപകര്‍, അംഗന്‍വാടി- ആശാ പ്രവര്‍ത്തകര്‍ തുടങ്ങി ബന്ധപ്പെട്ട എല്ലാവര്‍ക്കും വിദഗ്ധ പരിശീലനം നല്‍കിക്കഴിഞ്ഞുവെന്ന് ആരോഗ്യമന്ത്രി അറിയിച്ചു. ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി രാജീവ് സദാനന്ദന്‍, ദേശീയാരോഗ്യ മിഷന്‍ സംസ്ഥാന ഡയറക്ടര്‍ കേശവേന്ദ്രകുമാര്‍, ആരോഗ്യ വകുപ്പ് ഡയറക്ടര്‍ ഡോ. ആര്‍.എല്‍. സരിത, ലോകാരോഗ്യ സംഘടനാ പ്രതിനിധികള്‍, ആരോഗ്യ വകുപ്പിലെ ഉന്നത ഉദ്യോഗസ്ഥര്‍ തുടങ്ങിയവര്‍ സെമിനാറില്‍ സംബന്ധിച്ചു. Dt.26.9.2017.
************************
2017 ഒക്ടോബറില്‍ നടക്കുന്ന പത്താംതരം തുല്യതാ പരീക്ഷയുടെ ഫീസ് പിഴയില്ലാതെ സെപ്തംബര്‍ 27 വരേയും പിഴയോടുകൂടി സെപ്തംബര്‍ 28 മുതല്‍ ഒക്ടോബര്‍ മുന്നു വരെയും സ്വീകരിക്കും. Dt.26.9.2017.
************************
വെക്കേഷണല്‍ ഹയര്‍ സെക്കന്ററി വിദ്യാഭ്യാസ വകുപ്പ് 2017 ജൂലൈയില്‍ നടത്തിയ ഒന്നാം വര്‍ഷ ഇംപ്രൂവ്‌മെന്റ് പരീക്ഷയുടെ സ്‌കോറുകള്‍ പ്രസിദ്ധീകരിച്ചു. www.results.kerala.nic.in എന്ന വെബ്‌സെറ്റില്‍ ലഭ്യമാണ്. ഉത്തരക്കടലാസ്സുകളുടെ പുനര്‍മൂല്യനിര്‍ണ്ണയവും, സൂക്ഷ്മ പരിശോധനയും നടത്തുന്നതിനുള്ള അപേക്ഷകള്‍ ഒക്ടോബര്‍ 10 നകം സംസ്ഥാനത്തെ ഏതെങ്കിലും ട്രഷറിയില്‍ നിശ്ചിത ഫീസൊടുക്കി അസല്‍ ചെലാന്‍, വെബ്‌സൈറ്റില്‍ നിന്നും ലഭിക്കുന്ന സ്‌കോര്‍ ഷീറ്റ് എന്നിവയോടൊപ്പം പോര്‍ട്ടലില്‍ നല്‍കിയിട്ടുള്ള അപേക്ഷാ ഫാറത്തിന്റെ മാതൃക പ്രിന്റ് ചെയ്ത് പൂരിപ്പിച്ച് വിദ്യാര്‍ത്ഥി പഠനം നടത്തുന്ന സ്‌കൂള്‍ പ്രിന്‍സിപ്പാളിന് സമര്‍പ്പിക്കണം. സ്‌കൂള്‍ പ്രിന്‍സിപ്പാള്‍ അപേക്ഷകള്‍ പരിശോധിച്ച് അപാകതകള്‍ ഇല്ലെന്ന് ഉറപ്പാക്കിയതിനുശേഷം വിദ്യാര്‍ത്ഥികള്‍ക്ക് കൈപ്പറ്റ് രസീത് നല്‍കുകയും ലഭിച്ച അപേക്ഷകള്‍ ഒക്ടോബര്‍ 15 നകം പോര്‍ട്ടലില്‍ അപ്‌ലോഡ് ചെയ്യുകയും വേണം. പുനര്‍മൂല്യനിര്‍ണ്ണയത്തിന് പേപ്പറെന്നിന് 500 രൂപ, സൂക്ഷ്മ പരിശോധനക്ക് 100 രൂപ എന്ന നിരക്കില്‍ '0202-01-102-93-VHSE Fees' എന്ന ശീര്‍ഷകത്തില്‍ ഒടുക്കണം. ഉത്തരക്കടലാസിന്റെ പകര്‍പ്പ് ആവശ്യമുള്ള വിദ്യാര്‍ത്ഥികള്‍ പേപ്പറൊന്നിന് 300 രൂപ പ്രകാരം ഫീസ് അടച്ച് അപേക്ഷകള്‍ പരീക്ഷാ ഓഫീസിലേക്ക് അയയ്ക്കണം. Dt.25.9.2017.
************************
സര്‍ക്കാര്‍/തദ്ദേശസ്വയംഭരണ സ്ഥാപനങ്ങളില്‍ നിന്നും മറ്റ് ആനുകൂല്യങ്ങള്‍ ലഭിക്കാത്ത ശാരീരിക വെല്ലുവിളികള്‍ നേരിടുന്ന സര്‍ക്കാര്‍/എയ്ഡഡ് സ്‌കൂള്‍/ കോളേജ് വിദ്യാര്‍ത്ഥികള്‍ക്ക് നടപ്പ് സാമ്പത്തിക വര്‍ഷം സ്‌കോളര്‍ഷിപ്പ് നല്‍കുന്നതിലേക്ക് അപേക്ഷ ക്ഷണിച്ചു. തിരുവനന്തപുരം നഗരസഭാ പരിധിയില്‍ ഉള്‍പ്പെടുന്ന അര്‍ഹരായ വിദ്യാര്‍ത്ഥികളുടെ രക്ഷകര്‍ത്താക്കള്‍ നിശ്ചിത ഫോറത്തില്‍ അപേക്ഷ തയ്യാറാക്കി വിദ്യാര്‍ത്ഥി പഠിക്കുന്ന സ്‌കൂള്‍/കോളേജ് മേധാവി മുഖേന ഒക്ടോബര്‍ 20നു മുമ്പായി സമര്‍പ്പിക്കണം. അപേക്ഷാ ഫോം ലഭിക്കുന്നതിനും വിശദവിവരങ്ങള്‍ക്കും ശിശുവികസന പദ്ധതി ഓഫീസര്‍, തിരുവനന്തപുരം (അര്‍ബന്‍ -1) സുഭാഷ് നഗര്‍, വളളക്കടവ് പി.ഒ തിരുവനന്തപുരം 695008 എന്ന വിലാസത്തില്‍ ബന്ധപ്പെടണം. ഫോണ്‍: 0471 2464059. Dt.25.9.2017.
************************
പൊതുവിദ്യാലയങ്ങളിലെ വിവിധ മേഖലകളിലെ മികവുകള്‍ അവതരിപ്പിക്കാന്‍ വേദിയൊരുക്കുന്ന ഹരിതവിദ്യാലയം വിദ്യാഭ്യാസ റിയാലിറ്റിഷോയുടെ നടപടിക്രമങ്ങള്‍ പ്രസിദ്ധീകരിച്ചു. കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ആണ് ഐ.ടി @ സ്‌കൂള്‍ വിക്ടേഴ്‌സ് ചാനലിലും ദൂരദര്‍ശനിലും സംപ്രേഷണം ചെയ്യുന്ന പരിപാടി വിദ്യാഭ്യാസ വകുപ്പിനു വേണ്ടി സംഘടിപ്പിക്കുന്നത്. 2010 ല്‍ വിജയകരമായി ഇന്ത്യയില്‍ ആദ്യമായി നടപ്പാക്കിയ വിദ്യാഭ്യാസ റിയാലിറ്റിഷോയുടെ രണ്ടാംഭാഗമാണ് നവംബര്‍ മുതല്‍ സംപ്രേഷണം ചെയ്യുന്നത്. സംസ്ഥാനത്തെ എല്ലാ സര്‍ക്കാര്‍/എയ്ഡഡ് സ്‌കൂളുകള്‍ക്കും ഷോയില്‍ പങ്കെടുക്കാം. പ്രാഥമിക പരിശോധനക്ക് ശേഷം 150 സ്‌കൂളുകള്‍ ഒന്നാം റൗണ്ടില്‍ മാറ്റുരയ്ക്കും. അപേക്ഷ പൂര്‍ണമായും ഓണ്‍ലൈന്‍ രൂപത്തിലാണ്. അപേക്ഷയോടൊപ്പം സ്‌കൂള്‍ പ്രവര്‍ത്തനം സംബന്ധിച്ച 5 മിനിറ്റ് വരെ ദൈര്‍ഘ്യമൂള്ള വീഡിയോ അല്ലെങ്കില്‍ 20 സ്ലൈഡില്‍ കവിയാത്ത പ്രസന്റേഷനോ സമര്‍പ്പിക്കണം. സ്‌കൂളുകള്‍ക്ക് മാര്‍ഗ നിര്‍ദേശങ്ങളും അപേക്ഷാഫോമും ഇന്നു മുതല്‍ www.kite.kerala.gov.in ല്‍ നിന്നും ഡൗണ്‍ലോഡ് ചെയ്യാവുന്നതാണെന്ന് കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് അറിയിച്ചു. ഇത് സ്‌കൂളിലെ ബന്ധപ്പെട്ട സമിതിയില്‍ ചര്‍ച്ച ചെയ്താവണം ഒക്ടോബര്‍ അഞ്ചിനും 16 നും ഇടയില്‍ ഓണ്‍ലൈനായി നല്‍കേണ്ടത്. മൂന്ന് ഭാഗങ്ങളായാണ് വിദ്യാലയ മികവുകള്‍ പരിശോധിക്കുക. അപേക്ഷയിലെ അക്കാദമിക മികവിന്റെ ഭാഗത്ത് അക്കാദമിക ആസുത്രണം, നടത്തിപ്പ്, ഫലപ്രാപ്തി എന്നിവയുടെ വിലയിരുത്തലുകള്‍ രേഖപ്പടുത്തണം. പ്രതിമാസ അക്കാദമിക പ്രവര്‍ത്തനങ്ങള്‍, അക്കാദമിക മോണിറ്ററിംഗ്, അധ്യാപക ശാക്തീകരണം, ഗവേഷണ പ്രവര്‍ത്തനങ്ങള്‍, വിഷയാധിഷ്ഠിത മികവുകള്‍, ക്ലാസ് പി.ടി.എ തുടങ്ങിയ 40 വിഭാഗങ്ങള്‍ രേഖപ്പെടുത്തണം. സാമൂഹിക പിന്തുണയും വിദ്യാലയ വികസനവും രണ്ടാം ഭാഗത്തിലും ഭൗതിക സൗകര്യങ്ങള്‍ മൂന്നാം ഭാഗത്തിലും നല്‍കണം. സ്‌കൂള്‍വിക്കി, ഹായ്‌സ്‌കൂള്‍ കുട്ടിക്കൂട്ടം, സമഗ്ര-സമ്പൂര്‍ണ പോര്‍ട്ടലുകളുടെ ഉപയോഗം, വിദ്യാലയ ശുചിത്വം, ജൈവ വൈവിധ്യ ഉദ്യാനം, പിന്തുണാ സംവിധാനങ്ങള്‍, വിവിധ ക്ലബ്ബുകള്‍ തുടങ്ങിയവയുടെയെല്ലാം വിലയിരുത്തല്‍ ചോദ്യാവലിയിലുണ്ട്. വിദ്യാലയങ്ങളിലെ മികച്ച മതൃകകള്‍ പങ്കുവക്കുന്നത് പൊതുവിദ്യാഭ്യാസ സംരക്ഷണ യജ്ഞ പ്രവര്‍ത്തനങ്ങള്‍ക്ക് ആക്കം കൂട്ടുമെന്ന് വിദ്യാഭ്യാസ വകുപ്പ് മന്ത്രി പ്രൊഫ, സി രവീന്ദ്രനാഥ് പറഞ്ഞു. ഹരിതവിദ്യാലയം വിദ്യാഭ്യാസ റിയാലിറ്റി ഷോയില്‍ ഒന്നാം സ്ഥാനം കിട്ടുന്ന സ്‌കൂളിന് 15 ലക്ഷം രൂപ ലഭിക്കും. രണ്ടും മൂന്നും സമ്മാനങ്ങള്‍ യഥാക്രമം 10 ലക്ഷം, 5 ലക്ഷം എന്നിങ്ങനെയാണ്. അവസാന റൗണ്ടിലെത്തുന്ന മറ്റു സ്‌കൂളുകള്‍ക്ക് 1.5 ലക്ഷം രൂപ വീതം ലഭിക്കും. ആദ്യ റൗണ്ടിലേക്ക് തിരഞ്ഞെടുക്കുന്ന സ്‌കൂളുകള്‍ക്ക് 15000 രൂപ വീതവും ലഭിക്കും. ക്യാഷ് അവാര്‍ഡുകള്‍ക്കു പുറമേ ട്രോഫിയും സര്‍ട്ടിഫിക്കറ്റുകളും സ്‌കൂളുകള്‍ക്ക് നല്‍കും. പ്രോഗ്രാമിനുള്ള സാങ്കേതിക സഹായം ലഭ്യമാക്കുന്നത് സി-ഡിറ്റ് ആണ്. പൊതു വിദ്യാഭ്യാസ സെക്രട്ടറി ഡോ. ഉഷാ ടൈറ്റസ് അധ്യക്ഷയും ഡയറക്ടര്‍മാര്‍ അംഗങ്ങളുമായ സമിതിയാണ് പരിപാടിയുടെ മേല്‍നോട്ടം വഹിക്കുക. ഒന്നാം എഡിഷന്റെ വീഡിയോകള്‍ https://www/youtube.com/harithavidyalayam1 എന്ന ലിങ്കില്‍ ലഭ്യമാണ്. Dt.25.9.2017.
************************
ആഗസ്റ്റില്‍ നടത്തിയ കെ-ടെറ്റ് പരീക്ഷയുടെ ഫലം പ്രസിദ്ധപ്പെടുത്തി. പരീക്ഷാഭവന്‍ വെബ്‌സൈറ്റില്‍ ഫലം ലഭ്യമാണ്. നാലു കാറ്റഗറികളിലായി 71,941 പേര്‍ പരീക്ഷ എഴുതിയതില്‍ 11,517 പേര്‍ കെ-ടെറ്റ് യോഗ്യതാ പരീക്ഷ വിജയിച്ചു. കാറ്റഗറി-1 ല്‍ 21006 പേര്‍ പരീക്ഷ എഴുതിയതില്‍ 2035 പേര്‍ വിജയിച്ചു. കാറ്റഗറി രണ്ടില്‍ 20539 പേര്‍ പരീക്ഷ എഴുതിയതില്‍ 7309 പേര്‍ വിജയിച്ചു. കാറ്റഗറി മൂന്നില്‍ 23442 പേര്‍ പരീക്ഷയെഴുതിയതില്‍ 1178 പേര്‍ വിജയിച്ചു. കാറ്റഗറി നാലില്‍ 6954 പേര്‍ പരീക്ഷയെഴുതിയതില്‍ 995 പേര്‍ വിജയിച്ചു. അശ്വതി.എസ്., അഞ്ജലി.കെ എന്നിവര്‍ കാറ്റഗറി ഒന്നില്‍ 75 ശതമാനത്തിനു മുകളില്‍ മാര്‍ക്ക് നേടിയും, വിനീഷ.എം.വി., ഫാത്തിമ.റ്റി, സജിത.റ്റി എന്നിവര്‍ കാറ്റഗറി രണ്ടിലും, കൃഷ്ണപ്രിയ.എസ്. കാറ്റഗറി മൂന്നിലും, സിന്ധു.എസ്. കാറ്റഗറി നാലിലും 80 ശതമാനത്തിന് മുകളില്‍ മാര്‍ക്ക് നേടിയും ക്യാഷ് അവാര്‍ഡിന് അര്‍ഹരായി. പരീക്ഷ വിജയിച്ചവര്‍ വിജ്ഞാപനത്തില്‍ പറഞ്ഞിട്ടുളള യോഗ്യതയുണ്ടെന്ന് ഉറപ്പുവരുത്താന്‍ പരിശോധനയ്ക്കായി അസല്‍ സര്‍ട്ടിഫിക്കറ്റുകളുമായി അവരവരുടെ പരീക്ഷാ കേന്ദ്രം സ്ഥതിതി ചെയ്യുന്നിടത്തെ ജില്ലാ ഓഫിസില്‍ എത്തണം. Dt.19.9.2017.
************************
കൊച്ചിയില്‍ നടക്കുന്ന ഫിഫ അണ്ടര്‍ 17 ഫുട്ബാള്‍ മത്സരങ്ങളുടെ പ്രചാരണാര്‍ത്ഥം സംഘടിപ്പിക്കുന്ന വണ്‍ മില്യണ്‍ ഗോള്‍ പദ്ധതി 27ന് വൈകിട്ട് മൂന്ന് മുതല്‍ ഏഴ് വരെ എല്ലാ സ്‌കുളുകളിലും നടത്തുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. സ്‌കൂള്‍ കുട്ടികള്‍, അധ്യാപകര്‍, അനധ്യാപകര്‍ എന്നിവര്‍ പങ്കെടുക്കും. ഇതുമായി ബന്ധപ്പെട്ട് എല്ലാ സ്‌കൂളുകളിലും ബാനറുകള്‍ പ്രദര്‍ശിപ്പിക്കുകയും ക്വിസ് മത്സരം, പോസ്റ്റര്‍ എക്‌സിബിഷന്‍, ഫുട്ബാള്‍ മത്സരം എന്നിവ സംഘടിപ്പിക്കുകയും ചെയ്യും.Dt.19.9.2017.
************************
നവംബറില്‍ നടക്കുന്ന കെ.ജി.റ്റി, ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ വിജ്ഞാപനം www.keralapareekshabhavan.in ല്‍ പ്രസിദ്ധീകരിച്ചു. കെ.ജി.റ്റി പരീക്ഷയ്ക്ക് സെപ്റ്റംബര്‍ 20 രാവിലെ 10 മുതല്‍ ഒക്ടോബര്‍ നാല് വൈകിട്ട് അഞ്ച് വരെ ഓണ്‍ലൈനായി അപേക്ഷിക്കാം. ഡി.എഡ് പരീക്ഷ നവംബര്‍ 20 മുതല്‍ ആരംഭിക്കും. പരീക്ഷാ ഫീസ് ഒക്ടോബര്‍ 13നകം അടയ്ക്കണം. Dt.19.9.2017.
************************
സെപ്തംബര്‍ 22, 23, 24 തീയതികളില്‍ നടക്കുന്ന ഒന്നാംവര്‍ഷ ഹയര്‍സെക്കന്ററി ഇംപ്രൂവ്‌മെന്റ് തുല്യതാ പരീക്ഷയുടെ ഹാള്‍ടിക്കറ്റ് പരീക്ഷാര്‍ത്ഥികള്‍ക്ക്, രജിസ്‌ട്രേഷന്‍ കേന്ദ്രങ്ങളില്‍ 18, 19, 20 തീയതികളില്‍ വിതരണം ചെയ്യും. പരീക്ഷാര്‍ത്ഥികള്‍ രജിസ്‌ട്രേഷന്‍ കേന്ദ്രങ്ങളിലെത്തി പ്രിന്‍സിപ്പാള്‍മാരില്‍ നിന്ന് ഹാള്‍ടിക്കറ്റ് വാങ്ങണം. കൊല്ലം തേവള്ളി ഗവ: മോഡല്‍ എച്ച്.എസ്സ്.എസ്സ്, ആലപ്പുഴ, കലവൂര്‍ ഗവ: എച്ച്.എസ്സ്.എസ്സ്, കടുത്തുരുത്തി സെന്റ്‌മൈക്കിള്‍സ് എച്ച്.എസ്സ്.എസ്സ് എന്നീ കേന്ദ്രങ്ങളില്‍ രജിസ്റ്റര്‍ ചെയ്ത പരീക്ഷാര്‍ത്ഥികള്‍ അതാത് ജില്ലയിലെ ഇതര പരീക്ഷാ കേന്ദ്രങ്ങളിലെത്തണം. വിശദാംശങ്ങള്‍ ഹയര്‍ സെക്കന്ററി പോര്‍ട്ടലില്‍ ലഭിക്കും. Dt.16.9.2017.
************************
ആഗസ്റ്റ് 20 ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. www.prd.gov.in, www.lbscentre.org, www.lbskerala.com എന്നിവയില്‍ ലഭ്യമാണ്. 16866 പേര്‍ പരീക്ഷ എഴുതിയതില്‍ 2147 പേര്‍ വിജയിച്ചു. 12.73 ആണ് വിജയ ശതമാനം. ലിസ്റ്റില്‍ ഉള്‍പ്പെട്ടിട്ടുള്ളവര്‍ അവരുടെ സെറ്റ് സര്‍ട്ടിഫിക്കറ്റുകള്‍ ലഭിക്കുന്നതിനുള്ള അപേക്ഷാഫോറം എല്‍.ബി.എസ് സെന്ററിന്റെ വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച് ആവശ്യമായ രേഖകളുടെ (ഗസറ്റഡ് ആഫീസര്‍ സാക്ഷ്യപ്പെടുത്തിയ) പകര്‍പ്പ് സഹിതം 40 രൂപയുടെ സ്റ്റാമ്പ് ഒട്ടിച്ച സ്വന്തം മേല്‍വിലാസം എഴുതിയ A4 വലിപ്പത്തിലുള്ള ക്ലോത്ത് ലൈന്‍ഡ് കവറില്‍ ഡയറക്ടര്‍, എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി, പാളയം, തിരുവനന്തപുരം-33 എന്ന വിലാസത്തില്‍ അയയ്ക്കണം. എസ്.എസ്.എല്‍.സി സര്‍ട്ടിഫിക്കറ്റില്‍ പേര് ഉള്‍പ്പെടുന്ന പേജ്, ബിരുദാനന്തര ബിരുദ സര്‍ട്ടിഫിക്കറ്റ് (പ്രൊവിഷണല്‍/ഒറിജിനല്‍), മാര്‍ക്ക് ലിസ്റ്റ്, ബി.എഡ് സര്‍ട്ടിഫിക്കറ്റ് (പ്രൊവിഷണല്‍/ഒറിജിനല്‍), അംഗീകാര തുല്യത സര്‍ട്ടിഫിക്കറ്റുകള്‍ (കേരളത്തിനു പുറത്തുള്ള ബിരുദാനന്തര ബിരുദവും ബി.എഡും), പ്രൊസ്‌പെക്ടസിലെ ഖണ്ഡിക 2.2-ല്‍ പറഞ്ഞിട്ടില്ലാത്ത വിഷയങ്ങളില്‍ ബിരുദാനന്തര ബിരുദം നേടിയവര്‍ തങ്ങളുടെ വിഷയങ്ങളുടെ തുല്യതാ സര്‍ട്ടിഫിക്കറ്റ് എന്നിവയുടെ സാക്ഷ്യപ്പെടുത്തിയ പകര്‍പ്പുകളാണ് അയയ്‌ക്കേണ്ടത്. എസ്.സി/എസ്.ടി/ഒ.ബി.സി (നോണ്‍ ക്രിമീലെയര്‍) വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ ജാതി/നോണ്‍ ക്രീമീലെയര്‍ സര്‍ട്ടിഫിക്കറ്റ് (നോണ്‍ ക്രീമീലെയര്‍ സര്‍ട്ടിഫിക്കറ്റുകള്‍ 2016 ജൂണ്‍ 20 മുതല്‍ 2017 ജൂലൈ 12 വരെയുള്ള കാലയളവില്‍ ലഭിച്ചതായിരിക്കണം). PH/VH വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ വൈകല്യം തെളിയിക്കുന്ന ബന്ധപ്പെട്ട രേഖകള്‍ നല്‍കണം. (മുമ്പ് ഹാജരാക്കിയവര്‍ക്ക് ബാധകമല്ല). സര്‍ട്ടിഫിക്കറ്റുകള്‍ ഡിസംബര്‍ മുതല്‍ വിതരണം ചെയ്യും. പ്രൊവിഷണല്‍ സര്‍ട്ടിഫിക്കറ്റ് ആവശ്യമുള്ളവര്‍ പ്രത്യേകം അപേക്ഷിക്കണം. കൂടുതല്‍ വിവരങ്ങള്‍ക്ക് 0471 2560311, 312, 313. Dt.16.9.2017.
************************
സെറ്റ് ജൂലൈ 2017-ന്റെ ഫലം ഇന്ന് (സെപ്തംബര്‍ 16) പ്രസിദ്ധീകരിക്കും. prd.kerala.gov.in, www.lbscentre.org, www.lbskerala.com എന്നീ വെബ്‌സൈറ്റുകളിലും ഫലം ലഭിക്കും. Dt.15.9.2017.
************************
എറണാകുളം റീജിയണല്‍ പ്രൊഫഷണല്‍ ആന്റ് എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്ത 1997 ജനുവരി ഒന്നു മുതല്‍ 2017 ജൂലൈ 31 വരെ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ കഴിയാതിരുന്നവര്‍ക്കും, സീനിയോറിറ്റി നഷ്ടപ്പെട്ട് റീ-രജിസ്റ്റര്‍ ചെയ്തവര്‍ക്കും എംപ്ലോയ്‌മെന്റ് എക്‌സ്‌ചേഞ്ച് മുഖേനയോ അല്ലാതെ നേരിട്ടോ ജോലി ലഭിച്ച് പിരിഞ്ഞതിന് ശേഷം യഥാസമയം വിടുതല്‍ സര്‍ട്ടിഫിക്കറ്റ് ചേര്‍ക്കാതെ സീനിയോറിറ്റി നഷ്ടപ്പെട്ടവര്‍ക്കും സീനിയോറിറ്റി പുന:സ്ഥാപിക്കാന്‍ അവസരം. ആരോഗ്യ കാരണത്താലും, ഉപരി പഠനത്തിന് പോകേണ്ടിവന്നതിനാലും എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് ജോലി പൂര്‍ത്തിയാക്കാനാവാതെ വിടുതല്‍ ചെയ്ത് / രാജി വച്ചവര്‍ക്കും എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലിക്ക് നിയമനം ലഭിച്ചിട്ടും വിവിധ കാരണങ്ങളാല്‍ ജോലിയില്‍ പ്രവേശിക്കാതെ നിയമനാധികാരിയില്‍ നിന്നും നോണ്‍ ജോയിനിംഗ് ഡ്യൂട്ടി സര്‍ട്ടിഫിക്കറ്റ് യഥാസമയം ഹാജരാക്കത്തതിനാല്‍ സീനിയോറിറ്റി നഷ്ടമായവര്‍ക്കും അവരുടെ അസ്സല്‍ രജിസ്‌ട്രേഷന്‍ സീനിയോറിറ്റി പുന:സ്ഥാപിക്കാന്‍ സര്‍ക്കാര്‍ ഉത്തരവായിട്ടുണ്ട്. ശിക്ഷണ നടപടിയുടെ ഭാഗമായോ, ലഭിച്ച ജോലിയില്‍ മനപൂര്‍വ്വം ഹാജരാകാതിരുന്നതിന്റെ പേരിലോ രജിസ്‌ട്രേഷന്‍ റദ്ദാക്കപ്പെട്ടവര്‍ക്ക് ഈ ഉത്തരവിന്റെ ആനുകൂല്യം ലഭിക്കില്ല. സീനിയോറിറ്റി പുനസ്ഥാപിക്കാന്‍ അര്‍ഹതയുള്ള ഉദ്യോഗാര്‍ത്ഥികള്‍ക്ക് www.employment.kerala.gov.in ന്റെ ഹോം പേജില്‍ നല്‍കിയിട്ടുള്ള സ്‌പെഷ്യല്‍ റിന്യൂവല്‍ ഓപ്ഷന്‍ വഴി പ്രത്യേക പുതുക്കല്‍ നടത്താം. സെപ്തംബര്‍ രണ്ട് മുതല്‍ ഒക്ടോബര്‍ 31 വരെയുള്ള പ്രവൃത്തി ദിവസം രജിസ്‌ട്രേഷന്‍ കാര്‍ഡും എല്ലാ അസ്സല്‍ സര്‍ട്ടിഫിക്കറ്റുകളുമായി നേരിട്ടോ /ദൂതന്‍ മുഖേനയോ അപേക്ഷ സമര്‍പ്പിച്ച് പുതുക്കല്‍ നടത്താം. ഉത്തരവ് പ്രകാരം സീനിയോറിറ്റി പുനസ്ഥാപിക്കപ്പെട്ടവര്‍ക്ക് രജിസ്‌ട്രേഷന്‍ നിലവിലില്ലാതിരുന്ന കാലത്തെ തൊഴില്‍ രഹിത വേതനത്തിന് അര്‍ഹത ഉണ്ടായിരിക്കില്ല. എറണാകുളം മേഖല പ്രൊഫഷണല്‍ & എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ ഈ ഓഫീസില്‍ തന്നെ അപേക്ഷ സമര്‍പ്പിക്കണം. ഒക്ടോബര്‍ 31 ന് ശേഷം ലഭിക്കുന്ന അപേക്ഷകള്‍ പരിഗണിക്കില്ല. Dt.15.9.2017.
************************
എസ്.സി.ഇ.ആര്‍.ടി യുടെ നേതൃത്വത്തില്‍ സെപ്തംബര്‍ 19 മുതല്‍ 21 വരെ ആറ് വയസ്സുവരെയുള്ള കുട്ടികളുടെ വിദ്യാഭ്യാസവും പരിചരണവും എന്ന വിഷയത്തില്‍ ദേശീയ ശില്‍പശാല സംഘടിപ്പിക്കും. മുഖ്യമന്ത്രി പിണറായി വിജയന്‍ 19 ന് രാവിലെ 9.30 ന് പൂജപ്പുര എസ്.സി.ഇ.ആര്‍.ടി യില്‍ ഉദ്ഘാടനം നിര്‍വഹിക്കും. വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് അധ്യക്ഷത വഹിക്കുന്ന ചടങ്ങില്‍ ആരോഗ്യ സാമൂഹ്യനീതി വകുപ്പ് മന്ത്രി കെ.കെ.ഷൈലജ ടീച്ചര്‍ മുഖ്യ പ്രഭാഷണം നടത്തും. Dt.15.9.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന അര്‍ഹരായ ഒ.ബി.സി വിഭാഗം വിദ്യാര്‍ത്ഥികളുടെ 2017-18 വര്‍ഷത്തെ പ്രീമെട്രിക് സ്‌കോളര്‍ഷിപ്പ് ആധാറുമായി ബന്ധിപ്പിച്ച ബാങ്ക് അക്കൗണ്ടുകളിലേക്കാവും വിതരണം ചെയ്യുകയെന്ന് പിന്നാക്ക വിഭാഗ വികസന വകുപ്പ് ഡയറക്ടര്‍ അറിയിച്ചു. ആധാര്‍ രജിസ്‌ട്രേഷന്‍ നടത്തിയിട്ടില്ലാത്ത വിദ്യാര്‍ത്ഥികള്‍ രജിസ്‌ട്രേഷന്‍ നടത്തുന്നതിനും ആധാര്‍ ലഭ്യമായവര്‍ ആയത് ബാങ്ക് അക്കൗണ്ടുകളുമായി ബന്ധിപ്പിക്കുന്നതിനും വേണ്ട നടപടി സ്വീകരിക്കണം. Dt.14.9.2017.
************************
ഓക്ടോബര്‍ 8ന് ആരംഭിക്കുന്ന രണ്ടാംവര്‍ഷ ഹയര്‍സെക്കന്ററി തുല്യതാ പരീക്ഷയ്ക്ക് ഫൈനോടുകൂടി ഫീസടക്കുന്നതിനുള്ള തീയതി സെപ്തംബര്‍ 15 വരെ ദീര്‍ഘിപ്പിച്ചു.Dt.11.9.2017.
************************
സ്‌കോള കേരള മുഖാന്തിരം ഹയര്‍സെക്കണ്ടറി ഓപ്പണ്‍ റഗുലര്‍ കോഴ്‌സിന് 2017 -19 ബാച്ചില്‍ രജിസ്‌ട്രേഷന്‍ നേടിയ ഒന്നാം വര്‍ഷ വിദ്യാര്‍ത്ഥികളുടെ തിരിച്ചറിയല്‍ കാര്‍ഡ് സെപ്റ്റംബര്‍ 11 മുതല്‍ www.scolekerala.org സൈറ്റില്‍ നിന്നും പ്രിന്റ് എടുക്കാം. രജിസ്‌ട്രേഷന്‍ സമയത്ത് ലഭിച്ച യൂസര്‍ നെയിം, പാസ് വേഡ് ഉപയോഗിച്ചാണ് ഡൗണ്‍ലോഡ് ചെയ്യേണ്ടത്. തിരിച്ചറിയല്‍ കാര്‍ഡ് അതത് പഠനകേന്ദ്രം പ്രിന്‍സിപ്പാള്‍/കോഡിനേറ്റിംഗ് ടീച്ചര്‍ മുമ്പാകെ സമര്‍പ്പിച്ച് മേലൊപ്പ് വാങ്ങി സെപ്തംബര്‍ 17ന് ആരംഭിക്കുന്ന സമ്പര്‍ക്ക ക്ലാസുകളില്‍ പങ്കെടുക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.11.9.2017.
************************
2017 ജൂണില്‍ നടന്ന രണ്ടാം വര്‍ഷ ഹയര്‍സെക്കന്ററി സേ/ഇംപ്രൂവ്‌മെന്റ് പരീക്ഷയുടെ പുനര്‍മൂല്യ നിര്‍ണ്ണയം, സൂക്ഷ്മപരിശോധന ഫലം പ്രസിദ്ധീകരിച്ചു. ഫലം (www.dhsekerala.gov.in) ല്‍ ലഭ്യമാണ്. Dt.8.9.2017.
************************
തിരുവനന്തപുരം ജില്ലയിലെ സര്‍ക്കാര്‍ എയിഡഡ് ഹൈസ്‌കൂളുകളിലെ എട്ട്, ഒന്‍പത് ക്ലാസുകളിലെ ഹായ് സ്‌കൂള്‍ കുട്ടിക്കൂട്ടം അംഗങ്ങളെ ഉള്‍പ്പെടുത്തി നടത്തുന്ന ഇ@ ഉത്സവ് ദിദ്വന ക്യാമ്പിന്റെ ഒന്നാംഘട്ടം പൂര്‍ത്തിയായി. കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ആണ് അനിമേഷന്‍, ഇലക്ട്രോണിക്‌സ്, ഹാര്‍ഡ്‌വെയര്‍, സൈബര്‍ സുരക്ഷ, മലയാളം കമ്പ്യൂട്ടിംഗ് എന്നിങ്ങനെ അഞ്ച് മേഖലകളില്‍ വിദഗ്ധ പരിശീലനം ഉള്‍പ്പെടുന്ന ഇ@ഉത്സവ് ക്യാമ്പ് സംഘടിപ്പിക്കുന്നത്. ജില്ലയില്‍ 67 കേന്ദ്രങ്ങളില്‍ 142 റിസോഴ്‌സ് പേഴ്‌സന്‍മാരെ ഉപയോഗിച്ചാണ് ഇ@ഉത്സവ് നടത്തുന്നത്. അദ്യ ബാച്ചില്‍ 2,130 കുട്ടികള്‍ പങ്കെടുത്തു. ഇന്നും (ആഗസ്റ്റ് 9) നാളെയുമായി അടുത്ത ബാച്ചിന്റെ പരിശീലനം നടക്കും. സ്‌കൂളുകളില്‍ വിന്യസിച്ചിട്ടുളള ഇലക്‌ട്രോണിക്‌സ് കിറ്റുകളിലെ ബ്രിക്കുകള്‍ ഉപയോഗിച്ചുളള അഡ്വാന്‍സ്ഡ് സര്‍ക്യൂട്ട് നിര്‍മ്മാണം, കുഞ്ഞന്‍ കമ്പ്യൂട്ടറായ റാസ്പറിപൈ ഉപയോഗം, വിഷ്വല്‍ പ്രോഗ്രാമിംഗ് സോഫ്റ്റ്‌വെയറായ സ്‌ക്രാച്ചുപയോഗിച്ച് എഡ്യൂടൈന്റ്‌മെന്റ് സോഫ്റ്റ്‌വെയറുകളുടെ വികസനം തുടങ്ങിയവ ഇലക്ട്രോണിക്‌സ് വിഭാഗം ക്യാമ്പില്‍ ഉള്‍പ്പെടുത്തിയിട്ടുണ്ട്. ഗൂഗിള്‍ ഇന്ത്യയുടെ 2017 ലെ കോഡ് ടു ലേന്‍ മത്സരത്തില്‍ പങ്കെടുക്കാനും കുട്ടികള്‍ക്ക് അവസരം ലഭിക്കും. സ്വന്തമായി കഥ കണ്ടെത്തി ലഘു അനിമേഷന്‍ സിനിമ തയ്യാറാക്കലും വിവിധ ഗ്രാഫിക്‌സ് സോഫ്ട്‌വെയര്‍ ഉപയോഗിച്ചുളള ഉളളടക്കം വികസിപ്പിക്കലുമാണ് അനിമേഷന്‍ വിഭാഗത്തിന്റെ പ്രവര്‍ത്തനങ്ങള്‍. സ്‌കൂള്‍ വിക്കി പുതുക്കല്‍, സ്‌കൂള്‍ ന്യൂസ് ഡെസ്‌ക് രൂപീകരിച്ച് വാര്‍ത്തകള്‍ തയ്യാറാക്കി ഓണ്‍ലൈനില്‍ പ്രസിദ്ധീകരിക്കല്‍, ഇന്റര്‍നെറ്റ് മര്യാദകള്‍, സൈബര്‍ സുരക്ഷയും സ്വകാര്യതയും ഉറപ്പാക്കുന്ന സംവിധാനങ്ങള്‍ തുടങ്ങിയവയില്‍ മലയാളം കമ്പ്യൂട്ടിംഗ് സൈബര്‍ സുരക്ഷാ മേഖലയിലെ ക്യാമ്പുകളിലെ കുട്ടികള്‍ക്ക് വിദഗ്ധ പരിശീലനം ലഭിക്കും. ക്ലാസ്മുറികളില്‍ ഐ.ടി ഉപകരണങ്ങള്‍ പ്രവര്‍ത്തിപ്പിക്കാനും പരിപാലിക്കാനും സോഫ്ട്‌വെയര്‍ ഇന്‍സ്റ്റലേഷന്‍, കണക്ടിവിറ്റി പ്രശ്‌നങ്ങള്‍ വരെ ഹാര്‍ഡ്‌വെയര്‍ വിഭാഗത്തിലെ കുട്ടികള്‍ പഠിക്കും. പരിശീലനത്തില്‍ പങ്കെടുക്കുന്ന കുട്ടികള്‍ക്ക് സര്‍ട്ടിഫിക്കറ്റ് നല്‍കും. Dt.8.9.2017.
************************
സംസ്ഥാന സര്‍ക്കാര്‍ ജീവനക്കാരുടെയും ഓള്‍ ഇന്ത്യ സര്‍വീസ് ഓഫീസര്‍മാരുടെയും 2016-17 വര്‍ഷത്തെ ജി.പി.എഫ് വാര്‍ഷിക കണക്ക് വിവരം ഔദ്യോഗിക വെബ്‌സൈറ്റായ www.agker.cag.gov.in ല്‍ 11 ന് പ്രസിദ്ധീകരിക്കും. പിന്‍ നമ്പര്‍ ഉപയോഗിച്ച് കണക്ക് വിവരം അറിയാനാവും. വിശദവിവരങ്ങള്‍ക്ക് 0471-277660. Dt.7.9.2017.
************************
സംസ്ഥാനത്തെ സര്‍ക്കാര്‍ സ്‌കൂളുകളില്‍ പി.ടി.എ.യുടെ നേതൃത്വത്തില്‍ പ്രവര്‍ത്തിച്ചുവരുന്ന പ്രീ-പ്രൈമറികളിലെ അധ്യാപികമാര്‍ക്കും ആയമാര്‍ക്കും അവധി അനുവദിച്ച് സര്‍ക്കാര്‍ ഉത്തരവായി. ഒരു വര്‍ഷം പരമാവധി 15 ദിവസം ആകസ്മികാവധിയും, ഓണറേറിയത്തോടു കൂടി 6 മാസം പ്രസവാവധിയും, കൂടാതെ കാന്‍സര്‍ പോലുള്ള മാരകരോഗങ്ങള്‍ ബാധിച്ചവര്‍ക്ക് സ്‌പെഷ്യല്‍ കാഷ്വല്‍ ലീവിന്റെ വ്യവസ്ഥകള്‍ക്കനുസൃതമായ അവധിയുമാണ് അനുവദിച്ചത്. നിശ്ചിത ചട്ടങ്ങളുടെ അഭാവത്തില്‍ ഈ വിഭാഗം ജീവനക്കാര്‍ക്ക് യാതൊരു അവധിയും അനുവദിച്ചിരുന്നില്ല. ഇതിന് പരിഹാരം കാണുന്നതിന് വിദ്യാഭ്യാസമന്ത്രി പ്രൊഫ.സി. രവീന്ദ്രനാഥിന്റെ പ്രത്യേക നിര്‍ദ്ദേശത്തെ തുടര്‍ന്നാണ് പ്രീ-പ്രൈമറി അദ്ധ്യാപികമാര്‍ക്കും ആയമാര്‍ക്കും അവധി അനുവദിച്ച് ഉത്തരവ് പുറപ്പെടുവിച്ചത്. Dt.7.9.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ സ്‌പെഷ്യലിസ്റ്റ് അധ്യാപക-വിദ്യാര്‍ത്ഥി അനുപാതം 1 : 300 ആയി പുനഃക്രമീകരിച്ച് ഉത്തരവായി. ദീര്‍ഘകാലമായി നിലവിലുണ്ടായിരുന്ന 1 : 500 അനുപാതം അനുസരിച്ച് സംരക്ഷണത്തിന് അര്‍ഹതയുള്ള സ്‌പെഷ്യലിസ്റ്റ് അദ്ധ്യാപകര്‍ തസ്തിക നഷ്ടംമൂലം പുറത്താകുന്ന സാഹചര്യം ഉണ്ടായി. ഈ അനുപാതം പുനഃക്രമീകരിക്കണമെന്ന ദീര്‍ഘകാലത്തെ ആവശ്യമാണ് സര്‍ക്കാര്‍ അംഗീകരിച്ചത്. അനുപാതം കുറക്കുന്നതിലൂടെ സ്‌കൂളുകള്‍ അധിക തസ്തികകള്‍ സൃഷ്ടിക്കരുതെന്ന് ഉത്തരവില്‍ പ്രത്യേകം വ്യക്തമാക്കിയിട്ടുണ്ട്. Dt.7.9.2017.
************************
സ്‌കോള്‍ കേരള മുഖേന നടത്തുന്ന പി.എസ്.സി അംഗീകാരമുളള ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഡി.സി.എ) കോഴ്‌സ് പുതുതായി പഠന കേന്ദ്രം ആരംഭിക്കാന്‍ താത്പര്യമുളള സംസ്ഥാനത്തെ സര്‍ക്കാര്‍/എയ്ഡഡ്, ഹയര്‍സെക്കണ്ടറി/വൊക്കേഷണല്‍ ഹയര്‍സെക്കണ്ടറി സ്‌കൂള്‍ പ്രിന്‍സിപ്പാള്‍മാരില്‍ നിന്നും അപേക്ഷ സ്വീകരിക്കുന്ന തീയതി 16 വരെ നീട്ടി. അപേക്ഷാ ഫോറവും മാര്‍ഗനിര്‍ദേശങ്ങളും www.scolekerala.org യില്‍ പ്രസിദ്ധീകരിച്ചിട്ടുണ്ട്. അപേക്ഷകള്‍ നിശ്ചിത തീയതിക്ക് മുമ്പ് സ്‌കോള്‍ കേരള സംസ്ഥാന കാര്യാലയത്തില്‍ നേരിട്ടോ/ രജിസ്റ്റേഡ് തപാല്‍ മുഖേനയോ സമര്‍പ്പിക്കണം. Dt.7.9.2017.
************************
സര്‍ക്കാര്‍/എയ്ഡഡ് മേഖലയിലെ അന്ധ-ബധിര വിദ്യാലയങ്ങളിലെ അദ്ധ്യാപകരെ സംരക്ഷിക്കുന്നതിനായി അദ്ധ്യാപക-വിദ്യാര്‍ത്ഥി അനുപാതം പുനഃക്രമീകരിച്ചു ഉത്തരവായി. നിലവിലുള്ള അനുപാതം 1:5, 2:15, 3:25 എന്നിങ്ങനെയായിരുന്നു. ഇത് നിലവിലുള്ള അദ്ധ്യാപകരെ സംരക്ഷിക്കുന്നതിനായി മാത്രം 5 വിദ്യാര്‍ത്ഥികള്‍ വരെ ഒരു അദ്ധ്യാപകന്‍, 6 മുതല്‍ 10 വരെ വിദ്യാര്‍ത്ഥികള്‍ക്ക് 2 അദ്ധ്യാപകര്‍, 11 മുതല്‍ 15 വരെ വിദ്യാര്‍ത്ഥികള്‍ക്ക് 3 അദ്ധ്യാപകര്‍ എന്ന നിലയ്ക്കാണ് പുതുക്കി നിശ്ചയിച്ചിട്ടുള്ളത്. ഇപ്രകാരം അനുപാതം കുറക്കുന്നതുകൊണ്ട് പുതിയ ഡിവിഷന്‍ അനുവദിക്കുവാനോ അദ്ധ്യാപക തസ്തിക സൃഷ്ടിക്കുവാനോ പാടുള്ളതല്ല. പുതുതായി നിയമനം ലഭിക്കുന്നവര്‍ക്ക് 1:5, 2:15, 3:25 എന്ന അദ്ധ്യാപക-വിദ്യാര്‍ത്ഥി അനുപാതത്തില്‍ മാത്രമേ അംഗീകാരം നല്കുകയുള്ളു Dt.31.8.2017.
************************
നാഷണല്‍ ടാലന്റ് സെര്‍ച്ച് എക്‌സാമിനേഷന്‍ (എന്‍.റ്റി.എസ്), നാഷണല്‍ മീന്‍സ് കം മെരിറ്റ് സ്‌കോളര്‍ഷിപ്പ് (എന്‍.എം.എ.എസ്) പരീക്ഷകള്‍ക്ക് ഓണ്‍ലൈനായി സെപ്റ്റംബര്‍15 വരെ അപേക്ഷിക്കാം. വിശദാംശങ്ങള്‍ www.scert.kerala.gov.in ല്‍ ലഭ്യമാണ് Dt.31.8.2017.
************************
തിരുവനന്തപുരം, കൊല്ലം, തൃശൂര്‍, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്‍, കാസര്‍ഗോഡ് ജില്ലകളിലെ അടിസ്ഥാന സൗകര്യമുള്ള സര്‍ക്കാര്‍/എയ്ഡഡ് സ്‌കൂളുകളില്‍ 10 ശതമാനം സീറ്റ് വര്‍ധന അനുവിദിക്കാനും വടക്കാഞ്ചേരി, കുഴല്‍മന്ദം (പെരിങ്ങോട്ടുകുറിശ്ശി), കുളത്തൂപ്പുഴ മോഡല്‍ റസിഡന്‍ഷ്യല്‍ സ്‌കൂളുകളില്‍ ഹയര്‍ സെക്കണ്ടറി കോഴ്‌സുകള്‍ ആരംഭിക്കാനും സര്‍ക്കാര്‍ അനുമതിയായി.Dt.31.8.2017.
************************
തിരുവോണ ദിനത്തില്‍ ഐ.ടി. @ സ്‌കൂള്‍ വിക്ടേഴ്‌സ് ചാനലില്‍ പത്ത് പുതിയ പരിപാടികള്‍ സംപ്രേഷണം ചെയ്യും. ഉത്രാട ദിനത്തില്‍ രാവിലെ ആറിന് 'തിരുവോണപ്പെരുമയും' ഒമ്പതിന് 'ഫോക് ഫെസ്റ്റും' 10.30 ന് 'മാവേലി വാണിടും കാലവും' ഉച്ചയ്ക്ക് പന്ത്രണ്ടിന് 2016ലെ സാഹിത്യത്തിനുള്ള നൊബേല്‍ സമ്മാന ജേതാവും പരമ്പരാഗത ഗാന ചരിത്രത്തില്‍ നവീന ആശയ പ്രകാശനങ്ങള്‍ സൃഷ്ടിച്ച ബോബ് ഡിലനെക്കുറിച്ച് പ്രതിപാദിക്കുന്ന പരിപാടിയായ 'നൊബേല്‍ ലൊറേറ്റ്‌സും' വൈകുന്നേരം നാലിന് 'ഓണവില്ലും' ഏഴിന് ഓണപ്പാട്ടുകളും സംപ്രേഷണം ചെയ്യും. തിരുവോണ ദിനത്തില്‍ രാവിലെ 6.30 ന് 'പാഠങ്ങള്‍ പടവുകളില്‍' പുതുവര്‍ഷവും ഏഴിന് 'ബാലസൂര്യനും' എട്ടിന് 'എന്റെ എഴുത്തുകാരും' ഒമ്പതിന് സംഗീതജ്ഞ ഡോ. കെ.ഓമനക്കുട്ടി, മുന്‍ ബാലഭവന്‍ പ്രിന്‍സിപ്പലും തിരുവനന്തപുരം ചെഷയര്‍ഹോം സെക്രട്ടറിയുമായ വിമലാ മേനോന്‍, കഥാകാരിയും ചിത്രകാരിയുമായ പത്മജാ രാധാകൃഷ്ണന്‍ എന്നിവരോടൊപ്പം ഓണത്തിന്റെ നല്ല അനുഭവങ്ങള്‍ പങ്കുവയ്ക്കുന്ന 'ഓണനിലാവും' ഉണ്ടാകും. പതിനൊന്നിന് പ്രശസ്ത കവി കമുരുകന്‍ കാട്ടാക്കട പങ്കെടുക്കുന്ന 'ലുക്കിങ്ങ് അറ്റ് ദി മീഡിയയും' ഉച്ചയ്ക്ക് ഒന്നിന് ഓണമുറ്റത്തും വൈകുന്നേരം നാലരയ്ക്ക് പൊതുവിദ്യാഭ്യാസ ഡയറക്ടര്‍ കെ.വി. മോഹന്‍ കുമാര്‍ പങ്കെടുക്കുന്ന 'കുട്ടിച്ചോദ്യവും രാത്രി 8.30 ന് സൂര്യ സ്റ്റേജ് ഫിലിം സൊസൈറ്റിയുടെ സ്ഥാപകനും നാട്യകലാരൂപങ്ങളുടെ പ്രചാരകനുമായ സൂര്യ കൃഷ്ണമൂര്‍ത്തി ഓണ വിശേഷങ്ങള്‍ പങ്കുവെയ്ക്കുന്ന 'കുട്ടികളോടൊപ്പ'വും സംപ്രേഷണം ചെയ്യും. അവിട്ട ദിനത്തില്‍ രാവിലെ 6.05. ന് നാടന്‍ പാട്ടുകളും 7.30 ന് 'ഓണക്കളിയാട്ടും' വൈകുന്നരം നാലരയ്ക്ക് 'പൊട്ടനാട്ടവും' രാത്രി പത്തിന് 'പടയണിക്കാലവും' ചതയ ദിനത്തില്‍ രാവിലെ 6.05 ന് 'ശ്രീനാരായണഗുരു' ഡോക്യുമെന്ററിയും സംപ്രേഷണം ചെയ്യും.Dt.31.8.2017.
************************
മൂന്നാം കേരള ബറ്റാലിയന്‍ എന്‍.സി.സി.യുടെ കീഴില്‍ ഏതാനും സീറ്റുകളിലേക്ക് (സീനിയര്‍ ഡിവിഷന്‍ വിംഗ്) ഓപ്പണ്‍ ക്വാട്ട എന്റോള്‍മെന്റ് സെപ്തംബര്‍ രണ്ടിന് രാവിലെ 9.30 ന് സെന്റ് ജോസഫ് ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ നടക്കും. സര്‍ക്കാര്‍/എയ്ഡഡ് വിദ്യാലയങ്ങളിലെ ബി സര്‍ട്ടിഫിക്കറ്റ് ഉള്ളവര്‍ക്കും റിപ്പബ്ലിക് ദിന പരേഡില്‍ ടി.എസ്.സി പങ്കെടുത്തവര്‍ക്കും മുന്‍ഗണന. വിദ്യാലയ മേലധികാരിയുടെ സമ്മതപത്രം, പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന അസല്‍ പകര്‍പ്പ്, ആധാറിന്റെ പകര്‍പ്പ്, ബാങ്ക് അക്കൗണ്ട് വിവരങ്ങള്‍ എന്നിവയുമായി നേരിട്ടെത്തണം. Dt.31.8.2017.
************************
2017 - 18 വര്‍ഷത്തെ ന്യൂനപക്ഷ പ്രീമെട്രിക് സ്‌കോളര്‍ഷിപ്പിന് (പുതിയത്/പുതുക്കല്‍) അപേക്ഷ സമര്‍പ്പിക്കുന്നതിനുള്ള അവസാന തീയതി സെപ്തംബര്‍ 30 വരെ ദീര്‍ഘിപ്പിച്ചു. പുതുക്കല്‍ അപേക്ഷകളുടെ സൂക്ഷ്മ പരിശോധന ഒക്ടോബര്‍ പത്തിനകം പ്രഥമാധ്യാപകര്‍ പൂര്‍ത്തിയാക്കണം. സൂക്ഷ്മ പരിശോധന സംബന്ധിച്ച മാര്‍ഗനിര്‍ദ്ദേശങ്ങള്‍ പൊതുവിദ്യാഭ്യാസ വകുപ്പിന്റെയും ഐ.ടി @ സ്‌കൂളിന്റെയും വെബ്‌സൈറ്റില്‍ ലഭ്യമാണ്.Dt.31.8.2017.
************************
കേരള സര്‍വ്വീസ് റൂള്‍സ് ഭാഗം III സമഗ്രമായി പരിഷ്‌കരിക്കുന്നതിന്റെ ഭാഗമായി രൂപികരിച്ച കമ്മിറ്റി പൊതുവായ നിര്‍ദ്ദേശങ്ങള്‍ സ്വീകരിക്കുന്നു. ഈ വിഷയത്തിലുള്ള നിര്‍ദ്ദേശങ്ങള്‍ സെപ്തംബര്‍ 15 ന് മുന്‍പ് കണ്‍വീനര്‍, പെന്‍ഷന്‍ റൂള്‍സ് റിവിഷന്‍ കമ്മിറ്റി, ഗവണ്‍മെന്റ് സെക്രട്ടേറിയറ്റ് ധനകാര്യ വകുപ്പ്, തിരുവനന്തപുരം - 695001 prrcfinance@gmail.com എന്ന വിലാസത്തില്‍ അറിയിക്കണം.Dt.30.8.2017.
************************
ആഗസ്റ്റ് 12, 19 തീയതികളില്‍ നടന്ന കെ.ടെറ്റ് കാറ്റഗറി ഒന്ന്, രണ്ട്, മൂന്ന്, നാല് പരീക്ഷകളുടെ ഉത്തരസൂചികകള്‍ പരീക്ഷാഭവന്റെ വെബ്‌സൈറ്റില്‍ പ്രസിദ്ധീകരിച്ചു. ഉത്തരസൂചികകള്‍ സംബന്ധിച്ച് പരീക്ഷാര്‍ത്ഥികള്‍ക്ക് പരാതികളുണ്ടെങ്കില്‍ രേഖകള്‍ സഹിതം സെപ്തംബര്‍ 10 നകം നേരിട്ടോ തപാല്‍ മാര്‍ഗ്ഗമോ പരീക്ഷാ സെക്രട്ടറി, പരീക്ഷാഭവന്‍, പൂജപ്പുര, തിരുവനന്തപുരം - 12 എന്ന വിലാസത്തില്‍ നല്‍കണം.Dt.30.8.2017.
************************
2016-17 വര്‍ഷത്തെ സംസ്ഥാന സ്‌കൂള്‍ പി.ടി.എ അവാര്‍ഡുകള്‍ പ്രഖ്യാപിച്ചു. സെക്കന്ററി വിഭാഗം : ഒന്നാം സ്ഥാനം : ഗവ. ഹയര്‍സെക്കന്ററി സ്‌കൂള്‍, മൂലങ്കാവ്, സുല്‍ത്താന്‍ ബത്തേരി, വയനാട്, രണ്ടാം സ്ഥാനം : എം.ഐ. ഹൈസ്‌കൂള്‍, പൂങ്കാവ്, ആലപ്പുഴ, മൂന്നാം സ്ഥാനം : ഗവ.വൊക്കേഷണല്‍ ഹയര്‍സെക്കന്ററി സ്‌കൂള്‍, കീഴുപറമ്പ, മലപ്പുറം, നാലാം സ്ഥാനം : ഗവ. ഹയര്‍സെക്കന്ററി സ്‌കൂള്‍ കോറോം, തളിപ്പറമ്പ, കണ്ണൂര്‍, അഞ്ചാം സ്ഥാനം : ഗവ. ഹയര്‍സെക്കന്ററി സ്‌കൂള്‍, ബ്ലാന്തോട്, കാസര്‍ഗോഡ്. പ്രൈമറി വിഭാഗം : ഒന്നാം സ്ഥാനം : ഗവ. എല്‍.പി. സ്‌കൂള്‍, പല്ലാവൂര്‍, പാലക്കാട്, രണ്ടാം സ്ഥാനം : ജി.എം.യു.പി. സ്‌കൂള്‍, ഒഴുക്കൂര്‍, മലപ്പുറം, മൂന്നാം സ്ഥാനം : ഗവ. എല്‍.പി. സ്‌കൂള്‍,ചെറിയകുമ്പളം, കോഴിക്കോട്, നാലാം സ്ഥാനം : ഗവ. യു.പി. സ്‌കൂള്‍ കൂത്താട്ടുകുളം, എറണാകുളം, അഞ്ചാം സ്ഥാനം : ഗവ. യു.പി. സ്‌കൂള്‍ കാര്‍ത്തികപ്പളളി, ആലപ്പുഴ & ഗവ. എല്‍.പി. സ്‌കൂള്‍ അതിര്‍കുഴി, കാസര്‍ഗോഡ്. അഞ്ച് ലക്ഷം രൂപയും സി.എച്ച്. മുഹമ്മദ്‌കോയ എവര്‍ റോളിംഗ് ട്രോഫിയുമാണ് ഒന്നാം സമ്മാനം. രണ്ടുമുതല്‍ അഞ്ചുവരെ സ്ഥാനം ലഭിച്ചവര്‍ക്ക് യഥാക്രമം നാലു ലക്ഷം, മുന്നു ലക്ഷം, രണ്ട് ലക്ഷം, ഒരു ലക്ഷം രൂപയും സമ്മാനം ലഭിക്കും. സെപ്തംബര്‍ അഞ്ചിന് കൊല്ലം വിമലഹൃദയ ഗേള്‍സ് ഹയര്‍സെക്കന്ററി സ്‌കൂളില്‍ രാവിലെ പത്തിന് നടക്കുന്ന അധ്യാപക ദിനാഘോഷ ചടങ്ങില്‍ പുരസ്‌കാരങ്ങള്‍ വിതരണം ചെയ്യും Dt.29.8.2017.
************************
മത്സ്യതൊഴിലാളികളുടെ മക്കളില്‍ പോസ്റ്റ് മെട്രിക് തലത്തില്‍ പഠിക്കുന്നവര്‍ക്കുള്ള വിദ്യാഭ്യാസ ആനുകൂല്യം ഫിഷറീസ് വകുപ്പ് ഇ-ഗ്രാന്റ്‌സ് മുഖേന നല്‍കും. ആനുകൂല്യത്തിന് അര്‍ഹരായവര്‍ www.egrantzfisheries.kerala.gov.in ല്‍ ഓണ്‍ലൈനായി അപേക്ഷ നല്‍കണം. ഫോം വെബ്‌സൈറ്റിലുണ്ട്. കൂടുതല്‍ വിവരങ്ങള്‍ക്ക് ഫിഷറീസ് വകുപ്പിന്റെ ജില്ലാ ഓഫീസുമായി ബന്ധപ്പെടണം.Dt.29.8.2017.
************************
പൊതുസ്ഥലങ്ങളില്‍ വാഹനം പാര്‍ക്ക് ചെയ്ത് പ്രായപൂര്‍ത്തിയാകാത്ത കുട്ടികളെ അതിനുള്ളില്‍ തനിച്ചിരുത്തിയശേഷം വാഹനങ്ങള്‍ ലോക്ക് ചെയ്ത് മുതിര്‍ന്നവര്‍ പോയാല്‍ നടപടി സ്വീകരിക്കുമെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. അപകടകരമായ പല സംഭവങ്ങള്‍ക്കും ഇത് കാരണമായ സാഹചര്യത്തിലാണ് നടപടി. Dt.29.8.2017.
************************
2017 -18 അധ്യയന വര്‍ഷത്തെ ഹയര്‍സെക്കണ്ടറി അധ്യാപക അവാര്‍ഡുകള്‍ പ്രഖ്യാപിച്ചു. എട്ട് അധ്യാപകര്‍ക്കാണ് അവാര്‍ഡ്. വിദ്യാഭ്യാസമന്ത്രി അധ്യക്ഷനും, പൊതുവിദ്യാഭ്യാസ സെക്രട്ടറി, ഹയര്‍ സെക്കണ്ടറി ഡയറക്ടര്‍ എന്നിവര്‍ അംഗങ്ങളുമായ സംസ്ഥാന കമ്മിറ്റിയാണ് അവാര്‍ഡ് പ്രഖ്യാപിച്ചത്. ദേശീയ അധ്യാപക ദിനമായ സെപ്റ്റംബര്‍ അഞ്ചിന് കൊല്ലം പട്ടത്താനം വിമലഹൃദയ ഗേള്‍സ് ഹയര്‍ സെക്കണ്ടറി സ്‌കൂളില്‍ നടക്കുന്ന ചടങ്ങില്‍ വിതരണം ചെയ്യും. ഓരോ മേഖലയില്‍ നിന്നും അവാര്‍ഡിനായി തിരഞ്ഞെടുക്കപ്പെട്ട അധ്യാപകരുടെ പേരു വിവരം ചുവടെ. തിരുവനന്തപുരം: ജേക്കബ് ജോണ്‍, (പ്രിന്‍സിപ്പാള്‍, കത്തോലിക്കേറ്റ് എച്ച്.എസ്.എസ്, പത്തനംതിട്ട), ഫാ. തോംസണ്‍ ഗ്രേസ് (സെലക്ഷന്‍ ഗ്രേഡ് എച്ച്.എസ്.എസ്.റ്റി(ജൂനിയര്‍) മാത്സ്, എം.കെ.എല്‍.എം എച്ച്.എസ്.എസ് കണ്ണനല്ലൂര്‍ കൊല്ലം). എറണാകുളം: സിസ്റ്റര്‍ റോസമ്മ പീറ്റര്‍ (പ്രിന്‍സിപ്പാള്‍, സെന്റ് തോമസ് എച്ച്.എസ്.എസ്, ഇരട്ടയാര്‍, ഇടുക്കി), സജീവ്.ഡി (എച്ച്.എസ്.എസ്.റ്റി (ഹിസ്റ്ററി) ജി.എച്ച്.എസ്.എസ് കല്ലാര്‍, ഇടുക്കി), സി.കെ ബേബി (എച്ച്.എസ്..എസ്.റ്റി(ഇംഗ്ലീഷ്) ജി.ജി. എച്ച്.എസ്.എസ് കൊടുങ്ങല്ലൂര്‍, തൃശ്ശൂര്‍). കോഴിക്കോട്: ശ്രീചിത്ത്.എസ് (എച്ച്.എസ്.എസ്.റ്റി (ഹിസ്റ്ററി) സി.കെ.എന്‍.എസ് ജി.എച്ച്.എസ്.എസ് പിലികോട്, കാസര്‍കോട്), ഡോ.മെന്‍ഡലിന്‍ മാത്യൂ (പ്രിന്‍സിപ്പാള്‍, സെന്റ് ജൂഡ് എച്ച്.എസ്.എസ്. വെളളരിക്കുണ്ട്, കാസര്‍കോഡ്).Dt.29.8.2017.
************************
കേന്ദ്ര ന്യൂനപക്ഷ കാര്യ മന്ത്രാലയം കേരളത്തിലെയും ഇന്ത്യയിലെ മറ്റിടങ്ങളിലെയും ന്യൂനപക്ഷ വിഭാഗങ്ങളായ മുസ്ലീം, ക്രിസ്ത്യന്‍, ബുദ്ധ, ജൈന, സിഖ്, പാഴ്‌സി മതവിഭാഗങ്ങളില്‍പ്പെട്ടതും വിവിധ പ്രൊഫഷണല്‍ ബിരുദ, ബിരുദാനന്തര കോഴ്‌സുകള്‍ക്ക് പഠിക്കുന്നതുമായ കേരളീയരായ വിദ്യാര്‍ത്ഥികള്‍ക്ക് നല്‍കുന്ന മെറിറ്റ്-കം-മീന്‍സ് സ്‌കോളര്‍ഷിപ്പിന് സെപ്തംബര്‍ 30 വരെ പുതിയതായി അപേക്ഷിക്കാം. സ്‌കോളര്‍ഷിപ്പ് പുതുക്കലിനുള്ള അപേക്ഷകള്‍ ഈ മാസം 31 വരെ നല്‍കാം. വിശദവിവരങ്ങള്‍ www.dtekerala.gov.in--ല്‍ MCM Scholarship ലിങ്കില്‍ ലഭ്യമാണ്. ഫോണ്‍ : 0471 - 2561214, 9497723630.Dt.29.8.2017.
************************
2017 ഏപ്രില്‍ മാസം ഡി.എഡ് രണ്ടും നാലും സെമസ്റ്റര്‍ പരീക്ഷയുടെ പുനര്‍മൂല്യനിര്‍ണയ പരീക്ഷാഫലം പ്രസിദ്ധീകരിച്ചു. പരീക്ഷാഫലം www.keralapareekshabhavan.in ല്‍ ലഭിക്കും.Dt.26.8.2017.
************************
ഹയര്‍ സെക്കണ്ടറി പ്ലസ്‌വണ്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിനായി ലഭ്യമായ അപേക്ഷകള്‍ പരിഗണിച്ചുകൊണ്ടുള്ള ട്രാന്‍സ്ഫര്‍ അലോട്ട്‌മെന്റ് ഫലം ആഗസ്റ്റ് 29 ന് രാവിലെ 10 മണിമുതല്‍ പ്രവേശനം സാധ്യമാകുംവിധം www.hscap.kerala.gov.in ല്‍ പ്രസിദ്ധപ്പെടുത്തും TRANSFER ALLOT RESULTS എന്ന ലിങ്കിലൂടെ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പും യോഗ്യത സര്‍ട്ടിഫിക്കറ്റ്, റ്റി.സി, സ്വഭാവ സര്‍ട്ടിഫിക്കറ്റ്, മറ്റ് അനുബന്ധരേഖകള്‍ എന്നിവയുടെ അസലുകളുമായി അലോട്ട്‌മെന്റ് ലഭിക്കാത്ത വിദ്യാര്‍ത്ഥികള്‍ക്ക് 29 ന് വീണ്ടും അപേക്ഷ നല്‍കാം. എന്നാല്‍ നിലവില്‍ പ്രവേശനം നേടിയ വിദ്യാര്‍ഥികള്‍ക്ക് അപേക്ഷിക്കാനാവില്ല. നിലവിലുള്ള ഒഴിവ് www.hscap.kerala.gov.in ല്‍ 29 ന് രാവിലെ 10ന് പ്രസിദ്ധീകരിക്കും. പ്രസ്തുത ഒഴിവില്‍ പ്രവേശനം നേടാന്‍ ആഗ്രഹിക്കുന്നവര്‍ നിശ്ചിത മാതൃകയിലുള്ള അപേക്ഷ ഒഴിവുള്ള സ്‌കൂളിലെ പ്രിന്‍സിപ്പാളിന് 29 ന് ഉച്ചക്ക് മൂന്നുമണിക്കുള്ളില്‍ നല്‍കണം. ഒരു വിദ്യാര്‍ത്ഥി ഒരു അപേക്ഷ നല്‍കിയാല്‍ മതി. അപേക്ഷയില്‍ പ്രസിദ്ധപ്പെടുത്തിയ വേക്കന്‍സികള്‍ക്കനുസൃതമായി എത്ര സ്‌കൂള്‍/കോഴ്‌സുകള്‍ വേണമെങ്കിലും ഓപ്ഷനായി ഉള്‍പ്പെടുത്താം. മാതൃകാഫാറം വെബ്‌സൈറ്റില്‍ ലഭിക്കും. സ്‌കൂളുകളില്‍ സമര്‍പ്പിക്കുന്ന അപേക്ഷകള്‍ കേന്ദ്രീകൃതമായി പരിഗണിച്ച് മെരിറ്റ് അടിസ്ഥാനത്തില്‍ റാങ്ക് ലിസ്റ്റ് തയ്യാറാക്കി അഡ്മിഷന്‍ വെബ്‌സൈറ്റില്‍ 30 ന് രാവിലെ 12 നു മുമ്പായി യോഗ്യതാ സര്‍ട്ടിഫിക്കറ്റ്, വിടുതല്‍ സര്‍ട്ടിഫിക്കറ്റ്, സ്വഭാവ സര്‍ട്ടിഫിക്കറ്റ് അപേക്ഷയില്‍ ബോണസ് പോയിന്റ് ലഭിക്കുന്നതിന് വിവരങ്ങള്‍ ഉള്‍പ്പെടുത്തിയിട്ടുണ്ടെങ്കില്‍ അവയുടെ അസല്‍ രേഖകളും ഫീസുമായി പ്രവേശനത്തിനായി റിപ്പോര്‍ട്ട് ചെയ്യണം. ഇങ്ങനെയെത്തുന്ന വിദ്യാര്‍ത്ഥികളുടെ യോഗ്യതാ മെരിറ്റ് മാനദണ്ഡങ്ങള്‍ റാങ്ക് ലിസ്റ്റിന്റെ സഹായത്തോടെ ഉറപ്പാക്കി പ്രസിദ്ധപ്പെടുത്തിയ ഒഴിവുകള്‍ക്ക് തുല്യമായ സീറ്റുകളില്‍ പ്രവേശനം തേടാം. പ്രിന്‍സിപ്പല്‍മാര്‍ അന്നേ ദിവസം 12 നും ഒരു മണിക്കുമിടയില്‍ പ്രവേശനം പൂര്‍ത്തിയാക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു. Dt.26.8.2017.
************************
2017 മാര്‍ച്ചില്‍ നടന്ന ഒന്നാം വര്‍ഷ ഹയര്‍സെക്കണ്ടറി പരീക്ഷയുടെ പുനര്‍മൂല്യനിര്‍ണയം, സൂക്ഷ്മപരിശോധന എന്നിവയുടെ ഫലം പ്രസിദ്ധീകരിച്ചു. www.dhsekerala.gov.in ല്‍ ലഭിക്കും. Dt.26.8.2017.
************************
തൃക്കരിപ്പൂര്‍ സര്‍ക്കാര്‍ പോളിടെക്‌നിക് കോളേജ് (കമ്പ്യൂട്ടര്‍ എന്‍ജിനീയറിംഗ് ഒരു ഒഴിവ്) തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജ്, (കൊമേഴ്ഷ്യല്‍ പ്രാക്ടീസ് ഒരു ഒഴിവ്) എന്നിവിടങ്ങളില്‍ സ്‌പോര്‍ട്‌സ് ക്വാട്ടയിലും തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജ്, (ഇന്‍സ്ട്രുമെന്റേഷന്‍ എന്‍ജിനീയറിംഗ് ഒരു ഒഴിവ്), തൃശ്ശൂര്‍ സര്‍ക്കാര്‍ വനിതാ പോളിടെക്‌നിക് കോളേജ്, (ഇലക്‌ട്രോണിക്‌സ് എന്‍ജിനീയറിംഗ് - രണ്ട് ഒഴിവുകള്‍ (സ്ട്രീം ഒന്ന്), കൊമേഴ്ഷ്യല്‍ പ്രാക്ടീസ് ഒരു ഒഴിവ് (സ്ട്രീം രണ്ട്) എന്നിവിടങ്ങളില്‍ എന്‍.സി.സി ക്വാട്ടയിലും ഒഴിവുണ്ട്. പ്രവേശനം ആഗ്രഹിക്കുന്ന റാങ്ക് ലിസ്റ്റില്‍ ഉള്‍പ്പെട്ടിട്ടുളളവരും കൗണ്‍സലിംഗ്/സ്‌പോട്ട് അഡ്മിഷന്‍ എന്നിവയില്‍ ഹാജരാകാത്തവരും, ഹാജരായിട്ടും സീറ്റു ലഭിക്കാത്തവരും അതത് സ്ഥാപനങ്ങളിലെ പ്രിന്‍സിപ്പല്‍മാരെ ഇന്ന് (ആഗസ്റ്റ് 25) ഉച്ചയ്ക്ക് ഒരു മണിക്ക് മുമ്പ് അഡ്മിഷനായി സമീപിക്കണം.Dt.24.8.2017.
************************
സെറ്റ് ജൂലൈ 2017 ന്റെ ഉത്തര സൂചിക പ്രസിദ്ധീകരിച്ചു. www.lbscentre.org, www.lbskerala.com വെബ് സൈറ്റുകളില്‍ ലഭ്യമാണ്.Dt.24.8.2017.
************************
സ്‌കൂള്‍ ഉച്ചഭക്ഷണ പദ്ധതിയില്‍ ഉള്‍പ്പെട്ട 26,54,807 വിദ്യാര്‍ത്ഥികള്‍ക്ക് സംസ്ഥാന സര്‍ക്കാര്‍ പൊതുവിപണിയില്‍ നിന്നും വാങ്ങിയ അഞ്ച് കിലോ വീതം ജയ/കുറുവ ഇനം അരി ഓണം പ്രമാണിച്ചു നല്‍കും. സിവില്‍ സപ്ലൈസ് കോര്‍പ്പറേഷന്‍ മുഖേന പൊതുവിപണിയില്‍ നിന്നു വാങ്ങിയ കിലോഗ്രാമിന് 36 രൂപ വില വരുന്ന മേല്‍ത്തരം അരിയാണ് വിതരണം നടത്തുന്നത്. സര്‍ക്കാര്‍/എയിഡഡ് വിദ്യാലയങ്ങളിലെ ഉച്ചഭക്ഷണ പദ്ധതിയില്‍ ഉള്‍പ്പെട്ട ഒന്നു മുതല്‍ എട്ടു വരെയുളള ക്ലാസിലെ കുട്ടികള്‍ക്ക് ആഗസ്റ്റ് 23 മുതല്‍ അരി വിതരണം തുടങ്ങിയതായി പൊതുവിദ്യാഭ്യാസ ഡയറക്ടര്‍ അറിയിച്ചു.Dt.23.8.2017.
************************
വില്ലേജ് ഓഫീസര്‍മാരും തഹസീല്‍ദാര്‍മാരും നല്‍കുന്ന ജാതി സര്‍ട്ടിഫിക്കറ്റുകള്‍ പ്രത്യേകാവശ്യത്തിന് മാത്രം എന്ന വ്യവസ്ഥ റദ്ദാക്കി സാധുതാകാലയളവ് മൂന്ന് വര്‍ഷം എന്ന് പുതുക്കി നിശ്ചയിച്ച് റവന്യൂ (റ്റി) വകുപ്പ് ഉത്തരവായി.Dt.23.8.2017.
************************
വിദ്യാര്‍ത്ഥികളില്‍ ജനാധിപത്യ ആശയങ്ങളെയും വ്യവസ്ഥിയെയും സംബന്ധിച്ച് അവബോധം വളര്‍ത്തുന്നതിനും പാര്‍ലമെന്ററി ജനാധിപത്യവ്യവസ്ഥിതി നേരിട്ട് മനസിലാക്കുന്നതിനും. നിയമസഭയെ അടുത്തറിയുന്നതിനുമായി കേരള നിയമസഭയുടെ പാര്‍ലമെന്ററി പഠന പരിശീലന കേന്ദ്രത്തിന്റെ (സി.പി.എസ്.റ്റി) ആഭിമുഖ്യത്തില്‍ സ്‌കൂള്‍/കോളേജ് വിദ്യാര്‍ത്ഥികള്‍ക്കായി നിയമസഭാ പഠന സന്ദര്‍ശന പരിപാടി സംഘടിപ്പിക്കും. പരിപാടിയുടെ വിശദ വിവരങ്ങളും അപേക്ഷാഫാറവും നിയമസഭയുടെ ഔദേ്യാഗിക വെബ്‌സൈറ്റായ www.niyamasabha.org ല്‍ ലഭ്യമാണ്. പരിപാടിയില്‍ വിദ്യാര്‍ത്ഥികളെ പങ്കെടുപ്പിക്കുവാന്‍ താല്‍പര്യമുള്ള സ്‌കൂള്‍/കോളേജ് മേലധികാരികള്‍ നിര്‍ദ്ദിഷ്ട മാതൃകയിലുള്ള അപേക്ഷാ ഫാറം അണ്ടര്‍ സെക്രട്ടറി, പാര്‍ലമെന്ററി പഠന പരിശീലന കേന്ദ്രം, റും നമ്പര്‍ 728, നിയമസഭാ സമുച്ചയം, വികാസ് ഭവന്‍ പി.ഒ, തിരുവനന്തപുര-33 എന്ന വിലാസത്തില്‍ സാധാരണ തപാലില്‍ അയയ്ക്കുകയോ cpst@niyamasabha.org എന്ന വിലാസത്തില്‍ ഇ-മെയില്‍ അയയ്ക്കുകയോ ചെയ്യണം.Dt.23.8.2017.
************************
ഹയര്‍സെക്കന്‍ഡറി സംസ്ഥാനത്ത് 2014-15 അധ്യയന വര്‍ഷം അനുവദിച്ച എയ്ഡഡ് ഹയര്‍സെക്കണ്ടറി സ്‌കൂളുകളില്‍ 1796 തസ്തികകള്‍ സൃഷ്ടിച്ച് സര്‍ക്കാര്‍ ഉത്തരവായി. പ്രിന്‍സിപ്പാളിന്റെ 125 ഉം ഹയര്‍സെക്കന്‍ഡറി സ്‌കൂള്‍ ടീച്ചറുടെ 642 ഉം സ്‌കൂള്‍ ടീച്ചര്‍ (ജൂനിയര്‍) 674 ഉം അപ്ഗ്രഡേഷന്‍ 167 ഉം, ലാബ് അസിസ്റ്റന്റിന്റെ 188 ഉം തസ്തികകളാണ് ഹയര്‍ സെക്കന്‍ഡറി ഡയറക്ടറുടെ പ്രൊപ്പോസല്‍ പ്രകാരം സൃഷ്ടിച്ചത്.Dt.23.8.2017.
************************
പ്ലസ് വണ്‍ മൂന്നാം സപ്ലിമെന്ററി അലോട്ട്‌മെന്റിനുശേഷമുള്ള ഒഴിവുകളില്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റ് www.hscap.kerala.gov.inല്‍ പ്രസിദ്ധീകരിച്ചു. ഏകജാലക സംവിധാനത്തില്‍ മെരിറ്റ് ക്വാട്ടയിലോ സ്‌പോര്‍ട്‌സ് ക്വാട്ടയിലോ ഒന്നാം ഓപ്ഷനിലാണ് പ്രവേശനം നേടിയതെങ്ങിലും മാറ്റത്തിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്‌കൂള്‍ മാറ്റത്തിനോ കോമ്പിനേഷന്‍' മാറ്റത്തോടെയുള്ള സ്‌കൂള്‍ മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ 25ന് ഉച്ചക്ക് രണ്ട് മണിക്കുളളില്‍ സമര്‍പ്പിക്കണം. വിവിധ അലോട്ട്‌മെന്റുകളില്‍ അപേക്ഷിച്ചിട്ടും ലഭിക്കാത്തവര്‍ക്ക് പ്രവേശനം സാധ്യമാകുന്ന വിധം ട്രാന്‍സ്ഫറിനു ശേഷമുള്ള വേക്കന്‍സിയും അപേക്ഷാ സമര്‍പ്പണത്തിന്റെ വിശദാംശങ്ങളും ആഗസ്റ്റ് 29 ന് വെബ്‌സൈറ്റില്‍ പ്രസിദ്ധീകരിക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു.Dt.23.8.2017.
************************
സംസ്ഥാനത്തെ സ്‌കൂളുകളിലെ ഇ-മാലിന്യ നിര്‍മാര്‍ജ്ജനം ചെയ്യുന്നതിന് ഐ.ടി@സ്‌കൂള്‍ പ്രോജക്ടും തദ്ദേശഭരണ വകുപ്പിനു കീഴിലുള്ള ക്ലീന്‍ കേരള കമ്പനിയും സംയുക്തമായി പദ്ധതി നടപ്പാക്കുന്നു. 2008 മാര്‍ച്ച് 31 ന് മുമ്പ് പ്രവര്‍ത്തനക്ഷമമല്ലാതായ കമ്പ്യൂട്ടര്‍, അനുബന്ധ ഉപകരണങ്ങളും 2010 മാര്‍ച്ച് 31 ന് മുമ്പ് ലഭിച്ച 600 വി.എ യു.പി.എസ്., സി.ആര്‍.ടി മോണിറ്റര്‍, കീബോര്‍ഡ്, മൗസ് എന്നിവയും ഇ-മാലിന്യമായി സ്‌കൂളുകളില്‍ നിന്ന് ഏറ്റെടുക്കും. ഇവ സ്‌കൂള്‍തല സമിതി പരിശോധിച്ച് ഉറപ്പാക്കിയ ശേഷം ഐ.ടി@സ്‌കൂള്‍ പ്രോജക്ട് ചുമതലപ്പെടുത്തുന്ന സാങ്കേതിക സമിതിയും പരിശോധിക്കും. ശരാശരി 500 കിലോഗ്രാം ഇ-മാലിന്യം ലഭ്യമായ കേന്ദ്രങ്ങളില്‍ നിന്നാണ് ക്ലീന്‍ കേരള കമ്പനി ഇ-മാലിന്യങ്ങള്‍ ശേഖരിക്കുക. ഉപകരണങ്ങള്‍ ഇ-മാലിന്യമായി പരിഗണിക്കുന്നതിന് മുമ്പ് ഇവ മറ്റൊരാവശ്യത്തിനും ഉപയോഗിക്കാന്‍ കഴിയില്ല എന്നുറപ്പുവരുത്തണം. വാറന്റി, എ.എം.സി എന്നിവയുള്ള ഉപകരണങ്ങള്‍ ഇ-മാലിന്യങ്ങളുടെ കൂട്ടത്തില്‍ ഉള്‍പ്പെടുത്തില്ല. സംസ്ഥാനത്തെ സ്‌കൂളുകളിലെയും ഓഫീസുകളിലെയും ഏകദേശം ഒരു കോടി കിലോഗ്രാം ഇ-മാലിന്യം ഇത്തരത്തില്‍ നിര്‍മാര്‍ജനം ചെയ്യാനാണ് ഉദ്ദേശിക്കുന്നത്. ഇതിനായി സ്‌കൂളുകളില്‍ നിന്നുള്ള ഓണ്‍ലൈന്‍ ഡേറ്റാ ശേഖരണം ജൂലൈ 15 ന് പൂര്‍ത്തിയായിരുന്നു. Dt.23.8.2017.
************************
സ്‌കോള്‍-കേരള മുഖേനെയുള്ള വൊക്കേഷണല്‍ ഹയര്‍ സെക്കണ്ടറി 'ബി' ഗ്രൂപ്പ് വിദ്യാര്‍ത്ഥികള്‍ക്കുള്ള അഡീഷണല്‍ മാത്തമാറ്റിക്‌സ് കോഴ്‌സിന്റെ ഒന്നാം വര്‍ഷ പ്രവേശനത്തിന് ഇരുപത്തിയഞ്ച് രൂപ പിഴയോടെ ഫീസടച്ച് ആഗസ്റ്റ് 30 വരെ ഓണ്‍ലൈനില്‍ രജിസ്റ്റര്‍ ചെയ്യാമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.Dt.23.8.2017.
************************
സംസ്ഥാന ശുചിത്വ മിഷന്‍ വിദ്യാര്‍ത്ഥികള്‍ക്കായി ഓണാശംസ കാര്‍ഡ് മത്സരം സംഘടിപ്പിക്കുന്നു. സംസ്ഥാനത്തെ എയ്ഡഡ്, അണ്‍ എയ്ഡഡ് സര്‍ക്കാര്‍ സ്‌കൂളുകളിലെ യു.പി, ഹൈസ്‌കൂള്‍ വിദ്യാര്‍ത്ഥികള്‍ക്ക് മത്സരത്തില്‍ പങ്കെടുക്കാം. വിദ്യാര്‍ത്ഥികള്‍ പ്രകൃതി സൗഹൃദ വസ്തുക്കള്‍ കൊണ്ട് ഓണാശംസ കാര്‍ഡ് നിര്‍മ്മിച്ച്, ശുചിത്വ മാലിന്യ പരിപാലന സന്ദേശങ്ങള്‍ ഉള്‍ക്കൊള്ളിച്ച് രക്ഷിതാക്കളുടെ ഒപ്പ് സഹിതം ഓണാവധിക്ക് ശേഷം വരുന്ന ആദ്യ പ്രവൃത്തി ദിനം ക്ലാസ് ടീച്ചറെ ഏല്‍പ്പിക്കണം. സംസ്ഥാനത്തെ മികച്ച മൂന്ന് കാര്‍ഡുകള്‍ക്ക് ശുചിത്വമിഷനും ജില്ലയിലെ മികച്ച മൂന്നു കാര്‍ഡുകള്‍ക്ക് ജില്ലാ ശുചിത്വ മിഷനും സമ്മാനം നല്‍കും. വിദ്യാര്‍ത്ഥികള്‍ നിര്‍മ്മിക്കുന്ന കാര്‍ഡുകള്‍ സ്‌കൂള്‍ തലത്തില്‍ പ്രദര്‍ശിപ്പിക്കാനുള്ള നടപടി സ്വീകരിക്കും. ഒന്നാം സമ്മാനം 10000 രൂപയും, രണ്ടാം സമ്മാനം 7000 രൂപയും, മൂന്നാം സമ്മാനം 5000 രൂപയുമാണ്. ജില്ലാ തലത്തില്‍ ഒന്നാം സമ്മാനം 5000 രൂപയും, രണ്ടാം സമ്മാനം 3000 രൂപയും, മൂന്നാം സമ്മാനം 2000 രൂപയുമാണ്. പ്രകൃതി സൗഹൃദ വസ്തുക്കള്‍ കൊണ്ട് നിര്‍മ്മിച്ച ബാഗുകള്‍ പ്രോത്സാഹന സമ്മാനമായി നല്‍കും.Dt.22.8.2017.
************************
കെ-ടെറ്റ് 2016 വിജയിച്ചവരുടെ സര്‍ട്ടിഫിക്കറ്റുകള്‍ വിതരണത്തിനായി ജില്ലാ വിദ്യാഭ്യാസ ഓഫീസുകളില്‍ എത്തിച്ചതായി സെക്രട്ടറി അറിയിച്ചു. പുതുതായി കെ-ടെറ്റ് യോഗ്യത നേടിയവരുടെ സര്‍ട്ടിഫിക്കറ്റ് വെരിഫിക്കേഷനുളള സൗകര്യം ജില്ലാ വിദ്യാഭ്യാസ ഓഫീസുകളില്‍ ഒരുക്കിയിട്ടുണ്ട്. വിജയിച്ചവര്‍ ബന്ധപ്പെട്ട രേഖകള്‍ സഹിതം ജില്ലാ വിദ്യാഭ്യാസ ഓഫീസുകളില്‍ ജില്ലാ ഓഫീസര്‍മാര്‍ അനുവദിക്കുന്ന സമയക്രമം അനുസരിച്ച് വെരിഫിക്കേഷനെത്തണം.Dt.22.8.2017.
************************
കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍, പട്ടികജാതിയില്‍ നിന്നും ക്രിസ്തുമതത്തിലേക്ക് പരിവര്‍ത്തനം ചെയ്തിട്ടുളളവര്‍, പട്ടിക ജാതിയിലേക്ക് ശുപാര്‍ശ ചെയ്തിട്ടുളള ഒ.ഇ.സി വിഭാഗക്കാര്‍ (മുന്നോക്ക/പിന്നാക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല.) എന്നിവര്‍ക്കായി ഡിഗ്രി, പി.ജി പ്രൊഫഷണല്‍ കോഴ്‌സുകളുടെ പരീക്ഷകളില്‍ 60 ശതമാനത്തില്‍ കൂടുതല്‍ മാര്‍ക്ക് വാങ്ങി പാസായ വിദ്യാര്‍ത്ഥികളില്‍ നിന്നും വിദ്യാഭ്യാസ ്രേപാത്സാഹന സമ്മാനത്തിന് അപേക്ഷകള്‍ ക്ഷണിച്ചു. ഇതിനുളള അപേക്ഷാ ഫോറങ്ങള്‍ സംസ്ഥാനത്തുടനീളമുളള അക്ഷയ കേന്ദ്രങ്ങള്‍ വഴി ലഭിക്കും. അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 31. പൂരിപ്പിച്ച അപേക്ഷകള്‍ ജാതി സര്‍ട്ടിഫിക്കറ്റിന്റെ അസല്‍, മാര്‍ക്ക് ലിസ്റ്റിന്റെ ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പ്, അഞ്ചു രൂപയുടെ സ്റ്റാമ്പ് പതിച്ച് സ്വന്തം മേല്‍വിലാസം എഴുതിയ കവര്‍ എന്നിവ സഹിതം കോര്‍പ്പറേഷന്റെ അതത് റീജിയണല്‍ ഓഫീസുകളിലേക്ക് അയയ്ക്കണം.Dt.22.8.2017.
************************
ശമ്പള പരിഷ്‌കരണ കുടിശ്ശിക പി.എഫ് അക്കൗണ്ടിലേക്ക് വരവുവയ്ക്കുന്നതിനുള്ള നടപടിക്രമങ്ങള്‍ ബന്ധപ്പെട്ട ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍മാര്‍ പൂര്‍ത്തിയാക്കേണ്ടതാണെന്ന് ധനകാര്യ (എസ്.എല്‍) വകുപ്പ് അറിയിച്ചു. നടപടി പൂര്‍ത്തിയാക്കാത്തവര്‍ക്കെതിരെ അച്ചടക്ക നടപടി സ്വീകരിക്കുമെന്നും ജീവനക്കാര്‍ക്ക് ഇതു മൂലമുണ്ടാകുന്ന സാമ്പത്തിക നഷ്ടം ബന്ധപ്പെട്ട ഉദ്യോഗസ്ഥനില്‍ നിന്നും ഈടാക്കാനുള്ള നടപടി സ്വീകരിക്കുമെന്നും അറിയിപ്പില്‍ പറയുന്നു. ആഗസ്റ്റ് 16 നകം സ്പാര്‍ക്കിലൂടെ ശമ്പള പരിഷ്‌കരണ കുടിശ്ശിക പ്രോസസ് ചെയ്യാന്‍ കഴിയില്ലെന്ന വാര്‍ത്തകള്‍ ശരിയല്ല. 16 നു ശേഷവും കുടിശ്ശിക തയ്യാറാക്കാനും ബില്ല് സമര്‍പ്പിക്കാനുമുള്ള സംവിധാനം സ്പാര്‍ക്കില്‍ ഉണ്ടായിരിക്കും. സെപ്റ്റംബര്‍ ഒന്നു മുതല്‍ എല്ലാ ഡി.ഡി.ഒ. മാര്‍ക്കും ഡിജിറ്റല്‍ സിഗ്നേച്ചര്‍ നിര്‍ബന്ധമാക്കിയതിനാല്‍ കുടിശ്ശിക ബില്‍ സമര്‍പ്പണ നടപടികള്‍ വേഗത്തിലാക്കണമെന്നും ധനകാര്യവകുപ്പ് അറിയിച്ചു.Dt.22.8.2017.
************************
കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍, പട്ടികജാതിയില്‍ നിന്നും ക്രിസ്തുമതത്തിലേക്ക് പരിവര്‍ത്തനം ചെയ്തിട്ടുളളവര്‍, പട്ടിക ജാതിയിലേക്ക് ശുപാര്‍ശ ചെയ്തിട്ടുളള ഒ.ഇ.സി വിഭാഗക്കാര്‍ (മുന്നോക്ക/പിന്നാക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല.) എന്നിവര്‍ക്കായി ഡിഗ്രി, പി.ജി പ്രൊഫഷണല്‍ കോഴ്‌സുകളുടെ പരീക്ഷകളില്‍ 60 ശതമാനത്തില്‍ കൂടുതല്‍ മാര്‍ക്ക് വാങ്ങി പാസായ വിദ്യാര്‍ത്ഥികളില്‍ നിന്നും വിദ്യാഭ്യാസ ്രേപാത്സാഹന സമ്മാനത്തിന് അപേക്ഷകള്‍ ക്ഷണിച്ചു. ഇതിനുളള അപേക്ഷാ ഫോറങ്ങള്‍ സംസ്ഥാനത്തുടനീളമുളള അക്ഷയ കേന്ദ്രങ്ങള്‍ വഴി ലഭിക്കും. അപേക്ഷകള്‍ ലഭിക്കേണ്ട അവസാന തീയതി ഡിസംബര്‍ 31. പൂരിപ്പിച്ച അപേക്ഷകള്‍ ജാതി സര്‍ട്ടിഫിക്കറ്റിന്റെ അസല്‍, മാര്‍ക്ക് ലിസ്റ്റിന്റെ ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പ്, അഞ്ചു രൂപയുടെ സ്റ്റാമ്പ് പതിച്ച് സ്വന്തം മേല്‍വിലാസം എഴുതിയ കവര്‍ എന്നിവ സഹിതം കോര്‍പ്പറേഷന്റെ അതത് റീജിയണല്‍ ഓഫീസുകളിലേക്ക് അയയ്ക്കണം. Dt.21.8.2017.
************************
പൊതു വിദ്യാഭ്യാസ വകുപ്പിലെ കന്നട ഭാഷാ ന്യൂനപക്ഷ ഹൈസ്‌കൂളിലെ പ്രഥമാദ്ധ്യാപകര്‍/എ.ഇ.ഒ തസ്തികയിലേക്ക് ഔട്ട് ഓഫ് ടേണ്‍ പ്രൊമോഷന്‍ ലഭിക്കുന്നതിന് യോഗ്യരായിട്ടുളള ഹൈസ്‌കൂള്‍ അധ്യാപകരുടെ താത്കാലിക സീനിയോറിറ്റി ലിസ്റ്റ് പൊതുവിദ്യാഭ്യാസ ഡയറക്ടര്‍ പുറപ്പെടുവിച്ചു. പ്രസ്തുത ലിസ്റ്റ് www.education.kerala.gov.in എന്ന വെബ്‌സൈറ്റില്‍ ലഭിക്കും. ആക്ഷേപം ഉളളവര്‍ സെപ്റ്റംബര്‍ 15നകം പൊതുവിദ്യാഭ്യാസ ഡയറക്ടറെ രേഖാമൂലം അറിയിക്കണം.Dt.21.8.2017.
************************
സംസ്ഥാനത്തെ സര്‍ക്കാര്‍/അര്‍ദ്ധ സര്‍ക്കാര്‍ ജീവനക്കാര്‍, അധ്യാപകര്‍, പൊതുമേഖലാ സ്ഥാപനങ്ങളിലെ ജീവനക്കാര്‍, സര്‍വകലാശാല ജീവനക്കാര്‍, സംസ്ഥാന ജില്ലാ-പ്രാഥമിക സഹകരണ സംഘങ്ങളിലെ ജീവനക്കാര്‍, ദേശസാത്കൃത/ഷെഡ്യൂള്‍ഡ് ബാങ്ക് ജീവനക്കാര്‍, സര്‍ക്കാര്‍ നിയന്ത്രണത്തിലുള്ള കോര്‍പ്പറേഷനുകള്‍, ലിമിറ്റഡ് കമ്പനികള്‍ എന്നിവയിലെ ജീവനക്കാര്‍ ബന്ധപ്പെട്ട ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍ മുമ്പാകെ പരിശോധനയ്ക്കായി റേഷന്‍ കാര്‍ഡ് ഹാജരാക്കുന്നതിനുള്ള തീയതി നീട്ടി. റേഷന്‍ കാര്‍ഡ് വിതരണം പൂര്‍ത്തിയാകാത്ത സാഹചര്യത്തിലും ഓണം, ബക്രീദ് ഉത്സവകാലം പരിഗണിച്ചും സെപ്തംബര്‍ 15 വരെയാണ് തീയതി നീട്ടിയത്. നിലവില്‍ റേഷന്‍ കാര്‍ഡില്ലാത്തവര്‍ നല്‍കുന്ന സത്യവാങ്മൂലത്തില്‍ ആധാര്‍ നമ്പര്‍ കൂടി രേഖപ്പെടുത്തണമെന്നും ഭക്ഷ്യപൊതുവിതരണ വകുപ്പ് പ്രിന്‍സിപ്പല്‍ സെക്രട്ടറി. അറിയിച്ചു.Dt.21.8.2017.
************************
പ്ലസ്‌വണ്‍ മൂന്നാം സപ്ലിമെന്ററി അലോട്ട്‌മെന്റ് ഫലം അഡ്മിഷന്‍ വെബ്‌സൈറ്റായ www.hscap.kerala.gov.in ലെ SUPPLEMENTARY RESULTS എന്ന ലിങ്കിലൂടെ ആഗസ്റ്റ് 21ന് രാവിലെ 10 മുതല്‍ പരിശോധിക്കാം. അലോട്ട്‌മെന്റ് ലഭിക്കുന്നവര്‍ ലിങ്കിലൂടെ ലഭിക്കുന്ന രണ്ടു പേജുളള അലോട്ട്‌മെന്റ് സ്ലിപ്പുമായി ലഭിച്ച സ്‌കൂളില്‍ 22ന് വൈകിട്ട് അഞ്ച് മണിക്ക് മുമ്പ് സ്ഥിരപ്രവേശനം നേടണമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു. സംവരണ തത്വം അനുസരിച്ച് നിലവില്‍ ഉണ്ടായിരുന്ന വേക്കന്‍സി ജില്ല ഒരു യൂണിറ്റായി പരിഗണിച്ച് വിവിധ കാറ്റഗറി സീറ്റുകളാക്കിയാണ് അലോട്ട്‌മെന്റിന് പരിഗണിച്ചിട്ടുളളത്.Dt.19.8.2017.
************************
ദേശീയ പ്രതിഭാനിര്‍ണയ പരീക്ഷയുടെ ഭാഗമായി കേരളത്തിലെ സര്‍ക്കാര്‍ എയ്ഡഡ്, കേന്ദ്രീയ വിദ്യാലയ, നവോദയ വിദ്യാലയ, സി.ബി.എസ്.ഇ., ഐ.സി.എസ്.ഇ തുടങ്ങി മറ്റ് അംഗീകൃത സ്‌കൂളുകളില്‍ പത്താം ക്ലാസില്‍ പഠിക്കുന്ന വിദ്യാര്‍ത്ഥികള്‍ക്കായി എസ്.സി.ഇ.ആര്‍.ടി സംസ്ഥാനതല പ്രതിഭാനിര്‍ണയ പരീക്ഷ നടത്തുന്നു. നവംബര്‍ അഞ്ചിന് സംസ്ഥാനത്തെ വിവിധ കേന്ദ്രങ്ങളിലാണ് പരീക്ഷ. 2016-17 അധ്യയനവര്‍ഷം ഒമ്പതാം ക്ലാസില്‍ വര്‍ഷാവസാന പരീക്ഷയില്‍ 55 ശതമാനം മാര്‍ക്ക് നേടിയ വിദ്യാര്‍ത്ഥികള്‍ക്ക് ഓണ്‍ലൈനായിഅപേക്ഷിക്കാം. വിശദാംശങ്ങള്‍ www.scert.kerala.gov.in ല്‍ ലഭിക്കും. Dt.19.8.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ എട്ടാം ക്ലാസില്‍ പഠിക്കുന്ന വിദ്യാര്‍ത്ഥികള്‍ക്കായി എസ്.സി.ഇ.ആര്‍.ടി മീന്‍സ് കം മെരിറ്റ് സ്‌കോളര്‍ഷിപ്പ് പരീക്ഷ നടത്തുന്നു. ഈ അധ്യയനവര്‍ഷം സ്റ്റേറ്റ് സിലബസില്‍ പഠിക്കുന്ന വിദ്യാര്‍ത്ഥികള്‍ക്ക് പങ്കെടുക്കാം. രക്ഷിതാക്കളുടെ വാര്‍ഷിക വരുമാനം ഒരുലക്ഷത്തി അന്‍പതിനായിരം രൂപയില്‍ കവിയാത്തവര്‍ക്കും ഏഴാം ക്ലാസിലെ വര്‍ഷാവസാന പരീക്ഷയില്‍ 55 ശതമാനത്തില്‍ കുറയാതെ മാര്‍ക്ക് വാങ്ങിയിട്ടുള്ളവര്‍ക്കും (എസ്.സി/എസ്റ്റി വിഭാഗക്കാര്‍ക്ക് അഞ്ച് ശതമാനം ഇളവ് ഉണ്ടായിരിക്കും) അപേക്ഷിക്കാം. നവംബര്‍ അഞ്ചിന് നടക്കുന്ന പരീക്ഷയ്ക്ക് ഓണ്‍ലൈനായാണ് അപേക്ഷിക്കേണ്ടത്. വില്ലേജ് ഓഫീസില്‍ നിന്നും ലഭിക്കുന്ന വരുമാന സര്‍ട്ടിഫിക്കറ്റ് അപേക്ഷയോടൊപ്പം സമര്‍പ്പിക്കണം. വിശദാംശങ്ങള്‍ www.scert.kerala.gov.in - ല്‍ ലഭിക്കും. Dt.19.8.2017.
************************
സ്‌കോള്‍-കേരള മുഖേനയുള്ള ഹയര്‍ സെക്കന്‍ഡറി കോഴ്‌സുകളുടെ ഒന്നാം വര്‍ഷ പ്രവേശന തീയതി ദീര്‍ഘിപ്പിച്ചു. അന്‍പത് രൂപ പിഴയോടെ ആഗസ്റ്റ് 30 വരെ ഫീസ് അടച്ച് ഓണ്‍ലൈനില്‍ രജിസ്റ്റര്‍ ചെയ്യാമെണ് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.18.8.2017.
************************
ഗവണ്‍മെന്റ് റസിഡന്‍ഷ്യല്‍ വിമന്‍സ് പോളിടെക്‌നിക് കോളേജ് പയ്യന്നൂര്‍, ഗവ. പോളിടെക്‌നിക് കോളേജ് നെടുങ്കണ്ടം, ഗവ. പോളിടെക്‌നിക് കോളേജ് കുമളി എന്നിവിടങ്ങളില്‍ ഒഴിവുള്ള സീറ്റുകളിലേക്ക് ഇന്ന് (ആഗസ്റ്റ് 19) അതത് സ്ഥാപനങ്ങളില്‍ സ്‌പോട്ട് അഡ്മിഷന്‍ നടത്തും. റാങ്ക് ലിസ്റ്റില്‍ പേരുള്ള വിദ്യാര്‍ത്ഥികള്‍ ഉച്ചയ്ക്ക് രണ്ട് മണിക്ക് മുമ്പ് ആവശ്യമായ രേഖകളും മുഴുവന്‍ ഫീസും സഹിതം ഹാജരാകണം. Dt.18.8.2017.
************************
സംസ്ഥാനത്തെ പട്ടികവര്‍ഗ വിദ്യാര്‍ത്ഥികള്‍ക്കായി 2018 ലെ നീറ്റ്/എന്‍ജിനീയറിംഗ് പ്രവേശന പരീക്ഷയ്ക്ക് മുമ്പായി പത്ത് മാസം നീണ്ടുനില്‍ക്കുന്ന പ്രത്യേക പരിശീലനം താമസ ഭക്ഷണ സൗകര്യങ്ങളോട് നടത്തുന്നതിനായി അഞ്ച് വര്‍ഷം മുന്‍പരിചയം ഉള്ള സ്ഥാപനങ്ങളില്‍ നിന്നും പ്രൊപ്പോസല്‍ ക്ഷണിച്ചു. പ്രൊപ്പോസലുകള്‍ സ്വീകരിക്കുന്ന അവസാന തീയതി ആഗസ്റ്റ് 21 അഞ്ച് മണി. കൂടുതല്‍ വിവരങ്ങള്‍ക്ക് വികാസ് ഡഭവനില്‍ പ്രവര്‍ത്തിക്കുന്ന പട്ടികവര്‍ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടാം. ഫോണ്‍ : 0471 - 2303229, 2304594 Dt.18.8.2017.
************************
ഫാക്ടറീസ് ആന്റ് ബോയിലേഴ്‌സ് വകുപ്പിന്റെ നേതൃത്വത്തില്‍ സ്‌കൂള്‍ വിദ്യാര്‍ത്ഥികള്‍ക്കായി സംഘടിപ്പിക്കുന്ന സുരക്ഷിതത്വ ബോധവത്കരണ ക്ലാസുകള്‍ക്ക് തുടക്കമായി. സുരക്ഷാരഥം എന്ന പേരില്‍ മൊബൈല്‍ സുരക്ഷിതത്വ പരിശീലന വാഹനം സംസ്ഥാനത്തെ വിവിധ വിദ്യാലയങ്ങള്‍ സന്ദര്‍ശിച്ച് ബോധവത്ക്കരണം നടത്തും. തൈക്കാട് ഗവ. മോഡല്‍ ഹയര്‍ സെക്കന്‍ഡറി സ്‌കൂളില്‍ നിന്നാണ് വാഹനം പ്രയാണം ആരംഭിച്ചത്. അഡീഷണല്‍ ചീഫ് സെക്രട്ടറി ടോം ജോസ് ബോധവത്കരണ ക്‌ളാസ് ഉദ്ഘാടനം ചെയ്തു. വിദ്യാര്‍ത്ഥികളെ ബോധവത്കരിക്കാന്‍ വീഡിയോ ഉപയോഗിച്ച് ക്‌ളാസുകള്‍ എടുക്കും. സുരക്ഷാ പുസ്തകങ്ങളും വിതരണം ചെയ്യും. സംസ്ഥാനത്തെ 40 സ്‌കൂളുകളിലാണ് ആദ്യ ഘട്ടത്തില്‍ ബോധവത്കരണ ക്‌ളാസുകള്‍ നടത്തുക. ബി. പി. സി. എല്‍ കൊച്ചിന്‍ റിഫൈനറീസ് ലിമിറ്റഡ്, കൊച്ചിന്‍ ഷിപ്പ്‌യാര്‍ഡ് എന്നിവയുടെ സഹകരണത്തോടെയാണ് ക്‌ളാസുകള്‍ സംഘടിപ്പിക്കുന്നത്. ഫാക്ടറീസ് ആന്റ് ബോയിലേഴ്‌സ് ഡയറക്ടര്‍ പി. പ്രമോദ് ചടങ്ങില്‍ അദ്ധ്യക്ഷത വഹിച്ചു. കൊച്ചിന്‍ ഷിപ്പ്‌യാര്‍ഡ് ഡയറക്ടര്‍ (ടെക്‌നിക്കല്‍), ബി. പി. സി. എല്‍ കൊച്ചിന്‍ റിഫൈനറി ജനറല്‍ മാനേജര്‍ സി. കെ. സോമന്‍, തൈക്കാട് ഗവ. മോഡല്‍ എച്ച്. എസ്. എസ് പ്രിന്‍സിപ്പല്‍ ടി. എസ്. സലീം, ഹെഡ്മാസ്റ്റര്‍ ആര്‍. എസ്. സുരേഷ്, പി. ടി. എ പ്രസിഡന്റ് സുരേഷ്‌കുമാര്‍ എന്നിവര്‍ സംബന്ധിച്ചു. ബോധവത്ക്കരണ പരിപാടിയുടെ സംസ്ഥാന കോഓര്‍ഡിനേറ്റര്‍ ബി. സിയാദ് ക്‌ളാസെടുത്തു.Dt.18.8.2017.
************************
2017-18 അധ്യയന വര്‍ഷത്തെ പോളിടെക്‌നിക് കോളേജുകളിലേക്കുള്ള എന്‍.സി.സി/സ്‌പോര്‍ട്‌സ് ക്വാട്ടയിലേക്കുള്ള സ്ഥാപനങ്ങളിലെ ഒഴിവുകളിലേക്കുള്ള സ്‌പോട്ട് അഡ്മിഷന്‍ ആഗസ്റ്റ് 18 ന് നടത്തും. തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജില്‍ ഇന്‍ഫര്‍മേഷന്‍ ടെക്‌നോളജിയിലും കൊമേഴ്‌സ്യല്‍ പ്രാക്ടീസിലും ഓരോ ഒഴിവുകളാണ് സ്‌പോര്‍ട്‌സ് ക്വാട്ടയില്‍ ഉള്ളത്. തൃശൂര്‍ സര്‍ക്കാര്‍ വനിതാ പോളിടെക്‌നിക് കോളേജില്‍ ഇലട്രോണിക്‌സ് എന്‍ജിനീയറിങില്‍ രണ്ട് ഒഴിവുകളും (സ്ട്രീം ഒന്ന്), കൊമേഴ്‌സ്യല്‍ പ്രാക്ടീസില്‍ ഒരൊഴിവും (സ്ട്രീം രണ്ട്) എന്‍.സി.സി ക്വാട്ടയിലുണ്ട്. റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവരും ആഗസ്റ്റ് 11 ലെ കൗണ്‍സിലിങ്ങിന് വരാന്‍ കഴിയാതിരുന്നവര്‍ക്കും പങ്കെടുക്കാം. സര്‍ട്ടിഫിക്കറ്റുകളുടെ അസ്സല്‍ രേഖകളുമായി അതാതു സ്ഥാപനങ്ങളില്‍ രാവിലെ 10 മണിക്ക് കൗണ്‍സിലിങ്ങില്‍ പങ്കെടുക്കാം. Dt.16.8.2017.
************************
സ്‌കോള്‍ കേരള മുഖേന 2017 -19 ബാച്ച് ഹയര്‍സെക്കണ്ടറി കോഴ്‌സിന് ഒന്നാം വരഷ പ്രവേശനത്തിന് ഓണ്‍ലൈന്‍ രജിസ്‌ട്രേഷന്‍ നടത്തിയവര്‍ ഡൗണ്‍ലോഡ് ചെയ്ത അപേക്ഷയും മറ്റ് നിര്‍ദ്ദിഷ്ട രേഖകളും ആഗസ്റ്റ് 19ന് വൈകുന്നേരം അഞ്ച് മണിക്ക് മുമ്പ് എത്തിക്കണം. ഇനി അധിക പിഴയോടെ ഫീസ് അടച്ച് രജിസ്റ്റര്‍ ചെയ്യുന്നവര്‍ ആഗസ്റ്റ് 21 വൈകുന്നേരം അഞ്ച് മണിക്ക് മുമ്പ് അതത് ജില്ലാ കേന്ദ്രങ്ങളില്‍ നേരിട്ടോ, സംസ്ഥാന കേന്ദ്രത്തില്‍ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ, നേരിട്ടോ എത്തിക്കണം. നിശ്ചിത സമയപരിധിക്കകം ലഭിക്കാത്ത അപേക്ഷകള്‍ പരിഗണിക്കുകയില്ലെന്നും എക്‌സിക്യൂട്ടീവ് ഡയറക്ടര്‍ അറിയിച്ചു.Dt.16.8.2017.
************************
പോളിടെക്‌നിക് കോളേജുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ അതത് പോളിടെക്‌നിക്കുകളില്‍ നടക്കും. സ്‌പോട്ട് അഡ്മിഷന്‍ നടക്കുന്ന കോളേജുകളുടെ പേരും അഡ്മിഷന്‍ നടക്കുന്ന ദിവസവും www.polyadmission.org ല്‍ ലഭിക്കും. വിവിധ സംവരണ വിഭാഗങ്ങള്‍ ഉള്‍പ്പെടെയുള്ളവരുടെ ഒഴിവ് സംബന്ധിച്ച വിവരം വെബ്‌സൈറ്റില്‍ ലഭിക്കും.Dt.14.8.2017.
************************
പ്ലസ് വണ്‍ ട്രാന്‍സ്ഫര്‍ അലോട്ട്‌മെന്റ് ഫലം 16ന് രാവിലെ 10 മണി മുതല്‍ www.hscap.kerala.gov.in ല്‍ ലഭിക്കും. TRANSFER ALLOT RESULTS എന്ന ലിങ്കിലൂടെ ലഭിക്കുന്ന രണ്ട് പേജുളള അലോട്ട്‌മെന്റ് സ്ലിപ്പും യോഗ്യതാ സര്‍ട്ടിഫിക്കറ്റ്, ടി.സി, സ്വാഭാവ സര്‍ട്ടിഫിക്കറ്റ്, മറ്റ് അനുബന്ധ രേഖകള്‍ എന്നിവയുടെ അസലുമായി അലോട്ട്‌മെന്റ് ലഭിച്ച സ്‌കൂള്‍/കോഴ്‌സില്‍ 18ന് വൈകിട്ട് നാല് മണിക്കുളളില്‍ പ്രവേശനം നേടണം. ട്രാന്‍സ്ഫറിനു ശേഷമുളള ഒഴിവ് മൂന്നാം സപ്ലിമെന്ററി അലോട്ട്‌മെന്റിനായി ആഗസ്റ്റ് 16ന് രാവിലെ 10 ന് www.hscap.kerala.gov.in ല്‍ പ്രസിദ്ധീകരിക്കും. അപേക്ഷ നല്‍കിയിട്ടും ഇതുവരേയും അലോട്ട്മന്റുകളില്‍ ഇടം നേടാനാവാത്തവര്‍ സപ്ലിമെന്ററി അലോട്ട്‌മെന്റിലേക്ക് പരിഗണിക്കപ്പെടുന്നതിന് നിലവിലുളള അപേക്ഷ പുതുക്കണം. അപേക്ഷ പുതുക്കുന്നതോടൊപ്പം നിലവിലുളള ഒഴിവുകളുടെ അടിസ്ഥാനത്തില്‍ ഓപ്ഷനുകളും മാറ്റി നല്‍കാം. സപ്ലിമെന്ററി അലോട്ട്‌മെന്റിനായി പ്രസിദ്ധീകരിക്കുന്ന ഒഴിവുളള സ്‌കൂള്‍/കോമ്പിനേഷനുകള്‍ മാത്രമേ ഓപ്ഷനുകളായി തിരഞ്ഞെടുക്കാവൂ. നേരത്തെ അപേക്ഷ നല്‍കാതിരുന്നവര്‍ക്കും സപ്ലിമെന്ററി അലോട്ട്‌മെന്റിനായി അപേക്ഷിക്കാം. സപ്ലിമെന്ററി അലോട്ട്‌മെന്റിനായി ആഗസ്റ്റ് 18ന് വൈകിട്ട് നാല് മണിവരെ പുതുക്കല്‍/പുതിയ അപേക്ഷാഫോറം സമര്‍പ്പിക്കാമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു.Dt.14.8.2017.
************************
ലോക മനുഷ്യാവകാശ ദിനമായ ഡിസംബര്‍ 10 ന് മുമ്പ് സംസ്ഥാനത്തെ എല്ലാ വിദ്യാലയങ്ങളിലും മനുഷ്യാവകാശ സംരക്ഷണ ക്ലബുകള്‍ രൂപീകരിക്കാന്‍ സംസ്ഥാന മനുഷ്യാവകാശ കമ്മീഷന്‍ തീരുമാനിച്ചു. കമ്മീഷന്‍ ആക്റ്റിംഗ് അദ്ധ്യക്ഷന്‍ പി.മോഹനദാസിന്റെ അധ്യക്ഷതയില്‍ വിളിച്ചു ചേര്‍ത്ത വകുപ്പുമേധാവികളുടെ യോഗത്തിലാണ് തീരുമാനം. ഇക്കൊല്ലത്തെ ഗവര്‍ണറുടെ നയപ്രഖ്യാപന പ്രസംഗത്തില്‍ സംസ്ഥാനത്തെ സ്‌കൂളുകളില്‍ മനുഷ്യാവകാശ സംരക്ഷണ ക്ലബുകള്‍ രൂപീകരിക്കുമെന്ന് വാഗ്ദാനം നല്‍കിയിരുന്നു. സര്‍ക്കാര്‍, എയ്ഡഡ്, അണ്‍ എയ്ഡഡ് സൂകൂളുകളില്‍ ക്ലബ് രൂപീകരിക്കും. ഇത്തരമൊരു സംരംഭം രാജ്യത്ത് ആദ്യമാണ്. വിദ്യാര്‍ത്ഥികള്‍ക്ക് പുറമേ അധ്യാപകര്‍ക്കും രക്ഷകര്‍ത്താക്കള്‍ക്കും മനുഷ്യാവകാശ സംരക്ഷണപ്രവര്‍ത്തനങ്ങളെ കുറിച്ച് അവബോധം നല്‍കാനും യോഗം തീരുമാനിച്ചു. നിയമത്തില്‍ അധിഷ്ഠിതമായ സമൂഹം കെട്ടിപ്പടുക്കാനുള്ള യത്‌നത്തിന്റെ ഭാഗമായാണ് മനുഷ്യാവകാശ സംരക്ഷണ ക്ലബുകള്‍ രൂപീകരിക്കുന്നതെന്ന് കമ്മീഷന്‍ ആക്റ്റിംഗ് അധ്യക്ഷന്‍ പി. മോഹനദാസ് പറഞ്ഞു. പദ്ധതിയുടെ പ്രവര്‍ത്തനരൂപരേഖ ഓഗസ്റ്റ് 30 ന് വിദ്യാഭ്യാസ- സാമൂഹ്യനീതി വകുപ്പധ്യക്ഷന്‍മാര്‍ മനുഷ്യാവകാശ കമ്മീഷന് നല്‍കും. സെപ്റ്റംബറില്‍ രണ്ടാംഘട്ട കൂടിയാലോചനകളും ക്ലബ് രൂപീകരണപ്രവര്‍ത്തനങ്ങളും ആരംഭിക്കും. സംസ്ഥാന മനുഷ്യാവകാശ കമ്മീഷന്‍ അംഗം കെ. മോഹന്‍കുമാര്‍, സംസ്ഥാന ബാലാവകാശ സംരക്ഷണ കമ്മീഷന്‍ അധ്യക്ഷ ശോഭാ കോശി, സാമൂഹ്യനീതി വകുപ്പു ഡയറക്ടര്‍ ടി.വി. അനുപമ, മനുഷ്യാവകാശ കമ്മീഷന്‍ സെക്രട്ടറി എസ്.എച്ച് ജയകേശന്‍, വൊക്കേഷണല്‍ ഹയര്‍ സെക്കന്ററി ഡയറക്ടര്‍ പ്രൊഫ. എ. ഫാറൂഖ്, പൊതു വിദ്യാഭ്യാസ അഡീഷണല്‍ ഡയറക്ടര്‍ ജിമ്മി കെ. ജോസ്, ഹയര്‍ സെക്കന്ററി ഡെപ്യൂട്ടി ഡയറക്ടര്‍ ഡോ. എസ് സത്യന്‍ എന്നിവര്‍ യോഗത്തില്‍ പങ്കെടുത്തു.Dt.14.8.2017.
************************
സംസ്ഥാന സ്‌കൂള്‍ ഉച്ചഭക്ഷണ പദ്ധതിയില്‍ ഉള്‍പ്പെട്ടിട്ടുള്ളതും ഇതുവരെയും ആധാര്‍ എന്റോള്‍മെന്റ് നടത്താത്തതുമായ കുട്ടികള്‍ക്ക് എന്റോള്‍മെന്റിനുള്ള സൗകര്യം ആഗസ്റ്റ് 20, 27, 28 തീയതികളില്‍ എല്ലാ അക്ഷയ കേന്ദ്രങ്ങളിലും ഏര്‍പ്പെടുത്തി. ഇതിനുപുറമെ ആഗസ്റ്റ് 17 മുതല്‍ 31 വരെയുള്ള പ്രവൃത്തി ദിവസങ്ങളിലും കുട്ടികള്‍ക്ക് അക്ഷയ കേന്ദ്രങ്ങളില്‍ ആധാര്‍ എന്റോള്‍മെന്റ് നടത്താമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. Dt.14.8.2017.
************************
2019 മാര്‍ച്ചോടെ ഹയര്‍ സെക്കന്‍ഡറി മുതല്‍ പ്രൈമറി വരെയുള്ള എല്ലാ ക്ലാസുകളും ഹൈടെക് ആക്കി മാറ്റുമെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. ഇതോടെ ഇന്ത്യയിലെ ആദ്യ ഹൈടെക് സ്‌കൂള്‍ സംസ്ഥാനമാകും കേരളമെന്നും അദ്ദേഹം പറഞ്ഞു. പ്രൈമറി-അപ്പര്‍ പ്രൈമറി സ്‌കൂളുകളില്‍ ഹൈടെക് ലാബുകള്‍ സ്ഥാപിക്കുന്നതിന്റെ പൈലറ്റ് ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. ഈവര്‍ഷം ഹൈസ്‌കൂളുകള്‍ ഹൈടെക് ആകും. അടുത്തഘട്ടമാണ് യു.പി, എല്‍.പി സ്‌കൂളുകള്‍ ഈ നിരയിലെത്തുന്നത്. ഇപ്പോള്‍ ഹൈടെക് ആകുന്ന 188 സ്‌കൂളുകള്‍ക്കുപുറമേ, എത്ര സ്‌കൂളുകളില്‍ കൂടി ലാബുകള്‍ വേണമെന്നതില്‍ സര്‍വേ ആരംഭിച്ചിട്ടുണ്ട്. ഇതു സംബന്ധിച്ച് പദ്ധതി തയാറാക്കി കിഫ്ബിക്ക് സമര്‍പ്പിച്ച് ആവശ്യമായ തുക നേടും. പഠനനിലവാരമുയരുന്നതിനൊപ്പം പഠനരീതികളും മാറും. ലോകം മുഴുവന്‍ ക്ലാസ്മുറിയിലേക്ക് വരുന്ന അവസ്ഥയുണ്ടായി അറിവ് വര്‍ധിപ്പിക്കാനുള്ള സാധ്യത നിരവധി മടങ്ങ് വര്‍ധിക്കും. ഇതോടൊപ്പം അധ്യാപകര്‍ക്ക് ഹൈടെക് അധ്യയനരീതിയെക്കുറിച്ച് പരിശീലനം നല്‍കും. അധ്യാപകരെയും വിദ്യാര്‍ഥികളെയും സജ്ജരാക്കുന്നതിനൊപ്പം മാതാപിതാക്കളും ഇക്കാര്യത്തില്‍ അറിവ് നേടണമെന്നും വിദ്യാഭ്യാസമന്ത്രി പറഞ്ഞു. വിതുര ഗവ. യു.പി സ്‌കൂള്‍, നേമം ഗവ. യു.പി സ്‌കൂളുകള്‍, തിരുവനന്തപുരം ഡയറ്റ് എന്നിവിടങ്ങളിലെ അധ്യാപകര്‍ക്ക് ഹൈടെക് പഠന ഉപകരണങ്ങളായ ലാപ്‌ടോപ്, പ്രൊജക്ടര്‍ തുടങ്ങിയവ കൈമാറിയാണ് മന്ത്രി ഉദ്ഘാടനം നിര്‍വഹിച്ചത്. കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എജ്യൂക്കേഷന്റെ (കൈറ്റ്- ഐ.ടി@സ്‌കൂള്‍) സോഷ്യല്‍ മീഡിയ പേജുകളുടെ ഉദ്ഘാടനവും മന്ത്രി നിര്‍വഹിച്ചു. facebook.com/keralaite.in, twitter.com/kite_gok എന്നിവയാണ് 'കൈറ്റി'ന്റെ സോഷ്യല്‍ മീഡിയ പേജുകള്‍. ചടങ്ങില്‍ പൊതുവിദ്യാഭ്യാസ സെക്രട്ടറി ഡോ. ഉഷാ ടൈറ്റസ് അധ്യക്ഷയായിരുന്നു Dt.14.8.2017.
************************
കേരള സര്‍വീസ് റൂള്‍സ് ഭാഗം മൂന്ന് പരിഷ്‌കരിക്കുന്നതിന് കമ്മിറ്റി രൂപീകരിച്ച് സര്‍ക്കാര്‍ ഉത്തരവായി. ഈ വിഷയത്തില്‍ പൊതുവായ നിര്‍ദേശങ്ങള്‍ സെപ്തംബര്‍ 15 ന് മുമ്പ് കണ്‍വീനര്‍ & ജോയിന്റ് സെക്രട്ടറി, ധനകാര്യ (പെന്‍ഷന്‍) വകുപ്പ്, പെന്‍ഷന്‍ റൂള്‍സ് റിവിഷന്‍ കമ്മിറ്റി, ഗവണ്‍മെന്റ് സെക്രട്ടേറിയറ്റ്, ധനകാര്യ വകുപ്പ് തിരുവനന്തപുരം - 695 001 എന്ന വിലാസത്തിലോ prrcfinance@gmail.com എന്ന ഇ-മെയിലിലോ ലഭിക്കണം. Dt.14.8.2017.
************************
ഒന്‍പത് ജില്ലകളിലെ അടിസ്ഥാനസൗകര്യമുള്ള 180 സര്‍ക്കാര്‍/എയ്ഡഡ് ഹയര്‍സെക്കണ്ടറി സ്‌കൂളുകള്‍ 10 ശതമാനം മാര്‍ജിനല്‍ സീറ്റ് വര്‍ദ്ധനവ് ആവശ്യപ്പെട്ടതിലൂടെ പ്ലസ്‌വണിന് ലഭ്യമായ 2940 സീറ്റുകള്‍ ഉള്‍പ്പെടുത്തി www.hscap.kerala.gov.in ല്‍ പുനഃപ്രസിദ്ധീവേക്കന്‍സി പുന:പ്രസിദ്ധീകരിച്ചു. ആഗസ്റ്റ് 4 വരെ സ്‌കൂള്‍/കോമ്പിനേഷന്‍ ട്രാന്‍സ്ഫറിന് അപേക്ഷിച്ചവര്‍ക്ക് പുതിയ ഓപ്ഷനുകള്‍ ചേര്‍ക്കുകയോ പുനഃക്രമീകരിക്കുകയോ ചെയ്യുന്നതിന് പ്രിന്‍സിപ്പാളിന് അപേക്ഷ നല്‍കാം. ഇതുവരെ അപേക്ഷ നല്‍കിയിട്ടില്ലാത്തവര്‍ക്കും സമര്‍പ്പിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്‌കൂള്‍ മാറ്റത്തിനോ, കോമ്പിനേഷന്‍ മാറ്റത്തോടെയുള്ള സ്‌കൂള്‍ മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ 14 ന് ഉച്ചയ്ക്ക് രണ്ടു മണിക്കകം സമര്‍പ്പിക്കണം. ട്രാന്‍സ്ഫറിനു ശേഷമുള്ള വേക്കന്‍സി മൂന്നാം സപ്ലിമെന്ററി അലോട്ട്‌മെന്റിനായി ആഗസ്റ്റ് 16 ന് പ്രസിദ്ധീകരിക്കുമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു. Dt.11.8.2017.
************************
പൊതു വിദ്യാഭ്യാസ വകുപ്പില്‍ 2017-18 അധ്യയന വര്‍ഷത്തില്‍ പൊതുസ്ഥലം മാറ്റത്തിന് അപേക്ഷ സമര്‍പ്പിച്ചവരില്‍ ഒന്നാം ഓപ്ഷന്‍ ലഭിച്ചവര്‍ ഒഴികെയുളളവര്‍ക്ക് ഹയര്‍ ഓപ്ഷന്‍ അനുവദിക്കുന്നു. ഹയര്‍ ഓപ്ഷന് താത്പര്യമുളളവര്‍ യൂസര്‍ നൈയിം, പാസ്‌വേഡ് എന്നിവ ഉപയോഗിച്ച് www.transferandpostings.in ല്‍ യെസ് ബട്ടണ്‍ അമര്‍ത്തണം. നിലവിലുളള ഒഴിവുകള്‍ വെബ്‌സൈറ്റില്‍ പരിശോധിക്കാം. ഇപ്പോള്‍ നല്‍കിയിട്ടുളള ഓപ്ഷനുകളില്‍ മാറ്റം അനുവദിക്കില്ല. 25ന് വൈകുന്നേരം അഞ്ച് മണി വരെ അപേക്ഷ സമര്‍പ്പിക്കാം. Dt.11.8.2017.
************************
പോളിടെക്‌നിക്കിലേക്ക് നാലാം അലോട്ട്‌മെന്റില്‍ പ്രവേശനം ലഭിച്ചവര്‍ക്ക് ആഗസ്റ്റ് 14 വൈകിട്ട് അഞ്ച് മണിവരെ പ്രവേശനം നേടാം. നാലാം അലോട്ട്‌മെന്റില്‍ പ്രവേശനം ലഭിച്ചവര്‍ നിര്‍ബന്ധമായും ലഭിച്ച പോളിടെക്‌നിക് കോളേജില്‍ പ്രവേശനം നേടണം. അലോട്ട്‌മെന്റ് ലഭിച്ച ബ്രാഞ്ച് നിലനിര്‍ത്തി ഉയര്‍ന്ന ഓപ്ഷന്‍ രജിസ്റ്റര്‍ ചെയ്തവര്‍ ടി.സിയും അലോട്ട്‌മെന്റ് സ്ലിപ്പും രജിസ്‌ട്രേഷന്‍ സ്ലിപ്പും ഹാജരാക്കി ഫീസ് അടച്ച് അലോട്ട്‌മെന്റ് ലഭിച്ച സ്ഥാപനത്തിലും ബ്രാഞ്ചിലും പ്രവേശനം നേടണം. അതിനുശേഷം പ്രവേശന സ്ലിപ്പും, ഫീസ് അടച്ച രസീതും ഹാജരാക്കി രജിസ്റ്റര്‍ ചെയ്ത സ്ഥാപനത്തില്‍ സമര്‍പ്പിച്ചിരിക്കുന്ന അസല്‍ സര്‍ട്ടിഫിക്കറ്റുകള്‍ തിരികെ വാങ്ങി പ്രവേശനം നേടിയ സ്ഥാപനത്തില്‍ സമര്‍പ്പിക്കണം. പുതുതായി അലോട്ട്‌മെന്റ് ലഭിച്ചവര്‍ അലോട്ട്‌മെന്റ് സ്ലിപ്പും എല്ലാ അസല്‍ സര്‍ട്ടിഫിക്കറ്റുകളുമായി അലോട്ട്‌മെന്റ് ലഭിച്ച സ്ഥാപനത്തില്‍ ഫീസ് അടച്ച് പ്രവേശനം നേടണം. Dt.10.8.2017.
************************
2016 ആഗസ്റ്റില്‍ ഒന്നാം വര്‍ഷ തുല്യതാ പരീക്ഷ എഴുതിയ വിദ്യാര്‍ത്ഥികള്‍ക്കുളള രണ്ടാം വര്‍ഷ പരീക്ഷയും പുതുതായി ഒന്നാം വര്‍ഷ രജിസ്‌ട്രേഷന്‍ നടത്തിയവരുടെ ഒന്നാം വര്‍ഷ തുല്യതാ പരീക്ഷയും ഒക്‌ടോബര്‍ ഏഴ് മുതല്‍ പതിനാല് വരെ വിവിധ പരീക്ഷാ കേന്ദ്രങ്ങളില്‍ നടത്തും. പരീക്ഷാ ഫീസ് ഒന്നാം വര്‍ഷം 600 രൂപയും, രണ്ടാം വര്‍ഷം പ്രാക്ടിക്കല്‍ ഇല്ലാത്ത കോമ്പിനേഷന് 600 രൂപയും, രണ്ടാം വര്‍ഷം പ്രാക്ടിക്കലുളള കോമ്പിനേഷന് 700 രൂപയുമാണ്. 100 രൂപ വീതമാണ് ഒന്നും രണ്ടും വര്‍ഷങ്ങളിലെ സര്‍ട്ടിഫിക്കറ്റ് ഫീസ്. പിഴയില്ലാതെ ഫീസടയ്‌ക്കേണ്ട അവസാന തീയതി ആഗസ്റ്റ് 30. 20 രൂപ പിഴയോടുകൂടി സെപ്റ്റംബര്‍ എട്ട് വരെ അടയ്ക്കാം. ഫീസടയ്‌ക്കേണ്ടത് പരീക്ഷാ കേന്ദ്രങ്ങളിലാണ്. കേന്ദ്രങ്ങളുടെ പട്ടിക ഉള്‍പ്പെട്ട നോട്ടിഫിക്കേഷന്റെ പൂര്‍ണ രൂപം www.dhsekerala.gov.in ല്‍ ലഭിക്കും.Dt.10.8.2017.
************************
ഐ.ടി @ സ്‌കൂള്‍ വിക്ടേഴ്‌സില്‍ ഇന്നു (ആഗസ്റ്റ ്11) മുതല്‍ പാഠപുസ്തകത്തിനു പുറത്തുള്ള വിഷയങ്ങള്‍ ചര്‍ച്ച ചെയ്യുന്ന ഔട്ട് ഓഫ് സിലബസ് പരമ്പര ആരംഭിക്കും. ശാസ്ത്രലോകത്തെ അത്ഭുതങ്ങളെ ലളിതമായും കൗതുകത്തോടെയും ഇതില്‍ പ്രതിപാദിക്കും. വെള്ളിയാഴ്ചകളില്‍ രാത്രി ഏഴിനാണ് സംപ്രേഷണം. പുന:സംപ്രേഷണം തിങ്കളാഴ്ചകളില്‍ രാവിലെ പതിനൊന്നിന്. Dt.10.8.2017.
************************
സംസ്ഥാനത്തെ എല്ലാ സര്‍ക്കാര്‍ - എയിഡഡ് ഹൈസ്‌കൂള്‍, ഹയര്‍സെക്കന്ററി, വി.എച്ച്.എസ്.ഇ. സ്‌കൂളുകളിലും ഹൈടെക് ക്ലാസ്‌റൂം പദ്ധതി നടപ്പിലാക്കുന്നതിന്റെ ഭാഗമായി 4775 സ്‌കൂളുകളില്‍ ഐടി ലാബുകള്‍ സ്ഥാപിക്കാനും 45000 ക്ലാസ്മുറികളെ ഹൈടെക്കാക്കാനും 493.5 കോടി രൂപ കിഫ്ബി അനുവദിച്ചിട്ടുണ്ട്. സംസ്ഥാനത്തെ 9448 സര്‍ക്കാര്‍ എയിഡഡ് പ്രൈമറി-അപ്പര്‍ പ്രൈമറി സ്‌കൂളുകളില്‍ ഹൈടെക് ലാബുകള്‍ സ്ഥാപിക്കുന്ന പ്രവര്‍ത്തനങ്ങളുടെ പൈലറ്റ് വിന്യാസം 188 സ്‌കൂളുകളിലും 14 ഡയറ്റുകളിലും ഉള്‍പ്പെടെ 202 ഇടത്ത് ഈ മാസം പൂര്‍ത്തിയാകുമെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് അറിയിച്ചു. കേരള ഇന്‍ഫ്രാസ്ട്രക്ച്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്- ഐടി@സ്‌കൂള്‍ പ്രോജക്ട്) ആണ് പൈലറ്റ് വിന്യാസം നടത്തുന്നത്. 1558 ലാപ്ടോപ്പുകളും 641 മള്‍ട്ടിമീഡിയ പ്രോജക്ടറുകളുടെയും വിന്യാസം 26ന് പൂര്‍ത്തിയാക്കും. പ്രൈമറി സ്‌കൂളുകളില്‍ ബ്രോഡ്ബാന്‍ഡ് ഇന്റര്‍നെറ്റ്, കളിപ്പെട്ടി-ഇ@വിദ്യ എന്ന പേരില്‍ ഐടി പാഠപുസ്തകം, അദ്ധ്യാപകര്‍ക്കുള്ള ഐ.സി.ടി പരിശീലനം, സമഗ്ര റിസോഴ്‌സ് പോര്‍ട്ടല്‍, ഡിജിറ്റല്‍ ഉള്ളടക്കം, സ്‌കൂള്‍ ഐടി കോര്‍ഡിനേറ്റര്‍മാരെ തെരഞ്ഞെടുക്കല്‍ തുടങ്ങിയ മുന്നൊരുക്ക പ്രവര്‍ത്തനങ്ങള്‍ പൂര്‍ത്തിയാക്കിയിട്ടുണ്ടെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു. പ്രൈമറി തലത്തിലെ ഐ.സി.ടി പ്രവര്‍ത്തനങ്ങളുടെ നിരീക്ഷണത്തിനായി എല്ലാ ജില്ലകളിലേയും ഡയറ്റുകളില്‍ സംവിധാനം ഏര്‍പ്പെടുത്തും. ഹൈടെക് ലാബിന്റെ പൈലറ്റ് പ്രവര്‍ത്തനങ്ങള്‍ നടത്തുന്ന സ്‌കൂളുകളില്‍ പ്രത്യേക പരിശീലനവും ഉള്ളടക്ക വിന്യാസവും നടത്തും. ഇതിന്റെ തുടര്‍ച്ചയായി 9260 പ്രൈമറി-അപ്പര്‍ പ്രൈമറി സ്‌കൂളുകളിലും ഹൈടെക് ലാബുകള്‍ സ്ഥാപിക്കാനുള്ള പ്രവര്‍ത്തനത്തിന് വിശദ പ്രോജക്ട് റിപ്പോര്‍ട്ട് കിഫ്ബിക്ക് സമര്‍പ്പിക്കാന്‍ തീരുമാനിച്ചിട്ടുണ്ട്. പൈലറ്റ് പ്രവര്‍ത്തനങ്ങള്‍ക്ക് തിരഞ്ഞെടുത്ത സ്‌കൂളുകളുടെ ലിസ്റ്റ് www.itschool.gov.in ല്‍ നല്‍കിയിട്ടുണ്ട്.Dt.10.8.2017.
************************
കഴിഞ്ഞവര്‍ഷം ആഗസ്റ്റില്‍ ഒന്നാം വര്‍ഷ ഹയര്‍സെക്കന്ററി തുല്യതാ പരീക്ഷ എഴുതിയ വിദ്യാര്‍ത്ഥികള്‍ക്കുള്ള ഇംപ്രൂവ്‌മെന്റ് പരീക്ഷ സെപ്തംബര്‍ 22, 23, 24 തീയതികളില്‍ സംസ്ഥാനത്തെ വിവിധ പരീക്ഷാ കേന്ദ്രങ്ങളില്‍ നടത്തും. ഇംഗ്ലീഷ്, രണ്ടാം ഭാഷ, പാര്‍ട്ട് - മൂന്ന് വിഷയങ്ങള്‍ ഉള്‍പ്പടെ പരമാവധി മൂന്ന് വിഷയങ്ങള്‍ ഇംപ്രൂവ് ചെയ്യാം. പരീക്ഷാഫീസ് 800 രൂപ. സര്‍ട്ടിഫിക്കറ്റ് ഫീസ് 100 രൂപ. പിഴയില്ലാതെ 21 വരെ ഫീസടയ്ക്കാം. 20 രൂപ പിഴയോടെ 28 വരെ ഫീസടയ്ക്കാം. പരീക്ഷാ കേന്ദ്രങ്ങളിലാണ് ഫീസടയ്‌ക്കേണ്ടത്. പരീക്ഷാ കേന്ദ്രങ്ങളുടെ പട്ടിക ഉള്‍പ്പെട്ട നോട്ടിഫിക്കേഷന്റെ പൂര്‍ണ രൂപം www.dhsekerala.gov.in ല്‍ ലഭ്യമാണ്. Dt.8.8.2017.
************************
സംസ്ഥാനത്തെ സര്‍ക്കാര്‍, അര്‍ദ്ധസര്‍ക്കാര്‍ ജീവനക്കാര്‍, അധ്യാപകര്‍, പൊതുമേഖലാ സ്ഥാപനം, യൂണിവേഴ്‌സിറ്റി, സംസ്ഥാന-ജില്ല-പ്രാഥമിക സഹകരണ സംഘം, ദേശസാത്കൃത, ഷെഡ്യൂള്‍ഡ് ബാങ്ക്, സര്‍ക്കാര്‍ നിയന്ത്രണത്തിലെ കോര്‍പറേഷനുകള്‍, ലിമിറ്റഡ് കമ്പനികള്‍ എന്നിവയിലെ ജീവനക്കാര്‍ തങ്ങളുടെ പേരുള്‍പ്പെട്ട റേഷന്‍ കാര്‍ഡുകള്‍ ആഗസ്റ്റ് 20നകം ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍ മുമ്പാകെ പരിശോധനയ്ക്ക് ഹാജരാക്കണമെന്ന് സര്‍ക്കാര്‍ സര്‍ക്കുലര്‍ പുറത്തിറക്കി. റേഷന്‍ മുന്‍ഗണന പട്ടികയില്‍ അനര്‍ഹര്‍ കടന്നുകൂടിയതായി സര്‍ക്കാരിന്റെ ശ്രദ്ധയില്‍പെട്ട സാഹചര്യത്തിലാണ് നടപടി. മതിയായ കാരണമില്ലാതെ കാര്‍ഡ് ഹാജരാക്കാത്തവര്‍ക്കെതിരെ വകുപ്പ് അധ്യക്ഷന്‍മാര്‍ നടപടി സ്വീകരിക്കണമെന്ന് നിര്‍ദ്ദേശിച്ചിട്ടുണ്ട്. മുന്‍ഗണനാ പട്ടികയില്‍ കടന്നു കൂടിയ ജീവനക്കാരുടെ വിവരം ആഗസ്റ്റ് 30ന് മുമ്പ് റിപ്പോര്‍ട്ടായി ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍ താലൂക്ക് സപ്ലൈ ഓഫീസര്‍മാര്‍ക്ക് നല്‍കണം. റേഷന്‍ കാര്‍ഡ് ഇല്ലാത്ത ജീവനക്കാരുടെ സത്യവാങ്മൂലം വാങ്ങി ബന്ധപ്പെട്ട താലൂക്ക് സപ്ലൈ ഓഫീസര്‍മാര്‍ക്ക് പരിശോധനയ്ക്കായി നല്‍കണം. സംസ്ഥാനത്ത് പെന്‍ഷന്‍, ഫാമിലി പെന്‍ഷന്‍ വാങ്ങുന്നവരുടെ റേഷന്‍ കാര്‍ഡുകള്‍ ബന്ധപ്പെട്ട ട്രഷറി, ബാങ്ക് ഉദേ്യാഗസ്ഥര്‍ പരിശോധിക്കണം. മുന്‍ഗണനാ പട്ടികയിലുള്ളവരുടെ വിവരം റേഷന്‍ കാര്‍ഡ് നമ്പര്‍ സഹിതം താലൂക്ക് സപ്ലൈ ഓഫീസര്‍മാര്‍ക്ക് റിപ്പോര്‍ട്ട് ചെയ്യണം. റേഷന്‍ കാര്‍ഡില്‍ പേര് ഉള്‍പ്പെട്ടിട്ടില്ലാത്തവരുടെ സത്യവാങ്മൂലം ഉള്‍പ്പടെ അന്വേഷണത്തിനായി നല്‍കണം. സംസ്ഥാന, ജില്ല, പ്രാഥമിക സഹകരണ സംഘം ജീവനക്കാരുടെയും പെന്‍ഷന്‍കാരുടെയും കാര്‍ഡുകള്‍ സഹകരണ സ്ഥാപന സെക്രട്ടറിമാരും സര്‍വകലാശാലകളിലേത് പരിശോധിക്കുന്നതിന് രജിസ്ട്രാര്‍മാരും നടപടി സ്വീകരിക്കണം. ദേശസാല്‍കൃത, ഷെഡ്യൂള്‍ഡ് ബാങ്ക് അധികൃതര്‍ ജീവനക്കാരെ ഇതു സംബന്ധിച്ച് ബോധവത്ക്കരിക്കാന്‍ നടപടി സ്വീകരിക്കണം.Dt.8.8.2017.
************************
തിരുവനന്തപുരം, കൊല്ലം, തൃശൂര്‍, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്‍, കാസര്‍ഗോഡ് എന്നീ ഒന്‍പത് ജില്ലകളിലെ അടിസ്ഥാന സൗകര്യമുള്ള സര്‍ക്കാര്‍/എയ്ഡഡ് ഹയര്‍ സെക്കന്ററി സ്‌കൂളുകളില്‍ പ്ലസ് വണ്‍ പ്രവേശനത്തിന് 10 ശതമാനം സീറ്റു വര്‍ദ്ധനവ് കൂടി അനുവദിച്ച് ഉത്തരവായി. ഇതിനകം പ്രവേശനം നേടിയ വിദ്യാര്‍ത്ഥികള്‍ക്കും വര്‍ദ്ധിപ്പിച്ച 10 ശതമാനം സീറ്റുകളിലേക്ക് അപേക്ഷിക്കാം. അണ്‍-എയ്ഡഡ് ഹയര്‍ സെക്കന്ററി സ്‌കൂളുകളിലെ ബാച്ചുകള്‍ക്ക് വര്‍ദ്ധനവ് ബാധകമല്ല.Dt.8.8.2017.
************************
പോളിടെക്‌നിക്കുകളില്‍ എന്‍.സി.സി/സ്‌പോര്‍ട്ട്‌സ് ക്വാട്ട പ്രവേശനത്തിനുളള കൗണ്‍സിലിംഗ് 11ന് തിരുവനന്തപുരം സാങ്കേതിക വിദ്യാഭ്യാസ ഡയറക്ടറേറ്റില്‍ നടക്കും. കൗണ്‍സിലിംഗിന് തെരഞ്ഞെടുക്കപ്പെട്ടവരുടെ റാങ്ക് ലിസ്റ്റ് www.dtekerala.gov.in, www.polyadmission.org എന്നിവയില്‍ പ്രസിദ്ധീകരിച്ചിട്ടുണ്ട്. റാങ്ക് ലിസ്റ്റില്‍ ഉള്‍പ്പെട്ടവര്‍ ബന്ധപ്പെട്ട രേഖകളുടെ അസലുമായി രക്ഷകര്‍ത്താവിനോടൊപ്പം രാവിലെ 10 മണിക്ക് എത്തണം. സ്‌പോര്‍ട്ട്‌സ് ക്വാട്ടയിലെ 19 സീറ്റുകളിലേക്ക് രാവിലെ 10 മുതല്‍ 11 മണി വരെ ഒന്നു മുതല്‍ 60 റാങ്ക് വരെയുളള വിദ്യാര്‍ത്ഥികളുടെയും 11 മുതല്‍ 12 മണിവരെ 60 നുമുകളില്‍ 88 വരെ റാങ്കുളളവരുടെയും കൗണ്‍സിലിംഗ് നടക്കും. എന്‍.സി.സി ക്വാട്ടയിലുളള 50 സീറ്റുകളില്‍ 49 എണ്ണം സ്ട്രീം ഒന്നിലാണ്. രാവിലെ 11 മുതല്‍ 12 വരെ ഒന്നു മുതല്‍ 60 റാങ്ക് വരെയുളളവരുടെയും 12 മണി മുതല്‍ ഒരു മണിവരെ 61 മുതല്‍ 108 റാങ്ക് വരെയുളളവരുടെയും കൗണ്‍സിലിംഗും കൈമനം വനിതാ പോളിയിലെ സ്ട്രീം രണ്ട് സീറ്റിലേക്ക് രാവിലെ 11 മുതല്‍ 12 മണി വരെ ഒന്നു മുതല്‍ 60 റാങ്ക് വരെയുളള വിദ്യാര്‍ത്ഥികളുടെ കൗണ്‍സിലിംഗും നടക്കും.Dt.8.8.2017.
************************
സ്‌കോള്‍-കേരള മുഖേന 2017-19 ബാച്ചില്‍ ഒന്നാം വര്‍ഷ ഹയര്‍സെക്കണ്ടറി പ്രവേശനത്തിന് ഓണ്‍ലൈനായി രജിസ്റ്റര്‍ ചെയ്ത വിദ്യാര്‍ഥികള്‍ നിര്‍ദ്ദിഷ്ടരേഖകള്‍ സഹിതമുള്ള അപേക്ഷകള്‍ അടിയന്തിരമായി സ്‌കോള്‍-കേരള സംസ്ഥാന ഓഫീസില്‍ തപാല്‍ മാര്‍ഗമോ, ജില്ലാ കേന്ദ്രങ്ങളില്‍ നേരിട്ടോ ഉടന്‍ സമര്‍പ്പിക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.8.8.2017.
************************
മുന്‍ പ്രധാനമന്ത്രി രാജീവ്ഗാന്ധിയുടെ ജന്മദിനമായ ആഗസ്റ്റ് 20 സദ്ഭാവനാദിനമായി ദേശവ്യാപകമായി ആചരിക്കും. അക്രമ മാര്‍ഗ്ഗങ്ങള്‍ വെടിഞ്ഞ് ദേശത്തിന്റെയും ഭാഷയുടെയും മതത്തിന്റെയും പേരിലുള്ള വ്യത്യാസങ്ങള്‍ മറന്ന് എല്ലാവിഭാഗം ജനങ്ങളിലും ദേശീയ ഐക്യവും പരസ്പര സ്‌നേഹവും വളര്‍ത്തുന്നതിനുള്ള സന്ദേശം നല്‍കുന്നതിനാണ് വര്‍ഷംതോറും ഈ ദിനം ആഘോഷിക്കുന്നത്. ഈ വര്‍ഷം ആഗസ്റ്റ് 20 പൊതുഅവധി ആയതിനാല്‍ ആഗസ്റ്റ് 19 ന് സംസ്ഥാന വ്യാപകമായി സദ്ഭാവനാദിനം ആചരിക്കും. ജില്ലാ കളക്ടര്‍മാരുടേയും വകുപ്പു മേധാവികളുടെയും ഓഫീസുകളിലും പൊതുമേഖലാ സ്ഥാപനങ്ങളിലും ആഗസ്റ്റ് 19 ശനിയാഴ്ച രാവിലെ 11 മണിക്ക് സദ്ഭാവനാദിന പ്രതിജ്ഞ സംഘടിപ്പിക്കണമെന്ന് പൊതുഭരണവകുപ്പ് അറിയിച്ചു. പ്രതിജ്ഞ : 'സമുദായം, മതം, പ്രദേശം, ഭാഷ തുടങ്ങിയ യാതൊരുവിധ പരിഗണനയും കൂടാതെ ഭാരതത്തിലെ എല്ലാവിഭാഗം ജനങ്ങളുടേയും ഐക്യത്തിനും സൗഹാര്‍ദ്ദത്തിനും വേണ്ടി അര്‍പ്പണ ബോധത്തോടെ പ്രവര്‍ത്തിക്കുമെന്ന് ഞാന്‍ ദൃഢപ്രതിജ്ഞ ചെയ്യുന്നു. ഒരിക്കലും അക്രമമാര്‍ഗ്ഗം സ്വകരിക്കില്ലെന്നും എല്ലാത്തരം ഭിന്നതകളും ചര്‍ച്ചകളിലൂടെയും ഭരണഘടനാപരമായ മറ്റ് മാര്‍ഗ്ഗങ്ങളിലൂടെയും പരിഹരിക്കുമെന്നും ഞാന്‍ പ്രതിജ്ഞ ചെയ്യുന്നു'.Dt.8.8.2017.
************************
ട്രഷറിയില്‍ നിന്നു നേരിട്ടും ബാങ്ക് മുഖേനയും പെന്‍ഷന്‍ വാങ്ങുന്ന രണ്ടര ലക്ഷം രൂപയ്ക്കുമേല്‍ വാര്‍ഷിക വരുമാനമുള്ള പെന്‍ഷന്‍കാര്‍ 2017-18 സാമ്പത്തിക വര്‍ഷത്തിലെ ആന്റിസിപേറ്ററി ഇന്‍കം ടാക്‌സ് സ്റ്റേറ്റ്‌മെന്റ് സെപ്റ്റംബര്‍ 19 നകം ട്രഷറിയില്‍ ഏല്‍പ്പിക്കണം. ട്രഷറി വഴി പെന്‍ഷന്‍ വാങ്ങുന്ന പെന്‍ഷന്‍കാര്‍ ബന്ധപ്പെട്ട ട്രഷറിയിലും ബാങ്ക് വഴി പെന്‍ഷന്‍ വാങ്ങുന്നവര്‍ സമീപത്തെ ട്രഷറിയും ഐ.ടി. സ്റ്റേറ്റ്‌മെന്റ് (പാന്‍ പകര്‍പ്പ് സഹിതം) നല്‍കണം. ആന്റിസിപേറ്ററി സ്റ്റേറ്റ്‌മെന്റ നല്‍കാത്തവരില്‍ നിന്നും ട്രഷറി തന്നെ ടി.ഡി.എസ് കണക്കാക്കി പെന്‍ഷനില്‍ നിന്നും ആദായ നികുതി പിടിക്കും. നികുതി ഒഴിവുകള്‍ ക്ലെയിം ചെയ്യുന്ന പെന്‍ഷന്‍കാര്‍ അതിന്റെ വിശദാംശങ്ങള്‍ ആന്റിസിപേറ്ററി ഐ.ടി സ്റ്റേറ്റ്‌മെന്റില്‍ കാണിച്ചിട്ടില്ലെങ്കില്‍ അതു കണക്കാക്കി ടി.ഡി.എസ് പിടിക്കുമെന്ന് ട്രഷറി ഡയറക്ടര്‍ അറിയിച്ചു. Dt.8.8.2017.
************************
പോളിടെക്‌നിക് കോളേജുകളിലേക്കുള്ള നാലാമത്തെയും അവസാനത്തേതുമായ അലോട്ട്‌മെന്റ്ഇന്ന് (ആഗസ്റ്റ് എട്ട്) പ്രസിദ്ധീകരിക്കും. അലോട്ട്‌മെന്റ് കിട്ടിയ എല്ലാവരും ലഭിച്ച ബ്രാഞ്ച് ഏതായാലും, ലഭിച്ച സ്ഥാപനത്തില്‍ പ്രവേശനം നേടണം. അഡ്മിഷന്‍ സ്ലിപ്പ്, സര്‍ട്ടിഫിക്കറ്റ്, ടി.സി, ഫീസ് (പി.ടി.എ, ഡവല്‍പ്പ്‌മെന്റ്ഫണ്ട് ഉള്‍പ്പെടെ) എന്നിവ പ്രവേശന സമയത്ത് ഹാജരാക്കണം. ആഗസ്റ്റ് എട്ട്, ഒന്‍പത്,10 തീയതികളില്‍ പ്രവേശനം നേടണം. Dt.7.8.2017.
************************
മൂന്ന് ഘട്ടങ്ങളിലായി പരിഷ്‌കരിച്ച സ്‌കൂള്‍ പാഠപുസ്തകങ്ങളുടെ രണ്ടാംഘട്ട വിതരണം തിങ്കളാഴ്ച മുതല്‍ ആരംഭിക്കുമെന്ന് വിദ്യാഭ്യാസമന്ത്രിയുടെ ഓഫീസ് അറിയിച്ചു. പാഠപുസ്തകങ്ങളുടെ ഭാരം ലഘൂകരിക്കുന്നതിനു വേണ്ടിയാണ് ഈ വര്‍ഷം മുതല്‍ മൂന്നു വോള്യങ്ങളിലായി പാഠപുസ്തകങ്ങള്‍ അച്ചടിക്കാന്‍ തീരുമാനിച്ചത്. സ്‌കൂള്‍ തുറക്കുന്നതിനു മുമ്പ് തന്നെ ഒന്നാംഘട്ടം വിതരണം പൂര്‍ത്തിയാക്കിയിരുന്നു. ഓണപ്പരീക്ഷക്ക് മുമ്പ് തന്നെ രണ്ടാം ഘട്ട വിതരണം പൂര്‍ത്തിയാക്കുന്നതിനുവേണ്ടിയാണ് തിങ്കളാഴ്ച മുതല്‍ തന്നെ പാഠപുസ്തകങ്ങള്‍ വിതരണം ചെയ്യുന്നത്. മൂന്നാംഘട്ട പാഠപുസ്തകങ്ങള്‍ ക്രിസ്തുമസ് പരീക്ഷക്ക് മുമ്പ് തന്നെ വിതരണം ചെയ്യുന്നതിനുള്ള തയ്യാറെടുപ്പുകളും പൂര്‍ത്തിയാക്കിയിട്ടുള്ളതായി ഓഫീസ് അറിയിച്ചു. Dt.5.8.2017.
************************
2017 -18 വര്‍ഷത്തെ പോളിടെക്‌നിക് പ്രവേശനത്തോടനുബന്ധിച്ചുളള പുനര്‍ രജിസ്‌ട്രേഷന്‍ ഇന്ന് (ആഗസ്റ്റ് ആറ്) വൈകിട്ട് അഞ്ച് മണിക്ക് അവസാനിക്കും. പുനര്‍ രജിസ്‌ട്രേഷന് കേരളത്തിലെ മുഴുവന്‍ സര്‍ക്കാര്‍, എയ്ഡഡ്, സ്വാശ്രയ പോളിടെക്‌നിക്കുകളിലേയും ഹെല്‍പ് ഡെസ്‌കുകള്‍ രാവിലെ 10 മണി മുതല്‍ അഞ്ച് മണി വരെ പ്രവര്‍ത്തിക്കും. നാലാമത്തെ അലോട്ട്‌മെന്റ് ആഗസ്റ്റ് എട്ടിന് പ്രസിദ്ധീകരിക്കും. വെബ്‌സൈറ്റ് www.polyadmission.org. Dt.5.8.2017.
************************
പരീക്ഷാഭവന്‍ നവംബറില്‍ നടത്തുന്ന സംസ്‌കൃതം/അറബിക്/ഉര്‍ദു അധ്യാപക പരീക്ഷയുടെ വിജ്ഞാപനം www.keralapareekshabhavan. in വെബ്‌സൈറ്റില്‍ ലഭ്യമാണ്. പരീക്ഷാര്‍ത്ഥികള്‍ക്ക് പരീക്ഷാ കേന്ദ്രങ്ങളില്‍ ഫൈനോടുകൂടി ഫീസ് അടച്ച് അപേക്ഷിക്കാനുള്ള തീയതി ആഗസ്റ്റ് 14 വരെ നീട്ടി. Dt.5.8.2017.
************************
സംസ്ഥാനത്ത് സര്‍വ ശിക്ഷാ അഭിയാന്റെ കീഴില്‍ ഭിന്നശേഷിയുള്ള കുട്ടികളുടെ പരിശീലനത്തിനായി കേന്ദ്ര മാനവ വിഭവ ശേഷി മന്ത്രാലയം തുടര്‍ച്ചാനുമതി നല്‍കാതിരുന്നതും നിലവില്‍ അവശേഷിക്കുന്നതുമായ 408 റിസോഴ്‌സ് അദ്ധ്യാപകര്‍ക്ക് ഒരു വര്‍ഷത്തേയ്ക്ക് (2017-18) കരാര്‍ അടിസ്ഥാനത്തില്‍ പുനര്‍ നിയമനം നല്‍കുന്നതിന് അനുമതി നല്‍കി പൊതുവിദ്യാഭ്യാസ വകുപ്പ് ഉത്തരവ് പുറപ്പെടുവിച്ചു.Dt.4.8.2017.
************************
2016 ആഗസ്റ്റില്‍ നടന്ന ഒന്നാം വര്‍ഷ ഹയര്‍സെക്കന്ററി തുല്യതാ പരീക്ഷയുടെ സ്‌കോര്‍ ഷീറ്റുകള്‍ മുഖ്യപരീക്ഷാ കേന്ദ്രങ്ങളില്‍ എത്തിച്ചു. പ്രസ്തുത പരീക്ഷയെഴുതിയ തുല്യതാ പഠിതാക്കള്‍ക്ക് സ്‌കോര്‍ഷീറ്റ് മുഖ്യ പരീക്ഷാ കേന്ദ്രങ്ങളിലെ പ്രിന്‍സിപ്പാള്‍മാരില്‍ നിന്നും ഏഴു മുതല്‍ കൈപ്പറ്റാം.Dt.4.8.2017.
************************
വൊക്കേഷണല്‍ ഹയര്‍ സെക്കന്ററി കോഴ്‌സ് സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍, എയര്‍മെന്‍ റിക്രൂട്ട്‌മെന്റ് റാലികളില്‍ പങ്കെടുക്കുന്നതിന് യോഗ്യരാണെന്ന് സെന്‍ട്രല്‍ എയര്‍മെന്‍ സെലക്ഷന്‍ ബോര്‍ഡ് അറിയിച്ചു. വൊക്കേഷണല്‍ ഹയര്‍ സെക്കന്ററി പരീക്ഷാ ബോര്‍ഡിന് കൗണ്‍സില്‍ ഓഫ് ബോര്‍ഡ്‌സ് ഓഫ് സ്‌കൂള്‍ എഡ്യൂക്കേഷന്‍ ഇന്‍ ഇന്ത്യ (COBSE) യില്‍ അംഗത്വം ലഭിച്ചതിനാല്‍ പ്ലസ് ടു അടിസ്ഥാന യോഗ്യതയായി നിശ്ചയിച്ചിരിക്കുന്ന എല്ലാ ഉദേ്യാഗങ്ങള്‍ക്കും തുടര്‍ പഠനത്തിനും വി.എച്ച്.എസ്.ഇ സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍ യോഗ്യരാണെന്ന് വി.എച്ച്.എസ്.ഇ ഡയറക്ടര്‍ അറിയിച്ചു. Dt.4.8.2017.
************************
എസ്.സി.ഇ.ആര്‍.ടിയുടെ സഹകരണത്തോടെ ഐ.ടി അറ്റ് സ്‌കൂള്‍ തയാറാക്കിയ 'സമഗ്ര' ചോദ്യജാലകം പോര്‍ട്ടലിന്റെ പ്രകാശനം മുഖ്യമന്ത്രി പിണറായി വിജയന്‍ നിര്‍വഹിച്ചു. അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്കാണ് പോര്‍ട്ടലിന്റെ പ്രധാന നേട്ടം. മൂല്യനിര്‍ണയ പ്രക്രിയയില്‍ എല്ലാ അധ്യാപകര്‍ക്കും പങ്കാളിയാകാനുള്ള സൗകര്യമാണ് പോര്‍ട്ടല്‍ വഴി തയാറാക്കുന്നത്. പൊതുപരീക്ഷകള്‍ ഇനി അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്ക് അടിസ്ഥാനമാക്കി ചിട്ടപ്പെടുത്താനാണ് തീരുമാനിച്ചിട്ടുള്ളത്. എല്ലാ ക്ലാസിലേയും ടേം പരീക്ഷകള്‍, വാര്‍ഷിക പരീക്ഷകള്‍ തുടങ്ങിയവയുടെ ചോദ്യങ്ങള്‍ ഈ ബാങ്കില്‍ നിന്ന് തയാറാക്കാന്‍ സാധിക്കുന്ന രൂപത്തിലാണ് ചോദ്യജാലകത്തിന്റെ വിഭാവനം. വിവിധ ഭാഷകളില്‍ ചോദ്യങ്ങള്‍ നല്‍കാനുള്ള ക്രമീകരണം ചോദ്യജാലകത്തിലുണ്ട്. വ്യക്തിഗതമായി തയാറാക്കുന്ന ചോദ്യങ്ങള്‍ സ്‌കൂള്‍ വിഷയഗ്രൂപ്പില്‍ ചര്‍ച്ച ചെയ്ത് മെച്ചപ്പെടുത്തിയ ശേഷമാണ് അപ്‌ലോഡ് ചെയ്യേണ്ടത്. ഇങ്ങനെ അപ്‌ലോഡ് ചെയ്യുന്ന ചോദ്യങ്ങള്‍ വിദഗ്ധ സമിതിയുടെ അംഗീകാരത്തിനുവിധേയമായി എല്ലാവര്‍ക്കും ലഭ്യമാകുന്ന തരത്തില്‍ പ്രസിദ്ധീകരിക്കും. ചോദ്യങ്ങള്‍ അപ്‌ലോഡ് ചെയ്യുന്നവരുടെ പേരുവിവരം ചോദ്യത്തോടൊപ്പം പ്രദര്‍ശിപ്പിക്കും. www.qb.itschool.gov.in എന്നതാണ് പോര്‍ട്ടലിന്റെ വിലാസം. ചോദ്യങ്ങള്‍ സംബന്ധിച്ച പ്രതികരണം പോര്‍ട്ടലിലൂടെ അറിയിക്കാനുള്ള ക്രമീകരണവുമുണ്ട്. പൊതുനിര്‍ദേശങ്ങള്‍ കൂടി പരിഗണിച്ച് വിദഗ്ധ സമിതി ചിട്ടപ്പെടുത്തുന്ന ചോദ്യങ്ങള്‍ നിന്നായിരിക്കും പൊതുപരീക്ഷയ്ക്കുള്ള ചോദ്യപേപ്പറുകള്‍ ഉരുത്തിരിച്ചെടുക്കുന്നത്. സ്‌കൂളുകള്‍ക്കും വകുപ്പിനും ആവശ്യാനുസരണം ചോദ്യപ്പേപ്പറുകള്‍ ജനറേറ്റുചെയ്യാനുള്ള പ്രോഗ്രാം ഐ.ടി അറ്റ് സ്‌കൂള്‍ ചോദ്യബാങ്കില്‍ ഉള്‍പ്പെടുത്തിയിട്ടുണ്ട്. ഇതുവരെ സമഗ്ര പോര്‍ട്ടലില്‍ അംഗത്വം എടുക്കാത്ത അധ്യാപകര്‍ ക്ലസ്റ്റര്‍ പരിശീലനത്തില്‍ ഇതിന് തുടക്കം കുറിക്കണം. പോര്‍ട്ടലിന്റെ പ്രകാശനചടങ്ങില്‍ വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ്, പൊതുവിദ്യാഭ്യാസ സെക്രട്ടറി ഡോ. ഉഷാ ടൈറ്റസ്, പൊതു വിദ്യാഭ്യാസ ഡയറക്ടര്‍ കെ.വി. മോഹന്‍കുമാര്‍, എസ്.സി.ഇ.ആര്‍.ടി ഡയറക്ടര്‍ ഡോ. ജെ. പ്രസാദ്, ഐ.ടി. അറ്റ് സ്‌കൂള്‍ എക്‌സിക്യൂട്ടീവ് ഡയറക്ടര്‍ കെ. അന്‍വര്‍ സാദത്ത് തുടങ്ങിയവര്‍ സംബന്ധിച്ചു.Dt.4.8.2017.
************************
സംസ്ഥാനത്തെ പൊതു വിദ്യാലയങ്ങളിലെ അധ്യാപകര്‍ക്കുള്ള ക്ലസ്റ്റര്‍തല പരിശീലനം ഇന്ന് (ആഗസ്റ്റ് അഞ്ച്) നടക്കും. പൊതു വിദ്യാലയങ്ങളിലെ പഠനമികവ് ഉയര്‍ത്തുന്നതിന് സാങ്കേതികവിദ്യയുടെ സഹായത്തോടെ പാഠ്യപദ്ധതി കൂടുതല്‍ ഫലപ്രദമായി നിര്‍വഹിക്കാനുള്ള പരിശീലനമാണ് നടക്കുക. എല്ലാ വിദ്യാലയങ്ങളിലെയും അധ്യാപകര്‍ പരിശീലന പരിപാടിയില്‍ പങ്കെടുക്കണം. ഹാജരാകാത്തവര്‍ക്കെതിരെ വകുപ്പുതല അച്ചടക്ക നടപടി സ്വീകരിക്കുമെന്ന് പൊതുവിദ്യാഭ്യാസ ഡയറക്ടര്‍ കെ.വി. മോഹന്‍കുമാര്‍ അറിയിച്ചു. ഹാജരാകാത്തവരുടെ വിവരം ഉപജില്ലാ വിദ്യാഭ്യാസ ഓഫീസര്‍, ജില്ലാ വിദ്യാഭ്യാസ ഓഫീസര്‍, വിദ്യാഭ്യാസ ഉപഡയറക്ടര്‍ തലത്തില്‍ സമാഹരിച്ച് ഏഴിന് വൈകിട്ട് അഞ്ച് മണിക്കകം ഇ-മെയില്‍ മുഖേന പൊതുവിദ്യാഭ്യാസ ഡയറക്ടര്‍ക്ക് സമര്‍പ്പിക്കണം.Dt.4.8.2017.
************************
ആഗസ്റ്റ് അഞ്ചിലെ ക്ലസ്റ്റര്‍ പരിശീലനത്തില്‍ എല്ലാ അധ്യാപകരും പങ്കെടുക്കണമെന്ന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് അറിയിച്ചു. അധ്യാപക മേഖലയിലെ പ്രശ്‌നങ്ങളോട് അനുഭാവപൂര്‍വ്വമായ സമീപനം സ്വീകരിക്കുകയും ഏറെക്കുറെ പ്രശ്‌നങ്ങള്‍ക്ക് പരിഹാരം കാണുകയും ചെയ്തിട്ടും സങ്കുചിത താല്പര്യങ്ങള്‍ മുന്‍നിര്‍ത്തി ആഗസ്റ്റ് അഞ്ചിലെ ക്ലസ്റ്റര്‍ ബഹിഷ്‌കരിക്കണമെന്ന ആഹ്വാനവുമായി ചിലര്‍ രംഗത്തുവന്നത് ഗൗരവത്തോടെയാണ് കാണുന്നത്. തികച്ചും അപ്രസക്തമായ ആവശ്യങ്ങള്‍ ഉയര്‍ത്തിയുള്ള ക്ലസ്റ്റര്‍ ബഹിഷ്‌കരണം പൊതുവിദ്യാഭ്യാസത്തെ ശക്തിപ്പെടുത്തുന്നതിനുള്ള സര്‍ക്കാര്‍ ശ്രമങ്ങളെ ദുര്‍ബ്ബലപ്പെടുത്തുന്നതിനാണെന്നും വിദ്യാഭ്യാസ മന്ത്രി പറഞ്ഞു. കേരളത്തിലെ പൊതുവിദ്യാഭ്യാസം ശക്തിപ്പെടുത്തുന്നതിനും ഗുണമേന്മ വര്‍ദ്ധിപ്പിക്കുന്നതിനുമുള്ള തീവ്ര ശ്രമത്തിലാണ് സര്‍ക്കാരും വിദ്യാഭ്യാസ വകുപ്പും. കഴിഞ്ഞ വര്‍ഷത്തേക്കാള്‍ 1,45,208 കുട്ടികളാണ് ഈ വര്‍ഷം പൊതുവിദ്യാലയങ്ങളില്‍ വന്നുചേര്‍ന്നത്. ഒന്നാം തരത്തില്‍ മാത്രം 16710 കുട്ടികളുടെ വര്‍ദ്ധനവുണ്ടായി. പൊതുവിദ്യാഭ്യാസ സംരക്ഷണയജ്ഞം എന്ന സമഗ്ര പദ്ധതിയിലൂടെ അന്താരാഷ്ട്ര നിലവാരത്തിലേക്ക് കേരളത്തിലെ വിദ്യാലയങ്ങളെ ഉയര്‍ത്തുന്നതിനാണ് സര്‍ക്കാര്‍ ലക്ഷ്യമിടുന്നത്. 45000 ക്ലാസ് മുറികള്‍ ഹൈടെക് ആക്കുന്നതിനും, സ്‌കൂളുകളില്‍ കെട്ടിട നിര്‍മ്മാണത്തിനുമായി 1500 കോടി രൂപയാണ് സര്‍ക്കാര്‍ ചെലവഴിക്കുന്നത്. മികവുള്ള വിദ്യാലയങ്ങളും, മികവുള്ള അധ്യാപകരും, വിദ്യാര്‍ത്ഥികളും എന്ന രക്ഷിതാക്കളുടെയും പൊതുസമൂഹത്തിന്റെയും പ്രതീക്ഷ യാഥാര്‍ത്ഥ്യമാക്കുന്ന വിധത്തിലാണ് എല്ലാ അധ്യാപകര്‍ക്കും ഐ.റ്റി. അടക്കം വിവിധ വിഷയങ്ങളില്‍ വിദഗ്ദ്ധ പരിശീലന പരിപാടികള്‍ വിദ്യാഭ്യാസ വകുപ്പ് ആവിഷ്‌കരിച്ചിട്ടുള്ളത്. എല്ലാ വിദ്യാലയങ്ങളിലും വൈ-ഫൈ സൗകര്യത്തോടുകൂടിയുള്ള ഇന്റര്‍നെറ്റ് കണക്ഷന്‍ ലഭ്യമാക്കി. ഭൗതിക സാഹചര്യങ്ങള്‍ മെച്ചപ്പെടുത്തുന്നതിനോടൊപ്പം അക്കാദമിക നിലവാരം ഉയര്‍ത്തി ഈ ലക്ഷ്യം കൈവരിക്കുന്നതിനുള്ള അധ്യാപകരുടെ പരിശീലനമാണ് ആഗസ്റ്റ് അഞ്ചിന് ക്ലസ്റ്ററുകളിലൂടെ സംസ്ഥാനത്ത് നടപ്പാക്കുന്നത്. വിദ്യാഭ്യാസ വകുപ്പ് വിഭാവനം ചെയ്യുന്ന സമഗ്ര പോര്‍ട്ടല്‍ ചോദ്യപേപ്പര്‍ നിര്‍മ്മാണ പരിശീലനവും ഈ ക്ലസ്റ്ററിലൂടെ അധ്യാപകര്‍ക്ക് നല്‍കും. കേരളത്തിലെ അധ്യാപകര്‍ ഉന്നയിച്ച കാതലായ പ്രശ്‌നങ്ങള്‍ക്ക് പരിഹാരം കാണാന്‍ കഴിഞ്ഞതിനുശേഷമാണ് ക്ലസ്റ്റര്‍ പരിശീലനത്തിലേയ്ക്ക് പോകുന്നത്. തസ്തിക നിര്‍ണ്ണയം ജൂലൈ 15-ന് സര്‍ക്കാര്‍ പൂര്‍ത്തീകരിച്ചു. തസ്തിക നഷ്ടപ്പെട്ട അധ്യാപകരുടെ പുനര്‍വിന്യാസം സമയബന്ധിതമായി നടപ്പിലാക്കി. ഹയര്‍സെക്കന്ററി മേഖലയില്‍ വര്‍ഷങ്ങളായി നടത്താതിരുന്ന പ്രിന്‍സിപ്പാള്‍ പ്രമോഷനുകള്‍ നടപ്പിലാക്കി. ഹയര്‍സെക്കന്ററി മേഖലയില്‍ 2580 പുതിയ തസ്തികകള്‍ സൃഷ്ടിച്ചു. കലാ-കായിക-പ്രവൃത്തിപരിചയ അധ്യാപകരുടെ പ്രശ്‌നം പരിഹരിക്കാനുള്ള നടപടികള്‍ ആരംഭിച്ചു കഴിഞ്ഞു. വിദ്യാഭ്യാസ മേഖലയില്‍ ആദ്യമായി തയ്യാറാക്കുന്ന ചോദ്യപോര്‍ട്ടലിന്റെ പരിശീലനം കൂടി നല്‍കുന്നതിനുള്ള ക്ലസ്റ്റര്‍ യോഗം ബഹിഷ്‌കരിക്കാനുള്ള നീക്കം അംഗീകരിക്കാനാവില്ല. വിദ്യാഭ്യാസ മേഖലയിലെ അവശേഷിക്കുന്ന ന്യായമായ പ്രശ്‌നങ്ങള്‍ പരിഹരിക്കുന്നതിന് സര്‍ക്കാരിന് തുറന്ന മനസ്സാണുള്ളത്. ഈ സാഹചര്യത്തില്‍ അനാവശ്യമായ ബഹിഷ്‌കരണാഹ്വാനം തള്ളിക്കളയണമെന്നും പൊതുവിദ്യാഭ്യാസം സംരക്ഷിക്കുന്നതിനായി ആഗസ്റ്റ് അഞ്ചിന് നടക്കുന്ന ക്ലസ്റ്റര്‍ പരിശീലനങ്ങളില്‍ എല്ലാ അധ്യാപകരും പങ്കെടുക്കണമെന്നും വിദ്യാഭ്യാസ വകുപ്പ് മന്ത്രി സി. രവീന്ദ്രനാഥ് അറിയിച്ചു. Dt.3.8.2017.
************************
പ്ലസ് വണ്‍ രണ്ടാം സപ്ലിമെന്ററി അലോട്ട്‌മെന്റിനുശേഷമുള്ള വേക്കന്‍സി ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിനായി www.hscap.kerala.in ല്‍ പ്രസിദ്ധീകരിച്ചു. ഇതുവരെ ഏകജാലക സംവിധാനത്തില്‍ മെരിറ്റ് ക്വാട്ടയിലോ, സ്‌പോര്‍ട്‌സ് ക്വാട്ടയിലോ പ്രവേശനം നേടിയ വിദ്യാര്‍ത്ഥികള്‍ക്ക് ഒന്നാം ഓപ്ഷനിലാണ് പ്രവേശനം നേടിയതെങ്കില്‍ പോലും ട്രാന്‍സ്ഫറിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കൊ സ്‌കൂള്‍ മാറ്റത്തിനോ, കോമ്പിനേഷന്‍ മാറ്റത്തോടെയുള്ള സ്‌കൂള്‍ മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ സമര്‍പ്പിക്കുവാനുള്ള സമയം ആഗസ്റ്റ് നാലിന് ഉച്ചക്ക് 12 മണി വരെ ദീര്‍ഘിപ്പിച്ചതായി ഹയര്‍സെക്കണ്ടറി ഡയറക്ടര്‍ അറിയിച്ചു.Dt.3.8.2017.
************************
ഒന്‍പത്, പത്ത്, 11, 12 ക്ലാസുകളില്‍ പഠിക്കുന്ന മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗമായതും ആംആദ്മി ബീമയോജന ലിസ്റ്റില്‍ ഉള്‍പ്പെട്ടിട്ടുളളതുമായ മത്സ്യത്തൊഴിലാളികളുടെ മക്കളായ വിദ്യാര്‍ത്ഥികള്‍ക്ക് ആം ആദ്മി ബീമ യോജന പദ്ധതി 2017 -18 പ്രകാരം സ്‌കോളര്‍ഷിപ്പിന് അപേക്ഷിക്കാം. പ്രതിവര്‍ഷം പരമാവധി രണ്ടു മക്കള്‍ക്ക് ലഭിക്കും. 2017 മാര്‍ച്ചില്‍ പ്ലസ്ടു പൂര്‍ത്തിയാക്കുന്ന വിദ്യാര്‍ത്ഥികള്‍ക്കും സ്‌കോളര്‍ഷിപ്പിന് അപേക്ഷിക്കാം. അനുബന്ധരേഖകള്‍ സഹിതം ആഗസ്റ്റ് 15നകം ഫിഷറീസ് ഓഫീസുകളില്‍ അപേക്ഷിക്കണം. Dt.3.8.2017.
************************
സ്‌കോള്‍-കേരള മുഖേനയുള്ള 2017 - 19 ബാച്ച് ഒന്നാംവര്‍ഷ ഹയര്‍സെക്കന്‍ഡറി കോഴ്‌സുകളുടെ പ്രവേശന തീയതികള്‍ ദീര്‍ഘിപ്പിച്ചു. അന്‍പത് രൂപ പിഴയോടെ ആഗസ്റ്റ് 16 വരെയും ഇരുനൂറ്റിയന്‍പത് രൂപ അധിക പിഴയോടെ ആഗസ്റ്റ് 19 വരെയും ഫീസ് അടച്ച് രജിസ്റ്റര്‍ ചെയ്യാം. രജിസ്റ്റര്‍ ചെയ്ത അപേക്ഷകള്‍ ആഗസ്റ്റ് 21 നകം ലഭിക്കുംവിധം ബന്ധപ്പെട്ട ജില്ലാ കേന്ദ്രങ്ങളില്‍/സംസ്ഥാന കേന്ദ്രത്തില്‍ നേരിട്ടോ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ എത്തിക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.3.8.2017.
************************
പോളിടെക്നിക് കോളേജുകളിലേക്കുള്ള നാലാമത് അലോട്ട്മെന്റിനായുള്ള പുനര്‍ രെജിസ്‌ട്രേഷന്‍ കേരളത്തിലെ എല്ലാ പോളിടെക്നിക് കോളേജുകളിലും ഓഗസ്റ്റ് നാല്,അഞ്ച്, ആറ് തീയതികളില്‍ രാവിലെ 10 മുതല്‍ വൈകിട്ട് 5 മണി വരെ നടക്കും Dt.2.8.2017.
************************
പോളിടെക്‌നിക്കുകളിലേക്കുള്ള മൂന്നാമത്തെ അലോട്ട്‌മെന്റ് ഇന്ന് (ആഗസ്റ്റ് 3) വ്യാഴാഴ്ച 5 മണിക്ക് അവസാനിക്കും. അപ്പോള്‍ തന്നെ ഓരോ വിഭാഗത്തിലുമുള്ള ഒഴിവുകള്‍ പ്രസിദ്ധീകരിക്കും. www.polyadmission.org എന്ന വെബ് സൈറ്റില്‍ വിവരങ്ങള്‍ ലഭ്യമാണ്. നാലാമത്തെ അലോട്ട്‌മെന്റിനുവേണ്ടി ഇതേവരെ അഡ്മിഷന്‍ ലഭിക്കാത്തതും ഇനി അഡ്മിഷന്‍ ആഗ്രഹിക്കുന്നവരുമായ എല്ലാവരും വീണ്ടും ആപ്ലിക്കേഷന്‍ രജിസ്ടര്‍ ചെയ്ത സ്ഥാപനങ്ങളില്‍ പോയി രജിസ്‌ട്രേഷന്‍ പുതുക്കുകയും അവര്‍ക്ക് ഇപ്പോഴത്തെ ഒഴിവനുസരിച്ച് കിട്ടാന്‍ സാധ്യതയുള്ള ബ്രാഞ്ചുകളില്‍ മാത്രം ഓപ്ഷന്‍ നില നിര്‍ത്തുകയും മറ്റുള്ളവ ക്യാന്‍സല്‍ ചെയ്യുകയും ചെയ്യേണ്ടതാണ്. ഓപ്ഷനുകള്‍ പരസ്പരം മാറുന്നതിനും ക്യാന്‍സല്‍ ചെയ്യുന്നതിനും കൂടാതെ ചേര്‍ത്തല ഗവ. പോളിടെക്‌നിക് കോളേജില്‍ പുതുതായി ആരംഭിച്ച കമ്പ്യൂട്ടര്‍ എഞ്ചിനീയറിംഗ് ബ്രാഞ്ചിന് ഓപ്ഷന്‍ നല്‍കാനുള്ള അവസരവുമുണ്ട്. ഒഴിവുള്ളതും കിട്ടാന്‍ സാധ്യതയുള്ളതുമായ ബ്രാഞ്ചുകള്‍ക്ക് മാത്രം ഓപ്ഷന്‍ നല്‍കിയാല്‍ മതിയാകും. അലോട്ട്‌മെന്റ് കിട്ടിയാല്‍ നിര്‍ബന്ധമായും ലഭിച്ച ബ്രാഞ്ചിലും സ്ഥാപന ത്തി ലും പ്രവേശനം നേടേണ്ടിവരും.ഇതുവരെ സര്‍ട്ടിഫിക്കറ്റ് നല്‍കിയും അല്ലാതെയും ഉയര്‍ന്ന ഓപ്ഷനുകള്‍ നില നിര്‍ത്തി രജിസ്റ്റര്‍ ചെയ്തവര്‍ ഒഴിവുകള്‍ അനുസരിച്ച് അവരുടെ ഉയര്‍ന്ന ഓപ്ഷനുകള്‍ പുനക്രമീകരിക്കുകയോ റദ്ദാക്കുകയോ ചെയ്യാം. ചേര്‍ത്തല ഗവ. പോളിടെക്‌നിക് കോളേജില്‍ ആരംഭിച്ച കമ്പ്യൂട്ടര്‍ എഞ്ചിനീയറിംഗ് ബ്രാഞ്ചും ആവശ്യമെങ്കില്‍ അവര്‍ക്ക് ഉയര്‍ന്ന ഓപ്ഷനായി നല്‍കാവുന്നതാണ്. രജിസ്റ്റര്‍ ചെയ്തവര്‍ക്ക് അലോട്ട്‌മെന്റില്‍ ലഭിച്ചിരിക്കുന്ന ബ്രാഞ്ചിലും സ്ഥാപനത്തിലും നിര്‍ബന്ധമായും പ്രവേശനം നേടേണ്ടിവരും. ഇനിയും ഇഷ്ടപ്പെട്ട അലോട്ട്‌മെന്റുകള്‍ ലഭിക്കാന്‍ സാധ്യതയില്ലാത്തവര്‍ക്ക് പുനര്‍ രജിസ്‌ട്രേഷന്‍ സമയത്തുതന്നെ രജിസ്‌ട്രേഷന്‍ ക്യാന്‍സല്‍ ചെയ്യാവുന്നതാണ്. അവര്‍ അഡ്മിഷന്‍ പ്രോസസില്‍ നിന്നും പുറത്താകുന്നതാണ്. ഇപ്പോള്‍ പ്രവേശനം നേടിയവര്‍ക്ക് ചേര്‍ത്തല ഗവ. പോളിടെക്‌നിക് കോളേജിലെ കമ്പ്യൂട്ടര്‍ എഞ്ചിനീയറിംഗ് ബ്രാഞ്ച് ഉയര്‍ന്ന ഓപ്ഷനായി നല്‍കുവാനുള്ള അവസരമുണ്ട്. നാലാമത്തെ അലോട്ട്‌മെന്റ് ആഗസ്റ്റ് എട്ടിന് പ്രസിദ്ധീകരിക്കും. ആഗ്സ്റ്റ് എട്ട്, ഒന്‍പത്, പത്ത് തീയതികളില്‍ പ്രവേശനം നേടാവുന്നതാണ്. Dt.2.8.2017.
************************
2017 ആഗസ്റ്റ് 12,19 തീയതികളില്‍ നടക്കുന്ന കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) പരീക്ഷയുടെ ഹാള്‍ടിക്കറ്റ് പരീക്ഷാഭവന്‍ വെബ്‌സൈറ്റില്‍ (www.keralapareekshabhavan.in) നിന്ന് ഡൗണ്‍ലോഡ് ചെയ്യാമെന്ന് സെക്രട്ടറി അറിയിച്ചു. Dt.2.8.2017.
************************
കേന്ദ്ര ന്യൂനപക്ഷ മന്ത്രാലയം കേരളത്തിലും മറ്റ് സംസ്ഥാനങ്ങളിലും പഠിക്കുന്ന ന്യൂനപക്ഷ വിഭാഗങ്ങളായ മുസ്ലിം, ക്രിസ്ത്യന്‍, ബുദ്ധ,ജൈന,സിഖ്,പാഴ്‌സി വിഭാഗങ്ങളില്‍പ്പെട്ടതും വിവിധ സാങ്കേതിക/പ്രൊഫഷണല്‍ ബിരുദ/ബിരുദാനന്തര കോഴ്‌സുകള്‍ക്ക് പഠിക്കുന്നതുമായ കേരളീയരായ വിദ്യാര്‍ത്ഥികള്‍ക്ക് നല്‍കുന്ന മെരിറ്റ്-കം-മീന്‍സ് സ്‌കോളര്‍ഷിപ്പ് പുതുക്കലിന് അപേക്ഷിക്കാനുള്ള തീയതി ആഗസ്റ്റ് 31 വരെ നീട്ടി. അപേക്ഷ സമര്‍പ്പിക്കുന്നതിനുള്ള വിശദവിവരങ്ങള്‍ www.detekerala.gov.in ല്‍ എം.സി.എം സ്‌കോളര്‍ഷിപ്പ് ലിങ്കില്‍ ലഭ്യമാണ്. കൂടുതല്‍ വിവരങ്ങള്‍ക്ക് 0471-2561214, 9497723630.Dt.1.8.2017.
************************
സര്‍ക്കാര്‍, സര്‍ക്കാര്‍ എയ്ഡഡ് സ്ഥാപനങ്ങളില്‍ എസ്.എസ്.എല്‍.സി/പ്ലസ്ടു/വി.എച്ച്.എസ്.ഇ തലങ്ങളില്‍ പഠിച്ച് എല്ലാ വിഷയങ്ങള്‍ക്കും 'എ പ്ലസ്' നേടിയ ന്യൂനപക്ഷ മതവിഭാഗങ്ങളിലെ ദാരിദ്ര്യരേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് പ്രൊഫസര്‍ ജോസഫ് മുണ്ടശ്ശേരി സ്‌കോളര്‍ഷിപ്പിന് ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ വിഭാഗത്തിലെ ആറ് ലക്ഷം രൂപയില്‍ താഴെ വാര്‍ഷിക വരുമാനം ഉള്ളവരെയും പരിഗണിക്കും. കേരളത്തില്‍ പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈന മതവിഭാഗത്തില്‍പ്പെട്ട വിദ്യാര്‍ത്ഥികളില്‍ നിന്നും 2016-17 അധ്യയനവര്‍ഷത്തില്‍ എല്ലാ വിഷയങ്ങള്‍ക്കും 'എ പ്ലസ്' നേടിയവര്‍ക്കാണ് സ്‌കോളര്‍ഷിപ്പ് നല്‍കുന്നത്. മുസ്ലീങ്ങള്‍ക്കും മറ്റ് ന്യൂനപക്ഷ മതവിഭാഗത്തില്‍പ്പെട്ടവര്‍ക്കും 80:20 അനുപാതത്തിലായിരിക്കും സ്‌കോളര്‍ഷിപ്പ് അനുവദിക്കുക. അപേക്ഷകര്‍ക്ക് എസ്.ബി.ഐ ബാങ്കിലെ ഏതെങ്കിലും ശാഖയില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. ഫോണ്‍ : 0471-2302090, 2300524. അപേക്ഷ സ്വീകരിക്കുന്ന അവസാന തീയതി ആഗസ്റ്റ് 31. Dt.1.8.2017.
************************
ഹയര്‍ സെക്കന്‍ഡറി രണ്ടാം സപ്ലിമെന്ററി അലോട്ട്‌മെന്റിനുശേഷമുള്ള ഒഴിവ് ജില്ല / ജില്ലാന്തര സ്‌കൂള്‍ / കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിനായി www.hscap.kerala.gov.in ല്‍ ഇന്ന് (ആഗസ്റ്റ് 1) പ്രസിദ്ധീകരിക്കും. ഏകജാലക സംവിധാനത്തില്‍ മെരിറ്റ് ക്വാട്ടയിലോ, സ്‌പോര്‍ട്‌സ് ക്വാട്ടയിലോ പ്രവേശനം നേടിയ വിദ്യാര്‍ത്ഥികള്‍ക്ക് ഒന്നാം ഓപ്ഷനിലാണ് പ്രവേശനം നേടിയതെങ്കിലും ട്രാന്‍സ്ഫറിന് അപേക്ഷിക്കാം. ജില്ലയ്ക്കകത്തോ/മറ്റ് ജില്ലയിലേക്കോ സ്‌കൂള്‍ മാറ്റത്തിനോ, കോമ്പിനേഷന്‍ മാറ്റത്തോടെയുള്ള സ്‌കൂള്‍മാറ്റത്തിനോ നിശ്ചിത മാതൃകയിലുള്ള അപേക്ഷ അഡ്മിഷന്‍ നേടിയ സ്‌കൂളില്‍ മൂന്നിന് ഉച്ചക്ക് മൂന്ന് മണിക്കുള്ളില്‍ സമര്‍പ്പിക്കാമെന്ന് ഹയര്‍സെക്കണ്ടറി ഡയറക്ടര്‍ അറിയിച്ചു. Dt.31.7.2017.
************************
വൊക്കേഷണല്‍ ഹയര്‍സെക്കന്ററി ഒന്നാം വര്‍ഷ ഏക ജാലക പ്രവേശനത്തിനുളള രണ്ടാം സപ്ലിമെന്ററി അലോട്ട്‌മെന്റ് www.vhsap.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. Second suppl-Transfer Allotment Results എന്ന ലിങ്കില്‍ അപേക്ഷാ നമ്പരും ജനന തീയതിയും ടൈപ്പ് ചെയ്ത് അലോട്ട്‌മെന്റ് വിവരങ്ങള്‍ മനസിലാക്കാനും അലോട്ട്‌മെന്റ് സലിപ് ഡൗണ്‍ലോഡ് ചെയ്യാന്‍ കഴിയും. ഒന്നാം സപ്ലിമെന്ററി അലോട്ട്‌മെന്റിന്റെ അടിസ്ഥാനത്തില്‍ ജൂലൈ 29ന് ഉച്ചക്ക് ഒരു മണി വരെ സ്‌കൂളുകളില്‍ അഡ്മിഷന്‍ നേടാം. അലോട്ട്‌മെന്റ് ലഭിച്ചിട്ടുളള വിദ്യാര്‍ത്ഥികള്‍ക്ക്, സ്ഥിര പ്രവേശനമാണ് ലഭിക്കുന്നത്. ഇവര്‍ക്ക് താത്കാലിക പ്രവേശനം അനുവദനീയമല്ല. ലിസ്റ്റില്‍ ഉള്‍പ്പെട്ടിട്ടുളള വിദ്യാര്‍ത്ഥികള്‍, ജൂലൈ 29 ഉച്ചയ്ക്ക് ഒരു മണിക്ക് മുമ്പ് അലോട്ട്‌മെന്റ് ലഭിച്ച് സ്‌കൂളുകളില്‍ റിപ്പോര്‍ട്ട് ചെയ്ത് സ്ഥിര അഡ്മിഷന്‍ നേടാതിരുന്നാല്‍, അഡ്മിഷന്‍ പ്രക്രിയയില്‍ നിന്ന് പുറത്താകും. Dt.27.7.2017.
************************
സംസ്ഥാനത്തെ പട്ടികവര്‍ഗ വിദ്യാര്‍ത്ഥികള്‍ക്കായി 2018 ലെ നീറ്റ്/എന്‍ജിനീയറിംഗ് പ്രവേശന പരീക്ഷയ്ക്ക് മുന്‍പായി പത്ത് മാസം നീണ്ടു നില്‍ക്കുന്ന പ്രതേ്യക പരീക്ഷാ പരിശീലനം താമസ, ഭക്ഷണ സൗകര്യങ്ങളോടെ നടത്തുന്നതിനായി ഈ മേഖലയില്‍ അഞ്ചു വര്‍ഷം മുന്‍പരിചയം ഉള്ള സ്ഥാപനങ്ങളില്‍ നിന്നും പ്രൊപ്പോസല്‍ ക്ഷണിച്ചു. പ്രൊപ്പോസലുകള്‍ സ്വീകരിക്കുന്ന അവസാന തീയതി 2017 ആഗസ്റ്റ് നാല് ഉച്ചകഴിഞ്ഞ് രണ്ട് മണി. ആഗസ്റ്റ് അഞ്ചിന് മൂന്ന് മണിക്ക് ഹാജരുള്ള സ്ഥാപനങ്ങള്‍/പ്രതിനിധികളുടെ സാന്നിദ്ധ്യത്തില്‍ പ്രൊപ്പോസലുകള്‍ പരിഗണിക്കും. ഇത് സംബന്ധിച്ച പ്രീബിഡ് മീറ്റിംഗ് ആഗസ്റ്റ് രണ്ടിന് പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും. കൂടുതല്‍ വിവരങ്ങള്‍ക്ക് വികാസ് ഭവനില്‍ പ്രവര്‍ത്തിക്കുന്ന പട്ടികവര്‍ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടണം. ഫോണ്‍ : 0471-2303029. Dt.26.7.2017.
************************
പ്ലസ് വണ്‍ രണ്ടാം സപ്ലിമെന്ററി അലോട്ട്‌മെന്റ് ഫലം സപ്ലിമെന്ററി അലോട്ട്‌മെന്റ റിസള്‍ട്ട് അഡ്മിഷന്‍ വെബ്‌സൈറ്റായ www.hscap.kerala.gov.in ലെ supplementary results എന്ന ലിങ്കിലൂടെ ഇന്ന് (ജൂലൈ 27) രാവിലെ പത്തു മുതല്‍ പരിശോധിക്കാം. അലോട്ട്‌മെന്റ് ലഭിക്കുന്നവര്‍ ലിങ്കിലൂടെ ലഭിക്കുന്ന രണ്ടു പേജുള്ള അലോട്ട്‌മെന്റ് സ്ലിപ്പുമായി ലഭിച്ച സ്‌കൂളില്‍ നാളെ (ജൂലൈ 28) വൈകിട്ട് അഞ്ചിനു മുമ്പ് സ്ഥിരപ്രവേശനം നേടണം. ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അപേക്ഷിച്ചിട്ടും ലഭിക്കാത്തവര്‍ക്കും അപേക്ഷ സമര്‍പ്പിക്കാന്‍ ജൂലൈ 24 ന് വൈകിട്ട് അഞ്ച് മണി വരെ അവസരം നല്‍കിയിരുന്നു. രണ്ടാം സപ്ലിമെന്ററി അലോട്ട്‌മെന്റിനായി ആകെ ഉണ്ടായിരുന്ന 22,944 ഒഴിവുകളില്‍ പരിഗണിക്കുന്നതിനായി സംസ്ഥാനമൊട്ടാകെ 36,994 അപേക്ഷകള്‍ ലഭിച്ചു. സപ്ലിമെന്ററി അലോട്ട്‌മെന്റിന് അപേക്ഷിച്ചതിനുശേഷം മറ്റ് ക്വാട്ടകളില്‍ പ്രവേശനം നേടിയ 235 അപേക്ഷകളും, സ്‌കൂളുകളില്‍ നിന്നും വെരിഫിക്കേഷന്‍ നടത്താത്ത 105 അപേക്ഷകളും പരിഗണിച്ചിട്ടില്ല. സംവരണതത്വം അനുസരിച്ച് വിവിധ കാറ്റഗറി സീറ്റുകളാക്കിയാണ് അലോട്ട്‌മെന്റിന് പരിഗണിച്ചത്. ഏകജാലക സംവിധാനത്തില്‍ മെരിറ്റ് ക്വാട്ടയിലും, സ്‌പോര്‍ട്‌സ് ക്വാട്ടയിലും പ്രവേശനം നേടിയ വിദ്യാര്‍ത്ഥികള്‍ക്ക് ആവശ്യമെങ്കില്‍ ജില്ലയ്ക്കകത്തോ/മറ്റു ജില്ലയിലെ സ്‌കൂളുകളിലേക്കോ/കോഴ്‌സുകളിലേക്കോ ട്രാന്‍സ്ഫറിന് അപേക്ഷിക്കാനുള്ള തുടര്‍നിര്‍ദ്ദേശങ്ങള്‍ ആഗസ്റ്റ് ഒന്നിന് വെബ്‌സൈറ്റില്‍ പ്രസിദ്ധീകരിക്കുമെന്നും ഹയര്‍സെക്കണ്ടറി ഡയറക്ടര്‍ അറിയിച്ചു. Dt.26.7.2017.
************************
പരീക്ഷാഭവന്‍ 2017 നവംബര്‍ മാസം നടത്തുന്ന സംസ്‌കൃതം/അറബിക്/ഉര്‍ദു അധ്യാപക പരീക്ഷയുടെ വിജ്ഞാപനം www.keralapareekshabhavan.in ല്‍ ലഭിക്കും. പരീക്ഷാ കേന്ദ്രങ്ങളില്‍ ജൂലൈ 28 മുതല്‍ ജൂലൈ 31 വരെ ഫൈനില്ലാതെയും ഫൈനോടുകൂടി ആഗസ്റ്റ് നാല് വരെയും അപേക്ഷിക്കാം. Dt.25.7.2017.
************************
ഇന്ന് (ജൂലൈ 26) നടത്താനിരുന്ന (വൊക്കേഷണല്‍ ഹയര്‍ സെക്കന്ററി) കെമിസ്ട്രി പരീക്ഷ ആഗസ്റ്റ് മൂന്നിനും മൂന്നിന് നടത്താനിരുന്ന എന്റര്‍പ്രണര്‍ഷിപ്പ് ഡവലപ്പ്‌മെന്റ്/ജി.എഫ്.സി പരീക്ഷകള്‍ എട്ടിലേക്കും മാറ്റി. സമയക്രമത്തിനും മറ്റു പരീക്ഷകള്‍ക്കും മാറ്റമില്ല. കണ്ടിന്യൂവസ് ഇവാല്യൂവേഷന്‍ & ഗ്രേഡിംഗ് പരിഷ്‌കരിച്ച സ്‌കീമിലെ വൊക്കേഷണല്‍ പ്രായോഗിക പരീക്ഷകള്‍ ആഗസ്റ്റ് ഒന്‍പത് മുതല്‍ 14 വരെ നടക്കും.Dt.25.7.2017.
************************
ഇന്ന് (ജൂലൈ 26) നടത്താനിരുന്ന ഹയര്‍ സെക്കന്ററി ഒന്നാം വര്‍ഷ ഇംപ്രൂവ്‌മെന്റ്/സപ്ലിമെന്ററി പരീക്ഷ ആഗസ്റ്റ് മൂന്നിന് നടത്തുമെന്ന് ബോര്‍ഡ് ഓഫ് ഹയര്‍സെക്കന്‍ഡറി എക്‌സാമിനേഷന്‍ സെക്രട്ടറി അറിയിച്ചു.Dt.25.7.2017.
************************
2017 മാര്‍ച്ചില്‍ നടത്തിയ ഹയര്‍സെക്കന്ററി രണ്ടാം വര്‍ഷ പരീക്ഷയുടെ പുനര്‍മൂല്യ നിര്‍ണ്ണയം, സൂക്ഷ്മപരിശോധന ഫലം പ്രസിദ്ധീകരിച്ചു. ഫലം www.dheskerala.gov.in ല്‍ ലഭ്യമാണ്. Dt.25.7.2017.
************************
സംസ്ഥാനത്തെ സര്‍ക്കാര്‍ വകുപ്പുകള്‍ക്കും പൊതുമേഖലാ സ്ഥാപനങ്ങള്‍ക്കും ജി.എസ്.ടി അവബോധം നല്‍കുന്നതിന് വാണിജ്യ നികുതി വകുപ്പിന്റെ ആഭിമുഖ്യത്തില്‍ ഏകദിന ശില്പശാല സംഘടിപ്പിക്കുന്നു. ജൂലൈ 28, 29 തീയതികളില്‍ രണ്ട് വിഭാഗങ്ങളായി തിരുവനന്തപുരം മാസ്‌കറ്റ് ഹോട്ടലിലാണ് ശില്പശാല. ഓരോ വകുപ്പില്‍ നിന്നും രണ്ട് ജീവനക്കാരെ വീതം ശില്പശാലയില്‍ പങ്കെടുപ്പിക്കണമെന്ന് വാണിജ്യ നികുതി വകുപ്പ് അറിയിച്ചു. Dt.25.7.2017.
************************
സംസ്ഥാന ഇലക്ഷന്‍ കമ്മീഷന്‍ നടത്തുന്ന വോട്ടര്‍ പട്ടിക ശുദ്ധീകരണത്തിന്റെ ഭാഗമായി ജോലിചെയ്യുന്ന ബി.എല്‍.ഒ മാര്‍ക്ക് ഇലക്ടറല്‍ രജിസ്‌ട്രേഷന്‍ ഓഫീസറുടെ (തഹസില്‍ദാര്‍) ഡ്യൂട്ടി സര്‍ട്ടിഫിക്കറ്റിന്റെ അടിസ്ഥാനത്തില്‍ മൂന്നു ദിവസത്തെ ഡ്യൂട്ടി ലീവ് അനുവദിക്കാന്‍ വകുപ്പ് മേധാവികള്‍ക്ക് നിര്‍ദ്ദേശം നല്‍കി ഉത്തരവായി. Dt.24.7.2017.
************************
അംഗപരിമിതര്‍ക്കായുളള 1995 ലെ (തുല്യാവസരവും, അവകാശ സംരക്ഷണവും, പൂര്‍ണ പങ്കാളിത്തവും) ദേശീയ നിയമത്തിന്റെ 39-ാം വകുപ്പ് പ്രകാരം എല്ലാ വിദ്യാഭ്യാസ സ്ഥാപനങ്ങളും വൈകല്യങ്ങളുളള കുട്ടികള്‍ക്ക് സീറ്റുകള്‍ സംവരണം ചെയ്യുന്നത് സംബന്ധിച്ച നിബന്ധനകള്‍ പാലിക്കണമെന്ന് അംഗപരിമിതര്‍ക്കായുളള സംസ്ഥാന കമ്മീഷണര്‍ ഡോ. ജി. ഹരികുമാര്‍ നിര്‍ദേശിച്ചു. എല്ലാ സര്‍ക്കാര്‍ വിദ്യാഭ്യാസ സ്ഥാപനങ്ങളും സര്‍ക്കാരില്‍ നിന്നും ധനസഹായം ലഭിക്കുന്ന മറ്റു വിദ്യാഭ്യാസ സ്ഥാപനങ്ങളും മൂന്നു ശതമാനത്തില്‍ കുറയാതെ സീറ്റുകള്‍ ഇവര്‍ക്കായി സംവരണം ചെയ്യണമെന്നാണ് നിയമം. ഭിന്നശേഷിയുളള കുട്ടികള്‍ക്ക് ബിരുദ, ബിരുദാനന്തര, പ്രൊഫഷണല്‍ കോഴ്‌സുകളിലെ അഡ്മിഷനിലെ സംവരണം നിഷേധിക്കരുത്. സര്‍ക്കാര്‍, എയ്ഡഡ്, ഗവണ്‍മെന്റ് നിയന്ത്രിത സ്വകാര്യ കോളേജുകള്‍, യണിവേഴ്‌സിറ്റി, ഇതര പഠന ഇന്‍സ്റ്റിറ്റ്യൂട്ടുകള്‍, അക്കാഡമികള്‍ തുടങ്ങിയവയ്ക്ക് നിയമം ബാധകമാണ്. എല്ലാ യൂണിവേഴ്‌സിറ്റികളും കോളേജ് അധികൃതരും പി.റ്റി.എയും ഇക്കാര്യത്തില്‍ പ്രത്യേകം ശ്രദ്ധ ചെലുത്തണം. യൂണിവേഴ്‌സിറ്റി പരീക്ഷകളില്‍ ഇത്തരക്കാര്‍ക്ക് അര്‍ഹതപ്പെട്ട ഗ്രേസ് മാര്‍ക്കും നല്‍കണം. 2016 ല്‍ കേന്ദ്ര സര്‍ക്കാര്‍ പുറപ്പെടുവിച്ച Rights of Persons with Disabilities Act പ്രകാരം അംഗപരിമിതരുടെ ഉന്നത വിദ്യാഭ്യാസത്തിന് അഞ്ച് ശതമാനം സീറ്റുകള്‍ സംവരണം ചെയ്യണമെന്ന് നിര്‍ദേശിച്ചിട്ടുണ്ട്.Dt.22.7.2017.
************************
വൊക്കേഷണല്‍ ഹയര്‍സെക്കന്ററി ജൂലൈ 24, 25 തീയതികളില്‍ നടത്താനിരുന്ന ഒന്നാം വര്‍ഷ ഇംപ്രൂവ്‌മെന്റ് പരീക്ഷകള്‍ യഥാക്രമം ആഗസ്റ്റ് ഒന്ന്, രണ്ട് തീയതികളിലേക്ക് മാറ്റിയ സാഹചര്യത്തില്‍ ടൈംടേബിള്‍ പുന:ക്രമീകരിച്ചു. ഹാള്‍ടിക്കറ്റുകള്‍ വി.എച്ച്.എസ്.ഇ പോര്‍ട്ടലില്‍ നിന്നും ഡൗണ്‍ലോഡ് ചെയ്ത് വിദ്യാര്‍ത്ഥിയുടെ ഫോട്ടോപതിച്ച് വി.എച്ച്.എസ്.ഇ പ്രിന്‍സിപ്പാള്‍ ഒപ്പിട്ട ശേഷം എല്ലാ വിദ്യാര്‍ത്ഥികള്‍ക്കും നല്‍കണം. പരീക്ഷയ്ക്ക് രജിസ്റ്റര്‍ ചെയ്ത വിഷയങ്ങളില്‍ എന്തെങ്കിലും അപകാത ഉണ്ടെങ്കില്‍ വിവരം അടിയന്തരമായി പരീക്ഷാ ഓഫീസില്‍ അറിയിക്കണം. കണ്ടിന്യൂവസ് ഇവാല്യുവേഷന്‍ & ഗ്രേഡിംഗ് പരിഷ്‌കരിച്ച സ്‌കീമിലെ വൊക്കേഷണല്‍ പ്രായോഗിക പരീക്ഷകള്‍ ആഗസ്റ്റ് ഏഴ്, മുതല്‍ 10 വരെയുളള തീയതികളില്‍ നടത്തും. Dt.22.7.2017.
************************
ഹയര്‍ സെക്കണ്ടറി അധ്യാപക പരിശീലനത്തിന്റെ ഭാഗമായി സ്റ്റേറ്റ് റിസോഴ്‌സ് ഗ്രൂപ്പ് പരിശീലനത്തിന് നിയോഗിക്കപ്പെട്ട അധ്യാപകരില്‍ ഒന്നാം ഘട്ടത്തില്‍ പങ്കെടുക്കാന്‍ കഴിയാതിരുന്നവര്‍ ഉള്‍പ്പെടെ എല്ലാ അധ്യാപകരും ജൂലൈ 21, 22 തീയതികളില്‍ നടക്കുന്ന രണ്ടാംഘട്ട പരിശീലനത്തില്‍ പങ്കെടുക്കണമെന്ന് ഹയര്‍ സെക്കണ്ടറി ഡയറക്ടര്‍ അറിയിച്ചു. വിശദാംശങ്ങള്‍ dhse പോര്‍ട്ടലില്‍ ലഭ്യമാണ്.Dt.20.7.2017.
************************
അംഗപരിമിതര്‍ക്ക് പി.എസ്.സി മുഖേനയുള്ള നിയമനങ്ങളില്‍ മൂന്നൂ ശതമാനം സംവരണം 1996 മുതല്‍ നല്‍കിയും 100 പോയിന്റ് റിസര്‍വേഷന്‍ റോസ്റ്ററില്‍ 33, 66, 99 എന്നീ ഔട്ട് ഓഫ് ടേണുകള്‍ക്ക് പകരമായി ഒന്ന്, 34, 67 ഔട്ട് ഓഫ് ടേണുകള്‍ നിശ്ചയിച്ചും സാമൂഹ്യനീതി വകുപ്പ് ഉത്തരവായി. Dt.20.7.2017.
************************
അപേക്ഷ നല്‍കിയിട്ടും ഒന്നാം വര്‍ഷ വി.എച്ച്.എസ്.ഇ. പ്രവേശനത്തിന് അലോട്ട്‌മെന്റ് ലഭിക്കാത്തവര്‍ക്ക് സപ്ലിമെന്ററി അലോട്ട്‌മെന്റിന് പരിഗണിക്കുന്നതിന് അപേക്ഷകള്‍ പുതുക്കാം. ഇതിനുള്ള ഫോം (എ) മുന്‍പ് അപേക്ഷ നല്‍കിയ സ്‌കൂളില്‍ സമര്‍പ്പിക്കണം. ഒന്നാം സപ്ലിമെന്ററി അലോട്ട്‌മെന്റിനായി അപേക്ഷ പുതുക്കിനല്‍കിയവരും അപേക്ഷ പുതുക്കണം. വി.എച്ച്.എസ്.ഇ. പ്രവേശനത്തിന് ഇതുവരെ അപേക്ഷ സമര്‍പ്പിക്കാത്തവര്‍ ഓണ്‍ലൈനായി അപേക്ഷിക്കുകയോ സ്‌കൂളുകളില്‍ ലഭ്യമായ അപേക്ഷ പൂരിപ്പിച്ചു നല്‍കുകയോ വേണം. അപേക്ഷകള്‍ ഏതെങ്കിലും വി.എച്ച്.എസ്.ഇ. സ്‌കൂളുകളില്‍ 21 ന് വൈകിട്ട് നാല് മണിക്ക് മുമ്പ് അനുബന്ധരേഖകളോടൊപ്പം സമര്‍പ്പിച്ച് കൈപ്പറ്റ് രസീത് വാങ്ങണം. വി.എച്ച്.എസ്.ഇ പ്രവേശനം നേടിയ വിദ്യാര്‍ത്ഥികള്‍ സ്‌കൂള്‍/കോഴ്‌സ് മാറ്റത്തിനുള്ള അപേക്ഷകള്‍ നിലവില്‍ പ്രവേശനം നേടിയ സ്‌കൂളുകളില്‍ ഫോം 14 ഉപയോഗിച്ച് 20 ന് ഉച്ചയ്ക്ക് രണ്ടിന് മുമ്പ് നല്‍കണം.Dt.18.7.2017.
************************
സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളിലെ നിയമനാംഗീകാരമുള്ള അധ്യാപകര്‍ 2017-18 അധ്യയന വര്‍ഷം തസ്തിക നഷ്ടം സംഭവിച്ച് പുറത്താകുന്നവരെ സംരക്ഷിക്കാന്‍ ഒന്‍പത്, പത്ത് ക്ലാസ്സുകളിലെ അധ്യാപക-വിദ്യാര്‍ത്ഥി അനുപാതം 1:40 ആയി കുറച്ച് സര്‍ക്കാര്‍ ഉത്തരവായി. അധ്യാപക-വിദ്യാര്‍ത്ഥി അനുപാതം കുറക്കുന്നതുവഴി പുനര്‍വിന്യസിക്കപ്പെട്ട അധ്യാപകരെ മാതൃവിദ്യാലയത്തിലേക്ക് തിരിച്ചുവിളിക്കും. എന്നാല്‍ അനുപാതം കുറയ്ക്കുന്നതിലൂടെ സ്‌കൂളുകളില്‍ അധിക തസ്തികകള്‍ സൃഷ്ടിച്ച് പുതിയ നിയമനം അനുവദിക്കില്ല. ഇപ്രകാരം സംരക്ഷണം അനുവദിക്കുമ്പോള്‍ ഹൈസ്‌കൂള്‍ അസിസ്റ്റന്റ് (കോര്‍ സബ്ജക്ട്) ന്റെ കാര്യത്തില്‍ നിര്‍ദ്ദിഷ്ട വിഷയാനുപാതം കര്‍ശനമായി പാലിക്കണം. ഭാഷാധ്യാപകരെ നിലനിര്‍ത്താനും മേല്‍പറഞ്ഞ അനുപാതം അനുവദിക്കാം. ഒന്നു മുതല്‍ അഞ്ചുവരെ ക്ലാസ്സുകളില്‍ അധ്യാപക-വിദ്യാര്‍ത്ഥി അനുപാതം 1:30 ഉം, ആറു മുതല്‍ എട്ടു വരെ ക്ലാസ്സുകളില്‍ 1:35 ഉം ആയി സര്‍ക്കാര്‍ നേരത്തെ ഉത്തരവായിരുന്നു.Dt.18.7.2017.
************************
സ്‌കോള്‍ കേരള (മുന്‍ കേരള സ്റ്റേറ്റ് ഓപ്പണ്‍ സ്‌കൂള്‍) മുഖേനയുളള ഹയര്‍സെക്കന്റഡറി കോഴ്‌സുകളില്‍ ഓപ്പണ്‍ റെഗുലര്‍, പ്രൈവറ്റ് രജിസ്‌ട്രേഷന്‍ വിഭാഗങ്ങളില്‍ ഒന്നാം വര്‍ഷ പ്രവേശനത്തിന് അപേക്ഷ ക്ഷണിച്ചു. എസ്.എസ്.എല്‍.സി അല്ലെങ്കില്‍ തത്തുല്യ യോഗ്യതയുളളവര്‍ക്ക് ജൂലായ് 19 മുതല്‍ www.scolekerala.org എന്ന വെബ്‌സൈറ്റ് മുഖേന ഓണ്‍ലൈനായി രജിസ്‌ട്രേഷന്‍ നടത്താം. ഉയര്‍ന്ന പ്രായപരിധിയില്ല. ഓപ്പണ്‍ റെഗുലര്‍ വിഭാഗത്തില്‍ സയന്‍സ് ഉള്‍പ്പെടെ പ്രാക്ടിക്കല്‍ ഉളള വിഷയങ്ങളില്‍ തെരഞ്ഞെടുത്ത കോമ്പിനേഷനുകളിലാണ് തുടര്‍പഠനത്തിന് അവസരം. സര്‍ക്കാര്‍ ഹയര്‍സെക്കന്‍ഡറി സ്‌കൂളുകളാണ് പഠനകേന്ദ്രങ്ങളായി അനുവദിക്കുന്നത്. പഠനസഹായികളും, ലാബ് സൗകര്യവും, പൊതു അവധി ദിവസങ്ങളില്‍ സമ്പര്‍ക്ക ക്ലാസും ലഭ്യമാണ്. ഹ്യൂമാനിറ്റീസ്, കൊമേഴ്‌സ് വിഭാഗത്തില്‍ പ്രാക്ടിക്കല്‍ ഇല്ലാത്ത വിഷയങ്ങളില്‍ മാത്രമാണ് പ്രൈവറ്റ് രജിസ്‌ട്രേഷന്‍ സൗകര്യമുളളത്. ഓണ്‍ലൈന്‍ രജിസ്‌ട്രേഷന്‍ അപേക്ഷയോടൊപ്പം ലഭ്യമാകുന്ന ബാര്‍കോഡ്/ചെലാന്‍ നമ്പര്‍ സഹിതമുളള ചെലാന്‍ ഉപയോഗിച്ച് സംസ്ഥാനത്തെ ഏത് പോസ്റ്റാഫീസിലും ഫീസ് അടയ്ക്കാം, പിഴ കൂടാതെ ജൂലൈ 31 വരെയും, 50 രൂപ പിഴയോടെ ആഗസ്റ്റ് അഞ്ച് വരെയും, 250 രൂപ അധികപിഴയോടെ ആഗസ്റ്റ് ഒന്‍പത് വരെയും ഫീസ് അടച്ച് രജിസ്റ്റര്‍ ചെയ്യാം. നിര്‍ദ്ദിഷ്ട രേഖകള്‍ സഹിതമുളള അപേക്ഷ അതത് ജില്ലാകേന്ദ്രങ്ങളില്‍ നേരിട്ടോ, എക്‌സിക്യൂട്ടീവ് ഡയറക്ടര്‍, സ്‌കോള്‍ കേരള, വിദ്യാഭവന്‍, പൂജപ്പുര, തിരുവനന്തപുരം 12 എന്ന വിലാസത്തില്‍ സ്പീഡ് /രജിസ്‌ട്രേഡ് തപാല്‍ വഴിയോ, നേരിട്ടും സമര്‍പ്പിക്കാം. വിശദവിവരങ്ങളും കൈപുസ്തകവും www.scolekerala.org എന്ന വെബ്‌സൈറ്റ് വഴിയും, 0471 2312950, 2342271, 2342369 എന്ന ഫോണ്‍ മുഖേനയും ലഭിക്കുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. Dt.18.7.2017.
************************
സംസ്ഥാന സര്‍ക്കാരിന്റെ നിയന്ത്രണത്തിലുള്ള സ്‌കൂളുകളിലെ അദ്ധ്യാപക നിയമനത്തിനുള്ള യോഗ്യത പരീക്ഷയായ കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) ആഗസ്റ്റ് 12, 19 തീയതികളില്‍ സംസ്ഥാനത്തെ വിവിധ കേന്ദ്രങ്ങളില്‍ നടത്തും. അപേക്ഷ ഓണ്‍ലൈനായി സമര്‍പ്പിക്കുന്നതിനുള്ള തീയതി ജൂലൈ 19 വരെ നീട്ടി. വിശദവിവരങ്ങള്‍ക്ക് www.keralapareekshabhavan.in.Dt.17.7.2017.
************************
പോളിടെക്‌നിക് പ്രവേശനത്തോടനുബന്ധിച്ച് ഓപ്ഷനുകള്‍ മാറ്റിക്കൊടുക്കുന്നതിനുള്ള സമയം ഇന്ന് (ജൂലൈ 16)വൈകിട്ട് നാല് മണിക്ക് അവസാനിക്കും. ജൂലൈ 18ന് അന്തിമ റാങ്ക് ലിസ്റ്റും ആദ്യ അലോട്ടുമെന്റും പ്രസിദ്ധീകരിക്കും. 18 മുതല്‍ 21 വരെ ആദ്യ ഓപ്ഷനുകള്‍ ലഭിച്ചവര്‍ക്കും കിട്ടിയ ഓപ്ഷനുകള്‍ കൊണ്ട് തൃപ്തിപ്പെട്ടവര്‍ക്കും സ്ഥാപനങ്ങളില്‍ സര്‍ട്ടിഫിക്കറ്റുകള്‍ ഹാജരാക്കി മുഴുവന്‍ ഫീസും (പി.ടി.എ ഡെവലപ്‌മെന്റ് ഫണ്ട് ഉള്‍പ്പടെ) അടച്ച് പ്രവേശനം നേടാം. പ്രവേശനം നേടിയാല്‍ ബ്രാഞ്ചുകളോ, ഇന്‍സ്റ്റിറ്റിയൂഷനുകളോ മാറാന്‍ കഴിയില്ല. കിട്ടിയ ബ്രാഞ്ചോ സ്ഥാപനമോ താല്പര്യമില്ലെങ്കില്‍ ഉയര്‍ന്ന ഓപ്ഷനുകള്‍ മാത്രം നിലനിര്‍ത്താന്‍ ഏറ്റവും അടുത്ത ഗവണ്മെന്റ്/എയിഡഡ് പോളിടെക്‌നിക്കുകളില്‍ പോയി രജിസ്റ്റര്‍ ചെയ്യാം. അവര്‍ക്ക് കിട്ടിയ ഓപ്ഷനുകള്‍ നഷ്ടപ്പെടുകയും, ഉയര്‍ന്ന ഓപ്ഷനുകള്‍ നില നില്‍ക്കുകയും ചെയ്യും. കിട്ടിയ ഓപ്ഷനുകള്‍ നില നിര്‍ത്തിതന്നെ ഉയര്‍ന്ന ഓപ്ഷനുകള്‍ക്കു ശ്രമിക്കണമെങ്കില്‍ ഏറ്റവും അടുത്ത ഗവണ്മെന്റ്/എയിഡഡ് പോളിടെക്‌നിക്കുകളില്‍ പോയി സര്‍ട്ടിഫിക്കറ്റുകളും (അപേക്ഷയോടൊപ്പം സമര്‍പ്പിച്ച മുഴുവന്‍ അസ്സലുകളും) സമര്‍പ്പിച്ച് രജിസ്റ്റര്‍ ചെയ്യാം. രജിസ്റ്റര്‍ ചെയ്യുന്നതോടൊപ്പം ഉയര്‍ന്ന ഓപ്ഷനുകള്‍ പരസ്പരം മാറ്റുന്നതിനോ ഏതെങ്കിലും ഓപ്ഷന്‍ ഡിലീറ്റു ചെയ്യുന്നതിനോ അവസരം ഉണ്ടായിരിക്കും. പോളിടെക്‌നിക്കുകളിലെ ഹെല്‍പ് ഡെസ്‌ക്കുകള്‍ ഞായറാഴ്ചയും പ്രവര്‍ത്തിക്കും.Dt.15.7.2017.
************************
വൊക്കേഷണല്‍ ഹയര്‍ സെക്കന്ററി 2017 ജൂണില്‍ നടത്തിയ രണ്ടാം വര്‍ഷ സേവ് എ ഇയര്‍ പരീക്ഷ, കണ്ടിന്യൂവസ് ഇവാല്യുവേഷന്‍ & ഗ്രേഡിംഗ് പരിഷ്‌കരിച്ച സ്‌കീമിലും, കണ്ടിന്യൂവസ് ഇവാല്യൂവേഷന്‍ ഗ്രേഡിംഗ് (റിവൈസ്ഡ് കം മോഡുലാര്‍) സ്‌കീമിലും രണ്ടാം വര്‍ഷ പരീക്ഷ എഴുതി പരാജയപ്പെട്ട വിദ്യാര്‍ത്ഥികള്‍ക്ക് ഒന്നാം വര്‍ഷ ഇംപ്രൂവ്‌മെന്റ് പരീക്ഷയ്ക്ക് രജിസ്റ്റര്‍ ചെയ്യാം. പരീക്ഷാ ഫീസടച്ച് വിദ്യാര്‍ത്ഥികള്‍ പഠനം പൂര്‍ത്തിയാക്കിയ സ്‌കൂളുകളില്‍ അപേക്ഷ സമര്‍പ്പിക്കേണ്ട അവസാന തീയതി ജൂലൈ 17. ജൂലൈ 24 മുതലാണ് ഇംപ്രൂവ്‌മെന്റ് പരീക്ഷ. കണ്ടിന്യൂവസ് ഇവാല്യുേവഷന്‍ &ഗ്രേഡിംഗ് പരിഷ്‌കരിച്ച സ്‌കീമില്‍ 2015 വരെ രണ്ടാം വര്‍ഷ പരീക്ഷ എഴുതി പരാജയപ്പെട്ട വിദ്യാര്‍ത്ഥികള്‍ക്ക് പരീക്ഷ എഴുതുന്നതിനുളള അവസാന അവസരമാണിതെന്ന് വി.എച്ച്.എസ്.ഇ സെക്രട്ടറി അറിയിച്ചു.Dt.15.7.2017.
************************
പ്ലസ് വണ്‍ ഒന്നാം സപ്ലിമെന്ററി അലോട്ട്‌മെന്റ് ഫലം പ്രസിദ്ധീകരിച്ചു. ഫലം അഡ്മിഷന്‍ വെബ്‌സൈറ്റായ www.hscap.kerala.gov.in ലെ SUPPLEMENTARY RESULTS എന്ന ലിങ്കിലൂടെ പരിശോധിക്കാം. അലോട്ട്‌മെന്റ് ലഭിക്കുന്നവര്‍ ഈ ലിങ്കിലൂടെ ലഭിച്ച രണ്ട് പേജ് അലോട്ട്‌മെന്റ് സ്ലിപ്പുമായി സ്‌കൂളില്‍ ജൂലൈ 17ന് രാവിലെ 10 മണി മുതല്‍ 18ന് വൈകിട്ട് അഞ്ചുമണിക്ക് മുമ്പ് സ്ഥിര പ്രവേശനം നേടണമെന്ന് ഹയര്‍-സെക്കന്ററി ഡയറക്ടര്‍ അറിയിച്ചു. രണ്ടാം സപ്ലിമെന്ററി അലോട്ട്‌മെന്റിനായി വേക്കന്‍സിയും മറ്റ് വിശദാംസശങ്ങളും ജൂലൈ 20 ന് അഡ്മിഷന്‍ വെബ്‌സൈറ്റില്‍ പ്രസിദ്ധീകരിക്കും. ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അപേക്ഷിച്ചിട്ടും അലോട്ട്‌മെന്റ് ലഭിക്കാത്തവര്‍ക്കും അപേഷിക്കാന്‍ കഴിയാത്തവര്‍ക്കുമായാണ് ഒന്നാം സപ്ലിമെന്ററി അലോട്ട്‌മെന്റിന് അപേക്ഷിക്കാന്‍ അവസരം നല്‍കിയിരുന്നത്. ഇതില്‍ ആകെയുണ്ടായിരുന്ന 39,852 വേക്കന്‍സിയില്‍ ലഭിച്ച 1,01,374 അപേക്ഷകളില്‍ 1,00,080 അപേക്ഷകള്‍ പരിഗണിച്ചിരുന്നു. സപ്ലിമെന്ററി അലോട്ട്‌മെന്റിനായി അപേക്ഷിച്ചതിനുശേഷം മറ്റു ക്വാട്ടകളില്‍ പ്രവേശനം നേടിയ 607 അപേക്ഷകളും, സ്‌കൂളുകളില്‍ നിന്ന് വെരിഫിക്കേഷന്‍ നടത്താത്ത 687 അപേക്ഷകളും സപ്ലിമെന്ററി അലോട്ട്‌മെന്റിന് പരിഗണിച്ചിട്ടില്ല. Dt.15.7.2017.
************************
പട്ടികജാതി വികസന വകുപ്പിന്റെ നിയന്ത്രണത്തിലുള്ള വെള്ളായണിയിലെ ശ്രീ അയ്യന്‍കാളി മെമ്മോറിയല്‍ ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌പോര്‍ട്‌സ് സ്‌കൂളില്‍ 2017-18 അദ്ധ്യയന വര്‍ഷത്തില്‍ അധ്യാപക തസ്തികകളില്‍ ദിവസവേതനാടിസ്ഥാനത്തില്‍ നിയമനത്തിന് തിരുവനന്തപുരം ജില്ലാ പട്ടികജാതി വികസന ഓഫീസര്‍ അപേക്ഷ ക്ഷണിച്ചു. ഹൈസ്‌ക്കൂള്‍ വിഭാഗത്തില്‍ ഇംഗ്ലീഷ്, നാച്വറല്‍ സയന്‍സ്, ഫിസിക്കല്‍ സയന്‍സ്, തസ്തികകളിലാണ് ഒഴിവ്. ബന്ധപ്പെട്ട വിഷയത്തിലുള്ള ബിരുദവും, ബി.എഡുമാണ് യോഗ്യത. പൊതുവിഭാഗത്തില്‍ മാനേജര്‍-കം-റസിഡന്റ് ട്യൂട്ടര്‍, സ്‌പെഷ്യല്‍ മ്യൂസിക് ടീച്ചര്‍ തസ്തികകളിലാണ് ഒഴിവ്. മ്യൂസിക് ടീച്ചര്‍ക്ക് മ്യൂസിക്കില്‍ ബിരുദവും ഗാനഭൂഷണവുമുണ്ടാവണം. മാനേജര്‍-കം-റസിഡന്റ് ട്യൂട്ടര്‍ക്ക് ഏതെങ്കിലും വിഷയത്തില്‍ ബിരുദവും ബി.എഡും വേണം. ജൂലൈ 19 ന് ഉച്ചയ്ക്ക് ശേഷം രണ്ടിന് ജില്ലാ പട്ടികജാതി വികസന ഓഫീസില്‍ (അയ്യന്‍കാളി ഭവന്‍, കനകനഗര്‍, കവടിയാര്‍ പി.ഒ., വെള്ളയമ്പലം, തിരുവനന്തപുരം - 695003) വാക്ക്-ഇന്‍-ഇന്റര്‍വ്യൂ നടക്കും. വെള്ളപേപ്പറില്‍ വിശദമായി തയ്യാറാക്കിയ ബയോഡേറ്റ, തസ്തികകള്‍ക്കനുസൃതമായ വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസ്സലും സാക്ഷ്യപ്പെടുത്തിയ പകര്‍പ്പും പ്രവൃത്തി പരിചയ സര്‍ട്ടിഫിക്കറ്റ് എന്നിവയുമായി അപേക്ഷകര്‍ അഭിമുഖത്തിനെത്തണം. ഫോണ്‍ : 0471-2737202. Dt.15.7.2017.
************************
വൊക്കേഷണല്‍ ഹയര്‍ സെക്കന്‍ഡറി കണ്ടിന്യൂവസ് ഇവാല്യൂവേഷന്‍ & ഗ്രേഡിംഗ് പരിഷ്‌കരിച്ച സ്‌കീമില്‍ മാര്‍ച്ച് 2015 വരെ രണ്ടാം വര്‍ഷ പരീക്ഷ എഴുതി പരാജയപ്പെട്ട വിദ്യാര്‍ത്ഥികള്‍ യോഗ്യത നേടാത്ത വിഷയങ്ങളുടെ ജൂലൈയില്‍ നടക്കുന്ന ഒന്നാം വര്‍ഷ ഇംപ്രൂവ്‌മെന്റ് പരീക്ഷയ്ക്കും, ഈ വിഷയങ്ങളുടെ രണ്ടാം വര്‍ഷ പരീക്ഷയ്ക്ക് 2018 മാര്‍ച്ചില്‍ നടത്തുന്ന പൊതുപരീക്ഷയ്ക്കും രജിസ്റ്റര്‍ ചെയ്യണം. ഈ വിദ്യാര്‍ത്ഥികള്‍ക്ക് പരീക്ഷയെഴുതുന്നതിനുള്ള അവസാന അവസരമാണിത്. വി.എച്ച്.എസ്.ഇ പ്രിന്‍സിപ്പള്‍മാര്‍ തങ്ങളുടെ സ്‌കൂളുകളിലെ പഠനം പൂര്‍ത്തിയാക്കിയ മേല്‍വിഭാഗം വിദ്യാര്‍ത്ഥികളെ വിവരം അറിയിക്കുകയും 17 നകം രജിസ്‌ട്രേഷന്‍ നടപടികള്‍ പൂര്‍ത്തിയാക്കുകയും വേണം.Dt.13.7.2017.
************************

************************

************************

 

Ranjith Kumar A.K