www.ranjithkumarak.blogspot.in
************************
**Dt.14.6.2018.
************************
സെപ്തംബര്‍ 16ന് നടത്താനിരുന്ന ഹയര്‍ സെക്കണ്ടറി, നോണ്‍വൊക്കേഷണല്‍ ഹയര്‍സെക്കണ്ടറി അദ്ധ്യാപക നിയമന സംസ്ഥാനതല യോഗ്യതാ നിര്‍ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) സെപ്തംബര്‍ ഒമ്പതിലേക്കു മാറ്റിയതായി എല്‍.ബി.എസ്. ഡയറക്ടര്‍ അറിയിച്ചു. വിജ്ഞാപനത്തിലെ മറ്റു വ്യവസ്ഥകളില്‍ മാറ്റമില്ല. ഓണ്‍ലൈന്‍ അപേക്ഷകള്‍ ജൂലൈ മൂന്ന് വൈകിട്ട് അഞ്ചിനു മുമ്പ് എല്‍.ബി.എസ് സെന്ററില്‍ ലഭിക്കണം. ഓണ്‍ലൈന്‍ രജിസ്‌ട്രേഷന്‍ ജൂണ്‍ 30 അഞ്ചിന് മുമ്പായി പൂര്‍ത്തിയാക്കണം. കൂടുതല്‍ വിവരങ്ങള്‍ www.lbskerala.com , www.lbscentre.org എന്നീ വെബ് സൈറ്റുകളില്‍ ലഭിക്കും.Dt.14.6.2018.
************************
ഈ വര്‍ഷത്തെ എസ്.എസ്.എല്‍.സി സേ ഫലം പ്രസിദ്ധീകരിച്ചു. പരീക്ഷാഫലം പരീക്ഷാഭവന്റെ ഔദ്യോഗിക വെബ്‌സൈറ്റായ www.keralapareekshabhavan.in ല്‍ ലഭ്യമാണ്.Dt.13.6.2018.
************************
ട്രഷറിയില്‍ ആദായ നികുതി അടച്ച് ബാങ്ക് വഴി പെന്‍ഷന്‍ വാങ്ങിവരുന്ന പെന്‍ഷന്‍കാര്‍ക്ക് ഏറ്റവുമടുത്തുള്ള ട്രഷറിയില്‍ പാന്‍ നമ്പര്‍, പി.പി.ഒ നമ്പര്‍ എന്നിവയുടെ വിവരങ്ങള്‍ നല്‍കി ഫോറം 16 സര്‍ട്ടിഫിക്കറ്റ് കൈപ്പറ്റാം. ഈ സര്‍ട്ടിഫിക്കറ്റില്‍ എന്തെങ്കിലും അപാകത കണ്ടെത്തിയാല്‍ ട്രഷറിയില്‍ അപേക്ഷ സമര്‍പ്പിക്കണം.Dt.13.6.2018.
************************
പ്രതികൂല കാലാവസ്ഥ മൂലം പ്രവേശന നടപടികള്‍ കാര്യക്ഷമമായി നടത്താന്‍ കഴിയാതിരുന്ന ഇടുക്കി, കോട്ടയം, എറണാകുളം, പാലക്കാട് ജില്ലകളില്‍ ആദ്യ അലോട്ട്‌മെന്റ് അനുസരിച്ച് പ്രവേശനം നേടാനുള്ള സമയപരിധി ഇന്ന് (14) വൈകിട്ട് നാല് വരെ ദീര്‍ഘിപ്പിച്ചു.Dt.13.6.2018.
************************
ഒ.ഇ.സി വിഭാഗം വിദ്യാര്‍ത്ഥികള്‍ക്കും ഒ.ഇ.സി ക്ക് തുല്യമായ വിദ്യാഭ്യാസ ആനുകൂല്യം അനുവദിച്ച ഇതര സമുദായങ്ങളിലെ വിദ്യാര്‍ത്ഥികള്‍ക്കും ലംപ്‌സം ഗ്രാന്റ് നല്‍കുന്നതിന് അര്‍ഹരായവരുടെ വിവരങ്ങള്‍ സ്‌കൂള്‍ പ്രധാനാധ്യാപകര്‍ ഓണ്‍ലൈനായി പിന്നാക്ക വിഭാഗ വികസന വകുപ്പില്‍ ലഭ്യമാക്കണം. ഓരോ സ്ഥാപനത്തിലേക്കും വിതരണത്തിനാവശ്യമായ തുക സ്‌കൂള്‍ പ്രധാനാധ്യാപകരുടെ ഔദ്യോഗിക അക്കൗണ്ടിലേക്ക് ട്രാന്‍സ്ഫര്‍ ചെയ്യും. സ്‌കൂള്‍ രേഖകള്‍ പ്രകാരമുള്ള വിവരങ്ങള്‍ www.scholarship.itschool.gov.in ല്‍ നല്‍കണം. രജിസ്‌ട്രേഷന്‍ 30 വൈകിട്ട് അഞ്ചിന് പൂര്‍ത്തിയാകും.Dt.13.6.2018.
************************
സംസ്ഥാനത്തെ 45 ഗവണ്‍മെന്റ് പോളിടെക്‌നിക്കുകളിലേക്കും ആറ് എയ്ഡഡ് പോളിടെക്‌നിക്കുകളിലേക്കും സ്വാശ്രയ പോളിടെക്‌നിക്കുകളിലെ ഉയര്‍ന്ന ഫീസോടുകൂടിയ (22,500) രൂപ ഗവണ്‍മെന്റ് സീറ്റുകളിലേക്കുമുള്ള അപേക്ഷ ഓണ്‍ലൈനായി ജൂണ്‍ 16 വരെ സ്വീകരിക്കും. ഓണ്‍ലൈനായി സമര്‍പ്പിച്ച അപേക്ഷകള്‍ പ്രിന്റൗട്ട് എടുത്ത് ജൂണ്‍ 19 വരെ ഏറ്റവുമടുത്ത ഗവണ്‍മെന്റ്/എയ്ഡഡ് പോളിടെക്‌നിക്കുകളില്‍ പരിശോധനയ്ക്ക് വിധേയമാക്കുകയും തെറ്റുകളില്ല എന്ന് ഉറപ്പുവരുത്തി വെരിഫിക്കേഷന്‍ ഓഫീസറുടെ ഒപ്പ് വാങ്ങിയ ശേഷം ഫീസ് അടച്ച് രജിസ്റ്റര്‍ ചെയ്യുകയും വേണം. 150 രൂപയാണ് ഫീസ്. എസ്.സി/എസ്.ടി വിഭാഗത്തിന് 75 രൂപ മതി. ജൂണ്‍ 22 നു ട്രയല്‍ അലോട്ട്‌മെന്റ് പ്രസിദ്ധീകരിക്കും. ജൂണ്‍ 25 വരെ അപ്പീലുകള്‍ സമര്‍പ്പിക്കുകയും ഓപ്ഷനുകള്‍ മാറ്റി കൊടുക്കുകയും ചെയ്യാം. 28 നു ഫൈനല്‍ റാങ്ക് ലിസ്റ്റും ആദ്യ അലോട്ട്‌മെന്റും പ്രസിദ്ധീകരിക്കും. ഒന്നാമത്തെ ഓപ്ഷന്‍ തന്നെ അലോട്ട്‌മെന്റ് ലഭിച്ചവര്‍ കിട്ടിയ സ്ഥാപനത്തിലും കിട്ടിയ ബ്രാഞ്ചിലും നിര്‍ബന്ധമായും പ്രവേശനം നേടിയിരിക്കണം. ഇല്ലെങ്കില്‍ അവര്‍ അഡ്മിഷന്‍ നടപടികളില്‍ നിന്നും പുറത്താവും. ഒന്നാമത്തെ ഓപ്ഷനുകളല്ലാതെ താഴ്ന്ന ഓപ്ഷനുകള്‍ ലഭിച്ചവര്‍ക്ക് താത്പര്യമുണ്ടെങ്കില്‍ ഉയര്‍ന്ന ഓപ്ഷനുകള്‍ ക്യാന്‍സല്‍ ചെയ്ത് കിട്ടിയ ബ്രാഞ്ചിലും സ്ഥാപനത്തിലും പ്രവേശനം നേടാം. എന്നാല്‍ പിന്നീട് അവരെ ഉയര്‍ന്ന ഓപ്ഷനുകള്‍ക്ക് പരിഗണിക്കുകയില്ല. കിട്ടിയ ഓപ്ഷനുകള്‍ക്കുവേണ്ടി കാത്തിരിക്കുന്നവര്‍ ഏതെങ്കിലും അടുത്ത പോളിടെക്‌നിക്കുകളില്‍ സമീപിച്ച് ഉയര്‍ന്ന ഓപ്ഷനുകള്‍ അതേപടിയോ മാറ്റം വരുത്തിയോ രജിസ്റ്റര്‍ ചെയ്യാം. കിട്ടിയ ഓപ്ഷനുകള്‍ നിലനിര്‍ത്തുകയും എന്നാല്‍ ഉയര്‍ന്ന ഓപ്ഷനുകള്‍ നിലനിര്‍ത്തുകയും എന്നാല്‍ ഉയര്‍ന്ന ഓപ്ഷനുകള്‍ക്ക് ശ്രമിക്കുകയും ചെയ്യേണ്ടവര്‍ സര്‍ട്ടിഫിക്കറ്റുകള്‍ സമര്‍പ്പിച്ച ശേഷം മാത്രമേ രജിസ്റ്റര്‍ ചെയ്യാന്‍ അനുവദിക്കൂ. അവര്‍ക്ക് ഉയര്‍ന്ന ഓപ്ഷനുകള്‍ ലഭ്യമായില്ലെങ്കില്‍ ഇപ്പോള്‍ നിലനിര്‍ത്തിയ ഓപ്ഷനില്‍ നിര്‍ബന്ധമായും അഡ്മിഷന്‍ എടുക്കേണ്ടിവരും. അഡ്മിഷന്‍ നടപടി പൂര്‍ത്തിയാവുന്നതിന് മുന്‍പ് സര്‍ട്ടിഫിക്കറ്റുകള്‍ തിരികെ വാങ്ങുന്നവര്‍ അഡ്മിഷന്‍ നടപടിയില്‍ നിന്നും പുറത്താവുമെന്നും സാങ്കേതിക വകുപ്പ് ഡയറക്ടറേറ്റ് അറിയിച്ചു. Dt.13.6.2018.
************************
ഗവണ്‍മെന്റ് ഐ.ടി.ഐ പ്രവേശനത്തിനുളള അപേക്ഷകള്‍ ഓണ്‍ലൈനായി ജൂണ്‍ മൂന്നാം വാരം മുതല്‍ സ്വീകരിച്ച് തുടങ്ങുമെന്ന് ട്രെയിനിംഗ് ഡയറക്ടര്‍ അറിയിച്ചു. അതിനായി www.itiadmissions.kerala.gov.in എന്ന പോര്‍ട്ടല്‍ സജ്ജമായിട്ടുണ്ട്. 91 ഗവണ്‍മെന്റ് ഐ.ടി.ഐകളിലായി 76 ട്രേഡുകളില്‍ പ്രവേശനം നേടുന്നതിനാണ് അവസരം. കേന്ദ്രസര്‍ക്കാര്‍ അംഗീകാരം ഉളള എന്‍.സി.വി.ടി മെട്രിക്ക്, എന്‍.സി.വി.ടി നോണ്‍ മെട്രിക്ക്, സി.ഒ.ഇ സ്ട്രീമുകളിലും കേരള സര്‍ക്കാര്‍ അംഗീകാരമുളള എസ്.സി.വി.ടി നോണ്‍ മെട്രിക്ക്, പ്ലസ്ടു യോഗ്യതാ ട്രേഡുകള്‍ എന്നീ സ്ട്രീമുകളിലും ഉള്‍പ്പെടുന്ന ട്രേഡുകളില്‍ യോഗ്യത അനുസരിച്ച് പ്രവേശനത്തിനായി അപേക്ഷിക്കാം. എസ്.സി.വി.ടി, പ്ലസ്ടു ട്രേഡുകളായ സോഫ്ട്‌വെയര്‍ ടെസ്റ്റിംഗ് അസിസ്റ്റന്റ്, ഡാറ്റബെയ്‌സ് മാനേജ്‌മെന്റ് അസിസ്റ്റന്റ് എന്നിവ കാസര്‍കോഡ് ഐ.ടി.ഐയില്‍ മാത്രമാണ് നിലവിലുളളത്. ഓണ്‍ലൈനായി സമര്‍പ്പിച്ച അപേക്ഷയുടെ പ്രിന്റൗട്ട്, അനുബന്ധ സര്‍ട്ടിഫിക്കറ്റുകളുടെ (എസ്.എസ്.എല്‍.സി ബുക്ക്, അപേക്ഷിക്കുന്ന ട്രേഡുകള്‍ക്ക് വേണ്ട അടിസ്ഥാന യോഗ്യത നേടിയ സര്‍ട്ടിഫിക്കറ്റ്, മാര്‍ക്ക് ലിസ്റ്റ്, ഗ്രേസ് മാര്‍ക്ക് ലഭിക്കേണ്ട യോഗ്യത നേടിയ സര്‍ട്ടിഫിക്കറ്റ്, മറ്റ് മുന്‍ഗണന ലഭിക്കണമെങ്കില്‍ ഇതുമായി ബന്ധപ്പെട്ട സര്‍ട്ടിഫിക്കറ്റ് തുടങ്ങിയവ) സ്വയം സാക്ഷ്യപ്പെടുത്തിയ പകര്‍പ്പ് സഹിതം സംസ്ഥാനത്തെ ഏതെങ്കിലും ഒരു ഗവണ്‍മെന്റ്‌ഐ.ടി.ഐയില്‍ നിശ്ചിത സമയപരിധിക്ക് മുമ്പ് പരിശോധനയ്ക്കായി സമര്‍പ്പിച്ച് ഫീസ് ഒടുക്കി രസീത് വാങ്ങണം. ഐ.ടിഐകളില്‍ നേരിട്ടോ, ട്രഷറി ചെലാന്‍ മുഖേന '0230-00-L&E-800-other receipts-88-other items' എന്ന ശീര്‍ശകത്തിലോ ഫിസ് ഒടുക്കാം. നിശ്ചിത സമയ പരിധിക്ക് മുമ്പായി ഏതെങ്കിലും ഒരു ഗവ. ഐ.ടി.ഐയില്‍ സമര്‍പ്പിച്ച് ഫീസ് ഒടുക്കി രസീത് വാങ്ങാത്ത അപേക്ഷകള്‍ അസാധുവാകും. അപേക്ഷ സമര്‍പ്പിക്കുമ്പോള്‍ എസ്.എം.എസ് ആയി ലഭിക്കുന്ന യൂസര്‍ ഐ.ഡി പാസ് വേര്‍ഡ് എന്നിവ ഉപയോഗിച്ച് അപേക്ഷയില്‍ തിരുത്തല്‍ വരുത്താം. ഓണ്‍ലൈന്‍ അപേക്ഷ സമര്‍പ്പിക്കുന്നതിനുളള അന്തിമ സമയപരിധി വരെ അതിനുളള അവസരം ലഭിക്കും. പ്രവേശന കൗണ്‍സലിംഗിനു യോഗ്യത നേടിയ അപേക്ഷകര്‍ പ്രവേശന സമയത്ത് യോഗ്യത തെളിയിക്കുന്നതിന് ആവശ്യമായ അസല്‍ സര്‍ട്ടിഫിക്കറ്റുകള്‍, ടി.സി, ജാതി തെളിയിക്കുന്ന സര്‍ട്ടിഫിക്കറ്റ് എന്നിവ ഹാജരാക്കണം. റാങ്ക് ലിസ്റ്റ്, പ്രവേശന കൗണ്‍സലിംഗ് തീയതി എന്നിവ അതത് ഐ.ടി.ഐകളുടെ നോട്ടീസ് ബോര്‍ഡ്, വെബ്‌സൈറ്റ് എന്നിവിടങ്ങളിലും പത്ര മാധ്യമങ്ങളിലും പരസ്യപ്പെടുത്തും. വിവരങ്ങള്‍ എസ്.എം.എസ് മുഖേനയും അപേക്ഷകരെ അറിയിക്കും. കൂടുതല്‍ വിവരങ്ങള്‍ സമീപമുളള ഐ.ടി.ഐകളില്‍ നിന്നും www.itiadmissions.kerala.gov.in, www.det.kerala.gov.inഎന്നീ പോര്‍ട്ടലുകളില്‍ നിന്നും ലഭിക്കും.Dt.11.6.2018.
************************
എസ്.ഇ.ആര്‍.ടി പുറത്തിറക്കിയ പുസ്തകത്തെ ആധാരമാക്കി വ്യാജ പുസ്തകം വിപണിയില്‍ വില്‍പന നടക്കുന്നതായി ശ്രദ്ധയില്‍പ്പെട്ടിട്ടുണ്ടെന്നും ഇതില്‍ വഞ്ചിതരാകരുതെന്നും ഡയറക്ടര്‍ അറിയിച്ചു. പ്രീ-സ്‌കൂള്‍ വിദ്യാഭ്യാസം ശാസ്ത്രീയമായി നവീകരിക്കുന്നതിന്റെ ഭാഗമായി എസ്.ഇ.ആര്‍.ടി തയ്യാറാക്കിയ പാഠ്യപദ്ധതിയുടെ അടിസ്ഥാനത്തില്‍ അധ്യാപക സഹായി കളിപ്പാട്ടം എന്ന പേരില്‍ ഒരു പ്രവര്‍ത്തന പുസ്തകം പ്രസിദ്ധീകരിച്ചിട്ടുണ്ട്. ദേശീയ പാഠ്യപദ്ധതി ചട്ടക്കൂട് 2005, കേരള പാഠ്യപദ്ധതി ചട്ടക്കൂട് 2007 എന്നിവയുടെയും 2013 ലെ നാഷണല്‍ ഇ.സി.സി.ഇ പോളിസിയുടെയും അടിസ്ഥാനത്തിലാണ് കളിപ്പാട്ടം എന്ന പ്രവര്‍ത്തന പുസ്തകം തയ്യാറാക്കിയത്. ഈ സമീപനമനുസരിച്ച് പ്രീസ്‌കൂള്‍ കുട്ടികള്‍ക്ക് പാഠപുസ്തകങ്ങള്‍ നിര്‍ദേശിക്കുന്നില്ല. എന്നാല്‍ ടീച്ചേഴ്‌സ് ക്ലബ്ബ് കോലഞ്ചേരി എന്ന പേരില്‍ ഒരു കൂട്ടം അധ്യാപകര്‍ എസ്.ഇ.ആര്‍.ടി തയ്യാറാക്കിയ കളിപ്പാട്ടം എന്ന കൈപുസ്തകത്തെ ആധാരമാക്കി കളിയൂഞ്ഞാല്‍ എന്ന പേരില്‍ കുട്ടികള്‍ക്കായി ഒരു പാഠപുസ്തകം തയ്യാറാക്കി വില്‍പന നടത്തി വരുന്നുണ്ട്. പ്രീപ്രൈമറി പാഠപുസ്തകത്തിന്റെ ഡിജിറ്റല്‍ കോപ്പി, തയ്യാറാക്കിയവരുടെ പേര്, വില എന്നിവ ഉള്‍പ്പെടെയാണ് വ്യാപകമായി ഇത് പ്രചരിക്കുന്നത്. എസ്.സി.ഇ.ആര്‍.ടി യുടെയോ, വിദ്യാഭ്യാസ വകുപ്പിന്റെയോ അനുവാദത്തോടെയോ അറിവോടെയോ അല്ല ഈ പുസ്തകം പ്രസിദ്ധീകരിച്ച് വിപണനം നടത്തിവരുന്നത്. പ്രീസ്‌കൂള്‍ സമീപന വിരുദ്ധമായ ഇത്തരം പാഠപുസ്തകങ്ങള്‍ അങ്കണവാടികളിലും പ്രീസ്‌കൂളുകളിലും ഉപയോഗിക്കുന്നത് നിയമവിരുദ്ധമാണെന്നും എസ്.സി.ഇ.ആര്‍.ടി ഡയറക്ടര്‍ അറിയിച്ചു.Dt.11.6.2018.
************************
വൊക്കേഷണല്‍ ഹയര്‍സെക്കന്ററി ഒന്നാം വര്‍ഷ ഇംപ്രൂവ്‌മെന്റ് പരീക്ഷകള്‍ 2018 ജൂലൈ 27ന് ആരംഭിക്കും. റഗുലര്‍ വിഭാഗം വിദ്യാര്‍ത്ഥികള്‍ ഫീസടച്ച് അപേക്ഷകള്‍ ജൂണ്‍ 18 നകവും രണ്ടാം വര്‍ഷ അന്തിമ പരീക്ഷയില്‍ യോഗ്യത നേടാത്ത പ്രൈവറ്റ് വിഭാഗം വിദ്യാര്‍ത്ഥികള്‍ ഫീസടച്ച് ചെലാന്‍ സഹിതം അപേക്ഷകള്‍ 28 നകവും പഠിച്ച സ്‌കൂളുകളില്‍ നല്‍കണം. പരീക്ഷ സംബന്ധിച്ച് കൂടുതല്‍ വിവരങ്ങള്‍ വി.എച്ച്.എസ്.ഇ പരീക്ഷാ കേന്ദ്രങ്ങളിലും www.vhsexaminationkerala.gov.in ലും ലഭിക്കും.Dt.11.6.2018.
************************
പ്ലസ്‌വണ്‍ പ്രവേശനത്തിന്റെ ആദ്യ അലോട്ട്‌മെന്റ് ലിസ്റ്റ് പ്രസിദ്ധീകരിച്ചു. ആദ്യ ലിസ്റ്റ് അനുസരിച്ചുള്ള വിദ്യാര്‍ത്ഥി പ്രവേശനം ജൂണ്‍ 12 നും 13 നും നടക്കും. വിവരങ്ങള്‍www.hscap.kerala.gov.in ല്‍ ലഭിക്കും. വിദ്യാര്‍ത്ഥികള്‍ അലോട്ട്‌മെന്റ് ലഭിക്കുന്ന സ്‌കൂളില്‍ ജൂണ്‍ 13 അഞ്ചു മണിക്ക് മുമ്പ് പ്രവേശനം നേടണം. അലോട്ട്‌മെന്റ് ലഭിച്ചിട്ടും താല്‍ക്കാലിക പ്രവേശനം നേടാതിരിക്കുന്ന വിദ്യാര്‍ത്ഥികളെ പിന്നീട് പരിഗണിക്കില്ല. ആദ്യ അലോട്ട്‌മെന്റില്‍ ഒന്നാമത്തെ ഓപ്ഷന്‍ ലഭിക്കുന്നവര്‍ ഫീസടച്ച് സ്ഥിരപ്രവേശനം നേടണം. മറ്റ് ഓപ്ഷനുകളില്‍ അലോട്ട്‌മെന്റ് ലഭിക്കുന്നവര്‍ക്ക് ഇഷ്ടാനുസരണം താല്‍ക്കാലിക പ്രവേശനമോ സ്ഥിരപ്രവേശനമോ നേടാം. താല്‍ക്കാലിക പ്രവേശനത്തിന് ഫീസടയ്‌ക്കേണ്ട. താല്‍ക്കാലിക പ്രവേശനം നേടുന്നവര്‍ക്ക് ആവശ്യമെങ്കില്‍ തെരഞ്ഞെടുത്ത ഏതാനും ഉയര്‍ന്ന ഓപ്ഷനുകള്‍ മാത്രമായി റദ്ദാക്കാം. ഇതിനുള്ള അപേക്ഷയും പ്രവേശനം നേടുന്ന സ്‌കൂളിലാണ് നല്‍കേണ്ടത്. ആദ്യ അലോട്ട്‌മെന്റില്‍ ഇടം നേടാത്തവര്‍ അടുത്ത അലോട്ട്‌മെന്റുകള്‍ക്കായി കാത്തിരിക്കണം. വിദ്യാര്‍ത്ഥികള്‍ക്ക് തങ്ങള്‍ അപേക്ഷിച്ച ഓരോ സ്‌കൂളിലെയും കാറ്റഗറി തിരിച്ചുള്ള അവസാന റാങ്ക് വിവരങ്ങള്‍ പരിശോധിക്കാം. ഈ വര്‍ഷം ഏകജാലകരീതിയില്‍ പ്ലസ്‌വണ്‍ പ്രവേശനത്തിന് ആദ്യഘട്ടത്തില്‍ ആകെ 4,96,609 വിദ്യാര്‍ത്ഥികള്‍ അപേക്ഷകള്‍ നല്‍കി. സംസ്ഥാനത്ത് ഹയര്‍ സെക്കണ്ടറി പഠനത്തിന് മാര്‍ജിനല്‍ സീറ്റ് വര്‍ധനവ് ഉള്‍പ്പടെ ആകെ ലഭ്യമായ 4,22,853 സീറ്റുകളില്‍ സര്‍ക്കാര്‍ സ്‌കൂളുകളിലും എയ്ഡഡ് സ്‌കൂളുകളിലുമുള്ള 2,86,380 മെരിറ്റ് സീറ്റുകളിലേക്ക് മാത്രമാണ് ഏകജാലകരീതിയിലൂടെ പ്രവേശനം നടത്തുന്നത്. രണ്ടാമത്തെ അലോട്ട്‌മെന്റിനുശേഷം ഇതുവരെ അപേക്ഷിക്കാന്‍ കഴിയാത്തവര്‍ക്ക് സപ്ലിമെന്ററി അലോട്ട്‌മെന്റിനായി പുതിയ അപേക്ഷകള്‍ സ്വീകരിക്കും. സ്‌പോര്‍ട്‌സ് ക്വാട്ട സ്‌പെഷ്യല്‍ അലോട്ട്‌മെന്റ് ഫലവും ഇതോടൊപ്പം പ്രസിദ്ധീകരിച്ചിട്ടുണ്ട്. സംസ്ഥാനതലത്തില്‍ ആകെയുള്ള 9441 സ്‌പോര്‍ട്‌സ് ക്വാട്ട സീറ്റുകളിലേക്കുണ്ടായിരുന്ന 6660 അപേക്ഷകരില്‍ 5802 അപേക്ഷകര്‍ക്ക് അലോട്ട്‌മെന്റ് ലഭിച്ചിട്ടുണ്ട്. വെബ്‌സൈറ്റില്‍ അലോട്ട്‌മെന്റ് ഫലത്തോടൊപ്പം പ്രസിദ്ധീകരിക്കുന്ന നിര്‍ദേശങ്ങളനുസരിച്ച് നിശ്ചിത സമയത്തിനുള്ളില്‍ പ്രിന്‍സിപ്പല്‍മാര്‍ പ്രവേശന നടപടികള്‍ പൂര്‍ത്തിയാക്കണം.Dt.11.6.2018.
************************
ഹയര്‍ സെക്കന്ററി ഒന്നാം വര്‍ഷ ഇംപ്ലൂവ്‌മെന്റ്/സപ്ലിമെന്ററി പരീക്ഷകള്‍ ജൂലൈ 24 മുതല്‍ 31 വരെ നടത്തും. ഗള്‍ഫ് മേഖലയിലെ സ്‌കൂളുകളില്‍ പരീക്ഷയ്ക്ക് രജിസ്റ്റര്‍ ചെയ്യുന്ന വിദ്യാര്‍ത്ഥികള്‍ക്ക് യു.എ.ഇ യിലുള്ള പരീക്ഷാകേന്ദ്രത്തിലോ അതാത് വിഷയ കോമ്പിനേഷനുള്ള കേരളത്തിലെ ഏതെങ്കിലും പരീക്ഷാകേന്ദ്രത്തിലോ പരീക്ഷയെഴുതാം. മാര്‍ച്ച് 2018 ലെ ഒന്നാംവര്‍ഷ ഹയര്‍ സെക്കന്ററി പരീക്ഷയില്‍ എഴുതിയിട്ടുള്ള ആറ് വിഷയങ്ങളില്‍ മൂന്ന് വിഷയങ്ങള്‍ വരെ സ്‌കോര്‍ മെച്ചപ്പെടുത്തുന്നതിനും, രജിസ്റ്റര്‍ ചെയ്തിട്ടുള്ള വിഷയങ്ങളില്‍ പരീക്ഷ എഴുതാത്ത വിഷയമുണ്ടെങ്കില്‍ അവ എഴുതുന്നതിനും റഗുലര്‍ വിദ്യാര്‍ത്ഥികള്‍ക്ക് ഈ പരീക്ഷയ്ക്ക് രജിസ്റ്റര്‍ ചെയ്യാം. റഗുലര്‍ വിഭാഗത്തില്‍പ്പെട്ട വിദ്യാര്‍ത്ഥികള്‍ 2018 ലെ ഒന്നാം വര്‍ഷ ഹയര്‍ സെക്കന്ററി പരീക്ഷയിലോ ഈ സപ്ലിമെന്ററി പരീക്ഷയിലോ ആറ് വിഷയങ്ങളും എഴുതിയാലേ മാര്‍ച്ച് 2019 ലെ രണ്ടാം വര്‍ഷ ഹയര്‍ സെക്കന്ററി പരീക്ഷയ്ക്ക് രജിസ്റ്റര്‍ ചെയ്യാന്‍ കഴിയൂ. മറ്റു പരീക്ഷാ ബോര്‍ഡുകളില്‍ നിന്നും 2018 ല്‍ രണ്ടാം വര്‍ഷ ഹയര്‍ സെക്കന്ററി കോഴ്‌സുകളിലേക്ക് പുന:പ്രവേശനം നേടിയിട്ടുള്ള വിദ്യാര്‍ത്ഥികള്‍ (ലാറ്ററല്‍ എന്‍ട്രി വിഭാഗം) ഈ സപ്ലിമെന്ററി പരീക്ഷ എഴുതിയാല്‍ മാത്രമേ ഇവര്‍ക്ക് 2019 ലെ രണ്ടാം വര്‍ഷ ഹയര്‍ സെക്കണ്ടറി പരീക്ഷയ്ക്ക് രജിസ്റ്റര്‍ ചെയ്യാന്‍ സാധിക്കൂ. ഇവര്‍ക്ക് ഹയര്‍ സെക്കന്ററി പരീക്ഷയുടെ ഭാഗമായ നിരന്തരമൂല്യനിര്‍ണ്ണയം, പ്രായോഗിക പരീക്ഷ എന്നിവ ബാധകമായിരിക്കും. കമ്പാര്‍ട്ട്‌മെന്റല്‍ വിദ്യാര്‍ത്ഥികള്‍ക്ക് മാത്രം ഈ വര്‍ഷവും ഒന്നാംവര്‍ഷ ഇംപ്രൂവ്‌മെന്റ് പരീക്ഷയ്ക്ക് ഒറ്റത്തവണ രജിസ്‌ട്രേഷന്‍ നല്‍കും. രജിസ്റ്റര്‍ ചെയ്യുന്ന വിഷയത്തില്‍, ജൂലൈ 2018 ലെ ഒന്നാംവര്‍ഷ ഇംപ്രൂവ്‌മെന്റ് പരീക്ഷയ്ക്കും മാര്‍ച്ച് 2019 ലെ രണ്ടാംവര്‍ഷ പരീക്ഷയ്ക്കും രജിസ്റ്റര്‍ ചെയ്യപ്പെടും. പരീക്ഷയെഴുതുന്ന വിഷയത്തിന്റെ ജൂലൈ 2018 ലെ ഒന്നാം വര്‍ഷ ഇംപ്രൂവ്‌മെന്റ് പരീക്ഷാഫീസും മാര്‍ച്ച് 2019 ലെ രണ്ടാംവര്‍ഷ ഹയര്‍ സെക്കന്ററി പരീക്ഷാഫീസും ഒന്നിച്ച് അടയ്ക്കണം. റഗുലര്‍ ലാറ്ററല്‍ എന്‍ട്രി വിഭാഗത്തില്‍പ്പെട്ട വിദ്യാര്‍ത്ഥികള്‍ ജൂണ്‍ 16 ഉം, കമ്പാര്‍ട്ട്‌മെന്റല്‍ വിഭാഗം വിദ്യാര്‍ത്ഥികള്‍ 28 നു മുമ്പും ഫീസടക്കണം. റഗുലര്‍, ലാറ്ററല്‍ എന്‍ട്രി വിദ്യാര്‍ത്ഥികള്‍ക്കുള്ള പരീക്ഷാ ഫീസ് ഒരു പേപ്പറിന് 175 രൂപയും സര്‍ട്ടിഫിക്കറ്റ് ഫീസ് 40 രൂപയുമാണ.് കമ്പാര്‍ട്ട്‌മെന്റല്‍ വിഭാഗം വിദ്യാര്‍ത്ഥികള്‍ക്കുള്ള പരീക്ഷാഫീസ് ഒരു പേപ്പറിന് 225 രൂപയും സര്‍ട്ടിഫിക്കറ്റ് ഫീസ് 80 രൂപയുമാണ്, വിശദവിവരങ്ങള്‍ www.dhsekerala.gov.in എന്ന വെബ്‌സൈറ്റില്‍ ലഭിക്കും.Dt.8.6.2018.
************************
വൊക്കേഷണല്‍ ഹയര്‍ സെക്കന്ററി ജൂണ്‍ അഞ്ച് മുതല്‍ നടത്താന്‍ നിശ്ചയിച്ചിരുന്ന സേവ് എ ഇയര്‍/ഇംപ്രൂവ്‌മെന്റ് പരീക്ഷകള്‍ 13 മുതല്‍ നടത്തും. തിയറി പരീക്ഷകള്‍ 13 മുതല്‍ 20 വരെ തിരഞ്ഞെടുത്ത പരീക്ഷാകേന്ദ്രങ്ങളിലും എല്ലാ നോണ്‍ വൊക്കേഷണല്‍, വൊക്കേഷണല്‍ മൊഡ്യൂള്‍ പ്രായോഗിക പരീക്ഷകളും പഠനം പൂര്‍ത്തിയാക്കിയ സ്‌കൂളുകളിലും 21 മുതല്‍ 26 വരെ നടക്കും. പുന:ക്രമീകരിച്ച ടൈംടേബിള്‍ വി.എച്ച്.എസ്.ഇ പോര്‍ട്ടലിലും എല്ലാ വി.എച്ച്.എസ്.ഇ സ്‌കൂളുകളിലും ലഭിക്കും.Dt.8.6.2018.
************************
ഭിന്നശേഷിക്കാരായ കുട്ടികളുടെ ശാരീരികവും മാനസികവുമായ വളര്‍ച്ചയ്ക്ക് മള്‍ട്ടി പര്‍പ്പസ് ആര്‍ട്ട് സെന്റര്‍ ആരംഭിക്കുമെന്ന് ആരോഗ്യ സാമൂഹ്യനീതി വകുപ്പ് മന്ത്രി കെ.കെ.ശൈലജ ടീച്ചര്‍ അറിയിച്ചു. സംസ്ഥാനത്തിന്റെ വിവിധ ഭാഗങ്ങളിലുള്ള ഭിന്നശേഷിക്കാരായ കുട്ടികളെ പഠിപ്പിക്കാന്‍ കഴിയുന്ന സെന്ററായിരിക്കുമത്. അവരെ സമൂഹത്തിന്റെ മുഖ്യധാരയിലേക്ക് ഇതിലൂടെ കൊണ്ടുവരാന്‍ സാധിക്കുമെന്ന് മന്ത്രി വ്യക്തമാക്കി. ബുദ്ധിപരമായ വെല്ലുവിളികള്‍ നേരിടുന്ന കുട്ടികളില്‍ മാജിക് പരിശീലനത്തിലൂടെ ഉണ്ടായ വ്യതിയാനങ്ങളെക്കുറിച്ച് മെഡിക്കല്‍ കോളേജ് ചൈല്‍ഡ് ഡെവലപ്‌മെന്റ് സെന്റര്‍ നടത്തിയ പഠന റിപ്പോര്‍ട്ട് ഏറ്റുവാങ്ങിയശേഷമാണ് മന്ത്രി പ്രതികരിച്ചത്.. കേരളത്തെ ഭിന്നശേഷി സൗഹൃദമാക്കുക എന്ന ഉദ്ദേശ്യത്തോടെ സാമൂഹ്യ നീതി വകുപ്പിനു കീഴിലുള്ള കേരള സാമൂഹ്യ സുരക്ഷാ മിഷന്‍ വഴി നടപ്പാക്കുന്ന അനുയാത്രാ കാമ്പയിന്റെ അംബാസിഡര്‍മാരാണ് പഠനവിധേയരായ കുട്ടികള്‍. പ്രശസ്ത മജീഷ്യന്‍ ഗോപിനാഥ് മുതുകാടിന്റെ നേതൃത്വത്തിലാണ് ബുദ്ധിപരമായ വെല്ലുവിളികള്‍ നേരിടുന്ന തെരെഞ്ഞെടുത്ത 23 കുട്ടികള്‍ക്ക് 'എംപവര്‍' എന്ന പദ്ധതിയിലൂടെ പരിശീലനം നല്കിയത്. ഇതില്‍ 5 കുട്ടികള്‍ ഇപ്പോള്‍ മാജിക് പ്ലാനറ്റില്‍ സ്ഥാപിച്ചിട്ടുള്ള എസ്.ഐ.ഡി എം-പവര്‍ ഇന്‍കുബേറ്റര്‍ സെന്ററിലെ മുഴുവന്‍ സമയ മജീഷ്യന്‍മാരാണ്. അതിലൂടെ അവര്‍ വരുമാനവും കണ്ടെത്തുന്നണ്ടെന്ന് മന്ത്രി പറഞ്ഞു. മാജിക് പരിശീലനം നേടിയ കുട്ടികളില്‍ ഉണ്ടായിട്ടുള്ള വ്യതിയാനങ്ങളാണ് പഠന വിധേയമാക്കിയത്. പൊതുവിലുണ്ടായിട്ടുള്ള വികാസം ആരോഗ്യ നിലവാരം, ദിനചര്യകള്‍ ചെയ്യുന്നതില്‍ ഉണ്ടായിട്ടുള്ള പുരോഗതി, ബുദ്ധിപരമായ വികാസം, സ്വഭാവ വ്യതിയാനം മുതലായ സൂചികകളെ സംബന്ധിച്ച വലിയ മാറ്റമാണ് റിപ്പോര്‍ട്ടിലുള്ളത്. സി.ഡി.സി.യില്‍ നടന്ന ചടങ്ങില്‍ സി.ഡി.സി ഡയറക്ടര്‍ ഡോ. ബാബു ജോര്‍ജ് മന്ത്രിക്ക് റിപ്പോര്‍ട്ട് കൈമാറി. ചടങ്ങില്‍ പ്രൊഫ. ഗോപിനാഥ് മുതുകാട്, കേരള സോഷ്യല്‍ സെക്യൂരിറ്റി മിഷന്‍ എക്‌സിക്യൂട്ടീവ് ഡയറക്ടര്‍ ഡോ. ബി. മുഹമ്മദ് അഷീല്‍ തുടങ്ങിയവര്‍ പങ്കെടുത്തു.Dt.7.6.2018.
************************
2018-19 വര്‍ഷത്തെ ഒ.ഇ.സി വിഭാഗം വിദ്യാര്‍ത്ഥികളുടെ പ്രീമെട്രിക് വിദ്യാഭ്യാസ ആനുകൂല്യം വിതരണത്തിന് ഡാറ്റാ എന്‍ട്രി നടത്തും. ജൂണ്‍ 11 മുതല്‍ 30 വരെ കൈറ്റിന്റെ സ്‌കോളര്‍ഷിപ്പ് പോര്‍ട്ടലിലൂടെ ഡാറ്റാ എന്‍ട്രി നടത്താം. സ്‌കൂള്‍ അധികൃതര്‍ സമയ ബന്ധിതമായി വിവരങ്ങള്‍ എന്‍ട്രി നടത്തണം. കൂടുതല്‍ വിവരങ്ങള്‍ക്ക്: www.scholarship.itschool.gov.in , www.bcdd.kerala.in.Dt.7.6.2018.
************************
ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് വെല്‍ഫയര്‍ ബോര്‍ഡിന്റെ തിരുവനന്തപുരം ജില്ലാ ഓഫീസില്‍ നിന്നും 2018 അധ്യയന വര്‍ഷം ബോര്‍ഡിലെ അംഗത്തൊഴിലാളികളുടെ മക്കള്‍ക്ക് വിവിധ കോഴ്‌സുകള്‍ക്കു നല്‍കി വരുന്ന സ്‌കോളര്‍ഷിപ്പിനുളള അപേക്ഷകള്‍ (ഉന്നതവിദ്യാഭ്യാസ ധനസഹായം) കോഴ്‌സ് തുടങ്ങിയ ദിവസം മുതല്‍ 45 ദിവസത്തിനകം സമര്‍പ്പിക്കണം. എസ്.എസ്.എല്‍.സി പഠനസഹായത്തിനുളള അപേക്ഷകള്‍ ജൂലൈ 15 വരെ സ്വീകരിക്കും.Dt.7.6.2018.
************************
കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (KITE) കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, പാലക്കാട്, വയനാട് ജില്ലകളിലേക്ക് മാസ്റ്റര്‍ ട്രെയിനര്‍മാരെ തെരഞ്ഞെടുക്കുന്നു. ഹയര്‍ സെക്കന്ററി - വൊക്കേഷണല്‍ ഹയര്‍ സെക്കന്ററി, ഹൈസ്‌കൂള്‍, പ്രൈമറി വിഭാഗങ്ങളിലുള്ള അധ്യാപകര്‍ക്ക് അപേക്ഷിക്കാം. സര്‍ക്കാര്‍ മേഖലയോടൊപ്പം എയ്ഡഡ് മേഖലയിലെയും അധ്യാപകര്‍ക്ക് അപേക്ഷ നല്‍കാം. എയ്ഡഡ് മേഖലയില്‍ നിന്നുള്ള അപേക്ഷകര്‍ സ്‌കൂള്‍ മാനേജരില്‍ നിന്നുള്ള നിരാക്ഷേപ സാക്ഷ്യപത്രം അഭിമുഖ വേളയില്‍ സമര്‍പ്പിക്കണം. തെരഞ്ഞെടുക്കുന്ന അധ്യാപകരുടെ ഒഴിവിലേക്ക് വിദ്യാഭ്യാസ വകുപ്പ്/കൈറ്റ് അധ്യാപകനെ / അധ്യാപികയെ നിയോഗിക്കാം. ഹൈസ്‌കൂള്‍തലം വരെയുള്ള അപേക്ഷകര്‍ക്ക് ഫിസിക്‌സ്, കെമിസ്ട്രി, ബയോളജി, കണക്ക്, സോഷ്യല്‍ സയന്‍സ്, ഭാഷാ വിഷയങ്ങള്‍ എന്നിവയില്‍ ഏതെങ്കിലും ഒന്നില്‍ ബിരുദവും ബി.എഡും ഉണ്ടായിരിക്കണം. പ്രവര്‍ത്തന പരിചയമുള്ള കമ്പ്യൂട്ടര്‍ നിപുണരായ അധ്യാപകര്‍ക്കും സ്‌കൂള്‍ ഐ.ടി./ഹയര്‍ സെക്കന്ററി സ്‌കൂള്‍ ഐ.ടി. കോ-ഓര്‍ഡിനേറ്റര്‍മാര്‍ക്കും മുന്‍ഗണന നല്‍കും. ഹയര്‍ സെക്കണ്ടറി, ഹൈസ്‌കൂള്‍, പ്രൈമറി വിഭാഗങ്ങളിലെ ഉള്ളടക്ക നിര്‍മ്മാണം, അധ്യാപക പരിശീലനം, വിദ്യാഭ്യാസ വകുപ്പിലെ ഇ-ഗവേണന്‍സ് പ്രവര്‍ത്തനങ്ങള്‍ തുടങ്ങി കൈറ്റ് കാലാകാലങ്ങളില്‍ നിര്‍ദ്ദേശിക്കുന്ന മറ്റു ജോലികളും ചെയ്യണം. റവന്യൂ ജില്ലയില്‍ മാസ്റ്റര്‍ ട്രെയിനര്‍മാരായി പ്രവര്‍ത്തിക്കാന്‍ താത്പര്യമുള്ള എല്ലാ ജില്ലക്കാര്‍ക്കും അപേക്ഷിക്കാം. www.kite.kerala.gov.in ല്‍ ഓണ്‍ലൈനായി 16ന് മുമ്പ് അപേക്ഷ നല്‍കണം. തെരഞ്ഞെടുക്കപ്പെടുന്നവരെ കൈറ്റിന്റെ നിലവിലുള്ള മാനദണ്ഡങ്ങള്‍ക്ക് വിധേയമായി വര്‍ക്കിംഗ് അറേഞ്ച്‌മെന്റ് വ്യവസ്ഥയില്‍ നിയമിക്കും.Dt.7.6.2018.
************************
സ്‌കോള്‍-കേരള 2018-19 അധ്യയനവര്‍ഷത്തെ ഹയര്‍ സെക്കണ്ടറി കോഴ്‌സ് രണ്ടാം വര്‍ഷ പുന:പ്രവേശനത്തിന് അപേക്ഷ ക്ഷണിച്ചു. www.scolekerala.org എന്ന വെബ്‌സൈറ്റില്‍ ഇന്ന് (ജൂണ്‍ ഏഴ്) മുതല്‍ 19 വരെ ഓണ്‍ലൈനായി രജിസ്റ്റര്‍ ചെയ്യണം. വിശദവിവരങ്ങള്‍ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. സി.ബി.എസ്.ഇ, ഐ.സി.എസ്.ഇ, മറ്റ് സ്റ്റേറ്റ് ബോര്‍ഡുകള്‍ വഴി ഒന്നാം വര്‍ഷം ഹയര്‍സെക്കണ്ടറി കോഴ്‌സ് പൂര്‍ത്തിയാക്കിയവര്‍ക്കും നിബന്ധനകള്‍ക്ക് വിധേയമായി പ്രവേശനം അനുവദിക്കും. ഓണ്‍ലൈനില്‍ രജിസ്റ്റര്‍ ചെയ്ത അപേക്ഷയുടെ പ്രിന്റ് ഔട്ടും, നിര്‍ദ്ദിഷ്ട രേഖകളും എക്‌സിക്യൂട്ടീവ് ഡയറക്ടര്‍, സ്‌കോള്‍ കേരള, വിദ്യാഭവന്‍, പൂജപ്പുര പി.ഒ., തിരുവനന്തപുരം-695012 എന്ന വിലാസത്തില്‍ നേരിട്ടോ സ്പീഡ്/രജിസ്റ്റേര്‍ഡ് തപാല്‍ മാര്‍ഗമോ ജൂണ്‍ 21, വൈകിട്ട് അഞ്ചിനകം ലഭിക്കണം. Dt.6.6.2018.
************************
സ്‌കൂള്‍ വിദ്യാര്‍ത്ഥികള്‍ക്ക് ആവശ്യമായ കൂടുതല്‍ പാഠപുസ്തകങ്ങള്‍ KITE (Kerala infrastructure and Technology for Education (IT@School) ന്റെ വെബ്‌സൈറ്റില്‍ ഇന്‍ഡന്റ് ചെയ്യാം. ഇന്ന് (ജൂണ്‍ 6) മുതല്‍ 20 വരെയാണ് സമയം. വിശദവിവരങ്ങള്‍ക്ക് www.kite.kerala.gov.in.Dt.5.6.2018.
************************
ഹയര്‍സെക്കണ്ടറി നോണ്‍ വൊക്കേഷണല്‍ ഹയര്‍സെക്കണ്ടറി അധ്യാപക നിയമനത്തിന് കേരള സര്‍ക്കാര്‍ ഏര്‍പ്പെടുത്തിയിരിക്കുന്ന സംസ്ഥാനതല യോഗ്യതാ നിര്‍ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) സെപ്റ്റംബര്‍ 16ന് നടത്തും. പരീക്ഷ നടത്തുവാന്‍ ചുമതലപ്പെടുത്തിയിരിക്കുന്നത് എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയെയാണ് സെറ്റ് ജൂലൈ 2018 ന്റെ പ്രോസ്‌പെക്ടസും, സിലബസും എല്‍.ബി.എസ് സെന്ററിന്റെ വെബ്‌സൈറ്റുകളില്‍ ലഭിക്കും. ബിരുദാനന്തര ബിരുദ പരീക്ഷയില്‍ 50 ശതമാനത്തില്‍ കുറയാതെ മാര്‍ക്ക് അല്ലെങ്കില്‍ തത്തുല്യ ഗ്രേഡും, ബി.എഡുമാണ് അടിസ്ഥാന യോഗ്യത. ചില പ്രത്യേക വിഷയങ്ങളില്‍ ബിരുദാനന്തര ബിരുദമുളളവരെ ബി.എഡ് വേണമെന്ന നിബന്ധനയില്‍ നിന്നും ഒഴിവാക്കിയിട്ടുണ്ട്. എല്‍.ടി.ടി.സി, ഡി.എല്‍.ഇ.ഡി തുടങ്ങിയ ട്രെയിനിംഗ് കോഴ്‌സുകള്‍ വിജയിച്ചവരെയും സെറ്റിന് പരിഗണിക്കും. എസ്.സി/എസ്.ടി വിഭാഗത്തില്‍പ്പെടുന്നവര്‍ക്ക് മാത്രം ബിരുദാനന്തര ബിരുദത്തിന് അഞ്ച് ശതമാനം മാര്‍ക്കിളവ് അനുവദിച്ചിട്ടുണ്ട്. അടിസ്ഥാന യോഗ്യതയില്‍ ഒന്നുമാത്രം നേടിയവര്‍ക്ക് താഴെ കൊടുത്തിരിക്കുന്ന നിബന്ധനകള്‍ പ്രകാരം സെറ്റ് പരീക്ഷ എഴുതാം. പി.ജി ബിരുദം മാത്രം നേടിയവര്‍ ബി.എഡ് കോഴ്‌സ് അവസാന വര്‍ഷം പഠിച്ചുകൊണ്ടിരിക്കുന്നവര്‍ ആയിരിക്കണം. അവസാന വര്‍ഷ പോസ്റ്റ് ഗ്രാജുവേറ്റ് കോഴ്‌സ് പഠിക്കുന്നവര്‍ക്ക് ബി.എഡ് ബിരുദവും ഉണ്ടായിരിക്കണം. മേല്‍ പറഞ്ഞ നിബന്ധന പ്രകാരം (1&2) സെറ്റ് പരീക്ഷ എഴുതുന്നവര്‍ അവരുടെ പി.ജി/ബി.എഡ് പരീക്ഷയുടെ നിശ്ചിത യോഗ്യത സെറ്റ് പരീക്ഷയുടെ ഫലം പ്രഖ്യാപിച്ച തീയതി മുതല്‍ ഒരു വര്‍ഷത്തിനകം നേടിയിരിക്കണം. അല്ലാത്തപക്ഷം അവരെ ആ ചാന്‍സില്‍ സെറ്റ് പരീക്ഷ പാസായതായി പരിഗണിക്കുന്നതല്ല. ഓണ്‍ ലൈന്‍ ആയി ജൂണ്‍ ആറ് മുതല്‍ ജൂണ്‍ 30 വരെ രജിസ്റ്റര്‍ ചെയ്യുന്നതിനുവേണ്ടി ജനറല്‍/ഒ.ബി.സി വിഭാഗങ്ങളില്‍പ്പെടുന്നവര്‍ 750 രൂപയുടെയും, എസ്.സി/എസ്.ടി/പി.ഡബ്ലിയു.ഡി എന്നീ വിഭാഗങ്ങളില്‍പ്പെടുന്നവര്‍ 375 രൂപയുടെയും ഡിമാന്റ് ഡ്രാഫ്റ്റ് ഏതെങ്കിലും ദേശസാത്കൃത ബാങ്കില്‍ നിന്നും ഡയറക്ടര്‍, എല്‍.ബി.എസ് സെന്റര്‍ എന്ന പേരില്‍ തിരുവനന്തപുരത്തു മാറാവുന്ന രീതിയില്‍ എടുക്കണം. അപേക്ഷയോടൊപ്പം സമര്‍പ്പിക്കേണ്ട രേഖകളുടെ വിശദവിവരങ്ങള്‍ എല്‍.ബി.സ് സെന്ററിന്റെ വെബ്‌സൈറ്റിലെ പ്രോസ്‌പെക്ടസില്‍ നല്‍കിയിട്ടുണ്ട്. സെറ്റ് പരീക്ഷയ്ക്ക് അപേക്ഷിക്കുന്നവര്‍ നിര്‍ബന്ധമായും എല്‍.ബി.എസ് സെന്ററിന്റെ വെബ്‌സൈറ്റില്‍ ഓണ്‍ലൈന്‍ ആയി രജിസ്റ്റര്‍ ചെയ്തിരിക്കണം. ഓണ്‍ലൈനായി രജിസ്റ്റര്‍ ചെയ്ത ശേഷം ഓണ്‍ലൈന്‍ ആപ്ലിക്കേഷന്റെ പ്രിന്റ് ഔട്ടും ഒറിജിനല്‍ ഡിമാന്റ് ഡ്രാഫ്റ്റും തിരുവനന്തപുരം എല്‍.ബി.എസ് സെന്ററില്‍ തപാലിലോ/നേരിട്ടോ സമര്‍പ്പിക്കാം. ഓണ്‍ലൈന്‍ ചെയ്ത അപേക്ഷകള്‍ ജൂലൈ മൂന്നിന് വൈകുന്നേരം അഞ്ച് മണിക്കു മുമ്പായി പൂര്‍ത്തിയാക്കണം.കൂടുതല്‍ വിവരങ്ങള്‍ക്ക് www.lbskerala.com, www.lbscentre.org.Dt.5.6.2018.
************************
വി.എച്ച്.എസ്.ഇ പ്രവേശനത്തിന്റെ ട്രയല്‍ അലോട്ട്‌മെന്റ് പട്ടിക www.vhscap.kerala.gov.in ല്‍ ഇന്ന് (അഞ്ച്) മുതല്‍ ലഭിക്കും. സംസ്ഥാനത്തെ 388 സ്‌കൂളുകളിലേക്കുള്ള ട്രയല്‍ അലോട്ട്‌മെന്റ് പട്ടികയാണുള്ളത്. Trial Allotment Result എന്ന ലിങ്കില്‍ അപേക്ഷാ നമ്പരും ജനനത്തീയതിയും നല്‍കിയാല്‍ പരിശോധിക്കാം. ഓപ്ഷനുകള്‍ ഉള്‍പ്പെടെയുള്ള തിരുത്തലുകള്‍ ആവശ്യമുള്ളവര്‍ അപേക്ഷ നല്‍കിയ സ്‌കൂളുകളില്‍ ഏഴിന് വൈകിട്ട് നാലിനകം അപേക്ഷ നല്‍കണം. തെറ്റായ വിവരങ്ങള്‍ നല്‍കി ലഭിക്കുന്ന അലോട്ട്‌മെന്റ് റദ്ദാക്കും.Dt.4.6.2018.
************************
ഏകജാലക രീതിയിലുള്ള പ്ലസ്‌വണ്‍ പ്രവേശനത്തിന്റെ ട്രയല്‍ അലോട്ട്‌മെന്റ് ഫലം പ്രസിദ്ധീകരിച്ചു. സ്‌കൂളുകളില്‍ നിന്നും വെരിഫിക്കേഷന്‍ പൂര്‍ത്തിയാക്കിയ അപേക്ഷകളും അവയുടെ സാധുതയുള്ള ഓപ്ഷനുകളുമാണ് പരിഗണിച്ചത്. www.hscap.kerala.gov.in എന്ന വെബ്‌സൈറ്റില്‍ അപേക്ഷാ നമ്പരും ജനനത്തീയതിയും ജില്ലയും നല്‍കി ട്രയല്‍ ഫലം പരിശോധിക്കാം. അപേക്ഷകര്‍ക്കുള്ള നിര്‍ദേശങ്ങളും ഇതേ വെബ്‌സൈറ്റില്‍ ലഭിക്കും. ട്രയല്‍ ഫലം ജൂണ്‍ ആറ് വരെ വിദ്യാര്‍ത്ഥികള്‍ക്ക് പരിശോധിക്കാം.Dt.4.6.2018.
************************
സര്‍ക്കാര്‍ ഹയര്‍ സെക്കണ്ടറി അധ്യാപകരുടെ 2018-2019 ലെ പ്രൊവിഷണല്‍ ട്രാന്‍സ്ഫര്‍ ലിസ്റ്റ് പ്രസിദ്ധീകരിച്ചു. ലിസ്റ്റ്, സര്‍ക്കുലര്‍ എന്നിവ www.dhsetransfer.kerala.gov.in എന്ന വെബ്‌സൈറ്റില്‍ ലഭിക്കും. പരാതി/ആക്ഷേപങ്ങള്‍ ഉള്ളവര്‍ ജൂണ്‍ ആറ് വൈകുന്നേരം അഞ്ചിന് മുമ്പ് സര്‍ക്കുലറില്‍ സൂചിപ്പിച്ചിട്ടുള്ള ഇ-മെയില്‍ അഡ്രസില്‍ അയയ്ക്കണം.Dt.4.6.2018.
************************
പട്ടികവര്‍ഗ വികസന വകുപ്പിന് കീഴിലുള്ള 18 മോഡല്‍ റസിഡന്‍ഷ്യല്‍ സ്‌കൂളുകളിലെയും 112 ഹോസ്റ്റലുകളിലെയും ആറു മുതല്‍ പന്ത്രണ്ടു വരെ ക്ലാസുകളിലെ വിദ്യാര്‍ത്ഥികള്‍ക്കായി 2018-19 അധ്യയന വര്‍ഷത്തില്‍ മോട്ടിവേഷന്‍ ക്ലാസുകള്‍ സംഘടിപ്പിക്കും. ഇതിലേക്ക് ഈ രംഗത്ത് അഞ്ച് വര്‍ഷത്തെ പ്രവൃത്തിപരിചയമുള്ള സ്ഥാപനങ്ങള്‍/വ്യക്തികളില്‍ നിന്ന് പ്രപ്പോസല്‍ ക്ഷണിച്ചു. സ്വീകരിക്കുന്ന അവസാന തീയതി ജൂണ്‍ 11 ഉച്ചയ്ക്ക് രണ്ട് മണി. 12 ന് മൂന്നിന് ഹാജരുള്ള സ്ഥാപനങ്ങള്‍/പ്രതിനിധികളുടെ സാന്നിദ്ധ്യത്തില്‍ പ്രപ്പോസലുകള്‍ പരിഗണിക്കും. ഇത് സംബന്ധിച്ച പ്രീബിഡ് മീറ്റിംഗ് ഏഴിന് പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും. കൂടുതല്‍ വിവരങ്ങള്‍ക്ക് വികാസ്ഭവനില്‍ പ്രവര്‍ത്തിക്കുന്ന പട്ടികവര്‍ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടണം. ഫോണ്‍: 0471-2303229, 2304594.Dt.2.6.2018.
************************
ഡിപ്ലോമ ഇന്‍ ലാംഗ്വേജ് എഡ്യൂക്കേഷന്‍ (ഡിഎല്‍ഇഡി) ഹിന്ദി കോഴ്‌സിന് തിരുവനന്തപുരം, തൃശൂര്‍ സര്‍ക്കാര്‍ ട്രെയിനിംഗ് സെന്ററുകളില്‍ പ്രവേശനം ലഭിക്കുന്നതിന് പൊതുവിദ്യാഭ്യാസ ഡയറക്ടര്‍ക്ക് നിശ്ചിത തീയതിക്കകം അപേക്ഷ സമര്‍പ്പിച്ച യോഗ്യരായവരുടെ ലിസ്റ്റ് www.education.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. ലിസ്റ്റില്‍ ഉള്‍പ്പെട്ട അപേക്ഷകര്‍ ജൂണ്‍ എഴ്, എട്ട് തീയതികളില്‍ ബന്ധപ്പെട്ട സെന്ററുകളില്‍ അസ്സല്‍ സര്‍ട്ടിഫിക്കറ്റുകളുമായി നേരിട്ട് ഹാജരായി പ്രവേശനം നേടണം. നിശ്ചിത തീയതിക്കകം അപേക്ഷ സമര്‍പ്പിക്കാന്‍ കഴിയാതിരുന്നവര്‍ക്കായി ബന്ധപ്പെട്ട സെന്ററുകളില്‍ ജൂണ്‍ 11 ന് സ്‌പോട്ട് അഡ്മിഷന്‍ നടത്തുമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു.Dt.2.6.2018.
************************
ഏകജാലക സംവിധാനത്തിലൂടെയുള്ള പ്ലസ്‌വണ്‍ പ്രവേശനത്തിനുള്ള അപേക്ഷകള്‍ ഓണ്‍ലൈനായി സമര്‍പ്പിക്കാന്‍ www.hscap.kerala.gov.in എന്ന വെബ്‌സൈറ്റില്‍ സൗകര്യമൊരുക്കി. അപേക്ഷ ഓണ്‍ലൈനായി സമര്‍പ്പിക്കാന്‍ സ്‌കൂളുകളിലെ കമ്പ്യൂട്ടര്‍ ലാബ്/ഇന്റര്‍നെറ്റ് സൗകര്യം ലഭിക്കും. മാര്‍ഗനിര്‍ദ്ദേശങ്ങള്‍ നല്‍കുന്നതിന് അധ്യാപകരുടെ സേവനവും സംസ്ഥാനത്തെ എല്ലാ സര്‍ക്കാര്‍/എയ്ഡഡ് ഹയര്‍സെക്കണ്ടറി സ്‌കൂളുകളിലും അതത് പ്രിന്‍സിപ്പല്‍മാരുടെ നേതൃത്വത്തില്‍ പ്രവര്‍ത്തിക്കുന്ന ഹെല്‍പ് ഡെസ്‌കുകള്‍ മുഖേന സജ്ജമാക്കിയിട്ടുണ്ട്. അപേക്ഷ ഓണ്‍ലൈനായി സമര്‍പ്പിക്കാനുള്ള അവസാന തീയതി (മേയ് 31) ഇന്നുവരെ ദീര്‍ഘിപ്പിച്ചിട്ടുണ്ട്. 2018 മാര്‍ച്ചില്‍ സി.ബി.എസ്.ഇ പരീക്ഷ എഴുതി ഉന്നത പഠനത്തിന് യോഗ്യത നേടിയ വിദ്യാര്‍ത്ഥികള്‍ ഏകജാലക പ്രവേശനത്തിന് അപേക്ഷിക്കുമ്പോള്‍ അപേക്ഷകരുടെ മാതാപിതാക്കള്‍/രക്ഷകര്‍ത്താക്കള്‍ 50 രൂപ മുദ്രപത്രത്തില്‍ നിശ്ചിത മാതൃകയിലുള്ള സാക്ഷ്യപത്രം കൂടി അപേക്ഷയോടൊപ്പം സമര്‍പ്പിക്കണം എന്ന പ്രോസ്‌പെക്ടസിലെ ഒന്നാം ഖണ്ഡികയിലെ നിബന്ധനയില്‍ നിന്നും ഒഴിവാക്കിയിട്ടുണ്ട്. എന്നാല്‍ 2018 മാര്‍ച്ചിനു മുമ്പ് സി.ബി.എസ്.ഇ സിലബസില്‍ ഉന്നത പഠനത്തിന് യോഗ്യത നേടിയവര്‍ക്ക് ഈ നിബന്ധന ബാധകമായിരിക്കും. ഓണ്‍ലൈനായി സമര്‍പ്പിക്കുന്ന അപേക്ഷയുടെ രണ്ട് പേജുള്ള പ്രിന്റൗട്ടും അനുബന്ധരേഖകളും ജില്ലയിലെ ഏതെങ്കിലും ഒരു സര്‍ക്കാര്‍/എയ്ഡഡ് ഹയര്‍ സെക്കണ്ടറി സ്‌കൂളില്‍ വെരിഫിക്കേഷനായി മെയ് 31 വൈകിട്ട് അഞ്ച് മണിക്ക് മുമ്പ് സമര്‍പ്പിക്കണം. ഓണ്‍ലൈനായി അപേക്ഷ അന്തിമമായി സമര്‍പ്പിച്ചശേഷം തെറ്റുകള്‍ അപേക്ഷകര്‍ കണ്ടെത്തിയാല്‍ വിവരം ഓണ്‍ലൈന്‍ അപേക്ഷയുടെ പ്രിന്റൗട്ടും അനുബന്ധ രേഖകളും വെരിഫിക്കേഷനായി സമര്‍പ്പിക്കുന്ന സ്‌കൂള്‍ പ്രിന്‍സിപ്പാളിനെ അറിയിച്ച് തിരുത്താവുന്നതാണെന്നും ഹയര്‍ സെക്കണ്ടറി ഡയറക്ടര്‍ അറിയിച്ചു.Dt.30.5.2018.
************************
സ്‌കോള്‍ കേരളയുടെ ഫീസ് ഘടന പരിഷ്‌ക്കരിച്ച് ഉത്തരവായി. ജൂണ്‍ ഒന്ന് മുതല്‍ പരിഷ്‌ക്കരിച്ച ഫീസ് ഘടന നിലവില്‍ വരും. പുതുക്കിയ ഫീസ് ഘടന ഉള്‍പ്പെടുത്തിയ 2018-19 അധ്യയന വര്‍ഷത്തെ പ്രോസ്‌പെക്ടസ് www.scolekerala.org യില്‍ പ്രസിദ്ധപ്പെടുത്തിയിട്ടുണ്ടെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.Dt.30.5.2018.
************************
ഹൈടെക്കായി മാറുന്ന 45000 ക്ലാസ്മുറികളില്‍ ഡിജിറ്റല്‍ സംവിധാനങ്ങള്‍ ഉപയോഗിച്ച് ക്ലാസെടുക്കുന്നതിനായി 'സമഗ്ര' വെബ് പോര്‍ട്ടലും മൊബൈല്‍ ആപ്പും തയ്യാറായി. www.samagra.itschool.gov.in എന്ന വിലാസത്തില്‍ ലഭ്യമാകുന്ന 'സമഗ്ര'യ്ക്ക് സാങ്കേതിക സംവിധാനമൊരുക്കിയതും പരിപാലനവും കേരള ഇന്‍ഫ്രാ സ്ട്രക്ചര്‍ & ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ആണ്. ഇതിന്റെ പൂര്‍ണ അക്കാദമിക് പിന്തുണ എസ്.സി.ഇ.ആര്‍.ടിക്കും ക്ലാസ്റൂം നടത്തിപ്പ് മേല്‍നോട്ടം വിദ്യാഭ്യാസ ഡയറക്ടര്‍മാര്‍ക്കു മായി നിശ്ചയിച്ച് സര്‍ക്കാര്‍ ഉത്തരവിറങ്ങി. 'സമഗ്ര'യുമായി ബന്ധപ്പെട്ട് കരിക്കുലം കമ്മിറ്റി അംഗീകരിച്ച സമീപനരേഖയും സര്‍ക്കാര്‍ അംഗീകരിച്ചു. 'സമഗ്ര' വെബ്‌പോര്‍ട്ടലിന്റേയും മൊബൈല്‍ ആപ്പിന്റേയും ഉദ്ഘാടനം മെയ് 31 ന് രാവിലെ 11.30 ന് തിരുവനന്തപുരം ടാഗോര്‍ തിയേറ്ററില്‍ വിദ്യാഭ്യാസ വകുപ്പുമന്ത്രി പ്രൊഫ.സി. രവീന്ദ്രനാഥിന്റെ അദ്ധ്യക്ഷതയില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. ക്ലാസ്മുറികളില്‍ ഓരോ വിഷയത്തിലേയും അദ്ധ്യായങ്ങള്‍ കരിക്കുലം നിഷ്‌കര്‍ഷി ക്കുന്ന പഠനനേട്ടങ്ങള്‍ ഉറപ്പാക്കുന്ന തരത്തില്‍ പാഠാസൂത്രണങ്ങള്‍ തയ്യാറാക്കാന്‍ കഴിയുന്ന സംവിധാനമാണ് 'സമഗ്ര'യുടെ നട്ടെല്ല്. ഇത്തരം 10,000ത്തോളം യൂണിറ്റ് പ്ലാനുകളും 15000 സൂക്ഷ്മതല ആസൂത്രണങ്ങളും സമഗ്രയില്‍ ലഭ്യമാണ്. ഈ സേവനം ഉപയോഗിക്കാന്‍ മുഴുവന്‍ അധ്യാപകരും പോര്‍ട്ടലില്‍ അംഗത്വമെടുക്കണം. ഇതുവരെ 1,10,000 അധ്യാപകര്‍ അംഗത്വമെടുത്തു. പാഠാസൂത്രണ വിഭാഗത്തിനു പുറമെ ലോഗിന്‍ ചെയ്യാതെതന്നെ എല്ലാവര്‍ക്കും കാണാന്‍ കഴിയുന്ന ഡിജിറ്റല്‍ പാഠപുസ്തകങ്ങള്‍, ചോദ്യബാങ്ക്, ഇ-റിസോഴ്‌സുകള്‍ എന്നിവയും സമഗ്രയിലുണ്ട്. വീഡിയോകള്‍, ശബ്ദഫയലുകള്‍, ചിത്രങ്ങള്‍, ഇന്ററാക്ടീവ് സിമുലേഷനുകള്‍ എന്നിങ്ങനെ 19000 ഡിജിറ്റല്‍ വിഭവങ്ങള്‍ ക്ലാസ്-വിഷയ അടിസ്ഥാനത്തില്‍ ഇ-റിസോഴ്‌സുകള്‍ വിഭാഗത്തില്‍ ലഭ്യമാണ്.Dt.29.5.2018.
************************
പരീക്ഷാഭവന്‍ 2017 നവംബറില്‍ നടത്തിയ സംസ്‌കൃതം / അറബിക് / ഉറുദു അധ്യാപക പരീക്ഷയുടെ ഫലം www.keralapareekshabhavan.in ല്‍ ലഭ്യമാണ്.Dt.29.5.2018.
************************
വെക്കേഷണല്‍ ഹയര്‍ സെക്കന്ററി ഒന്നാം വര്‍ഷ പൊതു പരീക്ഷയുടെ (2018 മാര്‍ച്ച്) സ്‌കോറുകള്‍ പ്രസിദ്ധീകരിച്ചു. www.kerala.results.nic.in, www.vhsekerala.gov.in എന്നിവയില്‍ സ്‌കോറുകള്‍ ലഭിക്കും. ഉത്തരക്കടലാസുകളുടെ പുനര്‍മൂല്യനിര്‍ണയവും, സൂക്ഷ്മപരിശോധനയും നടത്തുന്നതിനുള്ള അപേക്ഷകള്‍ ജൂണ്‍ എട്ട് വരെ സംസ്ഥാനത്തെ ഏതെങ്കിലും ട്രഷറിയില്‍ നിശ്ചിത ഫീസടച്ച് അസല്‍ ചെലാന്‍, വെബ്‌സൈറ്റില്‍ നിന്നും ലഭിക്കുന്ന സ്‌കോര്‍ഷീറ്റ് എന്നിവയോടൊപ്പം പോര്‍ട്ടലില്‍ നല്‍കിയിട്ടുള്ള അപേക്ഷാഫാറത്തിന്റെ മാതൃക പ്രിന്റ് ചെയ്ത് പൂരിപ്പിച്ച് പഠനം നടത്തുന്ന സ്‌കൂള്‍ പ്രിന്‍സിപ്പാളിന് സമര്‍പ്പിക്കണം. അപാകതകള്‍ ഇല്ലെന്ന് ഉറപ്പാക്കിയതിനുശേഷം വിദ്യാര്‍ത്ഥികള്‍ക്ക് കൈപ്പറ്റ് രസീത് നല്‍കും. ജൂണ്‍ 12 നകം അപേക്ഷകളുടെ വിവരങ്ങള്‍ പോര്‍ട്ടലില്‍ അപ് ലോഡ് ചെയ്യും. പുനര്‍മൂല്യനിര്‍ണയം ചെയ്യുന്നതിന് പേപ്പറൊന്നിന് 500 രൂപയും, സൂക്ഷ്മ പരിശോധനയ്ക്ക് 100 രൂപ പ്രകാരവും 0202-01-102-93-VHSE Fees' എന്ന ശീര്‍ഷകത്തില്‍ അടയ്ക്കണം. ഉത്തരക്കടലാസിന്റെ പകര്‍പ്പ് ആവശ്യമുള്ള വിദ്യാര്‍ത്ഥികള്‍ പേപ്പറൊന്നിന് 300 രൂപ ഫീസടച്ച് പരീക്ഷാ ഓഫീസിലേക്ക് അയയ്ക്കണം. അപേക്ഷാ ഫോമിന്റെ മാതൃകകള്‍ 2018 ലെ വി.എച്ച്.എസ്.ഇ. പരീക്ഷാ വിജ്ഞാപനത്തില്‍ ലഭിക്കും. Dt.29.5.2018.
************************
2018-19 ലെ സ്‌കൂള്‍ പ്രവേശനോത്സവത്തിന്റെ ഭാഗമായുള്ള പ്രവേശനോത്സവഗാനം പ്രകാശനം ചെയ്തു. പൊതുവിദ്യാഭ്യാസ സെക്രട്ടറി എ. ഷാജഹാന്‍ എസ്.എസ്.എ ഡയറക്ടര്‍ ഡോ.എ.പി. കുട്ടികൃഷ്ണന് സി.ഡി നല്‍കി പ്രകാശനം നിര്‍വ്വഹിച്ചു. ഡി.പി.ഐ. ഡോ. മോഹന്‍കുമാര്‍, വിദ്യാഭ്യാസ വകുപ്പ് മന്ത്രിയുടെ പ്രൈവറ്റ് സെക്രട്ടറി സുനില്‍കുമാര്‍, അസിസ്റ്റന്റ് പ്രൈവറ്റ് സെക്രട്ടറി കെ.പി. അനില്‍കുമാര്‍, അഡീഷണല്‍ പി.എ. സോമശേഖരന്‍ നായര്‍, എസ്.എസ്.എ സ്റ്റേറ്റ് പ്രോഗ്രാം ഓഫീസര്‍മാരായ ശിവരാജന്‍, സുരേഷ്‌കുമാര്‍ തുടങ്ങിയ വിദ്യാഭ്യാസ മേഖലയിലെ ഉന്നതോദ്യോഗസ്ഥരും, കവി മുരുകന്‍ കാട്ടാക്കട, സംഗീത സംവിധായകന്‍ വിജയ് കരുണ്‍ എന്നിവരും സംബന്ധിച്ചു. ഇക്കൊല്ലത്തെ ഗാനരചന നിര്‍വഹിച്ചിരിക്കുന്നത് പ്രശസ്ത കവി മുരുകന്‍ കാട്ടാക്കടയും സംഗീതം നല്‍കിയിരിക്കുന്നത് വിജയ് കരുണുമാണ്. ഗാനമാലപിച്ചിരിക്കുന്നത് ശ്രേയ ജയദീപാണ്. സ്‌കൂള്‍ പ്രവേശനോത്സവദിനമായ ജൂണ്‍ ഒന്നിന് സംസ്ഥാനത്തെ മുഴുവന്‍ പൊതുവിദ്യാലയങ്ങളിലും എയ്ഡഡ് സ്‌കൂളുകളിലും പ്രവേശനോത്സവഗാനത്തോടെയാണ് വിദ്യാലയ പ്രവേശനോത്സവ ചടങ്ങുകള്‍ ആരംഭിക്കുക.Dt.28.5.2018.
************************
2018 മാര്‍ച്ചില്‍ നടന്ന എസ്.എസ്.എല്‍.സി. പരീക്ഷയുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു. ഫലം www.keralapareekshabhavan.in ല്‍ ലഭ്യമാണ്.Dt.26.5.2018.
************************
സംസ്ഥാനത്തെ 45,000 ക്ലാസ് മുറികള്‍ ഹൈടെക്കാക്കുന്നതിന്റെ ഭാഗമായി 74,373 അദ്ധ്യാപകര്‍ക്ക് പ്രത്യേക ഐ.ടി. പരിശീലനം കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്റെ (കൈറ്റ്) നേതൃത്വത്തില്‍ അവധിക്കാലത്ത് പൂര്‍ത്തിയാക്കി. ഹൈസ്‌ക്കൂള്‍ വിഭാഗത്തില്‍ 42,636 പേര്‍ക്കും ഹയര്‍ സെക്കന്ററിയില്‍ 22,074 പേര്‍ക്കും 9,663 പ്രൈമറി ഐ.ടി. കോ-ഓര്‍ഡിനേറ്റര്‍മാര്‍ക്കുമാണ് ഇപ്രകാരം വിഷയാധിഷ്ഠിത ഐ.ടി. പരിശീലനം നല്‍കിയത്. 34,500 ക്ലാസ് മുറികള്‍ ഹൈടെക്കാക്കുന്നതിനുള്ള ഉപകരണ വിന്യാസം നേരത്തെ പൂര്‍ത്തിയായി. പ്രൈമറി വിഭാഗം ഉള്‍പ്പെടെ 13,786 സ്‌കൂളുകളില്‍ ബ്രോഡ്ബാന്‍ഡ് ഇന്റര്‍നെറ്റ് സംവിധാനം ഏര്‍പ്പെടുത്തി. 1990 ഹൈസ്‌കൂളുകളില്‍ ലിറ്റില്‍ കൈറ്റ്‌സ് ക്ലബുകള്‍ രൂപീകരിച്ചു. ക്ലാസ് മുറികളില്‍ ഡിജിറ്റല്‍ രീതിയില്‍ വിനിമയം നടത്തുന്നതിനുള്ള 'സമഗ്ര' പോര്‍ട്ടല്‍ പരിശീലനങ്ങളില്‍ പ്രാധാന്യത്തോടെ പരിചയപ്പെടുത്തി. മൗണ്ടിംഗ്, പെയിന്റിംഗ്, ലിറ്റില്‍ കൈറ്റ്‌സ് എന്നിവയ്ക്ക് എല്ലാ സ്‌കൂളുകള്‍ക്കും തുക അനുവദിച്ചു. സ്‌കൂളുകളിലെ പ്രവര്‍ത്തന പുരോഗതി, ലാബ് സജ്ജീകരണം, മൂന്നാംഘട്ട വിന്യാസത്തിനുള്ള പരിശോധന എന്നിവ ഉള്‍പ്പെടുത്തിക്കൊണ്ടുള്ള സ്‌കൂള്‍ സര്‍വേ ആരംഭിച്ചു. സര്‍വേ അനുസരിച്ച് സജ്ജമാകുന്ന മറ്റു ക്ലാസ് മുറികളില്‍ ജൂണ്‍ രണ്ടാം വാരം ഉപകരണങ്ങള്‍ സ്ഥാപിക്കും. ഹൈടെക് ക്ലാസ് മുറികള്‍ സജ്ജമാകുന്ന പശ്ചാത്തലത്തില്‍ ലിറ്റില്‍ കൈറ്റ്‌സ് അംഗങ്ങള്‍ക്ക് പുറമെ 45,000 ഡിവിഷനുകളിലേയും ക്ലാസ് ലീഡര്‍മാരായ കുട്ടികള്‍ക്ക് പ്രത്യേക പരിശീലനം നല്‍കുന്നതിന് ക്രമീകരണങ്ങള്‍ ഏര്‍പ്പെടുത്തിയതായി കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് അറിയിച്ചു.Dt.26.5.2018.
************************
കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്‌മെന്റ് (കിലെ) തിരുവനന്തപുരം ജില്ലയിലെ കേരള കള്ള് വ്യവസായ ക്ഷേമനിധി ബോര്‍ഡിലെ രജിസ്റ്റര്‍ ചെയ്ത തൊഴിലാളികളുടെ മക്കളില്‍ 2018 ലെ എസ്.എസ്.എല്‍.സി, പ്ലസ്ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് നേടിയ കുട്ടികളെ സര്‍ട്ടിഫിക്കറ്റ് നല്‍കി അനുമോദിക്കുകയും കരിയര്‍ ഗൈഡന്‍സ് നല്‍കുകയും ചെയ്യും. ബോര്‍ഡില്‍ രജിസ്റ്റര്‍ ചെയ്ത തൊഴിലാളികളുടെ മക്കളാണെന്ന് തെളിയിക്കുന്നതിനുള്ള രേഖകളും, എസ്.എസ്.എല്‍.സി ബുക്കിന്റെ ഒന്നാമത്തെയും, അവസാനത്തെയും പേജിന്റെ സാക്ഷ്യപ്പെടുത്തിയ പകര്‍പ്പും, പ്ലസ്ടു സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പും നല്‍കണം. അപേക്ഷകള്‍ ജൂണ്‍ ഒന്നിന് മുമ്പ് എക്‌സിക്യൂട്ടീവ് ഡയറക്ടര്‍, കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്‌മെന്റ്, തൊഴില്‍ ഭവന്‍, വികാസ് ഭവന്‍ പി.ഒ., തിരുവനന്തപുരം 695033 എന്ന വിലാസത്തിലോ kile@kerala.gov.in, kiletvm@gmail.com എന്നീ ഇ-മെയിലുകളിലോ അയയ്ക്കണം. കൂടുതല്‍ വിവരങ്ങള്‍ക്ക് : 0471 2309012, 2308947, 9447262461.Dt.25.5.2018.
************************
നാല്പതു കുട്ടികളെങ്കിലുമില്ലാത്ത സർക്കാർ/എയ്ഡഡ് ഹയർ സെക്കണ്ടറി ബാച്ചുകളിൽ സ്ഥിരം അധ്യാപക നിയമനം നടത്തരുതെന്ന് സർക്കാർ ഉത്തരവായി. ഈ വ്യവസ്ഥ പാലിച്ചുകൊണ്ടു വേണം 2018-19 അധ്യയന വർഷത്തേക്ക് വിദ്യാർത്ഥികളെ പ്രവേശിപ്പിക്കേണ്ടത് എന്നും ഉത്തരവിൽ സൂചിപ്പിക്കുന്നു. 2014 നവംബറിലെ 247-ാം നമ്പർ പൊതുവിദ്യാഭ്യാസ വകുപ്പ് ഉത്തരവു പ്രകാരം അനുവദിച്ച ഹയർ സെക്കണ്ടറി ബാച്ചുകളിൽ 2017-18 അധ്യയന വർഷം കുറഞ്ഞത് 50 വിദ്യാർത്ഥികൾ ഇല്ലാത്ത 63 സർക്കാർ/എയ്ഡഡ് ഹയർ സെക്കണ്ടറി ബാച്ചുകളിൽ നിലവിലുള്ള ഉത്തരവിൽ ഇളവുവരുത്തിയാണ് 2018-19 വർഷത്തേക്കു മാത്രം സർക്കാർ പുതിയ ഉത്തരവിറക്കിയത്.Dt.25.5.2018.
************************
ഓരോ വിദ്യാർത്ഥിയുടെയും ഉള്ളിലുള്ള പ്രതിഭ കണ്ടെത്തുന്നതാവണം യഥാർത്ഥ വിദ്യാഭ്യാസമെന്ന് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് പറഞ്ഞു. സംസ്ഥാനത്തെ ഏറ്റവും മികച്ച ശാസ്ത്ര പ്രതിഭകളായ കുട്ടികൾക്ക് ഐ.ഐ.ടി, ഐ.ഐ.എം, ബി.എ.ആർ.സി തുടങ്ങിയ ദേശീയ ഇൻസ്റ്റിറ്റ്യൂട്ടുകളിൽ പരിശീലനം ലഭിക്കാൻ പൊതുവിദ്യാഭ്യാസ വകുപ്പ് ആവിഷ്‌കരിച്ച നൂതന പദ്ധതിയായ സയൻസ് ബഡീസ് ഉദ്ഘാടനം ചെയ്യുകയായിരുന്നു മന്ത്രി. കേവല ഐ.എ.എസുകാരെയോ ഐ.പി.എസുകാരെയോ ഡോക്ടർമാരെയോ എഞ്ചിനീയർമാരെയോ മാത്രം സൃഷ്ടിക്കുകയല്ല വിദ്യാഭ്യാസത്തിന്റെ ലക്ഷ്യം. എന്ത് കാണുമ്പോഴും കേൾക്കുമ്പോഴും പഠിക്കുമ്പോഴും ഇത് എന്തുകൊണ്ടാണ് എന്ന് നിരന്തരം ചോദിക്കുന്നവർക്ക് മാത്രമേ ശാസ്ത്രപ്രതിഭകളാകാൻ കഴിയൂ. സംശയവും ചോദ്യം ചെയ്യലുമാണ് ഒരു പ്രതിഭയുടെ ലക്ഷണമായി കാണേണ്ടത്. പഠിച്ച് എന്തെങ്കിലും ജോലി സമ്പാദിക്കുക എന്നതാണ് നമ്മുടെയൊക്കെ ചിന്ത. ഈ മനോഭാവം മാറാത്തതുകൊണ്ടാണ് കേരളത്തിൽനിന്ന് ഒരു ശാസ്ത്രജ്ഞൻ പോലും ഉണ്ടാകാത്തത്. സംവാദമാണ് വളർച്ചയുടെ ഉപകരണം. അതിന് ഏറ്റവും ഉപകരിക്കുന്നതാണ് വായന. വായനയിലൂടെയാണ് വിശാലമായ അറിവ് ലഭിക്കുന്നത്. റഫറൻസ് പുസ്തകങ്ങളാണ് ഏറ്റവും കൂടുതൽ വായിക്കേണ്ടത്. ഓരോ വിഷയങ്ങൾ പഠിക്കുമ്പോഴും ആഴത്തിലുള്ള ഉൾക്കാഴ്ചയും ഗവേഷണത്വരയും ഉണ്ടാകണം. എന്നാൽ മാത്രമേ പുതിയ കാര്യങ്ങൾ കണ്ടെത്താൻ കഴിയുകയുള്ളുവെന്നും മന്ത്രി പറഞ്ഞു. പൊതുവിദ്യാഭ്യാസ വകുപ്പ് സെക്രട്ടറി എ.ഷാജഹാൻ, പൊതുവിദ്യാഭ്യാസ ഡയറക്ടർ കെ.വി. മോഹൻ കുമാർ, ആർ.എം.എസ്.എ സ്റ്റേറ്റ് പ്രോജക്ട് ഡയറക്ടർ രാഹുൽ എസ്. എന്നിവർ ആശംസ നേർന്നു. ഐ.ടി ഡയറക്ടർ ബി. അബുരാജ് സ്വാഗതവും ആർ. എം. എസ്. എ അഡീഷണൽ ഡയറക്ടർ പി.എസ്.മാത്യു നന്ദിയും പറഞ്ഞു. ഓൺലൈൻ ടെസ്റ്റിലൂടെ തെരഞ്ഞെടുക്കപ്പെട്ട 70 കുട്ടികൾക്കാണ് പ്രതിഭകളായി വളരാൻ പരിശീലനം നൽകുന്നത്. സോഷ്യൽ ഇന്നവേഷൻ, റോബോട്ടിക്‌സ്, ഐ.ടി, അസ്‌ട്രോണമി, അനലറ്റിക്‌സ് എന്നിവയാണ് പദ്ധതിയിലെ വിഷയങ്ങൾ. പരിപാടിക്ക് നേതൃത്വം നൽകുന്നത് സ്റ്റേറ്റ് ഇൻസ്റ്റിറ്റ്യൂട്ട് ഓഫ് എഡ്യൂക്കേഷണൽ ടെക്‌നോളജിയാണ്. രാഷ്ട്രീയ മാധ്യമിക് ശിക്ഷാ അഭിയാന്റെ സാമ്പത്തിക പിന്തുണയോടെയാണ് പദ്ധതി നടപ്പാക്കുന്നത്. പരിശീലന പരിപാടി ഇന്ന് (മെയ് 26) സമാപിക്കും. Dt.25.5.2018.
************************
ഭിന്നശേഷിയുള്ള കുട്ടികള്‍ക്ക് വിദ്യാഭ്യാസം, പരിശീലനം, പരിപാലനം എന്നിവ നല്‍കുന്ന സ്ഥാപനങ്ങള്‍ എല്ലാം സര്‍ക്കാര്‍ അംഗീകൃത ഏജന്‍സികളില്‍ നിര്‍ബന്ധമായും രജിസ്റ്റര്‍ ചെയ്യണമെന്ന് അംഗപരിമിതര്‍ക്കുള്ള സംസ്ഥാന കമ്മീഷണര്‍ അറിയിച്ചു. രജിസ്‌ട്രേഷന്‍ ഇല്ലാതെ അനധികൃതമായി നടത്തുന്ന സ്ഥാപനങ്ങള്‍ക്കെതിരെ നിയമനടപടികളും പ്രവര്‍ത്തനം നിര്‍ത്തുന്നതിനുള്ള നടപടികളും സ്വീകരിക്കും. റിഹാബിലിറ്റേഷന്‍ കൗണ്‍സില്‍ ഓഫ് ഇന്ത്യയുടെ അംഗീകാരമുള്ളവര്‍ മാത്രമേ ഇത്തരം സ്ഥാപനങ്ങളില്‍ അധ്യാപകരായും കൗണ്‍സലര്‍മാരായും പ്രവര്‍ത്തിക്കാനാകൂ. ഇത്തരം സ്ഥാപനങ്ങള്‍ ഈടാക്കുന്ന ഫീസും സംഭാവനകളും സ്ഥാപനത്തിന്റെ പേരിലുള്ള ബാങ്ക് അക്കൗണ്ട് വഴിയേ സ്വീകരിക്കാവൂ. സ്വീകരിക്കുന്ന തുകയ്ക്ക് സ്ഥാപനത്തിന്റെ രസീത് നല്‍കണം. രസീത് ലഭിച്ചെന്ന് തുക നല്‍കുന്നവര്‍ ഉറപ്പാക്കണം. ഇക്കാര്യങ്ങള്‍ ജനശ്രദ്ധ ലഭിക്കുന്ന രീതിയില്‍ സ്ഥാപനങ്ങളില്‍ ബോര്‍ഡ് പ്രദര്‍ശിപ്പിക്കണമെന്നും അംഗപരിമിതര്‍ക്കായുള്ള സംസ്ഥാന കമ്മീഷണര്‍ അറിയിച്ചു.Dt.24.5.2018.
************************
പൊതുവിദ്യാഭ്യാസ വകുപ്പ്/എസ്.സി.ഇ.ആര്‍.റ്റി 2017 നവംബറില്‍ നടത്തിയ നാഷണല്‍ മീന്‍സ്-കം-മെറിറ്റ് സ്‌കോളര്‍ഷിപ്പിനായുള്ള യോഗ്യതാ പരീക്ഷയുടെ ഫലം പൊതുവിദ്യാഭ്യാസ വകുപ്പിന്റെയും കൈറ്റി (ഐടി@സ്‌കൂള്‍) ന്റെയും വെബ്‌സൈറ്റുകളില്‍ പ്രസിദ്ധീകരിച്ചു. ഓരോ ജില്ലകള്‍ക്കും നീക്കിവച്ചിട്ടുള്ള നിശ്ചിത എണ്ണം സ്‌കോളര്‍ഷിപ്പുകള്‍ക്ക് അതത് ജില്ലകളില്‍ നിന്നും ഏറ്റവും കൂടുതല്‍ മാര്‍ക്ക് വാങ്ങിയ കുട്ടികളെയാണ് ജനറല്‍ വിഭാഗത്തില്‍ ഉള്‍പ്പെടുത്തിയിട്ടുള്ളത്. ഓരോ ജില്ലയിലും സ്‌കോളര്‍ഷിപ്പിന് അര്‍ഹത നേടിയ കുട്ടികളുടെ വിവരങ്ങള്‍ വിദ്യാഭ്യാസ ഉപഡയറക്ടറുടെയും ജില്ലാ വിദ്യാഭ്യാസ ഓഫീസറുടെയും കാര്യാലയത്തില്‍ പരിശോധനയ്ക്ക് ലഭിക്കും. നാഷണല്‍ മീന്‍സ്-കം-മെറിറ്റ് സ്‌കോളര്‍ഷിപ്പിന് അര്‍ഹത നേടിയവര്‍ ന്യൂനപക്ഷ പ്രീ-മെട്രിക് സ്‌കോളര്‍ഷിപ്പ് ഉള്‍പ്പെടെയുള്ള മറ്റ് കേന്ദ്രാവിഷ്‌കൃത സ്‌കോളര്‍ഷിപ്പുകള്‍ക്ക് അപേക്ഷിക്കാന്‍ പാടില്ല. 2018-19 വര്‍ഷം സ്‌കോളര്‍ഷിപ്പിന് അര്‍ഹത നേടിയവര്‍ നാഷണല്‍ സ്‌കോളര്‍ഷിപ്പ് പോര്‍ട്ടല്‍ (എന്‍.എസ്.പി) വഴി ഓണ്‍ലൈന്‍ അപേക്ഷ സമര്‍പ്പിക്കണം. ഇത് സംബന്ധിച്ച നിര്‍ദേശങ്ങള്‍ പിന്നീട് നല്‍കും. കൂടുതല്‍ വിവരങ്ങള്‍ക്ക് 0471 2328438, 9496304015.Dt.24.5.2018.
************************
ഈ മാസം 31 വരെ കോഴിക്കോട് ജില്ലയില്‍ നടത്താനിരുന്ന പി.എസ്.സി പരീക്ഷകളും കാലിക്കറ്റ് സര്‍വകലാശാലയുടെ പരീക്ഷകളും മാറ്റിവെക്കാന്‍ കലക്ടര്‍ നിര്‍ദേശിച്ചു.Dt.24.5.2018.
************************
സംസ്ഥാനത്തെ സര്‍ക്കാര്‍ സ്‌കൂളുകളിലെ ലൈബ്രറി സംവിധാനം മെച്ചപ്പെടുത്തുന്നതിന്റെ ഭാഗമായി 2018-19 വര്‍ഷത്തില്‍ പ്രൈമറി/ഹൈസ്‌കൂള്‍ ലൈബ്രറികള്‍ക്ക് ആവശ്യമായ പുസ്തകങ്ങള്‍ വിതരണം ചെയ്യും. ഇതിന് പ്രസാധകരില്‍ നിന്നും കാറ്റലോഗ് ക്ഷണിച്ചു. ജൂണ്‍ 15 ന് മുമ്പ് പൊതുവിദ്യാഭ്യാസ ഡയറക്ടര്‍, ജഗതി, തിരുവനന്തപുരം 14 എന്ന വിലാസത്തില്‍ കാറ്റലോഗ് സമര്‍പ്പിക്കണം.Dt.24.5.2018.
************************
മത്സ്യബോര്‍ഡില്‍ അംഗത്വമുള്ള മത്സ്യത്തൊഴിലാളികളുടെ മക്കള്‍ക്ക് കായിക രംഗത്ത് പ്രോത്സാഹനം നല്‍കുന്നതിന് മത്സ്യബോര്‍ഡ് ഏര്‍പ്പെടുത്തിയ ക്യാഷ് അവാര്‍ഡിന് അപേക്ഷിക്കാം. 2017-18 അധ്യയന വര്‍ഷത്തില്‍ ദേശീയ തലത്തിലും സംസ്ഥാന തലത്തിലും നടക്കുന്ന വ്യക്തിഗത/ഗ്രൂപ്പ് കായിക മത്സരങ്ങളില്‍ സമ്മാനാര്‍ഹരാകുന്ന വിദ്യാര്‍ത്ഥികള്‍ക്ക് മത്സ്യബോര്‍ഡില്‍ നിന്നും പ്രത്യേക ക്യാഷ് അവാര്‍ഡും സര്‍ട്ടിഫിക്കറ്റും നല്‍കും. ജൂണ്‍ 30ന് വൈകിട്ട് നാലിനകം അപേക്ഷ നല്‍കണം. ദേശീയ തലത്തില്‍ ഒന്നാം സ്ഥാനക്കാര്‍ക്ക് 10,000 രൂപയും, രണ്ടാം സ്ഥാനക്കാര്‍ക്ക് 8,000 രൂപയും, മൂന്നാം സ്ഥാനക്കാര്‍ക്ക് 5,000 രൂപയും നല്‍കും. ദേശീയ മത്സരങ്ങളില്‍ സംസ്ഥാനത്തെ പ്രതിനിധീകരിക്കുന്നവര്‍ക്ക് ഗ്രൂപ്പടിസ്ഥാനത്തില്‍ 5,000 രൂപയും ഒന്നാം സ്ഥാനക്കാര്‍ക്ക് 8,000 രൂപയും രണ്ടാം സ്ഥാനക്കാര്‍ക്ക് 5,000 രൂപയും മൂന്നാം സ്ഥാനക്കാര്‍ക്ക് 3,000 രൂപയും ലഭിക്കും. സംസ്ഥാന തലത്തില്‍ ഒന്നാം സ്ഥാനക്കാര്‍ക്ക് 5,000 രൂപയും രണ്ടാം സ്ഥാനക്കാര്‍ക്ക് 3,000 രൂപയും മൂന്നാം സ്ഥാനക്കാര്‍ക്ക് 2,000 രൂപയും ഗ്രൂപ്പ് അടിസ്ഥാനത്തില്‍ ഒന്നാം സ്ഥാനക്കാര്‍ക്ക് 3,000 രൂപയും രണ്ടാം സ്ഥാനം നേടുന്നവര്‍ക്ക് 2,000 രൂപയും മൂന്നാം സ്ഥാനക്കാര്‍ക്ക് 1,000 രൂപയും നല്‍കും. ഒരാള്‍ക്ക് ഒന്നില്‍ കൂടുതല്‍ ക്യാഷ് അവാര്‍ഡുകള്‍ക്ക് യോഗ്യത നേടാനായാലും ഏറ്റവും ഉയര്‍ന്ന ക്യാഷ് അവാര്‍ഡ് മാത്രമേ പരിഗണിക്കൂ. വെള്ളക്കടലാസില്‍ നല്‍കുന്ന അപേക്ഷയോടൊപ്പം മത്സ്യബോര്‍ഡ് ഫിഷറീസ് ഓഫീസര്‍ സാക്ഷ്യപ്പെടുത്തിയ സര്‍ട്ടിഫിക്കറ്റിന്റെ മതസ്്യത്തൊഴിലാളിയാണെന്ന് തെളിയിക്കുന്ന പാസ് ബുക്ക്, വിഹിതമടച്ച പേജിന്റെ സര്‍ട്ടിഫിക്കറ്റ്, വിദ്യാര്‍ത്ഥിയാണെങ്കില്‍ പഠിക്കുന്ന സ്ഥാപനത്തില്‍ നന്നുള്ള സര്‍ട്ടിഫിക്കറ്റ് എന്നിവ നല്‍കണം. Dt.23.5.2018.
************************
എസ്.എസ്.എല്‍.സി, ടി.എച്ച്.എസ്.എല്‍.സി, ഗവണ്‍മെന്റ് റീജിയണല്‍ ഫിഷറീസ് ടെക്‌നിക്കല്‍ ഹൈസ്‌ക്കൂളിലെ എസ്.എസ്.എല്‍.സി, പ്ലസ് ടു, വി.എച്ച്.എസ്.ഇ പരീക്ഷകളില്‍ ഉയര്‍ന്ന മാര്‍ക്ക് നേടിയ മത്സ്യത്തൊഴിലാളികളുടെയും അനുബന്ധതൊഴിലാളികളുടെയും മക്കള്‍ക്ക് പ്രോത്സാഹന സമ്മാനം നല്‍കുന്ന പദ്ധതിയിലേക്ക് മത്സ്യബോര്‍ഡ് അപേക്ഷ ക്ഷണിച്ചു. ജൂണ്‍ 30 ന് വൈകിട്ട് നാലിനകം അപേക്ഷ നല്‍കണം. പ്ലസ് ടു വിനും വി.എച്ച്.എസ്.എല്‍.സി പരീക്ഷയില്‍ എല്ലാ വിഷയത്തിലും എ പ്ലസ് ഗ്രേഡ് ലഭിച്ചിട്ടുള്ള കുട്ടികള്‍ക്ക് 5,000 രൂപയും, ഒന്‍പത് എ പ്ലസ് ലഭിച്ചവര്‍ക്ക് 4,000 രൂപയും, എട്ട് എ പ്ലസ് ലഭിച്ചവര്‍ക്ക് 3,000 രൂപയുമാണ് സമ്മാനം. പ്ലസ് ടു വിനും വി.എച്ച്.എസ്.ഇ ക്കും എല്ലാ വിഷയത്തിലും എ പ്ലസ് ഗ്രേഡ് ലഭിച്ചവര്‍ക്ക് 5,000 രൂപ നല്‍കും. ഗവണ്‍മെന്റ് റീജിയണല്‍ ഫിഷറീസ് ടെക്‌നിക്കല്‍ ഹൈസ്‌കൂളുകളില്‍ എസ്.എസ്.എല്‍.സി പരീക്ഷകളില്‍ ഓരോ സ്‌കൂളിലും ഏറ്റവും ഉയര്‍ന്ന ഗ്രേഡ് ലഭിച്ച മൂന്ന് വിദ്യാര്‍ത്ഥികള്‍ക്ക് പാരിതോഷികം നല്‍കും. ഫിഷറീസ് ഓഫീസര്‍മാര്‍ ഇത് സംബന്ധിച്ച വിവരം നോട്ടീസ് ബോര്‍ഡില്‍ പതിക്കുകയും മത്സ്യത്തൊഴിലാളികളെ അറിയിക്കുകയും വേണം. അതത് മത്സ്യഗ്രാമത്തിന്റെ പരിധിയിലുള്ള സ്‌കൂള്‍ മേധാവികളെയും വിവരം അറിയിക്കണം.Dt.23.5.2018.
************************
2018-19 അധ്യയന വര്‍ഷത്തില്‍ സംസ്ഥാനത്തെ എല്ലാ സര്‍ക്കാര്‍/എയ്ഡഡ് ഹയര്‍ സെക്കന്ററി സ്‌കൂളുകളിലും പ്ലസ് വണ്‍ കോഴ്‌സിന്, സര്‍ക്കാരിന് അധിക സാമ്പത്തിക ബാധ്യത വരാത്ത വിധത്തില്‍ 20 ശതമാനം മാര്‍ജിനല്‍ സീറ്റ് വര്‍ദ്ധനവ് വരുത്തി ഉത്തരവായി.Dt.23.5.2018.
************************
സംസ്ഥാന ഇന്‍ഷ്വറന്‍സ് വകുപ്പ് നടത്തുന്ന എസ്.എല്‍.ഐ/ഗ്രൂപ്പ് ഇന്‍ഷ്വറന്‍സ് എന്നീ പദ്ധതികളില്‍ അംഗങ്ങളായിട്ടുള്ള ജീവനക്കാരുടെ മുന്‍കാല പ്രീമിയം/വരിസംഖ്യ അടവ് വിവരങ്ങള്‍ ഡ്രായിംഗ് ആന്റ് ഡിസ്‌ബേഴ്‌സിംഗ് ഓഫീസര്‍മാര്‍ മുഖേന ശേഖരിക്കുന്നതിനുള്ള പ്രവര്‍ത്തനങ്ങള്‍ സര്‍ക്കാര്‍ ഉത്തരവ് അനുസരിച്ച് ഏപ്രില്‍ 30 ന് അവസാനിച്ചു. അതിനാല്‍ ഡാറ്റാഎന്‍ട്രി പ്രവര്‍ത്തനങ്ങളുടെ ഭാഗമായി നല്‍കിവരുന്ന സേവനങ്ങള്‍ വകുപ്പിന്റെ ഓഫീസുകളില്‍ നിന്നോ വിശ്വാസ് സോഫ്റ്റ്‌വെയര്‍ മുഖേനയോ ഇപ്പോള്‍ ലഭ്യമല്ല. എന്നാല്‍ ഈ ആവശ്യത്തിനായി നിരവധി ജീവനക്കാര്‍ ഇന്‍ഷ്വറന്‍സ് വകുപ്പിന്റെ ഓഫീസുകളില്‍ എത്തുന്നുണ്ട്. ഇത് സംബന്ധിച്ച് ഇനിയൊരു സര്‍ക്കാര്‍ നിര്‍ദ്ദേശമുണ്ടാകുന്നതുവരെ സേവനങ്ങള്‍ വകുപ്പിന്റെ ഓഫീസുകളില്‍ നിന്നും ലഭിക്കില്ല. Dt.19.5.2018.
************************
അടുത്ത അധ്യയന വര്‍ഷത്തില്‍ മുഴുവന്‍ വിദ്യാര്‍ത്ഥികള്‍ക്കും എ പ്ലസ് എന്ന ലക്ഷ്യം മുന്‍നിര്‍ത്തി, എസ്.എസ്.എല്‍.സി. പരീക്ഷ എഴുതുന്ന വിദ്യാര്‍ത്ഥികളുടെ പഠന പ്രയാസങ്ങള്‍ തിരിച്ചറിയുന്നതിനും അതു പരിഹരിക്കുന്നതിനുമുള്ള ശാസ്ത്രീയമായ ഇടപെടല്‍ നടത്താന്‍ പൊതുവിദ്യാഭ്യാസ വകുപ്പ് തീരുമാനിച്ചു. 2019 ഫെബ്രുവരി ആദ്യവാരം നടക്കുന്ന മോഡല്‍ പരീക്ഷയുടെ അടിസ്ഥാനത്തിലായിരിക്കും കുട്ടികള്‍ക്ക് ഓരോ വിഷയത്തിലും പ്രത്യേക ശ്രദ്ധ നല്കുക. മോഡല്‍ പരീക്ഷയിലെ ഉത്തരക്കടലാസുകളുടെ മൂല്യനിര്‍ണ്ണയം നടത്തിയശേഷം വിദ്യാര്‍ത്ഥികള്‍ പഠനപ്രയാസം നേരിടുന്ന വിഷയങ്ങളില്‍ ഫെബ്രുവരി 15 മുതല്‍ 28 വരെ പ്രത്യേക പരിശീലനം നല്കി എസ്.എസ്.എല്‍.സി പരീക്ഷയിലെ നില മെച്ചപ്പെടുത്തുന്നതിന് ഇടപെടല്‍ നടത്തും. 201 പ്രവൃത്തിദിനങ്ങള്‍ ഉള്‍പ്പെടുത്തി ഈ വര്‍ഷത്തെ അക്കാഡമിക് കലണ്ടറിന് അംഗീകാരം നല്‍കി. ആറാം പ്രവൃത്തിദിനമല്ലാത്ത 8 ശനിയാഴ്ചകള്‍ പ്രവൃത്തിദിനമായി കൂട്ടിച്ചേര്‍ത്തു. ജൂണ്‍ ഒന്നിന് സ്‌കൂളുകള്‍ തുറക്കും. വര്‍ഷാവസാന പരീക്ഷകള്‍ക്കുള്ള തയ്യാറെടുപ്പിന് കൂടുതല്‍ ശ്രദ്ധ നല്‍കുന്നതിനുവേണ്ടി ഈ വര്‍ഷത്തെ പാഠ്യേതര പ്രവര്‍ത്തനങ്ങള്‍ ഡിസംബര്‍ 31-ന് മുമ്പ് പൂര്‍ത്തിയാക്കും. ജനുവരി, ഫെബ്രുവരി മാസങ്ങളില്‍ പരീക്ഷകള്‍ക്ക് മുന്‍തൂക്കം നല്‍കും. സംസ്ഥാന സ്‌കൂള്‍ കലോത്സവം ഡിസംബര്‍ 5,6,7,8,9 തീയതികളില്‍ ആലപ്പുഴയില്‍ നടക്കും. സെപ്റ്റംബര്‍ മാസം സ്‌കൂള്‍തല കലോത്സവങ്ങള്‍ പൂര്‍ത്തിയാക്കും. ഒക്ടോബര്‍ മാസത്തില്‍ സബ്ജില്ലാതലത്തിലും നവംബര്‍ ആദ്യവാരത്തോടെ ജില്ലാതലത്തിലും കലോത്സവങ്ങള്‍ പൂര്‍ത്തിയാക്കും. സംസ്ഥാന ശാസ്‌ത്രോത്സവം നവംബര്‍ 9 മുതല്‍ 11 വരെ നടക്കും. കലോത്സവത്തിലെ പോലെ ഈ വര്‍ഷം ശാസ്‌ത്രോത്സവത്തിലും എല്‍.പി.സ്‌കൂള്‍ തലത്തിലുള്ള മത്സരങ്ങള്‍ സബ്ജില്ലാ തലത്തിലും യു.പി.സ്‌കൂള്‍ തലത്തിലുള്ള മത്സരങ്ങള്‍ ജില്ലാതലത്തിലും അവസാനിപ്പിക്കും. ഹൈസ്‌കൂള്‍, ഹയര്‍ സെക്കണ്ടറി സ്‌കൂള്‍ തലത്തിലുള്ള വിദ്യാര്‍ത്ഥികള്‍ മാത്രമായിരിക്കും സംസ്ഥാനതല ശാസ്‌ത്രോത്സവത്തില്‍ പങ്കെടുക്കുക. സംസ്ഥാനതല സര്‍ഗ്ഗോത്സവം ഡിസംബര്‍ 27 മുതല്‍ 30 വരെ ആയിരിക്കും ഒന്നാം പാദവാര്‍ഷിക പരീക്ഷ ആഗസ്റ്റ് 30ന് ആരംഭിക്കും. രണ്ടാം പാദവാര്‍ഷിക പരീക്ഷ ഡിസംബര്‍ 12 മുതല്‍ 20 വരെ ആയിരിക്കും. ഒന്നു മുതല്‍ ഒന്‍പതുവരെയുള്ള ക്ലാസ്സുകളിലെ വാര്‍ഷിക പരീക്ഷ ഫെബ്രുവരി മൂന്നാം വാരവും എസ്.എസ്.എല്‍.സി., ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി വാര്‍ഷിക പരീക്ഷകള്‍ മാര്‍ച്ച് 6 മുതല്‍ 25 വരെയും നടക്കും.Dt.19.5.2018.
************************
അടുത്ത അധ്യയന വര്‍ഷത്തില്‍ മുഴുവന്‍ വിദ്യാര്‍ത്ഥികള്‍ക്കും എ പ്ലസ് എന്ന ലക്ഷ്യം മുന്‍നിര്‍ത്തി, എസ്.എസ്.എല്‍.സി. പരീക്ഷ എഴുതുന്ന വിദ്യാര്‍ത്ഥികളുടെ പഠന പ്രയാസങ്ങള്‍ തിരിച്ചറിയുന്നതിനും അതു പരിഹരിക്കുന്നതിനുമുള്ള ശാസ്ത്രീയമായ ഇടപെടല്‍ നടത്താന്‍ പൊതുവിദ്യാഭ്യാസ വകുപ്പ് തീരുമാനിച്ചു. 2019 ഫെബ്രുവരി ആദ്യവാരം നടക്കുന്ന മോഡല്‍ പരീക്ഷയുടെ അടിസ്ഥാനത്തിലായിരിക്കും കുട്ടികള്‍ക്ക് ഓരോ വിഷയത്തിലും പ്രത്യേക ശ്രദ്ധ നല്കുക. മോഡല്‍ പരീക്ഷയിലെ ഉത്തരക്കടലാസുകളുടെ മൂല്യനിര്‍ണ്ണയം നടത്തിയശേഷം വിദ്യാര്‍ത്ഥികള്‍ പഠനപ്രയാസം നേരിടുന്ന വിഷയങ്ങളില്‍ ഫെബ്രുവരി 15 മുതല്‍ 28 വരെ പ്രത്യേക പരിശീലനം നല്കി എസ്.എസ്.എല്‍.സി പരീക്ഷയിലെ നില മെച്ചപ്പെടുത്തുന്നതിന് ഇടപെടല്‍ നടത്തും. 201 പ്രവൃത്തിദിനങ്ങള്‍ ഉള്‍പ്പെടുത്തി ഈ വര്‍ഷത്തെ അക്കാഡമിക് കലണ്ടറിന് അംഗീകാരം നല്‍കി. ആറാം പ്രവൃത്തിദിനമല്ലാത്ത 8 ശനിയാഴ്ചകള്‍ പ്രവൃത്തിദിനമായി കൂട്ടിച്ചേര്‍ത്തു. ജൂണ്‍ ഒന്നിന് സ്‌കൂളുകള്‍ തുറക്കും. വര്‍ഷാവസാന പരീക്ഷകള്‍ക്കുള്ള തയ്യാറെടുപ്പിന് കൂടുതല്‍ ശ്രദ്ധ നല്‍കുന്നതിനുവേണ്ടി ഈ വര്‍ഷത്തെ പാഠ്യേതര പ്രവര്‍ത്തനങ്ങള്‍ ഡിസംബര്‍ 31-ന് മുമ്പ് പൂര്‍ത്തിയാക്കും. ജനുവരി, ഫെബ്രുവരി മാസങ്ങളില്‍ പരീക്ഷകള്‍ക്ക് മുന്‍തൂക്കം നല്‍കും. സംസ്ഥാന സ്‌കൂള്‍ കലോത്സവം ഡിസംബര്‍ 5,6,7,8,9 തീയതികളില്‍ ആലപ്പുഴയില്‍ നടക്കും. സെപ്റ്റംബര്‍ മാസം സ്‌കൂള്‍തല കലോത്സവങ്ങള്‍ പൂര്‍ത്തിയാക്കും. ഒക്ടോബര്‍ മാസത്തില്‍ സബ്ജില്ലാതലത്തിലും നവംബര്‍ ആദ്യവാരത്തോടെ ജില്ലാതലത്തിലും കലോത്സവങ്ങള്‍ പൂര്‍ത്തിയാക്കും. സംസ്ഥാന ശാസ്‌ത്രോത്സവം നവംബര്‍ 9 മുതല്‍ 11 വരെ നടക്കും. കലോത്സവത്തിലെ പോലെ ഈ വര്‍ഷം ശാസ്‌ത്രോത്സവത്തിലും എല്‍.പി.സ്‌കൂള്‍ തലത്തിലുള്ള മത്സരങ്ങള്‍ സബ്ജില്ലാ തലത്തിലും യു.പി.സ്‌കൂള്‍ തലത്തിലുള്ള മത്സരങ്ങള്‍ ജില്ലാതലത്തിലും അവസാനിപ്പിക്കും. ഹൈസ്‌കൂള്‍, ഹയര്‍ സെക്കണ്ടറി സ്‌കൂള്‍ തലത്തിലുള്ള വിദ്യാര്‍ത്ഥികള്‍ മാത്രമായിരിക്കും സംസ്ഥാനതല ശാസ്‌ത്രോത്സവത്തില്‍ പങ്കെടുക്കുക. സംസ്ഥാനതല സര്‍ഗ്ഗോത്സവം ഡിസംബര്‍ 27 മുതല്‍ 30 വരെ ആയിരിക്കും ഒന്നാം പാദവാര്‍ഷിക പരീക്ഷ ആഗസ്റ്റ് 30ന് ആരംഭിക്കും. രണ്ടാം പാദവാര്‍ഷിക പരീക്ഷ ഡിസംബര്‍ 12 മുതല്‍ 20 വരെ ആയിരിക്കും. ഒന്നു മുതല്‍ ഒന്‍പതുവരെയുള്ള ക്ലാസ്സുകളിലെ വാര്‍ഷിക പരീക്ഷ ഫെബ്രുവരി മൂന്നാം വാരവും എസ്.എസ്.എല്‍.സി., ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി വാര്‍ഷിക പരീക്ഷകള്‍ മാര്‍ച്ച് 6 മുതല്‍ 25 വരെയും നടക്കും.Dt.19.5.2018.
************************
മാര്‍ച്ചിലെ (2018) എസ്.എസ്.എല്‍.സി പരീക്ഷയില്‍ റഗുലര്‍ വിഭാഗത്തില്‍പ്പെട്ട വിദ്യാര്‍ത്ഥികളില്‍ പരമാവധി രണ്ടു പേപ്പറുകള്‍ക്ക് കുറഞ്ഞത് ഡി+ ഗ്രേഡ് എങ്കിലും ലഭിക്കാത്തതിനാല്‍ ഉന്നത വിദ്യാഭ്യാസത്തിന് അര്‍ഹത നഷ്ടപ്പെട്ടവര്‍ക്ക് എസ്.എസ്.എല്‍.സി/റ്റി.എച്ച്.എസ്.എല്‍.സി (സേ) പരീക്ഷകള്‍ മേയ് 21ന് ആരംഭിച്ച് മേയ് 25ന് അവസാനിക്കും. സംസ്ഥാനത്തൊട്ടാകെ 65 കേന്ദ്രങ്ങളിലും ലക്ഷദ്വീപിലെ ഒന്‍പത് കേന്ദ്രങ്ങളിലുമായി 7,671 വിദ്യാര്‍ത്ഥികള്‍ എസ്.എസ്.എല്‍.സി (സേ) പരീക്ഷ എഴുതും. ആണ്‍കുട്ടികള്‍ -5,121, പെണ്‍കുട്ടികള്‍ -2,550. സംസ്ഥാനത്തൊട്ടാകെ 10 കേന്ദ്രങ്ങളിലായി 49 വിദ്യാര്‍ത്ഥികള്‍ റ്റി.എച്ച്.എസ്.എല്‍.സി (സേ) പരീക്ഷ എഴുതും. എ.എച്ച്.എസ്.എല്‍.സി (സേ) പരീക്ഷ കലാമണ്ഡലം ആര്‍ട്ട് എച്ച്.എസ്.എസ് വളളത്തോള്‍ നഗര്‍ സെന്ററില്‍ മെയ് 23ന് നടത്തും. ഈ വിഭാഗത്തില്‍ ആകെ ഒന്‍പത് കുട്ടികള്‍ പരീക്ഷ എഴുതുന്നുണ്ട്. നാലു കേന്ദ്രീകൃത മൂല്യനിര്‍ണ്ണയ ക്യാമ്പുകളിലായി ഉത്തരക്കടലാസ് മൂല്യനിര്‍ണ്ണയം മേയ് 30, 31 തീയതികളില്‍ നടത്തും.Dt.19.5.2018.
************************
ലോവര്‍ പ്രൈമറി വിഭാഗം, അപ്പര്‍ പ്രൈമറി വിഭാഗം, ഹൈസ്‌കൂള്‍ വിഭാഗം, സ്‌പെഷ്യല്‍ വിഭാഗം (ഭാഷാ യു.പി) തലംവരെ/സ്‌പെഷ്യല്‍ വിഷയങ്ങള്‍-ഹൈസ്‌കൂള്‍ തലം വരെ) എന്നിവയിലെ അധ്യാപക യോഗ്യത പരീക്ഷക്ക് (കെ-ടെറ്റ്) വേണ്ടിയുളള വിജ്ഞാപനം പ്രസിദ്ധികരിച്ചു. കാറ്റഗറി ഒന്നും രണ്ടും പരീക്ഷകള്‍ ജൂണ്‍ 23നും കാറ്റഗറി മൂന്നും നാലും പരീക്ഷകള്‍ ജൂണ്‍ 30നും വിവിധ സെന്ററുകളില്‍ നടക്കും. കെ-ടെറ്റ് ജൂണ്‍ 2018 ല്‍ പങ്കെടുക്കുന്നതിനുളള ഓണ്‍ലൈന്‍ അപേക്ഷയും, ഫീസും www.keralapareekshabhavan.in എന്ന വെബ്‌സൈറ്റ്/ ktet.kerala.gov.in വെബ്‌പോര്‍ട്ടല്‍ വഴി മെയ് 19 മുതല്‍ 30 വരെ സമര്‍പ്പിക്കാം. ഒന്നിലധികം കാറ്റഗറികള്‍ക്ക് അപേക്ഷിക്കുന്നവര്‍ ഓരോ കാറ്റഗറിക്കും 500 രൂപയും എസ്.സി/എസ്.ടി/പി.എച്ച്/ബ്ലയിന്റ് വിഭാഗത്തിലുളളവര്‍ 250 രൂപയും അടയ്ക്കണം. ഓണ്‍ലൈന്‍ നെറ്റ്ബാങ്കിംഗ്, ക്രെഡിറ്റ്/ഡെബിറ്റ് കാര്‍ഡ് എന്നിവ മുഖേന പരീക്ഷാ ഫീസ് അടയ്ക്കാം. ഓരോ കാറ്റഗറിയിലേക്കും അപേക്ഷിക്കാനുളള യോഗ്യതയുടെ വിവരങ്ങള്‍ അടങ്ങിയ പ്രോസ്‌പെക്ടസും, ഓണ്‍ലൈന്‍ രജിസ്‌ട്രേഷന്‍ നടത്തുന്നതിനുളള മാര്‍ഗനിര്‍ദേശങ്ങളും www.keralapareekshabhavan.in/ktet.kerala.gov.in ല്‍ ലഭിക്കും. ഒന്നോ അതിലധികമോ കാറ്റഗറികളില്‍ ഒരുമിച്ച് ഒരു പ്രാവശ്യം മാത്രമേ അപേക്ഷിക്കാന്‍ കഴിയുകയുളളു. അപേക്ഷ സമര്‍പ്പിച്ച് ഫീസ് അടച്ച് കഴിഞ്ഞാല്‍ തിരുത്തലുകള്‍ അനുവദിക്കില്ല. അതിനാല്‍ അപേക്ഷിക്കുന്നതിനുമുമ്പ് മാര്‍ഗനിര്‍ദേശങ്ങള്‍ വായിച്ചിരിക്കണം. പേര്, ജനനതീയതി, കാറ്റഗറി, ജാതി, വിഭാഗം എന്നിവ വളരെ ശ്രദ്ധയോടെ പൂരിപ്പിക്കണം. പിന്നീട് തിരുത്തലുകള്‍ അനുവദിക്കുന്നതല്ല. അഡ്മിറ്റ് കാര്‍ഡ് ജൂണ്‍ 18 മുതല്‍ ഡൗണ്‍ലോഡ് ചെയ്യാം. മള്‍ട്ടിപ്പിള്‍ ചോയ്‌സ് മാത്യകയിലുളള ടെസ്റ്റില്‍ എല്ലാ കാറ്റഗറികളിലും (കാറ്റഗറി I, II, III, IV ) പാര്‍ട്ട് I, II, III, എന്നിങ്ങനെയായി വിഭജിച്ച് ആകെ 150 മാര്‍ക്കിന്റെ വീതം ചോദ്യങ്ങള്‍ ഉണ്ടാകും. കാറ്റഗറി I (എല്‍.പി) ചൈല്‍ഡ് ഡെവലപ്‌മെന്റ് ആന്റ് പെഡഗോഗി, മാത്തമാറ്റിക്‌സ്, ഇ.വി.എസ്, ലാംഗ്വേജ് I(മലയാളം, തമിഴ്, കന്നട) ലാംഗ്വേജ് II (ഇംഗ്ലീഷ്, അറബിക്) എന്നിവയാണ് ചോദ്യങ്ങളായി ഉണ്ടാവുക. കാറ്റഗറി: II (യു.പി) ലും 150 മാര്‍ക്കിന്റെ ചോദ്യങ്ങള്‍ ഉണ്ട്. ഇതില്‍ ചൈല്‍ഡ് ഡവലപ്‌മെന്റ് ആന്റ് പെഡഗോഗി, മാത്തമാറ്റിക്‌സ്, സയന്‍സ് അല്ലെങ്കില്‍ സോഷ്യല്‍ സയന്‍സ്, ലാംഗ്വേജ് I & IIഎന്നിവയുടെ ചോദ്യങ്ങളാണ് ഉണ്ടാവുക. കാറ്റഗറി: III (എച്ച്.എസ്) ല്‍ അഡോളസെന്‍സ് സൈക്കോളജി, ലാംഗ്വേജ്, സബ്ജക്ട് സ്‌പെസിഫിക് പേപ്പര്‍ എന്നിവയുടെ 150 ചോദ്യങ്ങളാണ് ഉണ്ടാവുക. കാറ്റഗറി: IV ചൈള്‍ഡ് ഡവലപ്‌മെന്റ് ആന്റ് പെഡഗോഗി, ലാംഗ്വേജ്, സബ്ജക്ട് സ്‌പെസിഫിക് പേപ്പര്‍ എന്നിവയുടെ 150 ചോദ്യങ്ങളാണ് ഉണ്ടാവുക. കേരളത്തിലെ സര്‍ക്കാര്‍/എയ്ഡഡ് സ്‌കൂളുകളിലെ അധ്യാപക നിയമനത്തിന് യോഗ്യതാ മാനദണ്ഡമായി ടെറ്റ് പരീക്ഷാ യോഗ്യത പരിഗണിക്കും. സി-ടെറ്റ് പ്രൈമറി സ്റ്റേജ് പാസായവരെ കെ-ടെറ്റ് I കാറ്റഗറി നിന്നും സി-ടെറ്റ് എലിമെന്ററി സ്റ്റേജ് പാസായവരെ കെ-ടെറ്റ് II ല്‍ നിന്നും നെറ്റ്, സെറ്റ് എം.ഫില്‍, പി.എച്ച്.ഡി, എം.എഡ് എന്നീ യോഗ്യതകള്‍ നേടിയവരെ കെ-ടെറ്റ് കാറ്റഗറി I മുതല്‍ IV വരെ നേടുന്നതില്‍ നിന്നും കെ- ടെറ്റ് കാറ്റഗറി III വിജയിച്ചവരെ കാറ്റഗറി II നേടുന്നതില്‍ നിന്നും ഒഴിവാക്കാവുന്നതാണ്. കെ -ടെറ്റ് കാറ്റഗറി - I, II എന്നിവയില്‍ ഏതെങ്കിലും ഒന്ന് വിജയിച്ചവരെ എല്‍.പി, യു.പി അധ്യാപക നിയമനങ്ങള്‍ക്ക് പരിഗണിക്കാം.Dt.17.5.2018.
************************
ഏകജാലക സംവിധാനത്തിലൂടെയുള്ള പ്ലസ് വണ്‍ പ്രവേശനത്തിനായുള്ള അപേക്ഷകള്‍ ഓണ്‍ലൈനായി സമര്‍പ്പിക്കാനുള്ള സൗകര്യം അഡ്മിഷന്‍ വെബ്‌സൈറ്റില്‍ (www.hscap.kerala.gov.in) ലഭ്യമാണ്. അപേക്ഷ ഓണ്‍ലൈനായി സമര്‍പ്പിക്കാന്‍ സ്‌കൂളുകളിലെ കമ്പ്യൂട്ടര്‍ ലാബ്/ഇന്റര്‍നെറ്റ് സൗകര്യം ലഭിക്കും. മറ്റു മാര്‍ഗ നിര്‍ദ്ദേശങ്ങള്‍ നല്‍കുന്നതിന് അധ്യാപകരുടെ സേവനവും സംസ്ഥാനത്തെ എല്ലാ സര്‍ക്കാര്‍ /എയ്ഡഡ് ഹയര്‍സെക്കണ്ടറി സ്‌കൂളുകളിലും അതത് പ്രിന്‍സിപ്പല്‍മാരുടെ നേതൃത്വത്തില്‍ പ്രവര്‍ത്തിക്കുന്ന ഹെല്‍പ്പ് ഡെസ്‌കുകള്‍ മുഖേന സജ്ജമാക്കിയിട്ടുണ്ട്. അപേക്ഷ ഓണ്‍ലൈനായി സമര്‍പ്പിക്കാനുള്ള അവസാന തീയതി ഈ മാസം 30 വരെ ദീര്‍ഘിപ്പിച്ചു. ഓണ്‍ലൈനായി സമര്‍പ്പിക്കുന്ന അപേക്ഷയുടെ രണ്ട് പേജുള്ള പകര്‍പ്പും അനുബന്ധരേഖകളും ജില്ലയിലെ ഏതെങ്കിലും ഒരു സര്‍ക്കാര്‍ /എയ്ഡഡ് ഹയര്‍സെക്കണ്ടറി സ്‌കൂളില്‍ വെരിഫിക്കേഷനായി മെയ് 30 വൈകുന്നേരം അഞ്ചിന് മുന്‍പ് സമര്‍പ്പിക്കണം. ഓണ്‍ലൈനായി അപേക്ഷ അന്തിമമായി സമര്‍പ്പിച്ച ശേഷം ഏതെങ്കിലും തരത്തിലുള്ള തെറ്റുകള്‍ അപേക്ഷകര്‍ കണ്ടെത്തിയാല്‍ ആ വിവരം ഓണ്‍ലൈന്‍ അപേക്ഷയുടെ പകര്‍പ്പും അനുബന്ധ രേഖകളും വെരിഫിക്കേഷനായി സമര്‍പ്പിക്കുന്ന സ്‌കൂള്‍ പ്രിന്‍സിപ്പാളിനെ അറിയിച്ച് തിരുത്താവുന്നതാണ്. Dt.17.5.2018.
************************
സാങ്കേതിക പരീക്ഷാ കണ്‍ട്രോളര്‍ ഇന്ന് (മെയ് 18) നടത്താന്‍ നിശ്ചയിച്ചിരുന്ന കെ.ജി.സി.ഇ പരീക്ഷ 21ന് രാവിലെ 10 മുതല്‍ ഒരു മണിവരെ നടത്തും. ടൈം ടേബിള്‍ പ്രകാരമുളള മറ്റു പരീക്ഷകള്‍ക്ക് മാറ്റമുണ്ടായിരിക്കുന്നതല്ല.Dt.17.5.2018.
************************
ഒന്നു മുതല്‍ പന്ത്രണ്ടുവരെ ക്ലാസുകള്‍ക്ക് ഏകീകൃത ഭരണസംവിധാനം നടപ്പാക്കുകയാണ് സര്‍ക്കാര്‍ നയമെന്ന് മുഖ്യമന്ത്രി പിണറായി വിജയന്‍ അറിയിച്ചു. സംസ്ഥാന സര്‍ക്കാരിന്റെ രണ്ടാം വാര്‍ഷിക ആഘോഷങ്ങളുടെ ഭാഗമായി വിദ്യാഭ്യാസ രംഗത്തെ പ്രശ്നങ്ങള്‍ ചര്‍ച്ച ചെയ്യുന്നതിന് വിളിച്ചു ചേര്‍ത്ത അധ്യാപക സംഘടനാ നേതാക്കളുടെ യോഗത്തില്‍ സംസാരിക്കുകയായിരുന്നു മുഖ്യമന്ത്രി. അധ്യയന ദിവസങ്ങള്‍ 200 ആക്കാന്‍ കൂട്ടായ പരിശ്രമമാണ് വേണ്ടതെന്ന് മുഖ്യമന്ത്രി സൂചിപ്പിച്ചു. പൊതുവിദ്യാലയങ്ങളില്‍ കുട്ടികളുടെ എണ്ണം കൂടുതലായി വരുമ്പോള്‍ വിദ്യാലയങ്ങളില്‍ ആവശ്യമായ സൗകര്യമൊരുക്കാന്‍ തദ്ദേശസ്ഥാപനങ്ങളെ ചുമതലപ്പെടുത്തണമെന്ന നിര്‍ദേശം വന്നിട്ടുണ്ട്. അക്കാര്യം തദ്ദേശസ്ഥാപനങ്ങളുടെ ശ്രദ്ധയില്‍പ്പെടുത്തും. വിദ്യാഭ്യാസ മാസ്റ്റര്‍ പ്ലാന്‍ പ്രാവര്‍ത്തികമാക്കാന്‍ ഓരോ സ്‌കൂളിലും ആക്ഷന്‍ പ്ലാന്‍ ഉണ്ടാക്കണം. കലാകായിക അധ്യാപകരുടെ കാര്യത്തില്‍ കുറെക്കൂടി മെച്ചപ്പെട്ട സാഹചര്യം ഉണ്ടാക്കാന്‍ സര്‍ക്കാര്‍ അനുയോജ്യ നടപടി സ്വീകരിക്കും. സര്‍ക്കാര്‍ തലത്തില്‍ പ്രീ-പ്രൈമറി മേഖല വ്യാപകമാക്കുന്നതിന് പ്രത്യേക പരിഗണ നല്‍കും. എയ്ഡഡ് മേഖലയ്ക്ക് ഗവണ്‍മെന്റ് എയ്ഡഡ് എന്ന പേര് നല്‍കണമെന്ന അധ്യാപരുടെ നിര്‍ദേശം പരിഗണിക്കും. അക്കാദമിക് കാര്യങ്ങളില്‍ എയ്ഡഡ് മേഖലയെ മാറ്റി നിര്‍ത്തില്ല. അധ്യാപക സമൂഹത്തോട് സര്‍ക്കാര്‍ രാഷ്ട്രീയപ്രേരിതമായ നടപടികള്‍ സ്വീകരിക്കില്ല. അധ്യാപകരുടെ ക്ഷാമബത്ത കുടിശ്ശിക സംബന്ധിച്ച പരാതികള്‍ പരിശോധിക്കും. പ്രീ പ്രൈമറി കുട്ടികള്‍ക്കുളള ആക്ടിവിറ്റി പുസ്തകങ്ങളും കളിപ്പാട്ടങ്ങളും ഉടന്‍ വിതരണം ചെയ്യും. ഹയര്‍സെക്കണ്ടറി അധ്യാപകരുടെ സ്ഥലംമാറ്റ നടപടികള്‍ അന്തിമഘട്ടത്തിലാണെന്ന് മുഖ്യമന്ത്രി പറഞ്ഞു. പൊതുവിദ്യാഭ്യാസ രംഗം ശക്തിപ്പെടുത്താനും നിലവാരം ഉയര്‍ത്താനും സര്‍ക്കാര്‍ എടുത്ത നടപടികളെ അധ്യാപക സംഘടനകള്‍ പൊതുവെ അഭിനന്ദിച്ചു. തുടര്‍ പ്രവര്‍ത്തനങ്ങള്‍ക്ക് അവര്‍ പിന്തുണ ഉറപ്പു നല്‍കി. വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് സ്വാഗതം പറഞ്ഞു. പൊതു വിദ്യാഭ്യാസ സെക്രട്ടറി എ. ഷാജഹാന്‍, ഡയറക്ടര്‍ കെ.വി. മോഹന്‍കുമാര്‍, ഉന്നത വിദ്യാഭ്യാസ ഡയറക്ടര്‍ ഡോ. ജയശ്രീ തുടങ്ങിയവര്‍ സംബന്ധിച്ചു.Dt.16.5.2018.
************************
കേരള തൊഴിലാളി ക്ഷേമനിധി ബോര്‍ഡിലെ വരിക്കാരായ തൊഴിലാളികളുടെ മക്കള്‍ക്ക് 2018 വര്‍ഷം ഐ.ടി.ഐ പ്രവേശനത്തിന് അപേക്ഷ ക്ഷണിച്ചു. സംസ്ഥാന വ്യവസായിക പരിശീലന വകുപ്പിന്റെ കീഴില്‍ സംസ്ഥാനത്തിന്റെ വിവിധ ഭാഗങ്ങളിലുളള 12 ഐ.ടി.ഐകളില്‍ 13 ട്രേഡുകളില്‍ പ്രവേശനത്തിന് തൊഴിലാളികളുടെ മക്കള്‍ക്ക് 230 സീറ്റുകളാണ് സംവരണം ചെയ്തിരിക്കുന്നത്. നിശ്ചിത ഫോറത്തില്‍ അപേക്ഷ സമര്‍പ്പിക്കണം. അടിസ്ഥാന യോഗ്യത 10-ാം ക്ലാസ് ആണ്. അപേക്ഷകര്‍ ഐ.ടി.ഐകളില്‍ ആവശ്യമുളള ട്രേഡുകളില്‍ ഓണ്‍ലൈനായി രജിസ്‌ട്രേഷന്‍ നടത്തിയ ശേഷം അതിന്റെ പകര്‍പ്പ് കൂടി അപേക്ഷയോടൊപ്പം സമര്‍പ്പിക്കണം. തിരഞ്ഞെടുക്കപ്പെടുന്നവര്‍ക്ക് പ്രതിമാസം 150 രൂപ സ്റ്റൈപന്റ് ബോര്‍ഡില്‍ നിന്നും നല്‍കും. അപേക്ഷാ ഫോറങ്ങള്‍ ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടറുടെ തിരുവനന്തപുരം, കൊല്ലം, പത്തനംതിട്ട/ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്/മലപ്പുറം, കോഴിക്കോട്/വയനാട്, കണ്ണൂര്‍/കാസര്‍കോഡ് ജില്ലാ കാര്യലയങ്ങളില്‍ നിന്നും ജൂണ്‍ 10 വരെ 10 രൂപയ്ക്ക് നേരിട്ടും 15 രൂപയുടെ മണി ഓര്‍ഡര്‍ മുഖേനയും ലഭിക്കും. പൂരിപ്പിച്ച അപേക്ഷകള്‍ ബന്ധപ്പെട്ട ജില്ലാ കാര്യാലയങ്ങളില്‍ ജൂണ്‍ 15ന് മുമ്പ് സമര്‍പ്പിക്കണം.Dt.15.5.2018.
************************
ഫെബ്രുവരിയില്‍ നടത്തിയ എല്‍.എസ്.എസ് പരീക്ഷയുടെ ഫലം പ്രസിദ്ധീകരിച്ചു. www.keralapareekshabhavan.in എന്ന വെബ്‌സൈറ്റില്‍ ഫലം ലഭിക്കും. പുനര്‍മൂല്യനിര്‍ണയത്തിന് അപേക്ഷിക്കാന്‍ താത്പര്യമുളളവര്‍ വെബ്‌സൈറ്റില്‍ ഓണ്‍ലൈനായി അപേക്ഷ രജിസ്റ്റര്‍ ചെയ്യണം. രജിസ്റ്റര്‍ ചെയ്യുമ്പോള്‍ ലഭിക്കുന്ന പ്രിന്റൗട്ടും, പേപ്പര്‍ ഒന്നിന് 100 രൂപ നിരക്കില്‍ ഫീസും സഹിതം ബന്ധപ്പെട്ട ഉപജില്ലാ വിദ്യാഭ്യാസ ഓഫീസര്‍ക്ക് മെയ് 22നകം അപേക്ഷിക്കണം.Dt.15.5.2018.
************************
സര്‍ക്കാര്‍ സേവനങ്ങള്‍ക്ക് ഇനി ഏകജാലകം സംവിധാനം. ഒരു യൂസര്‍നെയിമും പാസ്‌വേഡും വഴി എല്ലാ വകുപ്പുകളുടേയും സേവനങ്ങള്‍ www.kerala.gov.in എന്ന വെബ്‌സൈറ്റിലൂടെ ലഭിക്കും. ഉടന്‍തന്നെ സര്‍ക്കാര്‍ പോര്‍ട്ടല്‍ പുതുമോടിയില്‍ എല്ലാ സൗകര്യവുമായി പ്രവര്‍ത്തനസജ്ജമാകും. കമ്പ്യൂട്ടറിലും സ്മാര്‍ട്ട് ഫോണിലും സൗകര്യപ്രദമായി ലഭ്യമാകുംവിധമാണ് പോര്‍ട്ടല്‍ ക്രമീകരിച്ചിട്ടുണ്ട്. പുതിയ കെട്ടിലും മട്ടിലും പോര്‍ട്ടല്‍ വരുന്നതോടെ വിവിധ വകുപ്പുകളുടെ 60 ഓളം സേവനങ്ങള്‍ ഇതുവഴി ലഭിക്കും. വൈദ്യുതി ബില്‍, വെള്ളക്കരം, യൂനിവേഴ്‌സിറ്റി ഫീസ് തുടങ്ങിയ അനേകം സേവനങ്ങള്‍ക്ക് പണമടയ്ക്കാനും പോര്‍ട്ടല്‍ വഴി ലഭ്യമാക്കും. പഞ്ചായത്ത്, ഗ്രാമവികസനം, വാട്ടര്‍ അതോറിറ്റി, വി.എച്ച്.എസ്.ഇ, ഇലക്ട്രിസിറ്റി ബോര്‍ഡ്, റവന്യൂ, മോട്ടോര്‍ വാഹനം, രജിസ്‌ട്രേഷന്‍ തുടങ്ങിയ വകുപ്പുകളുടെയും യൂണിവേഴ്‌സിറ്റികളുടെയും സര്‍ട്ടിഫിക്കറ്റുകളും ബില്ലുകള്‍ അടയ്ക്കാനും സൗകര്യമാണ് ഇങ്ങനെ ലഭിക്കുക. എസ്.ബി.ഐയുമായി ഇതിനായി കരാറില്‍ ഏര്‍പ്പെട്ടിട്ടുണ്ട്. കൂടാതെ 54 ബാങ്കുകളുടെ ബാങ്ക് ടു ബാങ്ക്, ഇന്റര്‍നെറ്റ് ബാങ്കിംഗ്, ഡെബിറ്റ് കാര്‍ഡ്, ക്രെഡിറ്റ് കാര്‍ഡ് തുടങ്ങിയ സൗകര്യങ്ങളുമുണ്ടാകും. സര്‍ക്കാരിലേക്ക് പണമടയ്ക്കാന്‍ ഇ-ട്രഷറി വഴിയുള്ള ഏകോപനവും ലഭ്യമാക്കിയിട്ടുണ്ട്. എല്ലാ സേവനങ്ങള്‍ക്കുമായി പൊതുവായി ഒരുതവണ ഒരു യൂസര്‍ നെയിമും പാസ്‌വേഡും സൃഷ്ടിച്ചുകഴിഞ്ഞാല്‍ സര്‍ക്കാരിലേക്കുള്ള എതു അപേക്ഷ സമര്‍പ്പിക്കലും ഫീസടയ്ക്കലും, ബാങ്കിംഗും സൗകര്യപൂര്‍വം നടത്താം. ഇന്റര്‍നെറ്റ് ബാങ്കിംഗ് വഴി പണമടയ്ക്കുന്നതിന് സര്‍വീസ് ചാര്‍ജ് ഈടാക്കില്ല എന്നതാണ് ഏറ്റവും ശ്രദ്ധേയം. പണമിടപാടിന്റെ വിവരങ്ങളും ലഭിക്കും. വിവിധ വകുപ്പുകളില്‍ ലഭിക്കുന്ന സേവനങ്ങളും അപേക്ഷകളും വകുപ്പ് തിരിച്ച് ലഭിക്കും. വിദ്യാഭ്യാസം, സാമൂഹ്യ ക്ഷേമം, ആരോഗ്യസേവനങ്ങള്‍, തൊഴിലവസരങ്ങള്‍, നൈപുണ്യവികസനം, സംരകത്വസേവനങ്ങള്‍, എന്നിവ മനസിലാക്കാനും സേവനങ്ങളിലേക്ക് എത്തിപ്പെടാനും പ്രത്യേകം വിഭാഗങ്ങളുണ്ട്. പുതുസൗരംഭങ്ങള്‍ക്കുള്ള ഏകജാലക ക്ലിയറന്‍സ്, ഈസ് ഓഫ് ഡൂയിംഗ് ബിസിനസ് എന്നിവയെപ്പറ്റി അറിയാനും അതത് വിഭാഗങ്ങളിലെത്താനുള്ള ലിങ്കുകളുമുണ്ടാകും. സര്‍ക്കാര്‍ മുഖേനയുള്ള ഇ സേവനങ്ങള്‍ ജനനം മുതല്‍ മരണം വരെയുള്ള ക്രമത്തില്‍ 'ലൈഫ് ഇവന്റ് മോഡല്‍' എന്ന വിഭാഗത്തില്‍ ക്രമീകരിച്ചിട്ടുണ്ട്. ഗര്‍ഭധാരണസമയം അമ്മയും കുഞ്ഞും പദ്ധതി മുതല്‍, സ്‌കൂള്‍, പഠന സംബന്ധ അപേക്ഷകള്‍, ഉന്നതവിദ്യാഭ്യാസം, തൊഴിലവസരങ്ങള്‍, വിവാഹം, വീട്ടാവശ്യ സര്‍ട്ടിഫിക്കറ്റുകളും ബില്ലടവുകളും, ജീവിതശൈലി, ആരോഗ്യം, യാത്രാആവശ്യങ്ങള്‍, പെന്‍ഷന്‍, മരണശേഷമുള്ള മരണ സര്‍ട്ടിഫിക്കറ്റ്, അവകാശ സര്‍ട്ടിഫിക്കറ്റ് വരെയുള്ളവ വിഭാഗം തിരിച്ച് ക്രോഡീകരിച്ചിട്ടുണ്ട്. ഇതിനുപുറമേ, പുറത്തുനിന്നുള്ളവര്‍ക്ക് കേരളത്തെപ്പറ്റി മനസിയാക്കാനും പ്രധാന വിനോദസഞ്ചാരകേന്ദ്രങ്ങള്‍ അറിയാനും എത്തിപ്പെടാനുള്ള മാര്‍ഗങ്ങളും ഇന്‍ഫര്‍മേഷന്‍ സെന്റര്‍ വിവരങ്ങളും പോര്‍ട്ടലിലുണ്ട്. സര്‍ക്കാര്‍ സംബന്ധ ഉത്തരവുകള്‍, മുഖ്യമന്ത്രിയുടെ ദുരിതാശ്വാസ നിധി സംബന്ധിച്ച അന്വേഷണങ്ങള്‍, മിഷനുകളുടെ വിവരങ്ങള്‍ എന്നിവയുമുണ്ടാകും. പൊതുജനപങ്കാളിത്തം ഉറപ്പാക്കുംവിധം നവീകരിച്ച പോര്‍ട്ടലില്‍ സര്‍ക്കാരുമായി സംവദിക്കാനും മാര്‍ഗങ്ങളുണ്ട്. സംസ്ഥാന ഐ.ടി മിഷന്റെ നേതൃത്വത്തിലാണ് പോര്‍ട്ടല്‍ തയാറാകുന്നത്. ആദ്യം പോര്‍ട്ടലിന്റെ ഇംഗ്‌ളീഷ് പതിപ്പും പിന്നാലെ മലയാളം പതിപ്പും ലഭ്യമാകും. കേരള സര്‍ക്കാരിന്റെ വിവിധ മൊബൈല്‍ ആപ്പുകളെപ്പറ്റി അറിയാനും ഡൗണ്‍ലോഡ് ചെയ്യാനും 'കേരള ആപ്പ് സ്‌റ്റോര്‍' എന്ന വിഭാഗവും പോര്‍ട്ടലിലുണ്ട്. എം-കേരള മൊബൈല്‍ ആപ്പ് കൂടുതല്‍ സൗകര്യങ്ങളോടെ വികസിപ്പിച്ച പതിപ്പും ഉടന്‍ ലഭ്യമാക്കാനുള്ള പ്രവര്‍ത്തനങ്ങള്‍ ഐ.ടി മിഷന്‍ തുടരുന്നുണ്ട്.Dt.14.5.2018.
************************
പ്ലസ് വണ്‍ പ്രവേശനത്തിന് അപേക്ഷിക്കുന്ന (മാനേജ്‌മെന്റ്/കമ്മ്യൂണിറ്റി/അണ്‍ -എയ്ഡഡ് ഉള്‍പ്പെടെ) ഭിന്നശേഷി വിഭാഗത്തില്‍പ്പെട്ട വിദ്യാര്‍ത്ഥികളുടെ കൗണ്‍സലിംഗിനും മെഡിക്കല്‍ ബോര്‍ഡ് സര്‍ട്ടിഫിക്കറ്റുകളുടെ പരിശോധനയ്ക്കും ജില്ലാതലത്തില്‍ പ്രത്യേക സമിതി രൂപീകരിച്ച് ജില്ലാതല കൗണ്‍സലിംഗ് സര്‍ട്ടിഫിക്കറ്റുകള്‍ നല്‍കും. പ്രായോഗിക പരീക്ഷകളുളള വിഷയങ്ങള്‍ പഠിക്കാനാഗ്രഹിക്കുന്ന വിഭാഗത്തിലെ വിദ്യാര്‍ത്ഥികള്‍ സമിതിക്ക് മുന്നില്‍ കൗണ്‍സലിംഗിന് ഹാജരാകണം. ഇത്തരം വിഷയങ്ങല്‍ പഠിക്കുന്നതിനുള്ള വിദ്യാര്‍ത്ഥിയുടെ പ്രാപ്തി വിലയിരുത്തി സമിതി ശുപാര്‍ശ ചെയ്യും. ഈ വിഭാഗത്തില്‍പ്പെടുന്ന മറ്റ് അപേക്ഷകരും അവരുടെ മെഡിക്കല്‍ ബോര്‍ഡ് സര്‍ട്ടിഫിക്കറ്റുകള്‍ പരിശോധനയ്ക്ക് ഹാജരാക്കി അവിടെ നിന്ന് ലഭിക്കുന്ന റഫറന്‍സ് നമ്പര്‍ അപേക്ഷാഫാറത്തില്‍ ഉള്‍പ്പെടുത്തണം. മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റ്, എസ്.എസ്.എല്‍.സി സര്‍ട്ടിഫിക്കറ്റ്/ഇന്റര്‍നെറ്റ് കോപ്പി സഹിതം രക്ഷകര്‍ത്താവിനൊപ്പം കൗണ്‍സലിംഗിന് ഹാജരാകണം. ഓരോ ജില്ലയിലെയും വിദ്യാഭ്യാസ ജില്ല അടിസ്ഥാനപ്പെടുത്തിയുള്ള കൗണ്‍സലിംഗിന്റെ തീയതി, സ്ഥലം, ഹയര്‍സെക്കണ്ടറി ജില്ലാ കോ-ഓഡിനേറ്റര്‍മാരുടെ ഫോണ്‍ നമ്പര്‍ എന്നിവ അഡ്മിഷന്‍ വെബ്‌സൈറ്റായ www.hscap.kerala.gov.in ല്‍ പ്രസിദ്ധീകരിച്ചിട്ടുണ്ട്. ജില്ലാതല കൗണ്‍സലിംഗുകള്‍ മേയ് 15 ന് ആരംഭിക്കും.Dt.14.5.2018.
************************
ഫെബ്രുവരി 24ന് നടന്ന യു.എസ്.എസ് പരീക്ഷാഫലം പ്രസിദ്ധീകരിച്ചു. 54,206 പേര്‍ പരീക്ഷയെഴുതിയതില്‍ 4,364 പേര്‍ സ്‌കോളര്‍ഷിപ്പിന് അര്‍ഹരായി. ഇതില്‍ 818 വിദ്യാര്‍ത്ഥികളെ പ്രതിഭാധനരായി തെരഞ്ഞെടുത്തു. www.keralapareekshabhavan.in ല്‍ ഫലം ലഭിക്കും.Dt.12.5.2018.
************************
സംസ്ഥാനത്തെ എല്ലാ സര്‍ക്കാര്‍/അര്‍ധസര്‍ക്കാര്‍/പൊതുമേഖല/സ്വയംഭരണ സ്ഥാപനങ്ങളിലെയും വിദ്യാഭ്യാസ സ്ഥാപനങ്ങളിലെയും വ്യക്തിഗത രജിസ്റ്റര്‍, ഹാജര്‍ പുസ്തകം, ആകസ്മികാവധി രജിസ്റ്റര്‍, വിവിധ അപേക്ഷാഫോറങ്ങള്‍ (അവധി അപേക്ഷ ഉള്‍പ്പെടെ) എന്നിവ പൂര്‍ണമായി മലയാളത്തില്‍ അച്ചടിച്ച് വിതരണത്തിന് നടപടിയെടുക്കാന്‍ പ്രിന്റിംഗ് ആന്റ് സ്‌റ്റേഷനറി ഡയറക്ടര്‍ക്ക് സര്‍ക്കാര്‍ നിര്‍ദേശം നല്‍കി. ഈ രജിസ്റ്ററുകള്‍ മലയാളത്തില്‍ അച്ചടിക്കുന്നതിനായി മലയാള പരിഭാഷ തയാറാക്കി സൂക്ഷ്മ പരിശോധനയ്ക്ക് സര്‍ക്കാരിലേക്ക് ലഭ്യമാക്കാനും ഉദ്യോഗസ്ഥ ഭരണപരിഷ്‌കാര (ഔദ്യോഗികഭാഷ) വകുപ്പ് പുറത്തിറക്കിയ ഉത്തരവില്‍ നിര്‍ദേശമുണ്ട്. ഭരണഭാഷ പൂര്‍ണമായി മലയാളമാക്കുക എന്ന സര്‍ക്കാര്‍ നയത്തിന്റെ ഭാഗമായി എല്ലാ സര്‍ക്കാര്‍ വകുപ്പുകളിലും സ്ഥാപനങ്ങളിലും ഈ രജിസ്റ്ററുകള്‍ മലയാളത്തിലാക്കണമെന്ന് നേരത്തെ നിര്‍ദേശിച്ചിരുന്നു. രജിസ്റ്ററുകള്‍ക്ക് പുറമേ വിവിധ അപേക്ഷാഫോറങ്ങളും പൂര്‍ണമായി മലയാളത്തില്‍ അച്ചടിച്ച് വിതരണം ചെയ്യാന്‍ നടപടി സ്വീകരിക്കണമെന്ന ഔദ്യോഗികഭാഷ സംബന്ധിച്ച നിയമസഭാ സമിതിയുടെ നിര്‍ദേശം പരിഗണിച്ചാണ്.Dt.14.5.2018.
************************
പൊതുവിദ്യാഭ്യാസ വകുപ്പിലെ സര്‍ക്കാര്‍ ഹൈസ്‌ക്കൂള്‍ പ്രധാനാധ്യാപകര്‍/ഉപജില്ലാ വിദ്യാഭ്യാസ ഓഫീസര്‍ സമാന തസ്തികയിലേക്കുള്ള 2018-19 വര്‍ഷത്തെ താത്ക്കാലിക പൊതുസ്ഥലമാറ്റ പട്ടിക പുറപ്പെടുവിച്ചു. www.transferandpostings.in, www.educationkerala.gov.in എന്നീ വെബ്‌സൈറ്റുകളില്‍ പട്ടിക പ്രസിദ്ധീകരിച്ചിട്ടുണ്ട്. ഇതില്‍ ആക്ഷേപമുള്ളവര്‍ അതത് വിദ്യാഭ്യാസ ഉപ ഡയറക്ടര്‍ മുഖേന 16 ന് വൈകിട്ട് അഞ്ചിന് മുന്‍പ് ഓണ്‍ലൈനിലൂടെ അറിയിക്കണം.Dt.14.5.2018.
************************
രണ്ടാംവര്‍ഷ ഹയര്‍ സെക്കന്‍ഡറി പരീക്ഷയില്‍ 83.75 ശതമാനം വിദ്യാര്‍ഥികള്‍ ഉപരിപഠന യോഗ്യത നേടിയതായി വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് വാര്‍ത്താസമ്മേളനത്തില്‍ അറിയിച്ചു. 2042 പരീക്ഷാകേന്ദ്രങ്ങളിലായി സ്‌കൂള്‍ ഗോയിംഗ് റഗുലര്‍ വിഭാഗത്തില്‍ നിന്നായി 3,69,021 പേര്‍ പരീക്ഷ എഴുതിയതില്‍ 3,09,065 പേര്‍ ഉന്നതപഠന യോഗ്യത നേടി. കഴിഞ്ഞവര്‍ഷത്തെ വിജയശതമാനം 83.37 ആയിരുന്നു. ഒന്നാംവര്‍ഷപരീക്ഷയുടെ സ്‌കോറുകള്‍ കൂടി കണക്കിലെടുത്താണ് പരീക്ഷാഫലം. പരീക്ഷയെഴുതിയ 1,97,633 പെണ്‍കുട്ടികളില്‍ 1,78,492 പേരും (90.31 ശതമാനം) 1,73,106 ആണ്‍കുട്ടികളില്‍ 1,31,897 പേരും (76.19 ശതമാനം) ഉപരിപഠനയോഗ്യത നേടി. വിജയശതമാനം ഏറ്റവും കൂടുതല്‍ കണ്ണൂര്‍ ജില്ലയിലാണ്: 86.75. ഏറ്റവും കുറവ് പത്തനംതിട്ടയില്‍: 77.16. 1,81,694 സയന്‍സ് വിദ്യാര്‍ഥികളില്‍ 1,56,087 പേരും (85.91 ശതമാനം) 73,955 ഹ്യൂമാനിറ്റീസ് വിദ്യാര്‍ഥികളില്‍ 56,358 പേരും (76.21 ശതമാനം) 1,13,372 കോമേഴ്‌സ് വിദ്യാര്‍ഥികളില്‍ 96,620 പേരും (85.22 ശതമാനം) ഉന്നതപഠനത്തിന് യോഗ്യത നേടി. എസ്.സി വിഭാഗത്തില്‍ 39,071 ല്‍ 25,109 പേരും (64.27 ശതമാനം) എസ്.ടി വിഭാഗത്തില്‍ 5356 ല്‍ 3402 പേരും (63.52 ശതമാനം) ഉന്നതപഠനത്തിന് അര്‍ഹതനേടി. സര്‍ക്കാര്‍ മേഖലയിലെ സ്‌കൂളുകളില്‍ നിന്ന് 1,55,396ല്‍ 1,27,704 പേരും (82.18 ശതമാനം), എയ്ഡഡ് മേഖലയിലെ 1,85,770 ല്‍ 1,60,022 പേരും (86.14 ശതമാനം), അണ്‍ എയ്ഡഡ് മേഖലയിലെ 27,628ല്‍ 21,128 പേരും (76.47 ശതമാനം) ഉന്നതപഠനത്തിന് യോഗ്യരായി. 14,735 വിദ്യാര്‍ഥികള്‍ മുഴുവന്‍ വിഷയങ്ങള്‍ക്കും എ പ്ലസ് ഗ്രേഡ് നേടി. ഇതില്‍ 10,899 പേര്‍ പെണ്‍കുട്ടികളും 3836 പേര്‍ ആണ്‍കുട്ടികളുമാണ്. സയന്‍സ് വിഭാഗത്തില്‍ നിന്ന് 11,569 പേര്‍ക്കും ഹ്യുമാനിറ്റീസ് വിഭാഗത്തില്‍ 670 പേര്‍ക്കും കോമേഴ്‌സ് വിഭാഗത്തില്‍ നിന്ന് 2496 പേര്‍ക്കും എല്ലാ വിഷയങ്ങള്‍ക്കും എ പ്ലസ് ഗ്രേഡ് ലഭിച്ചു. ഏറ്റവും കൂടുതല്‍ വിദ്യാര്‍ഥികളെ (834) പരീക്ഷയ്ക്ക് സജ്ജരാക്കിയ തിരുവനന്തപുരം പട്ടം സെന്റ് മേരീസ് ഹയര്‍ സെക്കന്‍ഡറി സ്‌കൂള്‍ 94.60 ശതമാനം പേരെ ഉന്നതപഠനത്തിന് യോഗ്യരാക്കി. ഏറ്റവും കൂടുതല്‍ വിദ്യാര്‍ഥികളെ മുഴുവന്‍ വിഷയങ്ങളിലും എ പ്ലസ് ഗ്രേഡിനര്‍ഹരാക്കിയ ജില്ല (1935) മലപ്പുറമാണ്. നൂറുമേനി വിജയം കരസ്ഥമാക്കിയ 79 സ്‌കൂളുകളാണുള്ളത്. മുപ്പതില്‍ താഴെ വിജയശതമാനമുള്ള സ്‌കൂളുകളുടെ എണ്ണം 34 ആണ്. 180 വിദ്യാര്‍ഥികള്‍ 1200ല്‍ 1200 സ്‌കോറും കരസ്ഥമാക്കി. ഹയര്‍ സെക്കന്‍ഡറി സിലബസ് പിന്തുടരുന്ന 15 ടെക്‌നിക്കല്‍ സ്‌കൂളുകളില്‍ നിന്നായി 1631 പേര്‍ പരീക്ഷയെഴുതിയതില്‍ 1246 പേര്‍ (76.77 ശതമാനം) ഉന്നതപഠനയോഗ്യത നേടി. ഇതില്‍ 33 പേര്‍ക്ക് എല്ലാ വിഷയങ്ങള്‍ക്കും എ പ്ലസ് ഉണ്ട്. കലാമണ്ഡലം ആര്‍ട്‌സ് സ്‌കൂളില്‍ 95 വിദ്യാര്‍ഥികള്‍ പരീക്ഷയ്ക്കിരുന്നതില്‍ 78 വിദ്യാര്‍ഥികള്‍ (82.11 ശതമാനം) ഉന്നതപഠന യോഗ്യത നേടി. സ്‌കോള്‍ കേരള വഴി രജിസ്റ്റര്‍ ചെയ്ത് പരീക്ഷ ഏഴുതിയ 67,991 വിദ്യാര്‍ഥികളില്‍ 25,503 പേര്‍ (37.51 ശതമാനം) ഉപരിപഠന അര്‍ഹത നേടി. ഇതില്‍ 109 പേര്‍ എല്ലാ വിഷയങ്ങള്‍ക്കും എ പ്ലസ് നേടി. ഓപ്പണ്‍ പഠന വിഭാഗത്തില്‍ ഏറ്റവും കൂടുതല്‍ പേര്‍ പരീക്ഷയ്ക്കിരുന്നത് മലപ്പുറം ജില്ലയില്‍ നിന്നാണ്: 21,379 പേര്‍. പഴയ സിലബസില്‍ പരീക്ഷ എഴുതിയ 3290 വിദ്യാര്‍ഥികളില്‍ 1748 പേര്‍ (53.13) ഉപരിപഠന അര്‍ഹതനേടി. സേ/ഇംപ്രൂവ്‌മെന്റ് പരീക്ഷകള്‍ ജൂണ്‍ അഞ്ചുമുതല്‍ 12 വരെ നടക്കും. മാര്‍ച്ച് 2018ല്‍ നടന്ന തൊഴിലധിഷ്ഠിത ഹയര്‍ സെക്കന്‍ഡറി പരീക്ഷാഫലവും പ്രസിദ്ധീകരിച്ചു. കണ്ടിന്വസ് ഇവാല്യുവേഷന്‍ ആന്റ് ഗ്രേഡിംഗ് (റിവൈസ്ഡ് കം മോഡുലാര്‍) സ്‌കീമില്‍ റഗുലറായി പരീക്ഷ എഴുതിയവരില്‍ 90.24 ശതമാനംപേര്‍ പാര്‍ട്ട് ഒന്നിലും രണ്ടിലും 80.32 ശതമാനംപേര്‍ ഉന്നതപഠനത്തിനും അര്‍ഹത നേടി. 29,174 പേരാണ് പരീക്ഷ എഴുതിയത്. പാര്‍ട്ട് ഒന്നിനും രണ്ടിനും യോഗ്യത നേടിയവര്‍ 26327 പേരാണ്. പാര്‍ട്ട് ഒന്നിനും രണ്ടിനും മൂന്നിനും യോഗ്യത നേടിയത് 23434 പേരാണ്. കണ്ടിന്വസ് ഇവാല്യുവേഷന്‍ ആന്റ് ഗ്രേഡിംഗ് (റിവൈസ്ഡ് കം മോഡുലാര്‍) സ്‌കീമില്‍ പ്രൈവറ്റായി പരീക്ഷ എഴുതിയവരില്‍ 56.38 ശതമാനം പേര്‍ പാര്‍ട്ട് ഒന്നിലും രണ്ടിലും 34.22 ശതമാനം പേര്‍ പാര്‍ട്ട് മൂന്നിലും യോഗ്യത നേടി. കണ്ടിന്വസ് ഇവാല്യുവേഷന്‍ ആന്റ് ഗ്രേഡിംഗ് പരിഷ്‌കരിച്ച സ്‌കീമില്‍ പ്രൈവറ്റായി പരീക്ഷ എഴുതിയവരില്‍ 70.27 ശതമാനം പേര്‍ പാര്‍ട്ട് ഒന്നിലും രണ്ടിലും 49.18 ശതമാനം പേര്‍ പാര്‍ട്ട് മൂന്നിലും യോഗ്യത നേടി.Dt.10.5.2018.
************************
പൊതുവിദ്യാഭ്യാസ വകുപ്പിലെ സര്‍ക്കാര്‍ ഹൈസ്‌കൂള്‍ പ്രധാനാദ്ധ്യാപകര്‍/ഉപജില്ലാ വിദ്യാഭ്യാസ ഓഫീസര്‍ സമാന തസ്തികയിലെ ഉദ്യോഗസ്ഥര്‍ക്കുളള താത്കാലിക പൊതുസ്ഥലംമാറ്റ പട്ടിക www.transferandpostings.in, www.educationkerala.gov.in എന്നീ വെബ്‌സൈറ്റുകളില്‍ പ്രസിദ്ധീകരിച്ചു. പട്ടികയില്‍ അക്ഷേപമുളളവര്‍ അതത് വിദ്യാഭ്യാസ ഉപഡയറക്ടര്‍ മുഖേന മെയ് 16 വൈകിട്ട് അഞ്ചിനു മുമ്പായി ഓണ്‍ലൈന്‍ മുഖേന അറിയിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.Dt.10.5.2018.
************************
ഉപയോഗ ശൂന്യമായ എല്‍.ഇ.ഡി ബള്‍ബുകളുടെ കേടുപാടുകള്‍ തീര്‍ത്ത് പുനര്‍ ജന്മമേകാന്‍ വി.എച്ച്.എസ്.ഇ എന്‍.എസ്.എസ് വാളണ്ടിയര്‍മാര്‍. സംസ്ഥാനത്തെ പതിനാല് ജില്ലകളിലെയും വിദ്യാലയങ്ങളിലെ 308 നാഷണല്‍ സര്‍വീസ് സ്‌കീം യൂണിറ്റുകളിലെ വാളണ്ടിയര്‍മാരാണ് ഇന്ന് (മെയ് 10) ആരംഭിക്കുന്ന അവധിക്കാല ക്യാമ്പുകളിലൂടെ 300 ഗ്രാമ ങ്ങളിലെ വീടുകളിലെ ഉപയോഗ ശൂന്യമായ എല്‍.ഇ.ഡി ബള്‍ബുകള്‍ കണ്ടെത്തി നന്നാക്കി നല്‍കുന്നത്. വി.എച്ച്.എസ്.ഇ വകുപ്പിലെ ഇലക്ട്രിക്കല്‍/ഇലക്‌ട്രോണിക്‌സ് കോഴ്‌സുകളിലെ അദ്ധ്യാപകരും വിദ്യാര്‍ത്ഥികളും പൂര്‍വ വിദ്യാര്‍ത്ഥികളുമാണ് പദ്ധതി നിര്‍വഹണത്തിന് വാളണ്ടിയര്‍മാര്‍ക്ക് പിന്തുണ നല്‍കുക. ഇവരുടെ സഹായത്തോടെ ക്യാമ്പിന്റെ ആദ്യ ഘട്ടത്തില്‍ സംസ്ഥാനത്തെ മുഴുവന്‍ വി.എച്ച്.എസ്.ഇ എന്‍.എസ്.എസ് വാളണ്ടിയര്‍മാരെയും എല്‍.ഇ.ഡി ബള്‍ബ് നിര്‍മ്മാണം പരിശീലിപ്പിക്കും. വാളണ്ടിയര്‍മാര്‍ യൂണിറ്റിന്റെ പങ്കാളിത്ത ഗ്രാമത്തിലെ വീടുകളില്‍ നിന്നും ശേഖരിക്കുന്ന കേടായ ബള്‍ബുകള്‍ ക്യാമ്പില്‍ വച്ച് കുറ്റമറ്റതാക്കി വീട്ടുകാരെ തിരിച്ചേല്പിക്കും. കൂടാതെ ഉപയോഗ ശേഷം വലിച്ചെറിയുന്ന എല്‍.ഇ.ഡി ബള്‍ബുകള്‍ ഉണ്ടാക്കുന്ന പരിസ്ഥിതി പ്രശ്‌നങ്ങളെക്കുറിച്ച് വീട്ടുകാരെ ബോധവത്ക്കരിക്കും. കേരള എനര്‍ജി മാനേജ്‌മെന്റ് സെന്ററിന്റ സഹായത്തോടെ ആസൂത്രണം ചെയ്ത പ്രവര്‍ത്തനങ്ങള്‍, സംസ്ഥാന സര്‍ക്കാരിന്റെ ഹരിതകേരളം പദ്ധതിയുമായി സഹകരിച്ചാണ് വാളണ്ടിയര്‍മാര്‍ ഏറ്റെടുത്ത് നിര്‍വഹിക്കുന്നത്.Dt.9.5.2018.
************************
ഹയര്‍സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി രണ്ടാം വര്‍ഷ പൊതുപരീക്ഷകളുടെ ഫലം മെയ് 10 ന് രാവിലെ 11 മണിക്ക് സെക്രട്ടറിയേറ്റ് പി.ആര്‍. ചേമ്പറില്‍ വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പ്രഖ്യാപിക്കും. ഫലപ്രഖ്യാപനം കഴിഞ്ഞാലുടന്‍ വിദ്യാര്‍ത്ഥികള്‍ നേടിയ സ്‌കോറുകളും ഗ്രേഡുകളും വിദ്യാര്‍ത്ഥികളേയും സ്‌കൂള്‍ അധ്യാപകരേയും അറിയിക്കുന്നതിനുളള വിപുലമായ സംവിധാനങ്ങള്‍ ഒരുക്കിയിട്ടുണ്ട്. സ്‌കോര്‍ഷീറ്റുകളുടെ പകര്‍പ്പ് ഡൗണ്‍ലോഡ് ചെയ്യുന്നതിനുളളസൗകര്യവും ഏര്‍പ്പെടുത്തി. പരീക്ഷാഫലം പി.ആര്‍.ഡി ലൈവ് മൊബൈല്‍ ആപ്പില്‍ ലഭിക്കും. ഗൂഗിള്‍ പ്ലേ സ്റ്റോറില്‍ നിന്ന് PRD LIVE ആപ്പ് ഡൗണ്‍ലോഡ് ചെയ്യാം. പരീക്ഷാഫലം താഴെപറയുന്ന വെബ്‌സൈറ്റുകളിലും ലഭിക്കും. www.prd.kerala.gov.in, www.results.kerala.nic.in, www.keralaresults.nic.in, www.itmission.kerala.gov.in, www.results.itschool.gov.in, www.results.kerala.gov.in, www.vhse.kerala.gov.in.Dt.9.5.2018.
************************
കേരളത്തില്‍ ഹയര്‍ സെക്കന്ററി മേഖലയില്‍ എന്‍.എസ്.ക്യു.എഫ്. (National Skill Qualification Framework) നടപ്പിലാക്കുന്നതു സംബന്ധിച്ച് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ്, അദ്ധ്യാപക-സര്‍വ്വീസ് സംഘടനാ പ്രതിനിധികളുമായി ചര്‍ച്ച നടത്തി. കേന്ദ്ര സര്‍ക്കാരിന്റെ മാര്‍ഗ്ഗ നിര്‍ദ്ദേശമനുസരിച്ച് വി.എച്ച്.എസ്.ഇ. പാഠ്യപദ്ധതി എന്‍.എസ്.ക്യു.എഫി. ലേക്ക് മാറ്റേണ്ടി വരുന്ന സാഹചര്യത്തില്‍, അദ്ധ്യാപക-അനദ്ധ്യാപക മേഖലയിലും അക്കാദമിക് തലത്തിലും ഉണ്ടാകുന്ന പ്രശ്‌നങ്ങള്‍ ചര്‍ച്ചയില്‍ സംഘടനാ പ്രതിനിധികള്‍ ചൂണ്ടിക്കാട്ടി. ഈ പദ്ധതി നടപ്പിലാക്കുന്നതിന്റെ ഭാഗമായി ആരുടെയും തൊഴില്‍ നഷ്ടപ്പെടില്ലെന്നും വേതനം സംരക്ഷിക്കപ്പെടുമെന്നും മന്ത്രി ഉറപ്പ് നല്കി. ഈ പദ്ധതി രണ്ട് ഘട്ടങ്ങളിലായാണ് നടപ്പാക്കുന്നത്. ഒന്നാംഘട്ടം 2018-19 അദ്ധ്യയനവര്‍ഷം 66 സര്‍ക്കാര്‍ വി.എച്ച്.എസ്.ഇ. സ്‌കൂളുകളിലെ 147 കോഴ്‌സുകളിലായി നടപ്പാക്കാന്‍ തീരുമാനിച്ചു. മന്ത്രിയെ കൂടാതെ പൊതുവിദ്യാഭ്യാസ സെക്രട്ടറി എ.ഷാജഹാന്‍, വി.എച്ച്.എസ്.ഇ. ഡയറക്ടര്‍ ഡോ: എ. ഫറൂക്ക്, പൊതുവിദ്യാഭ്യാസ ഡയറക്ടര്‍ കെ.വി.മോഹന്‍ കുമാര്‍ എന്നിവരും ചര്‍ച്ചയില്‍ പങ്കെടുത്തു.Dt.8.5.2018.
************************
പ്ലസ്‌വണ്‍ പ്രവേശനത്തിനായി ഹയര്‍സെക്കന്‍ഡറി വകുപ്പ് ഡയറക്ടര്‍ സമര്‍പ്പിച്ച ഏകജാലക സംവിധാനം ഉള്‍പ്പെടുത്തിയ പ്രോസ്‌പെക്ടസ് അംഗീകരിച്ച് സര്‍ക്കാര്‍ ഉത്തരവായി.Dt.8.5.2018.
************************
ഏകജാലക സംവിധാനത്തിലൂടെയുള്ള പ്ലസ്‌വണ്‍ പ്രവേശനത്തിനായുള്ള അപേക്ഷ ഓണ്‍ലൈനായി മെയ് ഒമ്പത് രാവിലെ 10 മുതല്‍ അഡ്മിഷന്‍ വെബ്‌സൈറ്റില്‍ (www.hscap.kerala.gov.in) ലഭിക്കും. സ്‌കൂളുകളിലെ കമ്പ്യൂട്ടര്‍ ലാബ്/ഇന്റര്‍നെറ്റ് സൗകര്യവും മറ്റു മാര്‍ഗ്ഗ നിര്‍ദ്ദേശവും അപേക്ഷ ഓണ്‍ലൈനായി സമര്‍പ്പിക്കാന്‍ അപേക്ഷകര്‍ക്കു നല്‍കാന്‍ സ്‌കൂള്‍തലത്തില്‍ ഹെല്‍പ് ഡെസ്‌കുകള്‍ അതത് പ്രിന്‍സിപ്പല്‍മാരുടെ നേതൃത്വത്തില്‍ സജ്ജമാക്കിയിട്ടുണ്ട്. വെബ്‌സൈറ്റില്‍ നിന്നും അതത് ജില്ലകളുടെ പ്രോസ്‌പെക്ടസ് പ്രിന്റ് എടുത്ത് എല്ലാ സര്‍ക്കാര്‍/എയ്ഡഡ് ഹയര്‍സെക്കണ്ടറി സ്‌കൂളുകളിലെ നോട്ടീസ് ബോര്‍ഡിലും പ്രദര്‍ശിപ്പിക്കും. ഓരോ ദിവസവും കുറഞ്ഞത് രണ്ട് അധ്യാപകരെങ്കിലും സ്‌കൂള്‍തല ഹെല്‍പ്പ് ഡെസ്‌കുകളില്‍ സ്‌കൂള്‍ പ്രവൃത്തി സമയം മുഴുവനും കാര്യക്ഷമമായി പ്രവര്‍ത്തിക്കുന്നുണ്ടെന്ന് പ്രിന്‍സിപ്പല്‍മാര്‍ ഉറപ്പുവരുത്തണം. ഓണ്‍ലൈനായി സമര്‍പ്പിക്കുന്ന അപേക്ഷയുടെ രണ്ട് പേജുള്ള പ്രിന്റൗട്ടും അനുബന്ധരേഖകളും ജില്ലയിലെ ഏതെങ്കിലും ഒരു സര്‍ക്കാര്‍/എയ്ഡഡ് ഹയര്‍ സെക്കണ്ടറി സ്‌കൂളില്‍ വെരിഫിക്കേഷനായി സമര്‍പ്പിക്കുന്നതിനുള്ള അവസാന തീയതി മേയ് 18. ഓണ്‍ലൈനായി അപേക്ഷ അന്തിമമായി സമര്‍പ്പിച്ച ശേഷം തെറ്റുകള്‍ അപേക്ഷകര്‍ കണ്ടെത്തിയാല്‍ പ്രസ്തുത വിവരം ഓണ്‍ലൈന്‍ അപേക്ഷയുടെ പ്രിന്റൗട്ടും അനുബന്ധ രേഖകളും വെരിഫിക്കേഷനായി സമര്‍പ്പിക്കുന്ന സ്‌കൂള്‍ പ്രിന്‍സിപ്പാളിനെ അറിയിച്ച് തിരുത്തണം.Dt.8.5.2018.
************************
നാല്‍പ്പത്തയ്യായിരം ക്ലാസ്മുറികള്‍ ഹൈടെക്കാക്കുന്നതിന്റെ ഭാഗമായി സ്‌കൂളുകള്‍ക്ക് 34500 ക്ലാസ്മുറികള്‍ക്കുള്ള ലാപ്ടോപ്പുകളും, മള്‍ട്ടിമീഡിയ പ്രൊജക്ടറുകളും, മൗണ്ടിംഗ് കിറ്റുകളും, യു.എസ്.ബി സ്പീക്കറുകളും ലഭ്യമാക്കി. ഇതില്‍ 20728 ക്ലാസ്മുറികളില്‍ പ്രൊജക്ടര്‍ മൗണ്ട് ചെയ്യുന്നതിനും 11115 ക്ലാസ്മുറികളില്‍ സ്‌ക്രീനിനു പകരം ഭിത്തി പെയിന്റ് ചെയ്യുന്നതിനുമായി 3.74 കോടി രൂപ സ്‌കൂളുകള്‍ക്ക് അനുവദിച്ചു. കൈറ്റും സ്‌കൂളുകളും തമ്മില്‍ ഒപ്പിട്ടിട്ടുള്ള ധാരണാപത്രപ്രകാരം പുറത്തിറക്കിയ മാര്‍ഗനിര്‍ദ്ദേശങ്ങള്‍ക്കനുസൃതമായാണ് സ്‌കൂളുകളില്‍ പ്രവര്‍ത്തനങ്ങള്‍ നടത്തേണ്ടത്. ക്ലാസ്മുറി ഒന്നിന് ഇന്‍സ്റ്റലേഷന്‍ പ്രവര്‍ത്തനങ്ങള്‍ക്ക് 1000 രൂപ വീതവും ഭിത്തി പെയിന്റിംഗിന് 1500 രൂപ വീതവുമാണ് അനുവദിച്ചത്. ഈ തുക കൈറ്റിന്റെ ജില്ലാ ഓഫീസുകള്‍വഴി സ്‌കൂളുകളുടെ ഐടി അഡൈ്വസറി അക്കൗണ്ടിലേക്ക് ട്രാന്‍സ്ഫര്‍ ചെയ്യും. അടുത്ത അധ്യയനവര്‍ഷാരംഭം മുതല്‍തന്നെ ക്ലാസ്മുറികളില്‍ ഐ.സി.ടി ഉപകരണങ്ങള്‍ പ്രയോജനപ്പെടുത്തേണ്ടതുള്ളതിനാല്‍ മെയ് 18-നകം സ്‌കൂളുകള്‍ ഇന്‍സ്റ്റലേഷന്‍ പ്രവര്‍ത്തനങ്ങള്‍ പൂര്‍ത്തിയാക്കണം. മേയ് 20 മുതല്‍ സ്‌കൂളുകളില്‍ പ്രത്യേക ഓഡിറ്റ് നടത്തും. അവശേഷിക്കുന്ന ക്ലാസ്മുറികള്‍ക്കുള്ള തുക അടുത്തഘട്ടമായി ഉടന്‍ അനുവദിക്കും.Dt.7.5.2018.
************************
2018 ഏപ്രില്‍ മാസം നടന്ന ഡി.എഡ് രണ്ടും, നാലും സെമസ്റ്റര്‍ പരീക്ഷകളുടെ മൂല്യനിര്‍ണയം നടത്തുന്നതിന് ചീഫ് എക്‌സാമിനര്‍/അസിസ്റ്റന്റ് ഏക്‌സാമിനറായി തെരഞ്ഞെടുക്കപ്പെടുന്നതിന് എല്ലാ ഡയറ്റ്/ഐ.റ്റി.ഇ (ഗവണ്‍മെന്റ്/എയ്ഡഡ്) പ്രിന്‍സിപ്പാള്‍മാരും മേയ് എട്ട് അഞ്ചു മണിക്ക് മുമ്പ് എല്ലാ അധ്യാപകരുടെയും വിവരങ്ങള്‍ നിര്‍ബന്ധമായും പരീക്ഷാഭവന്‍ വെബ്‌സൈറ്റില്‍ അപ്‌ലോഡ് ചെയ്യണമെന്ന് പരീക്ഷാഭവന്‍ സെക്രട്ടറി അറിയിച്ചു. പി.എന്‍.എക്‌സ്.1692/18 ടി.എച്ച്.എസ്.എല്‍.സി സേ പരീക്ഷ: വിജ്ഞാപനം പ്രസിദ്ധീകരിച്ചു മേയ് 21 മുതല്‍ 25 വരെ സംസ്ഥാനത്തെ തെരഞ്ഞെടുത്ത കേന്ദ്രങ്ങളില്‍ നടക്കുന്ന ടി.എച്ച്.എസ്.എല്‍.സി സേ പരീക്ഷ വിജ്ഞാപനം പ്രസിദ്ധീകരിച്ചു. വിശദമായ വിജ്ഞാപനവും മറ്റ് വിവരങ്ങളും പരീക്ഷാഭവന്റെ വെബ്‌സൈറ്റായ www.pareekshabhavan.in ല്‍ ലഭിക്കും.Dt.7.5.2018.
************************
2018 മാര്‍ച്ചില്‍ എസ്.എസ്.എല്‍.സി പരീക്ഷ എഴുതിയ വിദ്യാര്‍ത്ഥികള്‍ക്ക്/അവരുടെ രക്ഷിതാക്കള്‍ക്ക് പരീക്ഷാഭവന്റെ www.pareekshabhavan.in, www.sslceexam.kerala.gov.in, www.bpekerala.in എന്നീ വെബ്‌സൈറ്റുകളിലെ 'sslc-2018 certificate view' എന്ന ലിങ്കിലൂടെ രജിസ്റ്റര്‍ നമ്പറും ജനന തീയതിയും നല്‍കി എസ്.എസ്.എല്‍.സി സര്‍ട്ടിഫിക്കറ്റില്‍ വരുന്ന വിവരങ്ങള്‍ പരിശോധിക്കുന്നതിനുള്ള അവസരം മേയ് എട്ടു മുതല്‍ 15 വരെ ലഭ്യമാകും. പരിശോധനയില്‍ കണ്ടെത്തുന്ന തെറ്റുകള്‍ വിദ്യാര്‍ത്ഥി പഠിച്ച സ്‌കൂള്‍ ഹെഡ്മാസ്റ്ററെ രേഖാമൂലം അറിയിക്കണം. സ്‌കൂള്‍ അധികൃതര്‍ക്കും തങ്ങളുടെ സ്‌കൂളില്‍ പരീക്ഷ എഴുതിയ വിദ്യാര്‍ത്ഥികളുടെ സര്‍ട്ടിഫിക്കറ്റ് വിവരങ്ങള്‍ അഡ്മിഷന്‍ രജിസ്റ്ററുമായി ഒരിക്കല്‍ കൂടി പരിശോധിക്കണം. വിദ്യാര്‍ത്ഥികള്‍ ചൂണ്ടിക്കാണിക്കുന്ന തിരുത്താവുന്ന തെറ്റുകള്‍/സ്‌കൂള്‍ അധികൃതര്‍ കണ്ടെത്തുന്ന തെറ്റുകള്‍ എന്നിവയ്ക്ക് അനുബന്ധ രേഖകള്‍ സഹിതം നിശ്ചിത മാതൃകയിലുള്ള (വെബ്‌സൈറ്റില്‍ ലഭ്യമാണ്) അപേക്ഷ പരീക്ഷാഭവനിലേക്ക് മേയ് 16 വൈകിട്ട് നാലിന് ലഭിക്കത്തക്കവിധം തപാലില്‍ അയയ്ക്കണം. കവറിന് പുറത്ത് sslc march 2018 correction എന്ന് രേഖപ്പെടുത്തിയിരിക്കണം.Dt.7.5.2018.
************************
ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡവലപ്‌മെന്റിന്റെ (ഐ.എച്ച്.ആര്‍.ഡി) ടെക്‌നിക്കല്‍ ഹയര്‍ സെക്കന്ററി സ്‌കൂളുകളില്‍ 2018-2019 അധ്യയന വര്‍ഷത്തില്‍ പതിനൊന്നാം സ്റ്റാന്റേഡ് പ്രവേശനത്തിന് അപേക്ഷ ക്ഷണിച്ചു. കലൂര്‍ (എറണാകുളം, 0484 - 2347132), കപ്രശ്ശേരി (ചെങ്ങമനാട്, 0484 -2604116), വാഴക്കാട് (മലപ്പുറം, 0483 - 2725215), വട്ടംകുളം (മലപ്പുറം, 0494 - 2681498), പെരിന്തല്‍മണ്ണ (മലപ്പുറം, 04933 - 225086), പുതുപ്പള്ളി (കോട്ടയം, 0481 - 2351485), പീരുമേട് (ഇടുക്കി, 04869 - 232899), മുട്ടം (തൊടുപുഴ, 04862 - 255755), മല്ലപ്പള്ളി (പത്തനംതിട്ട, 0469 - 2680574), മുട്ടട (തിരുവനന്തപുരം, 0471 - 2543888), അടൂര്‍ (04734 - 224078), വറഡിയം (തൃശൂര്‍, 0487 - 2214773), ആലുവ (0484 - 2623573), ചേര്‍ത്തല (പള്ളിപ്പുറം, ആലപ്പുഴ, 0478 - 2552828), തിരുത്തിയാട് (കോഴിക്കോട്, 0495 - 2721070) എന്നിവിടങ്ങളിലെ സ്‌കൂള്‍ പ്രവേശനത്തിനാണ് അപേക്ഷിക്കേണ്ടത്. എസ്.എസ്.എല്‍.സിയോ, തത്തുല്യ യോഗ്യതയോ വിജയിച്ചവര്‍ക്ക് അപേക്ഷിക്കാം. പ്രവേശനത്തിനുള്ള ഉയര്‍ന്ന പ്രായപരിധി 2018 ജൂണ്‍ ഒന്നിന് 20 വയസ്സും (പട്ടികജാതി-പട്ടികവര്‍ഗ്ഗ വിഭാഗക്കാര്‍ക്ക് 22 വയസ്സ്). അപേക്ഷാഫോറവും വിവരണവും www.ihrd.ac.in എന്ന വെബ്‌സൈറ്റില്‍ നിന്ന് പ്രിന്റ് ചെയ്‌തെടുക്കുകയോ, അതത് സ്‌കൂളുകളില്‍ നിന്നും നേരിട്ട് വാങ്ങുകയോ ചെയ്യാം. പൂരിപ്പിച്ച അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷന്‍ ഫീസ് സഹിതം (പട്ടികജാതി/വര്‍ഗ്ഗ വിദ്യാര്‍ത്ഥികള്‍ക്ക് 50 രൂപ) മെയ് 30 ന് മൂന്ന് മണിക്ക് മുമ്പ് ബന്ധപ്പെട്ട് സ്‌കൂളില്‍ ലഭിക്കണം. രജിസ്‌ട്രേഷന്‍ ഫീസ് സ്‌കൂള്‍ ഓഫീസില്‍ പണമായോ, ബന്ധപ്പെട്ട സ്‌കൂള്‍ പ്രിന്‍സിപ്പലിന്റെ പേരില്‍ മാറാവുന്ന ഡി.ഡി. ആയോ അയയ്ക്കാം. ഓരോ സ്‌കൂളിനും പ്രത്യേക റാങ്ക് ലിസ്റ്റ് തയ്യാറാക്കി അഡ്മിഷന്‍ നടത്തുന്നതിനാല്‍ വിദ്യാര്‍ത്ഥികള്‍ ആഗ്രഹിക്കുന്ന സ്‌കൂളിലേക്ക് അപേക്ഷ നല്‍കണം. അയയ്ക്കുന്ന കവറിന് പുറത്ത് 'പതിനൊന്നാം സ്റ്റാന്റേഡ് പ്രവേശനത്തിനുള്ള അപേക്ഷ - 2018-19' എന്ന് വ്യക്തമായി എഴുതിയിരിക്കണം. രജിസ്‌ട്രേഷന്‍ ഫീസായി മണി ഓര്‍ഡര്‍, പോസ്റ്റല്‍ ഓര്‍ഡര്‍, ചെക്ക് മുതലായവ സ്വീകരിക്കില്ല.Dt.5.5.2018.
************************
മെയ് 21 മുതല്‍ 25 വരെ സംസ്ഥാനത്തെ തെരഞ്ഞെടുത്ത കേന്ദ്രങ്ങളില്‍ നടക്കുന്ന എസ്.എസ്.എല്‍.സി സേ പരീക്ഷ വിജ്ഞാപനം പ്രസിദ്ധീകരിച്ചു. വിശദമായ വിജ്ഞാപനവും അനുബന്ധവിവരങ്ങളും പരീക്ഷാഭവന്റെ www.keralapareekshabhavan.in എന്ന വെബ്‌സൈറ്റില്‍ ലഭിക്കും.Dt.5.5.2018.
************************
2018 ലെ എസ്.എസ്.എല്‍.സി പരീക്ഷാഫലം ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ 'പി.ആര്‍.ഡി. ലൈവ്' (PRD LIVE) എന്ന മൊബൈല്‍ ആപ്പിലൂടെ ലഭിക്കും. ആപ്പിലൂടെ ഫലം വേഗത്തില്‍ അറിയാനായി ക്ലൗഡ് സെര്‍വര്‍ സംവിധാനം തയ്യാറാക്കി. ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി പരീക്ഷാഫലങ്ങള്‍ പ്രഖ്യാപിക്കുന്ന മുറയ്ക്ക് ഇതേ ആപ്പിലൂടെ ലഭ്യമാകും. ഗൂഗിള്‍ പ്ലേ സ്റ്റോറില്‍ നിന്ന് ആപ്പ് ഡൗണ്‍ലോഡ് ചെയ്യാം. 2016 ലെ സംസ്ഥാന അസംബ്ലി തിരഞ്ഞെടുപ്പ് ഫലത്തോടനുബന്ധിച്ചാണ് 'പി.ആര്‍.ഡി. ലൈവ്' ശ്രദ്ധേയമായത്. വിവിധ സര്‍ക്കാര്‍ വാര്‍ത്തകളും അറിയിപ്പുകളും വീഡിയോകളും സമയബന്ധിതമായി 'പി.ആര്‍.ഡി. ലൈവ്' ലൂടെ ലഭിക്കുന്നുണ്ട്. കേരള സ്റ്റാര്‍ട്ട് അപ്പ് മിഷന്റെ കീഴിലുള്ള തോട്ട്‌സ് റിപ്പിള്‍സ് എന്ന കമ്പനിയാണ് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിനുവേണ്ടി ആപ്പ് നിര്‍മ്മിച്ചത്.Dt.30.4.2018.
************************
സംസ്ഥാനത്തെ 4775 സ്‌കൂളുകളില്‍ വീഡിയോ റെക്കോര്‍ഡറുകളും കോണ്‍ഫറന്‍സിംഗ് സംവിധാനങ്ങളും ഒരുങ്ങുന്നു. ഇതിനാവശ്യമായ സംവിധാനങ്ങള്‍ ഏര്‍പ്പെടുത്തുന്നതിന് കേരള ഇന്‍ഫ്രാസ്ട്രക്ചര്‍ ആന്റ്‌ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) നടപടികളാരംഭിച്ചു. ഇതിന്റെ ഭാഗമായി മള്‍ട്ടിഫംഗ്ഷന്‍ പ്രിന്ററുകള്‍, എച്ച്.ഡി. ഡിജിറ്റല്‍ ഹാന്റിക്യാം, എച്ച്.ഡി.വെബ്ക്യാം, 42 ഇഞ്ച് എല്‍.ഇ.ഡി. ടെലിവിഷന്‍ എന്നിവയ്ക്കുള്ള ദേശീയ ടെണ്ടര്‍ വിളിച്ചു. വിന്യാസം ജൂണില്‍ പൂര്‍ത്തിയാകും. ക്ലാസ്മുറികള്‍ ഹൈടെക്കാക്കുന്നതിന്റെ ഭാഗമായി നേരത്തെ തന്നെ 34500 ക്ലാസ് മുറികളിലേക്ക് ആവശ്യമായ ലാപ്‌ടോപ്പുകള്‍, മള്‍ട്ടിമീഡിയ പ്രൊജക്ടറുകള്‍, മൗണ്ടിംഗ് കിറ്റുകള്‍യു.എസ്.ബി.സ്പീക്കറുകള്‍, സ്‌ക്രീനുകള്‍എന്നിവ സ്‌കൂളുകള്‍ക്ക് ലഭ്യമാക്കിയിരുന്നു. ബ്രോഡ്ബാന്‍ഡ് ഇന്റര്‍നെറ്റ് സൗകര്യവും എല്ലാ സ്‌കൂളുകളിലുമായി. ക്ലാസ് മുറികള്‍ നെറ്റ്‌വര്‍ക്ക് ചെയ്യുന്നതിന്റെ പ്രവര്‍ത്തനം ആരംഭിച്ചു. സ്‌കൂളുകളും ക്ലാസ്മുറികളും ഹൈടെക്കാക്കുന്ന പശ്ചാത്തലത്തില്‍ എട്ടുമുതല്‍ പന്ത്രണ്ടുവരെ ക്ലാസുകളില്‍ പഠിപ്പിക്കുന്ന ഒരുലക്ഷത്തോളം അധ്യാപകര്‍ക്ക് പ്രത്യേക ഐ.ടി. പരിശീലനം ആരംഭിച്ചു. ഡിജിറ്റല്‍ രൂപത്തില്‍ പാഠാസൂത്രണം നടത്താനും വിഭവങ്ങള്‍ പ്രയോജനപ്പെടുത്താനും കഴിയുന്ന 'സമഗ്ര' റിസോഴ്‌സ് പോര്‍ട്ടല്‍ ഈ പരിശീലനത്തിലൂടെ മുഴുവന്‍ അധ്യാപകരും പരിചയപ്പെടുമെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു.Dt.29.4.2018.
************************
സാങ്കേതിക പരീക്ഷാ കണ്‍ട്രോളര്‍ 2018 ഏപ്രില്‍-മേയ് മാസത്തില്‍ നടത്തുന്ന കെ.ജി.സി പരീക്ഷയുടെ ടൈംടേബില്‍ www.tekerala.org യില്‍ പ്രസിദ്ധീകരിച്ചു. Dt.28.4.2018.
************************
എസ്.എസ്.എല്‍.സി ഫലപ്രഖ്യാപനം നടന്ന ഉടനെ www.results.itscholl.gov.in വെബ്‌സൈറ്റിലൂടെ ഫലമറിയാന്‍ കൈറ്റ് സംവിധാനം ഒരുക്കി. ഇതിനു പുറമെ സഫലം 2018 എന്ന മൊബൈല്‍ ആപ് വഴിയും ഫലമറിയാം. വ്യക്തിഗത റിസള്‍ട്ടിനു പുറമെ സ്‌കൂള്‍ - വിദ്യാഭ്യാസ ജില്ല - റവന്യൂ ജില്ലാ തലങ്ങളിലുള്ള റിസള്‍ട്ട് അവലോകനം ഉള്‍ക്കൊള്ളുന്ന. പൂര്‍ണ്ണമായ വിശകലനം പോര്‍ട്ടലിലും മൊബൈലില്‍ ആപ്പിലും റിസള്‍ട്ട് അനാലിസിസ് എന്ന ലിങ്ക് വഴി ലോഗിന്‍ ചെയ്യാതെതന്നെ ലഭ്യമാകും. ഗൂഗിള്‍ പ്ലേ സ്റ്റോറില്‍ നിന്നും 'Saphalam 2018' ആപ് ഡൗണ്‍ലോഡ് ചെയ്യാം. വളരെയെളുപ്പം ഫലം ലഭിക്കാന്‍ പ്രത്യേക ക്ലൗഡധിഷ്ഠിത സംവിധാനം കൈറ്റ് ഒരുക്കിയിട്ടുണ്ട്. ഹയര്‍ സെക്കന്ററി-വൊക്കേഷണല്‍ ഹയര്‍ സെക്കന്ററി ഫലങ്ങളും പ്രഖ്യാപിക്കുന്ന മുറയ്ക്ക് ആപ്പിലും ലഭ്യമാക്കും. പ്രൈമറിതലം മുതലുള്ള കൈറ്റ് ബ്രോഡ്ബാന്‍ഡ് ഇന്റര്‍നെറ്റ് സംവിധാനം ലഭ്യമാക്കിയിട്ടുള്ള 13787 സ്‌കൂളുകളിലും വിദ്യാര്‍ത്ഥികള്‍ക്ക് റിസള്‍ട്ടറിയാനുള്ള സംവിധാനമൊരുക്കാന്‍ നിര്‍ദ്ദേശിച്ചിട്ടുണ്ടെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു.Dt.27.4.2018.
************************
കേരളത്തിലെ സാങ്കേതിക വിദ്യാഭ്യാസ വകുപ്പിന് കീഴിലുള്ള 39 സര്‍ക്കാര്‍ ടെക്‌നിക്കല്‍ ഹൈസ്‌കൂളുകളിലേക്ക് 2018-19 അദ്ധ്യയന വര്‍ഷം എട്ടാം ക്ലാസിലേക്കുള്ള പ്രവേശന നടപടികള്‍ ആരംഭിച്ചു. മേയ് രണ്ടുവരെ അപേക്ഷിക്കാം. സാധാരണ സ്‌കൂളുകളില്‍ നിന്നും ഏഴാം ക്ലാസ് പാസായവര്‍ക്ക് അപേക്ഷിക്കാം. പോളിടെക്‌നിക് പ്രവേശനത്തിന് ടി.എച്ച്.എസ്.എല്‍.സി പാസായ വിദ്യാര്‍ത്ഥികള്‍ക്ക് 10 ശതമാനം സീറ്റ് പ്രത്യേകമായി സംവരണം ചെയ്തിട്ടുണ്ട്. പഠന മാധ്യമം ഇംഗ്ലീഷ് ആണ്. മെയ് നാലിന് നടക്കുന്ന പ്രവേശന പരീക്ഷയുടെ അടിസ്ഥാനത്തിലാണ് പ്രവേശനം. 13 ടെക്‌നിക്കല്‍ വൊക്കേഷണല്‍ ട്രേഡുകളിലായി 4,000 വിദ്യാര്‍ത്ഥികള്‍ക്കാണ് പ്രവേശനം. നാഷണല്‍ സ്‌കില്‍ ക്വാളിഫിക്കേഷന്‍ ഫ്രെയിംവര്‍ക്ക് (എന്‍.എസ്.ക്യൂ.എഫ്) ഉള്‍പ്പെടുത്തി ക്രാഫ്റ്റ്‌സ്മാന്‍ഷിപ്പ് സര്‍ട്ടിഫിക്കറ്റ് ലഭിക്കുന്ന തരത്തിലാണ് ടെകനിക്കല്‍ ഹൈസ്‌കൂളുകളുടെ പഠന പദ്ധതി രൂപകല്‍പന ചെയ്തിരിക്കുന്നത്. അപേക്ഷാ ഫോറവും പ്രോസ്‌പെക്ടസും 10 രൂപയ്ക്ക് അതതു ടെക്‌നിക്കല്‍ ഹൈസ്‌ക്കൂളുകളില്‍ ലഭിക്കും. Dt.24.4.2018.
************************
സംസ്ഥാനത്തെ സര്‍ക്കാര്‍ സ്‌കൂളുകളിലെ ഒന്നു മുതല്‍ ഏഴു വരെ ക്‌ളാസുകളിലെ നാലരലക്ഷം വിദ്യാര്‍ത്ഥികള്‍ക്കുള്ള സൗജന്യ യൂണിഫോം വിതരണം ഈ മാസം പൂര്‍ത്തിയാകും. വിവിധ നിറങ്ങളിലെ 23 ലക്ഷം മീറ്റര്‍ തുണിയാണ് ഹാന്റക്‌സും ഹാന്‍വീവും ഇതിനായി തയ്യാറാക്കിയത്. തിരുവനന്തപുരം, കൊല്ലം, ആലപ്പുഴ, പത്തനംതിട്ട, ഇടുക്കി, കോട്ടയം, എറണാകുളം ജില്ലകളില്‍ ഹാന്റക്‌സും മറ്റു ജില്ലകളില്‍ ഹാന്‍വീവുമാണ് യൂണിഫോം തയ്യാറാക്കി വിതരണം ചെയ്യുന്നത്. രണ്ടു ജോഡി യൂണിഫോമാണ് ഒരു വിദ്യാര്‍ത്ഥിക്ക് നല്‍കുന്നത്. യൂണിഫോം വിതരണ പ്രവര്‍ത്തനം നടക്കുന്ന തിരുവനന്തപുരം ഊറ്റുകുഴിയിലെ ഹാന്റക്‌സ് ഗോഡൗണ്‍ വ്യവസായ മന്ത്രി എ. സി. മൊയ്തീന്‍ സന്ദര്‍ശിച്ചു. അഭിനന്ദനാര്‍ഹമായ പ്രവര്‍ത്തനമാണ് തൊഴിലാളികളും ജീവനക്കാരും നടത്തിയതെന്ന് മന്ത്രി പറഞ്ഞു. ഗുണമേന്‍മയുള്ള തുണിയാണ് യൂണിഫോമിനായി തയ്യാറാക്കിയിരിക്കുന്നത്. യൂണിഫോം തയ്യാറാക്കിയതിലൂടെ ഈ മേഖലയില്‍ കൂടുതല്‍ പേര്‍ക്ക് തൊഴില്‍ ലഭിച്ചു. പൊതുമേഖലാ സ്ഥാപനങ്ങളാണ് നൂല്‍ ലഭ്യമാക്കിയത്. നാലായിരത്തിലധികം തൊഴിലാളികള്‍ക്ക് നേരിട്ട് തൊഴില്‍ ലഭിച്ചു. ആയിരം തറികള്‍ പുതിയതായി സ്ഥാപിച്ചു. നേരത്തെ പ്രതിദിനം 200 രൂപ ലഭിച്ചിരുന്ന തൊഴിലാളിക്ക് ഇപ്പോള്‍ 400 മുതല്‍ 600 രൂപ വരെ ലഭിക്കുന്നുണ്ടെന്ന് മന്ത്രി പറഞ്ഞു. കഴിഞ്ഞ വര്‍ഷം ഒന്‍പതരലക്ഷം മീറ്റര്‍ യൂണിഫോം തുണിയാണ് വിതരണം ചെയ്തത്. മൂന്നു മാസം കൊണ്ടായിരുന്നു അന്ന് തുണി നെയ്‌തെടുത്തത്. ഈ വര്‍ഷം നേരത്തെ തന്നെ പ്രവര്‍ത്തനം ആരംഭിച്ചിരുന്നു. ഹാന്റക്‌സിന്റെ വാഹനത്തില്‍ തന്നെയാണ് പരമാവധി സ്ഥലങ്ങളില്‍ യൂണിഫോം എത്തിക്കുന്നത്. തിരുവനന്തപുരം മുതല്‍ എറണാകുളം വരെയുള്ള ജില്ലകളിലെ 3555 സ്‌കൂളുകളിലാണ് ഹാന്റക്‌സ് യൂണിഫോം എത്തിക്കുന്നത്. 11 ലക്ഷം മീറ്റര്‍ തുണിയാണ് ഇതിനായി തയ്യാറാക്കിയത്.Dt.24.4.2018.
************************
സര്‍ക്കാര്‍ വകുപ്പുകള്‍, അര്‍ദ്ധസര്‍ക്കാര്‍, പൊതുമേഖലാ സ്ഥാപനങ്ങള്‍, സര്‍ക്കാര്‍ ഗ്രാന്റ് ഉപയോഗിച്ച് ജീവനക്കാര്‍ക്ക് ശമ്പളം, പെന്‍ഷന്‍ എന്നിവ നല്‍കുന്ന സ്ഥാപനങ്ങള്‍ എന്നിവിടങ്ങളില്‍ താത്കാലിക ജീവനക്കാരെ സ്ഥിരപ്പെടുത്തുന്നതുമായി ബന്ധപ്പെട്ട് നിര്‍ദേശം പുറപ്പെടുവിച്ച് സര്‍ക്കാര്‍ ഉത്തരവായി. താത്കാലിക ജീവനക്കാരെ മുന്‍കാല പ്രാബല്യത്തോടെ സ്ഥിരപ്പെടുത്തുന്നതായി കണ്ടെത്തിയതിന്റെ അടിസ്ഥാനത്തിലാണ് നടപടി. സര്‍ക്കാര്‍ അംഗീകാരത്തോടെ നിയമപ്രകാരം താത്കാലിക ജീവനക്കാരെ സ്ഥിരപ്പെടുത്തുകയാണെങ്കില്‍ ഉത്തരവ് തീയതി മുതല്‍ മാത്രം അതിന് പ്രാബല്യം നല്‍കണമെന്നാണ് പ്രധാന നിര്‍ദേശം. ഉദ്യോഗക്കയറ്റം, പെന്‍ഷന്‍, മറ്റു സേവനാനുകൂല്യങ്ങള്‍ മുതലായവ ഒന്നിനും സ്ഥിരപ്പെടുത്തുന്ന തീയതിക്ക് മുമ്പുളള സേവനകാലം പരിഗണിക്കില്ല. ഉത്തരവിനു വിരുദ്ധമായി വകുപ്പ് തലവന്‍മാര്‍/നിയമനാധികാരി നിയമന ഉത്തരവ് പുറപ്പെടുവിച്ചാലുണ്ടാകുന്ന സാമ്പത്തിക ബാധ്യത ഉദ്യോഗസ്ഥന്റെ ബാധ്യതയായി കണക്കാക്കും. Dt.24.4.2018.
************************
സര്‍ക്കാര്‍ ജീവനക്കാരുടെ പൊതുസ്ഥലംമാറ്റവും നിയമനവും സംബന്ധിച്ച മാനദണ്ഡത്തില്‍ ഭേദഗതിവരുത്തി സര്‍ക്കാര്‍ ഉത്തരവിറക്കി. ജില്ല സംബന്ധിച്ച് പരിധിയില്ലാതെ ഓപ്ഷന്‍ നല്‍കാമെന്നും സ്വന്തം ജില്ലയെന്നത് സര്‍വീസില്‍ പ്രവേശിക്കുന്ന സമയത്ത് നല്‍കുന്ന സ്ഥിരമേല്‍വിലാസപ്രകാരമുള്ള ജില്ലയായിരിക്കുമെന്നും ഭേദഗതി വരുത്തിയിട്ടുണ്ട്. സര്‍വീസില്‍ പ്രവേശിച്ച ശേഷം ഹോം സ്റ്റേഷന്‍ ഒരു തവണ മാത്രമേ മാറ്റാന്‍ സാധിക്കുകയുള്ളൂ എന്നും ഉത്തരവില്‍ വ്യക്തമാക്കി. Dt.21.4.2018.
************************
സംസ്ഥാന സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും നടപ്പാക്കുന്ന ആരോഗ്യ ഇന്‍ഷുറന്‍സ് പദ്ധതിയില്‍ തദ്ദേശ സ്വയംഭരണ സ്ഥാപനങ്ങളിലേയും സര്‍ക്കാരിന്റെ ഗ്രാന്റ് ഇന്‍ എയ്ഡ് സ്വീകരിക്കുന്ന സര്‍വകലാശാലകളിലെയും ജീവനക്കാരെ ഉള്‍പ്പെടുത്താന്‍ തീരുമാനിച്ചതിനാല്‍ ഗുണഭോക്താക്കളുടെ വിവരം ഡാറ്റാബേസിലേക്ക് ആവശ്യപ്പെടുന്ന മുറയ്ക്ക് ലഭ്യമാക്കാന്‍ ബന്ധപ്പെട്ട സ്ഥാപന മേധാവികള്‍ക്ക് സര്‍ക്കാര്‍ നിര്‍ദ്ദേശം നല്‍കി. പ്രത്യേക പ്രൊഫോര്‍മയില്‍ വിവരം ശേഖരിച്ച് ധനകാര്യ വകുപ്പ് തയ്യാറാക്കുന്ന ഡാറ്റബേസിലാണ് നല്‍കേണ്ടത്. വിശദാംശങ്ങള്‍ തയ്യാറാക്കുന്നതിള്ള സാങ്കേതിക നിര്‍ദ്ദേശങ്ങള്‍ www.medisep.kerala.gov.in ല്‍ ലഭ്യമാക്കും.വിശദ വിവരങ്ങള്‍ക്ക് 0471-2305851.Dt.21.4.2018.
************************
പരിസ്ഥിതി ദിനമായ ജൂണ്‍ അഞ്ചിന് വിദ്യാലയങ്ങളിലും വിദ്യാര്‍ത്ഥികളുടെ വീടുകളിലും നടുന്നതിന് പൊതുവിദ്യാഭ്യാസ വകുപ്പിന് കീഴില്‍ സ്‌കൗട്ട്‌സ് ആന്റ് ഗൈഡ്‌സ്, സ്റ്റുഡന്റ് പോലീസ് കേഡറ്റ് (എസ്.പി.സി), ജൂനിയര്‍ റെഡ്‌ക്രോസ് (ജെ.ആര്‍.സി) വോളണ്ടിയര്‍മാരുടെ സഹകരണത്തോടെ 60 ലക്ഷം ഫല വൃക്ഷത്തൈകള്‍ ഉത്പാദിപ്പിക്കും. ഇതു സംബന്ധിച്ചു ആലോചനാ യോഗം പൊതുവിദ്യാഭ്യാസ അഡീഷണല്‍ ഡയറക്ടറുടെ (ജനറല്‍) അധ്യക്ഷതയില്‍ നടന്നു. സ്‌കൗട്ട്‌സ് ആന്റ് ഗൈഡ്‌സ് 40 ലക്ഷവും സ്റ്റുഡന്റ് പോലീസ് കേഡറ്റ്‌സ് 12 ലക്ഷവും ജൂനിയര്‍ റെഡ്‌ക്രോസ് എട്ട് ലക്ഷവും തൈകള്‍ തയ്യാറാക്കും. ഫലവൃക്ഷത്തൈകള്‍ തയ്യാറാക്കുന്നതിനുള്ള വിത്ത് പാകല്‍ ഉദ്ഘാടനം 24ന് സ്‌കൗട്ട്‌സ് ആസ്ഥാനത്ത് നടക്കും. സംസ്ഥാന ഫലമായി ചക്കയെ തെരെഞ്ഞെടുത്തിട്ടുള്ള സാഹചര്യത്തില്‍ എല്ലാ വിദ്യാലയങ്ങളിലും ഒരു പ്ലാവിന്‍ തൈ എങ്കിലും നടുക എന്നതാണ് ലക്ഷ്യം.Dt.20.4.2018.
************************
സെക്രട്ടേറിയറ്റ് മുതല്‍ ഗ്രാമതലങ്ങള്‍ വരെയുളള എല്ലാ സര്‍ക്കാര്‍ ഓഫീസുകളിലും ഗ്രീന്‍ പ്രോട്ടോകോള്‍ നടപ്പിലാക്കണമെന്ന് ചീഫ് സെക്രട്ടറി പോള്‍ ആന്റണിയുടെ അധ്യക്ഷതയില്‍ സെക്രട്ടേറിയറ്റ് ദര്‍ബാര്‍ ഹാളില്‍ ചേര്‍ന്ന യോഗം തീരുമാനിച്ചു. ലോകപരിസ്ഥിതിദിനമായ ജൂണ്‍ അഞ്ചിന് എല്ലാ സര്‍ക്കാര്‍ സ്ഥാപനങ്ങളിലും ഗ്രീന്‍പ്രോട്ടോകോള്‍ പ്രഖ്യാപനം നടത്തുന്നതിനാവശ്യമായ നടപടികള്‍ സ്വീകരിക്കുന്നതിനും യോഗം തീരുമാനിച്ചു. ലോകപരിസ്ഥിതി ദിനത്തില്‍ കേരളത്തിലെ സര്‍ക്കാര്‍ ഓഫീസുകളില്‍ ഗ്രീന്‍പ്രോട്ടോകോള്‍ നടപ്പിലാക്കി പ്രഖ്യാപനം നടത്തുന്നതിനാവശ്യമായ നടപടികള്‍ എല്ലാ വകുപ്പ് മേധാവികളും സ്വീകരിക്കണം. ഗ്രീന്‍പ്രോട്ടോകോള്‍ നടപ്പിലാക്കുന്നതിനുളള നിര്‍ദേശങ്ങള്‍ സംബന്ധിച്ച് സര്‍ക്കാര്‍ സര്‍ക്കുലര്‍ പുറപ്പെടുവിക്കും. സംസ്ഥാനത്തെ സര്‍ക്കാര്‍ ഓഫീസുകളില്‍ ഗ്രീന്‍പ്രോട്ടോകോള്‍ നടപ്പിലാക്കുന്നത് സംബന്ധിച്ച് കര്‍മ്മപദ്ധതി ശുചിത്വ മിഷന്‍ എക്‌സിക്യൂട്ടീവ് ഡയറക്ടര്‍ ഡോ. ആര്‍ അജയകുമാര്‍ വര്‍മ്മ യോഗത്തില്‍ അവതരിപ്പിച്ചു. എല്ലാ ഓഫീസിലും ഗ്രീന്‍പ്രോട്ടോകോള്‍ കമ്മിറ്റി രൂപീകരിച്ച് നോഡല്‍ ഓഫീസറെ നിയോഗിക്കും. അഴുകുന്നതും അഴുകാത്തതുമായ മാലിന്യം തംതിരിച്ച് ശേഖരിക്കാനായി പ്രത്യേകം ബിന്നുകള്‍ അതത് സ്ഥാപനങ്ങളില്‍ സ്ഥാപിക്കുകയും അഴുകാത്ത മാലിന്യങ്ങള്‍ ശേഖരിക്കാന്‍ പ്രത്യേകം സ്ഥലം കണ്ടെത്തുകയും ചെയ്യണം. എല്ലാ പൊതു ചടങ്ങുകളിലും പ്രചാരണങ്ങള്‍ക്കും തുണി ബാനറുകളും ബോര്‍ഡുകളും ഉപയോഗിക്കുന്നു എന്നുറപ്പാക്കുകയും വേണം. പുനരുപയോഗിക്കാവുന്ന പാത്രങ്ങളില്‍ മാത്രമേ ആഹാരം കൊണ്ടു വരാവൂ എന്ന് മേധാവികള്‍ ജീവനക്കാരോട് നിര്‍ദേശിക്കണം. മെയ് 15നകം ഓഫീസുകളില്‍ പ്ലാസ്റ്റിക് ക്യാരി ബാഗ് നിരോധിക്കുകയും, ഓഫീസിലുണ്ടാകുന്ന ജൈവമാലിന്യങ്ങളുടെ തോതനുസരിച്ചുളള കമ്പോസ്റ്റ് ഉപാധികള്‍ സ്ഥാപിക്കുകയും കമ്പോസ്റ്റിംഗ് പ്രവര്‍ത്തനങ്ങള്‍ ആരംഭിക്കുകയും ചെയ്യണം. സ്റ്റീല്‍, പോര്‍സലൈന്‍ കപ്പുകളും പ്ലേറ്റുകളും വാങ്ങുക, നിശ്ചിത ഇടവേളകളില്‍ അജൈവ പാഴ് വസ്തുക്കള്‍ ശേഖരിക്കാന്‍ തദ്ദേശ സ്ഥാപനവുമായോ, പാഴ് വസ്തു വ്യാപാരികളുമായോ, ക്ലീന്‍ കേരള കമ്പനിയുമായി ധാരണയിലെത്തുക, ടോയ്‌ലറ്റുകള്‍ സ്ത്രീ സൗഹൃദമാക്കുക, ടോയ്‌ലെറ്റുകളില്‍ വെളളവും വെളിച്ചവും വൃത്തിയും ഉറപ്പാക്കുക തുടങ്ങിയ നടപടികള്‍ മെയ് 31നകം സ്വീകരിക്കണം. തരം തിരിച്ച് ശേഖരിച്ച അജൈവ മാലിന്യം നീക്കം ചെയ്യുന്നതിനുളള സംവിധാനം സംബന്ധിച്ച വിവരം എല്ലാ സ്ഥാപനങ്ങള്‍ക്കും നല്‍കുന്നതിനുളള നടപടികള്‍ അതത് തദ്ദേശ സ്വയംഭരണ സ്ഥാപനങ്ങള്‍ സ്വീകരിക്കണമെന്നും കര്‍മ്മ പദ്ധതിയില്‍ പറയുന്നു. ഹരിതകേരളം മിഷന്‍ എക്‌സിക്യൂട്ടീവ് വൈസ് ചെയര്‍പേഴ്‌സണ്‍ ഡോ. ടി. എന്‍.സീമ, അഡീഷണല്‍ ചീഫ് സെക്രട്ടറിമാര്‍, പ്രിന്‍സിപ്പല്‍ സെക്രട്ടറിമാര്‍, സെക്രട്ടറിമാര്‍, വകുപ്പ് മേധാവികള്‍ എന്നിവര്‍ യോഗത്തില്‍ പങ്കെടുത്തു.Dt.19.4.2018.
************************
സംസ്ഥാനത്തെ എട്ടുമുതല്‍ പന്ത്രണ്ടുവരെയുള്ള മുഴുവന്‍ സര്‍ക്കാര്‍-എയ്ഡഡ് സ്‌കൂളുകളിലുമായി 45000 ക്ലാസ് മുറികള്‍ ഹൈടെക്കാക്കുന്നതിന്റെ ഭാഗമായുള്ള മൂന്നാംഘട്ട വിന്യാസത്തിന് സ്‌കൂളുകള്‍ ഏപ്രില്‍ 22 ന് മുന്‍പ് വിശദാംശങ്ങള്‍ നല്‍കണം. ആദ്യ രണ്ടുഘട്ടങ്ങളിലായി 33775 ക്ലാസ്മുറികള്‍ ഹൈടെക്കാക്കുന്നതിനുള്ള സംവിധാനങ്ങള്‍ ലഭ്യമാക്കിയിരുന്നു. ഇതിന്റെ ഭാഗമായി 2969 സ്‌കൂളുകളിലെ മുഴുവന്‍ ക്ലാസ് മുറികളും ഹൈടെക്കായി. ഏപ്രില്‍ 20 വരെ സജ്ജമായതും മെയ് 18 നു മുന്‍പ് സജ്ജമാക്കാന്‍ കഴിയുന്നതുമായ ക്ലാസ്മുറികളുടെ എണ്ണം സ്‌കൂളുകള്‍ മൂന്നാംഘട്ട വിതരണത്തിന് കൈറ്റിന്റെ ജില്ലാ ഓഫീസില്‍ ലഭ്യമാക്കണം. കൈറ്റ് കോ-ഓര്‍ഡിനേറ്റര്‍മാര്‍ സ്‌കൂള്‍ സന്ദര്‍ശനം നടത്തി ഉറപ്പാക്കിയശേഷം ഏപ്രില്‍ അവസാനവാരത്തില്‍ മൂന്നാംഘട്ട ഹൈടെക് വിന്യാസം നടത്തും. ജൂണ്‍ മാസത്തോടെ മുഴുവന്‍ ക്ലാസ് മുറികളിലും ഹൈടെക് പദ്ധതി നടപ്പാക്കുന്ന രൂപത്തിലാണ് പ്രവര്‍ത്തനങ്ങള്‍ മുന്നോട്ടു പോവുന്നത്. ഹൈടെക് ക്ലാസ് മുറികളില്‍ പ്രയോജനപ്പെടുത്തുന്നതിനുള്ള 'സമഗ്ര' റിസോഴ്‌സ് പോര്‍ട്ടല്‍ തയ്യാറായിക്കഴിഞ്ഞു. ബ്രോഡ്ബാന്‍ഡ് ഇന്റര്‍നെറ്റ് എല്ലാ സ്‌കൂളുകള്‍ക്കും ലഭ്യമാക്കി. 'സമഗ്ര' ഉപയോഗിച്ച് ഹൈടെക് ക്ലാസ് മുറികളില്‍ പഠിപ്പിക്കുന്നതിന് ഒരുലക്ഷം അധ്യാപകര്‍ക്ക് പ്രത്യേക പരിശീലനം ഏപ്രില്‍ 24 മുതല്‍ എല്ലാ ജില്ലകളിലുമായി 656 കേന്ദ്രങ്ങളില്‍ നടക്കും. ഹൈടെക് സ്‌കൂള്‍ പദ്ധതിയുടെ ഭാഗമായി നിയോജക മണ്ഡലം അടിസ്ഥാനത്തില്‍ മുഴുവന്‍ സ്‌കൂളുകളുടേയും വിശദാംശങ്ങള്‍ www.kite.kerala.gov.in ല്‍ ലഭിക്കും.Dt.17.4.2018.
************************
തിരുവനന്തപുരത്ത് തൈക്കാട് പ്രവര്‍ത്തിക്കുന്ന ദേശീയ തൊഴില്‍ സേവന കേന്ദ്രം, പട്ടികജാതി/വര്‍ഗത്തില്‍പ്പെട്ട ഉദ്യോഗാര്‍ത്ഥികളുടെ തൊഴില്‍ സാധ്യത വര്‍ദ്ധിപ്പിക്കുന്നതിന് 11 മാസം ദൈര്‍ഘ്യമുളള സൗജന്യ പരിശീലന പരിപാടി നടത്തും. ടൈപ്പ്‌റൈറ്റിംഗ്, ഷോര്‍ട്ട് ഹാന്റ്, കമ്പ്യൂട്ടര്‍, ഇംഗ്ലീഷ്, കണക്ക്, ജനറല്‍നോളജ് വിഷയങ്ങളിലാണ് പരിശീലനം. കോഴ്‌സ് പഠിപ്പിക്കുന്ന സ്ഥാപനത്തിന് ഒരു കുട്ടിക്ക് പ്രതിമാസം 800 രൂപ നിരക്കില്‍ ഫീസ് ലഭിക്കും. എല്ലാ സൗകര്യങ്ങളോടും, അംഗീകൃതവും, വരുമാന നികുതി സംബന്ധിച്ച് റിട്ടേണ്‍ ഫയല്‍ ചെയ്യുന്നതും, മൂന്നു വര്‍ഷമോ അതിലധികമോ പ്രവൃത്തി പരിചയവുമുളള സ്ഥാപനങ്ങള്‍ക്ക് ഏപ്രില്‍ 30ന് അഞ്ചിന് മുമ്പ് അപേക്ഷ നല്‍കാം. കൂടുതല്‍ വിവരങ്ങള്‍ക്ക് സബ് റീജിയണല്‍ എംപ്ലോയ്‌മെന്റ് ഓഫീസര്‍, നാഷണല്‍ കരിയര്‍ സര്‍വീസ് സെന്റര്‍ ഫോര്‍ എസ്.സി/എസ്.റ്റി, തൈക്കാട്, തിരുവനന്തപുരം -14 എന്ന വിലാസത്തിലോ 0471 2332113 എന്ന നമ്പരിലോ ബന്ധപ്പെടണം.Dt.16.4.2018.
************************
നവോദയ വിദ്യാലയ പ്രവേശനത്തിനുള്ള അഡ്മിറ്റ് കാര്‍ഡുകള്‍ തയ്യാറായി. നവോദയ വിദ്യാലയ സമിതി വിദ്യാര്‍ത്ഥികളുടെ രജിസ്‌ട്രേഷന്‍ നമ്പര്‍ എസ്. എം. എസ് മുഖേന അറിയിച്ചിട്ടുണ്ട്. ഏപ്രില്‍ 21ന് നടക്കുന്ന പരീക്ഷയുടെ പ്രവേശന കാര്‍ഡുകള്‍ www.nvshq.org ല്‍ നിന്ന് ഡൗണ്‍ലോഡ് ചെയ്യുകയോ ബന്ധപ്പെട്ട നവോദയ വിദ്യാലയത്തില്‍ നിന്നും വാങ്ങുകയോ ചെയ്യാം. വിശദ വിവരങ്ങള്‍ക്ക്: 7286835226.Dt.11.4.2018.
************************
2017 സെപ്റ്റംബറില്‍ നടന്ന ഹയര്‍സെക്കണ്ടറി തുല്യതാ പരീക്ഷയുടെ (ഒന്നാം വര്‍ഷ ഇംപ്രൂവ്‌മെന്റ്) സ്‌കോര്‍ഷീറ്റ് പരീക്ഷാര്‍ത്ഥികള്‍ 2016 ഓഗസ്റ്റിലെ ഹയര്‍സെക്കണ്ടറി ഒന്നാം വര്‍ഷ തുല്യതാ പരീക്ഷയ്ക്ക് രജിസ്‌ട്രേഷന്‍ നടത്തിയ സ്‌കൂളുകളിലെ പ്രിന്‍സിപ്പാളില്‍ നിന്നും കൈപ്പറ്റണം.Dt.11.4.2018.
************************
സംസ്ഥാന വിദ്യാഭ്യാസ വകുപ്പും എസ്.സി.ഇ.ആര്‍.ടി യും സംയുക്തമായി നടത്തുന്ന ന്യൂമാറ്റ്‌സ് പദ്ധതിയില്‍ അംഗങ്ങളായ ആറു മുതല്‍ 11 വരെ ക്ലാസുകളില്‍ പഠിക്കുന്ന കുട്ടികളുടെ ഈ വര്‍ഷത്തെ അവധിക്കാല സഹവാസ ക്യാമ്പ് ഏപ്രില്‍ 17 മുതല്‍ 26 വരെ തിരുവനന്തപുരം മൈലം ജി.വി.രാജാ സ്‌പോര്‍ട്‌സ് സ്‌കൂളില്‍ നടത്തും. എല്ലാ കുട്ടികളും ഏപ്രില്‍ 17 ന് രാവിലെ 9.30 ന് മൈലം ജി.വി.രാജാ സ്‌പോര്‍ട്‌സ് സ്‌കൂളില്‍ എത്തണമെന്ന് ഡയറക്ടര്‍ അറിയിച്ചു.Dt.9.4.2018.
************************
സംസ്ഥാനത്തെ പ്രൈമറി സ്‌കൂള്‍ ഐ.ടി. കോ-ഓര്‍ഡിനേറ്റര്‍മാര്‍ക്കുള്ള നാലുദിന പരിശീലനം നാളെ മുതല്‍ ആരംഭിക്കും. ഹൈസ്‌ക്കൂള്‍-ഹയര്‍സെക്കന്ററി വിഭാഗങ്ങളോട് ചേര്‍ന്നും സ്വതന്ത്രമായും പ്രവര്‍ത്തിക്കുന്ന പ്രൈമറി-അപ്പര്‍ പ്രൈമറി വിഭാഗത്തിലെ 11,000-ലധികം ഐ.ടി. കോ-ഓര്‍ഡിനേറ്റര്‍മാരായ (പി.എസ്.ഐ.ടി.സി.) അധ്യാപകര്‍ക്കാണ് ഏപ്രില്‍ 24 നകം രണ്ടു ബാച്ചുകളിലായി എല്ലാ ജില്ലകളിലും ഐ.ടി. പരിശീലനം നല്‍കുന്നത്. പ്രൈമറി സ്‌കൂളുകളിലെ ഐ.സി.ടി. പ്രവര്‍ത്തനങ്ങളുമായി ബന്ധപ്പെട്ട പ്രവര്‍ത്തനങ്ങള്‍ ഏറ്റെടുത്ത് നടത്താനും സാങ്കേതിക പ്രശ്‌നങ്ങളുണ്ടായാല്‍ അത് സ്‌കൂളുകളില്‍ത്തന്നെ പരിഹരിക്കാനും കോ-ഓര്‍ഡിനേറ്റര്‍മാരെ സജ്ജമാക്കുന്ന തരത്തിലാണ് പരിശീലനം. ഓപ്പറേറ്റിംഗ് സിസ്റ്റം, ഓഫീസ് പാക്കേജുകള്‍ എന്നിവയുടെ ഉപയോഗം, സമ്പൂര്‍ണ സ്‌കൂള്‍ മാനേജ്‌മെന്റ് സോഫ്റ്റ്‌വെയര്‍, 'സമഗ്ര' ലേണിംഗ് മാനേജ്‌മെന്റ് പോര്‍ട്ടല്‍, ബ്രോഡ്ബാന്‍ഡ് ഇന്റര്‍നെറ്റ് പ്രയോജനപ്പെടുത്തല്‍, വിവിധ വിഷയങ്ങള്‍ക്കുള്ള ഐ.ടി. അധിഷ്ഠിത ഉള്ളടക്കം, ഭാഷാ കമ്പ്യൂട്ടിംഗ്, ഇന്‍സ്റ്റലേഷന്‍-ട്രബിള്‍ ഷൂട്ടിംഗ് തുടങ്ങിയവ പരിശീലനത്തില്‍ ഉള്‍പ്പെടുത്തിയിട്ടുണ്ട്. ഓണ്‍ലൈനില്‍ രജിസ്റ്റര്‍ ചെയ്ത അധ്യാപകര്‍ക്കാണ് ഒരേസമയം 230 കേന്ദ്രങ്ങളിലായി പരിശീലനം ക്രമീകരിച്ചിരിക്കുന്നത്. പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി എട്ടു മുതല്‍ പന്ത്രണ്ടുവരെ യുള്ള ക്ലാസുകള്‍ ഹൈടെക്കാക്കുന്നതിന്റെ തുടര്‍ച്ചയായി ഈ വര്‍ഷം തന്നെ മുഴുവന്‍ പ്രൈമറി വിഭാഗങ്ങള്‍ക്കും ഹൈടെക് ലാബുകള്‍ സ്ഥാപിക്കുന്നതിന്റെ ആദ്യ ഘട്ടമാണ് ഈ പരിശീലനമെന്ന് കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് അറിയിച്ചു.Dt.9.4.2018.
************************
ഏപ്രില്‍ 26 ന് നടത്താന്‍ നിശ്ചയിച്ചിരുന്ന ഡി.എഡ് രണ്ട്, നാല് സെമസ്റ്റര്‍ പരീക്ഷകള്‍ ഏപ്രില്‍ 30 ന്. മറ്റ് പരീക്ഷകള്‍ക്കും സമയത്തിനും മാറ്റമില്ല. പുതുക്കിയ ടൈം ടേബിള്‍ പരീക്ഷാഭവന്റെ വെബ്‌സൈറ്റില്‍ (www.keralapareekshabhavan.in) ലഭ്യമാണ്.Dt.6.4.2018.
************************
തൃശൂരില്‍ നടന്ന സംസ്ഥാന സ്‌കൂള്‍ കലോല്‍സവത്തില്‍ എ ഗ്രേഡ് നേടിയ പട്ടികജാതി വിഭാഗത്തില്‍പ്പെട്ട കലാ പ്രതിഭകള്‍ക്ക് 10,000 രൂപ ക്യാഷ് അവാര്‍ഡ് ലഭിക്കുന്ന പ്രോത്സാഹന പദ്ധതിയിലേക്ക് അപേക്ഷിക്കാം. എ ഗ്രേഡ് നേടിയവര്‍ നിശ്ചിത മാതൃകയിലുള്ള അപേക്ഷ, ജാതി സര്‍ട്ടിഫിക്കറ്റ്, എ ഗ്രേഡ് നേടിയ സര്‍ട്ടിഫിക്കറ്റിന്റെ ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പ്, നിശ്ചിത മാതൃകയിലുള്ള വിദ്യാര്‍ത്ഥിയുടെ ഫോട്ടോ പതിച്ച തിരിച്ചറിയല്‍ കാര്‍ഡ് എന്നിവ അപേക്ഷകന്‍ പഠിച്ച സ്ഥാപന മേധാവിയുടെ ശുപാര്‍ശ രേഖപ്പെടുത്തി മേയ് 15 ന് വൈകുന്നേരം അഞ്ച് മണിക്ക് മുമ്പ് ചീഫ് പബ്ലിസിറ്റി ഓഫീസര്‍, പട്ടികജാതി വികസന വകുപ്പ്, അയ്യന്‍കാളി ഭവന്‍, കനക നഗര്‍, കവടിയാര്‍ പിഒ., തിരുവനന്തപുരം - 695003 എന്ന വിലാസത്തില്‍ ലഭ്യമാക്കണം. അപേക്ഷകരെ നേരിട്ട് ബന്ധപ്പെടാനുള്ള ഫോണ്‍ നമ്പര്‍, പിന്‍കോഡ് സഹിതമുള്ള മേല്‍വിലാസം എന്നിവ അപേക്ഷയില്‍ രേഖപ്പെടുത്തിയിരിക്കണം. അപേക്ഷയുടെ മാതൃക ജില്ലാ പട്ടികജാതി വികസന ഓഫീസുകളില്‍ ലഭിക്കും. കൂടുതല്‍ വിവരങ്ങള്‍ക്ക് 0471 - 2737218.Dt.7.4.2018.
************************
സ്‌കോള്‍കേരളയില്‍ നിന്ന് 2016-18 ബാച്ചില്‍ ഹയര്‍സെക്കണ്ടറി കോഴ്‌സ് ഓപ്പണ്‍ റെഗുലര്‍ വിഭാഗത്തില്‍ പഠനം പൂര്‍ത്തിയാക്കിയ വിദ്യാര്‍ത്ഥികളുടെ ടി.സി-യും, കോണ്‍ഡക്ട് സര്‍ട്ടിഫിക്കറ്റും വിതരണം നടത്തും. ട്രാന്‍സ്ഫര്‍ സട്ടിഫിക്കറ്റ് സ്‌കോള്‍-കേരള ജില്ലാ ഓഫീസുകള്‍ വഴിയും,കോണ്‍ഡക്ട് സര്‍ട്ടിഫിക്കറ്റ് പഠന കേന്ദ്രങ്ങള്‍ വഴിയുമാണ് വിതരണം നടത്തുന്നത്. വിദ്യാര്‍ത്ഥികള്‍ സ്‌കോള്‍ കേരള അനുവദിച്ചിട്ടുള്ള തിരിച്ചറിയല്‍ കാര്‍ഡുമായി നേരിട്ടെത്തി ബന്ധപ്പെട്ട കേന്ദ്രങ്ങളില്‍ നിന്നും ടി.സിയും കോണ്‍ഡക്ട് സര്‍ട്ടിഫിക്കറ്റും കൈപ്പറ്റണം.Dt.6.4.2018.
************************
സെന്റര്‍ ഫോര്‍ കണ്ടിന്യൂയിംഗ് എജ്യുക്കേഷന്‍ കേരളയുടെ കീഴില്‍ പ്ലാമൂട്, ചാരാച്ചിറയില്‍ പ്രവര്‍ത്തിക്കുന്ന കേരള സ്റ്റേറ്റ് സിവില്‍ സര്‍വീസ് അക്കാഡമിയിലും പാലക്കാട് സബ് സെന്ററിലും നാഷണല്‍ ടാലന്റ് സെര്‍ച്ച് പരീക്ഷയുടെ പ്രിലിമിനറി കോച്ചിംഗ് ഏപ്രില്‍ എട്ടിന് ആരംഭിക്കും. പത്താം ക്ലാസ് വിദ്യാര്‍ത്ഥികള്‍ക്കാണ് പ്രവേശനം. നവംബര്‍ 2018 വരെയാണ് കോഴ്‌സിന്റെ കാലാവധി. ഞായറാഴ്ചകളിലും രണ്ടാം ശനിയാഴ്ചകളിലുമാണ് ക്ലാസ്. 5000 രൂപയും 18% ജി.എസ്.ടി ഉള്‍പ്പെടെ 5900 രൂപയാണ് ഫീസ്. എന്‍.ടി.എസ്.ഇയുടെ പ്രിലിമിനറി പരീക്ഷ പാസായവര്‍ക്കുളള മെയിന്‍ പരീക്ഷയുടെ പരിശീലനവും എട്ടിന് തുടങ്ങും. മെയിന്‍ പരീക്ഷാ പരിശീലനത്തിന് ഫീസ് ഈടാക്കുകയില്ല. വിലാസം: ഡയറക്ടര്‍, സെന്റര്‍ ഫോര്‍ കണ്ടിന്യൂയിംഗ് എജ്യൂക്കേഷന്‍ കേരള, ആനത്തറ ലെയിന്‍ ചാരാച്ചിറ, കവടിയാര്‍, പി.ഒ, തിരുവനന്തപുരം. വെബ്‌സൈറ്റ്:www.ccek.org, www.kscsa.org ഫോണ്‍: 0471 2313065, 2311654.Dt.4.4.2018.
************************
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 45000 ക്ലാസ് മുറികള്‍ ഹൈടെക് ആകുന്ന പശ്ചാത്തലത്തില്‍ ജൂണ്‍ മാസത്തോടെ ഒരു ലക്ഷം അദ്ധ്യാപകര്‍ക്കും അരലക്ഷം ലിറ്റില്‍ കൈറ്റ്‌സ് ക്ലബ്ബിലെ കുട്ടികള്‍ക്കും പ്രത്യേക ഐ.ടി. പരിശീലനങ്ങള്‍ നല്‍കുന്നതിനുള്ള വിശദാംശങ്ങള്‍ കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) പ്രസിദ്ധീകരിച്ചു. ഹൈസ്‌ക്കൂള്‍ ക്ലാസുകളില്‍ പഠിപ്പിക്കുന്ന 56000ത്തോളം അദ്ധ്യാപകര്‍ക്ക് നല്‍കുന്ന നാലു ദിവസത്തെ പരിശീലനം ഏപ്രില്‍ 21 ന് ആരംഭിക്കും. മലയാളം, ഇംഗ്ലീഷ്, ഹിന്ദി, ഗണിതം, ഫിസിക്കല്‍ സയന്‍സ്, ബയോളജി, സോഷ്യല്‍ സയന്‍സ്, അറബിക്, സംസ്‌കൃതം, ഉറുദു, തമിഴ്, കന്നട, കലാകായികതൊഴില്‍ പരിചയം എന്നിങ്ങനെ പതിമൂന്ന് മേഖലകളിലും പ്രത്യേകമായാണ് പരിശീലനങ്ങള്‍ നല്‍കുന്നത്. 28000ത്തോളം വരുന്ന ഹയര്‍സെക്കന്ററി-വൊക്കേഷണല്‍ ഹയര്‍ സെക്കന്ററി അദ്ധ്യാപകര്‍ക്കുള്ള നാല് ദിന പരിശീലനം മെയ് 7 മുതല്‍ ആരംഭിക്കും. ഫിസിക്‌സ്, ബോട്ടണി, സുവോളജി, കെമിസ്ട്രി, കമ്പ്യൂട്ടര്‍ ആപ്ലിക്കേഷന്‍, ഗണിതം, ജിയോഗ്രഫി, ഹിസ്റ്ററി, പൊളിറ്റിക്കല്‍ സയന്‍സ്, ഇക്കണോമിക്‌സ്, കൊമേഴ്‌സ്, മലയാളം, ഇംഗ്ലീഷ്, ഹിന്ദി എന്നിങ്ങനെ പതിനാല് മേഖലകളിലാണ് വ്യത്യസ്ത പരിശീലനങ്ങള്‍. ഹൈടെക് ക്ലാസ്‌റൂം വിനിമയം നടത്തുന്നതിന് എല്ലാ അദ്ധ്യാപകരേയും അവരുടെ വിഷയങ്ങളില്‍ പ്രാപ്തരാക്കുന്ന തരത്തിലാണ് പരിശീലനത്തിന്റെ ഉള്ളടക്കം. ലിറ്റില്‍ കൈറ്റ്‌സ് ഐ.ടി. ക്ലബ്ബുകളുടെ ചുമതലയുള്ള അദ്ധ്യാപകരായ 3980 'കൈറ്റ് മാസ്റ്റേഴ്‌സി'ന് രണ്ടു ദിവസത്തെ പരിശീലനം ഏപ്രില്‍ 3, 4 തീയതികളില്‍ നല്‍കും. ലിറ്റില്‍ കൈറ്റ്‌സ് ക്ലബ്ബിലെ 50000 കുട്ടികള്‍ക്കുള്ള ദ്വിദിന പരിശീലനം മെയ് 21 മുതല്‍ ആരംഭിക്കും. പ്രൈമറി-അപ്പര്‍ പ്രൈമറി സ്‌കൂളുകളിലെ 9000 സ്‌കൂള്‍ ഐ.ടി. കോ-ഓര്‍ഡിനേറ്റര്‍മാര്‍ക്ക് ഏപ്രില്‍ 12 മുതല്‍ 20 വരെയുള്ള കാലയളവില്‍ രണ്ടു ബാച്ചുകളിലായി നാല് ദിവസത്തെ ഐ.ടി. പരിശീലനം നല്‍കും. പരിശീലനങ്ങളില്‍ പങ്കെടുക്കുന്ന ഹൈസ്‌ക്കൂള്‍ അദ്ധ്യാപകര്‍ക്ക് താല്പര്യമുള്ള കേന്ദ്രവും, ബാച്ചും തെരഞ്ഞെടുക്കാനുള്ള ഓണ്‍ലൈന്‍ സംവിധാനം കൈറ്റ് വെബ്‌സൈറ്റിലെ 'ട്രെയിനിംഗ് മാനേജ്‌മെന്റ്' വിഭാഗത്തില്‍ ഇന്ന് മുതല്‍ ലഭ്യമാണെന്ന് കൈറ്റ് വൈസ് ചെയര്‍മാന്‍ കെ.അന്‍വര്‍ സാദത്ത് അറിയിച്ചു. ആദ്യമായി ഏര്‍പ്പെടുത്തുന്ന ഈ സംവിധാനം വഴി അദ്ധ്യാപകര്‍ക്ക് ഏത് ജില്ലയിലും പരിശീലനത്തില്‍ പങ്കെടുക്കാം. ഓരോ ബാച്ചിലേയും നിശ്ചിത എണ്ണത്തില്‍ ആദ്യം രജിസ്റ്റര്‍ ചെയ്യുന്നവര്‍ക്ക് അവസരം നല്‍കും. ഇപ്രാവശ്യം പരിശീലനത്തിന് ആദ്യമായി ഒരു പരിശീലനാര്‍ത്ഥിക്ക് ഒരു കമ്പ്യൂട്ടര്‍ എന്ന നിലയിലാണ് ക്രമീകരിച്ചിരിക്കുന്നത്. വിവിധ ജില്ലകളിലെ 656 പരിശീലന കേന്ദ്രങ്ങളിലായി 16400 പേര്‍ക്ക് ഒരേ സമയം പരിശീലനം നല്‍കാനുള്ള ലാപ്ടോപ്പുകള്‍, ബ്രോഡ്ബാന്‍ഡ് ഇന്റര്‍നെറ്റ് ഉള്‍പ്പെടെയുള്ള മുഴുവന്‍ സംവിധാനങ്ങളും കൈറ്റ് ഏര്‍പ്പെടുത്തി. സര്‍ക്കുലറുകള്‍ www.kite.kerala.gov.in ല്‍ ലഭ്യമാണ്.Dt.21.3.2018.
************************
2017 നവംബര്‍ മാസം നടന്ന ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ ഫലം പ്രസിദ്ധീകരിച്ചു. ഒന്നാം സെമസ്റ്ററില്‍ 62.74 ശതമാനവും മൂന്നാം സെമസ്റ്ററില്‍ 90.25 ശതമാനവുമാണ് വിജയം. വെബ്‌സൈറ്റ്:www.keralapareekshabhavan.in.Dt.21.3.2018.
************************
സംസ്ഥാന വിദ്യാഭ്യാസ വകുപ്പിന്റെയും എസ്.സി.ഇ.ആര്‍.ടി യുടെയും നേതൃത്വത്തില്‍ സ്‌കൂള്‍ കുട്ടികളുടെ ഗണിതശാസ്ത്രത്തിലുള്ള കഴിവുകള്‍ പരിപോഷിപ്പിക്കുന്നതിനുള്ള പദ്ധതിയായ ന്യൂമാറ്റ്‌സിന്റെ സംസ്ഥാനതല അഭിരുചി പരീക്ഷാഫലം പ്രസിദ്ധീകരിച്ചു. പരീക്ഷാഫലം www.scert.kerala.gov.in എന്ന വെബ്‌സൈറ്റില്‍ ലഭ്യമാണ്.Dt.12.3.2018.
************************
2018 മാര്‍ച്ച് എസ്.എസ്.എല്‍.സി പരീക്ഷയുടെ മൂല്യനിര്‍ണ്ണയം നടത്തുന്നതിന് അഡീഷണല്‍ ചീഫ് എക്‌സാമിനേഴ്‌സ്, അസിസ്റ്റന്റ് എക്‌സാമിനേഴ്‌സ് ആയി അതത് സോണുകളില്‍ അപേക്ഷിക്കുന്നതിന് മാര്‍ച്ച് 12 വരെ സൗകര്യം ഉണ്ടായിരിക്കും. പ്രഥമാധ്യാപകര്‍ തങ്ങളുടെ സ്‌കൂളിലെ എല്ലാ അദ്ധ്യാപകരും മൂല്യ നിര്‍ണ്ണയത്തിന് അപേക്ഷിച്ചിട്ടുണ്ടെന്ന് ഉറപ്പുവരുത്തണം. പ്രഥമാദ്ധ്യാപകര്‍ iExams HM login വഴി 12 ന് മുമ്പായി അപേക്ഷകരുടെ വിവരങ്ങള്‍ ഓണ്‍ലൈനായി സമര്‍പ്പിക്കണം.Dt.9.3.2018.
************************
പരീക്ഷാഭവന്‍ 2017 ജൂണ്‍മാസം നടത്തിയ ഡി.എല്‍.ഇ.ഡി. (ഹിന്ദി) പരീക്ഷയുടെ പുനര്‍ മൂല്യനിര്‍ണ്ണയഫലം പ്രസിദ്ധീകരിച്ചു. പരീക്ഷാഭവന്റെ വെബ്‌സൈറ്റില്‍ (www.keralapareekshabhavan.in) ഫലം ലഭ്യമാണ്.Dt.9.3.2018.
************************
സംസ്ഥാനത്ത് മറ്റു പിന്നാക്ക വിഭാഗങ്ങളില്‍പ്പെട്ടവരില്‍ വിദ്യാഭ്യാസ പ്രവേശനത്തിനും ഉദ്യോഗ നിയമനത്തിനുമായി നോണ്‍ ക്രീമിലെയര്‍ സര്‍ട്ടിഫിക്കറ്റിന് അപേക്ഷിക്കുമ്പോള്‍ ഇതിനുള്ള മാനദണ്ഡങ്ങള്‍ ഈ സര്‍ട്ടിഫിക്കറ്റിന് അര്‍ഹരാണോ എന്ന് വ്യക്തമായി മനസ്സിലാക്കിയിരിക്കണമെന്ന് ലാന്റ് റവന്യൂ കമ്മീഷണറേറ്റിലെ പബ്ലിക് റിലേഷന്‍സ് വിഭാഗം അറിയിച്ചു. ഭരണഘടന പദവിയിലുള്ളവര്‍, യു.എന്‍., യുനസ്‌കോ, ലോക ബാങ്ക് തുടങ്ങിയ അന്തര്‍ദേശീയ സ്ഥാപനങ്ങളില്‍ ജോലി ചെയ്യുന്നവര്‍, സര്‍ക്കാര്‍/അര്‍ധസര്‍ക്കാര്‍ സേവനങ്ങളില്‍ മാതാപിതാക്കള്‍ രണ്ടുപേരും ഗസറ്റഡ് തസ്തികയില്‍ പ്രവേശിച്ചവര്‍, മാതാപിതാക്കളില്‍ ഒരാള്‍ ക്ലാസ് വണ്‍ ആയി പ്രവേശിച്ചവര്‍ (സംസ്ഥാന സര്‍വ്വീസില്‍ 36 വയസ്സിനു മുമ്പും കേന്ദ്ര സര്‍വീസില്‍ 40 വയസ്സിനു മുമ്പും ഈ തസ്തികകളില്‍ പ്രവേശിച്ചവരായിരിക്കണം), സായുധ സേനയില്‍ കേണല്‍ പദവി#ില്‍ കുറയാത്ത പദവി വഹിക്കുന്നവര്‍, ഭൂവുടമകള്‍/അഞ്ച് ഹെക്ടറില്‍ കുറയാത്ത ജലസേചനമുള്ള ഭൂമിയുള്ളവര്‍/പ്ലാന്റേഷനുള്ളവര്‍ എന്നിവരെ ക്രീമിലെയര്‍ ആയി കണക്കാക്കി സംവരണത്തില്‍ നിന്ന് ഒഴിവാക്കിയിട്ടുണ്ട്. ഇവര്‍ നോണ്‍ ക്രീമിലെയര്‍ സര്‍ട്ടിഫിക്കറ്റിന് അര്‍ഹരല്ല. വരുമാനം കണക്കാക്കുമ്പോള്‍ കഴിഞ്ഞ സാമ്പത്തിക വര്‍ഷത്തില്‍ ആറുലക്ഷം രൂപയിലധികം വരുമാനമുള്ളവര്‍ (കേന്ദ്ര ആവശ്യങ്ങള്‍ക്ക് ഇത് എട്ടു ലക്ഷം) വരുമാനം കണക്കു കൂട്ടുന്നതില്‍ ശമ്പളവും കാര്‍ഷിക വരുമാനവും പരിഗണിക്കാന്‍ പാടില്ല. ഉദ്യോഗസ്ഥരെ സംബന്ധിച്ച് അവര്‍ ഏതു ക്ലാസില്‍ സര്‍വീസില്‍ പ്രവേശിച്ചു എന്നതാണ് ക്രീമിലെയര്‍ ആയി കണക്കാക്കുന്നതിനുള്ള മാനദണ്ഡം. നോണ്‍ ക്രീമിലെയര്‍ സര്‍ട്ടിഫിക്കറ്റിനുള്ള അപേക്ഷ നല്‍കുന്നതിനു മുമ്പ് അപേക്ഷകര്‍ ഇക്കാര്യങ്ങള്‍ വ്യക്തമായി മനസ്സിലാക്കിയിരിക്കണം. ഇതു സംബന്ധിച്ച മാനദണ്ഡങ്ങളുടെയും മാര്‍ഗനിര്‍ദേശങ്ങളുടെയും അടിസ്ഥാനത്തിലായിരിക്കണം റവന്യൂ ഉദ്യോഗസ്ഥര്‍ അപേക്ഷയില്‍ തീര്‍പ്പു കല്‍പ്പിക്കേണ്ടത്. ഇക്കാര്യത്തില്‍ പിന്നാക്ക വിഭാഗ വികസന വകുപ്പ് ഡയറക്ടറേറ്റില്‍ പ്രവര്‍ത്തിക്കുന്ന ഹെല്‍പ്പ് ഡെസ്‌ക്കിലെ 0471 - 2727379, 9961288520 എന്നീ നമ്പരുകളില്‍ വിളിച്ച് സംശയ നിവാരണം വരുത്തണമെന്ന് ലാന്റ് റവന്യൂ കമ്മീഷണറേറ്റിലെ പബ്ലിക് റിലേഷന്‍സ് വിഭാഗം അറിയിച്ചു.Dt.5.3.2018.
************************
2017 ഡിസംബറില്‍ നടത്തിയ കെ-ടെറ്റ് പരീക്ഷയുടെ ഫലം പ്രസിദ്ധപ്പെടുത്തി. പരീക്ഷാഭവന്‍ വെബ്‌സൈറ്റിലും, www.ktet.kerala.gov.in എന്ന വെബ്‌പോര്‍ട്ടലിലും ഫലം ലഭ്യമാണ്. നാലു കാറ്റഗറികളിലായി 82708 പേര്‍ പരീക്ഷ എഴുതിയതില്‍ 22,448 പേര്‍ കെ-ടെറ്റ് യോഗ്യതാ പരീക്ഷ വിജയിച്ചു. കാറ്റഗറി ഒന്നില്‍ 4921, കാറ്റഗറി രണ്ടില്‍ 10105, കാറ്റഗറി മൂന്നില്‍ 5179, കാറ്റഗറി നാലില്‍ 2243 പേരും വിജയിച്ചു. ശ്രീവിദ്യ കെ, ആകാശ് എസ്.കെ എന്നിവര്‍ കാറ്റഗറി ഒന്നിലും, ശില്‍പ കെ, വിദ്യാശ്രീ പി.കെ എന്നിവര്‍ കാറ്റഗറി രണ്ടിലും, ശ്രീലക്ഷ്മി എം.എസ്, ജോയിസ് പോള്‍ എന്നിവര്‍ കാറ്റഗറി മൂന്നിലും രോഹിണി സി.പി, മുഹമ്മദ്ഷാ ഐ. എന്നിവര്‍ കാറ്റഗറി നാലിലും 80 ശതമാനം മാര്‍ക്ക് നേടി ക്യാഷ് അവാര്‍ഡിന് അര്‍ഹരായി. വിജയിച്ചവര്‍ വിജ്ഞാപനത്തില്‍ നിഷ്‌ക്കര്‍ഷിച്ചയോഗ്യത തെളിയിക്കുന്നതിന് അസല്‍ സര്‍ട്ടിഫിക്കറ്റുകളുടെ പരിശോധനയ്ക്ക് അവരവരുടെ പരീക്ഷാ കേന്ദ്രം സ്ഥിതിചെയ്യുന്നിടത്തെ സ്ഥലത്തെ ജില്ലാ വിദ്യാഭ്യാസ ഓഫീസില്‍ ഏപ്രില്‍ ഒന്നു മുതല്‍ ഹാജരാകണം. Dt.5.3.2018.
************************
പൊതുവിദ്യാലയങ്ങളിലെ വിവിധ മേഖലകളിലെ മികവുകള്‍ അവതരിപ്പിക്കാനായി കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) സംഘടിപ്പിക്കുന്ന ഹരിത വിദ്യാലയം വിദ്യാഭ്യാസ റിയാലിറ്റി ഷോയുടെ ഗ്രാന്‍ഡ് ഫിനാലെ ഇന്ന് (മാര്‍ച്ച് അഞ്ച്) വൈകിട്ട് ആറു മണിക്ക് തിരുവനന്തപുരം നിശാഗന്ധി ഓഡിറ്റോറിയത്തില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. 2017 ഡിസംബര്‍ നാല് മുതല്‍ കൈറ്റ് വിക്ടേഴ്‌സിലും ദൂരദര്‍ശനിലും സംപ്രേഷണം ചെയ്തു വരുന്ന 'ഹരിതവിദ്യാലയം' അറുപത് എപ്പിസോഡുകള്‍ പിന്നിട്ടു. തെരഞ്ഞെടുത്ത 100 സ്‌കൂളുകളാണ് ആദ്യ റൗണ്ടില്‍ ഷോയില്‍ മാറ്റുരച്ചത്. ജി.എല്‍.പി.എസ്. ആനാട്, ജി.എച്ച്.എസ്. അവനവഞ്ചേരി, ജി.ജി.എച്ച്.എസ്.എസ്. കോട്ടണ്‍ഹില്‍ (തിരുവനന്തപുരം), ഐ.ഐ.എ.എല്‍.പി.എസ്. ചന്ദേര, എ.യു.പി.എസ്. ഉദിനൂര്‍, ജി.എച്ച്.എസ്.എസ്. ഉദിനൂര്‍ (കാസര്‍ഗോഡ്), ജി.യു.പി.എസ്. പുതിയങ്കം, ജി.യു.പി.എസ്. ഭീമനാട്, ജി.യു.പി.എസ്. കോങ്ങാട് (പാലക്കാട്), ജി.എച്ച്.എസ്.എസ്. കടയ്ക്കല്‍ (കൊല്ലം), എം.ഐ.എച്ച്.എസ്. പൂങ്കാവ് (ആലപ്പുഴ), പി.പി.എം.എച്ച്.എസ്.എസ്. കൊട്ടൂക്കര (മലപ്പുറം), എസ്.എന്‍.ഡി.പി.എച്ച്.എസ്.എസ്. ഉദയംപേരൂര്‍ (എറണാകുളം) എന്നീ സ്‌കൂളുകളാണ് അവസാന റൗണ്ടില്‍ മത്സരിച്ചത്. www.victers.itschool.gov.in സൈറ്റില്‍ തത്സമയവും youtube.com/itsvicters ല്‍ പിന്നീടും എപ്പിസോഡുകള്‍ കാണാം. അവസാന റൗണ്ടിലെത്തിയ മറ്റു പത്തു സ്‌കൂളുകള്‍ക്കും ഒന്നര ലക്ഷം വീതവും ലഭിക്കും. ഇതിനുപുറമെ ഈ വര്‍ഷത്തെ സംസ്ഥാന ബജറ്റില്‍ ഹരിതവിദ്യാലയം റിയാലിറ്റി ഷോയില്‍ പങ്കെടുത്ത സ്‌കൂളുകള്‍ക്ക് അടിസ്ഥാനസൗകര്യ വികസനത്തിനായി സ്‌കൂളൊന്നിന് 50 ലക്ഷം മുതല്‍ ഒരു കോടി വരെ ധനവകുപ്പു മന്ത്രി പ്രഖ്യാപിച്ചിട്ടുണ്ട്.Dt.4.3.2018.
************************
പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി 45000 ക്ലാസ്മുറികള്‍ ഹൈടെക്കാക്കുന്നതിന്റെ ഭാഗമായി 22402 ക്ലാസ്മുറികള്‍ ഹൈടെക് ആക്കുന്ന നടപടിക്രമങ്ങള്‍ കൈറ്റ് (കേരള ഇന്‍ഫ്രാസ്ട്രക്ചര്‍ & ടെക്‌നോളജി ഫോര്‍ എഡ്യൂക്കേഷന്‍) പൂര്‍ത്തിയാക്കിയതായി എക്‌സിക്യൂട്ടീവ് ഡയറക്ടര്‍ അറിയിച്ചു. 2018 ജനുവരി 22-നാണ് മുഖ്യമന്ത്രി പിണറായി വിജയന്‍ ഹൈടെക് പ്രോഗ്രാം ഉദ്ഘാടനം ചെയ്തത്. 1564 സ്‌കൂളുകളില്‍ മുഴുവന്‍ ക്ലാസ്മുറികളിലും 1079 സ്‌കൂളുകളില്‍ പകുതിയിലധികം ക്ലാസ്മുറികളിലും ഹൈടെക് സംവിധാനമെത്തി. ഓരോ ക്ലാസ്മുറികളിലേക്കും ലാപ്ടോപ്പുകള്‍, മള്‍ട്ടിമീഡിയ പ്രൊജക്ടറുകള്‍, മൗണ്ടിംഗ് കിറ്റുകള്‍, സ്‌ക്രീനുകള്‍ തുടങ്ങിയവ ലഭ്യമാക്കിയിട്ടുണ്ട്. ഇന്‍സ്റ്റലേഷന്‍ പ്രവര്‍ത്തനങ്ങള്‍ക്ക് ക്ലാസ്മുറിയൊന്നിന് 1000/ രൂപ വീതവും, സ്‌ക്രീനിന് പകരം ഭിത്തി പെയിന്റ് ചെയ്യുന്നതിന് 1500/ രൂപ വീതവും സ്‌കൂളുകള്‍ക്ക് അനുവദിക്കും. കൈറ്റിന്റെ ജില്ലാ കേന്ദ്രങ്ങള്‍ വഴി പ്രത്യേക ഓണ്‍ലൈന്‍ മോണിറ്ററിംഗ് സംവിധാനം ഉപയോഗിച്ചാണ് വിതരണം നടന്നത്. സ്‌കൂളുകളില്‍ ഹൈടെക് സംവിധാനമൊരുക്കാന്‍ സജ്ജമായ ക്ലാസ്മുറികളിലേക്കാണ് ഉപകരണങ്ങള്‍ വിതരണം ചെയ്തത്. 139 സ്‌കൂളുകളിലെ 1264 ക്ലാസ്മുറികളില്‍ കഴിഞ്ഞ വര്‍ഷം തന്നെ പൈലറ്റടിസ്ഥാനത്തില്‍ ഹൈടെക് ക്ലാസ്മുറികള്‍ സജ്ജമാക്കിയിരുന്നു. ഇതുള്‍പ്പെടെ ഒന്നാംഘട്ടത്തില്‍ ഏറ്റവും കൂടുതല്‍ ക്ലാസ്മുറികള്‍ ഹൈടെക്കായ (2819 ക്ലാസ്മുറികള്‍) ജില്ല മലപ്പുറമാണ്. കോഴിക്കോടും (2502) എറണാകുളവുമാണ് (2085) തൊട്ടടുത്ത്. രണ്ടാം ഘട്ടത്തില്‍ അടുത്ത 11000 ക്ലാസ്മുറികളിലേക്കുള്ള വിതരണവും ഈ മാസത്തില്‍ത്തന്നെ പൂര്‍ത്തിയാക്കുമെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു. ഇതോടെ 33000 ക്ലാസ്മുറികള്‍ ഹൈടെക്കാക്കുന്ന പ്രക്രിയ മാര്‍ച്ചോടെ പൂര്‍ത്തിയാകും. ക്ലാസ്മുറികള്‍ സജ്ജമാക്കാന്‍ സമയം ആവശ്യപ്പെട്ടിട്ടുള്ള അവശേഷിക്കുന്ന സ്‌കൂളുകളിലെ ക്ലാസ്മുറികള്‍ കൂടി മെയ് മാസത്തോടെ ഹൈടെക്കാക്കും. അടുത്ത അദ്ധ്യനവര്‍ഷം തുടങ്ങുന്നതിന് മുമ്പ് സംസ്ഥാനത്തെ എട്ട് മുതല്‍ 12 വരെ ക്ലാസുകളുളള സര്‍ക്കാര്‍, എയിഡഡ് മേഖലകളിലുള്ള എല്ലാ ഹൈസ്‌കൂള്‍-ഹയര്‍സെക്കന്ററി- വൊക്കേഷണല്‍ ഹയര്‍സെക്കന്ററി സ്‌കൂളുകളിലേയും ക്ലാസ്മുറികള്‍ ഹൈടെക്കാകും. ഹൈടെക് ക്ലാസ്മുറികളില്‍ പ്രയോജനപ്പെടുത്തുന്നതിനുള്ള 'സമഗ്ര' റിസോഴ്‌സ് പോര്‍ട്ടല്‍ തയ്യാറായിക്കഴിഞ്ഞു. ബ്രോഡ്ബാന്‍ഡ് ഇന്റര്‍നെറ്റ് എല്ലാ സ്‌കൂളുകള്‍ക്കും ലഭ്യമാക്കി. സമഗ്ര ഉപയോഗിച്ച് ഹൈടെക് ക്ലാസ്മുറികളില്‍ പഠിപ്പിക്കുന്നതിനുള്ള പ്രത്യേക പരിശീലനം ഈ അവധിക്കാലത്ത് മുഴുവന്‍ അദ്ധ്യാപകര്‍ക്കും നല്‍കാന്‍ പൊതുവിദ്യാഭ്യാസ വകുപ്പ് തീരുമാനിച്ചിട്ടുണ്ട്. സെക്കന്ററിതലത്തില്‍ നടപ്പാക്കുന്ന ഹൈടെക് സ്‌കൂള്‍ സ്‌കീമിന്റെ തുടര്‍ച്ചയായി ഒന്നു മുതല്‍ ഏഴ് വരെ ക്ലാസുകളിലുള്ള 11000 ലധികം പ്രൈമറി-അപ്പര്‍ പ്രൈമറി സ്‌കൂളുകളില്‍ ഹൈടെക് ലാബ് സംവിധാനം ഒരുക്കാനായി 300 കോടി രൂപ സംസ്ഥാന സര്‍ക്കാര്‍ ബഡ്ജറ്റില്‍ ഉള്‍പ്പെടുത്തിയിട്ടുണ്ടെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. Dt.4.3.2018.
************************
ഹയര്‍സെക്കണ്ടറി പരീക്ഷയുമായി ബന്ധപ്പെട്ട് കുട്ടികള്‍ അനുഭവിക്കുന്ന വിവിധ തരം സമ്മര്‍ദ്ദങ്ങള്‍ ലഘൂകരിക്കുന്നതിനായി വിദ്യാര്‍ത്ഥികള്‍ക്കും രക്ഷാകര്‍ത്താക്കള്‍ക്കും ആവശ്യമായ പിന്തുണ നല്‍കുന്നതിന് ഹയര്‍സെക്കണ്ടറി വിദ്യാഭ്യാസവകുപ്പ് വീ ഹെല്‍പ്പ് എന്ന പേരില്‍ ടോള്‍ഫ്രീ ടെലിഫോണ്‍ സഹായകേന്ദ്രം ആരംഭിച്ചു. വിദ്യാര്‍ത്ഥികള്‍ക്കും രക്ഷാകര്‍ത്താക്കള്‍ക്കും രാവിലെ ഏഴു മുതല്‍ വൈകിട്ട് ഏഴു വരെ ഫോണില്‍ കൗണ്‍സലിംഗ് സഹായം ലഭ്യമാകും. കുട്ടികള്‍ക്കും രക്ഷാകര്‍ത്താക്കള്‍ക്കും സൗജന്യമായി 1800 425 2585 എന്ന നമ്പറില്‍ വിളിക്കാം. ടോള്‍ ഫ്രീ സേവനം മാര്‍ച്ച് അഞ്ച് മുതല്‍ പരീക്ഷ അവസാനിക്കുന്നതുവരെ എല്ലാ പ്രവൃത്തിദിനങ്ങളിലും ലഭ്യമാണ്. സെന്ററുകളില്‍ പരിശീലനം ലഭിച്ച അധ്യാപകരുടെ കൗണ്‍സലിംഗ് സേവനം ഉറപ്പാക്കിയിട്ടുണ്ട്. ഹയര്‍ സെക്കണ്ടറി കരിയര്‍ ഗൈഡന്‍സ് & അഡോളസെന്റ് കൗണ്‍സലിംഗ് സെല്ലിന്റെ നേതൃത്വത്തിലാണ് വീ ഹെല്‍പ്പ് സംഘടിപ്പിക്കുന്നത്.Dt.3.3.2018.
************************
സ്‌കൂള്‍ ഉച്ചഭക്ഷണ പദ്ധതിയുടെ പരിധിയില്‍ വരുന്ന മുഴുവന്‍ കുട്ടികള്‍ക്കും, ഓണം-ക്രിസ്തുമസ് അവധിക്കു മുന്നോടിയായി അരി വിതരണം ചെയ്തിരുന്നതു പോലെ, 2017-18 അദ്ധ്യയന വര്‍ഷത്തിലെ മധ്യവേനല്‍ അവധിക്കാലം ആരംഭിക്കുന്നതിനു മുമ്പായി ഓരോ കുട്ടിക്കും 4 കിലോ അരി വീതം വിതരണം ചെയ്യുന്നതിന് സര്‍ക്കാര്‍ ഉത്തരവായി.Dt.2.3.2018.
************************
കൈറ്റ് വിക്‌ടേഴ്‌സ് ചാനലില്‍ ഇന്ന് (മാര്‍ച്ച് 3) രാത്രി 9.15 ന് കേതന്‍ മേത്ത സംവിധാനം ചെയ്ത് 1987 ല്‍ പുറത്തിറങ്ങി രാംഗോപാല്‍ ബജാജ്, നൈന കുല്‍ക്കര്‍ണി, സുരേഷ് ഒബ്‌റോയ് എന്നിവര്‍ അഭിനയിച്ച എന്‍.എഫ്.ഡി.സി. യുടെ ഹിന്ദി ചലച്ചിത്രം 'മിര്‍ച്ച് മസാല' സംപ്രേഷണം ചെയ്യുന്നു. ഞായറാഴ്ച (മാര്‍ച്ച് 4) രാവിലെ 9.15 ന് എം.എസ് സത്യു സംവിധാനം ചെയ്ത തെലുങ്ക് ചലച്ചിത്രം 'ഗലിഗേ'യും സംപ്രേഷണം ചെയ്യും.Dt.2.3.2018.
************************
ദേശീയ സ്‌കൂള്‍ കായികമത്സരങ്ങളില്‍ കേരളത്തെ പ്രതിനിധീകരിച്ച് 2012-13, 2013-14, 2014-15, 2015-16 വര്‍ഷങ്ങളില്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടിയ കായിക താരങ്ങള്‍ക്ക് കാഷ് അവാര്‍ഡ് തുക യഥാക്രമം 25000, 20000, 15000 രൂപയും പരിശീലകര്‍ക്ക് 5000 രൂപയും നല്‍കാന്‍ സര്‍ക്കാര്‍ തുക അനുവദിച്ച് ഉത്തരവായി. അര്‍ഹരായ കായികതാരങ്ങളുടെ ലിസ്റ്റും അപേക്ഷാഫോറവും ഇത് സംബന്ധിച്ച സര്‍ക്കുലറും www.education.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. അപേക്ഷ മാര്‍ച്ച് ഏഴിന് മുമ്പായി supdsports@gmail.com എന്ന ഇ-മെയില്‍ വിലാസത്തില്‍ ലഭ്യമാക്കണം.Dt.1.3.2018.
************************
സംസ്ഥാനത്തെ മത ന്യൂനപക്ഷ വിദ്യാഭ്യാസ പ്രവര്‍ത്തനങ്ങള്‍ വിലയിരുത്താനും, ന്യൂനപക്ഷ സ്ഥാപനങ്ങള്‍ സന്ദര്‍ശിക്കാനും, ന്യൂനപക്ഷ വിദ്യാഭ്യാസ സെമിനാറില്‍ പങ്കെടുക്കാനുമായി ദേശീയ ന്യൂനപക്ഷ കമ്മീഷന്‍ അംഗങ്ങളായ നഹീദ് ആബിദി, ഡോ. ബാല്‍ തെജ് സിംഗ് മന്‍, സെക്രട്ടറി സരോജ് പുല്‍ഹാനി, ഡെപ്യൂട്ടി സെക്രട്ടറി സന്ദീപ് ജൈന്‍ എന്നിവര്‍ മാര്‍ച്ച് ഏഴിന് കേരളത്തിലെത്തും. 11 വരെ വിവിധ പരിപാടികളില്‍ ഇവര്‍ പങ്കെടുക്കും. തിരുവനന്തപുരത്താണ് വിദ്യാഭ്യാസ സെമിനാര്‍ സംഘടിപ്പിച്ചിരിക്കുന്നത്. ന്യൂനപക്ഷ വിദ്യാഭ്യാസം, ന്യൂനപക്ഷങ്ങളുടെ ഭരണഘടനാ അവകാശങ്ങള്‍, ദേശീയ ന്യൂനപക്ഷ വിദ്യാഭ്യാസ കമ്മീഷന്റെ പ്രവര്‍ത്തനങ്ങള്‍, 2009 ലെ വിദ്യാഭ്യാസ അവകാശ നിയമവും ന്യൂനപക്ഷ വിദ്യാഭ്യാസ സ്ഥാപനങ്ങളും, ന്യൂനപക്ഷ അവകാശ ലംഘനങ്ങള്‍ എന്നിവയെക്കുറിച്ച് പ്രഭാഷണങ്ങളും ന്യൂനപക്ഷ വിദ്യാഭ്യാസ സ്ഥാപന അധികാരികളുമായും പ്രിന്‍സിപ്പള്‍മാരുമായുള്ള ചര്‍ച്ചയുമാണ് തിരുവനന്തപുരത്ത് നടത്തുന്നത്. എട്ടിന് തിരുവനന്തപുരം സെക്രട്ടേറിയറ്റ് അനക്‌സ് രണ്ടിലെ ലയം കോണ്‍ഫറന്‍സ് ഹാളില്‍ നടക്കുന്ന ദേശീയ സെമിനാറില്‍ തദ്ദേശ സ്വയംഭരണ മന്ത്രി ഡോ. കെ.ടി. ജലീല്‍, വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ്, സംസ്ഥാന ന്യൂനപക്ഷ കമ്മീഷന്‍ ചെയര്‍മാന്‍ പി.കെ. ഹനീഫ എന്നിവര്‍ പങ്കെടുക്കും. മാര്‍ച്ച് 10 ന് സെന്റ് തെരേസാസ് കോളേജ്, മാറംപള്ളി, എം.ഇ.എസ് കോളേജുകള്‍ എന്നിവിടങ്ങള്‍ കമ്മീഷന്‍ സന്ദര്‍ശിക്കും. നേരത്തെ പേര് രജിസ്റ്റര്‍ ചെയ്യുന്ന പ്രതിനിധികള്‍ക്കാണ് സെമിനാറില്‍ പങ്കെടുക്കാന്‍ അവസരം. രജിസ്റ്റര്‍ ചെയ്യേണ്ട ഫോണ്‍ നമ്പര്‍: 8089057008.Dt.1.3.2018.
************************
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളുകളില്‍ രൂപീകരിക്കുന്ന 'ലിറ്റില്‍ കൈറ്റ്‌സ് ' ഐടി ക്ലബുകള്‍ 1955 സ്‌കൂളുകളില്‍ തുടങ്ങാന്‍ കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) അംഗീകാരം നല്‍കി. ഏറ്റവും കൂടുതല്‍ ക്ലബുകള്‍ എറണാകുളം ജില്ലയില്‍ (187 എണ്ണം) ആണ്. തിരുവനന്തപുരവും (183), കൊല്ലവും (173), മലപ്പുറവും (168) ആണ് കൂടുതല്‍ ക്ലബുകള്‍ ലഭിച്ച മറ്റു ജില്ലകള്‍. സ്‌കൂളുകളുടെ പട്ടിക www.kite.kerala.gov.in ല്‍ പ്രസിദ്ധീകരിച്ചിട്ടുണ്ട്. തെരഞ്ഞെടുത്ത സ്‌കൂളുകളില്‍ ഈ വര്‍ഷം എട്ടാം ക്ലാസില്‍ പഠിക്കുന്ന കുട്ടികള്‍ക്ക് മാര്‍ച്ച് 1 വരെ ക്ലബിലെ അംഗത്വത്തിന് അപേക്ഷ നല്‍കാം. മാര്‍ച്ച് മൂന്നിന് അഭിരുചി പരീക്ഷ നടത്തി തെരഞ്ഞെടുക്കുന്ന കുട്ടികളുടെ പട്ടിക മാര്‍ച്ച് 10 നകം പ്രസിദ്ധീകരിക്കും, ഏപ്രില്‍ മാസം ആദ്യ ക്യാമ്പ് നടത്തുമെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു. ഹാര്‍ ഡ്‌വെയര്‍ ഇലക്ട്രോണിക്‌സ്, അനിമേഷന്‍, സൈബര്‍ സുരക്ഷ, മലയാളം കമ്പ്യൂട്ടിംഗ്, മൊബൈല്‍ ആപ് നിര്‍മ്മാണം, പ്രോഗ്രാമിംഗ്, റോബോട്ടിക്‌സ്, ഇ-ഗവേണന്‍സ്, വെബ് ടിവി തുടങ്ങിയ മേഖലകളില്‍ കുട്ടികള്‍ക്ക് പ്രത്യേക വൈദഗ്ദ്ധ്യം നല്‍കുന്നതാണ് 'ലിറ്റില്‍ കൈറ്റ്‌സ് ' പദ്ധതി. സ്‌കൂളുകളിലെ ഹാര്‍ഡ്‌വെയര്‍ പരിപാലനം, രക്ഷാകര്‍ത്താക്കള്‍ക്കുള്ള കമ്പ്യൂട്ടര്‍ സാക്ഷരത, ഭിന്നശേഷിക്കാര്‍ക്കുള്ള പ്രത്യേക പരിശീലനം, പൊതുജനങ്ങള്‍ക്ക് സ്വതന്ത്ര സോഫ്ട്‌വെയര്‍ ഇന്‍സ്റ്റാള്‍ ചെയ്ത് നല്‍കല്‍, വിക്ടേഴ്‌സിലേക്കുള്ള ഉള്ളടക്ക നിര്‍മ്മാണം, സ്‌കൂള്‍തല വെബ് ടിവികള്‍ എന്നിങ്ങനെ വൈവിധ്യമാര്‍ന്ന പ്രവര്‍ത്തനങ്ങള്‍ ലിറ്റില്‍ കൈറ്റ്‌സ് ക്ലബുകള്‍ സംഘടിപ്പിക്കും. മികച്ച സ്‌കൂളുകള്‍ക്കും ക്ലബംഗങ്ങള്‍ക്കും അംഗീകാരങ്ങള്‍ നല്‍കും.Dt.1.3.2018.
************************
സംസ്ഥാന വികലാംഗക്ഷേമ കോര്‍പ്പറേഷന്‍ നടപ്പാക്കുന്ന, 40 ശതമാനത്തിനു മുകളില്‍ കാഴ്ച വെല്ലുവിളി നേരിടുന്ന പ്ലസ് ടു, ഡിഗ്രി, പി.ജി തുടങ്ങിയ കോഴ്‌സുകളും മറ്റ് സാങ്കേതിക വിദ്യാഭ്യാസം ഉള്‍പ്പെടെയുള്ള ഉന്നത തുടര്‍ വിദ്യാഭ്യാസ കോഴ്‌സുകളും പഠിക്കുന്ന വിദ്യാര്‍ത്ഥികള്‍ക്കുള്ള ലാപ്‌ടോപ്പ് വിതരണം ചെയ്യുന്ന പദ്ധതിയില്‍ അപേക്ഷ ക്ഷണിച്ചു. അപേക്ഷാഫോറം www.hpwc.kerala.gov.in എന്ന വിലാസത്തില്‍ ആപ്ലിക്കേഷന്‍ ഓഫ് ലാപ്‌ടോപ്പ് ഫോര്‍ വിഷ്വലി ഇംപേര്‍ഡ് എന്ന ലിങ്കില്‍ നിന്നും ഡൗണ്‍ലോഡ് ചെയ്യണം. ഫോറത്തില്‍ നിര്‍ദ്ദേശിച്ചിരിക്കുന്ന മാനദണ്ഡമനുസരിച്ച് പൂരിപ്പിച്ച് സൂചനയിലെ രേഖകള്‍ ഉള്‍പ്പെടുത്തി മാനേജിംഗ് ഡയറക്ടര്‍, കേരള സംസ്ഥാന വികലാംഗക്ഷേമ കോര്‍പ്പറേഷന്‍, പൂജപ്പുര, തിരുവനന്തപുരം - 695012 എന്ന വിലാസത്തില്‍ മാര്‍ച്ച് അഞ്ചിന് മുമ്പ് സമര്‍പ്പിക്കണം. ഫോണ്‍ : 0471 - 2347768, 0471 2347152, 0471 - 2347153, 0471 -2347156, 9544286928.Dt.1.3.2018.
************************
കൈറ്റ് വിക്ടേഴ്‌സ് ചാനലില്‍ ഫെബ്രുവരി 24 രാത്രി 9.15 ന് തെലുങ്ക് ചലച്ചിത്രം തിലദാനവും 29 ന് രാവിലെ 9.15 ന് മണിപ്പൂരി ചലച്ചിത്രം സനാബിയും സംപ്രേഷണം ചെയ്യും. കെ.എന്‍.ടി. ശാസ്ത്രി സംവിധാനം ചെയ്ത് 2002 ല്‍ പുറത്തിറങ്ങിയതാണ് തിലദാനം. അരിബാം ശ്യാം ശര്‍മ സംവിധാനം ചെയ്ത് 1994 ല്‍ പുറത്തിറങ്ങിയ സനാബിയില്‍ ജെ. സുശീലാ, ദേവന്‍, കിരണ്‍മാല തുടങ്ങിയവരാണ് അഭിനേതാക്കള്‍.Dt.23.2.2018.
************************
ഫെബ്രുവരി 24ന് നടത്തുന്ന എല്‍.എസ്.എസ്, യു.എസ്.എസ് പരീക്ഷ രാവിലെ 10.15 മുതല്‍ വൈകുന്നേരം മൂന്ന് മണിവരെ കേരളത്തിലെ വിവിധ പരീക്ഷാ കേന്ദ്രങ്ങളില്‍ നടത്തും. എല്‍.എസ്.എസ് പരീക്ഷയ്ക്ക് 79,715 കുട്ടികളും യു.എസ്.എസ് പരീക്ഷയ്ക്ക് 57,250 കുട്ടികളും രജിസ്റ്റര്‍ ചെയ്തിട്ടുണ്ട്.Dt.23.2.2018.
************************
പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി 45000 ക്ലാസ്മുറികള്‍ ഹൈടെക്കാക്കുന്ന പശ്ചാത്തലത്തില്‍ ഡിജിറ്റല്‍ സംവിധാനം ഉപയോഗിച്ച് പഠിപ്പിക്കാന്‍ കഴിയുന്നതരത്തില്‍ എല്ലാ അദ്ധ്യാപകര്‍ക്കും അവധിക്കാലത്ത് പരിശീലനം നല്‍കാന്‍ പൊതുവിദ്യാഭ്യാസ സെക്രട്ടറി എ. ഷാജഹാന്റെ അധ്യക്ഷതയില്‍ നടന്ന വകുപ്പു ഡയറക്ടര്‍മാരുടെ യോഗം തീരുമാനിച്ചു. 'സമഗ്ര' റിസോഴ്‌സ് പോര്‍ട്ടല്‍ ഉപയോഗിച്ച് പഠിപ്പിക്കാനുള്ള പരിശീലനത്തിനാവശ്യമായ മൊഡ്യൂളുകളും ഡിജിറ്റല്‍ ഉള്ളടക്കവുമാണ് തയാറാക്കുന്നത്. ഡിജിറ്റല്‍ വിഭവങ്ങള്‍ ക്ലാസ്മുറിയില്‍ പ്രയോജനപ്പെടുത്താനും അക്കാദമിക് വിഷയങ്ങള്‍ കൂടുതല്‍ വ്യക്തതയോടെ കൈകാര്യം ചെയ്യാനും കഴിയുന്ന വിധത്തില്‍ മുന്‍കാല പരിശീലനങ്ങളിലെ അനുഭവം സ്വാംശീകരിച്ച് ഏറെ പുതുമയാര്‍ന്ന ഉള്ളടക്കമാണ് ഈ വര്‍ഷത്തെ അവധിക്കാല പരിശീലനത്തിന് തയ്യാറാക്കുന്നത്. ഇതിനായി അദ്ധ്യാപകരുടെ രജിസ്‌ട്രേഷന്‍, പരിശീലന ഷെഡ്യൂളിംഗ്, അറ്റന്റന്‍സ്, ഫീഡ്ബാക്ക് മുഴുവന്‍ കാര്യങ്ങളും ഓണ്‍ലൈനായി മോണിറ്റര്‍ ചെയ്യാന്‍ കൈറ്റ് സംവിധാനമൊരുക്കും. എസ്.സി.ഇ.ആര്‍.ടിയുടെ അക്കാദമിക് നേതൃത്വത്തില്‍ വിവിധ ഡയറക്ടറേറ്റുകളും എസ്.എസ്.എ., ആര്‍.എം.എസ്.എ. പ്രോജക്ടുകളും സംയുക്തമായാണ് മൊഡ്യൂള്‍ തയ്യാറാക്കുന്നത്. പരിശീലനത്തിന് അതത് മേഖലയിലെ വിദഗ്ധരെ ഉള്‍പ്പെടുത്തും.Dt.22.2.2018.
************************
45000 ക്ലാസ്മുറികള്‍ ഹൈടെക്കാകുന്ന പദ്ധതിയുടെ ഭാഗമായി ആദ്യഘട്ടത്തിലെ 21038 ക്ലാസ്മുറികളില്‍ മൗണ്ടിംഗ് കിറ്റ് ഇന്‍സ്റ്റലേഷനുള്ള നടപടിക്രമം പ്രസിദ്ധീകരിച്ചു. സ്‌കൂളുകള്‍ക്ക് ലഭ്യമാക്കിയിട്ടുള്ള പ്രൊജക്ടര്‍ മൗണ്ടിംഗ് കിറ്റ്, എച്ച്.ഡി.എം.ഐ കേബിള്‍, ഫേസ്‌പ്ലേറ്റ് എന്നിവ ഉപയോഗിച്ച് പ്രാദേശികമായി ലഭ്യമാകുന്ന വിദഗ്ധരുടെ സഹായത്തോടെ സ്‌കൂളുകള്‍ ഇന്‍സ്റ്റലേഷന്‍ പ്രവര്‍ത്തനങ്ങള്‍ നടത്തുന്നതിനുള്ള പരിശീലനം എല്ലാ ജില്ലകളിലും നടക്കുന്നു. ഇവ വിശദീകരിക്കുന്ന സര്‍ക്കുലറും മാര്‍ഗരേഖയും മുപ്പതു മിനിറ്റ് ദൈര്‍ഘ്യമുള്ള വീഡിയോയും കൈറ്റ് (കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍) തയാറാക്കിയിട്ടുണ്ട്. ഇതോടൊപ്പം സ്‌ക്രീന്‍ ആവശ്യമില്ലാത്തയിടങ്ങളില്‍ ഭിത്തി പെയിന്റ് ചെയ്ത് പ്രതല സജ്ജീകരണം നടത്തുന്നതിന്റെ വിശദാംശങ്ങളും പ്രസിദ്ധീകരിച്ചിട്ടുണ്ട്. ഒരു ക്ലാസ്മുറിയില്‍ ഇന്‍സ്റ്റാള്‍ ചെയ്യുന്നതിന് പരമാവധി 1000 രൂപയും ഭിത്തി പെയിന്റ് ചെയ്ത് സ്‌ക്രീന്‍ ആക്കുന്നതിന് 1500 രൂപയും കൈറ്റ് ലഭ്യമാക്കും. ഹൈടെക് പദ്ധതിയിലുള്ള സ്‌കൂളുകള്‍ ഇതിനായി www.survey.itschool.gov.in ല്‍ ഫെബ്രുവരി 26 നകം ഓണ്‍ലൈനായി അപേക്ഷ സമര്‍പ്പിക്കണമെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു. സര്‍ക്കുലറുകളും വിശദാംശങ്ങളും www.kite.kerala.gov.in ല്‍ ലഭ്യമാണ്.Dt.22.2.2018.
************************
സംസ്ഥാന വികലാംഗക്ഷേമ കോര്‍പ്പറേഷന്‍ നടപ്പാക്കുന്ന, 40 ശതമാനത്തിനു മുകളില്‍ കാഴ്ച വെല്ലുവിളി നേരിടുന്ന പ്ലസ് ടു, ഡിഗ്രി, പി.ജി തുടങ്ങിയ കോഴ്‌സുകളും മറ്റ് സാങ്കേതിക വിദ്യാഭ്യാസം ഉള്‍പ്പെടെയുള്ള ഉന്നത തുടര്‍ വിദ്യാഭ്യാസ കോഴ്‌സുകളും പഠിക്കുന്ന വിദ്യാര്‍ത്ഥികള്‍ക്കുള്ള ലാപ്‌ടോപ്പ് വിതരണം ചെയ്യുന്ന പദ്ധതിയില്‍ അപേക്ഷ ക്ഷണിച്ചു. അപേക്ഷാഫോറം www.hpwx.kerala.gov.in എന്ന വിലാസത്തില്‍ ആപ്ലിക്കേഷന്‍ ഓഫ് ലാപ്‌ടോപ്പ് ഫോര്‍ വിഷ്വലി ഇംപേര്‍ഡ് എന്ന ലിങ്കില്‍ നിന്നും ഡൗണ്‍ലോഡ് ചെയ്യണം. ഫോറത്തില്‍ നിര്‍ദ്ദേശിച്ചിരിക്കുന്ന മാനദണ്ഡപ്രകാരം പൂരിപ്പിച്ച് സൂചനയിലെ രേഖകള്‍ ഉള്‍പ്പെടുത്തി മാനേജിംഗ് ഡയറക്ടര്‍, കേരള സംസ്ഥാന വികലാംഗക്ഷേമ കോര്‍പ്പറേഷന്‍, പൂജപ്പുര, തിരുവനന്തപുരം - 695012 എന്ന വിലാസത്തില്‍ മാര്‍ച്ച് അഞ്ചിന് മുമ്പ് സമര്‍പ്പിക്കണം. ഫോണ്‍ : 0471 - 2347768, 0471 2347152, 0471 - 2347153, 0471 -2347156, 9544286928.Dt.22.2.2018.
************************
2018-19 സാമ്പത്തിക വർഷത്തിൽ എം.സി.എം (മെറിറ്റ്-കം-മീൻസ്) സ്‌കോളർഷിപ്പ് ലഭിക്കുന്നതിന് സ്‌കൂളുകൾ, കോളേജുകൾ തുടങ്ങിയ വിദ്യാഭ്യാസസ്ഥാപനങ്ങൾ നാഷണൽ സ്‌കോളർഷിപ്പ് പോർട്ടലിൽ മാർച്ച് 31 നകം രജിസ്റ്റർ ചെയ്യണം. വിശദവിവരങ്ങൾ www.dtekerala.gov.in ലെ MCM scholarship എന്ന ലിങ്കിലും www.scholarship.gov.in ലും ലഭ്യമാണ്. Dt.20.2.2018.
************************
ഹയര്‍ സെക്കണ്ടറി പരീക്ഷകള്‍ക്കു മുന്നോടിയായി സ്‌കോള്‍ കേരള കൗണ്‍സലിംഗ്/മോട്ടിവേഷന്‍ ക്ലാസ് സംഘടിപ്പിക്കുന്നു. വിദ്യാര്‍ത്ഥികള്‍ക്കും രക്ഷകര്‍ത്താക്കള്‍ക്കും ഉണ്ടാകുന്ന മാനസിക സംഘര്‍ഷം ലഘൂകരിക്കുകയാണ് ലക്ഷ്യം. കേരള സര്‍വ്വകലാശാല തുടര്‍ വിദ്യാഭ്യാസവ്യാപന കേന്ദ്രത്തിന്റെ അക്കാദമിക സഹകരണത്തോടെയാണ് സംഘടിപ്പിക്കുന്നത്. തിരുവനന്തപുരം - ഗവ മോഡല്‍ ബോയ്‌സ് എച്ച്.എസ്.എസ്.എസ്., തൈക്കാട്, പത്തനംതിട്ട - ജി.എച്ച്.എസ്.എസ്. പത്തനംതിട്ട, ആലപ്പുഴ - ചേര്‍ത്തല ജി.എച്ച്.എസ്.എസ്, കോട്ടയം - ജി.എച്ച്.എസ്.എസ് ചങ്ങനാശ്ശേരി, ഇടുക്കി - ജി.ജി.എച്ച്.എസ്.എസ് തൊടുപുഴ, തൃശൂര്‍ - ഗവ: മോഡല്‍ ജി.എച്ച്.എസ്.എസ്. തൃശൂര്‍, കാസര്‍ഗോഡ് - ജി.എച്ച്.എസ്.എസ്. കുമ്പള, വയനാട് - ജി.എച്ച്.എസ്.എസ്. മീനങ്ങാടി, എന്നിവിടങ്ങളില്‍ ഫെബ്രുവരി 24 നും കൊല്ലം - ജി.എച്ച്.എസ്.എസ്. കരുനാഗപ്പള്ളി, എറണാകുളം - ജി.ജി.എച്ച്.എസ്.എസ്. കൊച്ചി, പാലക്കാട് - ഗവ: മോയന്‍സ് എച്ച്.എസ്.എസ്. പാലക്കാട്, മലപ്പുറം - ഗവ. രാജാസ് എച്ച്.എസ്.എസ്. കോട്ടയ്ക്കല്‍, കോഴിക്കോട്- ഗവ: മോഡല്‍ ബോയ്‌സ് എച്ച്.എസ്.എസ്. കോഴിക്കോട്, കണ്ണൂര്‍ - ജി.എച്ച്.എസ്.എസ് പള്ളിക്കുന്ന് എന്നിവിടങ്ങളില്‍ ഫെബ്രുവരി 25 നുമാണ് ക്ലാസ്സ്.Dt.22.2.2018.
************************
സെറ്റ് പരീക്ഷ ഫെബ്രുവരി 25ന് എല്ലാ ജില്ലാ ആസ്ഥാനങ്ങളിലുമുള്ള പരീക്ഷാ കേന്ദ്രങ്ങളില്‍ നടത്തും. സെറ്റ് പരീക്ഷ എഴുതാന്‍ അപേക്ഷ സമര്‍പ്പിച്ചിട്ടുള്ളവര്‍ ഹാള്‍ടിക്കറ്റുകള്‍ www.lbscentre.org, www.lbskerala.com എന്നീ വെബ്‌സൈറ്റുകളില്‍ നിന്നും ഡൗണ്‍ലോഡ് ചെയ്യണം. ഇവ തപാല്‍ മാര്‍ഗം ലഭിക്കില്ല. ഫോട്ടോ പതിച്ച ഒറിജിനല്‍ തിരിച്ചറിയല്‍ കാര്‍ഡ് ഹാജരാക്കാത്ത പരീക്ഷാര്‍ത്ഥികളെ പരീക്ഷ എഴുതാന്‍ അനുവദിക്കില്ല. ഫോണ്‍ : 0471 2560311, 312, 313.Dt.19.2.2018.
************************
മാര്‍ച്ചില്‍ നടക്കുന്ന എസ്.എസ്.എല്‍.സി പരീക്ഷയുടെ ഉത്തരക്കടലാസുകള്‍ മൂല്യനിര്‍ണയം നടത്തുന്നതിന് എച്ച്.എസ്.എമാരില്‍ നിന്നും അപേക്ഷകള്‍ ക്ഷണിച്ചു. യോഗ്യരായ അധ്യാപകര്‍ നിശ്ചിത ഫോര്‍മാറ്റിലുളള അപേക്ഷകള്‍ ഫെബ്രുവരി 20ന് മുമ്പ് പ്രഥമാധ്യാപകര്‍ക്ക് അപേക്ഷ നല്‍കണം. ഫെബ്രുവരി 21 മുതല്‍ പ്രഥാമാധ്യാപകര്‍ക്ക് iExaMS ല്‍ HM Login വഴി അപേക്ഷകളുടെ വിവരങ്ങള്‍ ഓണ്‍ലൈനായി സമര്‍പ്പിക്കാം. എല്ലാ അപേക്ഷകളും സമര്‍പ്പിച്ചശേഷം Confirm Button ല്‍ Click ചെയ്ത് അപേക്ഷകര്‍ സമര്‍പ്പണം പൂര്‍ത്തീകരിക്കണം. അവസാന തീയതി ഫെബ്രുവരി 28. മാര്‍ച്ച് അഞ്ച് മുതല്‍ പോസ്റ്റിംഗ് ഓര്‍ഡര്‍ ഡൗണ്‍ലോഡ് ചെയ്യാം.Dt.16.2.2018.
************************
2018 മാര്‍ച്ച് എസ്.എസ്.എല്‍.സി/ടി.എച്ച്.എസ്.എല്‍.സി ഹാള്‍ടിക്കറ്റ് പോര്‍ട്ടലില്‍ ലഭിക്കും. പരീക്ഷ എഴുതുന്ന റെഗുലര്‍ വിദ്യാര്‍ത്ഥികളുടെ ഹാള്‍ടിക്കറ്റ് ഐ എക്‌സാംസ് (iExaMS) HM, SUPDNT/PRINCIPAL ലോഗിനില്‍ ലഭ്യമാണ്. മുന്‍കൊല്ലങ്ങളില്‍ നിന്നും വ്യത്യസ്ഥമായി വിദ്യാര്‍ത്ഥിയുടെ പ്രാദേശിക ഭാഷയിലുള്ള പേരും നിരന്തരമൂല്യ നിര്‍ണയമാര്‍ക്കും ഉള്‍പ്പെടുത്തിയാണ് ഹാള്‍ടിക്കറ്റ് തയാറാക്കിയിട്ടുള്ളത്. ഫെബ്രുവരി 21 ന് മുമ്പ് എല്ലാ വിദ്യാര്‍ത്ഥികള്‍ക്കും ഹാള്‍ടിക്കറ്റ് വിതരണം ചെയ്യണമെന്ന് പരീക്ഷ ജോയിന്റ് കമ്മീഷണര്‍ അറിയിച്ചു. Dt.16.2.2018.
************************
സ്‌കോള്‍ കേരള മുഖേന 2017-19 ബാച്ചിലേക്ക് ഓണ്‍ലൈനായി രജിസ്റ്റര്‍ ചെയ്യുകയും പ്രവേശനം നിഷേധിക്കപ്പെടുകയും ചെയ്ത എന്‍.ഐ.ഒ.എസ് വിദ്യാര്‍ത്ഥികള്‍ക്ക് പ്രവേശനത്തിനായി പ്രത്യേക അവസരം നല്‍കുന്നു. നേരത്തേ രജിസ്റ്റര്‍ ചെയ്ത വിദ്യാര്‍ത്ഥികളുടെ പട്ടികയും മാര്‍ഗനിര്‍ദ്ദേശങ്ങളും www.scolekerala.org ല്‍ പ്രസിദ്ധീകരിച്ചിട്ടുണ്ട്. നിര്‍ദ്ദിഷ്ട രേഖകള്‍ സഹിതം ഫെബ്രുവരി 19, 20, 21 തീയതികളില്‍ സ്‌കോള്‍ കേരളയുടെ സംസ്ഥാന ഓഫീസില്‍ നേരിട്ടെത്തി പ്രവേശനം നേടാം. വിശദവിവരങ്ങള്‍ക്ക് 0471 - 2342950, 2342369.Dt.16.2.2018.
************************

 

Ranjith Kumar A.K